Tabula

¶Anno mundi .i. Et ante x•••• natu•••••• tatem .v.M.C.lxxxxix.

[illustration]

¶Here begynneth the fyrste aege durynge vnto the flood of Noe

Adam Eua

IN the fyrst yere of the worlde the sixt day / god made Adan in y^e fel¦de Damascen̄ & Eua of his rybbes put¦tyng them in paradys. And badde them to kepe his cōmaūdement / y^• they sholde not ete of the fruyte of lyf / vnder y^• pay∣ne of deth. And the same daye that they had synned / anone he caste them out of paradys / in to the loude of cursydnesse / that they sholde lyue there with swetyn¦ge & sorowe tyll they dyed (Vide plura Gen̄ .i.) ¶This Adam was an holy man all y^e dayes of his lyf / grete penall¦••e & dayly he dyde. And he cōmaunded

his children to lyue ryghtwysly. And na¦mely y^t they sholde auoyde in all wyse from y^e company of Cayn & his childn Nor y^t they sholde not marye w^t none of them. ¶This man Adam was our fyr¦ste fad{er}. And for oo synne he put vs out of Paradys. But thrugh his holy cōuer∣sacion & penaūce / he gaue vs en ensam∣ple to come to y^e kyngdom of heuen. And he y^t wyll not folowe his holy cōuersacōn & example / for oo synne ryghtwysly / he can not cōplayne on hym / as we do ma∣ny. ¶Seth sone to Adam was borne af¦ter y^e begynnynge of the worlde .C. & xxx yeres / & lyued .ix.C. & .xij. But Moyses ouerskypped an hondred of those / in the whiche Abell wept in y^e vale of Ploracy¦on nyghe Ebron. This Seth for y^e oyle of mercy to be goten / wente to paradys. ¶Delbora was syster to Abell. ¶Abell was slayne of Cayn his brod{er}. This A∣bell y^e fyrst martyr began the chirche of god. This man after Austyn made y^e cy¦te of god / & he was the fyrst cytezyn of y^e cyte. And by cause y^t he was ryghtwys our lorde receyued his offrynge. ¶Cal∣mana was syster & wyf to Cayn. This Cayn was a cursyd man / & he made the fyrst erthly cyte that euer in this worlde was in the whiche he put his people for drede / in so moche as he vsed rauyn & by olence. For he trusteth suche thynge to be done to hym / as he dyde to other / therfo¦re he put hym & his in to a syker place. This man slewe his brother Abell for enuye / & he was punysshed of god / and wandred about in a dispeyre. And after was slayne of Lameth a blynde man.