Bedydd plant or nefoedd, neu, Draethawd am natur a diben bedydd yn profi trwy ddeuddeg o resymmau scrythuraidd y dylid bedyddio plant y ffyddloniaid / o waith James Owen ......

PEN. XII. (Book 12)

Mae gan blant hawl i fedydd, o her∣wydd i Joan fedyddio plant yn ol arferiad eglwys yr Iddewon. (Book 12)

IX. Rheswm.

OS bedyddiodd Joan blant by∣chain, mae bedydd yn per∣thyn iddynt yn wastadol, Canys yr un oedd sylwedd bedydd Joan, a be∣dydd yr Apostolion. Yr oedd ef yn bedyddio i enw Christ i ddyfod, yr oeddent hwythau yn bedyddio i enw Christ yr hwn oedd wedi dyfod.

Eithr yr hyn yr ydym iw brofi yn y bennod hon yw i Joan fedyddio plant bychain. I amlygu hyn, ysty∣riwn,

1. Ni ddaeth Joan Fedyddiwr i ddirymmu Cyfammod Abraham, ond yn hytrach i gyflawni ef. Gy∣fammod Abraham oedd, y byddei Duw yn Dduw iw bobl ac iw had. Yr oedd holl eglwys weledig yr Idde∣won yn y Cyfammod hwn. Mae

Joan yn eu rhybuddio na ymddirie∣dont* 1.1 i ragorfreintiau y Cyfammod hwn trwy fyw yn annuwiol; eithr nid ydyw mewn un lle yn dirymmu y Cyfammod hwn, ond yn hytrach yn ei siccrhau, gan ddywedyd y cy∣fyd Duw blant eraill i Abraham, os ni ddug yr Iddewon ffrwythau addas i edifeirwch.

Fe ddaeth i fedyddio hád Abra∣ham, y rhai oeddent oll ynghyfam∣mod Duw, nid yn unig y rhieni, ond y plant hefyd. Ac am hynny yr oedd gan y plant yr un hawl i fe∣dydd ac oedd gan y rhieni, o her∣wydd eu bod yn hád Abraham. Yr oedd ei fedydd ef or un helaethrwydd ac enwaediad, megis yr oedd yr holl wlad tan yr Enwaediad, felly y mae Joan yn eu derbyn iw fedydd, ni wrthododd ef neb a ddeuei iw fe∣dydd ef, eithr derbyniodd Bublica∣nod, Sadducceiaid, Pharisaeaid, ▪sef* 1.2 cenhedlaeth gwiberod, ac a ydyw de∣bygol iddo wrthod plant bychain?

Yr oedd Joan yn rag-flaenor Christ, ac am hynny ni ddaeth ef i ddirym∣mu'r Cyfammod, yr hwn yr oedd Christ ei hun yn dyfod iw gyflawni.

Efe a gynnorthwyodd ei was Israel, gan* 1.3 gofio ei drugaredd, fel y dywedodd wrth ein tadau, Abraham ai had yn dragy∣wydd.* 1.4 Gwnaed Jesu Ghrist yn wei∣nidog ir Enwaediad, er mwyn gwirio∣nedd Duw, er mwyn cadarnhau yr addewidion a wnaethpwyd ir tadau.* 1.5 Felly os daeth Christ i gyflawni cy∣fammod Abraham, ni ddaeth Joan fedyddiwr i ddirymmu mo honaw, ac am hynny yr oedd yn rhwym i fedyddio'r plant gydâ eu rhieni.

2. Fe ddaeth Joan i baratoi ffordd ir Arglwydd. Diben ei fedydd ef oedd rhwymo yr holl bobl i gredu yn yr Arglwydd Jesu, yr hwn oedd ar ddy∣fod. Joan yn ddiau a fedyddiodd â* 1.6 bedydd edifeirwch, gan ddywedyd wrth y bobl am gredu yn yr hwn oedd yn dyfod ar ei ol ef, sef yn Ghrist Jesu.

Nid oedd ffydd yn ammod o fe∣dydd Joan, eithr yn ddiben o ho∣naw, yr oedd ei fedydd ef yn gosod rhwymedigaeth neullduol ar holl hád Abraham i dderbyn Christ pan yr ymddangosei ef. Canys nid oedd Joan ei hun yn ei adnabod ef ar y* 1.7 dechreuad.

Yr oedd plant megis eraill yn rhwym ei dderbyn ef fel y deuent i oedran, ac o herwydd bod bedydd yn arwydd or rhwymedigaeth hyn∣ny, yr oedd yn perthyn iddynt hwy megis iw rhieni. Ni pharaod Joan i fedyddio oddi eithr tair blynedd, ac am hynny os ni fedyddiwyd plant yr Iddewon gan Joan, ni fedyddi∣wyd mo honynt hwy oll â bedydd Joan, ac os felly nid oeddent hwy tan yr un rhwymedigaeth i dderbyn Christ, ac yr oedd eu tadau. Os Ordinhád Duw oedd bedydd Joan i* 1.8 osod pawb tan rwymedigaeth i dder∣byn yr Arglwydd Jesu tan boen damnedigaeth, ni adawodd Joan blant bychain heb fedydd, oddi eithr i ni feddwl, na fynnei ef ei rhwymo hwynt i gredu yn Ghrist, ond eu gadael iw dewisiad eu hun pan ddeu∣ent i oedran, naill ai i dderbyn, neu i wrthod Christ. Na atto Duw i ni feddwl fod Joan mor anffyddlon yn ei weinidogaeth.

A oedd yr enwaediad yn rhwymo plant i gredu ynghrist? os gallent dderbyn rhwymedigaeth enwaediad, pa faint mwy y gallent, ac y dylent

dderbyn rhwymedigaeth bedydd, yr hwn a Ordeiniodd Duw trwy orch∣wyliaeth neullduol i ddarparu ir Ar∣glwydd bobl barod.* 1.9

3. Yr oedd plant bychain yn am∣ser Joan yn aelodau o eglwys Dduw, ni all neb ammeu hynny, o herwydd bod enwaediad, sel y Cyfammod ar∣nynt. Yr oedd holl hád Abraham yr amser hwnnw yn eglwys weledig i Dduw, ai unig eglwys ef ar y ddai∣ar oeddent hwy. Nid oeddent allan or eglwys cyn ei bedyddio, ni dder∣byniwyd monynt i eglwys Dduw trwy fedydd, megis rhai nad oeddent o honi or blaen. Eithr bedyddiwyd yr holl wlad, o herwydd eu bod yn aelodau gweledig o eglwys Dduw. Ac o herwydd bod plant bychain yn aelodau o'r eglwys weledig, yr ydo∣edd bydydd Joan yn perthyn iddynt.

Ni ddaeth Joan i dynnu i lawr eglwys yr Iddewon, neu i gyfyngu eu sylfaenau hi; y mae ef yn dywe∣dyd fod y fwyall wedi ei gosod ar* 1.10 wreiddyn y prennau; eithr ni thor∣rodd ef i lawr yr un gangen. Y mae yn bwgwth y bydd i Ghrist lwyr lanhau i lawr dyrnu, a llosai yr us a* 1.11

than, eithr ni fwrodd ef neb allan oedd ar y llawr dyrnu. Ac am hynny derbyniodd blant megis eraill iw fedydd, o herwydd eu bod yn ae∣lodau o eglwys Dduw.

4. Nid oes ammeu na ddygodd y rhieni eu plant gydâ hwynt i fedydd Joan. Canys, 1. Yr ydoedd Duw wedi gorchymmyn iddynt ddwyn eu plant ir gynnulleidfa i fyned tan* 1.12 gyfammod Duw. Deut. 29. 9, 10, 11, 12. 2. Yr oedd eu Zeal hwynt yn fawr am ragorfreintiau eu plant. Act. 15. 1, 2—. Ac am hynny pe* 1.13 gwrthodasei Joan eu plant, ni ddae∣thent mor ewyllysgar iw fedydd ef. 3. Hwy a ddygasant eu plant at Ghrist. Ac am hynny dygasant eu* 1.14 plant gydâ hwynt at fedydd Joan. 4. Peth arferol oedd bedydd plant yn eglwys yr Iddewon lawer cant o flynyddoedd cyn amser Joan. Yr oedd bedydd yn beth adnabyddus iddynt, ac am hynny pan ddanfo∣nodd y Cyngor o Gaersalem i holi Jo∣an, nid ydynt yn ammeu ei fedydd ef, ond ei awdurdod ef i fedyddio. Pa bam yr wyti yn bedyddio▪ Mae* 1.15 Moses Ben Maimon, yr hwn a gas∣clodd

ynghyd ddefodau hen Eglwys* 1.16 yr Iddewon, yn dywedyd, Trwy dri pheth yr aeth Israel tan gyfammod, trwy enwaediad, bedydd ac aberth. Drachefn, nidyw neb yn broselyt, nes enwaedu arno, ai fedyddio.

Rabbi Hona a ddywed▪ y maent yn be∣dyddio* 1.17 plant bychain trwy drefnid y Cyn∣gor. Chwanega'r gwyr doethion, os nid oes gantho dad, ai ddwyn gan ei fam iw wneuthur yn broselyt, hwy ai be∣dyddiant, o herwydd nad oes un prose∣lyt heb enwaediad a bedydd. Wrth y tystiolaethau hyn, ac amryw eraill a allwn ni eu henwi, y mae yn eglur fod bedydd plant yn beth Cyffredi∣nol ymhlith yr Iddewon, a hynny yw un achos nad yw'r Testament Newydd yn són yn helaethach am fedydd plant, o herwydd bod yr ar∣feriad o honaw mor gyffredinawl yn Eglwys yr Iddewon. Nid yw Christ ai Apostolion mewn un lle yn eu ce∣ryddu am wneuthur felly, fel y ma∣ent am olchiadau eraill. Yr oedd yr arferiad hwn o fedyddio plant yn guttun ac ewyllys Duw, ac wedi parhau yn yr Eglwys honno oddiar amser Jacob, fel y barna Rabbi's

yr Iddewon, ac y nodasom or blaen.

Am hynny yn ddi-ddadl dygpwyd plant bychain i fedydd Joan, yr hwn oedd yn rhwym iw derbyn ai bedyddio, fel y profasom or blaen.

5. Bedyddiodd Joan blant by∣chain, Canys efe a fedyddiodd yr holl wlad yn gyffredinawl, or hon yr oedd plant bychain yn rhan fawr. Ni wrthododd ef neb a ddaeth, neu a ddycpwyd atto. Mat. 3. 5. 6. Yna yr aeth allan atto ef Jerusalem, a holl Judaea, ar holl wlad o amgylch yr Jorddonen, a hwy a fedyddiwyd gan∣ddo ef yn yr Jorddonen. Act. 13. 24. Gwedi i Joan rag-bregethu bedydd edifeirwch i holl bobl Israel. Os be∣dyddiodd ef Jerusalem, a holl Ju∣daea, ar holl wlad o amgylch yr Jor∣ddonen, ar holl bobloedd, y mae yn siccr iddo fedyddio plant bychain, oddi eithr i ni dybied nad oedd dim plant yn Jerusalem, nac yn holl Ju∣daea. Gobeithio nad rhaid i ni bro∣fi fod rhai plant bychain yn yr holl wlad, fel yr ydys yn galw arnom ni i bron fod rhai yn y teuluoedd Cy∣fain a fedyddiodd yr Apostolion. Os

oes rhai teuluoedd heb blant ynthynt, nid oes yr un ddinas gyfanneddol heb blant, a phe digwyddei fod y Cyfryw ddinas, nid oes yr un wlad gyfanneddol heb blant ynthi. Ac am hynny os bedyddiodd Joan yr holl wlad, ar holl bobl, efe a fedy∣ddiodd blant hefyd.

Os dywed neb, nad yw'r Efan∣gylwyr yn enwi plant bychain, gwir yw, yr un modd y gallaf finnau ddy∣wedyd, nid ydynt yn enwi na gwyr na gwragedd, nac jefangc na hén, etto diammeu ydyw i Joan fedyddio y naill ar llall.

Gwrthdd. Y rhai a fedyddiodd Joan a gyffesodd eu pechodau yr hyn ni allei plant i wneuthur, Mat. 3. 6.

Atteb. Nid yw'r Text yn dywe∣dyd pa fath oedd y Gyffes hon, ai mewn gair, ai ynteu mewn gweithred. Yr oedd eu darostyngiad i fedydd yn gyffes ar weithred eu bod yn aflan, a bod arnynt eisiau eu golchi. Nid yw debygol mae Cyffes mewn geiriau ••edd, Canys ni allei un gwr dder∣byn Cyffes neullduol gan yr holl wlad. Os mewn geiriau yr oeddent yn Cyffesu, y mae yn debygol i rai i

wneuthur Cyffes yn enw eraill, fel y gwnae yr Offeiriad yn enw yr holl bobl. Fel hyn y gallei y rhieni gy∣ffesu* 1.18 pechod trostynt eu hunain, a∣thros eu plant; ac yr ydoedd Duw yn derbyn y Cyfryw gyffes oddiwrth y ffyddloniaid tros eu plant. Ac* 1.19 am hynny y mae Duw yn gorchy∣myn caselu y plant sydd yn sugno ar y bronnau i ymddangos ger ei fron ef ar ddydd ympryd. Gwaith dydd ym∣pryd* 1.20 yw Cyffesu pechod, yr hyn ni allei plant yn sugno ar y bronnau i wneuthur, etto mae Duw yn gor∣chymyn i rhieni gyflwyn eu plant ger bron yr Arglwydd, ac yn der∣byn eu Cyffes hwynt tros eu plant.

Gwrthdd. Y rhai a fedyddiodd Jo∣an a ddaeth atto ef. Ni allei plant* 1.21 ddyfod.

Att. Hwy a allent ddyfod atto ef er ei eraill eu dwyn hwynt. Mae Christ yn dyweyd am y plant by∣chain a ddygpwyd atto ef, gadewch i blant bychain ddyfod attafi.* 1.22

Num. 20. 1. A meibion Israel sef yr holl gynnulleidfa a ddaethant i ani∣alwch Sin. Yr oedd miloedd o blant yn y gynnulleidfa hon, ac am hynny

hwy a ddaethant gydâ ei tadau, Ca∣nys ni adawsant monynt ar eu hol. Mae Christ yn dywedyd am y gyn∣nulleidfa hynny o bedair mil heb law gwragedd a phlant a borthodd ef yn y diffaethwch, i rai o honynt ddyfod o bell. Yr oedd plant yn eu plith* 1.23 hwynt, ac etto daethant hwy megis eu rhieni at Ghrist, ac am hynny nid yw yn Canlyn na fedyddiodd Jo∣an blant bychain, er bod y scrythur yn dywedyd, i'r rhai a fedyddiwyd gantho ef ddyfod atto ef.

Oddiwrth y Cyfan y mae yn Can∣lyn i Joan fedyddio plant bychain gydâ eu rhieni, ac am hynny y dylid eu bedyddio yr awrhon megis gynt, Canys ni wnaeth Duw ddim gwaha∣niaeth* 1.24 rhyngom ni ar Iddewon, ond bod ein ragorfreintiau ni yn helaeth∣ach ac yn ysgafnach tan yr Efengyl. Gweinidogaeth a bedydd Joan oedd dechreu Efengyl Jesu Ghrist, ac am* 1.25 hynny o herwydd iddo ef fedyddio plant bychain, y mae bedydd yn per∣thyn iddynt ymhob oes tan yr Efen∣gyl. See more of this Subject in Jo∣shua Exel's Serious Inquiry.

Notes

• * 1.1

  Mat. 3. 9.
• * 1.2

  Mat. 3. 7, 8.
• * 1.3

  Lu. 1. 54, 55, 72, 73.
• * 1.4

  Rhuf. 15. 8.
• * 1.5

  Act. 3. 25, 26.
• * 1.6

  Act. 19. 4▪
• * 1.7

  Jo. 1. 31.
• * 1.8

  Act. 3 22, 23.
• * 1.9

  Lu. 1. 17.
• * 1.10

  Mat. 3. 10.
• * 1.11

  Mat. 3. 12.
• * 1.12

  Deut. 31. 10, 11, 12. Josh. 8. 35.
• * 1.13

  Act. 21. 20.
• * 1.14

  Mat. 19. 13, 14. & 15. 31. & 14. 21.
• * 1.15

  Jo. 1. 25.
• * 1.16

  Maim. in Issure Biah. perek. 13. Ibid. vid. Grot. in Mat. 3. 6.
• * 1.17

  In Lights. Vol. I. p. 526, 527.
• * 1.18

  Lev. 16. 21
• * 1.19

  Ezr. 10. 1.
• * 1.20

  Joel 2. 12, 16. 2 Chron. 20 3. 4, 13.
• * 1.21

  Lu. 3. 7.
• * 1.22

  Mat. 19. 13, 14.
• * 1.23

  Mat. 15. 38 Mar. 8. , 9.
• * 1.24

  Act. 15. 9.
• * 1.25

  Mar. 1. 1.