Clievelandi Vindiciæ, or, Clieveland's genuine poems, orations, epistles, &c. purged from the many false and spurious ones which had usurped his name, and from innumerable errours and corruptions in the true copies : to which are added many never printed before, with an account of the author's life.

Oratio in Scholis Publicis habita cum junior Baccalaureus in Tri∣podem disputaret Cantab.

QVos ne videre possum citra oculorum hyperbolen, quomodo vos compellarem? Et cum altissimus vester gradus sine scalâ occupari nequeat, quaenam Orationis Climax vestram scandet dignitatem? Vestram dum suspicio in meo vultu invenio purpuram; & ingentis curae quae praestandae observan∣tiae me habet solicitum, non novi subtilius argumentum quam stuporem. Quod autem Poetarum Princeps Deorum Senatum cogit ad suam Batrachomyomachiam, pari audacia liceat & mihi vos ad ludicrum hoc cer••amen nostrum invitare. Vmbra est haec nostra contentio & Icon belli. Murium & Ranarum pugna, quid aliud quàm Iliadis Brachygra∣phia? & in pusillis istis animalibus Hector & Achilles (tanquam Iliades in nuce) co∣arctantur. Ea siquidem est pensi nostri con∣ditio, ut hic etiam Mars & Venus implicati jacent. Pugna est, sed ludicra; Ludus, & tamen bellicus; ita ut nec bis cincta placeat Philo∣sopia, nec nuda Cytherea. Qui virili toga indutus, necdum reliquit nuces, sed totus jo∣cos crepat, hujus ego Palladem posthumam

cerebri sui prolem existimabo. Qui in hisce Floralibus solus Cato, & inter Philosophiae spinas nullos admittit Rhetoricae flores, hujus Minerva (ad Amazonis instar) alterâ mammâ destituitur. Ille demum sit noster Miles, qui & sese praestet ingenii Velitem, & Philoso∣phiae Cataphractum; qui & viriliter audet disputare, & pueriliter cum Bipede Tripode par impar ludere. Me quod spectat ita ratio∣nem ad agendum subduxi meam, ut utrinque munus moliar & subterfugiam, & pudibun∣da metum inter & officium Musa, & fugit ad salices, & videri cupit.