¶Circa annū mūdi .iiij.M.viij.C. Et ante xp̄i natiuitatē .iij.C.lxxxx.
AZ••r is reherced in ye lyne of Cry¦ste in Math. 1o. / but no thynge of his dedes is wryten in ye scrypture. ¶E∣lyasyb or Elysaphat succeded Ioachim in the bysshopryche (vt dicit Eusebi{us} et magister histo.) ¶Camillus was Dic∣tator at Rome / in whoos dayes mysche¦uous playes were ordeyned / yt the pesty∣lence sholde cesse atte Rome. Of these playes saynt Austyn treateth diligently in repreuynge the falshede of yt goddes / the whiche desyred to be pleased with su¦che wretched playes. So shamefully the∣se playes were vsed with naked men & wȳmen / that honest men & wȳmen wol¦de not be at those playes / ne yet beholde them (Vide pla in Aug. de ciuitate dei) ¶Darius Notus regned at the Persces xix. yere. ¶Plato yt dyuyne phylosopher & Arystotle his discyple were this tyme noble & famous clerkes. ¶Titus Quin¦tus was Dictator at Rome / & he was a couetous man / whom Austyn de ci. dei. bryngeth in ayenst coueytous & prowde crysten men. ¶Gaius was a Senatour vnder whome was a grete bataylle a∣gaynst the kynge of Turco{rum}. And .viij. thousande men of theym were taken / ¶ Marcus Valerius was also a noble Senatoure of Rome / the whiche with .lx. thousande Romayns foughte with the Frenshmen & had the better & slewe many of them. ¶Arthaxerses kynge of Persees called ayen to his empyte Egyp¦te. And he put Nactanabo the kynge in Ethyopia / & many Iewes in to trans∣mygracyon. Also he sende Vagosum a prynce ouer Flom Iordan to aske ayen the trybute that was forgete / to Esdra that was the .vij. yere rente ({pro}pter sab∣bā terre) ¶Arsamus succeded hym / & regned a yere. ¶Dartus the sone of Ar¦samus regnid with the Persees .xxiiij. ye¦re. This Darius was a myghty man & a bolde / the whiche asked of the Grekes a trybute / & that was the cause of the de∣struccyon of the monarche of Persa{rum} / for it was translated to the Grekes / af∣ter the prophecye of Danyell. For it is sayd / that Darius brought .xv. hondred thousande fyghtynge men / whome all Alexander slewe. ¶Iodas the sone of Elysaphat was hyghe bysshop in Ieru∣salem in tyme of Mardachin. Iohānes his sone succeded hym. ¶Arystotiles the moost subtyll & famous phylosopher ler¦ned this tyme. Senocrate y• moost chast phylosopher was this tyme / with dyuer∣se other moo.