Clievelandi Vindiciæ, or, Clieveland's genuine poems, orations, epistles, &c. purged from the many false and spurious ones which had usurped his name, and from innumerable errours and corruptions in the true copies : to which are added many never printed before, with an account of the author's life.

Oratio posterior, eodem Respon∣dente.

DE Gallis dicitur quod primus plusquam virorum impetus, secundus minor sit quam foeminarum. Digni profecto qui ab Vxo∣ribus suis vapularent milites, cum (tanquam meticulos•• lepores) fortitudinis suae sexum mutent. Non tu hujusmodi Tyresias Galli∣cus, ut virilis anima sit degener in foeminam, & novissimae hebdomadae fortis Disputatio subsidat hodiè in sequiorem. Eccum vobis, Auditores optimi, eundem Respondentem! virtutem parem! noster Hercules non An∣cillam induit, nec nobilis ille clavae terror ad humile ministerium Coli emasculatur. Cesti∣us Rhetor ita sibi & Eloquentiae suae super∣vixit, ut discipulus ejus per cineres peroran∣tis Cestii juraret. Quotusquisque est qui su∣um ipsius stat Monumentum, cujus vigor igne∣us in flebile frigescit marmor, idem Eruditio∣nis Cadaver & Sepulcrum? Secus tua divi∣na, virtus, quae aemulos prius superare conten∣ta, nunc audaci conatu seipsam molitur; quae cum alios ita nuper vinceret, nunc ipsam Vi∣ctoriam captivam ducet. Hoc habet quilibet generosus animus, ut ne Solstitium patiatur, tantum abest ut agnoscat Tropicum. Praestat

aeternùm fuisse claudum, quam tandem retro∣gradum. Malo Mulier esse quam Eunuchus. Malo nasci quam fieri ignavus. Pristinae igi∣tur virtutis memor iterum descendis in pul∣verem, & priori gloriâ, tanquam optimo tu∣bicine, redaccensus instauras praelium. Pro∣inde à Majoribus nostris cautum ect, ut duos actus praestarent Iuridici; absque enim vobis & vestris litibus dualis numerus non esset in∣ventus. Hinc est quod semel tantum respondeat Theologus, ut quos vestra jurgia duos effece∣rint, ejus Pietas reduces faciat ad unitatem. Si Theologia & Medicina cum Iurispruden∣tiâ de forma concertarent, tam turbida est Facultas vestra, ut, me Paride, vestrum esset Pomum Discordiae. Sterilescit hoc anno Me∣dicina, ut quae satis novit quod ingruente bello, citra Medicorum opem mori possumus. Deficit Medicina, redundat Facultas vestra, neque mirum tamen quod binos alat ubere foe∣tus, cum ad Artis vestrae mulctram nos huma∣num pecus toties veniamus. Gens Amazo∣num alteram mammam solet exurere, ut ad praeliandum magis sit accommoda; ambas habet Iurisprudentia, & tamen plus quam A∣mazon est bellicosa. Qui solet omnia dupli∣care Bacchus à Poetis fingitur bis natus; du∣plex actus te peperit geminum. Ecce tibi Jo∣vis & Patris mixtura dulcis, qui disputatio∣nis fulmine te primum genuit, in amoris fe∣mur

nunc recondet. Epaminondas moritu∣rus, cum ejus orbitatem defleret quidam, ni∣hil de tam egregiâ stirpe reliquum fuisse: Leuctram & Mantinaeam, duas pulcherrimas filias se reliquisse dixit. Quid aliud tua dis∣putatio gemina quam Leuctra & Mantinaea? pulchrae quidem filiae, quas ita despon∣satas sibi velit posteritas aemula, ut qui in fu∣turum seculum erit doctus, erit Gener tuus. Age igitur, & fortiter, cavendum enim est ab Achillis fato qui usque fuisti invulnerabi∣lis, in Disputationis calce occidaris.