Sylva, or, A discourse of forest-trees, and the propagation of timber in His Majesties dominions as it was deliver'd in the Royal Society the XVth of October, MDCLXII upon occasion of certain quæries propounded to that illustrious assembly, by the Honourable the Principal Officers, and Commissioners of the Navy : to which is annexed Pomona, or, An appendix concerning fruit-trees in relation to cider, the making, and severall wayes of ordering it published by expresse order of the Royal Society : also Kalendarivm hortense, or, the Gard'ners almanac, directing what he is to do monthly throughout the year / by John Evelyn ...

Nobilissimo Viro Johanni Evelyno Regalis Soc. Socio dignissimo.

AƲsus laudato qui quondam reddere versu, Aeternum & tentare melos, conamine magno Lucreti nomenque suum donaverat aevo: Ille leves atomos audaci pangere musa Aggreditur, variis & semina caeca figuris, Naturaeque vias, non quae Schola garrula jactat, Non quae rixanti fert barbara turba Lyceo; Ingentes animi sensus, & pondera rerum, Grandior expressit Genius, nec scripta minora Ev'linum decuisse solent. Tuque per obscuros (victor Boylaee) recessus, Naturae meditaris opus,* 1.1 qua luce colores Percipimus, quali magnus ferit organa motu Cartesius, quali volitant primordia plexu Ex atomis Gassende, tuis; simulachraque rerum Diffugiunt subito vastum per inane meatu; Mutato varios mentitur lana colores Lumine; dum tales ardens habet ipsa figuras Purpura, Sidoniaeque aliae tinxere veneno: Materiam assiduo vatiatam, ut Protea, motu Concipis,* 1.2 hinc formae patuit nascentis origo, Hinc hominum species & vasti machina coeli: Ipse creare Deus, solusque ostendere mundum Boylaeus potuit; sed nunc favet aemula virtus (Magne Eveline) tibi & generosos excitat ignes; Pergite Scipiadae duo, qui vel mille Marones Ʋincitis, & meriti longo lassatis honore. Tu vero dilecte nimis! qui stemmate ab alto Patricios deducis avos, cerasque parentum Wottonicae de stirpe domus;* 1.3 virtutibus aequas Nunc generis monumenta tui, post taedia Ponti

Innumerasque errore vias, quid Sequana fallax, Quae Rhenus malefidus agit, quae Tibris, & Ister, Nota tibi: triplici quid perfida Roma corona Gessit, & Adriaca Venetus deliberat arce, Qualiaque Odrysias vexarunt praelia lunas: Europae Mundique artes Eveline, reducis, Dum Phoebo comes ire paras, animamque, capacem Vidit uterque polus, nec Grajum cana vetustas Te latuit, veterum nunc prisca numismata regum Eruis, & Latias per mystica templa ruinas; Aestimat ille Forum & vasti fundamina Circi, Cumque ruinoso Capitolia prisca Theatro, Et Dominos colles altaeque palatia Romae, Regales notat inde domos, ut mole superba Surgat apex, molles quae tecta imitantur Ionas Qualia Romulea,* 1.4 Gothica quae marmora dextra Quicquid Tuscus habet, mira panduntur ab arte; O famae patriaeque sacer! modo diruta chartis Vivet Roma tuis; te vindice, laeta Corinthus Stabit adhuc magno nequicquam invisa Metello. Nunc quoque Ruris opes dulcesque ante omnia curas Pandis ovans, tristes maneat quae cura Decembres, Pleiades haec Hyadesque jubent, ut laeta Bootes Semina mandet humi, ardenti quae Sirius agro Coepit ut aestiva segetes torrere favilla Quid Maij vernantis opus, cum florea serta Invitant Dominas ruris, cum vere tepenti Ridet ager renovatque suos Narcissus amores, Haud aliter victrix divinam Aeneida vates Lusit opus; simul & gracili modulatus avena, Fata decent majora tuos Eveline, triumphos, Aeternum renovatur honos, te nulla vetustas Obruet, atque tua servanda volumina cedro Durent, & meritam cingat tibi laurea frontem Qui vitam Sylvis donasti & Floribus aevum.

R. Bohun.

Notes

• * 1.1

  Libro de colcri∣bus.
• * 1.2

  D•• origine for∣marum.
• * 1.3

  De Wotton in agro Surrensi.
• * 1.4

  Consule librum Aut••ris de Ar∣chitectura.