Anno 26 Edw. I.
Claus. in dorso m. 5.
EDWARD par la grace de Dieu Roi, D'engleterre, (&c.) à son * 1.1 feall et loiall Rogier Bigod Counte de Norf. et Mareschall D'en∣gleterre. Purceo, que nous beoms estre (al eide de Dieu) à Car∣doill, la Veille de la Pentecoste prochein avenir, pur alar avant en la busoigne d'Escoce, sur les Enemys de la Corone, et du Roialme D'en∣gleterre; et pour leur disobessance et leur malice refreindre, que a au∣tre chose ne entendent que abesser la dite Corone et L'estat du dit Roi∣alme D'engleterre, a leur poer; et aussint poer mettre nos feaux et leaux, ceux as queux, nous a noms terres, dones & durreins en les parteis d'Escoce en seisine et en estat de leur terres, et outre ceo faire ceo, que Dieu nous enseignera: Nous vous Priouns especiaument, e en la fei, e en la ligance que vous estez tenuz a nous, et a la Corone D'engleterre; fermement enjoignouns; que a dite terme de la Veille de Pentecoste soiez a nous a Cardoill, as Cheuas et Armes, le plus afforce∣ment que vous purrex, pur aler avant en la dite busoigne, selon ceo q'il serra ordene, par vous et par ler bones Gentz qui serront ove nous a cele heur. Et ceo sicom vous ames le honeur et le profist de nous, et du dit nostre Roiaume, & le vostre propre, en nulle manere ne lesses. Donez a Staynwagg le xxvi. jour de Septembr’, L'an de nostre Regne vin∣tesime.
Au teiles Lettres sont mandez as Counts, Barons, & Chivalers suthe∣scrits; cestasaver,
- Comites,
- Johan de Garenne, Conte de Surr.
- Esmond Conte de Cornewail.
- Rauf de Mahermer, Conte de Glouc’.
- Henry de Lacy, Conte de Ni∣chole.
- Humfrey de Bohun, Conte de Heref.
- Richard Fitz-Alleyn, Conte de Arundell.
- Guy de Beauchamp, Conte de Warwik.
- Tho. Conte de Lancastr.
- Rob’ de Ver, Conte de Oxenf.
- Gilberd de Ʋmframvill, Conte de Anegos.
- Conte Patrik.
- ...