¶How syr Iohn̄ Baylol kynge of scot¦londe with sayd his homage.
ANd whan syr Iohn̄ Baylol kȳ ge of Scotlond vnderstode that kynge Edwarde was werred in Gas∣coyne / to whome ye reame of Scotlonde was delyuerd / Falsly tho ayenst his oth wt sayd his homage thrugh procurynge of his folke & sent vnto ye courte of Ro∣me thrugh a fals suggestyon to be asso¦ylled of ye othe yt he swore vnto ye kynge of Englōde & so he was by letter enbul¦led. ¶Tho chose they of Scotlonde dou¦sepers / for to benȳme Edwarde of hys ryght. ¶And in yt tyme came two Car¦dynalles from ye courte of Rome. fro the 〈◊〉〈◊〉 Celestine / to trete of acorde bytwe¦ne the kynge of Fraunce & the kynge of Englonde. And as tho cardynalles spa¦ke of acorde. Thomas turbeluyll was ta¦ken at Lyōs & made homage to y• warde of Parys & putt his sones in hostage / & thought to go into Englonde to aspye ye countre / and tell them whan he came to Englonde that he had broken the kyn∣ges pryson of Fraunce by nyght & sayd yt he wolde do that all Englysshmen & walsshmen sholde abowte the kynge of Fraūce. And this thyng for to brynge to the ende he swore / & vpon this couenaūt dedes were made bytwene them / and yt he sholde haue by yere a thousand poun¦des worth of londe. to brynge this thyn∣ge too an ende. This fals traytour toke his leue / & wente thens and came intoo Englonde vnto the kynge & sayd. yt he was broke out of pryson & yt he had put hym in suche peryll for his loue wherfor the kyng cowde hym moche thanke and full gladde was of his comynge. ¶And the fals traytoure fro that daye / aspyed all the doynge of the kynge and also his counselle / for the kynge loued hym full well and was with hym full preuy But a clerke of Englonde / yt was in the kyn¦ges hous of Fraunce: herde of this trea∣son / and of the falsnesse / & wrote to ano¦ther clerke yt tho was dwellynge wt Ed¦ward kynge of Englonde. all how tho∣mas Turbeluyll had done his fals con¦iectynge / and all the counsell of Englō¦de was wryte for to haue sende vnto the kynge of Fraūce. And thrugh ye forsayd letter yt the clerke had sente fro Fraūce it was foūde vpon hym. wherfor he was led to London & hangyd & drawe there for his treason. And his two sones that he had put in Fraunce for hostage. were thenne beheeded.