Page 71
Anno 3 Edw. II.
Claus. de eodem Anno, m. 17. in dorso.
REX venerabili in Christo Patri W. eadem gratiâ Archiepiscopo * 1.1 Ebor’ Angliae Primati, salutem. Quantae audaciae, quantaeque temeritatis sunt hiis diebus opera Roberti Brus Proditoris nostri, suorumque complicum, & fautorum nobis & dicto Regno nostro damnosa, quotiens hujusmodi inimici nostri perturbaverint idem Regnum; Quot etiam malorum & machinationum guerra, Treugis ipsis, ad requisitionem Magnifici Principis, Domini Philippi Regis Francorum illustrissimi, charissimi Patris nostri, concessis, pen∣dentibus Proditionibus solito, sunt assecuta: relinquere non volentes, erga nos, praefatumque Regnum perpetrare minimè verebantur; Castra, villas, terras, & tenementa, tam nostra, quàm fidelium no∣strorum, ausu temerario invadendo, & aliqua obsidendo; & (proh dolor) pejora accumulantes Prioribus, quibusdam nostris fidelibus nequiter interfectis, depredationes, rapinas, ac alia enormia multipli∣citer commiserunt, vos, ac alios, de dicto Regno nostro credimus non latere. Volentes igitur super hiis, ac aliis arduis negotiis, nos & statum Regni nostri tangentibus; vobiscum, & cum caeteris Praelatis, Proceribus & Magnatibus ejusdem Regni, habere Colloquium & Tra∣ctatum; vobis mandamus in fide & dilectione, quibus nobis tene∣mini, firmiter injungentes, quod omnibus aliis praetermissis, sitis per∣sonaliter ad nos apud Eboracum, die Dominicâ proximâ post Festum Purificationis beatae Mariae, proximâ venturâ, nobiscum, & cum caeters Praelatis, Proceribus, & Magnatibus super praemissis Tractaturi, & vestrum Consilium impensuri; & hoc sicut honorem nostrum & vestrum, & ipsius Regni utilitatem diligitis nullatenus omittatis. Teste Rege apud Eboracum xxvj. die Octobris.
Eodem modo mandatum est subscriptis; viz.
- R. Archiepiscopo Cantuar’ totius Angliae Primati.
- R. Episcopo London’, caeterisque Episcopis.
- A. Patriarcho Jerusalem & Epis∣copo Dunelm.
- Necnon Abbatibus & Prioribus.
REX dilecto & fideli suo Gilberto de Clare, Comiti Gloucest & Hertford’, salutem. Quantae audaciae, quantaeque temeritatis, sunt hiis diebus opera Roberti de Brus inimici, Rebellis, & Pro∣ditoris nostri, suorum complicum & fautorum, nobis & dicto Regno nostro dampnosa, quotiens hujusmodi inimici nostri perturba∣verint idem Regnum; quot etiam malorum, & machinationum guerra, treugis ipsis, ad requisitionem Magnifici Principis Domini Philippi Regis Franciae karissimi illustr’ Patris nostri concessis pendentibus, proditionibus, solito sunt assecuta, relinquere non valentes; erga nos,