Sancti Cæcilii Cypriani Opera recognita & illustrata per Joannem Oxoniensem episcopum ; accedunt Annales Cyprianici, sive, Tredecim annorum ; quibus S. Cyprianus inter Christianos versatus est, brevis historia chronologice delineata per Joannem Cestriensem.

About this Item

Title: Sancti Cæcilii Cypriani Opera recognita & illustrata per Joannem Oxoniensem episcopum ; accedunt Annales Cyprianici, sive, Tredecim annorum ; quibus S. Cyprianus inter Christianos versatus est, brevis historia chronologice delineata per Joannem Cestriensem.
Author: Cyprian, Saint, Bishop of Carthage.
Publication: Oxonii :: E Theatro Sheldoniano,; 1682.
Rights/Permissions: To the extent possible under law, the Text Creation Partnership has waived all copyright and related or neighboring rights to this keyboarded and encoded edition of the work described above, according to the terms of the CC0 1.0 Public Domain Dedication (http://creativecommons.org/publicdomain/zero/1.0/). This waiver does not extend to any page images or other supplementary files associated with this work, which may be protected by copyright or other license restrictions. Please go to http://www.textcreationpartnership.org/ for more information.
Subject terms: Theology -- Early works to 1800.; Theology -- History -- Early church, ca. 30-600.
Link to this Item: http://name.umdl.umich.edu/A35526.0001.001
Cite this Item: "Sancti Cæcilii Cypriani Opera recognita & illustrata per Joannem Oxoniensem episcopum ; accedunt Annales Cyprianici, sive, Tredecim annorum ; quibus S. Cyprianus inter Christianos versatus est, brevis historia chronologice delineata per Joannem Cestriensem." In the digital collection Early English Books Online. https://name.umdl.umich.edu/A35526.0001.001. University of Michigan Library Digital Collections. Accessed June 14, 2024.

Pages

Passio S. Cypriani ¶ 1.1 ex MS. S. Victoris, nec non Bodleiano I.

CUM Cyprianus, sanctus martyr, electus à Domino, de civitate Curu∣bitana, in qua exilio datus erat, ex praecepto 〈◊〉〈◊〉 Paterni tunc Proconsulis, clariss. viri ¶ 1.2, regressus esset ex sacro rescripto, specialiter ad hoc & personaliter ¶ 1.3 emisso, in hortis suis manebat; & ad diem omnibus b 1.4 modis veniri ¶ 1.5 sicut ei ostensum erat, sperabat. Idem cum illic c 1.6 demoraretur, repente Idib. Septembrib. Tusco & Basso consulibus, venerunt ad eum Principes duo, unus Strator officii Galerii Maximi proconsulis, clariss. viri, qui Aspasio Paterno successit, & alius Equistrator qui esset a custo∣diis officii ejusdem clarissimi viri, & in curriculum eum d 1.7 imposuerunt, & ambo eum tenuerunt, & in Sexti tulerunt; ubi idem Galerius Maximus Proconsul vir clariss. alia die, id est, crastina, offerri sibi praecepit, & it a idem Cyprianus cum Principe & Stratore officii Maximi Procons. clariss.

Page 15

viri secessit, & in hospitio ejus ¶ 1.8, cum eo, vico Saturni, inter Venerea & Salutaria ¶ 1.9 mansit. Illic ante januam universus populus fratrum mansit ¶ 1.10 Et cum hoc Cyprianus comperisset, castigari puellas praecepit, quoniam in vico omnes ante januam hospitii Principis jacebant. Et ita altera dle, id est xviii. Kal. Octob. mane multo, ad Sexti, secundum praeceptum a 1.11 Galerii Maximi Proconsulis, clariss. viri, in atrio sedentis Sau∣ciolo ¶ 1.12, oblatus est. Quo oblato, idem Galerius Maximus Procon∣sul, clariss. vir, Cypriano dixit: b 1.13 Tu papatum sacrilegae mentis homi∣nibus exhibuisti? Cyprianus dixit: Ego. Galerius Maximus Proconsul, clariss. vir locutus cum consilio, sententiam vix & aegre dixit, verbis hujusmodi: Diu sacrilega mente vixisti, & plurimos tibi nafariae con∣spirationis homines aggregasti, & inimicum te constituisti Diis Romanis & Religionibus sacris, nec te pii & sanctissimi principes nostri Valeria∣nus & Gallienus Augusti, & Valerianus nobilissimus Caesar, secta feli∣cissimorum temporum suorum, obdurati furoris ¶ 1.14, ad ceremonias percolen∣das, bonamque mentem habendam tanto tempore potuerunt revocare: & ideo quod nequissimi criminis auctor & signifer deprehensus es, quo tu scelere docuisti, ipso documento peribis; ut quoniam tuo adnisu duravit sacrilega contumacia, tuo sanguine sanciatur disciplina. Et decretum ex tabella recitavit. Thascium Cyprianum gladio animadverti placet.

Notes

¶ 1.1

Rigalt. ait, Hanc de Cypriani martyrio narrationem, ut est brevissima, sic etiam esse, 〈◊〉〈◊〉 ar∣bitramur. Plurima Pontius pio erga suum Episcopam 〈◊〉〈◊〉 rhetorica libertate ingeniose commentus est. Multa etiam alii, pro captu quisque suo, adjecerunt, aliena seculo, aliena 〈◊〉〈◊〉 quaedam etiam detraxerunt valde bona; ut jam pauca su∣persint quae praestare possimus sincera. Illa ipsa quae Pruden∣tius poeta, passionem Cypriani descripturus, famae ac∣cepta refert; Actis in serta transeunt in historiam.

Back to content
¶ 1.2

Proconsulem titulo clarissimi viri insignitum fuisse ex Codice Justiniani & aliis vete∣rum scriptis notum est; sed ut, quod hic factum est, per∣petuo ingeratur; librariorum elegantia haberi debet: quorum perpetuus mos est, omnia quae emendant con∣taminare.

Back to content
¶ 1.3

Rigalt. ait, Haec 〈◊〉〈◊〉 aliquis de grege leguleiorum intrusit.

Back to content
b 1.4

Sic Bod. 1. Omnibus veniri, Imp.

Back to content
¶ 1.5

Rigalt. ait, Legendum 〈◊〉〈◊〉 Et ad se diebus omnibus veniri. Augustinus: Et inde 〈◊〉〈◊〉 sperabat veniri ad se. Ipse Cyprianus, epist. 82. ubi de 〈◊〉〈◊〉 Valeriani: Quas literas quotidie speramus venire.

Back to content
c 1.6

Cum illic idem demoraretur, Bod. 1.

Back to content
d 1.7

Imposuerunt, & in Sexti, Bod. 1.

Back to content
¶ 1.8

Rigalt. ait. Pontius: delicata custodia.

Back to content
¶ 1.9

Inter Veneris & Salutis fa∣num. Rigalt. ait, Acta, ex Cod. Fossatensi & Pratensi: inter Veneriam & Salariam. In aliis Codicib. legitur Salutariam. Non est spernendum quod in Victoriano scriptum est: inter Ve∣neria & Salutaria; hac enim manu ducor, ut existimem scriptum fuisse, inter Venaria Saltuaria ab aliquo sciolo qui apud Pontium legerat, locum, ubi Cyprianum pati contigit, fuisse ar∣boribus ex omni parte densatis consitum.

Back to content
¶ 1.10

Nocturnae convo∣cationes Christianorum olim apud Ethnicos suspectae; & prostrata puellarum pudicitia passim illis objiciebatur. Vid. Tertull. ad Uxor. l. 2. Justin. & Athenag. in Legat. & Minut. Fel. Ideo de custodiendis virginibus adeo soli∣citus erat Cyprianus. Pontius istam pernoctationem ad vigiliam maxime solennem quae Pascha antecedebat, re∣vocare videtur, quae Eusebio, 〈 in non-Latin alphabet 〉〈 in non-Latin alphabet 〉. l. 2. c. 17. & 〈 in non-Latin alphabet 〉〈 in non-Latin alphabet 〉 1. 6. c. 9. Unde con∣jicere licebit, per illa secula, vigilias ex recepto more, martyrum natales, licet Episcopi essent, minime praeces∣sisse. Siquidem tanquam peculiare quiddam obser∣vat, quod Dei populus etiam in sacerdotis passione vigi∣laret.

Back to content
a 1.11

Galerii Maximi in atrio sedentis, obvoluto & sauciolo, Rigalt. Voluntarie Saucio∣lo, Bod. 1.

Back to content
¶ 1.12

Rigalt. ait, Sedenti obvoluto & sauciolo. Hactenus nemo hane protulit ex ullo exemplari scripturam. Vulgatissima illa est: In atrio sedenti Sau∣ciolo, & in Actis à Manutio & Morellio editis: Atri∣um quoque Proconsulis dicitur Sanciolum. Sed parum pro∣babile videtur, ullum fuisse atrio cognomentum. Faber te statur, in veteri codice reperiri: Seleutiolo. Quod igi∣tur in isto Victorino scriptum est, obvoluto & sauciolo, si cui displiceat istud, sauciolo: emendari poterit levissima muta∣tione: Mane multo ad Sexti, secundum praeceptum Ga∣lerii Maximi Proconsulis, clarissimi viri in atrio sedenti, obvoluto & helucioso, oblatus est. Scriptor iste qui ve∣naria dixit, pro venationibus, aut venatoriis, heluciosum quo∣que dixerit pro helucoso: ut sit helucosus sive heluciosus, 〈 in non-Latin alphabet 〉〈 in non-Latin alphabet 〉. Notandum vero est, eundem Scriptorem hoc quo∣que tradere: Proconsulem in locum, qui dicitur Sexti, se∣cessisse valetudinis gratia, locum nempe amoenum inter vena∣tiones & saltus. Notandum etiam in ista narratione, Procon∣sulem vix & aegre interrogasse & allocutum esse. Itaque sedisse in atrio obvolutum, pannis fortasse & focalibus, ut solent ae∣grotantes aut sauciati, unde aliquis postea dixerit obvolu∣tum & sauciolum. Quae conjectura firmatur co quod in Actis aliis legitur: Post paucos dies Proconsulem decessisse. At quantumcun{que} sibi placeat Rigaltius in conjectura sua, constat sauciolum praetorii atria denotare. Concil. Ma∣tisconensi secundo c. 19. dicitur. Ut ad locum examinatio∣nis reorum nullus clericus accedat, neque intersit atrio sau∣ciolo, ubi pro reatus sui qualitate, quispiam intersiciendus est. Si quis vocem hanc ex Gothica barbarie haustam, & à sequiorum temporum librario, in Atrii interpreta∣mentum additam dixerit, minime repugnabo.

Back to content
b 1.13

Tu es Thascius Cyprianus, Dixit: Ego. Galerius Maximus Dixit, Bod. 1.

Back to content
¶ 1.14

Rigalt. ait, Aliquid hic turbatum est. Nam haec verba sunt Proconsulis, in Cypriani constantiam & fidei Christiani robur; quasi Galerius allocutione ad marty∣rem sua dixisset: Nec te obdurati furoris, pii & sanctissimi Principes nostri, secta felicissimorum temporum suorum, ad ceremonias percolendas revocare potuerunt, &c.

Back to content