Tabula

¶How Robert Brus was dyscōfyted / in bataylle / & howe Symonde Fryselle was slayne.

THe Fryday next before the Ass••s̄¦cyon of our lady kynge Edwar de mette Robert Brus besyde saynt Io¦hans towne in Scotlonde & with his cō pany / of the whiche company kyng Ed¦warde slewe .vij. thousande / whan Ro∣bert Brus sawe this myscheyf he begā to flee / & hydde hym y^t no man myghte hym fynde / But syr Symonde Frysell pursewed hym sore / so y^• he torned aren & aboode bataylle / for he was a worthy knyghte and a bolde of body. And then glysshmen pursewed euer sore in euerye syde & slewe the stede that syr Symonde rode vpon / & they toke hym / & lad hym vnto the hoste. And syr Symonde begā for to flatre & speke fayre / and sayd lor¦des I shall yeue you four thousand mar¦ke of syluer / myn hors / harneys and all myn armoure / & become a begger. Tho answerd Theobaude of Peuenes y^• was the kynges archere. Now so god me hel∣pe it is for noughte y^• thou spekeste. For all the golde in Englonde I wolde not lete y^• go w^t oute cōmaūdement of kyng Edwarde / & tho was he had vnto kynge Edward & the kynge wolde not se hym but cōmaūded to lede hym away / to ha¦ue his dome atte London. & on our ladi¦es eue Natiuite he was hanged & drawe & his heed smyte of. & hangyd ayen with chey••es of yren vpon the galowes. And his heede was set vpon London brydge vpon a sperr•• & ayenst Crystemasse the bodye was brente bycause that the men /

that kepte y^• body by nyght they saw so many deuyls rampynge with grete yrē hokes / rennȳge vpon y^• galowes & horri¦ble tormēted y^• body. & many y^• thē sawe anone after they deyed for drede / & some wexed mad / or sore syknes they had. and in that batayll was take the bysshop of Baston & the bysshop of saynt Andrew¦es / and the abbot of Sconne all armyd with yren as men of armes. as fals tray¦tours and fals prelates ayenste theyr o∣the. And they were brought to the kyng and the kynge sente them vnto the pope of Rome. that he sholde do with theym what his wyll were.