¶How the fyue lordes arosen at Rat∣tecote brydge.
ANd in the regne of kyng Richar¦de the .xi. yere thenne fyue lordes arosen at Rattecote brydge in y• destruc∣cyon of the rebelles y• were that tyme in all the reame. ¶The fyrste of these fy∣ue lordes was syr Thomas of wodstok the kynges vncle & duke of Gloucestre / and the seconde was syr Rycharde erle of Arundell / and the thyrde was syr Ry¦charde erle of warwyk / the fourth was syr Henry Balynbrok erle of Derby / y• fyfte was syr Thomas Mombray erle of Notyngham. And these .v. lordes saw the myschyef & mysgouernaūce and the falsnes of y• kynges counseyll / wherfore they y• were that tyme cheyf of y• kynges counseyll fledde out of this londe ouer se that is to saye syr Alysander Neuell the Archebysshop of yorke / and syr Roberte Lewe marqueyes of Deuelyne and erle. of Oxforde / and syr Mychell de la pole / erle of South folk & Chaūceler of En¦glonde. And these thre lordes went ouer see and came neuer ayen for there they de¦yed. ¶And than these fyue lordes aboue sayd made a parlemente at westmynster and there they toke syr Robert Tresaly am the Iustyce and syr Nicholl Brem∣bre knyght and cytezeyn of London and syr Iohn̄ Salesbury a knyghte of y• kȳ¦ges housholde & vske sergeaūt of armes and many moo of other people were ta¦ken and Iuged vnto the dethe by y• coun¦seyll of these .v. lordes in that parlement at westmynster for y• treason y• they putt vpon theym to be drawen frome y• toure of London thrugh out the cyte & so forth vnto Tyburne & there they sholde be ha¦ged and theyr throtes to be cutte & thus they were serued & deyed. And after that in this same parlement at westmynster was syr Symond Beuerle y• was a kny¦ght of the garter and syre Iohn̄ Beau¦champ knyght that was stewarde of y• kynges housholde / & syr Iamys Ber∣ners were for Iuged vnto the dethe and than they were ledde on fote to the toure hylle & there were theyr hedes smyten of and many other moo by these .v. lordes ¶In this same parlement and in y• 〈◊〉〈◊〉 yere of kynge Rychard{is} regne he lete 〈◊〉〈◊〉 & ordeyne a generall Iustes y• is called a turnement of lordes and knyghtes. And this Iustes & turnement were holden at London in smythfelde of all manere of straūgers of what londe or coūtre y• euer they were & thyder they were ryght wel∣come & to thē & to all other was holden open housholde & grete festes & also gre¦te gyftes were gyuen too all manere of straungers. And of the kynges syde we∣re all of one sute their cotes ther armure sheldes hors trappure and all was white hertes with crownes about theyr neckes and chaynes of golde hangynge ther vp¦pon and the crowne hangyng lowe befo¦re the hertes body / the whiche herte was