Academia scientiarum, or, The academy of sciences being a short and easie introduction to the knowledge of the liberal arts and sciences, with the names of those famous authors that have written on every particular science : in English and Latine / by D. Abercromby ...

APPENDIX,

Quosdam e praecipuis hujus, superio∣rumque saeculorum Authoribus indi∣cans. Hic nomine Authorum intel∣liguntur ii, qui reipsa ejusmodi sunt, hoc est primi utilis cujuscumque Sci∣entiae, seu cognitionis Inventores.

AEQui bonique consulet Lector brevem hanc imperfectamque descriptio∣nem eorum, quae sive hoc, sive praeterita saecula invenerunt; cum enim per otium licebit, statui ampliorem hoc super argu∣mento conscribere tractatum, ipsumque denotare tempus quo quidlibet e prelo in lucem prodiit, eo consilio ut Transcripto∣res tum domestici, tum extranei qui toties

ties illustrissimo Boylio, Hookio, Cartesio, aliisque maximam aut praecipuam saltem lucubrationum suarum partem surripuere meritas ipso detecti furti pudore luant pae∣nas: Quo fiet ut ingeniosi quique quae∣cumque de novo excogitant, facilius in lu∣cem emissuri sint si tutos se ab Authoribus aliena usurpantibus noverint.

Initium ducam a Roberto Boylio jure me∣rito jam ubique celeberrimo, quamvis quae hic nobilem hunc Authorem spectant verbo absolvere queam, si dixero ut vere possum, quicquid ab ipso in lucem editum est esse omnino novum, sive argumentum ipsum spectes, sive rationes ab ipso propositas, sive denique peculiarem ipsius methodum: Sed quia his in genere dictis Lectoris curio∣sitati factum satis non fuerit, propius quae∣dam attingam paucissima tantum comme∣moraturus, ut qui per otium accuratiorem scribere decreverim Historiam tum eorum quae magnus hic Author primus adinvenit puta Notionem Machinarum, Experiment o∣rum, &c. Tum eorum quae indigenae hujus insulae ad utilium Scientiarum propagatio∣nem excogitarunt.

Celeberrima Antlia Aeria ab illustrissi∣mo Roberto Boylio excogitata fuit: Plenam ejusdem descriptionem tradit ibi ubi de

Experimentis Physico-Mechanicis; illius ope elasticam aeris virtutem, atque elaterem probat, variaque alia, quae merito miremur, Phaenomena ad naturam, elaterem, expan∣sionem, pressionem, gravitatemque aeris spectantia.

Primus ille Author experimenti est de diversis partibus, & redintegratione Salis∣petrae, unde concludit motu, figura, par∣tiumque dispositione secundarias omnium corporum affectiones produci posse, pro∣scribitque proinde substantiales Scholarum formas, & qualitates.

Sed quia fusius alibi scribere statui de iis quae nobilis hic Author primus invenit, hic tantum suggeram, Physiologicis ipsius tent aminibus, atque Experimentalibus, Chy∣mico Sceptico, Utilitate Experimentalis Phi∣losophiae, Historia Frigoris, Experimentali Historia Colorum, Hydrostaticis Paradoxis, Origine Formarum & Qualitatum, Libera in Receptam Naturae Notionem disquisitione, Concordia Remediorum Specificorum & novae Philosophiae, Historia Humani Sanguinis, Dissertatione de Causis Finalibus, nondum edita; variisque aliis ejusdem operibus, tot novas contineri Notiones, Experimen∣taque fere quot versus.

Non praetermittam hoc loco quod doc∣tissimus, ingeniosissim usque Rob. Gordonius, a Gordistoun eques, nuper•• adinvenit; no∣tissimam scilicet jam ubique hauriendis A∣quis Antliam, mechanismi quoddam genus, quod superiorum aetatum hoc in genere arte facta longe exsuperet, ut sequente utilis hujusce machinae descriptione facile demonstrabo.

Nova haec Antlia duplo plus quavis alia aquarum trahit; & dimidiis tantum viri∣bus dimidioque solum constat pretio, & dimidium tantum modo implet locum. Experimentum hoc Deptfordii vigesimo se∣cundo Martii coram Comite Darmouthensi Commissariisque classis regiae, ad rem ut reipsa erat Regi referendam constitutis ita se habebat.

Imposita nova haec Antlia navi bellicae sexti ordinis mensuratam duorum dolio∣rum Cisternam minuto uno, secundis quinque supra quadraginta implevit: No∣taque navis Antlia idem sex minutis & aliqua parte septimi praestitit, utramque autem quatuor tantum operarii agebant.

Navi bellicae quarti ordinis imposita co∣opera••tibus interim duodecim operario Cist••ruam secundis triginta, & uno imple∣vit, navisque Antlia ope sex nautarum can∣d•••••• quatuor minutis, & aliqua parte quin∣ti implevit.

Praecipuos rerum Anatomicarum detec∣tores sequentes numeramus, vid. Fabricium ab aqua pendente, qui detexit Valvulas ve∣narum, ut Valvula, sub introitum magni intestini quod Colon dicunt inventa fuit a Bauhino; venae Lacteae mesenterii ab Asel∣lio, receptaculum Chyli a Pequeto, ductus Virsungianus a Georgio Virsung Paduensi; Lymphatica vasa a Doctore Joliffeo, Bartho∣lino, & Olao Rudbeckio, internus ductus Sali∣varis in Glandula maxillari a Doctore Whar∣tono, & Doctore Glissonio, Glandulae sub lin∣gua, naso, palato, vasa sub innominata Glandula oculi, Glandula lacrymalis a Nicolao Stenone; nova Arteria Bronchialis dicta a Frederico Ruschio, Circulatio Sangui∣nis ab Harvaeo; quamvis alii quidam non sat probabiliter eam ascribant Paulo Ve∣neto, ut nonnulli Prospero Alpino, & etiam Andreae Caesalpino.

Ars aquae Salsae Dulcorandae inventa nu∣per in Anglia est, de qua celeberrimus merito Boylius conformia omnino rationi in Epi∣stola quadam hoc super argumento scrip∣sit.

Arithmeticam aut invenerunt, aut mul∣tum promoverunt sequentes Authores, Pythagoras, Euclides, non is qui coaevus fuit Pl••toni, auditorque Socratis, sed celeber∣rimus

Mathematicus hujus nominis qui post Aristotelem floruit, annis post priorem nonaginta; Diaephantus, Psellius, Apuleius, Cardan••s, Gemma Frisius, Clavius, &c.

Neperus invenit Logarithmos quorum ope omnia Arithmeticae praescripta exequimur sola Additione, & Substractione. Invenit pariter facilem, certam, brevemque nume∣randi methodum ope Baculorum, quam Rabdologiam dicunt, aut Computationem per Ossa Neperi.

Telescopium inventum fuit a Jacobo Me∣tio, Amstelodamensi licet vulgo Galilaeo tri∣buatur, qui quidem perfectius illud multo reddidit.

Torricellius invenit Barometrum quo in∣strumento aerem ipsum metimur.

Ars Typographica teste Polydoro Vergilio inventa fuit a Johanne Cuttembergio, Mogun∣tiano, licet quidam hunc honorem tribuant cuidam Fustio ex eadem civitate, & non∣nulli Laurentio civi Harlemensi. Sinenses hanc Artem prius Aeuropaeis noverant.

Flavius Goia, ab Amalphi, in Regno Nea∣politano creditur jam trecentis abhinc annis pyxidem Nauticam invenisse.

FINIS.