¶How kynge Morwith deyed thorugh myschaunce / thorugh a beest.
AFter this Howan regned Mor∣with / and he became so wycked and so sterne / tyll at the last a grete ven¦geaunce came vpon hym. For whan as he went vpon a tyme by the see syde / he met••e with a grete beest / that was black and horryble & hydeous. And he wende that it had be a whale of the see / & bent an arblast and wolde haue slayne that beest with his quarell / but he myght not smyte hym. And whan he had shot all his quarelles the beest anone came to hȳ in a g••••te hast / & hym deuoured a lyue / and soo he deyed for his wyckednesse / thorugh vengeaūce of god / after that he had regned .ix. yere.