Hē tēs anthologias anthologia Florilegium epigrammatum græcorum, eorumque latino versu à varijs redditorum / authore Tho. Farnabio.

IN CERTAMINA ET ATHLETAS.

Archiae. T. F.

QUatuor insigni celebrat certamina ludo Graecia, bina Deis, bina sacrata viris. Illa Jovi & Phaebi, Meliceriae haec Archemoroque, Praemia sunt, pomum, pinus, oliva, apium.

Ang. Politiani. T. F.

Victor Olympiaco Jovis in certamine olivam, In Pythico Phoebi praemia poma tulit. Praestitit Illhmiacâ e pinu Melicerta coronam. Tu, Ar••h••more, in Nemeâ propo••uisti apium.

Simonidis. T. F.

Isthaeia 〈◊〉〈◊〉 Prophe•••• & Pythi•• vicit, 〈…〉〈…〉 at{que} palaestiâ.

Luciani. T. F.

Si piger es cursor 〈…〉〈…〉 instrue dentes Ad cursum solis, man ••••ibum pedibus.

IN IMPOSSIBILE.

Luciani. T. F.

Aethiopem quid 〈◊〉〈◊〉 lavas? Er••••••••a; ne{que} enim ipsà Clarabis Solis lampade noctis equos.

IN VITEM. Incerti. I. Gorraeus, &c.

Quis no idum mitem tenerà de vita racemum Immiti rapuit sacrilegaque manu? Semesum{que} viâ mediâ projecit, acerbus Quòd tristi sensu strinxerat ora sapor? Sentiat infestum Bacchum novus iste Lycurgus Ausus crescentem perdere laetitiam. Nam{que} hinc fortè aliquis poterat vel ludere versu, Solicitos curas vel jugulare mero.

IN MUTILOS. Philippi, ut alij Isidori. L. Martellus.

Claudus hic, ille oculis captus, suae uter{que} vicistim Quod deerat soru contribuere sibi. Claudum nam{que} humeris dum ferret coecus, ab illo Edoctus, recta conficiebat iter. Hoc docet in duris quae saevit rebus egestas, Mutua & alternâ damna rependit ope.

Platonis junioris. T. Morus.

Coecus claudipedem gestat; prudenter uter{que} Rem gerit; hic oculos elocat, ille pedes, In semitabidum petentem ab Adriano rege cibum. Antiphili. P. Melissus & H. Stephanus. Pars media est defuncta, fame pars altera tabet: Serva, Orex, nostrum musicon hemitonum.

Responsum Regis. Steph. & Bellicarius.

Utrun{que} offendis, Plutonem{que} & Phaëtontem, Illum, non adiens, hunc etiam adspiciens.

IN FORTITUDINEM ET FORTES.

Ignoti, in Lacenam. Urs. Velius.

In patriam amissis armis rediisse virago Ut vidit natum fortè Lacaena suum, Obvia transadigens librato viscera ferro, Haec super exanimem mascula verba dedit: Degener O Spartes soboles, hinc te aufer ad umbras, Aufer, nec patre hoc edite, nec patriâ.

Archiae. I. Gorraeus, &c.

Perdere quem pridem timuerunt praelia, morbo Nunc intestino captus, ut hoste, premar. Quin age per pectus, mucro. Sic ire sub umbras, Et morbum ut bellum vincere morte, juvat. Hectoris verba a Danais post mortem vulnerati. Post mortem, Danai, nostrum configite corpus: Et lepores audent caelo insultare leoni.

Alcaei Messenij. F. Bellicarius.

Moenia stellati, Saturnie, profer Olympi, Protegat augustos aerea porta Deos. Subjecit sceptro terram pontum{que} Philippus, Quae ferat in coelum sola relicta via est.

Alphaei Mitylenaei. Faustus Sabinus.

Claude, Deus, magni validissima limina Olympi, Arcem custodi Juppiter aethercam. Jam mare. jam tellus hastae est subjecta Quiritum. Restat inaccessi callis ad astra poli.

Dionysij. I. Gorraeus.

Calliope custos facunda Heliconis, Homerum Producas alium nobis: venit alter Achilles.

IN VITAM HUMANAM.

Archiae. T. F.

Jure aliquis laudet Thracas, quia pignora deflent In lucem veniunt matris ut ex utero. Tum quia defunctos & ab omni parte beatos Censent, fatidicae quos rapuere Deae. Quippe sciunt homines natos, mala in omnia, pace Certâ denatos laetitiáque frui.

Posidippi, ut alij, Cratetis Cynici. I. Gorraeus.

Quodnam iter insistas vitae? discordia toto Magna foro & lites, cura molesta domi est; In terrâ at{que} agris labor arduus; aequore terror; Externá{que} bonis in regione times. Esse inopem durum est; multae cum conjuge curae, Si sociâ careas conjuge, solus eris. Nati discruciant, orba est sine pignore vita; Est amens juvenis, languidior{que} senex. Quare opta alterutrum; vel nunquam luminis auras Hausisse, aut natum mox obiisse diem.

Huc elegantem V. CL. Domini Verulamij 〈 in non-Latin alphabet 〉〈 in non-Latin alphabet 〉 adijcere adlubuit.

THe world's a bubble, and the life of man, lesse then a span, In his conception wretched, from the womb, so to the tomb,

Curst from the cradle, and brought up to years with cares and fears: Who then to frail mortality shall trust, But limmes the water, or but writes in dust.

Yet since with sorrow here we live opprest: what life is best? Courts are but only superficiall schools to dandle fools. The rurall parts are turn'd into a den of savage men. And where's a city from all vice so free But may be term'd the worst of all the three?

Domestick cares afflict the husbands bed. or pains his head. Those that live single take it for a curse, or do things worse. Some would have children, those that have them, mone, or wish them gone. What is it then to have or have no wife, But single thraldome, or a double strife?

Our own affections still at home to please, is a disease, To crosse the sea to any forrein soyl, perils and toyl, Wars with their noise affright us: when they cease, W'are worse in peace. What then remains? but that we still should cry, Not to be born, or being born to die.

Ex contrario verisimilia. Metrodori I. Gorraeus.

Quam tu cun{que} voles vitam sectare diserto Gloria magna foro; vita quieta domi: Flurima inest agris naturae gratia; lucrum In Pelago, peregrè, si quid habebis, honos; Scis te inopem solus; Domus est cum conjuge honesta; Vives, si nolis ducere, liberior; Gratus amor sobolis; nulla est sine pignore cura; aetas est juveni firma, vercnda seni. Non ergo optandum nunquam natum esse, morive Quamprimùm; nam{que} est vita referta bonis.

Luciani. Venatorius.

Onnia nos fugiunt, nil non mortale tenemus: Et si non fugiunt, nos tamen haec fugimus.

Palladae. T. Morus.

Nudus ut in terram veni, sic nudus abibo, Quid frustra curo, funera nuda videns?

Ejusdem. F. Bellicarius.

Vita, anceps matis est cursus; jactamur in alto, Saepe{que} naufragiis nos graviora manent. Coeca regit clavum dubiae Rhamnusia vitae, Incertosque suo dirigit arbitrio, Adversum his rursum spirans, illis{que} secundum: Unus sed sub humo portus utros{que} manet.

Ejusdem. I. Secundus.

Vita hominum scena est lususque; aut ludere discas, Sepositis curis, aut miseranda feras.

Ejusdem. G. Buchananus.

Si te fata ferant, fer fata: ferere: ferentem Fata ferunt; rapiunt si minus illa feras.

Incerti.

Multa cadunt inter calicem, suprema{que} labra.

Palladae. A. Alciatus.

Flens ego sum natus, ducentur funera fletu, Transacta innumeris vita fluit lachrymis; O miserum mortale genus, lachrymabile et aegrum Quod factum ex limo denuò simus erit.

Incerti. I. Secundus.

Omnia sunt risus, sunt pulvis, & omnia nil sunt: Res hominum cunctae nam ratione carent.

Luciani. H. Stephanus.

Felici brevis est vita omnis: sed miser unam Noctem sexcentas censet Olympiadas.

IN STULTOS. Ignoti. H. Steph.

Pulicibus stultum mordentibus, ille lucernâ Extinctâ, haud jam me conspicietis, ait

IN RETRIBUTIONEM.

Leontiij. D. Erasmus.

Ajaci gladium dedit Hector, balteum at Ajax Hectori, utri{que} suum donum erat exitio.

Eveni. Vitis ad hircum. Ovidius.

Rode caper vitem, tamen hinc, cum stabis ad aras, In tua quod fundi cornua possit, erit.

IN VIRTUTEM.

Quaenam dixerit verba Iuno, Hercule in Deum relato, I. Gorraeus.

Jam tuus, Alcide, genitor pensavit honore Virtutem metito. Nam post certamina dura Immortale tibi nomen peperere labores.

In idem. I. Gorraeus.

Haec tibi post summos est gratia sacra labores, Sede frui, quam nemo priùs sit nactus honoris.

Onesti. I. Gorraeus.

Sudasti summum scandens Helicona; sed inde Pegasidum irriguis nunc satiaris aquis. Sic iter est durum Sophiae: sed culmine in ipso Praemia Pier••dum digna labore feras.

Pauli Silentiarij. I. Gorraeus.

Non te fortunae tollat felicior aura; Sed ne{que} demissum cura molesta premat. Vita etenim dubiis fortunae vapulat Austris, Huc illuc subitis exagitata malis, At virtus veluti rupes immota resistit; Hac vitae fluctus ne vereare duce.

IN ASTROLOGOS.

Palladae Urs. Velius.

Fare age, qui coelum metiris & ultima terrae, Cùm tibi de modicâ sit breve corpus humo: Te prius explora, te nosce: hinc climata mundi Tam vasti meliùs tu numerare potes. Corporis at si non glebam metire pusilli, Quî potes innumerae nosse rei numerum?

IN SUFFICIENTIAM, SIVE ANI∣MUM SUO CONTENTUM.

Parmenionis Macedonis. I. Gorraeus.

Laena mihi vilis satis est: nulli assecla mensae Servio, Pieridum jam satiatus aquis. Divitias odi stultas, contemno potentum Fastus; parca mihi, at libera coena placet.

Alphaei Mitylenaei. I. Gorraeus.

Agros non ego fertiles peropto, Nec quae ditis opes fucre Gygis: Illud quod satis est amo, Macrine Mî, Ne quid nimium nimis probatur.

Ignori. ex Ausonio, contractius.

Vidit apud ma••es dulî canis incola Croelum, Et ridens dixit, Quid tibi divitiae Nunc prosunt, regum rex ô ditissime? quum sis Sicut ego nudus, me quoque paupersor. Nam quaecunque habui mecum fero; quum nihil ipse Ex tantis tecum, Croese, feras opibus.

Luciani. The. Beza.

Utere divitijs tanquam moriturus, & idem Tanquam victurus parcito divitijs. Felix qui vitae & mortis sic dividis annos, Vita tibi ut condat, mors tibi promat opes.

Theognidis. L. Martellus.

Non amo divitias, non opto: vivere tantùm Ex paucis liceat, dum mala nulla premant.

AGALMATA SIVE STATUAE ET SIMULACHRA.

In statuam Iovis Olympici. V. Velius.

Aut Deùs ostendens statuam descendit Olympo, Spectatum aut plastes venit in astra Deum.

In vaccam. Myronis. V. Velius.

Aut vaccam hanc circum velavit ahenea pellis, Aut vis huic aeri vivida subtùs inest,

In eandem. T. F.

Exprimet hanc vocem tibi visa haec vacca Myronis. Aut est exanimis natura, aut ars animata.

In eandem. H. Stephanus.

Naturae in vaccâ fuit hac certamen & Arti; Tandem utr inque Myron donat honore pari. Nam si oculis credas, naturae ars jus sibi sumit; Tangas, natura est par similisque sibi.

In Tantalum. T. F.

Hic hospes quondam Superûm, conviva Deorum, Nectareis cyathis Ambrosiáque satur. Mortalem nunc ore vocat guttam: invida fauces Deserit, & miseris defluit unda labris. Ergo bibens (monet hic) mysteria disce tacendi. Has supcris poenas garrula turba damus.

In statuam Iunonis. T. F.

Esaxo volüit prudens formare novercam, Saxea ne foveant ubera lacte nothos.

IN ICHARUM AHENEUM IN BALNEO STANTEM.

Iuliani. I. Sleid. T. F.

Cera tibi vitam priùs abstulit, Icare; vitam Reddidit è cetâ dènuò docta manus. Ne quatias liquidum moneo super aëra pennas, Balnea ne fiant nomine clara tuo.

Cael. Galcagninus.

AEmula sermonis, faex vocis, caudaque verbi.

In statuam Niobes. G. Lilius.

Eviva saxum Dij me fecere, refecit Esaxo vivam denuò Praxiteles.

In armatam Spartae Venerem. Juliani. Ausonius.

Armatam Pallas Venerem Lacedaemone vidit. Visne ut judicium sic ineamus? ait.

Cui Venus arridens, quid me temeraria temnis? Vincere si possum nuda, quid arma gerens?

In statuam Mercurij. Xenocratis. T. F.

Mercurium quidam prece, quam non ligneus audit, Ambijt; iratus statuam projecit; at aurum Effluxit fractâ. Dat saepe injuria lucrum.

In simulacrum Cupidinis. T. F.

Ex igne in flammas, factus sartago Cupido AEreus, in poenas splendida poena cadit.

IN NUPTIAS.

Ignoti. T. Morus.

Qui capit uxorem, defunctâ uxore, secund••m, Naufragus in tumido bis natat ille freto.

Pauli Silentiarij. A. Vesaliensis.

Libera, Virginitas sors est, & pura supellex, Quam si omnes foveant, vita peribit iners, Duc itaque uxorem, tibi fac succedat & orbi Haeres legitimus; & fuge adulterium.

Dionysij F. Bellicarius.

Tempore ama, uxorem due tempore, tempore cessa.

Antomedontis. I. Secundus.

Primus qui nulli quid debet; sorte secundâ Est foelix coelebs; tertius orbus erit.

Si tamen uxorem quis habebit, dote receptâ, Rectè erir, obtingatsi tumulare malum. Isthaec doctus abi: sape. quaerere frustra Epicurum Quae tandem monades sint & inane, sinas.

Ignoti. I. Gorraeus.

Quicun{que} ducit conjugem, vivit miser: Hoc quis{que} dicit, & sciens ducit tamen.

IN SENECTUTEM.

Incerti. F. Bellicarius.

Parva cado vini reliqua est quae portio, acescit, Portio nectarei quae suit ante meri. Sic totam exhausit qui vitam, est pronus ad iras, Ipse suo tandem tristis acore senex.

Philouis. F. Bellicarius.

Canities cum mente decus: sine mente, senectae Canicies stolidae conscia signa gerit. Qui tacet, huic mentis sunt cani insigne: loquacis Non minùs ac juvenum dixeris esse pilos.

Menecratis. T. F.

Nemo senectutem non optat; adeptus eandem Culpat: quod retrò est charius esse solet.

IN ANUS.

Ignoti. T. F.

Si, Placiane, sapis, viduas venabere avaras: Omnis anus locuples dives erit tumulus.

Laidis donarium. Platonis. T. F.

Illa ego famosa & quondam formosa Corinthi Gloria, tam multis Lais amata procis, Nunc anus hoc speculum Veneri dico: quando videre Qualis sum, nolo; qualis eram nequeo.

Lucillij. T. Morus & Velius.

Saepecaput tinguis, nunquam tinctura senectam, Nunquam rugosas explicitura genas, Desine jam faciem stibio depingere totam, Ne larvam, haud faciem quis putet esse tuam. Nil superest, tibi quid vis amens? nam neque fucus, Nec cetussa Helenam fecerit ex Hecuba.

IN GRAMMATICOS. Palladae. T. F.

Grammaticae quam non sit felix omen, Homeri Auspicio, quinque & versibus hisce patet. Iram primus habet, curam exitiumque secundus, Tertius hinc animas Tartara ad ima premit. Quartus habet canibus laniata cadavera, quintus Vulturios, corvos, saevitiánque Iovis. Qui pote, post diras & casus quinque, carere Grammaticus curâ cordolioque potest?

Palladae. T. F.

Grammatici peperit monstrosum filia foetum, Qui natus denatus erat, mas, foemina, neutrum.

IN CALAMUM SCRIPTORIUM. T. F.

Planta fui sterilis, calamus sine fruge; nec uvas Nec domino ficus, poma nec ulla dedi. Me quidam asserûit Musis, cronamque labello Strinxit, iter nigrae quo fluit humor aquae. Inde bibens nigrum laticem, quasi numine plenus Muto divinos profero ab ore modos.