Academia scientiarum, or, The academy of sciences being a short and easie introduction to the knowledge of the liberal arts and sciences, with the names of those famous authors that have written on every particular science : in English and Latine / by D. Abercromby ...

Sectio Vigesima prima. Medica: Sive Ars Conservandi & re∣staurandi Humani Corporis.

HErmes Trismegistus celebris apud Aegyptios medicus necessariae hujusce artis inventor dicitur: Est au∣tem aut Empirica, hoc est quae me∣ra experientia, aut Dogmatica, quae ra∣tione & experientia nititur: Medici∣nae Dogmaticae praecipui magistri exti∣tere Hippocrates & Galenus.

Est aut speculativa aut practica;

prior considerat, 1. Naturam, cau∣sasque externas morborum, ut sex res dictas non naturales quia non sunt partes corporis humani constituentes, cujusmodi censemus aerem, cibum, potum, somnum, vigilias, motum, & quietem, excreta, & retenta, ani∣mi pathemata, plethoram, sive Ple∣nitudinem, Cacochymiam, sive pra∣vum sanguinis habitum. 2. Scruta∣tur internas morborum causas, puta flatus, vermes, acidum.

Practica pars nobilis hujus, uti∣lisque artis methodum medendi spe∣ctat, quae posita est in Evacuatione, & Alteratione, quocumque demum modo evacuatio contingat, sive venae sectione, sive vomitu, dejectione, su∣dore, urina, aut insensibili transpira∣tione; quocirca verum ipsius obje∣ctum est tota materia medica, aut quicquid in regno Animali, Vegeta∣bili, & Minerali, Medici scopo inservire poterit.

Porro totam materiam medicam ad sequentia capita reducere fere pos∣sumus.

• 1. Attenuantia, ut Radices Aenulae Campanae, Folia Absinthii, Flores Ca∣momillae, Semina Calida, Baccae Juniperi, Lauri, Axungiae vetustio∣res maxime Vulpina, & Ursina, Olea pleraque, ut amygdalarum Amara∣rum, Nucum, &c. Emplastra de Be∣tonica, Diachylon, Oxycroceum, &c.
• 2. Emollientia, ut Radices Altheae, Bryoniae.
• 3. Grumos dissolventia, ut Radices Aristolochiae rotundae.
• 4. Detergentia, ut Radices Gentia∣nae, Aristolochiae.
• 5. Epicerastica quae moderata hu∣midate Acrimoniam humorum ob∣tundunt, ut Radices Malvae, & Al∣theae.
• 6. Alexipharmaca quae resistunt Ve∣neno, ut Radix Angelicae.
• 7. Condensantia, ut Radices Buglos∣sae, & Plantaginis.
• ...

• 8. Cathartica que vel purgant Bi∣lem, ut Cassia, Manna, Tamarin∣di, &c. vel Phlegma, ut Carthamus, Crocus Sylvestris, Turbith, Jalap, vel Melancholiam, ut Sena, Polypo∣dium quercinum, vel Humores aquo∣sos, ut Sambuci, & Ebuli Semen, Cortex, Succus, Mechoaca.
• 9. Vomitoria, sive mitiora, ut asa∣ri folia, aut validiora, ut Spiritus Ni∣cotianae, Infusio Nicotianae, Crocus Metallorum., &c.
• 10. Diuretica. ut Radices Rapha∣ni, Apii.
• 11. Sudorifica, ut Cornu cervi, Di∣ascordium, Radices Angelicae.
• 12. Repellentia, ut Radices Pruni Sylvestris, Tormentillae, &c.
• 13. Emplastica quae corporis meatus obstruunt, ut Radices Symphiti, & Li∣liorum.
• 14. Absorbentia, quae valida exsic∣candi vi absumunt humorem, ut om∣nes Cineres, Acetum, Muria.
• ...

• 15. Vesicatoria, quae vesicas exci∣tant, ut Cantharides, Sinapi, Allium, Nasturtium.
• 16. Suppurantia, a quibus pus ge∣neratur, ut Radices Althaeae, Liliorum Alborum, &c.
• 17. Vulneraria, ut Radices Tor∣mentillae, Consolidae utriusque.
• 18. Sarcotica, quae removent quic∣quid Carnis generationem prohibet, ut Radices Aristolochiae, Tragacan∣tha, Sanguis Draconis, Sarcocolla.
• 19. Epulotica, quae callum gene∣rant, aut cicatricem, ut Sanguis Dra∣conis, Folia Myrthi.
• 20. Anodina, ut Radices Althaeae, Radices Liliorum.
• 21. Narcotica, quae omnem sen∣sum tollunt, ut Oleum Palmae, Lauri, Terebinthinae, &c.
• 22. Hypnotica, quae somnos conci∣liant, ut Requies Nicolai, Diascordi∣um, Laudanum opiatum, &c.
• 23. Sanguinem Sistentia, ut Co∣ralliae, Bolus, Terra Sigillata, &c.
• ...

• 24. Cephalica, ut Radices Aristo∣lochiae, Galangae, Folia Betonicae.
• 25. Errhina, quae cerebum pur∣gant & Thoracem, educta superflua circa meninges pituita, ut Succus Be∣tonicae Pulvis albi & nigri Hellebori.
• 26. Ophthalmica, ut aquae & succi Euphrasiae, & Chelidoniae.
• 27. Otica, quae levant aurium do∣lorem, ut Folia Lauri, Radices Porri, Raphani.
• 28. Cardiaca, ut Radices Zedoariae, Doronici, aquae Cardui Benedicti, & Melissae.
• 29. Bechica, quae humores in Tho∣race, & pulmone conclusos ad facilio∣rem Tussiendo ejectionem disponunt, ut Sirupus & succus hederae terrestris.
• 30. Aromatica, ut Sirupi Absin∣thii, & Betonicae.
• 31. Splenica, ut Pulvis ex Chalybe, Radices Valerianae.
• ...

• 32. Nephritica, ut Radices Althaeae, Sal Prunellae.
• 33. Lithontriptica, quae calculum frangunt, ut Radices Aenulae Campa∣nae, Galangae.
• 34. Hysterica, ut semen agni casti, Portulacae, Trochisci de Myrrha.
• 35. Arthritica, quae valent adver∣sus Podagram, & Chiragram, ut Ra∣dices Aenulae Campanae, Folia Solani, Plantaginis, Althaeae.

Authores.

Hippocrates, Galenus, Trallianus, Actuarius, Cornelius Celsus, Avicenna, Sennertus, Riverius, Macasius, Regi∣us, Willisius, Barbetius, Harveius circulationis Sanguinis Inventor, &c.