To the extent possible under law, the Text Creation Partnership has waived all copyright and related or neighboring rights to this keyboarded and encoded edition of the work described above, according to the terms of the CC0 1.0 Public Domain Dedication (http://creativecommons.org/publicdomain/zero/1.0/). This waiver does not extend to any page images or other supplementary files associated with this work, which may be protected by copyright or other license restrictions. Please go to http://www.textcreationpartnership.org/ for more information.
A quo tempore Mars in judicium capitis arcessitus est à Neptuno patruo su∣per occiso Halirrothio hujus filio, eoque criminis absoluto, locus judicii dictus est Arius pagus, sive Martia rupes, ponuntur Marmoreo Chronico anni 1268
ante ipsius finem, (id est, 1580. ante Evangelium) regnante Athenis Cranao; nimirum anno regni ejus primo, post Cecropis annos 50. At in Eusebii Chro∣nico, ex Arnoldi Pontaci editione, collatâ praecipue ad Henrici-Petrinam Ba∣sileensem, vulgari anno Dom. 1529. factam, tanquam aliis castigatiorem, ad annum ante Evangelium 1536, regni autem Cecropis 49, sive penultimum, le∣gitur; "Areopagus apud Athenas nomen judicii constitutus, id est, tribunal Ju∣dicii Athenis constitutum loco, qui ex eo tempore nomen obtinuit ut dicere∣tur Areopagus; nimirum à Martis in judicium ibi vocati absolutione à crimine caedis Halirrothii patruelis sui, filii Neptuni." De hac autem caede duplex fertur Narratio, altera fabulae propior, altera historica verisimilior. Utraque vero satis apte quadrat tempori assignato Marmoreâ Inscriptione. Fabulam narrat Servius Honoratus Virgilii Scholiastes in illud Georgicorum, Oleaeque Minerva Inventrix—, his verbis. "Eo tempore (scilicet Minerva invenit o∣leam) quo adversum Neptunum de nomine Civitatis Athenarum (ipsa dicta Graece 〈 in non-Latin alphabet 〉〈 in non-Latin alphabet 〉) contendit: Quod (inquit) jam supra dictum est. Cui fabulae hoc additur, quod postquam Minerva Neptunum inventâ oleâ vicerit, indi∣gne ferens Halirrothius Neptuni filius, oleas coepit excidere; cui dum hoc fa∣cit, ferrum de manu decidit, & ei caput amputavit. Neptunus vero dolens filii sui obitum, Martem homicidii coepit arguere. Inde effectum est ut Mars & Neptunus de hac re judicium apud Athenas experirentur, unde locus ubi Judices sederunt Areopagus (nimirum quod Mars ibi causâ vicerit) Judices au∣tem Atheniensium (sc. in causis capitalibus, sive quibus capitis rei aguntur) Areopagitae appellati." Hactenus Servius. Igitur hoc acciderit quoad annos Regum Atticorum, tantummodo biennio serius; & quoad Epocham Evangelii annis 24, (intra idem biennium sc. illis supradictis, 26 sitûs regni illorum) ci∣tius Chronico Marmoreo quam Eusebiano. Judicium vero de contentione Neptuni & Minervae super nomine regionis & urbis Athenarum notatur Euse∣biano, regni Cecropis anno 23, ac ante Evangelium 1562, quod Marmoreo juxta eundem viginti sex annorum superiorem & antiquiorem situm regni Ce∣cropis, commodissime convenit regni ejus anno 49, biennio ante litem Ne∣ptuni & Martis. Verum historiam de illa caede & lite Apollodorus libro 3. narrat in hanc sententiam, quod Mars Halirrothium Neptuni ex Euryta Nym∣pha, filium deprehensum in violanda pudicitia Alcippae filiae suae, neptis autem Cecropis ex ejus filiâ Aglauro, interfecerit. Apollodori testimonium de causa caedis Halirrothii confirmat Pausanias in Atticis, ita scribens, 〈 in non-Latin alphabet 〉〈 in non-Latin alphabet 〉. Est in Aesculapii aede fons, apud quem aiunt Neptuni filium Halirrothium, quum filiae Martis Alcippae pudorem violasset, morte mulcta∣tum esse à Marte, primumque capitis judicium de hac caede fuisse factum. Posteaque 〈 in non-Latin alphabet 〉〈 in non-Latin alphabet 〉. Juxta Apollinis & Panis aedem est Arius pagus. Dictus autem est Arius pagus, quia primus Ares nempe Mars ibi judicium capitis sub∣iit. Dictum vero mihi superius, ut Halirrothium interfecerit, & quam ob causam. Atque ibidem postea Orestem aiunt subiisse capitis judicium de caede matris. Porro celebrem fuisse historiam caedis Halirrothii inde liquet, quia Libanius Sophista pro subjecto contrariarum Declamationum, Neptuni sc. ac∣cusantis, Martis autem defendentis eam sumsit, Declam. 22, & 23. Itaque aeque convenit initio regni Cranai, quod Alcippe Cecropis ex Aglauro filiâ neptis, tunc fere nubilis fuerit, atque antiquiori viginti sex annis situi regni Cecropis, quod Mars tunc ex Aglauro ejusdem filiâ Alcippem jam fere maturam viro susceperit.