Page 65
Janae Oxenbrigiae Epitaphium.
JUxta hoc Marmor, breve Mortalitatis speculum, Exuviae jacent Janae Oxenbrigiae. Quae nobili, si id dixisse attinet, paterno Butleriorum, materno Claveringiorum genere orta, Johanni Oxenbrigio Collegii hujus socio nup∣sit. Prosperorum deinceps et adversorum ei Consors fidelis∣sima. Quem, Religionis causa oberrantem, Usque ad incer∣tam Bermudae Insulam secuta: Nec Mare vastum, nec tempestates horridas exhorruit: sed, delicato Corpore, quos non Labores ex antlavit? quae non, obivit Itinera? Tantum Ma∣riti potuit Amor, sed magis Dei. Tandem cum, (redeunte conscientiarum libertate) in patriam redua, magnam partem Angliae cum Marito pervagata; qui laetus undequaque de novo disseminabat Evangelium. Ipsa maximum ministerii sui decus, & antiqua modestia eandem animarum capturam domi, quam ille foris exercens, hic tandem divino nutu cum il∣lo consedit: Ubi pietatis erga Deum, conjugalis & materni affectus, erga proximos charitatis, omnium denique Virtutum Christianarum Exemplum degebat inimitabile. Donec quin∣que annorum hydrope laborans, per lenta incrementa ultra hu∣mani corporis modum intumuit. Anima interim spei plena, fi∣dei ingens; Stagnanti humorum diluvio tranquille vehebatur. Et tandem, post 37. peregrinationis annos, 23 Apr. Anno 1658. Evolavit ad Coelos, tanquam Columba ex Arca Corporis: Cu∣jus semper dulci, semper amarae memoriae, Moerens Maritus posuit. Flentibus juxta quatuor liberis, Daniele, Bathshua, Elizabetha, Maria.