Bedydd plant or nefoedd, neu, Draethawd am natur a diben bedydd yn profi trwy ddeuddeg o resymmau scrythuraidd y dylid bedyddio plant y ffyddloniaid / o waith James Owen ......

PEN. VII. (Book 7)

Yn profi y dylid bedyddio plant y ffydd∣loniaid o herwydd eu bod yn san∣cteidd, 1 Cor. 7. 14. (Book 7)

Rheswm IV.

OS yw plant y ffyddloniaid yn sanctaidd, mae bedydd yn perthyn iddynt; canys addef pawb fod sancteiddrwydd yn rhoddi hawl i fedydd, os addefant bod ffydd, yn rhoddi hawl, yr hon yw gwreiddyn sancteiddrwydd mewn rhai o oe∣dran.

Eithr pa fodd y dengys eu bod yn sanctaidd? Mae'r yspryd glan yn dywedyd felly. 1 Cor. 7. 14. Pe amgen aflan yn ddiau fyddei eich plant, eithr yn awr sanctaidd ydynt. Mae'r Apostl yn y geiriau hyn yn atteb i amheuaeth rhai or Corinthiaid a gre∣dent, a oedd gyfreithlon iddynt drigo yn y stát briodas gydâ rhai di-gred.* 1.1 Nid heb achos yr oeddent yn am∣mheu hyn, o herwydd i Ezra orchy∣myn

bwrw ymaith wragedd eulun a∣ddolgar ynghyd ai plant. Mae Paul* 1.2 yn atteb, na ddylent wneuthur felly yn awr.

1. O herwydd y sancteiddir y gwr digred trwy'r wraig sy'n credu, ar wraig ddigred a sancteiddir trwy'r gwr syn credu.

2. Mae'r plant a enir yn y Cy∣fryw stat yn sanctaidd, fel pe bae'r ddau yn credu.

Eithr y questiwn yw, ymha ysty∣riaeth y maent yn sanctaidd. Siccr yw, mae nid meddwl yr Apostol yw, bod y cyfryw blant yn blant cyfreithlon yn unig, ac nid yn fastardiaid, Ca∣nys ni chymmerir y gair sanctaidd mewn un lle yn yr scrythur yn yr ystyriaeth hon, ac y mae plant y pa∣ganiaid digred yn blant Cyfreithlon, nid bastardiaid monynt. Mae prio∣das yn ran o gyfraith natur, ac yn anrhydeddus ymhawb. Ai bastardi∣aid yw pawb nid ydynt yn credu? pwy yn ei gwbl synwyr a ddywed mae hyn yw meddwl yr Apostol, Os y gwr ar wraig sydd ddigred mae'r plant yn fastardiaid, eithr os un o ho∣nynt sydd yn credu mae'r plant yn gy∣freithlon.

Diau fod Duw yn yr scrythur hon yn gosod allan ryw ra∣gorfraint priodol i blant y ffydloni∣aid, yr hwn nid yw yn perthyn i blant eraill. Nid ydynt hwy aflan fel eraill, eithr y maent yn sanctaidd.

Fel y byddo i ni ddeall meddwl yr yspryd glan, ni ystyriwn beth yw iddynt fod yn aflan yn yr ysgrythur, a beth yw bod yn sanctaidd. 1. Beth yw bod yn aflan? Att. Rhai a∣flan yw,

1. Rhai allan o gyfammod Duw. Am hynny medd yr Arglwydd, Isa. 52. 1. Ni ddaw o'th fewn mwy ddi∣enwaededic, nac aflan. Plant dien∣waededic heb nôd yr Arglwydd ar∣nynt, aflan oeddent, yr oeddent allan o gyfammod Duw; fel hyn yr oedd plant y Cenhedloedd digred yn aflan, ac nid oedd enwaediad, sél Cyfam∣mod Duw, yn perthyn iddynt. Yr un modd y mae plant y Twrciaid, ar Iddewon, ar Paganiaid di-gred yn aflan yr awrhon, o herwydd eu bod allan o gyfammod, ac nid yw be∣dydd, sél y Cyfammod, yn per∣thyn iddynt. Os oedd y dienwae∣dedic yn aflan, y mae'r di-fedydd yn

aflan, canys daeth bedydd yn lle'r enwaediad, fel y profasom or blaen.

2. Rhai aflan yw y rhai a gae∣wyd allan oddiwrth ragorfreintiau eglwys Dduw. Nid oedd i neb a∣flan ddyfod ir gynnulleidfa, er nad oedd eu haflendid ond aflendid Cere∣monaidd.* 1.3 Caewyd Miriam o'r tu allan ir gwersyll pan ydoedd tan a∣flendid gwahan-glwyfus. Yr oedd yr Iddewon yn cyfrif yr holl genhed∣loedd dienwaededic yn aflan, ac yn neullduo oddiwrthynt. Am hynny nid ae Petr i bregethu'r Efengyl ir Cenhedloedd, nes i Dduw ei ber∣swadio ef trwy weledigaeth na Chy∣frifei mor Cenhedloedd yn aflan mwyach, o herwydd dattod Ca∣nolsur* 1.4 y gwahaniaeth rhwng y Cen∣hedloedd ar Iddewon. Fel hyn yr addef Peter pan ddaeth at Cornelius.* 1.5 Chwi a wyddoch mae anghyfreithlon yw i wr o Iddew ymwascu, neu ddyfod at alltud; eithr Duw a ddangosodd i mi, na alwn neb yn gyffredin, neu yn a∣flan. Yr oedd Petr yn cyfri'r Cen∣hedloedd dienwaedic yn aflan, hynny yw, allan o eglwys Dduw, a'i rha∣gorfreintiau, eithr yr awrhon mae'n

deall fod ymhob cenhedl y neb sydd yn* 1.6 ei ofni ef, ac yn gweithredu cyfiawnder yn gymmeradwy ganddo ef, ac am hyn∣ny nad yw'r Cyfryw yn aflan, ac a∣llan o eglwys Duw.

Yr hyn a ddywed yr Apostl Peter am Cornelius, nad oedd iw gyfri yn aflan mwyach, y mae Paul yn ei ddy∣wedyd am blant y ffyddloniaid, nad ydynt yn aflan; ac am hynny fel y derbyniodd Peter Gornelius i eglwys Dduw trwy fedydd, gan ddysgu iddo ffordd yr Arglwydd yn fany∣lach, felly y dylid derbyn plant y ffyddloniaid i eglwys Dduw trwy fe∣dydd, canys nid ydynt aflan, ac iw cae allan o eglwys Dduw.

Y rhai a gaeyd allan tan y gy∣fraith o herwydd rhyw aflendid, nis derbynnit drachefn nes eu golchi a dwfr. Felly plant bychain o her∣wydd* 1.7 llygredigaeth naturiol ydynt aflan, eithr trwy gyfammod Duw, a golchiad dwfr, megis arwydd or Cyfammod, hwy a lanheir.

Fel hyn y gwelwn ni beth yw bod yn aflan, sef bod allan o gyfammod Duw, a bod heb ddim hawl i ra∣gorfreintiau eglwys Dduw. Yn yr

ystyriaeth hon nid yw plant y ffydd∣loniaid yn aflan, fel y mae plant y rhai digred.

Q. Beth yw iddynt fod yn sancta∣idd?

Atteb. 1. Bod yn sanctaidd yw bod mewn Cyfammod â Duw. Pob peth a neullduwyd i Dduw sanctaidd ydyw. Am hynny pethau wedi neull∣duo* 1.8 ir Arglwydd a elwir yn sancta∣idd, yn, yr ystyriaeth hon yr oedd y Dabernacl, y Deml, ar llestri oedd ynthynt yn sanctaidd. Felly amse∣rau a neullduid ir Arglwydd sanctaidd oeddent, yn yr ystyriaeth hon mae'r Sabbath yn sanctaidd, o herwydd ei fod wedi neullduo i addoliad a gwa∣sanaeth Duw. Yr un modd perso∣nau wedi neullduo i Dduw, sancta∣idd oeddent, fel hyn yr oedd yr offei∣riaid* 1.9 ar Leviaid yn sanctaidd. Je yr oedd holl genhedl yr Iddewon yn sanctaidd, o‘herwydd eu bod wedi neullduo oddiwrth genhedloedd eraill i fod yn bobl gyfammodol i Dduw. A chwi a fyddwch i mi yn frenhinia∣eth* 1.10 o offeiriaid ac yn genhedlaeth san∣ctaidd. Pobl sanctaidd ydwyt ti ir* 1.11 Arglwydd dy Dduw. Yn yr ystyria∣eth

hon yr oedd nid yn unig y rhieni, ond y plant yn sanctaidd. Had san∣ctaidd oeddent, wedi neullduo i Dduw gydâ eu tadau. Os oedd yr holl genhedlaeth, yr holl bobl yn sanctaidd, yr oedd eu plant felly,* 1.12 Canys rhan fawr or bobl oeddent. Ac yr oeddent ynghyfammod Duw megis eu tadau, ac yr oedd nod y Cyfammod arnynt. Am hynny gel∣wir yr holl genhedlaeth, sef y rhieni* 1.13 ar plant, yn had sanctaidd, ai cnawd yn gnawd cyssegredic, Jer. 11. 15. O herwydd enwaedu arno, ai neull∣duo i Dduw. Gelwir eu plant yn had sanctaidd. Onid un [wraig] a wnaeth efe? ar yspryd yngweddill* 1.14 gantho; a pha ham un? i geisio had duwiol. Yr had a enir ir ffyddloni∣aid mewn priodas gyfreithlon had Duwiol, had sanctaidd ydyw. Mae Duw yn galw'r cyfryw, ei blant ef,* 1.15 a blantwyd iddo ef.

Fel yr oedd gynt, felly mae dan y Testament newydd, gelwir y rhai a neullduwyd ir Arglwydd trwy fe∣dydd yn genhedl sanctaidd, felly dy∣wed Pedr wrth yr Iddewon a greda∣sei.* 1.16 Yr ydych chwi yn frenhinol offei∣riadaeth,

yn genhedl sanctaidd, yn bobl* 1.17 briodl i Dduw. Y mae yn ei galw wrth yr un enwau anrhydeddus ac a roddodd Duw iddynt or blaen. Felly mae'r Apostl Paul yn galw'r Christno∣gion* 1.18 yn sainct yn ei lythurau at eg∣lwysi'r Cenhedloedd; o herwydd eu bod wedi eu neullduo trwy Gyfam∣mod, a rhwymedigaeth bedydd i fod yn eiddo'r Arglwydd. Ac y mae nid yn unig y rhieni a gredant, ond eu plant hefyd yn sainct, fel y dywed yr Apostl, Eithr yn awr sanctaidd* 1.19 ydynt.

Yr ydym yn barnu rhai mewn oe∣dran yn sanctaidd o herwydd eu bod wedi ymneullduo ir Arglwydd mewn proffes o sancteiddrwydd, er ei bod yn rhy fynych yn broffes ra∣grithiol; ac oni farnwn ni blant y ffyddloniaid yn sanctaidd, y rhai y mae Duw yn ei galw felly? Yr y∣dym ni yn barnu rhai o oedran yn sanctaidd, mewn barn o gariad, er ein bod yn fynych yn camgymme∣ryd, ac yn newid ein barn am da∣nynt; a pha ham na farnwn mor gariadus am blant y ffyddloniaid eu bod yn sanctaidd, gan fod Duw we∣di

eu neullduo iddo ef i hun mewn cyfammod o ras? wrth farnu rhai o oedran yn sanctaidd yr ydym yn ym∣ddiried i'n barn ein hunain, ond pan ydym yn barnu plant ffyddloniaid yn sanctaidd, yr ydym yn ymddiried i farn Duw, yr hwn sydd yn eu galw yn sanctaidd yn ei air, ac yn eu cynhwyso yn yr un addewid a'u tadau. A siccr ydyw, y sancteiddir llawer o honynt oi mebyd trwy ras yr adenedigaeth fel y cawn ni weled yn y man, ac ni ellir dywedyd am yr un o honynt yn eu mebyd ein bod yn siccr na ailanwyd mono, fel y gellir dywedyd am rai o oedran fydd yn byw yngwrthwyneb iw proffes.

2. Bod yn sanctaidd yw bod yn aelodau o eglwys Dduw. Fel y mae* 1.20 y rhai aflan allan or eglwys, felly y sanctaidd ydynt aelodau o eglwys Dduw. Gelwir holl aelodau'r eg∣lwys weledig yn sainct.

Ni all neb ammeu nad oedd plant y ffyddloniaid yn aelodau o eglwys Dduw cyn ddyfodiad Christ, ni ddaeth Christ i bwrw hwynt allan: fel y profasom or blaen. Mae Mr. Tombs, (yr hwh a scrifennodd yn erbyn be∣dydd

plant) yn addef os yw plant yn aelodau or eglwys weledig y dy∣lid eu bedyddio. Canys bedydd yw'r drws trwy yr hwn y deuir i mewn i eglwys Dduw.

Y rhai a ddywedant nad ydynt yn aelodau or eglwys a ddylent ddan∣gos scrythur eglur i ni am eu bwrw allan. Dangosent os gallant un eglwys o amser Adda hyd yr oes ddiwethaf, or hon nid oedd plant bychain yn aelodau, os oedd plant iddi. By∣dded iddynt enwi un Patriarch, un Prophwyd, un Apostl, neu athro oedd yn erbyn hawl plant bychain i fod yn aelodau or eglwys, o dde∣chreuad y byd hyd yr oes ddiwethaf. Os bwrwyd hwynt allan pa fodd y digwyddodd nad oes un gair yn yr scrythur yn són am hynny? Ga∣lwch am scrythur oddiwrth y rhai a fynnant siglo eich ffydd chwi yng∣hylch y rhagorfraint hwn.

Yr oedd yr Iddewon a gredent yn* 1.21 ddigllon iawn wrth Paul am ei fod yn erbyn enwaedu ar eu plant, pa fodd y tramgwyddasent; pe buasei Paul yn bwrw eu plant allan or eg∣lwys, ac yn eu gosod yn yr un cy∣flwr

a phlant y rhai digred. Nid yw neb yn rhoddi hynny yn ei erbyn ef, achwynasent yn ddiau arno pe dysca∣sei'r cyfryw athrawiaeth.

Os nid yw plant y ffyddloniaid yn aelodau o eglwys Dduw, y ma∣ent yn aelodau o deyrnas Satan, yr* 1.22 hwn yw tywysog y byd. Os ydynt allan or eglwys pa obaith o jechy∣dwriaeth iddynt? Nid oes jechydw∣riaeth allan o eglwys Dduw. Eti∣feddiaeth* 1.23 yr eglwys yw'r Addewidi∣on, nid yw'r addewidion yn perthyn ir rhai oddiallan, ac am hynny os yw plant oddiallan ymhlith y Cwn,* 1.24 pa, addewid a berthyn iddynt? A ph'le nid oes addewid, nid oes go∣baith o jechydwriaeth, Canys yr addewid yw sylfaen gobaith. Beth a ddywedwch chwi rieni tyner wrth y pethau hyn? Oni ewyllysiech fod eich plant yn gadwedig? oni ddy∣munech alaru am y rhai sy'n marw o honynt yn eu mebyd tan obaith eu bod yn happus, ac nid tristau megis eraill, y rhai nid oes ganthynt obaith.* 1.25 O na fwrwch monynt allan o eglwys Dduw, allan o gyfammod jechydw∣riaeth! Eich plant anwyl ydynt,

plant eich cyrph, plant eich addune∣dau, o dangoswch iddynt drugaredd Duw. Mae eglwys Duw yn ewy∣llysgar iw derbyn, o na rwygwch mo honynt oddiwrth y corph dirgel hwnnw o ba un y maent yn aelodau. Noah a baratodd Arch i achub ei blant, canys gwyddei nad oedd je∣chydwriaeth allan or Arch, yr hon oedd yn arwydd o eglwys Dduw: ac a bydd i chwi daflu eich plant a∣llan or Arch a baratodd Duw iddynt? O na fyddwch mor greulon iw he∣neidiau hwynt, y rhai ewyllysiech yn dda iw Cyrph. Derbyniwch* 1.26 hwynt i Arch Duw fel yr achubir hwynt trwy ddwfr. Na neccewch arwydd sancteiddrwydd ir rhai a fer∣nir gan Dduw ei hun yn sanctaidd.

Notes

• * 1.1

  Ezr. 9. 1, 2, 3, 4. Pen. 10.
• * 1.2

  1 Cor. 7. 12, 13.
• * 1.3

  Lev. 5. 2, 3, 4. & 14, 7, 8.
• * 1.4

  Eph. 2. 14▪
• * 1.5

  Act. 10. 28.
• * 1.6

  Act. 10. 35.
• * 1.7

  Lev. 15. 5, 6, 7, 8, 10. & 17. 15, 16.
• * 1.8

  〈 in non-Latin alphabet 〉〈 in non-Latin alphabet 〉 ab usu com∣muni ad divinum separatus Schind.
• * 1.9

  Lev. 2••. 6, 7, 8.
• * 1.10

  Exod. 19. 6▪
• * 1.11

  Deut. 7. 6. & 14. 2.
• * 1.12

  Deut. 29. 10, 11, 12.
• * 1.13

  Ezra. 9. 2.
• * 1.14

  Mal. 2. 15.
• * 1.15

  Ezek. 16. 20, 21.
• * 1.16

  •• Pet. 2. ••.
• * 1.17

  Exod. 19. 6
• * 1.18

  Rhuf. 1. 7. 2 Cor. 1. 1.
• * 1.19

  1 Cor. 7. 14.
• * 1.20

  Isa. 52. 1. Rhuf. 1. 7. 1 Cor. 1. 2.
• * 1.21

  Act. 21. 20, 21.
• * 1.22

  Jo. 12. 31.
• * 1.23

  Rhuf. 9. 4.
• * 1.24

  Date. 22, 15.
• * 1.25

  1 Thes. 4. 1••
• * 1.26

  1 Pet. 3. 20▪