Three anatomic lectures concerning 1. the motion of the bloud through the veins and arteries, 2. the organic structure of the heart, 3. the efficient causes of the hearts pulsation : read on the 19, 20 and 21 by Walter Charleton ...

PRAELOQUIUM.

CVM non ita pridem, Clarissime, Ornatissiméque PRAESES, mandatum tuum, ut ad Saxum hoc anatomicum hîc denuò volvendum me accingerem, ad obsequium paratus accepissem; mox apud me ultrò ci∣tró{que} agitare coepi, quodnam argumenti genus prae caeteris mihi seligerem, quo & Excellentiae tuae expectationi ali∣quatenus satisfacere possem, simul & caeterorum è Doctissi∣mis meis Collegis (quorum hîc florem video tota urbe delibatum) auscultationi prolixiùs gratificari. Plurima quidem tunc temporis anxiae ac in diversa distractae sese offerebant menti, nec ad gratiam vulgi conciliandam for∣tassis incommoda: Sed Principum virorum, quos in cele∣berrimo hocce Theatro placidè considentes venerabundus aspicio, erudita curiositate prorsus indigna judicabam om∣nia. Tandem verò animo se meo ingessit summum illud, necdum etiam Medicorum vulgo satis intellectum Naturae mysterium, Sanguinis, nempe, motus Circularis: quo de quidem plerique omnes passim gestiunt garrire; paucos ta∣men reperias, qui de causis ejusdem, de conditionibus at{que} circumstantiis, & (quod caput est rei) de ratione Mecha∣nica cogitarunt unquam; & (quod seriò dolendum) ad∣huc pauciores existunt, qui malè se habentibus consilium daturi, respicere soliti sint ad fidissimam illam morbis sive acutis, sive chronicis medentium Cynosuram. His ego igitur adeò pudendam, adeò etiam valetudine adversa lan∣guentibus periculosam nunc demum ut excutiam incuriam; utque aliquod remedium illorum inscitiae adhibeam: me∣cum statui, arreptâ hâc nuper demandatae mihi provinciae occasione, de veris, hoc est, Mechanicis causis, quibus in orbem perpetuò sanguis movetur, pro ingenioli mei tenui∣tate,

inquirere. Affulsit quippe animo spei scintillula quae∣dam, ex iis, quae ist â de quaestione apud vos dicenda habeo, lucis nonnihil afferri posse ad eam penitùs explicandam. Quamobrem, ne spem alnisse videar inanem, permissu vestro primùm agam de Sanguinis per venas ad Cor re∣currentis motu rapidissimo, itemque de causis istius tantae velocitatis: deinde Cordis ipsius conformationem Orga∣nicam perscrutabor: & postremò conabor causas cordis Pulsationem efficientes, quae hactenus omnium elusisse vi∣dentur Anatomicorum solertiam, explorare. Haec autem dum viritìm enucleare molior, clarioris doctrinae gratiâ, demonstrationes aliquot Mechanicas, ad institutum meum apprimè facientes, ex Alphonsi Borelli, omnium quot∣quot hoc saeculo nostro floruêre, Mathematicorum facilè solertissimi, scriptis mutuabor: omittendo interea caetero∣rum ferè omnium, qui post Harveum nostrum de Circui∣tione Sanguinis conscripserunt, opiniones; idque ne aut tempus frustrà conterere, aut memoriae vestrae fidelitati diffidere censear. Habetis itaque, Auditores Aequissi∣mi, praesentis mei summam consilii, eorumque quae dicere aggredior, seriem. Quam dum ingenii toto impetu per∣sequi contendam, nolo existimetis, me mihi veritatis ar∣bitrium arrogare. Semper equidem verum quaero; quin∣etiam, Senecae illustri exemplo animatus, quaero sine in∣veniendi spe: tantum abest ut credam, esse me aliis docen∣dis parem. Neque etiam adeò sum mihi Suffenus, ut cu∣jusquam expectem conatibus meis applausum. Novi enim, quàm difficile sit, & diligentiae laudem, simul & gratiam celeritatis mereri. Caeterùm unum illud me solatur, quòd fermè rebus suâ naturâ difficillimis venia sit prolixior apud prudentes viros, quibus non ignotum, quàm sit ar∣duum, novis autoritatem, obscuris lucem, dubiis fidem afferre.