ACcepimus, eâ, quâ par fuit animi reverentiâ & honore tam grandis beneficii, Libros Tuos, id est, Incolumitatis nostrae archas & argu∣mentum. Nam, quum in hâc ultimâ obrutescentis mundi barbarie dimicandum sit nobis de Vitâ, nedum de Honore, cum tot illiteratis seculi dehonestamentis; ac quasi desperandum esset de summâ rerum nostrarum; nè vilissimi nominis forent Cantabrigia, Philosophia, Eruditio; Effecisti Unica, ut putemus nos etiam porrò posse vivere, consignatâ nostri nominis memoriâ in Li∣bris Tuis, etiam ultra Academias, & cum tempore aequabilitèr duraturis. Vivemus certè, quandoquidem ita Tibi placuerit, Illustrissima Princeps, quamdiu Virtuti & Libris constabit Honos; & simul ac Libros Tuos legendo Feritatem exuerit Isthoc seculum, tantâ rerum verborúmque elegantiâ cicuratum; aestimabit in∣super, Page  35 neque nihili prorsùs nos fuisse, quos ut Ope∣rum suorum Arbitros non recusaverit, Ornatissima Princeps, Ita ipsa Librorum dignitas volentes, per∣suasos omnimodò, victos bonâ fide traduxit in Justis∣simam Tui admirationem. Utcunque tamen vides quantum laudum Tuarum deterendum sit, non tam in∣genii nostris culpâ (licet nimiùm buc! & immane quantum tanta Dignitati imparit) quàm quòd Nata sis in infelici hoc seculo Tantae Virtutis ergô exiliisset Graeciae antiqua illa, justissima meritorum aestimatrix in Panegyrica decennalia; neque esset cur Athenas suas, licet Minervae alumnas, praeponeret Isocrates Cantabrigiae, cui Tu tantum quippè bonorem concilias, cui novem nec evenidam lucem accendis. Omnia sua Elogia Roma illa vetus explicâsset in statuas & Tui nominis Titulos, quibus assurgerent quotidiè Corneliae Liviae, & si quae aliae tunc fuerunt ideò seculi sui Decus, & sexûs Tui Gloria, quoniam Tu tunc tem∣poris nec dum nata eras, sed Reservata à summo re∣rum Authore, & quasi comperendi nata in aetatis no∣stra felicitatem & ornamentum. Sed obsoleverunt dudum Tituli & Triumphi: periit quicquid fuit Grae∣cia & Romae, nisi tenuis quaedam Fama: etiam ipsa quae magis durare putantur marmora, tot doctorum no∣minibus inscripta, dilapsa sunt in vagùm pulverem, Vivunt tamem adhuc vigéntque ipsi Authores debitis∣simis suis laudibus superstites, & admiratoribus suis vivaciores. Et communis haec Tibi cum celeberimis illis mortuis constabit Gloria; quòd, ut illos non jam demonstrant statuarum elogia, admirantium applausus, & secunda populi admurmuratio; sed solidum doctri∣nae decus, & virtus ipsa suîmet Nomenclatrix: sic & meritissimum Decus Tuum & gratissima animi nostri attestatio, absque operoso illo gratulationum & Page  36 applausuum apparatu, seliget Tibi locum in Bibliothecâ nostrâ, fidissimâ illâ ingeniorum custodiâ, & deposi∣taria, ubi, quod tenuis res nostra nobis permittit, quod & mos majorum & per quos profecimus ingenua Con∣fessio deposcit, nos subindè acclamabimus, Quod & (restitulâ in integrum Ratione, firmatâ Philosophiâ, victâ Insidiâ) Literas in aliorum aestimet, in suâ Personâ nobilitet Illustrissima Heroina. Hoc igitur non ingrati animi indicium qualecunque esse voluimus.