Clievelandi Vindiciæ, or, Clieveland's genuine poems, orations, epistles, &c. purged from the many false and spurious ones which had usurped his name, and from innumerable errours and corruptions in the true copies : to which are added many never printed before, with an account of the author's life.

Ad Episcopum Lincolniensem.

Reverende Praesul;

LIteras vestras ad Doctorem datas, & ad nos tanquam haeredes secundae cerae dela∣tas, ut amoris vestri clementiam gratulamur! Consulto siquidem Amplitudinis tuae refringis radios, priusquam ad imbellem nostram aciem pervenirent. Solem in unda spectamus faci∣les, quem in orbe suo non sine lippitudine susti∣nemus. Quae fuit scribendi;•• utinam eadem esset responsi methodus, ut excusatione ad ali∣um traduce peteremus veniam, & vicario rubore delictum nostrum fateremur. Quan∣quam si penitius causam excutias, peccamus magis quod deprecamur, & majori obsequio rebelles fuimus, quàm morigeri essemus. Quid enim aliud est peregrinum asciscere quam sanguinem vestrum exhaeredem facere. Collegium mater abdicat suos, si adopted alie∣nos. Si Tros Tyrius que nullo discrimine, Tyrius, vel in propriis penatibus erit inqui∣linus. Ergóne degener tandem vestrae fami∣lia, & desiderat indigenas honoribus pares. Erubescendum opprobrium! & dignum quod tantus Mecaenas experiundo refutaret. Ha∣bet igitur quod imputet Collegium, non quod defendat; si enim in hoc peccet, quod sobo∣lem

suam habeat charissimam, jussu naturae pec∣cat, vestris peccat sub auspiciis: pertinaciori e∣nim amplexu fovet filios, quia fratres tuos: Fratres dicimus, & satis cum superbia repeti∣mus, ita enim cura vestra profitetur Patrem, amor Fratrem; ut non Oedipus majori cum ae∣nigmate sceleratus fuerit, quam tu pius Matris Maritus, & Fratrum Pater. Veneramur igitur Patris & Fratris mixturam dulcem. Solvi∣mus quas debemus gratias & magis debemus solutas. Est beneficii Mantissa gratias ad∣mittere, praesertim nostras, quales receptas in damno potes deputare,

Quos Paternitas vestra habet mancupì Magister & Seniores Coll. D. Ioan.

Dat è Coll. D. Joan. 16. die Aprilis, 1641.