To the extent possible under law, the Text Creation Partnership has waived all copyright and related or neighboring rights to this keyboarded and encoded edition of the work described above, according to the terms of the CC0 1.0 Public Domain Dedication (http://creativecommons.org/publicdomain/zero/1.0/). This waiver does not extend to any page images or other supplementary files associated with this work, which may be protected by copyright or other license restrictions. Please go to http://www.textcreationpartnership.org/ for more information.
Unigenitus aeternus Dei Filius, 3. promissus Protoplastis in Paradiso, tandem, impleto tempore, con∣ceptus per Sa. Spiritum in utero sanctissimo Mariae 1. Virginis de domo regiâ Davidis, & indutus humanâ carne, Bethlehemi Iudaeae, in summa paupertate Stabuli, 2.
Anno Mundi 3970. in mundum prodiit, sed mundus ab omni peccato, ei{que} impositum fuit nomen Iesu, quod significat Salva∣torem.
Hic, cum imbueretur sacro Baptismo, 4. (Sacramento Novi Foederis) à Iohanne praecursore in Iordane, apparuit sacratissimum suo, 5. Mysterium divinae Trinitatis, Patris voce 6. (quâ testabatur, hunc esse Filium suum) & Spiritu Sancto in specie Columbae, 7. caelitus delabente.
Ab eo tempore, XXX. aetatis suae anno, Verbis & Operibus, prae se ferentibus Divinitatem, declaravit quis esset, in annum us{que} quartum: à Iudaeis
nec agnitus nec exceptus ob voluntariā paupertatē
Ab his (quum priùs instituisset Coenam mysticam 8. Corporis & Sanguinis sui, in Sigillum novi Foederis. & sui recordationem) captus tandem, ad tribunal Pilati Praefecti Caesarei raptus, accusatus, & damnatus est, agnus innocentissimus; actus{que} in Crucem, 9. in arâ istâ, pro peccatis mundi immolatus, mortem subiit.
Sed tertiâ die, quum revixisset divinâ suâ virtute, resurrexit è Sepulcro, 10. & post dies XL, de Monte Oliveti 11. sublatus in Coelum 12.
& eò rediens unde venerat, quasi evanuit, aspectantibus Apostolis, 13. quibus decimâ die post Adscensum suum, Spiritum Sanctum 14. de Coelo, ipsos verò, hâc Virtute impletos, de se praedicaturos, in Mundum, misit; olim rediturus ad judieium extremum, intereà sedens ad dextram Patris, & intercedens pro nobis.
Ab hoc Christo dicimur Christiani, in{que} eo solo salvamur.