Academia scientiarum, or, The academy of sciences being a short and easie introduction to the knowledge of the liberal arts and sciences, with the names of those famous authors that have written on every particular science : in English and Latine / by D. Abercromby ...

Sectio Vigesima secunda. Ars Nautica.

ARS Nautica, sive Histiodromica ea est quae docet qui dirigi de∣beat navis per maria ad propositum portum.

Haec ars requirit notitiam pyxidis Nauticae, & Bolidis, orae Maritimae, Promontoriorum, Rupium, Portuum distantiarum inter loca, aestuum Ma∣ritimorum, latitudinis & longitudinis cujusque loci, instrumentorum pari∣ter variorum ad investigandam syde∣rum altitudinem, ut Baculi decussati, Quadrantis, Nocturnalis, Scalarum planarum, Scalarum Gunteri, &c.

Pyxis Nautica est planum rotun∣dum, cujus circumferentia in 32 par∣tes aequales dividitur rectis lineis per centrum transeuntibus quae Rhombi dicuntur.

Altitudo poli Navigantibus adeo utilis sic invenitur: Observa primo Meridianam solis altitudinem ope astrolabii, aut alterius cujuspiam in∣strumenti, tum substrahe declinatio∣nem solis ex altitudine jam inventa so∣lis, ope instrumenti, si declinatio solis versus polum conspicuum sit, aut adde declinationem solis observatae altitudi∣ni si sol declinaverit versus polum me∣ridionalem, residuum aut summa fu∣tura est altitudo aequatoris, cujus complementum est semper altitudo poli: Itaque si altitudo aequatoris su∣pra horizontem nostrum sit graduum sexaginta, altitudi poli futura est gra∣duum triginta: Quia si addas 30 ipsis 60, summa futura est 90; & si polus 10 tantum supra horizontem gradibus extet, aequator supra eundem extabit 80, quia hic numerus est complemen∣tum illius.

Si posset construi Clepsydra, aut ho∣rologium quod ab accurata mensura temporis parum aberraret: Illius ope

inveniri possent hoc modo longitudi∣num differentiae: Aptetur horologium ita ut dum solvit navis ostendat horas loci unde discedimus, deinde inter navigandum nunquam cesset: Cumque libuerit scire longitudinem loci in quo sumus, ex observatione coelesti inqui∣ratur illius loci hora, quae si omnino convenerit cum hora quam horologi∣um indicat, certum erit nos esse sub eo unde discessimus meridiano, si vero plures horas observatione invenimus, quam horologium indicet, progressi sumus versus ortum, si pauciores de∣fleximus versus occidentem, dignos∣ceturque differentia longitudinum, si reducantur differentiae horarum in gradus, & minuta graduum.

Authores.

Sellerius, Everardus, Wrightius, &c.