Poems, &c. upon several occasions both English and Latin, &c.
Milton, John, 1608-1674.
Page 41
In eandem.
PUrgatorem animae derisit Iäcobus ignem,
Et sine quo superûm non adeunda domus.
Frenduit hoc trinâ monstrum Latiale coronâ
Movit & horrificum corona dena minax.
Et nec inultus ait temnes mea sacra Britanne,
Supplicium spretâ relligione dabis.
Et si stelligeras unquam penetraveris arces,
Non nisi per flammas triste patebit iter.
O quàm funesto cecinisti proxima vero,
Verbaque ponderibus vix caritura suis!
Nam prope Tartareo sublime rotatus ab igni
Ibat ad aethereas umbra perusta plagas.
