¶How kynge Arthur lete entyere his knyghtes yt he had lost there in batayll / & how he sente the Emperours body to Rome that there was slayne in batayll.
SO whan y• Romayns wyst that the Emperour was deed / they forsoke the felde & y• paynems also. And kynge Arthur after them chaced tyll it was nyght / & so many of them slewe yt it was wonder to telle. And tho torned kynge Arthur ayen whan it was nyght & thanked god of his victorye. And on the morowe he lete loke & serche all the felde for his knyghtes that he there lost. That is to saye. Borell erle of Maunt. Bedwere / & Kay / and Lyegiers erle of Boleyne. Vortiger erle of Baac. Aloth erle of Wynchestre. Cuisall erle of Che∣stre / and after Holden erle of Flaundres These were the grete lordes that kynge Arthur last in that batayll / with other worthy knyghtes them amonge. And so∣me he lete entere in abbayes by the coū∣tree / some he lete to be borne in to theyr owne coūtre. ¶And the Emperours bo∣dy he l••te take & put vpon a beyr & sent it to Rome. And sayd to the Romayns / that for Brytayne & Fraunce whichehe helde / other truage wolde he none paye. ¶And yf they axed hym ony other trua¦ges / ryght suche truage he wolde theym paye. ¶The kynge lete bere Kay to Ke∣nen his owne castell / & there hym ente∣red. And Leygier was borne to Boleyne there he was lorde. And Holden was bor¦ne to Flaundres / there he was entered / And all the other he lete entere with mo¦che honour in abbayes & in houses of re¦lygyon in the coūtre that they were slay¦ne. ¶And Arthur hymself soiourned y• same yere in Bourgoyne with his hoste & thought the same yere folowynge to passe the mount Ioye / and haue gone to Rome also to haue taken the cyte & ha∣ue put the Romayns in subgeccyon / but the wycked tyraunt Mordred hym lette∣as after ye shall here.