Amanda, a sacrifice to an unknown goddesse, or, A free-will offering of a loving heart to a sweet-heart by N.H. of Trinity Colledge in Cambridge
Hookes, Nicholas, 1628-1712., Drayton, Michael, 1563-1631. England's heroical epistles. Latin & English. Selections.
Page 157
Gynochimaera, Puella Abrodiaeta.
EN formosam tibi, Amator, & delicatulam Hele∣nam!
Ab imis unguibus ad usque verticem,
Pulchram, venustam blandulam,
A prima luce mille petitam procis
Sedulò petitam satrapis,
Et aemuli indies Dominae accendunt pretium.
Ubi? ubi? surrexit? dormit? hilares, anxii, lugubres,
Audaces, desperantes, creduli,
Percontantur, accersunt, rogant;
Ientavit nondum meum Nectar, Ambrosia,
Epulae, dapes, cupedia, jentaculum, prandium, coena?
Precatur hoc mane Danäe mea?
Deorum nefas! facinus! flagitium! seclus!
Num tale quicquam superi audent sinere?
Surge Titane, surgat centimanus Briareus.
Adeste furiosi Gigantum manes,
Encelade, Polybotes, Hippolyte, Mina,
Ossam reimponite Pelio
Illa num tenellos poplites molliagenua?
Juro per ipsam illam Ursulam meam
Totus Olympus ruet,
Digna est cui preces Jupiter:
Vultis ut caelo parcam
Page 158Descendite superi
Ne fracti elabantur orbes
Submissi & humiles veniam petit•,
Non introspiciendas ad fenestras Cubiculi
Citò, citò, flectite & adorate meam,
Benè habet numina, humilitatem laudo,
Venerari autem meam & colere,
Qua non est major, non est pulcbrior Dea
Nec in ipsis Superis est Humilitas:
At tu verò, quid ità prope?
Quisnam es? Mars? imò Mavors est•
Ni te auferas, seriam;
Tu autem quis?
Auden' retrorsum oculos
〈 in non-Latin alphabet 〉
〈 in non-Latin alphabet 〉 nebulo quin te ablegas?
Eja, hem! è transennâ tandem accersor aedipol,
Ha, nuuc ad amoris Tempe & coelum vado
Quàm bellè detorquebo cervicem meam
Ad dispensanda & carpenda suavial
Quàm gloriosè & feliciter ego
Triumphabo hodie in certamine thalami!
Vah graveolentem & teterrimum spiritum!
Quam sunt nivalia & hircosa oscula!
Huccine res! haec illa bellula?
Nil est monstrosum nil belluinum magis,
Mulier Decumani capitis
Crines habet scirpeos,
Viperis immistas colubras;
Page 159Subcineritiam, mazonomicam, paradoxam faciem
Inhabitatam manibus;
Frontem aeramentario Fusori utilem,
Scutularum instar limes ab invicem oculi
Spumâ cervisiae stagnant,
Pro naso gobium gerit,
Paradromides nares & matulas,
Labra pastomide digna
Sugillata, livida,
Nigriora illinitis calcantho calceis,
In ore fujcinas habet,
A sese abhorrentium & aberrantium dentium
Abecedarium Arabico-persicum;
Ad commiscenda basia
Congrediuntur nasus & mentum simùl,
Et senio pensilis
Ictum minatur oculo
Supercilii materiaria incrustatio,
Suòque semper gargarizat phlegmate:
Et ecce grossos tortuosos digitos
Quorum ungues pterigia obtegunt!
Quò plus intueor hoc inhorresco magìs,
Ah me! Grandebalas olidas,
Ampullas, & lagunculas pectoris!
Meretrix est opimae Hypocondriae
Doliaris uteri & saginati abdominis,
En & ventris cadum
Panarium & libidinis bulgam
Carnosam, obesam, pinguiusculam!
Sub gremiali carbaso furnarium habet
Page 160Putres cambucâ inguines
Arcuatas coxendices & Pistoris ischia,
Protuberantes condylos
Quos nec pelvis tegat tonsoria
Gradu quanquam incedit grallatorio
Uncos & dispares si respicias pedes
Scazon est & animal catalecticum:
Corpus scopulosum scabie
Psorá, ulceribus, pustulis
(Siliquas corticesque cum deglubat unguibus)
Purgando quotidie coenovectorium non est,
Apage te scraptia, Creationis scoria,
Pythecium, barathrum, naturae scandalum,
Carnis & ossium
Tumultuariò constricta sarcina,
Difformitatum Gerontocomii epitome.
Quam qui ducet habiturus est,
Et paranymphum Daemonem & Proserpinam pro∣nubam
Sed tamen adesdum amabo meum suavium
Ah labellorum delicias! Ah dulcedinem!
Quàm bellè disputant gazae?
Opulenta tua si cum dote veniat
Placebit & amabitur
Maga quaecunque vel anilis succuba.
