¶How Vrsula and .xi. thousande may¦dens that were in her company wente towarde lytell Brytayne / and all they were martred at Coleyne.
THis Vrsula chose vnto her com∣pany .xi. thousande maydens / y• of all other she was lady & maystresse / And all they wente to shyppe at one ty∣me in the water y• is called Tamyse / & cōmaunded her kynne & her frendes to almyghty god / & saylled towarde lytell Brytayn. But whan they were come in to the hyghe see / a stronge tempest arose as it was goddes wyll / & Vrsula with her shyppes & her company were dryue to Hundlonde thrugh tempest and arry¦ued in the hauen of the cyte of Coleyne And the kyng of the londe that was cal¦led Gowan / was tho in the cyte. And whan he wyst the tydynges that so ma ny fayre maydens were there arryued. He toke Elga his brother & other of his housholde with hym & went to the shyp¦pes to se•• y• fayre company. And whan he sawe them so fayre / he and his com∣pany wolde haue ouerlayne them & sa∣ke fro them ther maydenhode. But Vr∣sula that good mayde / coūseylled / pray∣ed / warned / & taught theym that were her felowes y• they sholde defende them with all theyr myght / and rather suffre deth than suffre ther body to be defor / led. So that all tho maydens became so stedfast in god / that they defended them thrugh his grace / so that none of them hadde power to do them shame. Wher∣fore the kynge Gowan was sore ano••ed that he for wrathe slewe them eueryo¦ne anone ryght / & so were all tho may∣dens martred for the loue of god / and lyeth at Coleyne.