[The cronycles of Englond]

How therles of marche warwyk. & salisbury entred in to Ca∣leys / & how therle of warrewyk went in to Irlond / Capitulo / CC / lx^o. / (Book 259)

THenne kynge Henry beynge with his hoost in the felde not knowyng of this sodeyn departyng on the morne fonde none in the felde of the sayd lordes / sent out in al hast men to folowe & pursue after to take hem / but they met not with them as god wol de / and thenne the kyng went to ludlowe. & dyspoylled the castel and the toune / and sent the duchesse of yorke with hir children to my lady of Bokyngham hir suster / where she was kepte longe after / And forth with the kyng ordeyned the duk of Somersete Capytayn of Caleys / And these other lordes so departed as afore is said were proclamed rebellys & grete traytours / Thēne the du ke of Somersete toke to hym all the soudyours that departed frō the feld. and made hym redy in al hast to go to caleys & take pos session of his office / & whan he come he fonde therle of warwyck therin as capytayn / & therles of marche & salysbury also / & tha•…•… he lōded by scales & went to guysnes / & there he was receyued / & it fortuned that sōme of tho shippes that come ouer with hym co me in to Caleys hauen by theyr fre wyll, for the shipmen ought more fauour to therle of warrewyk than to the duk of somersete / in which shippes were take dyuerse men as Ienyn fynkhill / Iohn felaw / kaylles & purser / which were byheded sone after in caleys And after this dayly come men ouer see to these lordes to caleys & bygan to wexe stronger & stronger / & they borowed moch good of the staple / And on that other side the duk of somersete beynge in guysnes gate peple to hym / whiche come out & scarmuched with them of Caleys / & they of Caleys with hem / whiche endured ma ny dayes / Duryng thus this same scarmuchyng / moch peple day ly come ouer vnto these lordes / Thēne on a tyme by thauys of coū seyll the lordes at Caleys sent ouer mayster Denham with a gre te felauship to sandwich / which toke y^t toun / & therin the lord ri∣uers & the lord scales his sone / & toke many shippes in the hauen & brouʒt hem al to Caleys / with which shippes many marōners of theyr fre wyl come to Caleys to serue therle of warwick / & af ter this therle of warwik by thauis of y^e lordes toke al his shippes

〈◊〉〈◊〉 māned them wel / & sayled hym self in to Irlōd for to speke with the duk of york / & to take his aduys how they shold entre in to en glōd ayene / And whan he had ben there. & done his erandes / he re torned ayene toward Caleys / & brought with hym his moder the coūtesse of salysbury / And comyng in the westcoūtre vpon the see the duk of excestre admyral of englōd beyng in the grace of dieu accōpanyed with many shippes of warre / met with therle of war wyck & his flote. but they fouʒt not / for the substaūce of the peple beyng with the duk of Excestre ought better will & more fauour to therl•…•… of warrewyk / than to hym / & they departed / & come to ca leys in saufte blessyd be god / Thēne the kynges coūceyll seyng y^t these lordes had geten these shippes from sandwiche / & taken y^e lord Ryuers & his sone ordeyned a garnyson at sandwych to abide & kepe the toune, & made one moūtfort Capitayn of the toun / & that no man ne vytaylle ne marchaūt that shold goo in to Flaūdres shold not go in to Caleys / Thēne they of Caleys seyng this / ma de out maister denham / & many other to go to sandwiche, & so they dyd. & assaylled the toune by water & by lond / & gate it, & brouʒt moūtfort theyr capitayn ouer see to Rysebank / & there smote of his hede / And yet dayly men come ouer to them out of al party∣es of Englond /