Academia scientiarum, or, The academy of sciences being a short and easie introduction to the knowledge of the liberal arts and sciences, with the names of those famous authors that have written on every particular science : in English and Latine / by D. Abercromby ...

Sectio Secta. Ars Bellica.

ARS Bellica, seu Militaris tum Graecorum, tum Romanorum varie discrepabat ab hodierna recen∣tiorum.

Communis Graecorum exercitus numerabat 28672, quibus non annu∣meramus qui Elephantis insidebant qui non eundem semper numerum conflabant, sed interdum majorem, minorem interdum. Hic exercitus dividebatur in equites, peditesque, pedites rursus in Oplitas & Psilos, Oplitae erant gravis armaturae mili∣tes, Psili levis armaturae.

Numerus Oplitarum duplus erat numeri Psilorum, & Psili equitum nu∣merum geminabant. Omnes Oplitae unius Phalangis uno colligebantur in agmine cujus frons constabat 256, & ala 16.

Ex omnibus Psilis Phalangis consti∣tuebant Graeci duo agmina, a fronte stabant viginti octo supra centum, a latere octo. Omnes equites Phalan∣gis distribuebantur in turmas quadra∣tas sedecim, quarum quaelibet qua∣tuor supra sexaginta milites contine∣bat.

In exercitu Graeco ex quadruplici Phalange conflato quatuor erant ag∣mina Oplitarum, octo Psilorum, & sexaginta quatuor turmae equitum.

Romana legio quatuor complecte∣batur hominum Genera diversa non aetate tantum, divitiis, scientiaque Bellica, sed & armis, modoque pug∣nandi: Ex junioribus enim, paupe∣rioribusque, ut testatur Polybius seli∣gebantur Velites, ex proximis hasta∣rii, ex aetate florentibus Principes, se∣nioresque, & magis experti seligeban∣tur in Triarios.

Numerus militum ex quibus di∣versi illi ordines constabant diversis temporibus diversus erat; prout legio magis, minusque numerosa erat. Cum legio constabat ducentis supra quatuor millia, ut temporibus Polybii constabat; sexcenti erant Triarii in legione, ducenti supra mille in quovis ordinum reliquorum, scilicet Princi∣pum, Hastariorum, & Velitum: At numerosiore jam legione tres varii or∣dines numerosiores omnes reddeban∣tur, exceptis tantum modo Triariis quorum numerus idem semper erat.

In Militia hujus saeculi nulla hujus∣modi distributio observatur, cum exer∣citus non dividatur in partes eodem semper numero constantes: Quaedam enim legiones constant 10 cohortibus quaedam 15, quaedam 20, pauciori∣bus aut pluribus; cohortes pariter non semper eodem constant numero: Quaedam enim constant 100 militibus, aliae 120, aliae 150 &c.

Hoc saeculo exercitus pugnaturus in tres ordines distribuitur; Galli unumquemque ordinem in varia ag∣mina quandoque distribuunt, Turcae exercitum interdum ordinant in for∣mam lunae crescentis.

Castra, maxime si in propinquo fue∣rit hostis debent figi in loco tuto ubi magna adsit aquarum copia, com∣meatusque, & si diuturnior esse de∣beat exercitus mora, videndum an au∣ra illic salubris sit.

Cavendum autem imprimis ne ca∣stra prope montem statuantur, qui ab hoste occupatus exercitui noxius esse posset.

Authores.

Polybius, Stevinius, Heregonius.