Myographia nova sive musculorum omnium (in corpore humano hactenus repertorum) accuratissima descriptio, in sex praælectiones distributa Nomina singulorum in suo quæque loco, situque naturali, in æneis musculorum iconibus exarantur: eorum item origines, insertiones, & usus, graphice describuntur, additis insuper ipsius authoris, & aliorum nuperrimis observationibus & inventis. Opera & studio Joannis Browne, serenissimi caroli secundi, britanniarum regis, nec-non nosocomii regalis, quod est ad D. Thomæ, chirurgi ordinarii.

Celsissimo Principi JACOBO, Eboraci & Albaniae Duci, Ultoniae Comiti, &c. Et quod omnes Titulos, Omne Decus Nomenque suâ unius claritudine praestringit, Caroli Secundi Serenissimi Sapientissimique Britanniarum RE∣GIS, uno Providentiae Miraculo restituti, perpetuo servati, Amico certissimo, ac Ger∣mano FRATRI.

Celsissime PRINCEPS,

CUM Musculi fint Virium Humanarum Fundamenta, cui potiori jure consecra∣tur ea, quae de his a nobis instituitur Tractatio, quam tibi fulcro ac Tibicini rerum Britannicarum, cujus Corporis Heroici Divinum robur, animique in Dubiis aut afflictis rebus in∣concussa firmitudo terrâ marique tam insignia extiterunt, ut nulla gens tam barbara tam dissita reperiatur, tamque a famae tuae celebritate aliena, quo tui nominis ingens admiratio, cum metu quodam & formidine conjuncta non pervasit. Fortitudinem Prudentiamque tuam, sicut, debent ag∣noscunt Hispani, sensere Galli, & ad earum vel levissimam mentionem ac memoriam totis artu∣bus contremiscunt Belgae, adeo ut Sanguine

Regno conjunctissimus, virtutibus tamen Regiis, conjunctior videaris.

Tibi itaque (Celsissime Princeps) hasce Mus∣culorum omnium Iconas novâ Methodo delinea∣tas & expressas, (quasi tot votivas Tabulas pro vitâ exoptatissimâ tuâ primum à fluctuum deinde à tetriori Schismaticorum rabie Supremi Numi∣nis auspicio liberatâ) Humillimé dicat conse∣cratque

Celsitudinis tuae. Cliens Devinctissimus & Servus Humillimus. J. BROWNE.