Tabula

¶Of kyng Henry Beauclerk that was Wyllyam Rous brother / and of the de∣bate bytwene hym & Robert Curthos his brother.

ANd whan Wyllyam Rous was deed. Henry Beauclerk his 〈◊〉〈◊〉 was made kynge / by cause Wyllyam Rome had no childe begote on his body. And this Henry Beauclerk was crow∣ned kyng at London the fourth daye af¦ter that his brother was decessyd / that is to saye / the fyfth daye of August. ¶And anone as Ancelmus that was Archbys¦shop of Caūterbury that was at y^• court of Rome herde tell that William Rous was deed / he came ayen in to England & the kynge Beauclerk welcomed hym with moche honour. And the fyrste yere the kynge Henry regned & was crow∣ned. He spowsed Maude that was Mar∣garetes doughter the quene of Scotlon∣de. And the Archebysshop Ancelmus of Caūterbury wedded them. And this kyn¦ge begate vpon his wyfe two sones & a doughter / that is to saye. Wyllyam and Richarde & Maude. And this Maude was afterwarde y^• Empresse of Almay∣ne. ¶And in the seconde yere of his reg¦ne / his brod{er} Robert Curthos / that was duke of Normandy came with an huge hoste in to Englond for to chalenge the londe. But thrugh counseyll of the wy∣se men of the londe / they were accorded in this manere. That the kynge sholde yeue his brother the duke a thousande pounde euery yere. And whiche of them that lyued lengest sholde be that others heyre / and so bytwene them sholde he no debate ne stryfe. ¶And then whan they were thus accorded / the duke wente ho∣me agayne in to Normandye. ¶And whan the kynge had regned foure yere. there arose a grete debate bytwene hym and the Archebysshop of Counterbury Ancelmus. For by cause that the Arche∣bysshopp wolde not graun••e to hym for to talenges of chirches at his wyll. And the reforde ef••ones the Archebysshope Ancelmus wente ouer the see vnto the courte of Rome & there he dwelled with the pope. And in the same yere the 〈◊〉〈◊〉 of Normandy came in to Englonde to speke w^t his 〈◊〉〈◊〉. ¶And 〈…〉〈…〉 other thynges the duke of Normandye.

••ory••••e vnto the kynge his brother the fousayd thousande poūde by yere that he sholde paye vnto the duke. And w^t good loue the kynge & the duke departed / & there y^• duke wente ayen in to Norman∣dy. ¶And whan tho two yere were ago∣ne / thrugh the entycement of the deuyll & of symple men / a grete debate arose bytwene the kynge & the duke / soo that thrugh coūseyll the kynge wente ouer y^• see in to Normandy / & whan the kynge of Englonde was come in to Norman∣dy / all the grete lordes of Normande tor¦ned vnto the kynge of Englonde & hel∣de ayenst y^• duke theyr owne lorde / & hȳ forsoke / & to the kynge them yelde / & all the good castelles & townes of Norman¦dy. And soone after was the duke taken & ladde with the kynge in to Englonde And the kyng lete put the duke in to pry¦son / & this was the vengeaunce of god / ¶ For whanne the duke was in the holy londe / god yaue hym suche myght & gra¦te / that he was chosen for to haue be kȳ¦ge of Iherusalem / and he forsoke is and wolde not take it vpon hym / and ther∣fore god sente hym that shame & despy¦te for to be putt in his brothers pryson / The seased kynge Henry all Norman∣dy in to his honde / & helde it all his lyfe tyme. ¶And in the same yere came the bysshop Ancelmus fro the courte of Ro¦me in to Englonde ayen. And the kyng & he were accorded. ¶And in the next yere comynge after / there began a grete debate bytwene the kynge Phylyppe of Fraunce & kynge Henry of Englonde / Wherfore kynge Henry wente in to Nor¦mandye / & there was stronge warre by∣twene them two. And tho deyed the kyn¦ge of Fraūce / & lowys his sone was ma¦de kynge anone after his deth. And th•• 〈◊〉〈◊〉 kynge Henry ayen in to Englon∣de / & maryed Maude his doughter vnto Henry the Emperour of Almayne.