Page [unnumbered]
Elogium Sepulchrale Pro Victoriosissimo GEORGIO MONACHO, Britanniae Generalissimo, &c. Regni Famae{que} Primoribus Inscriptum. Impressio Postrema.
Viro verè Reverdo, nec non vbivis venerando
omnisariam erudititsmo: ac juxta humanissmo: Dno
THO: BARLOW Coll: nri Reginalis Praeposito dignissmo: &c.
STa Viator. Heic NE PLƲS ƲLTRA figitur.
Quaeris per quem?
Per Alcidem nuperum, quod{que} majus, Nostrum:
Qui, postquam Caelitus Brachio plusquam Mortali
A Marte Galeam, Neptuno{que} Tridentem extorserat,
Terra Mari{que} Triumphator;
Has STATIVAS pro cancellis, COLƲMNAS posuit.
Quaeris quo Jure?
Divino, Caesareo, Suo:
Quippe domi foris{que} Praesentior adfuit
Idem Testis, Arbiter{que} Litium: Statuminator Gentium:
Restitutor Nostrae, STATOR{que} Britanniae;
Necnon sub CAROLO Secundo Primus Imperator,
Qui primus in Imperio stitit CAROLƲM Secundum.
Sic audiit, audiet{que} Posteris ter Magnus ille MONACHƲS,
Albemarliae Dux, Torringtoniae Comes, &c.
Monachorum Princeps; Benedictorum Prior.
Sol Patriae, Solis{que} Zodiacus.
Quid ais Advena?
Nondum contentus Uno, Nomen percontaris Alterum?
En! GEORGIƲS est; a Sanctorum Nomine Sortitus suum.
Georgianus Miles, Georgiarum Dux, Antesignanus Ducum:
Cappadoce Sanctior, Castrioto Fortior,
Utro{que} Foelicior.
Sceptriferis Devoniae descendens Atavis
Majorum Gesta Majoribus illustrabat:
Hesperus Oriens, Syderis Occidentis;
Sydus{que} Familiae Tenebris occasurae,
Ex qua,
Filius fuit eo Natu Minor,
Ut notu foret de futuro Maximus.
A Cunis ad Castra designatus
Fortunae ferreae Faber aureus evasit:
Ingenti{que} Telo Necessitatis
Ingentiori Virtutis obvians,
Imperviae Viam reserabat FAMAE.
Hinc, in Hollandia Signifer, in Insula Rheana Centurio:
Et mox ad Hollandiam redux, in Centurionem remigrabat.
In Anglia dein Tribunus, & in Hibernia deni{que} Strategus, inclaruit;
Ubi, tam dexteris alitibus
Belli faces extinxit, Pacem{que} conflavit,
Acsi
Ventos Vexillis, & Vexilla Gestis antevolaverat.
A Bellicosis ubi{que} BATAVIS
In Duobus Naumachiis Bis ab Illo debellatis;
Et ab Inclytis ubi{que} GALLIS semel in fugam verfis,
Coronas meruit plusquam ROSTRALES
Ad Thalassiarchae Tumulum suspendendas tholis,
AETERNITATI SACRAS SƲAE{que} MEMORIAE.
A SCOTIS una Magnanimis, & ad unum Benemoratis,
Achillis Serta retulit, ac Successum;
Dum consternatos quaquaversus Hostes
Eodem quo Terruit, Eodem Tutatus sit Gladio:
Sanante Dextra quos sinistra sauciaverat.
Heic ut contendens Carduus
Rivales tutius intervireret Rosas,
Interdum detondebat:
Unde Pacatius & appexius apparuit, flos ille barbatus,
Audiit{que} Carduus tandem Benedictus.
Sic Nobis (haud sine Miraculo)
Hinc, Primum Malum contigit, ultimum{que}, Remedium:
Dum Chymicus Ille Doctor, soelix{que} Conductor
Ab Aquilone, de quo, nil Boni prodierat,
Omnifarium produxerat.
Ad Pavitantis LONDINI Portas
Venit, Vidit, Vicit:
Eo formidandus Omnibus quod formidabat Neminem:
Cum Caesaris enim Fama, Caesaris vehebat Fortunam;
Eadem{que} Cymba velificabat suae;
Dum velites suos, Imbelles{que} Manipulos
Fidentius Exercitui Veterano conferens,
Ab imparibus Armis plusquam pares Armorum Leges eliserit:
Auspiciis adeo Posteris obstupescendis,
Ut crediderint
DEƲM pro Georgio dimicasse,
Georgium pro DEO;
Utrum{que} pro Britanniae.
In hoc Speculo discernens totius Angliae Theatrum,
Scenam deprehendit ubi{que} luctuosam,
Malis Temporibus, Histriones pessimos
Perperam repraesentantes futilem
Quam finxissent Ipsi Fabulam.
Actoribus igitur ab Orchestra Semotis,
Et Orchestra de Seipsa,
Ad nova Populum Spectacula pellexit,
Actor Ille Modernorum maximus:
Ille Georgius suae Genius, ac Sospitator Angliae
Qui misellam Monarchiae servaturus Virginem,
Multiformem Democratiae Belluam perdidit Draconem;
Eo{que} mirabilius,
Quod sicca manu sine Sanguine Draconis,
ƲNIVERSALE PHARMACƲM confecit:
Epidaurius publicus; Paeon Salutifer;
Samaritanus Misericors.
In demulcendis enim Crudis Regni Vulneribus,
Oleum poscebat, non Acetum:
Minister fidus, Imperator facilis,
Utrius{que} Munia tam Scite temperans,
Ut Imperando totus servierit,
Et Serviendo totus Imperaverit.
A Rege Beneficia reportabat Multa, qui meruerat Omnia:
Ab Illo Rex promerebat Omnia, cui negaverat Nullum.
In his Antithetis, Bilanx Amborum Bonitas
Pari pendebat aequilibrio;
Dum fuit alter Fidei Defensor,
Alter{que} Spes ac Fiducia Defensoris.
Hinc Rex appellabat Illum Partem;
Et Ille Regem vicissim Suum:
Nec mirum est
Si Patrem suum fassus fit Carolum,
Quum Matrem suam professus sit Ecclesiam.
Utri{que}
Filius Obsequens, Christianus Integer,
Subditus fidelis.
Qui postquam
Reipublicae diutius, & tantum non Decennio
Fortiter & Foeliciter administraverat;
Se{que} DEO, Domum{que} fuis dispositam commendarat;
Deni{que} quum Divinis Indiciis
(Triduo tantisper ante mortem) laetabundus aspexerat
Ʋnigenitum Filium Nobilissimis Nuptiis Initiatum,
Et ab Illo Fulcro Familiam de futuro confirmandam,
Adorearum, Dignitatum, Divitiarum,
Omnium{que} superabunde satur nisi Dierum,
Aetatis anno Sexagesimo Secundo MDCLXIX. Jani Tertio,
COMMƲNI DAMNO DENATƲS EST.
Cui Munifico sibi Patrono,
Ne Beneficiorum Memoria cum Maecaenate moreretur,
Ne Beneficiorum Memoria cum Maecaenate moreretur,
Hoc efflevit Elegium P. Piscator, olim Militum Serviens-Major.