In the yere of thyncarnacion of our lord Ih[es]u crist M.CCCC.lxxx. and in the xx. yere of the regne of kyng Edward the fourthe, atte requeste of dyuerce gentilmen I haue endeauourd me to enprinte the cronicles of Englond as in this booke shall by the suffraunce of god folowe ...

¶How the lande of Englonde was fyrst namd Albyon And by what encheson it was so namd

N the noble lande of Sirrie ther was a noble kyng and myhty & a man of grete renome that me called Dioclisian that well and worthely hym go••ned and ruled thurgh hys noble chinalrie.

So that he conquered all the landez about hym so that almost al the kynges of the world to hym were entēdant. Hit befell thus y^• this Dioclisian spoused a gentill damisell y^• was wōder fair that was his Emes doughter labana and she loued hym as reson wol¦de so that he gate vpon her xxxiij. doughtrez / of the which the eldest me called Albyne & thees damiselles whan they comen vn to age bicomen so fair y^• it was wonder Wherfor y^• this Dioclisian anon̄ let make a sompnynge aud cōmaūded by hys lr̄ez that all the kyn¦ges that helden of hym shold come at a certain day as in hys lr̄ez were conteyned to make a riall feste ¶At which day thider they comen and brought wyth hem amirallys princes & dukes and no¦ble thinalrie. The fest was rially arayed and ther they liued in Ioye and mirthe ynough that it was wonder to wit And it befell thus that this Dioclisian thought to marie his doughtres among all tho kynges that tho were at that solempnite / and so they spa∣ken & ded that albyne his eldest doughter and all hir sustres riche∣ly were maried vn to xxxiij. kynges that were lordes of grete ho¦nour and of power at this solempnite And when the solempnite was done euery kyng toke his wif and lad hem in to her owne cōtre and ther made hem quenes And it befell thus afterward y^• this dame albyne bicome so stoute and so sterne that she tolde litel pris of her lorde and of hym had scorne and despit and wolde not done his will but she wolde haue hir owne will in diuerse maters and all hir othir sustres e••ichone here hem so euel ayenst hir lordes that it was wonder to wyt and for as moch as hem thought that hir husbondes were nought of so hie ••age comē as hir fadre But tho kynges that were hir lordis wolde haue chastized hem with fair speche and behestes and also by yeftes and warned hem in fair maner vpon all loue and frendshipp that they sholde amende her l••ther condicions but all was for nought for they didden her owne wyll in all thyng that hem liked and had of poer wherfor tho xxxiij. kynges vpon a tyme and often tymes beten hir wi∣fes for they wend that they wolde haue amended her taches & hir wilked thewes but of soche condicions they were that for fair speche and warnyng they didden alle the wers and for be••ynges

eftsones mochel wers wherfor the kyng that had wedded Albine wrote the tacches and condicions of his wife Albyn and the letter sent to Dioclisian hir fadre / And whan the othir kynges herde that Albines lord had sent a left to Dioclisian / anone they sent lr̄ez ense¦led with hir seales the condicions & the tacches of hir wifes ¶When the kyng dioclisian saw & herd so many playntes of his doughtres he was sore aschamed & become wonder angrie & wroth toward hi•• doughtres & thought both nyght & day yf he tho myght amend it y^• they so mysded / And anone sent his lr̄ez vn to the xxxiij. kynges that they shold come to hym & bring with hem hir wifes euerichone at a certain day / for he wolde ther chastise them of their wikkednesse yf he myght in any maner wyse So that y^• kynges comē all at that day and tyme that tho was sette bitwene hem and the kyng Diocli¦sian hem vnderfeng with moche honour & made a solempne fest to all that were vnder his lordshipp And the thridde day after that so∣lempnite the kyng Dioclisian sent after his xxxiij. doughtres that they shold come & speke with hym in his chambre & when they were come he spake vn to hem of hir wikkednesse & of hir cruelte & dispi¦tously hem reproued & vndernam & to hem he said that if they wold nat be chastised they sholde his loue lese for euermore And when the ladies herden all this they becomen abasshed & gretly aschamed & to her fadre they seyd that they wold make all amendes & so they depar¦ted out from hir fadres chambre / & dame Albyne that was the el¦dest suster lad hem all to hir chambre & tho made wide all that were therynne so that no lyfe was amonges hem but she and hir sustres yfere / Tho said this Albyne My faire sustres well we knowen that the kyng our fadre vs hath reproued shamed and despised for en¦cheson to make vs obedient vn to oure housbondes / but certes that shall I neuer whiles that I leue sith that I am come of a more hier kyngs blode than myne housbonde is And whan she had thus said all hir sustres said the same And tho said Albine full well I wote faire sustres that our housbondes haue pleyned vn to our fa¦drr vpon vs wherfor he hath vs thus foule reproued and despised wherfor sustres my counceill is that this nyght when our housbon∣des bene a bedde all we with one assent cutten hir throtes and than we may bene in pees of hem and better we mowe doo this thinge vnder our fadres power than elles where And anone all the ladies consented & graunted to this counseill And whan nyght was com̄ the lordes & ladies went to bedde / & anone as hir lordes were in sle∣pe they cutte all hir housbondes throtes / And so they slowen hem all

when̄e that Dioclisian the kyng her fadre herd of this thyng / he bicome hugely wroth ayenst his doughtres and anone wolde hem all haue brent ¶But all the barons & lordes of sirrie coūceilled not so for to do suche sternesse to his owne doughtres but only sholde voide the land of hem for euermore so that they neu shold come ayene. And so he dyde. And Dioclisian that was her fadre anone cōmaunded hem to gone in to shipp and deliuered to hem vitailles for half ayere / And whan this was done all the su∣stren went in to the shipp and sailed forth in the see and bitoke all hir frendes to Appolyn that was hir god. And so longe they sail∣led in the see till at the last they come and arrined in an yle that was all wyldernesse. And wen dame Albyne was come to that londe and all hir sustres this Albyne went forth out of the shipp and said to hir othir sustres. For as moche quod she as I am the oldest suster of all this companie and fyrst this land haue taken / and for as moche as my name is Albyne I wull that this londe becalled Albion after myne owne name And anone all hir su∣stren graunted to hir wyth a good wyll ¶Tho went out all the sustres of the shipp and token the land Albion as hir suster called it And ther they went vp and downe and fonde nether man ne wo¦man ne child but wylde bestes of diuerse kyndes Aud when̄ hir vitailles where dispended and hem failled they fedde hem wyth herbes and frutes in seson of the yere and so they leued as they best myght and after that they token flessh of diuerse bestes and bicame wonder fat and so they desired mānys companie and mā∣nys kynde that hem failled / and for hete they woxen wonder cora∣gious of kynde so that they desired more mānys companie then eny othir solace or mirthe Whan the deuel that {per}ceyud and went by diuerse contreys and nōme body af the eir and likynge natures shad of men and come in to the lande of Albion and lay by thoo wymen and shad tho natures vpon hem and they conceyued after they broght forth Geantz of the whiche one me called Gogmagog and an othir laugherigan and so they were nempned by diuerse names and in this maner they come forth and were borne horri∣ble geantz in Albion and they duelled in caues and in hulles at hir wyll and had the londe of Albion as hem liked vn to the tyme that Brute arrined and come to Totnesse that was in the yle of Albion and ther this brut conquered and scomfited thes geantz aboue said

¶Here endeth the prolog of Albion that tho was an Ile and her¦keneth now how Brute was goten and how he slowe first his mo¦der and after ward his fadre and how he conquered Albion that af¦ter he nempned Britaigne after his owne name that nowe is cal∣led Englond after the name of Engist of Saxonie ¶Ca.j.

In the noble Cite of grete Troye ther was a noble knyght & a man of grete poer that was called Ene∣as and when the Cite of Troye was lost and destroi¦ed thurgh hem of Grece this Eneas with all his me¦yne fledde thens and come in to lumbardie that tho was lorde and gouernour of that londe a kyng that was called Latyne And an othir kyng ther was that was called Turocelyne that strongly werred vpon this kyng latyne that often tymes did hym moche harme And when this kyng latyne herde that Eneas was comen he vnderfeng hym with mochel honour and hym with helde for as moche as he had herde of hym & wist well that he was a noble knyght & a worthy of his body & of his dedes This Eneas helpe kyng Latyne in his werre & shortly for to telle so well & wor¦thely he did that he slowe Turocelyne & discomfited hym & all his pe¦ple And whan all this was done kxng Latyne yaf all that londe y^t was Turocelinis to Eneas in mariage with lauyne his dough¦ter the most faire creature that any man wiste and so they lyued to gedrr in joye and myrthe all hir lyfes tyme And after he wedded a wyfe and vpon hir he begate a sone that was called Silu••yne & this Silueyne whan he coude some reson of man vn witing his fa∣dre and ayenst his wyll acqueynted with a dam••sell that was cosin to Lauyne that was kyng Latynes dougter the quene that was Eneas wife and brought the damisell with childe And whan Asca¦nius his fadre it wist anone let enqnere of the wisest mastres and of the gretest clerkes what child the damisell shold bring forth and they ansuered and seid that she shold bring forth a sone that sholde quelle bothe fadre and moder and so he did For his moder died in bering of hym / And whan this child was borne / his fadre let calle hym Brute And the mastres said that he shold do moche harme & forwe in many diuerse places / and after he shold come to grete ho∣nour and wurshipp This kyng Ascamus deide whan god wolde / and silueyne his sone resseyued the land and mode hym wōderlich well beloued amonge his peple And whan Brute that was Sil¦ueynus sone was xv. yere olde he went vpon a day with his fadre for to pley and solace and as this Brute shold shete vn to an

her•• his arwe myshapped and glaced and so there Brute qu••lled his fadre.

¶How Brute was driuen out of the land and howe he helde hym in Grece Ca.ij.

ANd when this mischance befalle was the peple of the lande ••ade sorw y nowe and were sore an angred and for enche¦son therof they driuen Brnte oute of the lande and wolde nat suffre hym amonges hem and he sangh that he must not abide and went feo thens in to grece and ther he fonde vij.M. men that were of the ••••nage and kynred of Troye that were comen of grete blode as the storie telleth as of men and women and children the whiche were all holden in thraldome and bondage of the kyng Pandras of grece for the deth of achilles that was bitraied & slayne at troye This Brute was a wonder fair man and a stronge and huge of his age and of glad chere and semblant and also worthy of body and was welbeloued among his peple. This kyng Pandras herde speke of his goodnesse and his condicions and anone made hym duell with hym so that Brute bicome wōdre priue & moche beloued with the kyng so that long tyme Brute duelled with the kyng So at the last they of Troye and Brute spaken to gedre of kynred and of linage and of acqueyntance and ther pleyned hem vn to Brute of hir sorwe and of hir boūdage and of meny othir shames that the kyng Pandras had hem done and to Brute they saiden vpon a tyme / Ye be a lord of our linage and a strong man and a myghty be ye our captayn and lorde and we wull bicome your men and your cōmandementz done in all maner thynges and brynge ye vs oute of this wrecchednesse and bondage and fyght we wyth the kyng for thorgh the grace of the grete god we shal hym ouercome and we shul make yon kyng of the lande and to you done homage and of you we shull holde euermore Brut had tho grete pite of hir bondage that they were brought yn and preuelich went hym from the kynges court and all tho that were of Troye went and put hem in to wodes and in to montaignes and hem helde and sent vn to kyng Pandras that he sholde yeue hem leue sauelich for to Wend out of the lande for they nold no len¦ger duelle in his bondage The kyng Pandras wax tho sore anno¦ied and tho swore that he wolde slee hem euerichone and ordeyned a gret poer and went to wardes hem al for to fight but Brut and his men man••••che hem defended and fersely foughten and quelled

all the kynges men that none of hem ascaped and token the kyng and hym helde in prison and ordeyned counceill bitwene hem what they myght done somme said that he shold be put to deth and somme said that he shold be exiled oute of the lande and somme said that he shold be brent / And tho spake a wyse knyght that was cal∣led Menpris and said to Brute and to all tho of Troye yf kyng Pandras wolde yelde hym and haue his lyfe I counceill that he yeue vn to Brute that is our duke and our soueraigne his dou∣ghter Gennogen to a wife and in mariage with hir an honderd shippes well araied and all his tresoure of gold and siluer of cor¦ne and of wyne and as moche as vs nedeth to haue of o thyng and othir and than go we oute of his land and ordeyne we vs lande elles wherefor we ne none of our kynred that comen after vs shall neuer haue pees in this lande amonges hem of Grece / for we haue slayne so many of hir knyghtes and of her othir frendes that euermore werre and contake sholde bene amonges vs Brute tho and alle his folke consented well to that counceille and this thyng they tolden to kyng Pandras and ther for to haue his lyfe graunted as moche as they axrd / and anone yaf vn to Brute Gennogen his doughter to wife and the hondred shippes with as moche as hem neded of all vitailles as before was ordeyned Bru¦te tho toke his wife and all his men that forsoke the land of Gre¦ce and wenten hem vn to the see and hadden wynde and weder at wyll and comen the thridde day in to an Ile that was called Lor∣gers Brute anone sen••e of his men a londe for to aspie the maner of the contre and they founden an olde Cite all wasted and forlet that nas therynne nethir man ne woman ne no thyng duellyng and in the myddell of this Cite they founden an olde temple of a faire ladie that was called Diane the goddesse and they comen ayene vn to Brute and tolde hym what they had seyne and foun¦den and counc••illed hym to gone and to done sacrifice vn to dame Diane / For she was woned to yeue ansuere of what thyng that euer men prayed hir and namely vn to them that her honoured with sacrifice Brute went to that ymage and said Diane noble goddesse lady that all thyng hast in myght and in thy poer wyn∣des watres wodes feldes and all thynges of the world and all•• maner bestes that ther in bene to yowe I make my praier that ••e me councelle and telle where and in what place I shall haue a co¦uenable duellyng for me and for my peple and ther I shall ma∣ke in honour of yow a well faire temple and a noble wherynne ye

shull euermore bene honoured when he had done his praier Dia∣ne ansuered in this maner Brute quod she go euen forth thy wey ouer the see in to fraunce to ward the we•••• and ther ye shull fyn••e an Ile that is called Albion and that Ile is bicompassed all with the see and no man may come therin but it bene by shippes And in that londe were woned to be geantz but nowe it is nat so but all wildernesse and that land is yowe destenyed and ordeyned for yow and for your peple.

¶How Coryn became Brutes man and how kyng Goffar was discomfited Capitulo tercio.

WHen Brute herde this ansuere of diane the goddesse anone he let the ancres wynde vp and sailed 〈◊〉〈◊〉 to the high see & when he and his men had sailled xx. daies and moo they foūden fast beside a cost of the see a thousand men of the linage and kynred of Troye and hir soueraigne & hir master of all was cal∣led Corin / And whan Brute wiste whennes they were he tho vn∣derfeng hem with mochel ••oye in to his shippes and hem lad forth with hym / This Coryn tho become Brutes man and to hym did feaulte and homage and so longe they sailled forth in the see till they comen in to Gascoyne and anone they arriued in the hauen of liegers and ther they duelled viij. daies hem for to resten and hir sailles to amende ther that it was nede Tydynge sone come to kyng Goffar that was lord of the lande how that mochel folke of stran¦ge lande weren arriued in his lande in the hauen of liegers wher∣for he was sore angred and anoied that they comen and arriued in his lande withoute leue and anone he ordeyned hym a grete poer to driuen oute and to shend Brute with his peple but kung Goffar was discomfited and all his folke and hym selfe fledde in to feaūce to seke helpe and socour And in that tyme regned in feaūoe xij. kyn¦ges & the xj. assembled a grete poer for to helpe Goffar for to fight ayens Brute Goffar duelled with hem of fraunce halfe ayere and more And Brute in the mene tyme and his companie destroied all the lond of gascoyne and let take alle the tresour that kyng gof¦far had and let bringe it in to his shippes And this Brute founde in that lande a faire place and a couenable and there Brute made a faire Castell and a stronge ¶When that was done kyng Goffar come fro fraunce and xj. kynges with hym and broughten

xx.M. men for to fyght with Brut and his companie and Brut had but vij.M.〈◊〉〈◊〉 m••n Nothelees when the ij. hostes metten to gedre Brut•••• 〈◊〉〈◊〉 tho••gh helpe of hym self & of Turyn his co¦sin and of Corin 〈1 line〉〈1 line〉 and manlich hym defended and fought so that in litel tyme they had quelled of the f••enshmen .ij.M. and mo and tho that were alyue fledden away ¶And in this ba∣taill Turyn that was Brutes cosin was slayne and Brute let enteer worthili hym when he had space & leiser in the castell that he had made and tho let calle the castell Tours for the name of Tu∣rine that ther was enteered & yit in to this day ther is a noble cite that is called Tonrs when kyng Goffar wist that Turin was dede he come ayen with his men and after yaf a strong bataill vn to Brute but Brute and his men were so wery of fighting that they myght no lenger endure but maugre hym and all his Brute went in to his castell with all his men and made the yates fast for to saue hem selfe and for to take conceill amonges hem what were best for to done Brute and Coryn nōme conceill and ordeyned that Coryn priuely sholde gone oute and bussh hym in a wode til amorne So that in the mornyng whan Brnte sholde fight with his Enymies Coryn sholde come with his folke in that one side and slee and done all the harme that he myght And amornyng in the dawenyng Brute went out of the castell and faught with his Enymies and they fersely defended but withyn a litell tyme Brute and his folke slew viij.c. of Goffars men and tho come Coryn fro the buschement and smete to grounde he and his compa∣nye all that wolde stonde or abide so that kyng Goffar and his folk were discomfited and fast they gūne to flee. And Brute and Coryn with hir companye ferselich hem pouesued and quel∣led mo of hem in the fleyng than they diden in bataill And in that maner Brute had the victorie and natheles Brute made moche sorwe for his cosin Toryn that there was slayne and for othir also that he had lost of his men that is to seyn vij.c. and xv. the which nobely he let entier in the castell of Tonrs ther that he had entered Turyn his cosin.

¶How Brute arrined at Tottenesse in the yle of Albion and of the bataill that was bytuene Coryn and Gogmagog ¶Capitulo quarto

WHen all this was done Brute wolde no lenger ther duel¦le for to figgt ne no mo lese of his pep•••• For kyng Goffa¦rus peple myght euery day e••••resse mo and mo And Bru¦tes lassen and ther for he toke all his men and went vn to the see & had wynd and weder at wyll / and the fifthe day afterward they ar¦riued in an hauen at Tottenesse and comen in to the Ile of Albion and ther fonde nethir man nethir woman as the storie telleth / but Geantz and they woned in hilles & in caues Brute saw the lande was faire & at his likyng and good also for hym and for his folk as Diane the goddesse had hym behight Tho was Brute wonder glad and late assemble vpon a day all his folke to make a solemp¦ne sacrifice & a grete fest in honour & reuerence of Diane the goddes¦se thurgh whos counceill he was comen in to that land And whan they had hir solempnite made as they vpon a day sate at mete / ther comen in vpon hem sodenly xxx. Geantz & quelled of Brutes men xxx. Brute and his men anone sturten vp & foughten with the ge¦antz and quelled hem euerichon / but one geant that was master of all that was called Gogmagog that was stronger and hier than any of the othir Geantz and Brute ••••epte hym and saued his lyf for encheson that he shold wrestell with Coryn / for Coryn was gref and hi••r than any of Brutes men from the gerdelstede vp ward

¶Gogmagog and Coryn vndertoke for to wrastlyn yfere and so to gedre they wrest••••d longe tyme but at the last Gogmagog held Coryn so fast that he brak ij. ribbes of his side wherfor Coryn was sore angry and toke tho Gogmagog bitwene his armes and cast hym doune vpon a roche so that Gogmagog brak all to peces and so died an euell dethe and therfor the place is called yit vn to this day the saute of Gogmagog / And tho yaf Brute all that contre to Corin and Corin it called after his name Corne waille and his mē he called Cornewailles and so shull men of that contre bene called for euermore And in that contre duelled Corin & his men and ma¦de tounes & houses & inhabited the land at hir wyll

¶How Brute made london & called this lande Britaigne & scot¦land Albyne and walys Cambir Capitulo quinto

BRute and his men w••nten forth and sawe aloute in 〈◊〉〈◊〉 places wher they myght fynde a good place and coue∣nable that they myght make a Cite for hym and for his

folke So at the last they comen by a fair Riuer that is called the Thamys and there brute bigan a fair ate and let calle it newe Troye in mynde and remembrance of the grete Troye from whiche place all hir linage was comen / And this brute let fall a doune wodes and let erye and sowe landes and done mowe medes for su¦stenance of hym and of his peple and he departed the land to hem so that euer••chon of them had a certain place for to duelle vpon And Brute let calle all this lande Bretaigue after his owne name and his folk he let calle Bretons And this Brute had goten an his wife Geunogen iij. soens that were worthy of dedes the fyrst was called lotryn the seconde Albanac & the thred kamber And Brute bare corone in the Cite of newe Troye xx. yere after tyme that the Cite was made & ther he made the lawes that the Bretons holden And this Brute was wonderly wel beloued among all men and Brutes sones also loued wonderly wel to gedre And when brute had sought all the londe in length & in brede he fonde a lande that ••omed to Britaigue in the north and that land brute yaf to Albanac his sone and let calle it Al∣banie after his name that nowe is called Scotland And Brute fond an othir contre toward the west and that yaf to Camber his othir sone and he let call it Camber after his name and nowe it is called wales And whan Brut had regned xx. yere as before is said he died in the cite of newe Troye and there his sone hym entered with mochel honour. And lotryn Brutes sone was crou∣ned kyng with mochel solempnite of alle the lande of Breteyn̄ and after whan he was crouned Albanac and Camber his ij. bre¦thern̄ whent ayen in to hir owne contre and liued with mikel ho∣nour. And lotryn her brother regned and was kyng and gouer∣ned the land well and wysely for he was a good man and won∣der wel beloued of all his land / And it befell so that Albanac duelled in his owne lande with mochel honour and wurshipp & then̄e cam kyng humbar of hunland with a grete poer and ar∣rined in albanie and wolde haue conquered the land and bigan to werre vpon Albanac and hym quelled in bataille. When Al∣banac was slayne the folk of the land fled vn to lotryn and told hym for he was kyng of Bretaigue how that his brother was slayne and prayed hym of help for to a venge his brothers deth

¶Lotryne anone let assemble all the bretons of kent of

douer in to derewent of Northfolk and Southfolke of keftefen and of lyndessey and when they were all ensembled they sped fast to ward their enemies for to yeue hem bataill Lotrine had sent to Camber his brother that he shold come also to hym with alle the power that he myght make hym for to helpe / and so he did with good wyll and so they comen all to gedres and toke her wey pre∣uelich for to seche Humbar wher they myght hym fynde ¶And so it befell that this Humbar was besides a water that was a gre∣te Riuer with his folke hym for to disporte and tho come Lotrine and Camber his brother with all hir folke sodenly er that any of that othir wist ¶And whan Humbar saw hem come he was sore adrad For as moche as his men wist it not and also they were vn¦armed And anone Humbar for drede lept in to the water and drenched hym selfe and so died he and his men were alle slayne that none of hem ascaped and therfore is that water called Hum¦bar and euermore shall be called thus for encheson that kyng hum¦bar was therynne drenched

¶And after that Lotryne wente to his shippes and toke there gold and siluer and as moche as he fand vn to hym selfe aud all that othir pilfre he yaf vn to othir folke of the hoost and they foun¦den in one of the shippes a faire damisell that was kyng humbars doughter and was called Estrilde ¶And whan Lotryne saw hir he toke hir with hym for hir fairnesse and for her was o•••• taken with loue and wolde haue w••dded hir / This tydynges come to Corin anon•• he thought to auenge hym vpon Lotrine For as moche as Lotrine had made couenaunt for to spousen Corines dou¦ghter that was called Guentolen And Coryn in haste wente to hym vn to the newe Troye and thus said to Lotryne / nowe certes quod he ye rewarde me full euell for all the peynes that I suffred and haue had many tymes for Brute your fadre / and therfore I wull nowe auenge me vpon yowe and drowe his fauchon an high and wold haue slayne Lotryne / but the damisell wente bitw••n•• hem and made hem acorded in this maner / that Lotrine sholde spou¦se Guentolen that was Corynes doughter And so Lotryne did And nethelees that he had spoused Guentolen Corynes dought preuelich he come to Estrilde and brought hir with childe and ga∣te on hir a doughter thas was called Abren ¶Hit befell anone after that Corin died and anone as he was dede Lotrine for soke Guentolen his wife and made Estrilde quene And Guento∣len wente thens all in wrath in to Cornewaille and seised all the

londe in to hir honde / for as moche as she was hir fadres eir and vnderfong feaultes and homages of all the men of the land and after assembled a grete host & a grete poer for to ben vpon lotryne auenged that was hir lorde and to hym come & yaf hym a strong bataill and ther was lotryn slayne and his men discomfited the v. yere of his regne. Guentelon let take Estrild and Abram hir doughter and bynde bothe hondes & fete and cast hem in to a wa∣ter and so they were drenched wherfor that water was euermore called aftir abram aftir the name of the damisel that was Estril dys doughter and Englisshmen calleth that water seuerne and walshmen calle it abram in to this day ¶And when this was done Guentelon let croune hir quene of that lande and gouerned the land full wel & wisely vn to the tyme that Madhon hir sone that lotryne had beget vpon hir were of xx. witer age y^t he myght be kyng so that y^e quene regned xv. yere and tho let she croune hir sone and he regned and gouerned the land wel and honourabely & she went in to corn waille & ther she duelled all hir lyfes tyme.

¶Of kyng Madan howe he regned in pees all his lyfe and of Menpris and of Maulyn his sones and howe Menpris slowe Maulyn his brother & how wolues drou hym al to peces Ca.vj

WHen Madan had regned xxx. yere he died and lieth in newe troie and he had ij. sones that one me called Menpris and y^• othir Maulyn and thes ij. bredren after hir fadre•• deth strinen fast for the lande And menpris for encheson y^t he was the eldest sone wolde haue had all that londe and Maulyn wold not suffre hym so that they token a day of loue and acorde And at this day Mē¦pris let quelle his brother thurgh treson and hym self afterward helde the londe and a none let croune hym kyng and regned / and after bicame so lither a man that he destroied in a while all y^• men of his londe And at the last he bicame so wikked and so lecherous that he forsoke his own̄ wif and vsed the synne of sodomie wher for almyghty god was wroth and vpon hym toke vengeamice / For on a day as he went in a wode an huntyng he lost his folke and went allone vp and doune crieng after his men and ther com̄ wolfes and all to drou hym in to peces when̄ he had regned xxiiij yere and when his peple wist y^t he was dede they made ••oy y nowe and anone made Ebrac his son kyng and he regned with mochel ••onour

¶Of kyng Ebrac how he conquerd frannce and bigate xx. so∣nes and xxiij. doughtres Ca.vij.

THis Ebrac regned lx yere and a strong man was and a myghty And this Ebra•• thurgh his myght and helpe of his bretons conquerd all frānce and wan ther so moche gold and siluer that whan he come ayen in to this lande he made a noble cite and after his name let calle it Ebrac that is called euery wik and this kyng made the castell of maidenes that now is called Eden∣burgh This kyng had xx. sones and xxiij. doughtres by diuerse wymen goten and the sones wer called as ye shall here Brute Gr••¦nescheld Margand Seisel Morgh wyth Flengham Bladud Ia¦k••n ••••ymbar Rocelm Spadogh Godeherl Thormnan Gldaugh Iorkanghut Haibor ketin Rother kaier and assaruth. And the doughtres highten as ye shull here after Elegyne ymogen oghdas Guenbran gnardich Augarel guenthold Tangustel gorghon mi¦chel medhan mailour Ondur Cambredan Ragan Renthely Nees•• Cheghan Skaldud Gladus Heberhyn Abalaghe and Blandan and thees were tho xxiij. doughtres and the bretheren bicame good knyghtes and worthy in meny contres

¶Of the kyng brute grenesheld the fyrst sone of Ebrac the kyng Capitulo octauo.

AFter the deth of kyng Ebrac regned Brute grenesheld his sone xxx. yere that was Ebrakes fyrst sone that wel and no¦bly regned and whan tyme came he died and lieth at york

¶Of kyng leyl Ca.ix.

ANd whan Brute grenesheld was dede regned his sone leyl xxij. yere and he made a fair towne and let calle it karlille af¦ter his name and was a worthy man and moche beloued of his pe¦ple and whan he had regned xxij. yere he died and lieth at Carlille And in his tyme regned kyng Salomon in Ihrlm̄ and made the noble temple and to hym come Sibelle quene of Saba for to here and see yf it were soth that men speken of the grete and noble wit and wisdam of kyng Salamon and she fonde it soth that men had hir tolde

¶Of kyng lud ludibras that was kyng leyles sone Ca.x

ANd after this kyng leyl regned his sone lud ludibras that made the cite of Canterbury and of wynchestre and he reg∣ned xiij. yere and died and lieth at wynchestre

¶Of kyng Bladud that was ludibras sone how he regned & was a good man and a nigromancer Ca.xj

And after this lud ludibras regned Bladud his sone a grete nigromancer and thurgh hie craft of nigromancie he made

the meruaillous hote bath as the gest telleth and he regned xxj. yere and he lieth at the newe Troye

¶Of kyng Leir and of the ansuere of his yongest doughter that graciously was maried to the kyng of fraunce Ca.xij.

AFter this kyng Bladud regned Leir his sone and this Leir made the toune of leycestre and let calle the toune aft his name and he gouerned the toune well & nobely / This kyng Leir had ij. doughtres the fyrst was called Gonorill the secōd Rigan and the thridde Cordeill and the yongest doughter was fai∣rest and best of condicions / The kyng hir fadre became an olde man and wold that his doughtres were maried ••r that he deide / but first he thought to assay whiche of hem loued hym most aud best / for she that loued hym best shold best bene maried and he axed of the fyrste doughter how moche she hym loued and she ansuerd and said better than hir owne lyfe / Nowe certes quod the fadre that is a grete loue Tho axed he of the second doughter how moche she him loued and she said more and passyng all the creatures of the worlde •• ma foy qd the fadre I may no more axe And tho axed he of the thridde dough¦ter how moche she hym loued / certes fadre quod she my sustres haue tolde yow glosing wordes / but forsoth I shall telle trouth / For I loue yow as moch as I ought to loue my fadre & for to bring yow more in certain how I loue yow I shall yow telle / as moche as ye bene worth so moche shall ye be loued ¶The kyng hir fadre wente that she had scorned hym and become wonder wroth and swore by heuen and erth she sholde neuer ha••e good of hym but his dough∣tres that loued hym so moche sholde bene well auaunced and ma∣ried And the first doughter he maried to Maugles kyng of Scot¦land / and the second he maried to haneinos Erle of Cornewaille and so they ordeyned and spake bitwene hem that they sholde de∣parte the Reame bitwene hem two after the deth of kyng Leir hir fadre so that Cordeill his yongest doughter shold no thyng haue of his land / but this Cordeill was wonder faire and of so good con∣dicions ••ud maners that the kyng of fraunce Agampe herde of hir speke & sente to the kyng leir hir fadre for to haue hir vn to his wyfe and praied hym therof / and kyng Leir hir fadre sent hym word that he had departed the londe vn to his two doughtres and said he had no more lande wherwith hir to marien

¶And whan Agāpe herde this ansuer he sente anone ayene to leir

and said that he axed no thyng with hir but onely hir cl••thyng & hir body And anone kyng leir sent hir ouer the see to the kyng of fraunce And he resseyned hir with moche wurshipp and with moche solempnite hir spoused and made hir quene of fraunce.

¶Howe kyng leir was driuen out of his land thurgh his folie and howe Cordeil his yougest doughter helpe hym in his nede ¶Capitulo xiij.

WHus it fel afterward that tho ij. eldest doughtren wolde nat abide till leir hir fadre was dede but werred vpon hym whiles that he leued and moche sorwe and shame hym did wher¦for they benōmen hym holy the roialme and bitwene hem had or∣deyned that one of hem shold haue kyng leir to soiourne all his lyfe tyme with xl. k••yghtes and squyers that he myght wur¦shippfully gone and ride whidder that he wolde in to what contre that hym liked to pley and to solace. So that Managles kyng of Scotland had kyng leir with hym in the maner as is aboue said and or othir half yere wer passed Corneill that was his eldest d••u¦ghter and quene of Scotland was so ānoied of hym and of his peple that anone she and hir lorde spake to gedre wherfor his kny∣ghtes half and his squyers from hym were gone and nomo left but only xxx. and when this was done leir bigan for to make moche sorwe for encheson that his estate was empeired And men had of hym more scorne and despite then euer they had b••for Wher¦for he nift what for to done and at the last thought that he wolde wende in to Corne waill to Rigan his othir doughter And when he was come the Erle and his wif that was leires doughter hym welcomed and with hym made moche Ioye & ther he duelled with xxx. knyghtes and squyers And he nad nought duelled ther scar¦sely tuelfmonth that his doughter of hym nas full and of his cō¦panie and hir lorde and she of hym had scorne and despite / so that from xxx. knyghtes they bronghten vn to x. and afterward .v. and so ther left with hym no mo. Tho made be forwe y now•• aud said sore wepyng Allas that euer he come in to that londe and said yit had me hetter to haue duelled with my fyrst doughter And anon̄ wene thennes to his fyrst doughter But anone as she saw hym come she swore by god and his holy names and by as moche as she myght that he shold haue no mo with hym but one knyght yf he wolde ther abide Tho bigan leir ayen we••e and made moche sorwe & said tho allas nowe to long haue I lyuet that this sorwe and meschief is to me nowe falle For nowe am I porer that some

tyme was riche / but nowe haue I no frende ne kyn that me wull do any good ¶But when I was riche all men me honoured and wurshipped and nowe euery man hath of me scorne and de∣spite / and nowe I wote well that Cordeill my yongeste doughter said me trougth when she said as moche as I had so moche shold I bene beloued and alle the whil•• that I had good tho was I beloued and honoured for my ricchesse but my two doughtres glosed me tho / and nowe of me they sette litell pris and soth tolde me Cordeill but I wolde nat beleue it ne vnderstond and therfore I let hir gone fro me as a thing that I sette litell pris of / & nowe wote I neuer what for to done sith my ij. doughtres haue me thus disceyued that I so moche loued / and nowe mot I nedes sechen hir that is in an othir land that lightely I let hir gone fro me withou¦te any rewarde or yiftes and she said that she loued me as moche as she ought to loue hir fadre by all maner of reson and tho I sholde haue ax••d of hir nomore / & tho that me othirwise behighten thurgh hir fals speche nowe haue me disceyued / In this maner Leir long tyme began to make his mone and at the last he shope hym to the see and passed ouer in to fraunce and asked and aspied wher the Q••e¦ne myght be founden / and men tolde hym wher she was / And whan he come to the Cite that she was in / preuelich he sent his squyer vn to the quene to telle hir that hir fadre was comen to hir for grete ne¦des And when the squyer come to the quene he tolde hir euery de¦le of hir sustres from the begynnyng vn to the ende Cordeill the que¦ne anone toke gold and siluer plente and toke it to the squyer in counceille that he shold gone and bere it vn to hir fadr•• and that 〈◊〉〈◊〉 shold go in to a certain Cite and hym araien laten and wasshen & than come ayene to hir and bring with hym an honest companye of knyghtes xl. atte lest with her meyne / and than he shold sende to hir lord the kyng and sayne that he were comen for to speke with his doughter and hym for to seen / and so he did. And whan the kyng and the q••ene herde that they comen with mochel honour they hym resseyued And the kyng of fraunce tho let sende thurgh alle his Reame and commaunded that all men sholde to hym bene en∣tendant to kyng Leir the Quenes fadre in all maner of thyng / as it were to hym selfe When kyng Leir had duelled ther a moneth & more he tolde to the kyng and to the Quene his doughter / how his two eldest doughtres had hym serued / Agampe anone let ordeyne a grete host of fraunce and sent it in to Britaigne with leir the que¦nes fadre for to conquer his land ayene & his kyngdom / & Cordeill

also come with hir fadre in to britaig••e for to haue the royame after hir fadres deth And anone they went to shipp and passed the see and come in to britaigue and foughten with the felons & hem scomfited and queld And tho had he his land ayen & after leued iij. yere and helde his royalme in pees and afterward died & Cor∣deill his doughter hym let entier with mikel honour at leicestre

¶Howe morgan and Conedage that were newus to Cordeill wrrred vpon hir and put hir in to prison Ca.xiiij.

WHen that kyng leir was dede Cordeill his yongest doughter helde and had the land v yere and in the mene tyme died hir lord Agam̄p that was kyng of fraunce and after his deth she left widue And tho came Morgan and Conedage that were Cordeill sustre sones and to hir had Enymite for as moche as there aunte sholde haue the lande. So that bitwene hem they ordeyned a grete power and vpon hir werred gretly / and neuer they rest till they had hir taken and put hir vn to deth And tho Morgan and Cone¦dage seised all the la••de and de{per}ted it bitwene hem And they hel∣de it xij. yere and when tho xij. yere were gone ther bigan bitwene hem a grete debate so that werred strongely yfere & euery of hem did othir moche disese For Morgan wolde haue had all the lande fro beyonde humbr̄ that Conedage helde But he come ayens hym with a strong po••r so that Morgan durst nat abide but fled awey in to wales and Conedage pursued hym and toke hym and queld hym Tho come Conedage ayen and seised alle the lande in to his hande and helde it and regned after xxxiij. yere and tho died and lieth at newe Troye

¶Howe Reignold that was Conedages sone regned after his fadre and in his tyme it rayned blode iij. dayes in tokenyng of grete deth Ca.xv

ANd after this Conedage regned Reignold his sone a wise knyght & an hardy & curteis that well & nobely go••ned the land & wonder well made hym beloued of all maner of folke & in his tyme it rayned blode that lasted iij. dayes as god wolde & sone after ther come grete deth of peple for hostes without nombre of pe¦ple foughten till that they were dede wherof no man myght haue lette til that almyghty god therof toke mercy and pite and tho¦gan it cese & this Reignold regned xxij. yere & died & lieth at york

¶How Gorbodian regned in pees that was Reignoldes sone & aft he died & lith at york ca.xvj

AFter this Reignold reg∣ned Gorbodian his sone xv. yere & died and lieth at york.

¶How Gorbodian had ij. sones & how that one s••owe that othir for to haue the heritage / & how ydoyne hir moder quelled that othir wherfor the land was destroied Ca.xvij

WHen this Gorbodian was dede his ij. sones that he had be∣comen stoute & proude & euer werred to gedre for the land that one was called ferres & that othir porres / And this ferres wold haue all the land / but that othir wolde nat suffre him Ferres had a felons hert and thought thurgh treson to slee his bro¦ther but preuelich he went in to fraunce & ther abode with the kyng Syward till vpon a tyme whan he come ayene & faught with his brother ferres / but full euell it happed tho for he was slayne fyrst When ydoyne hir moder wist that Porres was dede she made grete sorwe for encheson y^t she loued hym more than that othir & thought hym for to quelle preuely & preuely she come to hir sone vpon a nyght with ij. knyues & therwith cutte his throte & the body also in to smale peces who herd euer suche a cursed modre that quelled with hir owne hondes hir owne sone and longe tyme after laste the reproue & shame to the moder that for encheson of that one sone murdred that othir & so lost hem both

¶How iiij. kyngis courtesly helde all Britaine and which be¦ne hir names Ca.xviij.

WHen the ij. bretheren were so dede they nad left behynd hem nethir sone ne doughter ne none othir of the kynred that myght haue the heritage & for as moch as the strengest mē driuen and scomfited the feblest and token all hir landes so that in euery contrey they had grete werre & strife vnder hem but among all othir thynges ther were amonges hem in the contre that ouercome all tho othir and thurgh hir strenght and myght they token all the landes and euery of hym toke a certayn contre and in his contre let calle hym kyng & one of hem was called Scater and he was kyng of Scotland and that othir was called Dawalliere and he was kyng of loegers & of alle the lande that was Lotrinus that was Brutes sone / The thridde was called Rudac and he was kyng of walys / and the iiij. was called Cloten and he was kyng of Corne¦waille But this Cloten shold haue had all the lande by reson for ther was no man that wist none so rightfull heir as he was But they that were strengest set litell by hem that ware of lesse estate / & therfor this cloten had nomore land among hem than Cornewaille

¶Of kyng Donebaut that was Clotes sone and how he had wō∣ne the land Ca.xix

THis Cloten had a sone that was called Doneband that af the deth of his fadre bicome an hardy man and a fair & cur∣teis so that he passed all the kynges of britaigue of fairnesse & of worthinesse And anone as he was knyght he wist wel whan that his fadre liued he was most rightfull heir of all the lande & sholde haue had by reson but othir kynges that were of more strength than he benōme hym his lande. And afterward this Doneband ordeyned hym poer and fyrst conquered all the lande of logiers & after he wolde haue couquered all Scotland and walys and sca∣ter came with his men and yaf hym bataill and Rudac come ayen with his walshmen for to helpe hym But so it befell that Rudac was queld and Scater also in pleyn bataill & so Donebant had the victorie and conquerd all the lande and wel maintened it in pees and in quiete that neuer before it was so wel mayntened

Howe Doneband was fyrste kyng that euer wered croune of golde in Britaigue ¶Ca.xx.

THis Doneband let make hym a croune of golde and wered the cron̄e vpon his hede as neu kyng did before & he ordeyned a statut that had a man done neu so moche harme & he myʒt come in to the temple shold no man hym mysdoo but gone theryn sauf and in pees and after gone in to what cōtre that he wolde without eny harme and yf any man set any honde vpon hym he than sholde lese his life And this Doneband made the toune of Malmesbury and the toune of the vise And when he had regned wel & worthe¦ly xl. yere he died and lieth at newe Troye.

Howe Brenne and belin de{per}ted bitwene hem the land aft the deth of Doneband hir fadre and of the werre Ca.xxj.

And after that thi•• Doneband was dede his sones that he had departed the land bitwene hem as hir fadre had ordeyned so that Belyn his eldest sone had all the londe of britaigue on this half humber & his brother Brenne had all the land from humber vn to scotland but for as moche that Belin had the bett part bren¦ne therfor wax wroth & wolde had more of the land & Belin his brother wold graunte hym no more Wherfor contak & werre arose bitwene hem two But brenne the yonger brother had no myʒt ne strenght a••ens belin and therfor brenne thurgh cōceill of his folk went fro thens in to norwey to te kyng Olsinges & praid hym of helpe & socour for to conquer all the land vpon belyn his brother vpon that couenāt that he wolde haue his doughter to wife & the kyng Olsinges hym graūted Belyn anon̄ as his brother was go

to norwey he seised in to his honde all the lande of northumberland and toke all the Castelles and let hem arraie and kepe the costes of the see that Brenne shold not arriue in no side but that he were take ¶The kyng Olfynges lete assemble a grete host and delinered his doughter to Brenne and all the peple that he had ordeyned / & this damisell Samye had longe tyme loued a kyng that was called gut¦laghen and to hym she tolde all hir counceill how that Brenne shol¦de hir haue and hir lede with hym for euermore & so he shold lese hir bnt that she myght forsake Brenne And whan Gutlagh had herd this tydyng he lay for to aspie Brenue with as many shippes as he myght haue so that the ij fletes metten to gedre & long tyme fou¦ghten so that Brenne and his shippes turned ayene and were discō¦fited And kyng Gutlagh toke Samye & put hir in to his shippe & Brenne shamfully fley thennes as a man discomfited ¶And Gutlagh wolde haue went in to his owne contre but ther come vp on hym a grete tēpest that v. daies lastid so that thurgh that tēpest he was driuen in to Britaigne with iij. shippes and no mo And tho that kepte the costes of the see token Gutlagh and Samye and all his folke and hem presented to Belyn / and Belyn put hem in to prison

¶How Belyn drofe oute of this lande kyng Gutlagh of Den∣marke and Samye Ca.xxij

HIt was not longe after that Brenne ne come a••ene with a grete nauye & sente to his brother Belyn y^• he shold yeld ••yen his lande to his wife and to his folke and his castel∣les also or elles he wold destroie his lande Belyn drade no thyng his manace and wold no thyng done after that he said wherfore Brenne come with his folke & fought with belyn & Brenne was discomfited and his folke slayne and hym selfe fledde with xij. mē in to Fraunce / And this Belyn that was Brennes brother wēt tho to yorke and toke counceill what he myght done with kyng gut¦lagh for kyng Gutlagh prof••ed to become his man and to holde hi•• lande of hym yelding by yere a thousand pounde of siluer for euer∣more and for sikernesse of this couenaunt to behold Gutlagh shold bring him good hostages and to him shold done homage and all his folke And yit shold swere vpon the boke that these couenantz shold neuer bene broke ne falsed ¶Belyn tho by counceill of his folke graunted hym his axyng And so Gutlagh become his man and Belyn vnderfeng of hym his homage by othe and by writing

the same couenants And vpon these couenants kyng Gutlagh nōme samye & his folke and went thens & turned ayen to denma••c Euermore after were the couenāts holden and the truage payed til the tyme that honelos was kyng of denmarc and also of this lande thurgh his wif Gildeburgh that he had spoused for she wa•• the right heir of this lande ¶This Belyn duelled tho in pees & wurshippfully hym helde among his barons and he made iiij. real weyes one from the Est in to west and that was called watlyng strete and an othir from the north vn to the south that was called Ikelmestrete and ij. othir weyes he made in bossynge thurgh oute the lande that on is called fosse and that othir fossedike and he maintened wel the good lawes that Doneband his fadre had made and ordeyned in his tyme as byfore is said

¶Howe accord was made betwene Brenne and Belyn thurgh Cornewen hir moder Ca.xxiij.

GRenne that was Belyn{us} brother had long tyme duelled in fraunce and ther had conquered a grete lordshipp thurgh mariage For he was duke of Burgoyne thurgh the doughter of the duke Fewyn that he had spoused that was right heir of the lande and this Brenne ordeyned a grete poer of his folk and al∣so of fraunce and come in to this land for to fyght with Belyn his brother and Belyn come ayens hym with a grete poer of bre¦tons & wold tho haue yeuen hym bataill but hir moder Cornewen̄ that tho liued had herd that that one brother wolde haue destroied that othir and went bitwene hir sones and hem made accorded with moche peyne So that at the last tho ij. bretheren with mi∣chel blis went to gedre in to grete Troye that nowe is called lon∣don and ther they duelled ayere and after they nōme hir conseill for to gone conquere all fraunce & so they diden and brent tounes and destroied the lande both in length & brede & the kyng of fraūce yaf hem bataill with his poer but he was ouercome & yaf truage vn to Belyn and to his brother. And after that they wenten forth to Rome & cōquered Rome & all lūbardie & Germanie and toke homage & feaulte of Erles Barons & of all othir & aft they come in to this lande of Britaigue & duelled with hir britons in Ioye aud rest & tho made Brenne the toune of Bristowe and sith he went ouer to his owne lordshipp & ther duelled he all his lyf•• and Belyn duelled at newe Troye and ther he made a fair gate that is called Belyngesgate aft his owne name & whē this belin

had regned nobely xj. yere he died & lieth atte newe Troie

How kyng Cormbatrus quelled the kyng of denmark for enche¦son that he wold not pay hym his truage Ca.xxiiij.

ANd after this Belyn regned his sone cormbatrus a good man & a worthy & the kyng of denmar•••• wolde not paye hym his truage that is to sey a M. pounde as he had swor∣ne by oth for to pay it & also by writing recorded to Belyn his fa∣dre wherfor he was euell paied & wroth & assembled a grete host of britons & went in to denmarke & slow the kyng Gutlagh & brouʒt the land in subiection all newe & toke of folke feautes & homages & after went ayene in to his land and as he come forth by Orkeney he fonde xxx. shippes full of men & women besides the cost of the see & the kyng axed what they were / An erle that was mastir of hem all courteisly ansuerd vn to the kyng & said that they were exiled oute of spayne & so that they had trauailled half a yere & more in the see to witen yf they myght fynde any kyng in any londe that of hem wolde haue pite or mercy to yeue hem any lande in any contre wherin they myghten duelle & haue rest and become his li••ge men and to hym wolde done homage and feaulte whiles that 〈◊〉〈◊〉 and to his heires after hym and hym and of his heires holden that lande And when the kyng this herde he had pite of hem and yafe hem an Ile all wildernesse ther that no man was duellyng saufe only wilde bestes and the Erle thanked moch the kyng and beco∣me his man & did hym homage and feaulte and toke all his folke and went in to the same Ile and the Erle was called Irlamal & therfor he let calle y^• land Irlande aft his owne name The kyng Cormbatrus come ayene in to this land & regned xxv. yere & after he died and lieth at newe Troie

¶How the kyng Guentholen regned in goodnesse and well go••¦ned the land all his lyfes tyme Ca.xxv

ANd whan Cormbatrus was dede regned Guentholen his sone a man of good cōdicions & welbeloued & he go••ned the land well & wy••ely & he regned xxvj. yere and after di¦ed and lieth at newe Troie

¶How kyng seisell regned and well gouerned the lande after Guentholen ¶Ca.xxvj.

ANd after this Guentholen regned his sone Seisell well & worthely and well gouerned the land as his fadre had done beforne hym and he regned xv. yere and died and lith at newe Troie

¶How kymor regned after seisell his fadre and he begate howan that regned after Ca.xxvij.

ANd after seisell regned his sone kymor well & nobely xix. yere in pees & howan his sone x. yere and died and lieth at Ikaldoune

¶How kyng Mor with died thurgh meschaunce thurgh a best for his wikednesse Ca.xxviij

AFter this Howan regned morwith & become wikked & so sterne till at the last grete vengeaunce come to hym / for as ••e went vpon a tyme by the see side he mete a grete 〈◊〉〈◊〉 that was blak & horrible & hidous & he went that it had bene a whale of the see & bent an arblast & wold haue slayn̄ that best with a qua¦rell but he myght not smyte him And when he had shot all his qua¦relles the beste anone come to hym in a grete hast & hym deuoured a lyfe & so he died for his wi••kenesse thurgh vengeaunce of god aft that he had regned ix. yere

¶Of Grandobodian that was morwiths sone that made the toune of Cambrigge Ca.xxix.

AFter this morwith was dede the britons croūed Grādobodi an his sone & this Grādobodiā long tyme regned in good¦nesse & made temples & tounes & this Grandobodian made the toune of Cambrigge & the toune of Grauntham & was welbe loued of rich & poer for he honoured the rich and helpe the poer This Grandobodian had iiij. sones Arthogaill / Hesidur Higamus & pe¦titur & when he had regned xj. yere he died & lieth at newe Troie

¶Of Artogaill that was Grandobodianus sone how he was ma¦de kyng & ••••th put a doune for his wikkednesse Ca.xxx

AFter Grandobodian regned his sone Artogaille v. yere & he become so wikked & so sterne that the britons wold not suffre hym to be kyng but put hym a doune & made Hesi∣dur his brother kyng & he become so good & merciable that mē him called kyng of pite And whan he had regned v. yere he had so grete pite of his brother Artogaille y^t was kyng before & anone he forso¦ke his dignite & toke his brother the croun̄ ayene & made him kyng ayens all the britons wyll / And afterward Artogaille become so good of condicion that he was welbeloued of all the land for he be∣come so debonair & fre & did right & reson to all maner of men and he regned vj. yere and died and lieth at Grantham

¶How Hesidur was made kyng after the deth of Artogaill his brother Ca.xxxj

AFter the deth of Artogaill the Bretons ••rouned an othir ty¦••e Hesidur but his ij. brethern̄ Higamus & Petitur haddē of hym grete despite & eke scorne & ordeyned hem helpe fo•• to werre vpon the kyng hir brother and so they token hym & put hym in to prison the seconde yere of his regne & they de{per}ted all 〈◊〉〈◊〉 bi∣twene hem both but Higamus leuyd but vij. yere & tho had petitur all the land & he made the toune of Pykeryng

¶Howe the Britons nomen Hesidur out of pr••son & made hym kyng the thridde tyme Ca.xxxij.

ANd when this Petitur was dede Britons nōme anone y••t Hesidur & made hym kyng the thrid tyme & tho regned he in pees xiiij. yere and after he died and lieth at karlille

¶Howe xxxiij. kynges regned in pees eche after othir after the deth of Hesidur Ca.xxxiij.

AFter the deth of Hesidur regned xxxiij. kynges euery aft••r othir in pees & without any long tarieng I shal tell hem all & howe long eche of hem regned as the storie telleth. The fyrst kyng of tho xxxiij. was called Gerbodia & he regned xij. yere & aft hym regned Morgan ij. yere. & after hym regned Cighnus vj. yere & after hym regned Idwalan viij. yere / & after hym regned Ro∣hugo xj. yere. And after hym regned ••oghen xiij. yere / And after hym regned Catill xv. yere / And after hym regned Porrex ij. yere And after hym regned Cheryn xvij. yere And after hym regned Coyll xij. yere And after hym regned Sulgenis xiiij. yere. And after hym regned Esdad xx. yere And after hym regned Andra∣gie xv.ij. yere And after hym regned ••rian v. yere / And after hym regned Elind ij. yere And after hym regned Eldagan xv. yere And after hym regned Claten xij. yere And aft hym regned Quirgunde viij. yere And after hym reg••ed Mortan vj. yere And after hym regned Bledagh iij. yere And after hym regned Caph j. yere And after hym regned Gen ij. yere And after hym regned Seisell & kyng Bled xxij. yere And kyng Tabreth xj. yere And Archinal xiiij. yere And Groll xxx. yere And Rodingu xxxij yer̄ And Hert••r v. yere And Hampir vj. yere And Car••our vij. yere And Digneill iij. yere And Samuel xxiiij. yere & Rede ij. yere & Eln vij. monthes & this Ely had iij. sone••lud ca••sibalā & enemyō

¶Howe lud was made kyng after the deth of Ely his fadre Capitulo xx••iiij.

AFter the deth of Ely regned lud his sone and gouerned wel ••he land and moche honoured good folk & tēpred & amēded

wikked folke This lud loued more to duelle at Troie than in any othir place of the land wherfor the name of newe Troie was lefte and tho was the Cite called ludstone / But the name is changed thurgh variance of lr̄ez and now is called london And this kyng made in the Cite a fair gate & called it ludgate after his name and the folke of the Cite hete it loundres and when he had regned xj. yere he deide and lieth at london & he had ij. yong sones And••aghen and Tormace / but they coude nethir speke ne go for yongth & therfor the britons crouned a strong knyght that was called lud that was Cas¦sibalamus brother & made hym kyng of Britaigne

¶How the britons graūted to cassibalam that was ludes brother the land in whos tyme Iulius Cesar come twyes for to conquere the land Ca.xxxv.

AFter the deth of kyng lud regned his brother Cassibalam & become a good man & moche beloued of his britons so y^• for his goodnesse & curtesie they graunted hym the Reame for euermore to hym & to his heires / & the kyng of his goodnesse bet norissh worthelich bothe sones that were lud his brothers & after ma¦de the eldest sone erle of Cornewaill & that othir erle of london And while this kyng Cassibalam regned come Iulius cesar that was Em{per}our of Rome in to this land with a poer of Romayns and wolde haue had this land thurgh strength / but Cassibalā o••come hym in bataille thurgh helpe of the britons & drofe hym out of thi•• lande & he went ayene to Rome & assembled a grete poer an othir tyme & come ayene in to this land for to yeue bataille to Cassibalā but he was discōfited thurgh strength of the britons & thurgh helpe of the erle of Corne waill & the erle of london his brother & thurgh helpe of Gudian kyng of Scotland & Corband kyng of north wa∣lys & of bretaill kyng of southwales / & in this bataill was slayn̄ Nennon that was Cassibalams brother wherfor he made moch sor¦we / And so w••nt Iulius cesar oute of this land with a sewe of ro¦mayns that were left a lyue / And tho Cassibalam went ayene to london & made a fest vn to all his folk that tho had hym holpe and whan that feste was done eche man went in to his owne contre.

¶Of the debate that was bitwene Cassibalam & the Erle of lon∣don and of the truage that was paied to Rome Ca.xxxvj

ANd after it befell thus vpon a day that the gentilmē of the kynges houshold & gentilmen of the Erles houshold of london after mete wente in fere for to play and thurgh

debate that arose among hem Enelyn that was the Erles cosin of london queld Irenglas that was the kynges cosin wherfor the kyng swore that Enelin sholde bene honged but the Erle of lon∣don that was Enelin{us} lord wold nat suffre it wherfor the kyng was wroth to ward the Erle & thought hym destroie & preuely the Erle sent lr̄ez to Iulius cesar that he sholde come in to this lande for to helpe hym and hym a venge vpon the kyng & he wolde helpe hym with all his myght And when the Em{per}our herde this ty∣dyng he was full glad and ordeyned a strong poer & come ayen the thrid tyme in to this land and the Erle of london halp hym with vij.M. men and at the thrid tyme was Cass••balan ouercom̄ and discomfited and made pees to the Em{per}our for iij.M. ponde of siluer yeldyng by yere for truage for this lande for euermore & half ayere passed the Em{per}our went to Rome and the Erle of lon¦don with hym for he durst not abide in this lond and after Cass••ba¦lan regned xvij. yere in pees and tho died he the xvij. yere of his regne and lieth at york

¶Howe lordes of the lande after the deth of cassibalan for enche¦••on that he had none heir made Andragen kyng Ca.xxxvij.

AFter the deth of Cassibalan for as moche as he had non heir of his body the lordes of the land by comune assent crouned Andragen Erle of Cornwaille and made hym kyng and he reg∣ned well and worthely & was a good man & well gouerned the land & when he had regned viij. yere he died & lieth at london

¶Of kymbalyn that was Andragenys sone a good man & wel gouerned the lande Ca.xxxviij.

AFter the deth of Andragen regned Kymbalyn his sone that was a good man and well gouerned the lande in moche •• sperite and pees all his lifes tyme and in his tyme was borne Ihū crist our sauyour of that swete virgin Marie. This kyng kymbe∣lyn had ij. sones Guider and Armoger good knyghtes and wor¦thy and when this kyng kymbalyn had regned xxij. yere he died and lieth at london

¶Of kyng Gynder that was kymbalyn{us} sone that wolde nat pay the truage to Rome for the lande that Cassibalan had graun¦ted and howe he was slayne of a romayne Ca.xxxix

ANd after the deth of this kymbalyn regned Gynder his sone 〈◊〉〈◊〉 good man and a worthy and he was of so high hert that he wolde nat pare to Rome that truag•• that kyng Cassibalan bad graunted vn to Iulius Cesar wherfor the Em{per}our that

was tho that was called Claudius cesar was sore annoied and or deyned a grete power of Romayns and come in to this lande for to conquere the truage thurgh strength and haue it of the kyng / but the kyng Gynder and Armager his brother gadred a grete hoost yfere of Britons and yafe bataille to the Emperour Clau∣dius and queld of Romayns grete plente / The Emperour had af¦terward one y^• was called Hamon that sawe that hir peple ware fast slayue preuelich he cast a way his owne armes and toke the armes of a dede Briton and armed hym with his armure and co¦me in to the bataille to the kyng and said in this maner / Sir beye good of hert for goddis loue for the Romayns that bene yone ene∣mies anone shull be slayne and discomfited euerychon / & the kyng yaf no kepe ne reward to his speche for encheson of the armes that he had vpon hym and went it had bene a Briton / but the traitour euer helde hym next the kyng / and preuelich vnder the shuldres of his armes he smote the kyng wher for he was dede and fell doune to the erthe / whan Armager sawe his brother dede he caste away his armes and toke to hym his brothers armes and come in to the bataille amonge the Britons and bad hem hertely for to fight and fast bey a doune the Romayns / and for the armes they wende it had he kyng Gynder that erst was slayne that they wise not then̄ gon the Britons hertely fight and quelled the Romains so at the last the Em{per}our forsoke the felde and fledde as faste as he myght with his folke in to the Cite of wynchestre and the fals traitour hamon that had queld the kyng faste anone gan for to flee with all the hast that he myght and Armager the kynges bro¦ther pursued hym full fersely with a ferse hert and drofe hym vn to a water and ther he toke hym / and anone smo••e of both hond hede and feet and hewe the body all to peces & tho cast him in to the water wherfor that water was called hamonus hauen and afterward ther was made a faire toune that yit standeth that is called southāp¦ton / And afterward Armager went to wynchestre for to seke clau¦dius cesar the Em{per}our & ther Armager hym toke / & Claudius the Em{per}our thurgh counceill of his romains that with hym were left a lyue made pees with Armager in this maner as ye shull here y^• is to say how that Claudius the Em{per}our shold yeue to Armager Gennen his fair doughter for to haue to wife so that this land fro that tyme afterward shold be in the Em{per}ours poer of Rome vppn suche couenaunt that neuer afterward none em{per}our of rome shold take none othir truage of this lād / but only feaulte & so they were

acorded And vpon this conenant Claudius cesar sent to Rome for his doughter Gennen and whan she was come Claudius cesar yaf hir to Armager to wyf and Armager spoused hir at london with moche solempnite and myrthe & tho was Armager crouned and made kyng of Britaigue

¶Of kyng Armager in whose tyme seint Petre precked in Anti ochie with othir apostoles in du••erse contreis Ca.xl

THis kyng Armager regned well and worthely & the lande go••ned And Claudius Cesar in remēbraūce of this acord & for reuerence & honour of his doughter made in this land a fair toune & a fair castell and let calle the toune after his name Clau∣cestren that nowe is called Gloucestre and when this was all done the Em{per}our nōme his leue & thowent ayen to Rome & Armager tho was kyng and go••ned the land well & nobely all his lyfes tyme and this Armager gote a sone on his wyfe that called was westmer and whiles that this armager regned seint petre preched in Antioche and ther he made a noble chyrch in which he sate fyrst in his chair and there he duelled vij. yere and after he went to Ro¦me & was made pope till that New the Em{per}our let hym martrē and tho preched openly all the appostles in diuerse landes the right fayth And whan Armager had regned xxiiij. yere he died & lieth at london

¶How•• kyng westmer yaf to Berynger an yland forlet & ther this Berynger made the toune of Berewike Ca.xli.

ANd after this Armager regned his sone westmer a good man & a worthy of body & well go••ned the lande. Hit befell so that tydynge came to hym on a day that the kyng Rodryk of ga¦scoine was come in to his land with a houge numbre of peple and was duellyng in staynesmore And when kyng westmer herde tho tydynges he let assemble an houge host of britons and come to the kyng rodrik & yaf hym bataill & kyng westmer queld rodrik with his owne hondes in playne bataille And when kyng rodrikes mē sowe that hir lord was dede they yolden hem all vn to the kyng we stmer & bicomen his men for e••more and he yaf hem a contre that was forleten where in they myght duelle and thidder they went & duelled there all hir lyfes tyme & ix.c. men there were of hem & no mo lefte at that bataill. Hir go••nour and prince was called Be¦rynger and anon̄ he bigan a toune that they myght there in duell and haue restorte and let calle the toune Berewyk vp twede and there they duelled and bicame riche but they had no women

amonges hem & the britons wold nat yefe hir doughtres to the strā¦gers wherfor they went ouer see in to Irland & brought with hem women & tho hem tho spoused but the men koude nat vnderstonde y^• langage ne the speche of the women & ther for they spoken to gedre as scottes & afterward thurgh chang••ng of hir langages in alle feaunce they were called tho scottes & so shullen that folk of that cō¦tre for euermore

¶How kyng westmer let arere a stone in the entring of westmer∣land ther y^• he slow roderic & ther he began first housing Ca.xlij

ANd after this bataill that is aboue said when Rodric was dede kyng westmer in remēbraunce of his victorie lete a∣••ere ther besides the wey a grete stone an high and yit hit stant & e••more shall stand and let graue in the stone l••ez that thus said The kyng westmer of Britaigne quelde in this place Roderic his enemie ¶And this westmer was the first man that made toun & hous in englond & at that stone beginneth westmerlād that west¦mer let calle after his owne name / & whan westmer had so done he duelled all his lyfes tyme in that contre of westmerland for he lo∣ued that contre more than any othir contre / And when he had reg∣ned xxv. yere he died & lieth at Carlille

¶Of kyng Coill that was westmers sone that helde his lande in pees his lyfes tyme Ca.xliij

AFter this kyng westmer regned his sone Coill a goodmā and a worthy & of good condicions & well gouerned his lande & of all men he had loue & pees & in his tyme was ne¦uer contak debate ne werre in Britaigne & he regned & was kyng in pees all his lyfes tyme & whan he had bene kyng xj. yere he died and lieth at yorke

¶How kyng lucie regned after Coill his fadre that was a good man & after he become cristen Ca.xliiij.

AFter kyng coill regned lucie his sone that was a goodmā to god & to all y^• peple he sent to rome to y^• apostle eulēthre that tho was pope and said that he wold become a cristen man & resceyue baptisme in the name of god & torne to the right be∣••eu•• ¶Eulenthre sent ij. begat that were called Pagan & Elibayn̄ in to this land & baptised the kyng & all his mayne and after wēt fro toune to toune and baptised the peple till alle the lande was baptised and this was in the C.lvj. yere after the incarnacion of our lord Ihū crist and this kyng lucie made tho in this land ij. erche

bysshoppes ••n at Canterburie an othir at york and othir many bysshoppes that yet bene in this lande ¶And whan thees ij. le∣gatz had baptized all that lande they ordeyned prestz for to bapta∣ze children and for to make the sacrament & after they went ayen̄ to Rome and the kyng duelled in his lande and regned with mo¦chel honour x.ij. yere and after died and lieth at Gloucestre.

¶How this land was longe wyth out a kyng and howe the bre¦tons chosen a kyng Ca.xl.

THis kyng lucie had non̄ heir of his body bygoten that was afterward grete harme and sorwe to the land For aftir this kyng lucies deth non̄ of the grete of the land wold suffre an othir to be kyng but liued in werre and in debate amonges hem .l. yere without kyug But it befell afterward that a grete Prince come fro Rome in to this land that me called seuerie nought for to wer¦re but for to saue the right of Rome. but natheles he had nat duel¦led halfe a yere in this lande that the bretonz ne quelled hym when tho of Rome wyst that seuerie was so slayne they sent an othir grete lord in to this land that me called Allec that was a strong man aud a myghty of body and duelled in this land long tyme and did moche sorwe to the Bretons so that after for pure malice they chosen hem a kyng amonges hem that me called astlepades & assembled a grete host of britons and went to london̄ to seche Allec there they founden hym and queld hym and all his felaws & one called walon defended hym fersely and fought longe with the bri∣tons but at the last he was discomfited and the britons nōme hym and bonde handes aud feet and cast hym in to a water wher for that water afterward was called euermore walbcoke. Tho re¦gned astlepades in quiete till one of his Erles that me called coill made a fair toun ayens the kynges wyll and le•• call the toūne Colchestre after his name wherfor the kyng was full wroth and thought destroie the erle and bigan to werre vpon hym & brought grete power and yaf bataill to the erle and the Erle defended hym fersely with his power & slowe the kyng hym self in that bataill and tho was Coill crouned and made kyng of this land. This Coill regned and gouerned the royalme well and nobely for he was a noble man and welbeloued among the briton••. When tho of rome herde that Astlepodes was slayn̄ they were wonder glad and sent an othir grete Prince of Romanis that was called Con¦stance and he come to the kyng Coill for to chalenge the truage that was woned to be paied to Rome And the kyng ansuerd wel

and wysely and said that he wolde paye to Rom ••all that right and reson wolde with good will And so they accorded tho with good will and withoute any contak and both they duelled to gedees in loue ¶The kyng Coyll yaf his doughter Eleyn̄ to Constance for to haue hir to his spouse that was both fair wyse and good and well lettred And this Constance spoused hir ther with moche ho¦nour / And it befell sone afterward that this kyng Coyll died in the yere of his regne xiij. and lieth at Colcestre entierd

¶Of kyng Constance that was a Romayne that was chosen kyng aft the deth of Coyl for as moche that he had spoused Eleyn thas was kyng Coyles doughter ¶Ca.xlvj.

AFter this kyng Coyl Constance was made kyng and crou∣••ed for as moche that he had spoused kyng Coyles doughter that was heir of the lande the whiche Constance regned well and worthely gouerned the lande and he bigate on his wif Eleyn a sone that was called Constantine and this kyng bare tre we fayth and truly did to hem of rome all his lyfe and when he had regned xv. yere he died and lieth at york.

¶How Constantine that was kyng Constances sone and the sone of seint Eleyn gouerned and ruled the lande and was Em¦••our of Rome ¶Ca.xlvij

AFter kyng Constances deth Constantine his sone and the one of seint Eleyn that fonde the holy crosse in the holy lāde and howe Conseantine bicame Em{per}our of Rome. Hit befell so in that tyme ther was an Em{per}our at Rome a Sarazyne a tiraunt that was called Maxence that put to deth all that beleued in god & destroied holy chyrche by all his poer and slough alle Cristē men that he myght fynde. And among all othir he let martre seint ka∣terine and many othir cristen peple that had drede of deth that fled de and come in to this lande to kyng Constantine and tolde hym of the sorwe that Maxence dyde to Cristiente wherfor Constantine had pite and grete sorwe made and assembled a grete holt and a grete power and went ouer to Rome and nōme the Citee and quelled all that ther in were of mysbeleue that he myght fynde / And tho was he made Em{per}our and was a good man and go¦uerned hym so well that all landes to hym were attendaunt for to bene vnder his gouernaill. And this deuell tiraunt Maxence that tyme was in the lande of Grec•• and herde this tydynge he

become wode and soden••ch he died and so he ended his lyfe when Costantine went fro this land to Rome he toke with hym his mo∣der Eleyne for the mochel wisdome that she coude and iij. othir gre¦te lordes that he most loued that one was called Hoel an othir was called Dalerne and the thridde Morhin and toke all his lande to kepe vn to the Erle of Cornewaille that was called Octauian / And anone as this Octauian wist that his lord was duellyng at Rome he seised all the land in to his hand and ther with did all his wyll among high and lowe and they helde hym for kyng whā this tydynge come to Costantine the em{per}our he was wonder wroth to ward the erle Octauian and sente ••aberne with xij. thousand mē for to destroie the Erle for his falsenesse & arriued at Porte smouth ¶And when Octauian wist that he assembled a grete power of britons and discomfited ••aberne / and ••aberne fledde thens in to Scotland and ordeyned there a grete power and come ayene in to this land an othir tyme for to yeue bataille to Octauian When Octauian herde telle that he assembled a grete power and come to∣wardes ••aberne as moche as he myght so that the ij. hostes metten vpon steynesmore aud strongly smote to gedre / and tho was Octa¦uian discomfited and fledde thens in to Norwey and ••aberne sei∣sed alle the land in to his hand tounes castelles as moch as they ther had ¶And sith Octauian come ayene fro Norwey with a gre¦te power and seised ayene all the land in to his hande and drofe out all the Romains & was tho made kyng and regned

¶How Maximian that was the Em{per}ours cosin of Rome spou∣sed Octauians donghter & was made kyng ¶Ca.xlviij.

THis kyng Octauian gouerned the land well and nobely but he nad none heir sauf a dought that was a yong child that he loued as moche as his lyfe and for as moch that he wax sike & was in point of deth & myght no lenger regne he wolde haue made one of his nepheus to haue bene kyng the whiche was a noble knyʒt & a strong mā y^• was called Conan meriedoke & he shold haue kept the kynges doughter & haue maried hir when tym̄ had bene but the lordes of the lande nolde nat suffre it but yaf hir counseill to be maried to some high man of grete honour and than myght she haue all hir lust And the counseill of the Em{per}our Co∣stantine hir lord and at this counceill they accorded and chose tho cador of cornewaille for to wēde to y^• em{per}our for to do this message

and he nōme the wey and went to Rome and tolde••eth Em{per}our this tydyng well and wysely & the Em{per}our sent in to this lande with hym his owne cosin y^• was his vncles sone a noble knyght and a stronge thas was called Maximian and he spoused Octa∣uians doughter and was crouned kyng of this lande

¶Howe Maximian that was the Em{per}ours cosin conquered the lande of Amorican and yaf it to Conan Meriedok ¶Ca.xlix.

THis kyng Maximian bicome so riall that he thought to conquere the land of Amorican for grete ricchesse that he herde tell that was in that lande so that he ne lefte man thas was of worthinesse knyght squyer ne none othir man that he ne toke with hym to grete damage to all the lande for he left at home behynd hym no man to kepe the lande but nōme hem with hym fro this lande xxx.M. knyghtes that were doughty mēnys bodies and went ouer in to the lande of Amorican and ther slewe the kyng that was called Imball and conqnered all the lande.

And when he had so done he called Conan & said For as moche as kyng Octauian haue made yowe kyng of Britaigue and thurgh me ye were lette & destrobled that ye were nat kyng I yeue yowe all this land of Amorican and yowe ther of make kyng ¶And for as moche as ye ben a briton and your men also and become fro britaigue I wull that this land haue the same name and no more be called Amorican but he called litell britaigne and the lande fro whens ye ben comen shall he called moche britaigue ¶And so that men knowe that one britaigue fro that othir Conan meriedok thā¦ked hym hendely and so was he made kyng of litell britaigue

¶And when all this was done Maximian went thens to rome and was tho made Em{per}our after Costantine Conan Meriedok dnelled in litell britaigue with mochel honour & let ordeyn ii.M. ploughmen of the lande for to erie the land to harwe it and sawe and feffed hem richely after that they were ¶And for as moche as kyng Conan and none of his knyghtes ne none of his othir peple wolde nat take wifes of the nacion̄ of fraunce he tho sent in to grete Britaigue to the Erle of Cornwaille that me called Di¦onothe that chese thurgh out all the lande xj.M. of maydens that is to say viij.M. for the mene peple & iij.M. for the grettest lordes that sholde hem spouse ¶And when Dionothe vn••fonge this cō∣maūdament he let seche thurgh all grete britaigne as many as the nōbre came to for no mā durst withstōde his cōmaūdamēts for as

moche as all the land was take hym to warde and to kepe to done all thyng that hym good liked And when all the maydens were as sembled be let hem come before hym to london and let ordeyne for hē shippes hastely as moche as hem neded to y^• viage & toke his owne doughter that was called Vrsula / that was the fairest creature that any man wist and wold haue sent hir to kyng Conan that sholde haue spoused hir and made hir quene of the land / but she had ma∣de preuely to god a vowe of chastite that hir fadre wiste not ne no man elles that was lyuyng vpon erth.

¶How Vrsula and xj.M. maydens that were in hir companie went toward litell britaigne and all were martred at Coleyne Capitulo quinquagesimo

THis Vrsula chese vn to hir companie xj.M. maydens that of all othir she was ladie & mastresse and all they wēte in to shipp at one tyme in the water that was called the thami¦se and commaunded hir kyn and all hir frendes to Almyghty god and sailled to ward litell britaigne / But when they were comen in to the high see / a stronge tempeste arose as it was goddis wille

¶And Vrsula with hir shippes and hir companie were driuen to ward hundland thurgh tempest and arriued in the hauen of the Ci¦te of Coloyne / The kyng of the land that was called Geowan was tho in the Cite / & whan he wise the tydyng that so many fair may∣dens were ther arriued / he toke Elga his brother and othir of his houshold with hym and went to the shippes to seen that faire compa¦nie and whan he saw hem so faire he and his companie wold haue ouerlayne hem & betake fro hem hir maydenhode But Vrsula that good maid counceilled praied warned & taught hē that were hir fe¦lawes that they shold defende hem with all hir myʒt and rather suf¦fre deth than suffre hir body to be defoiled So that all tho maydens become so stedfast in god that they defended hem thurgh his grace so that none of hem had poer to done hem any shame / ¶Wherfor the kyng Gowan wax so sore annoied that he for wrath let slee hem euerichone anone right / and so were all tho maydenes martred for the loue of god and lien at Coloyne

¶How kyng Gowan come for to destroie this land & how a man of grete power that was called Gracian defended the land Capitulo quinquagesimoprimo

WHen all this was done kyng Gowan that was a sarazen called his brother Elga and said to hym that he sholde go to cōquere the lād that all tho fair maydens were in borne And he ordeyned tho a grete poer of Pehites of denmare of or∣koney and of norwey and they come in to this lande and brent tou¦nes & slewe folk and cast a doune chyrches and houses & religiō and robbed the lande in length & brede & put to deth all tho that wolde nat forsake the right beleue & cristendome ¶For as moche as ther was no soueraigne that myght hem helpe For the kyng Maximian had taken with hym all the worthy men he went to cō¦quere litell britaigne And in the same tyme that ye here nowe telle was seint Albone martred thurgh the wode tiraunt Dio••••cian in the same place wher is nowe an Albaye made of seint Albone whiles that he was a paynyme ¶But he conuerted hym to god thurgh the predicacion̄ of a clere and a wyse man that was called Anabel that was herburghed a nyght in his house And this waz after the Incarnacion̄ of Ihū crist•••• xxvj. yere And men shull vnderston that seint Albone suffred his matirdome before that seint Edmond was martred and her for is seint Albone called the fyrst martir of England ¶This Gowannes brother & his folk that were sarazenes went thurgh out the lande & destroied all thyng that they founde and no thyng they ne spared When this tydyng came to Rome Nowe that kyng Gowan had bigōne for to stroie this lande the Em{per}our and tho of Rome sent a strong man and of grete poer that was called Gracian with xxiiij.M. men well fyghtyng for to cast out Sarazenes out of this lande & all they arrined at portesmothe ¶Maximian myght nat come hym selfe for as moche as he was chosen Em{per}our after the deth of Constantine that was seint Eleynes sone ¶When this Gracian was arrined with his host he let aspie priuely wher the kyng go¦wan myght be founde and he come vpon hem sodenly as they lay in hir beddes and descomfited hym & slew hem in hir beddes euery chon that non̄ of hym ascaped sauf Gowan that fled with moche sorwe in to his contre ¶Sone after it befell that Maximian was slayne at Rome thurgh treson And when Gracian wyse that ty∣dynge be let croune hym kyng of this lande

¶Howe Gracian made hym kyng when Maximian was slayne and afterward the britons queld hym for his wikkednesse Ca.lij

¶His Gracian when he bigan to regne he bicome so wikked

and so sterne and so moche sorwe did to the britons that they 〈◊〉〈◊〉 hym amonges hem ¶Tho the kyng Gowan had vnderstond tha•• Gracian was slayne and done to deth he assembled a grete power & come ayene in to this lande / and yf he had erst done harme tho did he moche more / for tho destroied he all this land and the cristen peple that was in moche britaigne so that no man was so hardie for to nem••ne god / and he that so did anone he was put to stronge deth ¶But the bisshopp of london that was tho that was called Gosse¦lyn scaped and wente thens to them of Rome to seche socour to helpe cestroie the sarazenes that had destroied this land ¶And the Ro∣mains saide that they had be so ofte annoied for hir sending after folke in to Britaigne all for to helpe the Britons and they wold no more so done ¶And so the bisshopp Gosselyne went thens with¦oute any socour or helpe ¶And tho went he to the kyng of litell bri¦taigne that was called Aldroie and this was the thridde kyng af∣ter Gowan mer••edoke as before is said ¶The bisshopp praied this kyng Aldroie of helpe and socour ¶The kyng had grete pite in his hert when he had herde how the bisshopp fledde and how the Cri∣sten men weren slayne in grete britaigne thurgh paynyms and sa∣razenes he graunted hym Costantine his brother hym for to helpe with power of folke and hem did araie hors armure and shippes & all thyng that hem neded to that viage ¶And whan all thyng was redy he called the bisshopp and to hym said I take yow here to helpe and socour Costātine my brother vpon this couenant that if god yeue hym grace the paynymes and the sarazenes to shende and discomfite that than ye make hym kyng And the bisshopp it graun¦ted with good wyll ¶Costantine and the bisshopp toke leue of the kyng Aldroie and betoke hym to god and toke hir men xij.M. and wente to hir shippes and sailled toward grete Britaigne and arri¦ued at tottenesse ¶When the Britons herde the tydynges that to hem come socour they were strongly holpen and ordeyned hem an huge nombre of peple and come to hem and vnderfenge hem with mochel honour ¶Gowan anone as he wist of this thynges he as∣sembled all the sarazenes and come ayens hem and yafe hem bata¦ille / And Costantine slow hym with his owne hondes And all tho othir sarazenes were discomfited and slayne that none ascaped but tho that were conuerted vn to god

¶How Costantine that was the kynges brother of litell Brita∣igne was crouned kyng of mochel Britoigne for his worthinesse Capitulo quinquagesimotercio

ANone after the bataill they went to london and couned ther Costantine and made hym kyng of this lande and the bisshopp Goseline sette the croune on his hede & ānoyn¦ted hym as falleth to a kyng for to bene and tho bigan cristendome This kyng Costantine when he was crouned anone after he spou¦sed his wife thurgh conceill of the britons and he begate iij. sones on hir / The fyrst was called Constance that othir Aurilambros and the thridde Vter Constance the elder brother when he came to age he made hym a monke at wyuchestere Costantine hir fadre waz slayne thurgh treson For it befell on a tyme that a Pchite come to hym vpon a day in message as it were & said that he wolde speke with the kyng priuely in conceill The kyng let wide his chambre of tho mē that were wythynne and ther abode no mo but the kyng and the Pehite and made a contenaunce as they he wolde haue spoke wyth the kyng in his ere and there he quelled hym with a longe knyfe and after went queyntely oute of the chambre in¦to an othir chambre so at the last no man wyst where he was bico¦me ¶When the kynges meyn̄ wyst that hir lord was so dede they made so moche sorwe they nyse all what to done For as moche as his ij / sones Aurilambros and Vter weren so yonge that none of hem myght be kyng and the thridde brother was mōke at wyn chestre as is said be forne But vortiger that was erle of westsexe thought priuely in his hert thurgh queyntyse to be kyng and went to wynchestre ther that Constance was monke and to hym said Constance quod he your fadre is dede and yonr ij. bretheren that bene with Gosseline the bisshopp of london to norissh ben so yonge that none of hem may be kyng ¶Wherfor I conceill yowe that ye forsake your abit and come with me and I shall done so to the britons that ye shall be made kynge.

¶Of Constaunce that was kyng Costantines sone that was monk at wynchestre and howe he was made kyng after his fa∣dres deth thurgh conceill of Vortiger that was Erle of westsexe for as moche as Aurilambros and Vter his ij. bretheren went but yonge of age And Vortiger let sle•• hym to be kyng hym selfe ¶Capitulo liiij.

¶His Vorager conc••illed this Constan••t so moche till he

forsoke his Abbot and went with hym And anone after he was ••ouned and made kyng by assent of the Britons

¶This kyng Constance whan he was crouned and made kyng he wist ne knewe but litell of the worlde ne coude no thyng what knyghthode axed he made Vortiger his chief mastir and counceil∣ler and ya fe hym all his power for to ordeyne and to do as moche as to the Reame a{per}teyned So that hym selfe nothyng enternel∣led but only bare the name of kyng ¶When Vortiger saw that he had all the land in his ward and goueruaille at his owne wyll he thought a priue treson and to slee Constance the kyng / that he myght hym selfe bene crouned and made kyng and regne and let sende after an hondred knyghtes of Pehites the worthiest of all the land and hem helde with hym to duelle with hym as to be kepers of his body / as he wolde wende thurgh the land to ordeyne thynges that ap{per}teyned to a kyng ¶And this Vortiger honoured so mo∣che the houdred knyghtes and so moche yafe hym of gold and sil∣uer and so riche Iewrlles robes hors and othir thingis plente wher for they helde hym more lord than they did the kyng ¶And Vor∣tiger tolde hem yf he most be kyng ye as it were thurgh treson / he wolde make hem ricchest of the lande So at the laste thurgh grete yiftes that he had yeue largely / they cried thurgh the courte that Vortiger were better worthy to be kyng than Constance / wherfore Vortiger made semblant as he had bene wroth and departed thens fro the court and said he must gone elles whidder for thyng that he had to done / and so the traitour said for encheson that they shold slee hym that is to say Constance ¶When this Vortiger was gone it befell sone after that tho houndred knyghtes of Pehites breken the dores of the kynges chambre and ther they hym show and smy¦ten of his heed / and bere it to Vortiger ther that he duelled And when Vortiger saw that heed / he wepte full tenderly with his eye And nothele••s he was somedell glad of his deth ¶And anone let take the hondred knyghtes of Pehites and bynde hir hondes behynde hem and lede hem to london and / there they were dampned to the deth as fals traitours And anone after all the britons of the lande by commune assent crouned Vortiger and made hym kyng of the lande

¶How the wardeyns that had tho two children to kepe that we∣re Costantines sones lad de hem to litell Britaigne for the treson & falsenesse of Vortiger. Capitulo quinquagesimoquinto

THis kyng Vortiger when he was crouned tho that had the ij. children in kepyng Au••lambros and Vter thurgh or dinaunce of Gosselyne tha•• was bisshopp of london at his deth durst nat duelle in the lande with the children / but lad hem to the kyng of litell Britaigne / for as moche as be tho wyst the treson of Vortiger that tho was made kyng / thurgh whom Constance hir brother was slayne / wherfore the houndred knyghtes of Pehites were put to deth and beren all the blame / as that Vortiger had not wyst ther of nothir ther to consented ¶And so the kepers of tho two children dred left Vortiger wold put hem to dethe thurgh his treson and falsenesse as he had done hir brother beforne / And ther fore they were lad ouer in to litell Britaigne / and the kyng hem resseyued with mochel honour and lete hem to norisshe / and ther they duelled till they become faire knyghtes and stronge and fers and thought to be auenged vpon the dethe of Constance hir brother when they sawe hir tyme and so they did as ye shnll here tell afterward ¶Hit was not longe after that the tydynges ne come ouer see to the kynred of tho houndred knyghtes of Pehites that were dampned and put to the dethe thurgh Vortiger in this lande therfore they were wondrely wroth and sworen that they wolde bene auenged of hir kynnes deth / and comen in to this land with a grete power and robbed in many places and queld and did all the sorwe that they myght / Whan Vortiger it wist he made moche sorwe and sore was ann••ied / And in an othir place also tydynges came to hym that Aurilambros and Vter his brother ordeyned and assembled a grete host for to come in to mochel Bri∣taigne that is to sey in to this lande to bene quenged vpon Constā¦ce hir brothers deth / So that in one halfe and in that othir he was brought in to so moche sorwe that he ne wyst whidder to wende

¶How Engist and xj. thousaud men come in to this lande 〈◊〉〈◊〉 whom Vortiger yafe a place that called is thong••••stell Capitulo quinquagesimosexto

ANd sone after this sorwe tydynge come to Vortiger that a grete nauye of strangiers were arriued in the contre of ••ent but he wyst not whens they were ne wherfore they were come in to this land ¶The kyng sente anone a messaiger

〈◊〉〈◊〉 that somme of bem sholde come and speke with hym for to 〈◊〉〈◊〉 what folke they were and what they axed and in to what contre they wolde gone ¶Ther were ij. bretherne mastres and princes of that strong companie that one was called Engist and that othir horsse Engist went to the kyng and tolde hym enche∣son wherfor they were ther arrined in his lande. ¶And said Sir we ben of a contre that called is Saxonie that is the lande of Eermayne wher in is so moche for we that of the peple be so moche that the lande may not hem susteyne ¶The mastres and princes that haue the lande to gouerne and rule make to come before hem men and women that boldest ben among hem for to fyght and that best may trauaill in to diucrse landes

¶And so they shull hem yeue hors and harnays Armure and all thyng that hem nedeth and after they shall sey to hem that they gone in to a othir contre wher that they mowe lyuen as hir aunce stres did beforne hem ¶And therfor Sir kyng yf ye haue ought to do with our companye we be come in to your lande and with good wyll yowe wyl serue and your lande kepe helpe and de∣fended, from your enymyes yf that yowe nedeth

¶When Vortiger herde this tydynge he said he wolde gladly hem withold vpon suche couenant yf they myght deliuer his lande of his Enemies he wolde yeue hem resonable londes wher they sholde duell for euermore Engist thanked hym goodly and in this ma¦ner he and his companye xj.M. shold dnell with the kyng Vorti¦ger and so moche they did thurgh hir boldenesse that they deliuered the lande clene of his ennemyes Tho praied Engist the kyug of so moche land that he myght make to hym a Cite for hym and for his meyne ¶The kyng ansuerd it was not to done with out conc••ill of his britons ¶Engist praied hym eftsones of as moche place as he myght compase with a thonge of a skynne whervpon he myght make hym a maner and for him to duell on And the kyng graunted hym feely ¶Tho nōme Engist a bull skynne and cut it as smale as he myʒt all in to a thwonge all a rounde and ther with compased he as moche lande as he made vpon a fair ca∣stell and when this castell was y made he let call it ••hwongca∣stell For as moche as the place was marked with a thonge

¶Of Ronewen that was Engistes doughter and howe the kyng Vortiger spoused hir for hir beaute Capitulo quinqnagesimo sepfimo.

WHen this Castell was maked and fnll well araied En∣gist preuely sent by leter in to the contre that he came of after an houndred shippes fylled with strange men that ware bolde and well fyghtyng in all batailles / and that they shold bring with hem Rone wen his doughter that was the fairest crea∣ture that a man myght see ¶And when the peple was comen that he had sente after he toke hem in to the Castell with moch Ioye And hym selfe vpon a day wente vn to the kyng and praied him ther worthely that he wolde come and see his newe maner that he had made in the place that he compassed with a thonge of the skyn̄ ¶The kyng anone graunted it hym frely and with hym wente thidder and was well a paied with the Castell and with the fair werke / and to gedres ther they eten and dronken with mochel Ioye

¶And whan nyght come that the kyng Vortiger shold gone in to his chambre for to take ther his nyghtes reste / Ronewen that was Engistes doughter come with a coupe of gold in hir honde and kneled beforne the kyng / and said to hym wassaille / and the kyng wist not what it was to mene ne what he sholde ansuere for as moch as hym selfe ne none of his Britons yit coude none Englissh speken ne vnderstond it / but speken tho the same langage that Britons yit done ¶Nothelees a latymer tolde the kyng the full vnderstondyng ther of wassaille / and that othir sholde an suere drynke haille ¶And that was the fyrst tyme that was saille and drynkhaille come vp in this land / and from that tyme vn to this tyme it is will vsed in this lande.

¶The kyng Vortiger sawe the fairnesse of Rone wen and his ar¦mes laid aboute hir nekke and iij. swetely kylled hir and anone right he was anamered vpon hir / that be desided to haue hir to wife and asked of Engist hir fadr••. ¶And Engiste graunted hym vpon this couenaunt that the kyng shold yeue hym all the cō¦tre of kent that he myght duelle in and his peple ¶The kyng hym graunted preuely with a good will And anone after he spoused the damisell that was moche confusion to hym selfe.

¶And therfore all the Britons become so wroth for encheson that he had spoused a woman of mysbeleue / wherfor they went all from hym and no thyng to hym toke kepe ne helpe hym in thyng that he had to done.

¶Howe Vortymer that was Vortiger•• sone was made kyng & Engist druien ou•••• and howe Vortymer was slayne Capitulo lviij.

THis Engist went in to kent and seised all the land in to his hande for hym and for his men and bicome in a litel whyl of so grete poer and so moche peple had that men wyst not in litell tyme which were the kynges men and whiche were Engistes mē wherfor all britaigne had of hym drede & said among hem that yf they ne toke othir coūceill bitwene hem all the lande sholde be betraied thurgh Engist and his peple ¶••ortiger the kyng had bigoten on his fyrst wife iij. sones the fyrst was cal¦let Vortimer that seconde Catagren and the thridde passent

¶The britons euerychon by one assent chosen Vortimer to be hir lorde and souerayne and hir coūceiller in euery bataille & crouned hym and made hym kyng and wolde suffre Vortiger no lenger to regne for encheson of the Alliance bitwene Engist and hym The bri••on•• ordeyned a grete host to driue oute Engist and his cō∣panie of the lande and yafe hym iij. batailles that fyrst was in kent ther he was lorde The second wat at Tette forde And the thrid de was in a shire athishalf Cool in a more ¶And in this bataill hem met Catagren and horsse Engistes brother so that eche of hē slewe othir ¶But for as moche as the contre was yeuen long be∣fore to horne thurgh Vortiger tho he had spoused his cosin ther h•• had made a fair castell that me called hornecastell after his owne name ¶And Vortimer was so ānoied for his brothers deth Ca∣tagren that he was dede in such a maner ¶Wherfor anone he let felle the castell to grounde ¶And after that he ne left nyght ne day till he had driuen out Engist & all his peple of the lande And when Engist was driuen away Ronewen his doughter made for∣wey nowe and quentelyn spake to hem that were next the kyng Vortimer and priuyest with hym and so moche she yaf hym of yif¦tes that he was enpoisened and died at london the iiij. yere of his regne and ther he lieth

¶Howe the britous chosen an othir tyme Vortiger to bene hir kyng and Engist came in to this lande open and they foughten to gedre. Ca.lix.

¶Fter Vortimers deth the Britons by hir commune assent

eftsones made Vortiger hir kyng vpon this couenant that he shold neuer after suffre Engist ne none of his eftsones to come in to this land ¶And whan all this was done Ronewen the Quene preuely sente by letter to Engist that she had enpoisened Vortimer and that Vortiger hir lord ayene bare the corone and regned and that he shold come in to this lande well arraied with moche peple for to auenge hym vpon the Britons and to wynne this lande a∣yene ¶And whan Engist hered this tydynge he made grete ••oye and apparailled hym hastely with xv. thousand men that were doubghty in euery bataille and come in to this land ¶And whan Vortiger herd telle that Engist was come ayen•• with a grete poer in to this land he assembled his Britons and tho wente ayens Engist for to haue yeue hym bataille and his folke ¶But Engiste drad hym sore of the Britons / For they had discomficed hym beforne / and had driuen hym oute with strength / wherfore En¦gist p••aied a loue day / and said he was not comen in to this lande for to fight / but to haue his lande ayene yf he myght acord with the Britons and of hem haue grace ¶The kyng Vortiger thurgh counceill of his Britons graunted a loue day and thus it was or deyned thurgh the Britons / that the same loue day shold bene holde fast be side Salisbury vpon an hull ¶And Engist sholde come thidder with foure houndred knyghtes withoute moo / And the kyng with as many of the wysest of his lande ¶And at that day the kyng come with his counceill as it was ordeyned But Engiste had warned his knyghtes preuelich and hem commounded that euery of hem shold put a longe knyfe in his hose ¶And whan he said fair Sires nowe is tyme to speke of loue & pees euery mā a none shold drawe his knyfe and sler a Briton and so they queld a thousand lxj. of knyghtes and with moche sorwe many of hem ascared ¶Aud the kyng Vortiger hym selfe tho was ta∣ken and lad to Thongcastell and put in to prison / and somme of Engistes men wolde that the kyng had bene brent all quyke

¶And Vortiger tho for to haue his lyfe / graunted hem as mo¦che as they wolde axe and yafe vp all the lande tounes Castelles Cites and burghes to Engist and to his folke ¶And all the Britons fledde thens in to wales and there they helde hem still

¶And Engiste wente thurgh the lande and seised alle the land with feaunchises and in euery place let cast a doune chyr∣ches and houses of Religione and destroied Cristendome thurgh the lande and let change the name of the land / that no man of

his were so hardy after that tyme to calle this lande britaigne but calle it Engistesland and he de{per}ted all that londe to his men and ther made vij. kynges for to strenght the lād that the britons sholde neuer come after ther in ¶The fyrst kyngdeme was kent ther that Engist hym selfe regned and was lord and mastir ouer all the othir ¶An othir kyng had southsex•• that nowe is Chichestre the iij. kyng had westsex ¶The iiij. kyng hadde Eestsexe ¶The v. kyng had Estangill that nowe is called northfolk Southfolc Mercheinerich that is to say the Erldome of Nichol ¶The vj. had leicestreshire Northm̄ptonshire ¶Hertford & huntyngdon̄ ¶The vij. had Oxūford Gloucestre Wynchestre Warre wyk and Derby shire

¶Howe vortiger went in to wales and bigan there a castell that wolde nat stande without mortier tempred with blode Ca.lx

WHen Engist had de{per}ted all the lāde in this maner bitwe¦ne his men he deliuered Vortiger out of prison and suffred hym frely to gone whidder he that wolde & be nōme his wey and went in to wales ther that his britons duelled for as moche as that lande was stronge and wykked to wy••••e And en¦gist neuer come ther ne knewe it neuer before that lande Vortiger helde hym ther with his britons and axed coūceill what hym was best all for to done ¶And they yaf hym conceill to make a stronge castell that myght hym self ther in kepe and defende yf nede were

¶Masons in hast tho were fet and bigan the werke vpon the hylle of Breigh But certes thus it befell all the werk that the masons made a day adoune it fell anyght & wist not what it myʒt bene & ther of the kyng was sore ānoied of that chan̄ce & wyst nat what to done ¶Wherfor he let send after the wysest clerke and also le∣red men that weren thurgh oute wales that myght bene founde.

¶For they sholde tell wherfor the foundament so failled vnder the werke and that they sholde hym telle what was best to done

¶And the wisest men lōge tyme had studied they said to the kyng that he sholde done seke a childe borne of awoman that neuer had with man to done and that childe he sholde slee and tempre with his blode the mortier of the werke and so sholde the werke euer en¦dure withoute ende

¶Howe the kyng lete seche Merlyn thurgh all wales for to speke with hym ¶Ca.lxj.

WHen the kyng herde this he commaunded his messagiers anone to wende thurgh oute all wales to seke that childe yf they myght hym fynde / and that they sholde bring him forth with hem vn to hym / and in recorde and in witnesse of this thynge he had take hem his lr̄e that they ne were destourbled of no man ne lette ¶And tho the messagiers wente thens and spedde so fast that they come in to a toune that was called ••rar∣mardine and as they passed forth hir way they founden ij. chil∣dren of xxiiij. yere age chidden yfere with hasty wordes / and one of hem said to that othir Donebat quod he ye done all wronge to chi∣de or strife with me ¶For ye haue no wit ne reson as I haue Certes Merlyn quod he of your wit ne of your reson I make no force for men telle communely that ye haue no thyng of god almy ghty sith ye had neuer fadre but euery man knoweth well who is your moder ¶The messagiers of the kyng Vortiger when they herde this strife bitwene tho two gromes they axed of hem that sto¦de besides hem whens that Merlyn was borne / and also who hym norisshed and the folke hem tolde that a grete gentil woman hym bare in karmardine that was called Adhan ¶But neuer myʒt man wite who myght be the childes fadre ¶When the kynges messagiers herde this tydyng they went anone to hym that was wardeyne of the toune and tolde hym the kynges wyll and his l̄re she wed hym wherfor they were come thidder

¶Merlyn and his moder anone were sent before the wardeyne of the toune and he commaunded hem that they sholde gone to the kyng as it was ordeyned by his messagiers ¶Merlyn and his moder wente th••ns and comen vn to the kyng and there they were vnderfonge with mochel honour and the kyng axed of that lady yf that childe were hir sone / and who hym beagte

¶The lady ansuerd full tendrely wepyng and said she had ne∣uer companie of man wordely ¶But Sir quod she as I was a yong mayden in my fadres chambre and othir of grete ••nage we∣re in my companie / that often tymes were wont to play and to so∣lace I beleft allone in my chambre and wold nat gone oute for brēnyng of the sonne ¶And vpon a tyme ther come a faire bache ••er & entred in to my chābre they y^• I was allone / but how he come in to me / & where I wiste it neu ne yit wote it nat For y^t dores we¦re fast barred / & with me he did game of loue For I ne had myʒt ne poer hym to defende fro me / & ofte he come to me in y^• forsaid ma∣ner so that he begate this child / but neu myʒt I wit what he was

¶Of the ansuerd of Merlyn wherfor the kyng axed why his werk myʒt not stond that he had bigōne ner proue ¶Ca.lxij.

WHen Merlyn had herde all that his moder had said spake••to the kyng in this maner. ¶Sir howe I was begoten ax ye no more for it falleth nought to {per}owe ne to none othir to wyt but telleth me encheson wherfor I am to yow y brought and wherfor ye haue sent after me. Certes quod the kyng my wyse coūcelers haue done me to vnd{er}stonde that y^e mortier of a werke that I haue bigōne behoued to be tempred with your blode or the foundement shall faill for euermore ¶Sir quod Merlyn wyll ye slee me for my blode for to tempre with your mortier ye qd the kyng orelles shall neuer my castel stande as my coūcelers done me to vnderston¦de ¶Tho ansuerde Merlyn to the kyng Sir he said let hem com̄ bi¦fore me tho wyse concelers and I wull proue that they say nat wele ne trewly ¶And when the wyse were y comen Merlyn ax∣ed yf his blode were the encheson to make the werke stand and endure All these wyse were abasshed and counde nat ansuere

¶Merlyn tho said to the kyng Sir I shall tell yow then cheson wherfor your werk thus fayleth and may nat stonde ¶Ther is vnder the montaigne ther that ye haue bigōne your towr a grete ponde of water and in the botome of the ponde vnder the water ther 〈◊〉〈◊〉. dragons that one is white that othir reed that fyghtē to ged•••••• ayens your werk Do ye myne depe till your men come to the ponce and doth your men take away the water all oute & than ye shal se the dragons as I haue yo we tolde that to gedre fyght ayens your werk ¶And this is the encheson certes wher¦for the fundament failleth The kyng anone let digge vnder till that men come to that ponde and let done away all that water & ther they founde ij. dragons as Merlyn had tolde that egrely fou¦ghten to gedres ¶The white dragon egrely assailled the reede and laid on hym so strongly that he myght nat ēd••re but withdrowe hym and rested in the same caue•• ¶And when he had a whyle re¦sted he went before & assailled the reed deagon angrely and helde hym so sore that he myʒt not ayens hym endure but wythdrowe hym and rested And after come ayene the white dragon and stron¦gely fought with the reed dragon and ••ote hym euell and hym ouercome that he fleigh thens and no more come ayene

¶Of the significacion̄ of tho ij. dragons that were in the bottom of the ponde that foughten to gedre. ¶Ca.lxiij.

THis kyng Vortiger and his men that faught this bataill had grete mervaille & praied Merlyn to telle hym what it myʒt betoken ¶Sir qd Merlyn I shall yow telle

The rede dragon betokeneth your self and the white betokeneth the folk of saxonie that fyrst ye toke and helde in this lande that nowe fighten ayens yowe and yo we haue driuen and enchaced.

¶But britons of your linage ouercomen hem and driuen hem a waye and sithen at the comyng ayen of the saxons they recouered this land and held it for euermore & driuen out the britons and did wyth this land hir wyll and destroid cristendome th••rgh out this lande ¶Ʒe had had fyrst Ioye with hir comyng but no we it is turned to yow grete damage & sorwe ¶For tho ij. bretherne of Constance that was kyng the which ye let slee Shulle come bifor a quinzeme passed with a grete poer from litell britaigne and shul¦len avenge the deth of hir brother & they shull brenne yowe fyrst with sorwe And after they shull slee a grete partie of Saxons & shull out driue all the remenaunt of the land & therfor abyde ye here no lenger to make castell ne none othir werke but anone goth elles where your lyfe all for to saue to god I yowe bytake / for trouth I haue said to yowe of thyng that shall befall ¶And vn¦derstandeth well that Aurilambros shall be kyng but he shall be empoisened & litell tyme regne

¶Of kyng Aurilambros howe be pursued Vortig•••• & Engist & howe they diden ¶Co.lxiiij.

QErlyn and his moder de{per}ted fro the kyng & turned ayen karmardyne ¶And so after tydyng come to the bri∣tons that Aurilambros & Vter his brother were arrined at Cottenesse with a grete host ¶And the britons anon̄ assembled hem & went to vnderfong Aurilambros & Vter with grete nobi∣lesse & lad hem to london & crouned ther Aurilambros and made hym kyng and diden to hym homage And he axed wher Vorti∣ger that was kyng myʒt be founde for he wolde be a venged of hi•• brothers deth and after he wolde werre vpon paynyms ¶And they told hym that Vortiger was in wales & so they ladde hym thidderward ¶Vortiger wist well that the bretherne come hym to conquere & flew thens in to a castell that was called Gerneth that stode vpon a hi••h montaigne and ther hym helde ¶Aurilā∣bros and Vter his brother & hir folk had beseged the castell full long tyme for the castell was stronge and well araied ¶So at the last they cast wyldefire and brent hous and men and all

hir arraie and as moch as was withyn the castell / So that Vorti¦ger was brend amonge all othir and so died he with mochel sorwe ¶The was Engist in kent and regned ther and herde this tydyng and anone fledde and wold haue gone in to Scotland for to haue had socour / but Anrilambros and his men met with hym in the northcontre and yafe hym bataille and Engist and his men hem de∣fended whiles that they myght / but he and his folke weren discom¦fited and slayne And Otta his sone fley vn to yorke / and Aurilā¦bros hym folowed egrely Otta a litell while ayens hym stode / but afterward he putte hym to his mercy ¶And Aurilambros vnder fenge hym & to hym and to his men he yafe the contre of Galewey in Scotland and ther they duelled ¶The kyng Aurilambros wēt tho th••rgh oute the lande and put away the name of Engisteslād that Engist after his name had called it before Tho let he it calle a∣yene grete britaigne and let make ayene churches houses of religiō Castelles Cites and burghes and tounes that the Saxons had de¦stroied and come to london & let make the walles of the Cite which Engist and his folke had cast a doune ¶The Britons led hym to the monte of Anbrian wher somme tyme was an hous of religion that tho was destroied thurgh paynymes ¶Wher of a knyʒt was called Anbry that somme tyme was founder of the hous and th••r for the hyll was called the mont of Brian / and after was called Ambresbury and shall for euermore

¶How Aurilambros did redresse the land of grete Britaigne that was destroied thurgh saxons Ca.lxv

HOw the kyng Aurilambros let amend and redresse the hous of Amlesbury and theryn put mon••••es but nowe ther be nonnes a litell from the place that was called Salis¦bury ther tho the Saxones queld the britons wher Engist and he sholde haue made a loue day in which tyme ther were slayne a M.lxj. knyghtes thurgh treson of Engis•• ¶The kyng ther of had gre¦te pite / and thought to make in mynde of hem a monumēt of stone that myght endure to the worldes en••e And of this thyng they toke hir counce•••••• what ther of was best foe to done ¶Tho spake to the kyng the bisshopp of london that was called Cernekyn that he shold enquere after Merlyn / for he coude beste telle how this thyng myʒt be made And Merlyn after was sought & foūde & come to y^• kyng ¶And the kyng told•• hym his wyll of the monumēt that he wold haue made ¶Tho ansuerde Merlyn to the kyng and said

Ther ben grete stones in Irland and longe vpon the hull of kyan that men called Geants karoll and yf they were in this place as they bene there here they wolde endure euermore in remembraunce of tho knyghtes that here ben entered ¶Per ma foy ad the kyng as hard stones be in my land as in Irlād ¶Soth qd Merlyn ¶But in all your land ben none suche For Eeaunts set hem for grete gode of hem selfe ¶For at euery tymes that they were woū∣ded or in any maner hurte they wesshen the stones with hote wat and than wessh hem ther with & anone they were hole

¶Howe the britons went for to seche the grete stones in Irland Capitulo lxvj.

When this britons had herde of this thyng they wēt & swore among hem that they wolde gone seche the stones & nōme with hem Vter the kynges brother to ben hir cheueteyne & xv.M. men & Merlyn conceilled hem for to gone in to Irland & so they diden ¶And when the kyng of Irland that was called Guillomer herd telle that strangiers were arri••ed in his lande he assembled a grete poer & fought ayens hem. but he & his folk was discomfited ¶The britons we••t biforne till they come to the mōte of kylian & climed vn to the mōte ¶But whenne they saugh the stones & the maner howe they stounde they had grete merwille and said bitwene hem that no man sholde remeue for no strength ne en¦gyue so huge they were & so longe But Merlyn thurgh his craft•• and queyntize remeued hem & brought hem in to hir shippes and come ayene in to this land And Merlyn sette the stones ther that the kyng wolde haue hem and set hem in the same maner that they stoden in Irland ¶And when the kyng saugh that it was ma∣de he thanked Merlyn & richely hem re warded at his owne wyll and that place let calle stouhenge for euermore

¶How Passent that was Vortigers sone & the kyng Guillomer come in to this lande and howe a traitour that was called Cappa enpoysened the kyng Aurilambros ¶Ca.lxvij

ANd men shull vnderstond that Passant that was Vor∣tigers sone leued in the same tyme and come in to this lande with a grete poer and arri••ed in the northco••tre and wolde bene a veuged of his fodres deth Vortiger. ¶And strongly trusted vpon the companie that he had brought with hym out of the land of Germayne & had conquerd all the northcontre vn to yorke ¶And when kyng Aurilambros herd this he assemb¦led a grete po••r of britons & went for to befyght hym And he &

his peple were discomfited but passent ascaped thens with some of his folke / and fledde thens in to Irland and come to kyng Guillo¦mer and praied hym of helpe and socour / The kyng graunted him with good wyll / and said he wold helpe hym with good wyll vp∣on that couenant that I my selfe must gone with yow with alle my power in to Britaigne / and I wolde me auenge vpon the bri∣tons rather than they in to my londe comē and token the stones with strength that called is Geauntz karoll The kyng Guillomer let or∣deyne his shippes and wente to the see with xv.M. men and arri∣ued in wales and begonne to robbe and moche sorwe don•• ¶Hit befell so that kyng Aurilambros lay sike at wynchestre and myʒt not helpe hym selfe So that he sent in his name Vter his brother with a grete power to helpe wales and thidderwarde he wente as moche as he myght The kyng of Irland and Passent had herd ••el¦le that Aurilambros was sike & to hym come a sarazen that was called Coppa & saide Sir qd he duelle ye here all in pees with your hoost and I behote yow thurgh my queyntize that I shall shee the kyng Aurilambros that is sike / yif ye do so quod Passent I shall yow richely auaunce This traitour Coppa put vpon hym an ab∣byt of Religion and let shaue hym a brode croune and come to the kynges court and said that he wolde hele the kyng of his maladie Tho said the traitour Coppa vn to the kyng Sir ben of good com∣fort for I shall yeue yow such a medicine that ye shull swete anon̄ right and lusten to sleep and haue good rest and the traitour yaf hym suche poyson that he sleep anone right and died in his slepyng And the traitour said that he wold gone oute in to the felde till he were a waked / and so scaped he away / For no man had to hym su¦spection for encheson of his Abbyt that he was in clothed and also for his brode croune But when the kynges men wyst that he was dede they becomen wonder sory / and fast sought the traitour / But they myght not fynde hym / For Coppa turued ayene to the host fro¦whens that he come

¶When Aurilambros was dede a sterre in the morne was seyne with a clere light and at the bought of the beme was seyne the hede of an horrible dragon Ca.lxviij

WHen the kyng Aurilambros was thus dede & enpoisened at wynchestre / amorne after that he was dede aboute the ty¦me of prime ther was seyne a st••rre grete and clere & the

beme of that sterre was brighter thā the sonne and at the bouʒt of the beem ap{per}ed a dragōs hede and out of his mouth come ij. huge lightes that were as bright as any fire brennyg ¶And that one beme till toward fraunce and straught ouer the see thidder ward ¶And out of that beem come vij. bemes full clere & longe as it were the liʒt of fire ¶This sterne was se••n of many a man but none of hem wyst what it betokened ¶Vter that was the kynges brother that was in walys with his host of britōs saw that sterre & the grete light y^• yaf he wondred ther of gretly what it myʒt beto¦ken & let call Merlyn & praied him for to telle what it myʒt betokē

¶Of the betokenyng of the sterre ¶Ca.lxix

MErlyn saw that sterre & behelde hym lōge tyme & sithene•• 〈◊〉〈◊〉 qnoke & wept tenderly And said Allas allas that so noble kyng & worthy is dede ¶And I do yowe to vn∣derstonde that Aurilambros your brother is enpoysened & that I see well in this sterre & your self betokened by the hede of the dra∣gon̄ that is seyn̄ at the bought of the beem that is your self that shall be kyng & regne And by the beem that stōt towardes the Est is vnderstonde that ye shall gete a sone that shall conquere all fraū¦ce & all the landes that ben lougyng to the croun•• of fraunce that shall be a worthier kyng & of more honour than euer was any of his auncestres ¶And by the beem that streyght toward Irland is betokened that ye shall geten a doughter that shall be quene of Irland ¶And the vij. bemes betokened that she shall haue vij. sones & euery of hem shall be kyng & regne with mochell honour & abyde ye no lenger here but goth & yeue bataille to your enemies & fyghted with hem boldely for ye shull ouercome hem & haue the victorie ¶Vter thanked hertely Merlyn and nōme his men and went toward his enymie & they foughten to gedre mortaly & so he discomfited his enymies all & destroied & hym self quelled passent that was Vortigers sone ¶And his britons queld Guillomer that was kyng of Irland & all his men ¶And Vter anon̄ after that bataill toke his way toward wynchestre for to done ētier Au¦rilambros kyng thas wat his brother ¶But tho was the body borne to stonhenge with mochel honour that he had done made in re¦mēbraūce of the britons that ther ware slayn̄ thurgh treson of En¦gist that same day that they shold haue bene accorded & in the same place they entered Aurilambros the seconde yerr of his regne with all the wurshipp that myʒt belongen to such a kyug of whos soule god haue mercy.

¶Of Vter pendragon and wherfor he was called so after ye shall here / and how he was ouer take with the grete loue of Igerne that was the erle of Cornewailles wife Ca.lxx.

AFter the deth of Aurilambros Vter his brother was crou¦ned and regned well and worthely and in remembraun¦ce of the dragon that he was liked to he let make two dra∣gons thurgh counceill of his britons / that one to be bore before hym whenne he went in to bataille / and that othir to abide at wynche∣stre in the bisshoppes chyrche ¶And for that encheson he was called euer after Vter pendragon ¶And Otta that was Engistes sone commended but litell Vter / that was made newe kyng and ayens hym began to meue werre / and ordeyned a grete companie of his frendes and of his kynne and of Ossa his brother and had take all the land from humber vn to yorke / but tho of yorke helde strongely agayne hem & nold not suffre hem to come in to the toune nothir to yelde the Cite to hem / And he beseged the toune anone right & yafe ther to a stronge assaute / but they of the Cite hem kepte well and strongly ¶And when Vter herde ther of he come thidder with a grete power for to helpe & rescue the toune and put away the siege & yafe a stronge bataille and Otta & his companie hem defended as well as they myght but at the last they were discomfited & the most part of hem aueld and Otta & Ossa were taken & put in to prison at london ¶And Vter hym selfe dnelled a while at yorke & after he went to london / and at the Ester after sueng he wolde bere corone and holde a solempne fest / and let sompne all his Erles and Ba∣rons that they shold come to that fest and all tho that had wyfes sholde bring hem also to that feste and all comen at the kynges cō∣maundement as they were commaunded The fest was richely hol∣den and all worthely set to mete after that they weren of estate so that erle Gorloys of Corne waill and Igerne his wyfe seten alther next the kyng / and the kyng saw the fairnesse of that lady that she had / And was ranysshed for hir beaute / and ofte he made to hir ny¦ce semblant in lokyng & laughyng / so at the last the Erle {per}ceyued the ••ue lokyng & laughyng & the loue bitwene hem & aroos ••p frō the toble all in wrath & toke his wyfe & called to him his knyghtes & went thens all in wrath withoute takyng bene of the kyng

The kyng anone sent after hym that he shold come ayene and goo not thens in despite of hym ¶And the Erle wold not come ayene in no maner wyse ¶Wherfor the kyng was full wroth and in

wrath hym deffied as his dedely ēnymy And the Erle wēt 〈◊〉〈◊〉 in to Cornewaille with his wif in to the Castell of Tyntagell

¶And the kyng let ordeyne a grete host & come in to Cornewaill for to destroie the Erle yf he myght But he had put hym in such a castell that was stronge & well araied of Tyntagell and wold not yeld hym to the kyng The kyng anone beseged the castell and ther duelled xv. dayes that neuer myght spede and euer thought vpon ygerne and vpon hir laid so moche loue that he nyst what to don̄ So at the last he called to hym a knyght that was called Vlfyn that was priue with hym and told hym all his conseill and axed of hym what was best for to done ¶Sir qd he dothe send aft••r Merlyn for he can telle yowe the best coūceill of any man lyuyng Merlyn anone was sent after and come to the kyng and the kyng told hym all his wyll. ¶Sir qd Merlyn I shall done so moche thurgh crafte that I can that I shall make yowe come this nyʒt in to the castell of Tyntagell and shall haue all your wyll of that lady

¶Howe Vter bigate on Igerne that was the Erles wif of Cornewaille Arthur kyng Ca.lxxj

MErlyn thurgh craft that he coude chāged the kynges figu¦•• in to the likenesse of the erle & vlfyn garloys his chābir••∣ayne & to the figure of Iordan that was the Erles cham¦birlayne So that eche of hem was transfigured to othir likenesse. ¶And when Merlyn had so done he said to the kyng Sir qd he nowe mowe ye gone sodeynly to the castell of Tyntagell & axen en¦tre ther & haue your wyll The kyng toke priuely all the host to go ••ne & lede to a knyʒt that he moche loued & nōme his way toward the castell & with hym vlfin his chambirlayn̄ & Merlyn ¶And when they come thidder the Portier went that it had bene his own̄ lord & when tyme come for to go to ledde ¶The kyng wēt to bedde with Igerne the Erles wyf & did with hir all his wyll & biga¦te vpon hir a sone that was called Arthur. ¶Vpon the mor we the noble myghty kyng nōme his leue of the lady & went ayen to his host ¶And the same nyght that the kyng lay by ygerne in bedde y fere with the Erles wif the kynges men yeuen a stronge as¦saut to the castell and the Erle and his men manly hem defended But at the last it befell so that atte same assaute the Erle hym selfe was slayne and the Castell taken.

¶And the kyng anone turned ayene to Tyntagell and spoused Igerne with mochel honour & made hir quene & sone after tyme

come that she shold be deliuered and bere a child a sone that was cal¦led Arthur / and after he gate on hir a doughter that was called Amya / And whan she come to age nobely was maried to a noble Baron that was called Aloth that was lord of leons ¶When Vter longe tyme had regned ther come vpon hym a grete sikenesse as it were a sorwe ¶And in the mene tyme tho that had to kepe Otta that was Engistes sone & Ossa his brother that tho were in prison men let hem gone for grete yiftes that they hem yaf & wente with hem ¶And when tho two bretheren were ascaped & comē ayen in to hir owne contre They ordeyned hem a grete hoost & a grete poer and begōne to were eftsones vpon the kyng

¶How kyng Vter chese Aloth to kepe the land of Britaigne whi¦les that he was sike / for as moche as he myght not for his sikenesse Capitulo septuagesimosecundo

ANd for as moche as kyng Vter was sike & myght not hel¦pe hym selfe he ordeyned Aloth sone of Eleyne y^• tho was chosen to be wardeyne & chiueteyne of all his folke and he anone & his britons assembled a grete hoost & yafe bataille to Otta and to his folke / but Otta at the last was discomfited Hit befell thus afterward thas this britons had dedignacion of Aloth and wolde nat to hym bene attendant / wherfor the kyng was annoied wonder sore & let put hem in a lytter in the hoost amonges folke

¶And they lad hym to veroloyne that tho was a faire Cite ther y^• seint Albone was martred and after was that Cite destroied with paynyms & thurgh werre & thidder they had sence Otta & Ossa & hir peple & entred in to the toune & let make fase the yates and ther they halde hem / & the kyng come & hem beseged & made a stronge as∣sauce / but tho that were within manlich hem defended ¶The kyng let ordeyne his gonnes & his engynes for to breke the walles & the walles were so stronge that no thyng myght hem mysdoo ¶Otta & his peple had grete despite that a kyng byggyng in a lytter had hem beseged / & they token counceill amonges hem for to stonde vp in the morwe & come oute & yeue bataille to the kyng & so they diden & in that bataille were bothe Otta & Ossa slayne / & all tho othir that ascaped a lyue fled in to Scotland & made Colegryne hir chyuetay ne / & the saxons that were a lyue & ascaped fro the bataile brough ten ayene a grete strength & amōges hem they seyden / that yf kyng Vter were dede they shold well conquere the land and amonges hē they thought enpoisen the kyng and ordeyned men for to done this

dede / and yaf hem of yiftes grete plente this thyng to done and they ordeyned hem thidderward ther that the kyng was ducllyng & clo / thed hem in pouerwede the better all for to spede hir lither purpose / but nothelees for all hir falsenesse and queyntize they myght ne•• come to nygh the kyng ¶But so at the last they aspied that the kyng drank / none othir licour but only water of a clere well that was nygh besides ¶And thees fals traitours vpon a day preue∣lich wente to the well & put therin poysen so that all the water was enpoisened / And anone after as the kyng had dronke of that wat he began to swell & sone after he died / and as many as dronken of that water deide also ¶And anone as this falsenesse was aspied foll•• of the toune let stoppe the well for euermore ¶When the kyng was dede his folke here hym to Stonhenge with grete solempnite of bisshops & of barons that were there that beried hym beside Aur••¦lambros his brother & after turned ayene tho euerichon & lot sende after Arthur his sone and they made hym kyng of the land with moch reuereuce after his fadres deth the xvij. yere of his regne

¶How Arthur that was the sone of Vter was crouned after his fadres deth & how he drofe Colegrine and the saxones and Cheldrik of Almayne oute of this land Ca.lxxiij

WHen Arthur was made kyng of the lād he was but yong of age of xv. yere / but he was faire and bolde and doubty of body and to meke folke he was good and cour••oi•• and large of spendyng and made hym welbeloued among all men ther that it was nede ¶And when he began to regne he swore that sax∣ons neure shold haue pees ne rest till that he had driue hem oute of his lande / And let assemble a grate hoost and faught with Cole∣grine the which after tyme that Otta was dede the saxons maynte¦ned, And this Colkgrine was discomfited & fledde vij to yorke & toke the toune and ther helde hym ¶And the kyng beseged y^• toune bnt he myght no thyng spede / for the toune was so stronge / and they withynne kepte the toune well & orpedly ¶And in the ment ••yme Colegriue let the toune to Bladulf & fled hym selfe to Cheldryke that was kyng of Almayne for to haue of hym socour & the kyng assembled a grete power & come & arriued in scotland with v.C. shippes / & when Arthur wyst of this tydyng that he had nat poer and strength ynowe to fight ayens Cheldryk he let bene the fie••e & wente ot London And sente anone his lettres to the kyng of litell

britaigne that was callyd hoel his nepheu his sustres sone that he sholde come to hym with all the poer that he myght and he assemb∣led a grete hoste and arrined at southm̄pton ¶And when kyng Arthur it wyst he was glad y nowe & went ayens hem and hem resceyned with mochel honour so that tho ij hostes hem assembled & token hir way euen to ni••hol that Cheldrik had beseged but nouzt yit taken ¶And they come vpon Cheldrik & vpon his peple or they it wyst ther that they were & hem egrely assailled The kyng chel drik and his meyny defended hem manly by hir poer But kyng Arthur & his men quelled so many saxons that neuer er was say ne suche slaughter ¶And Cheldrik & his men that were left aly∣ue fledden a waye ¶And Arthur hem poursued & drofe hem in to a wode that they myght no ferthir passe Cheldrik & his mē sawe well that they were brought in to moche disese & hem yolden to Ar¦thur in this maner wyse that he sholde take hir hors & hir armure and all that they had they must only gone a fote in to hir shippes And so they wolde gone in to hir owne lande and neuer come a yen in to this land And vpon assurance of this thyng they yeuen hym good hostages ¶And Arthur by cōceill of his mē graunted this thyng and resseyued the hostages And her vpon the other wēt to hir shippes ¶And when they were in the hie see her wyll chāged as the deuel it wolde and they retourned hir nauye and come a yene in to this lande and arrined at To••tenesse and went out of hir shippes and nōme the land and clene robbed it and moche pe¦ple slew and token all the armure that they myght fynde and so they went forth till they comen to Bathe But the men of the toune shitten fast hir yates and wolde not suffre hem come with yn the toune and they defended hem well and orpedly ayens hem

¶Howe Arthur yafe bataill to the saxones when they come ayen and beseged the toune of Bathe and hem ouercome Capitulo. lxxiiij.

WHen Arthur herde this tydynge he let honge anone the hostages and lefte hoel of britayne his nepheu for to ke••e the marche to ward Scotland with half his peple & him selfe wēt to helpe reskew the toune of bathe & when be come thidder he yaf a stronge bataill to cheldrik & queld all most al the peple that he had for no man myʒt hym withstond ne endure vn•• the stroke of his swerd ¶And ther bothe were slayne Colegryne and

Bladud his brother ¶And Cheldryk fledde thens & wolde haue gone to his shippes / But when Arthur it wyst he toke x.M. knygh 〈◊〉〈◊〉 to Cador that was Erle of Cornewaille for to lette & stoppe his comyng ¶And Arthur hym selfe went toward the marche of scot¦land, / For messagiers told hym that the scottes had beseged Hoell of britaigne ther that he lay sike and therfor he hasted thidderward ¶And Cador pnrsued after Cheldryke & toke hym er he myght come to his shippes and queld Cheldryke and his peple Aud when Cador had done this viage / he hasted hym ayene as faste as he myght towardes Arthur and fonde hym in Scotland ther that he had rescued hoel of britaigne But the scottes were all ferre with in Mounref / And ther they held hem a while but Arthur hem pur¦sued & they fled thens in to lymoigne that were in that contre lx. Iles and grete plente of briddes & grete plente of Egles that we¦re woned to crie & fight to gedres & make grete noyse / whan folke come to robbe that land and werren as moch as they myght and so they diden for the Scottes were so grete rauenours that they to∣••e all that they myght fynde in the land of lymoigne without any sparyng and ther with they charged ayene the folke in to scotland for to wende

¶How kyng Arthur axed of Merlyn the auentures of vj. the last kynges that weren to regne in England and how the land sholde ende Ca.lxxv.

SIr qd Merlyn In the yere of incarnacion of Ihesu criste M.CC.xv. shall come a lambe oute of wynchestre y^• shall haue a white tonge & trewe lippes / and he shall haue wri∣ten in his herte holynesse ¶This lambe shall make many goddes houses / & he shall haue pees the most {per}t of all his lyfe / And he shall make one of the fairest places of the world that in his tyme shall nat fully be made an ende ¶And in the ende of his lyfe a wolf of a strang land shall do him moche harme & sorwe thurgh werre but at the ende the lambe shall be mastir thurgh helpe of a rede fox that shall come oute of the northwest and hym shall ouercome and the wolfe shall die in water / and after that tyme the lambe shall lyue no while / that he ne shall die ¶His sede than shall be in a strange land / & the land shall be withoute a gouernour a litell while

ANd after his tyme shall come a dragon melled with mercy and 〈◊〉〈◊〉 with wodenesse that shall haue a ••erd as a goot 〈◊〉〈◊〉 shall yeue in englond shade we and shall kepe the land

from colde & hete & his one scot shall be sette in wyke & that othir in london and he shall enbrace in babitacions and he shall open his mouth toward walis & the trembling of the hidour of his mouth his eres shall strech toward many habitacions and contries & his breth shall be full swete in strange lande ¶And in hiz tyme shall the rivers renne with blode and with brayne and he shall make in places of his land walles that sh••lle done moch harme vn to his seed after his tyme ¶Then shall ther come a peple out of the northwest during his regne that shall be lad thurgh out a wikked hare that the dragon shall done croune kyng that afterwad shall ••lee ouer the see without comyng ayen for drede of the dragon

¶And in that tyme the sōne shall be as reede as blode as mē shull see thurgh all the world that shall betoken grete pestilence and deth of folk thurgh dent of swerde and that peple shall ben fadreles till the tyme that the dragon shall die thurgh an hare that shall meue ayens hym werre vn to the end of his lyfe that shall not fully bene ended in his tyme This dragon shall be hold in his tyme the best body of the world and he shall die besides the marches of a strange lande and the lande shall duelle fadreles without a good gouernour and me shall were for his deth from the Ile of shepey vn to the hauen of Marall ¶Wherfor Allas shall be the com∣mune songe of fadrelees folk that shull ouerlynen in his land destroied.

ANd after this dragon shall come a goot out of kar that shall haue hornes and a berde of siluer and ther shall co∣me out of his nostrell adomp that shall betoken hunger & for we and grete deth of the peple and mochel of his lande in the begynnyng of his regne shall be wasted

¶This goot shall go ouer to feaunce and shall opene the flour of his lyfe and of deth In his tyme ther shall arise an egle in Corne waille that shall haue fethers of golde that of pride shall be with out pere of the lande and he shall despise lordes of blode and after he shall flee shamfully by a bere at Gauersech and after shull be made brigges of men vpon the costes of the see and stones shull fall fro Castelles and many othir tounes shull be made playne

In his tyme shall seme that the bere shall brenne and a bataille shall be done vpon the armes of the see in a feld ordeyned as a sheld And at that bataille shall die many white heedes Wherfor his bataill shall be called the white bataille

¶And the forsaid bere shall done this goot mochel harme and if shall come oute of the southwest & of his blood / than shall the goot lese moche of his land till at the tyme that shendshipp shall hym o•• come / and than shall he cloth hym in a lyon skynne / and than shall he wynne that he had lost and more ther to / For a peple shall come oute of the northwest that shall make the goot sore adrad & he shall venge him of his enemies thurgh counceill of two owles that first shall be in {per}ill for to bene vn done / but the olde oule shall wende a certayne tyme / and after he shall come ayene in to this land

¶These two owles shullen do grete harme to many on and so they shall counceill the goot that he shall arere werre ayens the forsaid be¦re, and at the last the goot & the owles shall come at Burton vp Trent and shull wende ouer and for drede the bere shall flee / and aswan with hym fro his companie to Burton toward the north & ther they shull bene with an hard shour and than the swan shall be slayne with forwe and the bere taken and he heded alther next his nest that shall stonde vpon a broken brngge on whom the sonn̄ shall cast hir bemes / and many shall hym seke for vertu that fro him shall come ¶In the same shall die for sorwe and care / a peple of his land so that many landes shull bene on hym the more bolder af¦terward, and tho two owles shulle do moche harme to the forsaid flour of lyse and hir shull lede in distresse so that she shall passe o•• in to fraunce for to make pees bitwene the goot and the flour delise and ther she shall duelle till a tyme that hir seed shall come & seche hir & they shullen be stille till a tyme that they shull hem cloth with grace / and they shull seche the owles and shull put hem to despitou•• deth ¶And after shall this goot bene brought to disese and grete augnyssh and in sorwe he shall leue all his lyfe.

AFter this Goot shall come oute of wyndesore a bore that shall haue an hede of white a lyons herte and a pitous ••okyng / his visage shall be reste to sike men his worde shall bene stanchyng of therst / to hem that bene a therst his worde shall be gospell / his beryng shall be meke as a lombe /

In the fyrst yere of his regne he shall haue grete payne to Iustifie hem that bene vntrewe / And in his tyme shall his lande be multi∣plied with aliens.

¶And this bore thurgh fersenesse of herte that he shall haue / shall make wolfes become lambes / and he shall be called thurgh

out the world boor of holynesse fersenesse of nobilesse and of me∣kenesse and he shall done mesurably all that he shall haue to done vn to burgh of Ihrlm̄ and he shall whett his teth vpon the yates of Paris and vpon iiij. landes Spaigne shall tremble for drede Gastoyne shall swete In fraunce he shall put his wynge his gret taille shall rest in England softely Almayne shall quake for dre¦de of hym This boor shall yeue mantels to ij. tounes of Englond and shall make the Riuer renne with blood and with brayne & he shall make many medewes reed and he shall gete as moche as his Auncestres diden and er that he be dede he shall bere iij. cron̄es and he shall put a land in to grete subiectione and after it shall be releued but not in his tyme ¶This boor after he is dede for his doughtynesse shall be entered at Coloigne and his land shall be than fullfylled of all good

AFter this Boor shall come a lambe that shall haue feet of leed an hede of bras an hert of a loppe a swynes skyn and an harde and in his tyme his lāde shall bene in pees the fyrst yere of his regne he shall do make a cite that all the world shall speke ther of ¶This lambe shall leue in his tyme a grete part of his lande thurgh an hidons wolfe but he shall recouer it & yeue a lordshipp to an Egle of 〈1 line〉〈1 line〉 and this Egle shall well gouerne it till the tyme that pride shall hym ouergone Allas the sorwe For he shall deye of his brothers suerd and after shall the lande fall to the forsaid lambe that shall gouerne the land in pees all his lyfes tyme and after he shall die and the land be full fylled of all maner good

AFter this lambe shall come a molde warpe cursed of god∣des mouthe a caytyfe a coward an hare he shall haue an Elderly skyne as a gote and vengeaūce shall fall vpon hym for synne In the fyrst yere of his regne he shall haue of all good grete pleute in his lande and toward hym also and in his lande he shall haue grete preisyng till the tyme that he shall suffre his peple lyue in to moche pride without chastisyuge wherfor god wull be wroth ¶Than shall aryse vp a dragon of the north that shall bene full fers and shall me•••• werre ayens the forsaid Molde warpe and shall yeue hym bataill vpon a stone.

¶This dragon shall gadre ayene in to his companye a wolfe that shall out come of west to begynne werre ayens the forsaid

Molde werpe in his side and so shull the dragon and he bynde hir ta¦illes to gedre ¶Than shall come a lion oute of Irland that shall falle in companie with hem / and than shall tremble the land that than shall be called Englond / as an aspen leef / And in that tyme shall castelles be felled a doune vpon thamyse and it shall seme that seuerne shall be drie for the bodies that shull falle dede therin The iiij chief flodes in Englond shull renne in bloode / and grete dred shull be and angnyssh that shull arisen ¶After the molde warpee shall flee and the dragon ¶The lyon and the wolfe hem shull driue a way / and the land shall be withoute hem / And the Moldewarpe shall haue no maner power sauf only a shippe wher to he may wen¦de / And after that he shall gone to londe whan the see is withdra∣we / And after that he shall yeue the thridde part of his lande / for to haue the fourth part in pees and rest / and after he shall leue in sorwe all his lyfes tyme / And in his tyme the hote bathes shullen becomen colde / and after that shall the Molde warpe die auentours∣ly and sodenly / Allas the sorwe / for he shall be draynt in a flode of the see / His seed shall become fadrelees in strange land for euermo∣re / And than shall the land be departed in iij. parties / that is to sey to the wolfe / to the dragon / and to the lyon / and so shall it be for euermore / and than shall this land be called the land of conqueste And so shull the rightfull heires of Englond ende

¶How Arthur ouercome Guyllomere that was kyng of Irland and how the scottes becomen his men Capitulo septuagesimosexto

WHen Guillomer that was kyng of Irland had tydynge that kyng Arthur was entred at Glastenbury / he ordey∣ned a grete power of Irisshmen & come to the see with his Irissh peple & so come in to Scotland ouer the see / and arriued fast•• by ther that kyng Arthur was with his hoost & anone as he wyste ther of he wente towardes hym / and yafe hym bataille / and ouerco¦me hym anone right and Guillomer fledde with his men ayene in to Irland ¶And when this discomfiture was done / Arthur tur∣ned hym ayene ther that he was in to the place ther that he had lefte the Scottes and wolde haue hem alle slayne / But the bisshoppes Abbotes and othir folke of the contre and ladies open hede come before kyng Arthur and cried hym mercy and said Sir gentill kyng and myghty haue mercy and pite of vs / And as your

selfe ben of the right lawe to hold and maynten cristen dome fall grete dishonour it sholde be to quelle hem that byleue in almyghty god as ye done and for goddes loue haue mercy and pite of vs & suffre vs for to leue for we haue had moche sorwe and pyne for the saxon̄s haue many tyme thurgh our londe passed but that is 〈◊〉〈◊〉 y nowe to yowe For often tymes they haue done vs sorwe & disese ¶For our castelles they haue taken and our bestes slayne and eten and moche harme they haue vs done and yf ye wolde nowe vs quelle it were none honour to a kyng to quelle hem that 〈◊〉〈◊〉 hym mercy ¶For y nowe ye haue y done and vs ouercome and for the loue of god suffre vs for to lyue and haueth mercy of cri∣sten peple that beleuen in crist as ye done ¶When kyng Arthur herde this sorwe he had pite of hem and yaf hem lyfe & lymme and they fyll doune to his fete and bicome his liegmen and he toke of hem homages ¶And after that kyng Arthur turned ayen with his host and come ayen to yorke and there abode during that viage ¶And tho yaf he all loegers to Aloth that had spoused his suster and othir yiftes grete plente and tho was Gawen his co∣sin but of yonge age and to all his othir men that hym had serued in his werre he yaf riche yiftes and he thanked hem moche of hir good seruise

¶Howe kyng Arthur spoused Gūnore that was Gūnores cosin Erle of Cornwaille & after he conquerde of Giullomer all Irlād ¶Capitulo lxxvij.

WHen Arthur had brought his lande in pees and rest and in good state and rest was in euery contre tho nōme he & wedded a wyfe that was called Gūnor & made hir quene a fair lady and a gentill that Cador the Erle of Cornwaill had longe tyme norisshed in his chambre that was his owne cosin ••ut neuer they had childe to gedre & nothelees kyng Arthur loued hir wonder well & derly And anone as wynter was passed he let as∣semble a grete host and all his barons & said that he wolde wende in to Irland for to conquere the land and he taried not longe that he ne passed ouer in to Irlande ¶And Guillomer the kyng let assemble a grete host and yaf bataill to kyng Arthur. But Guillomer was discomfited and yelde hym to the kyng Arthur and bicome his man and to hym did feaulte and homage and of hym helde all that lande fro that tyme forward

¶And after passed kyng Arthur furthermore and conquered Gutlāde & Island & toke homages of folke & of the londe & th••r

duelled xij. yere in pees and regned with Ioye and myrthe and werred no maner man ne no man vpon hym ¶And he bicome so courtois and large and so honorable that the Em{per}ours court of Rome ne none thurgh out all the worlde was not accompted to kyng Arthure that any man wyst ne none so well preised

¶And therfor the best knyghtes of all maner londes come to hym for to duelle and hem resseyned with good wyll and reuerence ¶And all the knyghtes weren so good that no man knewe the werst And therfor kyng Arthur made a rounde table that when they sholde sitten to the mete all shuld be aliche hie and euenly ser∣ued at the table that none myght make a vaūt that none 〈◊〉〈◊〉 hier than othir And kyng Arthur had at that table Britons Frensh men Normans Flemynges Burgouners Mausers ••oherms & of all the landes a this halfe monte of Gorye and of his lande of britayne and of the grete Corne waille of walys and of Irland and of Scotland and shortly to telle of all the landes that wold•• wurshipp and chinalrie ••eche comen to kyng Arthures court

¶Howe kyng Arthur come in to fraunce and conquerd that lā¦de of Froll that was a Romayne & hym queld Ca.lxxv.ij

SYth it befell that kyng Arthur thurgh conceill of his ba∣rons & lordes wolde gone to conquere all fraunce that tho was cleped Galle thurgh romayns that tho helde that lād in hir poer & in hir lordshipp & the romayns had take that lande to a noble knyght & worthy of body that was called Frolle & when he wyst that Arthur come he ordeyned an host & a grete poer and fought with the kyng And he & his folk were discomfited & then nes they fled vn to Paris & entred the toune & closed the yates and ther hem helde ¶Arthur wyst that Froll was gone to 〈◊〉〈◊〉 he pur¦sued after & come thidder & hym beseged but the Cite was so stron¦ge & well araied & tho that were withyn defended hem well & mā∣ly ¶Kyng Arthur duelled there more than a month & ther was so moche peple in the Cite & dispended all hir vitailles that were withyn and so grete hunger bicome amonges hem that they deiden wonder thikke withyn the Cite for hunger and comen to Frolle and praied hym to bene accorded with kyng Arthur for to haue pees and they wolde yelde hem to hym and the toune also ¶Froll saw that no lenger he ne myght holde the toune ayens hir wyll & trust gretly vpon his owne strength & sent to kyng Arthur that

he shold come fight with hym body for body / and so shold they de{per}te fraunce bitwene hem two / Kyng Arthur anone graunted it & wol¦de nat that none of his peple vndertoke the bataille for him ¶And vpon the morwe bothe comen well armed withoute Paris ther that they shold fight and anon̄ they smyten to gedres so fersely & so well they foughten in bothe sides that no man coude deme the better of hē And so it befell that Frolle yaf Arthur such a stroke that he kne∣led to the grounde wolde he nolde he / and as Frolle withdrowe his suerd he wounded kyng Arthur in the forhede that the blood fell a doune by his yien and his face ¶Arthur anone stert vp her¦tely when he felt him hurt as a man that semed almost wode / and he toke Tabourne his good suerd & drowe it vpon high / and yafe Frolle suche a stroke that ther with he clafe his heed doune to the sholdres so that his helme myght nat be his warrant / and so he fille a doune dede in the place / and tho of the Cite made grete sorwe for Frolle / anone euerichon yelde hem to kyng Arthur / and the toune also / and becomen his men and did to hym homage and feaulte / & he vnderfenge hem and toke of hem good hostages / And kyng Ar¦thur after that went forth with his hoost and conquered Augien and Angiers Gascoyne Pehito Nauerne Burgoyne Berry Lo∣therne Turyn and Peithers / and all the othir land of fraunce he conqnered hollych ¶And when he had all conquered and taken by homages and feaultes he turned ayene to Paris and ther he duel∣led longe tyme / and ordeyned pees longe tyme ouer all the contrey and thurgh oute all fraunce ¶And whan pees was made o•• all thurgh his noble knyghthood that he had and also for his owne worthynesse / And no man were he neuer so grete a lord durst not meue werre ayens hym nothir to arise for to make the lād of fraun¦ce in quiete and pees / he woned ther ix. yere / and did ther many gre¦te wondres and reproued many proude men and lither tirauntz & hem chastised after hir deseruise

¶How kyng Arthur auaunced all his men that had trauayled in his seruice Ca.lxxix

ANd afterward it befell thus at Estren ther that he helde a fest at Paris / richly he gan auaunce his knyghtes for hir seruice that had hym holpen in his conquest

¶He yafe to his stiward that was called Kay Augien & Angi∣ers / And to Bedeler his Boteler he yafe Normandie that tho was called Neustrie / And to Holdyne his Chamburlayne

he yaf Flaundres aud Mance And to Dorell his cosin he yaf ••o¦loigne And to Richard his nepheu he yaf Pountyf And to all othir he yaf large lādes and ••ees after they were of estate And when Arthur had thus his knyghtes feffed at auerill next after sneyng he come ayene in to Britayne his awne land And after at whytsontyde next sewyng by cōceill of his barons he wolde be crouned kyng of Glomergon aud helde a solempne fest and let sompne kynges Erles and barons that they sholde come thidder euerichone Ther was Scater kyng of Scotland Cadwere kyng of southwales ¶Guillomer kyng of northwales Maded kyng of Irland Malgam{us} kyng of Gutland Achilles kyng of Ise¦land Aloth kyng of Denmark Gonewas kyng of norewey and Hel his cosin kyng of dorkeny Cador kyng of litell britaigne Mor¦wyth erle of Cornewaille Mauran erle of gloucestre guerdon erle of wynchestre Boel erle of hertford Vrtegy erle of Oxūford Cur¦sall erle of Bathe Ionas erle of Chestre Enerall erle of dorsestre Kymare erle of salisburi waloth erle of Caunterburi Iugerne er∣le of chichestre Arall erle of leicestre & the erle of warwyke & ma¦ny othir riche lordes Britons also ther cam mo that is to say dippō¦donaud gennes and many othir that be nat here nempned werē at that fest and many a fair fest kyng Arthur had holde biforne but neuer none suche ne so solempne & that lastyd xv. dayes with mochel honour and mirthe

¶Of the letter that was sent from the cite of Rome for pride to kyng Arthur Ca.lxxx.

THe in day as kyng Arthur sate at his mete amonge his kynges and among hem that seten at the feste byforne hem come yn xij eldren men of age richely araied and co∣urtoisely salued the kyng and said they come from Rome sent as messagiers fro the Em{per}our and toke to hym a lr̄e that thus mo¦che was to vnderstond ¶Gretly vs mervaileth Arthure that thou art ones so hardie with eien in thy hede to make open werre & contake ayens vs of Rome that owen all the worlde to deme for thou hast neu yet biforne this tyme proued ne assaied the strēgth of the Romayns and therfor thou it shalt in a litell tyme For Iu¦lius Cesar conquerd all the land of Britaigne and toke ther of truag•• and oure folk haue it longe y had and nowe thurgh thy pride thou wythholdest it ¶Wherfore we commannde the that

thou it yelde ayene / and yit hast thou more foly done / that thou hast slayne Frolle that was our baron of frannce all with wronge / & the••for all the cōmunes of Rome warnen & commaunde the vpon lyfe & lymme / that thou in hast be at Rome amendes to make of thy mysdedes that thou hast done / And if it so be that thou come nouzt / we shull passe the hylle of Ioye with strength / and we shull the se¦ke wher euer thou may be founde and thou shalt nat haue a fote of land of thyn owne that we ne shall destroie / aud afterward with thy body we shull done on•• wyll / when this lr̄e was rad / & all men it herd / they were annoied all that were at that solempnite / and the britons wolde haue slayne the messagiers / but the kyng wold not suffre hem / and said that the messagiers shold haue none harme / & mowe by reson none deserue / but commaunded hem to be wurshipp fully serued / And after mete he toke counceill of kynges ••rles and barons / what ansuere he myght yeue ayene to the messagiers and they counceilled hym at onys that he shold assemble a grete poe•• of all the landes of which he had lordshipp. and manly auenge hym vpon the Em{per}our of the despite that he had sent hym such a lr̄e / & they sworen by god & by his names that they shold hym pursue & brenne as moche as they myght / and said that they nold neuer faille kyng Arthur / and rather to be dede / And they let write a lr̄e to sende to the Em{per}our by the same messagiers in this maner

¶Of the bolde ansuere that kyng Arthur sent to the Em{per}our of Rome & to the romayns Ca.lxxxj.

UNderstondeth amonges yowe of Rome that I am kyng Arthur of Britaigne & frely it hold and shall hold and at Rome hastely I wyll be / nat to yeue yow trnage / but for to axen truage / For Costantine that was Eleynes sone y^• was Em{per}our of Rome & of all the honour that ther to belongeth Aud Maximian kyng conquerd all fraunce and Almayne / and mont Ioie passed & conquered all lumbardie / and these ij. were myne aun¦cestres and that they helde & had / I shall haue thurgh goddes wyll

¶Of the reuerence that Arthur did to the Em{per}ours messagiers of Rome ¶Ca.lxxxij.

WHen this letter was made and enseled kyng Arthur to the messagiers yafe grete yiftes / and after that the messa∣giers toke hir leue and went thens and come to the court of Rome ayene and tolde the Em{per}our how worthely they were vn¦derfongen and whiche a rialle companie he had hym to serue / and

howe he was mor rially serued than the Em{per}our or any kyng •• uyng in the worlde ¶And when the Em{per}our had sayne the letē & herde what was ther yn and saw that Arthur wolde nat be ru¦led after hym he let assemble aud ordeyne an huge host for to de∣stroie kyng Arthur yf that he myght. ¶And kyng Arthur 〈◊〉〈◊〉 touchyng his poer and partie ordeyned his poer & knyghtes of the rounde table

¶Of the kynges and lordes that comen to helpe kyng Arthur a∣yens the Em{per}our ¶Ca.lxxxiij.

THe kyng of Scotlande and of Irland and of gutland of denmark & of Almaigne euery of hem had x.M. men The due of nor••ādie gastoyne Flādres Pehito & of Bo¦loigne had iiij.M. Geryn of Chartres had x.M. Hoel of britaigne had xii.M. & hym selfe of his owne land xij.M. and of Arbala∣stiers & of archiers & of othir folk in foot that no man coude hem nōbre And when all were redy for to wende kyng arthur his lād & Gūnore his wyfe toke to kepe to one of his nepheus that was a wys knyght & an hardy that was called Mordred but he was nat all trewe as ye shull here afterward kyng Arthur toke alle his reaulme to this Mordred sauf onely the croune And after that kyng Arthur nōme his host & went to southampton there that the shippes were bronght & the folk assembled & they deden hem to the see & had good wynd & wether at wyll & also sone as they myght they arrmed at Harflete And as sone as they myght they went out of hir shippes & spradden all the contre

¶Howe kyng Arthur fought with a Geaunte in spaigne that was called Dinabus that queld Eleyne that was kyng hoels co∣sin of litell britaigne Ca.lxxxiiij.

BYng Arthur had not duelled in the cōtre but a litell whi¦le that men ne tolde hym that ther was comen a grete ge∣ant in to spayne & had rauysshed fair Eleyn̄ that was co¦sin to ho••l of britaigne & had brought hir vpon an hyll that is cal¦led the mounte of seint Bernard & ther was no mā in that cōtre so bolde ne so hardy y^• durst with hym fight ner come nere the place ther that geant duelled & he was called dinabus that moche sor¦we did in the contre ¶When kyng Arthur herde this tydynge he called key and Bedewere and cōmaunded hem to go priuely and espye wher the geant myght be foūde and they comē to the Rinage ther that men sholde gone to the mounte that was alle enclosed aboute with water and yit is and euer shall he ¶And they

saw abrennyng fire vpon the hille / and ther was also an othir hille nye that / ther was ther vpon an othir fire brennyng ¶Key & Be∣dewere comen to the next hill & founden a widewe openhede sittyng besides a tombe sore wepyng and grete sorwe made / & ofte she said Eleyne Eleyne And Key and Bedewere axed what hir was and wherfor she made so moche sorwe / and who lay in that tombe O qd she what sorwe and mysauenture faire lordes seke ye here / for yf the Geant may yowe here fynde / ye worth dede anone / Bene stille good wyfe qd they ther of dismay ye not / but telle vs the soth why thou makest so moche sorwe and wepyng ¶Sires qd she / for a damisell that I norisshed with my brest that was called Eleyne that was nece to Hoel kyng of Britaigne / and here lieth the body in this tom¦be that to me was betaken to norissh ¶So ther come a deuell a Ge∣ant and rauisshed hir and me also and lad vs both away / and he wolde haue forlayne that maide that was so yonge and tendre of age / but she myght it nat suffre / so grete and so huge as the Geant was / And yf he now come as he is woned to do certis he wyll yow quelle both to / And therfor fast wende ye hennes And wherfor said they go ye not hennes ¶Certes Sir qd she when that Eleyne was dede the Geant made me to abyde to done and hannte is wyll and me must nedes it suffre And god it wote I do it not with my good wyll for me leuer were to be dede / than with hym to dele / So moche payne I haue when he me forlieth ¶When Key & Bedewere had herde all that this woman had tolde they turned ayene and come to kyng Arthur and tolde hym all that they had seyne and herde / Ar∣thur anone toke hem both with hym and went preuelich by nyght that none of his hoost it wyst and come on the morwe erly to the ge¦ant and faught with hym strongly and at the last hym slowe And Arthur bad Bedewere smyte of his heed / and bring it to the hoost to shewe hem for a wonder / for it was so grete and so huge / When they comen ayene to the hoost / they tolden wherfor they had bene oute and shewed to hem the heed / and euery man was glad and Ioifull of the worthy dede that kyng Arthur had done that was hir lorde

¶And Hoel was full sorwefull for his nece that was so loste / & after when he had space he let make a fair•• chapell of our lady ouer Eleyns tombe

¶How kyng Arthur yafe bataille to the Em{per}our in the whiche bataille the Em{per}our was slayne Capitulo. lxxxv.

ARthur and his peple had tydyng that the Em{per}our had assēbled a grete poer az well of sarasyns as of paynymz and cristen mē wher of the nombre was lxxx.M. hors mē and fote men Arthur & his peple ordeyned fast forth in hir way toward the Em{per}our and passed Normandie and fraunce vn to Burgoyne and wold euen haue gone to the host For men tolde hym that the Em{per}ours host wolde come to lucie The em{per}our and his host in the begyn̄yng of August remeued fro rome & cam forth right the way toward the host Tho comen kyng Arthures espies and said yf that Arthur wolde he sholde finde ther fast by the Em¦{per}our But they said that the Em{per}our had so grete poer with hym of kynges of the lande and of paynyms yfere and also cristen pe¦ple that it nere but grete foly to kyng Arthur to meten with hym for the espies tolde that the Em{per}our had v. men or vj. ayens one of his ¶Kyng arthur was bolde & hardy & for no thyng hym dismaied and said go we boldely in goddes name ayens the Ro∣mayns that with hem lede sarasins and paynyms that no ma∣ner trust they haue to god but only vpon hir strength. Go we nowe and sech hem Sharpely in the name of Almyghty god and slee we the paynyms and cristen men that ben ennmies with hem for to destroie cristen men and god shall vs helpe for we haue the right and therfor haue we trust in god and do we so that the ene¦mies that be to cristendome and to god mowe be dede and destroied and that men mowe record the worthynesse of knyght hode When kyng Arthur had thus said they cried all wyth a high vois.

¶God fadre almyghty wurshipped be thy name withouten end amen and graunte vs grace well to done and to destroie our ene∣myes that bene ayens cristendome In the name of the fadre of the sone and of the holy gost amen and god yeue hym neuer grace ne worshipp in the world ne mercy of hym to haue that this day shall feyuten well for to smyte and egrely and so they riden softely and ordeyned his wynges well and wysely

The Em{per}our herd telle that kyng Arthur and his folk were redy araied for to fight with hym and thidder they come And he ordeyned his wynges in the best maner that he myʒt and more trust vpon his strength than in god almyghty and that was seyn afterward ¶For when tho ij. hostes mette the Em{per}our lost suche iiij. of his folk as did Arthur and so many were slayne what in that one side and in that othir that it was grete pite to wyt and to seen ¶In this bataill were slayne thurgh kyng

Arthur v. kynges of the paynyms and of othir wonder moch pe∣ple / And kyng Arthures men foughten so well that the roymains and paynyms had no more strength to withstonde / than xx. shepe a¦yens v. wolfee / And so it befell that in this bataille in showre that was wondre hard and longe during in that one side and in that o¦thir the Em{per}our amonges hem there was slayne / but no mā wist for soth who him slowe

¶How kyng Arthut let entier his knyghtes that he had lost in y^• betaille and how he sent the Em{per}ours body to rome that ther was slayne in bataille Ca.lxxxvj

WHen the romaine wist that the Em{per}our was dede they for soke the felde and the paynyms also / And kyng Arthure after hem chaced till it was nyʒt & so many of hem queld that it was wonder to telle ¶And tho turned kyng Arthur ayen tho it was nyʒt / & thanked god of his victorie / And in the morwe he let loke & see all the felde for his knyghtes that he had ther loste that is to say Borell Erle of Maunt Bedewere and Key and Li∣giers Erle of Boloigne V••geti Erle of Baac Aloth erle of wyn¦chestre Cursale erle of chestre and after holdein erle of Flaundres thees were the grete lordes that kyng Arthur lost in that bataille / amonge othir worthy knyghtes / And some he let entier in Abbeis by the contre somme he let be borne in to hir owne contre / And the Em{per}ours body he let take & put vpon a beer & sent it to rome And sent to say the romains that for britaigne and fraunce whiche that he helde / othir truage wold he non•• pay / And yf they ax••d him any othir truages / right suche truage he wold hem pay ¶The kyng let bere Key to kenen his owne Castell and ther he was entered / & Li∣gier was borne to Boloigne ther he was lord / And Holden was borne to flaundres / and ther he was entered ¶And all the othir he let entier with mochell honour in Abbeis & in houses of religion in the contre ther that they were dede ¶And Arthur him selfe soiour¦ned that same yere in Burgoyne with his host / and thought the sa¦me yere folewyng to passe the mounte of Ioye / & haue gone to rome all for to take the Cite / and haue put the romains in subiection but the wykked tiraunt Mordred hym lette as after ye shall here

¶How mordred the traitour to whom kyng Arthur toke his land to kepe and his castelles and helde it ayens hym ¶Ca.lxxxvij

WHen kyng Arthur had taken to mordred his Reame to ke¦pe and was gone ayens the Em{per}our of Rome & was pas¦sed the see / Mordred anone toke homages & feautes of alle

hem that were in this lande / and wolde haue had the lande to his owne vse / and toke castelles aboute and let hem araie / And aft this falsenesse he did an othir grete wronge / for ayens the lawe of cristē¦te / he toke his owne 〈◊〉〈◊〉 wyfe as a traitour shold & ••••••yned hym a grece host ayens Arthurs comyng to holde 〈1 line〉〈1 line〉 hym with strength for euermore / And to shee kyng 〈◊〉〈◊〉 if he myght and send by the see and land & lete assemble paynyms & cristen pe∣ple / and he sente to sax••nes & to danois for to helpe him / And also Mordred sent to Chel••rik to ••one men to come to him oute of Saxo∣yne / that was a worthy duke / & byhet him yf that he brought with him moch peple he wold graunte him in heritage for euermore alle the laude from beyonde humbe•• vn to scotland / And all the lande that Engist had of vortigers yift / when that he spoused his dough¦ter ¶And Cheldrik come with grete strength & poer of peple / and Mordred had assembled also in his halfe that they had xl.M. of stronge knyghtes / when that they had nede

¶How Arthur enchased mordred the traitour & how he was slay ne & also kyng Arthur wounded to deth ¶Ca.lxxxviij

WHen this tydynge come to kyng Arthur ther that he was in Burgoyne he was full sore ānoied & toke alle frannce to ho••l for to kepe with haluendel of his men and praied him that he wolde it kepe till he come ayene / for him selfe woldwēd in to Britaigne / and an••nge him vpon mordred that was his tral tonr and forth went his way / and come to whytsand & made his men gone in to shippe and wolde haue arriued at sandewych / aud brought with him a grete host of fraunce also with his owne land•• But er that he myght come to londe with his peple that were comen oute of his shippes Mordred was comen with all his power / and yafe a stronge bataille / so that kyng Arthur lost many a man 〈◊〉〈◊〉 that he myght comen to londe ¶For ther was Gawen his nep••••u slayne and Augnissell that helde scotland and many othir wher of kyng Arthur was full sory / But after that they were comē to lād mordred myght not ayens hem endure / but anone was discōfited & fledde this the same nyʒt with his men / & vpon the morne to londo•• but tho of the cite wolde not suffre him to come in / & frō thens he fled to wynchestre & ther be helde him with his peple that with him 〈◊〉〈◊〉 Kyng Arthur let take the body of Gawen his cosin and the body of Augnissell and let hem 〈◊〉〈◊〉 in to Scotland in to hir owne

centre and ther they were entered ¶And after anone kyng Ar∣thur nōme his wey to destroie Mordred and fled fro thens in to Cornewaille ¶The quene Gūnore that was kyng Arthuris wif that tho 〈◊〉〈◊〉 at yorke and herd that Mordred was fled thēz that he 〈◊〉〈◊〉 must not endure ayens kyng Arthnr she was sore adrad and 〈◊〉〈◊〉 grete doute and wist not what was best all for to done For the wyst well that hir lord kyng Arthur wolde neuer of hir haue mercy For the grete shame that she to hym had done & nōme hir wey priuely with iiij. men with oute mo & come to karli one & ther she duelled all hir lyfe that neu was sey amonge folk hir lyfe during ¶Arthur wyst that Mordred was fledde in to Cornewaille & let send after his men in to Scotland & northum∣berland vn to humber & let assemble folk withonte nombre & co∣men fro thens in to Corne waille to seche and pursewe after mor∣dred And Mordred had assembled to hym all the folk of Corne∣waille & had peple withoute nombre and wyst that Arthur was comyng and had leuer to die & take his chaunce than lenger fle And abode & yaf an hard bataill to kyng Arthur and to his pe∣ple so that so moche peple was slayne what of that on half and in that othir that no mā wyst who had the better {per}tie But so it be fell at the last that Mordred was slayne and all his folk and the good chiualrie that kyng Arthur had gadred and norisshed of di∣uerse landes And also the noble knyghtes of the rounde table that so moche was preised thurgh out all the world were there slayne And Arthur hym self was wounded to the deth but he let hym he borne in a litter to a vyoun to be heled of his wonndes & yit the britons supposen that he lyue in an othir land and that he shall come yet and conquere all Britaigne but certes this is the proficie of Merlyn he said that his deth shall be doubtous and said soth for men ther of yit haue doubte and shulle for euermore as me ••aith ¶For men wyt nat whether that he lyueth or is dede

¶Arthur was borne to Auyon̄ the xxij. yere of his regne after the Incarnacionn of our lord Ihū crist vC. and xlvj. yere

¶Howe kyng Arthur deliuered the reaulme to Costantyn the sone of Cador his Nepheu Ca.lxxxix.

WHen kyng Arthur wyst that he myʒt no lēger regne he let come biforne hym Costantine that was Cadors sone erle Cornewaille his cosin & to hym bitoke all his reaume & to hym said and bad hym ther of to ben̄ kyng till that he come ayen̄

for as moche as he had none heir of his body begoten and 〈1 line〉〈1 line〉 me was it that so noble a kyng and so doubty had no 〈1 line〉〈1 line〉 body begoteu / but all thyng that god wull haue done 〈1 line〉〈1 line〉 whos name be blisshed withouten ende Amen

¶How kyng Costantine was werred of Morde•••••••• 〈1 line〉〈1 line〉 Capitulo lxxxx

THis Costantine was a noble knyght and a worthy of bo¦dy & tho ij. sones that mordred had begoten had grete ••••uie to Costantine that tho was crouned kyng / and so that they begonne to meue werre ayens hym and assembled a grest host of hē that were before with mordrede / and had bene driuen away / and that diden moche sorwe thurgh all that land / that one brother ordeyned hym to london for to take the Cite and that othir to wynchestre / but Costantine come to london and s••ow hym that was ther / and after he wēt to wynchestre and slow hym that there was also / so that both his ennemies were dede / And when Costantine had regned worthe¦ly iiij. yere he died and lieth at london

¶Of the kynges Adelbright and of Edell Ca.lxxxxj

AFter kyng Costatines deth ther were ij. kynges in Brita¦igne that one was called Adelbright / that was a dan••y•• and helde the contre of Northfolke & southfolke / that othir hight Edell and was a briton / and helde Nichol Lyndesey & all the land vn to humbet ¶These ij. kynges fast werred to gedres but af¦ter they we••en accorded and loued to gedre / as they had be borne of o body ¶The kyng Edell had a sustre that was called Orewenne / & he yafe hir thurgh grete frendeshipp to kyng Adelbright to wyfe / & he begate on hir a doughter that was called Argentill / And in the iij. yere after come vpon hym a stronge sikenesse that nedes he must die / And he sent to kyng Edelf his brother in lawe that he shold 〈◊〉〈◊〉 me & speke with hym and be come to hym with good wyll ¶Tho praied he the kyng and co••••••red also in the name of god / that aft when he were dede he sholde take Argentill his doughter & the lande and that he kept hir well and norisshe hir in his chamber ¶And when she were of age she shold be maried to the strongest and wur∣thiest man that he myght fynde / and than he shold yelde vp hir land arene ¶Edell it graunted it and by oth confermed his praier.

And when Adelbright was dede and entered Edell toke the dami¦sell Argentill and norisshed hir in his chambre / and she become the fairest creature that myght lyue or any man finde

〈1 line〉〈1 line〉 Edell maried the damisell to a knaue of hiz kyche•• 〈1 line〉〈1 line〉

〈1 line〉〈1 line〉 kyng Edelf that was vncle to the damisell Argētill 〈◊〉〈◊〉 howe that he myʒt falsely haue the lād from his nece for euermore & falsely ayens his othe thought to disceyne the damisell & to marie hir to a knaue of his kychen that was called Curan & he bicome the worthiest & strengist man of bo¦dy that any man wyst in any land that tho leued and to hym he thought hir shendfully haue maried for to haue had hir land after¦ward but he was clene disceyued ¶For this Curan that was hauelockes sone that was kyng of kyrkelane in denmark & this Curan conquered his w••fes land & shewe kyng Edelf that was his wifes vncle and had all hir land as in an othir place it telleth more openly & he ne regned but iij. yere For saxons & danoys hym queld & that was grete harme to all britaigne & britons bare hym to St••nhe••g & ther they hym entered with mochel honour

¶Of kyng Conan Ca.lxxxxiij.

AFter this Curan regned Conan that was his co••in that was a wonder proude knyght & regned & coude haue no maner loue but euer he was medelyng with his peple & toke his vncle with werre & queld his ij. children. The saxones werred ayens hym oft tymes bnt he hem ouercome at the last aud so he was 〈◊〉〈◊〉 pees all his lyfe tyme & he regned xiij. yere & after he died and lieth at london

Of kyng Cortif and of Gurmonde that comen thurgh the pay∣nyms in to Britaigne Ca.lxxxxiiij.

AFter this Conan regned his cosin Cortif that was biha∣ted of all his peple and no thyug beloued and this cortif lost all britaigne thurgh werre and in his tyme felle that gret myschef in britaigne that crystendome was destroied & all the britons were driuen oute and the lande y lost withoute auy recouer but afterward left the land to saxons as ye afterward shall here For in that tyme ther was a paynyme that was called Gurmōd that was the kynges sone Daufrikes of the paynyms folke that had the name after his fadre and was kyng sauf be bequath and yaf it to his brother & said y^t he nolde neu be kyng but yf he myʒt gete & conquere a reaume in a strange contre For he was bold and eke stronge of body & of hym {pro}fecied Merlyn & said that he sholde he a wolfe of the see and he let assemble paynyms wythoute

nombre and let apparaill shippes and went by many londes and toke homages & feautes of many / aud so he went by the see and cō¦quered many diuerse landes / so that he come in to Irland 〈◊〉〈◊〉 con∣querd that land that ofte tymes werred vpon britons and britons vpon hem / and ofte wōnen & ofte losten / & yeue hostages to britons and so they sente to Gurmonde ther that he was in Irland that he shold come in to Britaigne & helpe hem ayens the britons / to helpe hem deliuer that land of hem / and they wolde hym holde gladly for hir lord / for he was a paynyme and they were paynyms & the Bri¦tons were cristen / well ought he them for to helpe so as they weren of one lawe ¶When Gurmond herd this praier he hasted hym as moche as he myght and arriued in scotland & come in to Northum∣berland ther that the saxons were duellyng / and they confermed y^• couenauntz bitwene hem that were made by othes and by hostag••s for to bere hym trewe fay & holde hym for lorde & pay to him truage by yere ¶Tho began the saxons & the Affricans to destroie robbe & brenne tounes and destroie all thyng in as moche as they myght / & spared nethir man woman ne childe lered ne lewde / that alle they queld and cast a doune tounes Castelles and churches / and so put they all the land in grete destruction / & as sone as they myght fleen they fledde thens as well pore as riche / Bisshoppes Abbotes Cha∣nons / and all othir grete and smale somme in to litell Britaigne & somme in to Corne waille / All tho that shippes myght haue /

¶How kyng Gurmond drofe the kyng Cortife to Chichestre and queld the britons and thurgh quentise gete the toune Capitulo lxxxxv

COrtife the kyng fley thens in to Chichestre that tho was a good Cite and a stronge & ther helde hym xx. daies And this Gurmond it beseged / but the Cite was so stronge that he myght not gete that Cite by no maner engyn that he myʒt done / ¶Tho bythought they vpon a grete queyntise for to brenne the tou¦ne / they made engynes with glewe of nettes and token peces of tun¦der and of fire and bounde it to the sparwes fete and afterward let hem flee / and they anone right fley and logged hem in the toune ther that hir nestes were / and in stakkes and in euissyng of houses / & the fire began to tende & brend all y^• toune / & when the britons saw that in ••••y side they hied hē oute & fauʒt but anon̄ they

were slayne and discomfited and whiles the bataille dured the kyng priuely hid hym and stale awaye in to wales and mē wist neuer wher he bicome and so was the toune of Chichestre taken & destroued ¶And after went Gurmond and destroied Citees & tounes that neuer were afterward made ayen as it is seyn yit in many places

¶Howe this land was cleped Englond for the name of engist and howe many kynges were made after in the land Capitulo lxxxxvj

WHen Gurmond had destroied all the land thurgh oute he yafe the londe to they saxōs anone the toke it with good wylle For the Saxones long tyme had desired it for as moche as they were of Engistes kynrede that fyrst had all the lād of britaigne and tho let hem be called Englisshmen for enchesou of Engistes name And the land they let calle it England in hir langage & the folk ben called Englisshmen for as moche as in his tyme it was called Engistes lond When he had cōquerd it of Vor¦tiger that had spoused his doughter but from the tyme that brute come fyrst in to England this land was called britaigne and the folk britons But sith the tyme that this Gurmond eftsones con∣quered it and yaf it vn to the saxons and they anone right chan∣ged the name as bifore is said ¶And when this was don̄ Gur¦mond passed ouer in to Fraunce and ther conquerd many londes and destroied all cristen peple ther that he come and the Saxones duelled in this lande and bygonne fast it to inhabit at hir owne wylle Aud they wolde haue made newe kynges and lordes bnt they myght neuer ••ssenten to haue only o kyng for to be to hem en¦tendaunt and therfore they made many kynges in diuerse Shires as it was in Engistes tyme The fyrst kyngdome was kent & that othir southsexe and the thridde westsexe and the iiij. Estsexe and the v. northumberlād and the vj. estangle that is to sey northfolk and southfolk and the vij. Merchenorth and that is the erledom̄ of Nichol huntyngdone Herford Glouchestre wynchestre warre∣wyke and Derby and so departed the englissh all englond in vij. parties ¶And after that it befell that tho kynges werred ofte tyme to gedre and euer he that was strengest bynōme hym that was feblest and so it was longe tyme that they nad no kyng crouned amonges hem ne no Cristen man was tho amonges hem ne cristendome nothir But were paynyms till that Seint Gregorie was pope of Rome that had seyn children of the nacion

of Englond in the Cite of Rome / that were wonder fair creatures and had grete wyll and desire hem to beholde / and axed of the mar∣chantz whennes they were and of what nacion / and men told him that they were of Englond / and Englissh they were called / but they and all the peple of Englond were paynyms / and beleued not vp∣on god ¶Allas quod seint Gregorie well mowe they be called en∣glissh for they haue the visages of Angeles & therfor well onght they to be cristen / And for this encheson seint Gregorie sent Seint Austyn in to Englond / and xl. good men with hym that were of good lyfe and holy men to preche and teche and to conuert the En∣gliss peple / and hem turne to god / and that was in the vj. yere that seint Gregorie had bene pope / that is to say after the Incarnacion of our lord Ihesu crist v.C.lxxxvij / yere as the cronicles telleth

¶How seint Austyn baptised & conuerted kyng Adelbright and the bisshoppes that he made his felawes ¶Ca.lxxxvij

WHen seint Austyn come fyrst in to Englond he arriued in the Ile of Tenet / and so passed forth & come vn to Caun∣terbury & ther soiourned And kyng Adelbright of kent that was of the linage of Engist fair vnderfeng seint Austyn and his felawes with mochel honour / and hem fonde all that hem ne∣ded / and ferthermore he yafe hem a fair place / that nowe is called the Abbey of seint Austyns / in whiche place he lieth hym selfe shry¦ned This kyng Adelbright was a good man / & with good wyll herde seint Austyns predicacions / & yafe hym leue to preche thurgh all his londe of kent to torne and conuerte to hym all the peple that he myght / It befell so afterward thurgh goddes grace / that in litell tyme the kyng hym selfe was conuerted to god & all his peple of his land was baptized And in the mene tyme while the peple tur¦ned hem to god Seint Austyn come to Rouchestre / & there preched goddes word / The paynyms therfor hym scorned and cast on hym reigh tailles / so that all his mantell was honged full of reigh tail∣les / and for more despite they cast on him the guttes of reighes and of fissh wherfor the good man seint Austyn was sore annoied and greued and praied to god that all the children that sholde be borne afterward in that Cite of Rouchestre most haue tailles / And when the kyng wyst and herde of this vengeaunce that was fall thurgh seint Austyns praier / he let make an hous in honour of almyghty god wherin women sholde be deliuered of hir children at the brug∣ges ende / in which hous yit women of the Cite bene deliuered of childe / when seint Gregorie had herde telle how the Englisshmen

were turned to god and conuerted he sent to seint Austyn his pal¦lione by a bishopp that was called Paulyn and made hym ••mat and Erchebishopp of England and sent word that he than sholde ordeyne and make bishoppes in the land And anone as Austyn had the pallione of the dignite of the Erchebishoppe he made ij. bi∣shoppes of his felaws that come with hym from Rome that one was called Mellit & he duelled at london And that othir was cal¦led Iustyn that held the diguite of Rouchestre & this bishopp mel¦lit tho went to preche in to Essexe & baptised the kyng of the contre that was called Sicwith that was kyng adelbrightes cosin his su¦sters sone This Iustine went to preche in southsexe & turned mo¦che of the peple to god And seint Austyn wēt hym selfe prechyng thurgh out Englond

¶Howe seint Austyn went in to wales ther that the britons we¦re and howe they nold nat be obbedient to the Erchebishopp of Can¦terbury Ca.xcviij

WHen all Englond was baptised & turned to god Seint Anstyn went in to that lond ther that the britons were & for to kepe hem from Englisshmē that is to seyne in to wa¦lis And ther he founde monkes & abbeis & vij. bishoppes ¶For the britons destroied all way the cristen peple that seint Austyn had cō¦uerted & said to the bishoppes that he was a legat of rome & ••mat of all Englond & that they shold by all reson to hym be obedient & they said that they nold ¶But to Erchebishopp of Carlion̄ & said they nold neuer for no maner thyng bene obedient to the englishmē

¶For the englishmen they said ben our ad••saries & our enemies & haue driuē vs out of our owne cōtre & we ben cristen mē & euer haue bene & the englishmen haue euer ben paynyms but now late that they bene conuerted ¶Seint Austyn myʒt of hem none an∣suere haue othirwyse but saiden apertely that they nolde neuer hē meke to hym ne to the pope of Rome And seint Austyn turned a yen tho to kyng Adelbright that was kyng of kent & tolde hym that his folk nolde not be to no man obedient but to the Erchebi∣shopp of karlion̄ And when the kyng herde this he was sore ānoi¦ed and said that he wolde hem destroie and sent to Olferide kyng of Rorthumberlād that was his frende that he shold come to hym with all the poer that he myght and that he sholde mete hym at ley¦cestre and from thens they wolde gone in to wales and destroie the Erchebishopp of Carlione and all tho that had refused Seint Austyn

¶How kyng Adelbright and the kyng Olfride queld Bre••ma¦le that was a kyng of britons that helde the contre of leicestre Capitulo lxxxxix

HIt befell so that ther was a kyng Britonn̄ that helde the contre of leicestre & all the coutre aboute named Brecma•• And this briton̄ herde telle y^• tho ij. englissh kynges wol¦de me••e ther at leicestre for to wende in to walis He let ordeyne all the poer that he had for to fight with thees ij. kynges but litell it a vailled hym for his folk that he had were slayne & hym self fled & lost his landes for e••more ¶And these ij. kynges Adelbright & Elfride duelled a while at leicestre & de{per}ted the lande amonges hē & token homages & feautes of folk of the contre And after they wē¦ten toward wales & tho of walys had herd telle of the scomfiture that Brecmal had at leicestre & were wonder sore adrad of tho ••. kynges And nōme & chose amonges hem good men & holy of here mites monkes & prestes & of othir folk grete pleute that wenten baarfoot & wellewerd for to haue mercy of the ij. kynges But tho kynges were so sterne & so wykked that they nold neu speke with hem but queld hem euerichone Allas for sorwe for they ne spared hem no more than the wolf dothe the shepe but smyton of the heedes of euerichoue & so all were there martred that to hem come that is to vnderstonde v.C. & xl. & afterward tho ij. kynges wēt fro thēs to Baugore for to quelle all tho that they myʒt there fynde of the britons And when the britons that herde that assembled & ordey∣ned all hir poer for to fight with hem Tho was ther a baron̄ in wa¦les that was called Bledrik of Cornewaille that som̄e tyme waz lord of Denenshire but the kyng Adelbright had driuen hym in to walys & yeue hym bataille And at that bataille was kyng adel∣bright slayne & Elfrid woūded sore & forsoke the felde & the most part of his peple slayne And Elfrid fled in to northumberland that was his owne land ¶And afterward the peple of leicestre¦shire made with strength Cadewan y^• was Brecynalis sone kyng of leicestre & he after regned nobely & with grete honour

¶How Cadewan kyng of leicestre and Elfride kyng of northū¦berlande were frendes and of the debate that after was bitwene Edwyn and Cadwalyn that were both hir sones. Capitulo Centesimo

ANd after that this bataille was done / the britons assemb∣led hem and went thens / & comē vn to leycestre & made Ca¦dewan that was Brecinales sone kyng of leycestre / & of all the contre / & he toke homages & feautes of all the folk of the con¦tre / & after that he assembled a grete host & said he wold gone in to Northumberland to destroie kyng Elfride / & slee him if he myght & when he was comen thidder / frendes went so bitwene hem & made hem accorded in this maner / That Elfrid shold holde all the lande from humber vn to Scotland / & Cadewan sholde haue all the land athis side humber vn to the south / and after that they becomē good frendes all hir lyfes during & loued to gedre as they had be ij brethe¦ren / And this Elfride had a sone that was called Edwyne y^• h••d & helde all the land of Northumberland after his fadres deth as his fadre had holde all his lyfes tyme And Cadewan had an othir sone that was called Cad••alyn that helde his fadres lande as he it helde whiles he was a lyfe and they loued to gedre as they had be bretheren / And the loue last bitwene hem but only ij. yere

And after began debate bitwene hem thurgh a lither eniuons co∣sin of Cadwalyne that was called B••••ens / so that they assembled a grete host in both {per}ties / and at the last it befelle that Cadwalyne was discomfited / and Edwyn him pursued and drofe him fro pla∣ce to place / so at last he fley in to Irland / And this othir destroied his land / and cast a doune castelles and brent his maners and de∣{per}ted all Cadwalyns land amonge his frendes And longe tyme af¦ter come Cadwalyn ayene from Irland with a stronge power / & in playne bataille quelled Edwyne and all his frendshippes / and namely tho that witheld his landes thurgh Edwynes yift

¶How kyng Oswolde was queld thurgh kyng Cadwalyn and Peanda / and how Oswy that was seint Oswaldes brother regned after him and queld Peanda Ca.C.j

WHen that Edwyne was slayne Offris his sone vndertoke the w••rre ayens Cadwelyne his Eme so that this Offris deide during the werre / And after the deth of Offris tho regned a gentill cristen man that moche loued god almyghty / that had alle the lande of Northumberland by heritage that was cal∣led Oswold / and he was kyng of all that lande / ¶But for as moch as he was frend to Edwyne and helde a grete part of the land of Cadwalyn / the same Cadwalyn werred vpon him and drofe him toward Scotland ¶And when Cadwelyn sawe

that he nold not abyde Cadewalyn̄ nolde no lenger hym pu••sewe but toke somme of his folk to Peanda his brother in lawe and praied Peanda to pursewe Oswald till that he were take & slayn̄ And Cadwalyn turned home ayen when Oswald herd the ty¦dyng that Cadwalyn turned home ayen he wolde no lenger flee but abode Peanda & yaf hym bataill and Peanda was discomfi∣ted and fley and come ayene to Cadwalyn̄ and said that he wolde neuer hold o fote of lond of hym but yf were so that he wolde aven¦ge h••m of Oswald Cadwalyn let assemble a grete host for to fiʒt with Oswold so that he & Peanda come vn to Northumberland & yeue bataill vn to Oswold and in the same bataill was Oswold slayne and his hede smyten of and after he was entered at the ab∣bey of Bardeney in which place god hath wrought for hym ma∣ny a fair miracle both ther and elles where ¶And anone Oswy his brother seised in to his hand all the land that was Oswaldes and the folk of Northumberland loued hym wonder well and helde hym for hir lord but he had men of his kyn worthy y nowe that wolde haue departed the lond and they werred to gedre & for as moche as they were not strong y nowe they comen to Pean¦da and praied hym of helpe and socour and byhete hym of that lond largely vpon couenant that he wold hem ghye and helpe & counceil•• ¶Peanda herd hir praier and so spake with the kyng Cadwallyn̄ that he shold ordeyne a grete host & f••st ordeyn̄ hym in to Northumberland for to fight with Oswy ¶And Oswy was a meke man and moche loued pees and charite and praied Peanda of loue and pees and proferd hym of gold and of sil•• grete pleute And this Peāda was so proude that he nolde graūte hym pees for no ma•• thyng but for all thyng he wold with hym fight So at the last ther was set a day of bataill ¶And Oswy euer had trust vpon god And this Peanda trust to moche vpon his pride and vpon his host that he had and to gedre they smyten egrely but Peanda anone was discomfited & slayne & this was after the Incarnacion̄ of our lord Ihū crist vj.C. •• lv yere And this Oswy tho regned xxviij. yere and a kyng that was called Oswyne that was Peanda is cosin werred vpon kyng Oswy & to gedre foughten but Oswy had the victory of Oswyne & Oswyn̄ was discomfited and slayne and lieth at Tynnemouth.

How kyng Cadewaldre that was Cadewaleynes sone regned after his fadre and was the last kyng of britons Ca.C.ij.

AFter the deth of Cadwaleyne regned his sone Cadwala∣dre well and nobely & his moder was the suster of kyng Peanda and whan he had regned xij yere he fell in to a gre¦te sikenesse and than was ther so grete discord bitwene the lordes of the land that euery werred vpon othir / And yit in that tyme ther fell so grete derth and scarcite of corne & othir vitailles in this lond that a man myght goo iij. daies or iiij. fro toune to toune y^• he shold nat fynde to bye for gold ne for siluer brede wyne ne none othir vi¦t••ille wherwith a man myght lyue But only the peple liued by rotes of herbes for othir lyuyng had they none / so moche was it fa∣illed all aboute Fisshes wildebestes and all othir thyng / so that yit to this mysauenture ther fell so grete mortalite and pestilence amōg the peple / by the corrupcion of the eir / that the lyuyng peple ne suffi∣sed nat to burie the dede bodies / for they deide so sodenly both grete & smale / lord and seruant / eting goyng spekyng / so that neuer was herd of more sodeyne deth among the peple / For he that went for to burie the dede body / with the same dede body was buried / They that myghten flee fledden & forsoke hir landes & houses as w••ll for the grete hunger derthe and scarcite of corne and othir vitaill as for the horrible mortalite and pestilence in the land and wenten in to othir landes / for to saue hir lyues and left the land all desert / and waste so that ther was not any man to trauaille aud till the lond ne ere ne sowe / so that the land was bareyne of cornes and all othir fruytes for defaute of tiliers / and this mysauenture dured xj. yere and moo that no man myght ere ne sowe.

¶How Cadewaldre went out of this land in to litell Britaigne

CAdwaladre saw the grete hunger mortalite and pestilence and the lond all poure / and failyng cornes and othir vita∣illes / and his folke {per}issed / and sawe also the most {per}tie of his land all wasted and voide of peple / he apparailled him and his folke that were left on lyue / and passed ouer in to litell Britaigne with a litell nauye vn to kyng Aleyne that he moche loued that was his cosin / and that his fadre had moch loued in his tyme And as they sailled in the see he made grete lamentacion / and so did alle tho that were with hym / and said

¶Dedisti nos dn̄e tan•• oues esca•• & in gentibus dispersisti nos

ANd than began Cadwaldre to compleyn hym to his folke pitously and said ¶Allas said he to vs wrecches and

Caytyf For why for our grete synnes of the which we wolde nat amende vs whyle we had space of repentaunce is comen vp¦on vs this mysauentur whiche chaceth vs oute of our owne re∣aulme and propre soyle fro and oute of which somtyme romayns Scottes Saxons ne danes myght nat exilen vs ¶But what a vailleth it nowe to vs that before tyme oftsithes haue goten many othir landes sith it is not the wylle of god that we abyde & duelle in our owne lande God that is werray Iugge that all thynges knoweth before they be done or made he sethe that we wolde not ces¦sen of our synnes and that our enemies ne myght not vs ne our linage exilen fro and oute of our reaulme he wolde that we amēd vs of our folies and that we sene our propre defaultes And therfor hath he shewed to vs his wrath and wull chastise vs of our mysdedes Sith that he doth vs withoute bataille or strength of our enemyes by grete companyes wrecchedly to leue our owne reaulme and propre lande ¶Turne agayne ye Romayns tur∣ne agayne ye scottes turne agayne ye Saxones turne agayne ye Fraunsois nowe sheweth to yowe Britayne all desert the which your power myght neuer make desert ne yit your power hath not nowe put vs in exil but ouly the power of the kyng Almyghty whom we haue ofte offended by our folies the whiche we wolde not leuen vn till he chastised vs by his dyvyne power Amōge the wordes and lamentacion that the kyng Cadwaladre made to his folk they arrined in litell Britaigne and come to kyng Aleyne before said And the kyng resseyued hym with Ioie and made hym to be serued wonder nobely and there he duelled longe ty∣me after ¶The englissh peple that were lefte on lyue and were ascaped the grete hunger and mortalite lyued in the best wyse that they myght and moche peple spronge and come of hem

¶And they senten in to Saxoyne where they were borne to hir frendes For men women and children to restore the citees with peple and othir tounes that were all voide of peple & fortolabour tranaille and tillen the erthe When the Saxons had herde this ty¦dyng they comen in to this lond wonder thikke in grete compa∣nies and logged and herburghed hem self in the contre all aboute where they wolde for they founde no man hem to lette ne withstou∣de And so they woxen and multiplied gretly and vsed the cu∣stomes of the contrees wher of they were comen and the lawes and the langage of hir owne land And they chaunged the na∣mes of citees tounes castelles & burghes & yaf hem names & called

hem as they be nowe called / And they helden the Countees the ba∣ronages lordshippes and trees in maner as the Britons before ty∣me had compaced hem / And among othir grete companies that co¦me fro Germayne in to this land / came the noble quene that was called Sexburga with men and women withoute nombre / and arriued in the contre of Northumberland / and toke the land from Alby••ne in to Corne waille for hir and for hir folke For ther was none that myght letten hem / for all was desolat and voide of peple But it were a fewe poure Batons that were left in mountaynes and wodes vn till that tyme / ¶And fro that tyme forth losten Britons this Royame for alle daies / and the Englissh peple be∣gonne to reigne and departed the land bitwene hem and they ma¦de many kynges aboute by diuerse parties of the lond as here bene deuised / the fyrst of westsex / the second Merchenrich / the thridde Estangle / the fourth kent / the fifthe southsex / All thees regned in this land after Cadwaladre was passed oute of this land / and duelled in litell Britaigne with kyng Aleyne his cosin and tre∣we frende ¶And whan he had longe duelled there / and had knowyng that the mortalite and pestilence was ouer passed and that the londe was replenysshed of Aliene peple he thought to turne ayene in to his owne lande / and praied kyng Aleyne his cosin of socour and helpe that he myght be restored to his propre re∣alme and fyrst dignite and kyng Aleyne graunted hym his praier ¶Than did ••e apparaillen hym to take his way and viage in to this lande and praied god Almyghty deuoutly that he wolde make to hym demonstracion ʒif his praier in to this land were to hym plesaunte or none / for agayne the wyll of god Almy∣ghty he wolde no thyng done / whan he had thus deuoutly made his praier / a vois fro heuen to hym said / and bad hym leue that Iourney a way in to Englond / and that he go to the pope of Rome For it was not the wyll of almyghty god that Britons regne no more in Britaigne ne neuer recouer the lande vn to the tyme that the prophecie that Merlyn said before be fullfylled / and that shold neuer bene vn to the tyme were comen that the reliques of his body shull bene brought fro Rome and translated in Britaigne And whan the reliques of othir saintes that haue bene hid for the ••erse∣cucion of the paynyme folke shull be founden and openly shewed than shall they recouer hir land ayene whiche they haue so longe ty¦me lost thurgh hir desertes ¶When Cadwaladre had herde this ansuere he meruailled gretly and told it to kyng Aleyne.

Than kyng Aleyne did send for the clergie of his lond & made hem to brynge the stories and {pro}fecies that Merlyn & sibille hadde said in hir {pro}phecies and when he knewe that the {pro}phecie that festo me had {pro}phecied of the egle and othir {pro}phecies accorded to the dy∣uine ansuere that Cadwaladre had herd he counceilled hym to leue his peple and his navie & submitte hym to the disposicion̄ of god and done all that the angell had cōmaunded hym ¶Than Cadwa¦ladre called Ynoz his sone and yvory his cosin that was his sustres sone & said to hem Taketh said he my folk & my navie that is here all redy and passe in to wales and be ye lordes of Britons that no dishonour come to hē by intereupcion̄ of the paynyme folke for defaute of lordes And he hym selfe left his reame of Britaigne & his folk for euermore and toke his way to Rome to the pope Ser¦gius the whiche wurshipped hym moche and so he was confessed and toke penaunce for his synnes And he had not long duelled there that he ne died the xij. Kalend of May the yere of grace v.Clxxix.

¶How kyng Offa was souerayne aboue all the kynges of Eng¦glond and how euery kyng werred vpon othir Ca.C.ij

IT befell so that all the kynges in that tyme that were in the lond as they of westsexe Merchenriche Estāgle of kēt and of southsexe and of othir costes eche werred vpon othir aud he that was most myghty benōme the lond of hym that was most feble But ther was a kyng amōges hem that was cal¦led Offa that was seint Oswaldes brother This Offa conquered all the kynges of the lande & regned aboue hem all And so gre∣te was the werre in euery cōtre bitwene kynges that no mā myʒt wyt how the lande went But abbotes Priours & men of religion̄ written the lyves and the dedes of kynges & how long euery reg∣ned had and in whos contre and in what mauer euery kyng died & of bisshoppes also And ther of made grete bokes and let calle hē the cronicles and the good kyng Alured had that boke in his ward & let bring it at wynchestre and let it fast be takked vn to a piler that men myʒt it not remeve ne bere it thens so that euery mā myʒt it see and ther vpon loke For ther in ben the lives of all the kynges that euer were in Englond

¶How the kyng of Northumberland Osbright forlay the wyfe of Buerne Bocard thurgh strength and after this Buer••e cō¦quered the kyng with poer and strength Ca.C.iij

ANd thus it it befell in the same tyme that ther was a kyng in Northumberlād that was called Osebright and soiour¦ned in yorke / and this kyng went hym vpon a day in to a wode him for to disporte / and when he come ayene / he went preuely in to a good mannes house that was called Buerne And the good man of that place was gone that tyme to the see / for often tymes he was woned ther aspie and awaite theues and robbours that ofte tymes were woned to come in to the land to robbe brenne and slee / ¶The lady that was this Buernes wife was a wonder fair wo¦man and welcomed the kyng with mochel honour / and worthely him serued in all thyng / when the kyng had eten / he toke the lady by the honde & lad hir in to a chambre and said that he wolde speke with hir a counceill / and all the folke from the chambre he made voi¦de sauf only the lady & he / but the lady wist not wherfor he it ded / till that he had done with hir his wyll / And when he had done this dede he turned ayene to yorke And the lady he lefte ther wonder so re wepyng for the dede that he had y done ¶And whan hir lord was comen home & sawe hir wepe & such sorwe & mornyng make he ax••d of hir what she had done & why she made such sorwe ¶Sir qd she queintely and falsely the kyng Osbright me hath done sha¦me & vilanye ayens my wyll and tolde him trewthe how the kyng had hir forlayne with strength wherfor she said she had leuer to die than lyu•• ¶Fair leef be still qd he / for ayens strength feblenesse is litell worth and therfor of me shalt thou neuer the las¦se be loued / and namely for thou hast told me trewthe ¶And yf al¦myghty god graunte me lyfe / I shall the well auenge

¶This Buerne was a grete man and a myghty lord & was wel beloned and grete frendes had / and let sende for the grettest lordes of the lande & to hem made his compleint of the despite that the kyng to him had y done / and said that he wold bene auenged how so that euer it were / and all his frendes councrilled & grauuted to wend to¦ward yorke ther that the kyng was / ¶And Buerne toke his meyne and come to the kyng / And when the kyng him saw he cal∣led hym courtously Buerne by name / and Buerne him ansuerd and to hym said / Sir I yow deffye / and yelde vp feautes / hoinages and londes / and as moche as I haue holde of yowe / and so fro this tyme foreward I wyll neuer of the no thyng hold / And so he de{per}¦ted from the kyng withoute more speche or any abydyng / and toke ••••ue of his frendes and went to denmark / and playned to the kyng Godryne & tolde him of the despite / that kyng Osbright to him had

done of his wife / and praied him of socour and of helpe him to auē go ¶When kyng Godryne of denmarke and the danois had herde the pleint of this Buerne and of the praier that he bad / they were wonder glad in hert / for as moche that they myght fynde cause for to gone in to Englond for to werre vpon the Englisshmen / and al∣so for to auēge Buerne of the despite that the kyng had done to his wife / and for as moche as Burne was sibbe to the kyng of Den∣marke / Anone they let ordeyne a grete host of men and let ordeyne shippes / and as moche as was nede to that viage / And when alle the host was a redy / the kyng made his ij bretheren chiuetayns that were noble knyghtes and bolde that one was called hungar and that othir hubba

¶How the danois toke yorke and quelled the kyng Osbright and afterward kyng Elle Ca.C.iiij.

WHen all thyng was a redy Tho ij. bretheren tok•• leue of the kyng Godryn that went toward the see for to wende in to Englond as fast as they myght spede Nowe is Burne so well comforted and fast hied hym with the danois that they bene ar¦riued in the Northcontre and comen thurgh oute holdernesse / and de¦stroied all the contre and brend tounes and robbed folke / and quel∣led all that myght be take till that they come to yorke ¶And when kyng Osbright saw hem come / he toke his peple that he had and co∣me oute of the Cite and faught with hem / but no foyson he nad a∣yens hem / and moche was the peple that ther was slayne in bothe parties And kyug Osbright hym selfe ther was slayne / and the Cite anone was take / and the danois wenten in And ther was al¦so an othir kyng in Northumberland that Buernes frendes had chosen and helde hym for kyng a man that was called Elle / for as moche as they wold not to kyng Osbright bene entendaunt / for the despite that he had done to Buerne her cosin /

¶Hit befell thus that the kyng Elle was gone to wode hym for to desporte and of venison somdel he had take / and as he sate in the wode at m••te to a knyght he said / we haue well y sped and moche venison taken / and with that worde ther come in a man / and to hym said / yf ye so moche of venison had wonnen / an houndred ty∣mes so moche more ther ayens ye haue lost / For alle this contre the Danois haue gete / and take the Cite of yorke / and ayens yowe shull it hold that neuer ye shull nat come theryn / And for soth

they haue slayne the kyng Osbright And when kyng Elle these wordes herde he let assemble all the folk of the contre & ordeyned all the poer that he myʒt haue & wolde haue gete y^• toun̄ of yorke with strength but the danois comen out anone and yafe hym hataill & qneld the kyng & the most {per}tie of his men that he had broght with hym and the same place ther that they were slayne shall euer be cal¦led Ellecroft and that place is a lite•••• from yorke ¶And tho a bode the danois neuer till they had conquered all Northumberland and in that contre they made wardeyns and went ferther in to the land and token Nothyngham and ther they abyden̄ all the wynter and diden the sorwe that they myght And after when Somer ty∣me come they remeued from Notyngham and come in to Nichol & to lyndesey and to holand ¶For no man myght hem withstonde so moche poer & strength they had.

¶How seint Edmond the kyng was martred Ca.C.v.

ANd so ferre had the danois passed from contre vn to contre and euermore brennyng & robbyng and destroied all that they myght till they comen vn to Thetford. And in that contre they fonnden a cristen kyng that moche loued god and his werkes that was called Edmond And he was kyng of North∣folk and southfolk ¶This seint Edmond kyng ordeyned as mo¦che folk as he myght and fought with the danois but he & his folk were discōfited & the kyng hym selfe driuen vn to the castell of f••a¦melynham ¶And the danois hym pursued and comen vn to the sa¦me castell And when kyng Edmond saw that the castell myght not hem withstond he come ayens hem with whom the danois ferst speken And anone they axed of hym where kyng Edmond was nowe forsoth qd he when I was in the castell ther was y^• kyng & when I went oute of the castell he went out also and whethir he shall ascape or die att goddes wyll mote it be ¶When seint Edmōd had nempned god by that they wysten well all that it was he hym self and anone hubba and humbar nōmen hym and said that he sholde god forsake and all cristen lawe as many othir had done hym beforne ¶And seint Edmond said that he nold neuer but ra¦ther he wold suffre deth for goddes loue and his lawes to kepe tho nōme they kyng Edmond and bounde hym vn to a tree and ma∣de hir archiers to hym shete with arewes till that his body Styk∣ked as full of arewes as an vrchon̄ is full of prikkes but for all

the payne that he had / he wolde neuer god forsake and in the same payne & turmēt he died and betoke his soule to god And when they saw that he was dede they smyten of his hede And this maner was seint Edmond martred

¶How hubba & hungar toke the toune of Redyng ¶Ca.C.vj

WHen seint Edmond was martred hūgar and hubba went thens with all hir danois vn to Redinge / And as they went thidderward they brende tounes & Cites and quelled all cristen peple that wold not god forsake & cast a doune churches & comen to Redinge & toke the toune and ther helde hem till that the kyng Edelf of westsex come thidder with all his power for to take the toune Tho comen oute the danois for to yeue bataill to kyng edelf and at that bataille was queld an erle of danois that was called Cidrake v••on the morwe come the kyng Elred & his brother Alu¦red with a stronge power and a grete host / And the kyng Edelfe come ayene that had foughten the day before to that bataille / And the danois tho comen oute for to fight with hem and the bataill was wonder stronge / for many a man was ther slayne And the danois that day had the victorie / and the kyng Eldred & his brother Alu∣red that day were discomfited But the iiij. day afterward the dano¦is and the englisshmen foughten to gedre an othir tyme v••on Ekel¦denne And ther was slayne a kyng of denmarke that was called Rafyng and iiij. erles of grete power And that day had the dano∣is shame for they were druien vn to Engilfelde ¶And the xv. day after the danois and the Englisshmen and the danois fongh••••n an othir tyme at Rafyng & there were the englisshmen discom••••••d and from thens a danois that was called Roynt went to Reding with his host and destroied all that he myght take / And kyng Eldred fonght with him / but he was wounded so wherfor he was dede / and he had nat regned but v. yere and lieth at wonburne

¶Of kyng Alured & how the danois in his tyme praied him of mercy that they must gone oute of the land Ca / C.vij

AFter the deth of this Eldred regned his brother Alured that Dolfynes was called Tho went the danois and as¦sembled hem / and wente for to seche Alured that tho was th•• new•• kyng of southsex / and ther they founden him at wiltone with a li••ell peple / & notheles he faught with hē / but at the laste he fledde thens from the f••lde / and wente in to westsex / and ordeyned so moche peple of his owne Realme and also of othir so till that he

had a stronge host so that the danois had no poer ayens hym to stō¦de And he come to london with his host and ther were the danois soiourned and ther wolde he haue foughten with hem but the da¦nois durst not with hym fighte but praied hym of pees and that they must gone ayene in to hir owne contre and neuermore in to England for to come ayen any harme to done And vpon this co¦uenant they shold yeue hym to plegge good hostages and such az the Englisshmen wold axen

¶How hubba and hungar were quelled at Chippenham & how the danois brought hir kyng to our kyng Ca.C.viij.

ANd the same day that the Danois departed from london so fast they ridden both nyght and day & neuer toke rest of goyng till that they comen vn to Excestre and token tho the toune and there helde hem. ¶When kyng Alured herd the tydyng anone he let take the hostages And went from thens to ex¦cestre with all the poer that he had ¶And when the danois herd tell of his comyng they wenten fro thens in to westsexe and comen to Chippenam and ther they diden moche ••arme in the contre they robbed folk and brought hem in prison ¶The kyng Alured hem pursued and come vpon hem and fersely hem assailled and ther were slayne both hubba and hungar his brother and Buerne Bocard and in this bataille was moche folk slayne in o {per}tie & in that othir but the gree of the felde left with the danois For as mo¦che as y^• ••yng tho come with litell cōpany The kyng hasted hym as moche as he myʒt for to wend ayene & when the danois foundē hubba his body liggyng dede they entered it a••d made vpon it a grete logge and let calle it hubbeslowe and so it is called in to this day And that place is in deuenshire ¶The barones of somerset wil¦teshire and dorset herd telle how that hir kyng was discomfited & ordeyned all the poer that they myghten haue & comen to the kyng ther he was and thanked god that they had hym founde alyue for they had went that the danois had hym slayne. ¶Tho nōme they a counceill the kyng and his barons that they wolde gone & seche the danois with hem all for to fighten and so they ridden all that nyʒt hem all for to seche & comē a morwe abonte ••me to Abyngdon ther y^• the danois wer•• ¶The kyng tho Alured & his barons assē¦bled & ther assailled the danois egrely & there yaf hem a strong ba¦taill & the danois nobely put hem of longe tyme that no man wyst in whethir {per}tie more peple were slayne. ¶But thus it befell as god wold that the kyng Alured had the victorie with

mochel hononr for the danois were so driuē that they ne wyst whid¦der for to torne / and xv. daies the kyng hem pursued at his wylle / that glad and fayne they were for to speken of pee•• and of accord & token hym good hostages / and said that they nold neuer more vpon hym werre ne no deba••e are•••• ¶And more ouer they behight to the kyng Alured that they wolde gone and bring hir owne kyng vn to hym / and that hir kyng and they all sholde be baptised / And vp on this condicion kyng Alured hym graunted lyfe & lymme / And said to hem that they shold gone hir kyng for to seche & at a ••••rtayne day to comen ayene that to hem was sette / And so they wente forth fast and comen ayene at hir day that was assigned / And all the da¦nois brought hir kyng with hym ¶The kyng Alured anone bet•• hem bene baptised and hir names change / so that the kyng of dano¦is called was A••helston / & xxx. of his felawes names were chan¦ged also / And the othir were baptised to the right beleue. And all•• this was done at westmynstre And after that the kyng Alured hel¦de with hym kyng Ath••lstone & all his danois xij. daies at soiour∣ne with mochel solempnite & yafe hym grete yif••es / after that they were baptised & so they de{per}ted Tho was kyng alured all at ese when he had his enemies ouercome and that they were turned to the right beleue of Almyghty god

¶How the danois that comen in to fraunce with Gurmond comen ayene in to Englond and of the deth of kyng Alured ¶Ca.C.ix

ANd thu•• it befell afterward that the danois of Northum∣berland that were paynyms comen with a grete strength and an huge host of fraunce that is to vnderstonde with hē that went in to frannce / With Gurmond of Aufrike when he had conquerd Englond / And it yafe vn to the sax••ns / and tho that co∣men fro fraunce arriu••d in kent / & sent in to Northumberland that they shold come to hem / and when tho ij. hostes were come and assem¦bled / anone they went to destroie the cristen peple of Englond from place to place and diden moche sorwe ¶Hit befell thus as almygh¦ty god wold an hard chaunce in Englond / For the good kyng Alured that was woned to abate the danois deide in the mene ty∣me / ¶This kyng Alured regned xxx. yere / and a good kyng had bene / and well coude chastise his enemies / for he was a good c••••rc / and let make many bokes / And a boke he made of Englissh / of auenture•• of kynges and of batailles that had bene done in the ••ond / & many othir bokes of gests he let hem write that were of gret

wysdome & of good lernyng thurgh which bo••es many a mā may hym amend y^• wyll hem rede & vpon loke vpon who•• soule almy∣ghty god hane mercy And this kyng Alured lieth at wynchestre

¶Of kyng Edward that was kyng Aluredes sone ¶Ca.C.x.

ANd after this Alured regned Edward his sone y^• was a good man and a wyse that was called Edward that was wonder courtois ¶The danois did moche sorwe in the lond and hir poer encresed and gan for to wex from day to day for the danois comen ofte with hir companies in to this land A••d when the kyng sawe that he myght no better done he nōme trewes with hem and graunted hem his pees ¶And notheles the trews dured nat long that the danois ne begōne strongly for to werre vp on the englisshmen and did hem moche sorwe wherfor kyng Ed∣ward did assemble a grete host for to fight with hem ¶And tho this kyng Edward died when god wolde This kyng Edward regned xxiiij. yere and lieth at wynchestre besides his fadre

¶Of kyng Adelston and of Edmonde Eldred and of Edewyne his brother Ca.C.xj.

AFter this Edward regned Athelston his sone And when he had regned iiij. yere he helde bataill ayens the da∣••oys and drofe kyng Gaufride that was kyng of the da¦noys and all his host vn to the see and rested by Scotland and nōme strongly the contre all ayere ¶And after that tho of Cum∣berland and the scottes of westmerland begōne to werre vpon kyng Athelston And he hem yaf so stronge bataille that he queld so many of hem that no man coude telle the nombre of hem & after that he ne regned but iij▪ yere And he regned in all xxv. and lieth at Malmesbu•• ¶And after this Adelston regned Edmonde his brother for as moche as kyng Adelstone had no sone And this Edmond was a worthy knyght and a doughty man of body & a noble knyght And he iij. yere after that he was kyng he went ouer humber in whiche place he fōd ij kynges of danoys that one was called Enelaf And that othir Renant This kyng Edmōd drofe hem both from the land and after wet and toke a grete prey in Cumberland This Edmond ne regned but vij. yere and lieth at Glastenburie ¶And after this Edmond regned Eldrede his brother that avenged Edward his fadre of his enemies that hym quelled & afterward he seised northūberland in to his hand & ma¦de the scottes abowe & meke vn to his wyll ¶And the seconde yere y^• he had regned come Arnalaf guyran that was kyng of dēmarc

and seised all Northumberland and helde that londe ij. yere / and af¦ter that come kyng Eldered with a grete poer and drofe him out of this land And this kyng Eldred was a noble man and a good of whos goodnesse seint Dunstan preched / and this kyng Eldred regned xj. yere & lieth at wynchestre ¶And after this Eldred Ed∣wyne sone of Edmond his brother regned & was a lither man to∣ward god & the peple / for he hated folke of his owne land & loued & honoured straunge men And sette litell by holy churche & betoke of holy church all the tresour that he myʒt haue that was grete sha¦me & v••lanye to hym selfe & {per}ill to his soule And therfor god wold not that he shold nat regne no lenger than iiij. yere and died & lieth at wynchestre

¶Of kyng Edgar that regned a boue the kyng••s of scotland & of wales & how he was begiled thurgh takyng of his wife / Capitulo Centesimo duodecimo

ANd after this Edwyne regned Edgare his brother a mā that moch loued god & pees & holy church also And was a worthy lord bolde & myʒty & mayntened well this land in pees And this Edgar was lord & kyng aboue all the kynges of scotland & of walys / from the tyme that Arthur was a gone & neuer was sithen kyng of his power And this Edgare was seint Edwardes fadre And when Edgares wyfe was dede that was seint Edwardes moder & entered / he herde speke of the fairnesse of Estrilde that was Orgarus dought a baron of denēshire that was so fair a woman that all men speken ther of / he call••d o•• of his kny¦ghtes that he moche loued & trusted vpon & told hym / Go qd he to the n••ble baron Orgar of denenshire & see if his doughter be so fair as men sp••ken of / & if it be sothe / I wyll haue hir vn to my wyfe

¶This knyght that was called Edelwold went forth his way / & came ther that the lady was / & when he saw hir so fair he thought t•• hane hir hym selfe to wyfe / and ther of spake to Orgar hir fadre and Orgar was an olde man and had no moo children but only hir and sawe that Edelwold was a fair yonge knyght and wor¦thy and riche and was well with the kyng / and thought his doughter shold well be maried / & well beset vpon him & graunted him his doughter yf the good lord the kyng wold consent ther to

¶This Edelwold come ayene to the kyng & told him that she wa•• fair ynowe v••on to see but she was wonder lothly ¶Tho ansuerd the kyng and said that he toke but litell charge / Sir quod Edel∣wold tho she is hir fadres heir / and I am nat ••••che of landes

and yf ye wold consent and graunte that I must hir haue than shold I be rich y nowe In goddes name qd the kyng I consent ther to Edelwold thanked tho moche the kyng & went ayen in to Denenshire & spoused the damisell & in that contre he duelled And thus it befell vpon a tyme that he tolde his coūceill & all this thyng vn to his wyf howe & in what maner he had begiled his lord the kyng that wold haue had hir to wyf And anone as she it wyst she loued hym neuer more afterward as she had done beforne

¶This lady conceyued by hym a sone and when tyme was that the child shold be borne Edelwold come to the kyng & praied hym to heue a sone of his at fontston the kyng hym graunted & let call hym Edgar of his owne name ¶And when this was don̄ he thouʒt that he was syker y nowe of the kyng y^• not wolde haue taken his wyfe for as moche as his lord was a ••oly man and an amerous.

¶How that kyng Edgar wedded Estrilde after the deth of edel¦wold Ca.C▪xiij.

THus it befell that all men in kyng Edgarys court tho spe¦ken & said that Edelwold was richely avaunced thurgh the mariage of his wyf & yit they said he was avaunced an hunderd fold more For he had spoused the fairest woman that euer was seyn̄ And the kyng herde speke so moche of hir beaute he thought that Edelwold had hym desseyued and begiled and thought priuely in his hert that he wold gone in to Denenshire as it were for to hunt for the hert & for the hynde and othir wylde be∣stes & than he sholde se ther the lady or he departed thennes And this lady was duelly••g at a maner besides the forest ther that the kyng wolde hunte & at that maner he was her burghed all nyght and whenne tyme come the kyng sholde sope and the sonne shone the kyng asked after his Gossyp and after his godsone and edel¦wold made hir come before the kyng And notheles yf it othir myght haue bene she sholde not haue comen in his sight by his wyll The lady welcomed the kyng and swetely hym cussed and he nōme hir the honde and tho next by hym her sette and so soped they to gedre And tho was a custome and an vsage in this land that when a man dronke vn to an othir the drynker shold sey was¦sayl and that othir sholde ansuere drynkehaille and thus did the kyng and the lady many tymes and also kyst And after sop•••• whent yme was gone to bedde the kyng went vn to his bed ••••rtely

thenkyng vpon that ladies fairnesse and tho was ouercome for hir loue that hym thought that he shold die but of hir his wyll he had Vpon the morne the kyng Aroos and in the forest went hym ther to disporte with hertes and hyndes and all othir wylde bestes and of the hertes grete ple••te to that lady he sent & thries he went to solacen and speke with that lady whiles he duelled in that cō¦tre And after that the kyng remeued thennes and thought how he myght best deliuer edelwold from his wyfe as he had hym fyrst disceyued And the kyng anone after viij. dayes let ordeyne a par¦lament at Salesbury of all his baronage conceill to haue and for to ordeyne how the contre of Northumberland myʒt best ben kept that the danois comen not ther the land to destroie And this Edel¦wold come also vn to the kynges {per}lement and the kyng sent hym to yorke for to be keper of that contre And thus it befell that men that knewe hym not slowe hym by the wey. And anone as the kyng herde that he was dede he let send after the lady Estrild that she shold come to the Cite of london and ther ben w••dded to the kyng with grete solempnite and wurshipp an held a solempne fe∣ste and he wered a croune of gold and the quene an othir ¶And seint dunston amorwe came vn to the kyng in to the chamber and founde the kyng abedde and the quene also yfere And seint dinistō axed ho she was the kyng ansuerde this is the quene Estrilde and the erchebisshopp seint dunston said that he did grete wrong and a¦yens goddes wyll to take a woman to wyfe whos child ye had ta¦ke at the•• fonstone and the quene for that word neuer after loued seint du••ston and nothelees the good man warned of that foli•• to lete but his warnyng availled litell for the loue bitwene hem was so moche ¶The kyng begate vpon this woman a sone was called Eldred and tho this childe was vj. yere olde the kyng his fadre died and about that tyme he had regned xvij. yere & lieth at Glastenbury

¶Of seint Edward the martir how Estrild his stepmoder lete hym quelle for to make Eldred hir own̄ sone kyng Ca.C▪xiiij

ANd after this Edgar regned Edward his sone that he bagate on his fyrst wyfe that well and nobely gouerned the lande for he was full of all maner of goodnesse and lad full holy lyfe and aboue all thyng he loued god and holy chyrche and the quene Estrild his stepmoder let hym slee for en∣cheson to make hir owne sone Eldred kyng and thus was he slayne as afterward ye shull here ¶Hit befell thus on a day

••hat the kyng Edward went in to a wode for to play in the southcō¦tre besides a tou••e that is called warham in which forest was gre∣te plente of hertes a••d hyndes / and as he had bene a while ther him for to pley he thought vpon his brother Eldred that was with his moder the quene for hir place was nygh the forest / and thought for to gone thidder and visite and see his brother / & toke with him but a litell meyne / and went him tho toward his stepmodre•• house that in that tyme soiourned in the Castell of Corfe / and as he rode in the thikkenesse of the wode to aspie his game it befell that he wēt amys and lost his meyn•• that with him come / and at the last he come oute of the wode / & as he loked aboute he sawe ther fast besides the maner that his stepmoder duelled in / and thidderward he went allone and anone it was told the Quene how that the kyng was comen allone withoute companie and therfor she made ••oie y nowe and thought how that she myʒt done that he ner slayne as preuelich as she myʒt And anone preuelich she called to one of hir knyghtes to whom she had told moch of hir counceill bitwene hem / & both they comen to the kyng and courtously him resseyued / and the kyng told that he was come hir to visite and also for to speke with Eldred his bro∣ther / The Quene many tymes him thanked and him praied for to aliʒte and herburgh with hir all that nyg••t ¶The kyng said that he myght not / but ayene he wolde wende vn to his folke if he myght hem finde / ¶And when the Quene saw that he wolde nat abide she praied him that he wold ones drynke & he graunted hir and anone as the drinke come the quene dranke vn to the kyng and the kyng toke the cuppe and set it to his mouth and in the mene tyme whiles that he dranke / the knyght that was with the Quene with a knyfe smote euen the kyng vn to the hert / and there he fyll a doune dede of his palfray vn to the er••h The quene for this dede yaf to the knyght gold and siluer grete plente / and of othir ricchesse y nowe / And the knyght anone as this was done he went him ouer the see / and so escaped he oute of this land ¶When this kyng Ed∣ward thus was matred / Hit was in the yere of incarnacion after our lord ••hesu crist ix.C.lxxx. yere and he had regned xij. yere and an halfe and lieth at Glast••nbury.

¶Of kyng Eldred and how the kyng Swyne of denmarke helde Englond and how Eldred that was seint Edwardes brother wa•• nat beloued in his reame and therfor he fledde in to Normandie. Capitulo Centesimo decimoquint••

AFter this kyng Edward regned Eldred his brother & seint dunston crouned hym & his seint dunston died sone after that he had foryeue the quene hir trespace Estrild for encheson that she was cause of kyng Edwards deth & seint dū¦ston had hir assoyled & penaunce hir emoyued & she lyved aft chast lyfe & clen•• ¶This kyng Eldred wedded an Englissh woman and on hir begate Edmond Irenside & an othir sone that was cal¦led Edewyne And after died the quene hir modre And in that ty¦me come in to England Swyn that was kyng of denmark for to chalenge and conquer all that his auncestres had before that tym̄ and so he conquered & had it all at his axyng ¶For the good erle Cutbert of lyndesey & all the peple of northumberland and almost all the grete of England helde with Swyne that was kyng of dē¦mark for as moche as they loued not kyng Eldred for encheson that his good brother Edward was slayne falsely for en••heson of hym and therfor no man sette but litell by hym Wherfor kyng Swyne had all his wylle and toke all the land And Eldred the kyng fledde tho in to Normandie and so spake to the duke richard that the duke yaf hym his sustre Emma to wyfe vpon the whiche he begate ij. sones that one was called Alured and that othir Ed¦ward And when Swyn had conq••ered all the land he regned no••ely and leued but xv. yere & died and lieth at york.

¶Howe kyng Eldred came ayene from Normandie and how knoght the danois regned and of the werre bitwene hym and Ed¦mond Irenside Ca.C.xvj.

AFter the deth of Swyne that was a danois knoght his sone duelled in Englond and wolde haue be kyng and ••ho come ayene Eldred oute of Normandie with moche pe¦ple and with a strong meynye that knoght durst nat abyde but fley thens in to denmark The kyng Eldred had ayene his reame & helde so grete lordshipp that he began to destroie all tho that holpe Swyn that was a danois ayens hym ¶And afterward come a¦yene this knoght from denmark with a grete power so that kyng Eldred durst nat with hym fight but fledde fro thens in to lon∣don and ther held hym Tho come knoght and hym beseged so long till kyng Eldred died in the cite of london and lieth at seint pau∣lus & he regned ix. yere

Of kyng knoght Ca.C.xvij

AFter the deth of this Eldr••d knoght that was a danois ••••gan tho for to regne / but Edmond Irenside that wa•• kyng Eldredis sone be his fyrst wif ordeyned a gret•• host and began to werre vpon kyng knoght & so he did many tymes & ofte / & the werre was so stronge & hard that wonder it was to wite and the Quene Emme that dnelled tho at westmynstre had grete drede of hir ij. sones of the werre Alured and Edward lest they shold be defoilled & mysdone thurg•• this werre / wh••••for she sente hē ouer see in to Normandie to the duke Richard hir vncle / and ther they duelled in sa••fte and pees longe tym•• ¶This Edmond Iren¦side & knoght werred strōgely to gedres / but at the last they were accorded in this maner that they shold depart the reame bitwene hē and so they diden / and after they becomen good frendes & so well lo∣ued that they becomen sworne brethren & so well loued to g••dres as they had he bretheren geten of o body and of one moder y borne

¶How kyng Edmond ••renside traitoursly was slayne thurgh a traitour that was called Edrich of stratton ¶Ca.C.xviij.

ANd after tho regned kyng Edmond Irenside / & knoght the danois / but thus it befell afterward that in the same yere that they were accorded & so moch loued to gedre wher for a false thef traitour had enuie vn to the loue that was bitwene hem & frendshipp / whos name was Edrik of st••atton that was a grete lord that was Edmond Irensides man and of him helde alle the land that he had / and notheles he thought his lord to bitraie / & make knoght kyng of the land in entent richely to ben•• auaunced and with hym ••ene welbeloued / wherfor he praied his lord Ed∣mond Irenside vpon a day with him for to eten and to duell•• and the kyng courtously him graunted and to him come at his praier / and at the mete the kyng rially was serued with diuerse metes and drinkes / And whan nyght come that he shold goo to bedde the kyng toke his owne meyne & wente in to chambre / & a•• he loked aboute he saw a wondre fair Image & well made & in semb¦lāt as it were an archier with a bowe bent in his hond & in y^• bowe a fyne arwe / Kyng Edmōd went tho nerre to behold it better what it myght bene and anone the arwe him s••ote thurgh the body and ther slowe the kyng / for that eugyn was made to quelle his owne lord traitoursly / And when kyng Edmond this was dede and slayne he nad regned but y. yere / and his peple for him made moch

sorwe and his body they bere vn to Glastenburi and ther they hym entered And this fals traitour Edrith anone went to the Quene that was kyng Edmondes wife that wyst of hir lordes deth anon̄ he nōme from hir ij. sones that were fair & yong that hir lord had vpon hir goten that one was called Edward and that othir Ede¦wyne & lad hem with hym at london & toke hym to kyng knoght that he shold do with hem what his wyll were and tolde hym how queintly he had queld kyng Edmond for encheson & loue of hym so that kyng knoght all Englond in his poer holly myght haue. ¶O thou fals traitour hast y^• my trew brother slayn̄ for ••̄cheson of me a man that I most loued in the world Nowe be myne hede I shall for thy tranaille the well reward as thou hast deserued and anon̄ let hym take & bynde honde & feet in maner of a traitour and let cast hym in tho Thamyse and in this maner the false trai∣tour ended his lyfe The kyng nōme the ij. children and toke hem to the Abbot of westmynster to warde and to kepe till he wyst what was best with hem to done

¶How kyng knoght sent kyng Edmondes sones both in to den∣mark for to slee and how they were saued ¶Ca.C.xix

HIt befell sone afterward that kyng knoght had all the lande in his hande & spoused the qnene Emme thurgh cō¦sent of his Baronage for she was a fair woman y^• was Eldredis wyfe and the dukes suster of Normādie & they leued to gedre with moche loue as reson wolde The kyng axed vpon a day conceill of the quene what was best to done with the sones that we¦re Edmond Irensides ¶Sir qd she they be the right heires of the land and yf they be ven they wull do yowe moch sorwe with werre and therfor let send hem in to a strang land aferre to somme man that may hem defoylle and destroie. The kyng anone let calle a da∣nois that w••s called walgar & cōmaunded hym that he sh••••d lede tho ij. children in to Denmarke & so do & ordeyne for hem that neuer they herde moo tydynge of hem Sir said this walgar gladly your cōmaundement shall be done And nōme tho ij. children & led hem in to Denmark A••d for as moche as he saw that the children we¦re wonder fair and also meke he had of hem grete pite and routh & wold nat hem slee but let hem to the kyng of hūgery for to norice For this walgar was welbeknowen with the kyng and welbe∣loued Anone the kyng axed whens the children were And wal∣gare told hym & said they were the right heires of ēglond & therfor

men wold hem destroie / and th•••• sir to yow they be comen mercy and helpe for to seche / & for soth if they mowe lyuen your men they shull becomen / and of yow they shull holde all hir land The kyng of hungery hem vnderfenge with mochel honour and ••et•• hem worthe¦ly to bene kepte And thus it befell afterward that Edwyne the yōger brother died / and Edward the elder brother lyued a fair mā & a stronge & large of body & gentill & courtois of condicions So that all men him loued / And this Edward in the cronicles is cal∣led amonges englisshmen Edward the out••lawe / And whan he was made knyght the kynges doughter of hungery so moche hym loued for his goodnesse and his fairnesse that she made and called him hir derlyng The kyng that was hir fadre {per}ceyued well the lo∣ue that was bitwene hem two & had none heir but that doughter / & the kyng vouched his doughter to no man as well as he did to hym that she loued and he hir / and he yaf•• h••r vn to hym with good wyll and Edward hir spoused with mochel honour / the kyng of hunge¦rie sente after all his baronage and made a solempne fest & riche weddyng / and made all men to vnderstonde that he shold be kyng when that he were dede & therfor all they maden grete ••oie / & of that tydynge they were full glad This Edward begate vpon this la∣dy a sone was called Edgar helyng and afterward a dough•• that was called Margarete that afterward was quene of Scotland & by the kyng of Scotland that was called Mancolyn she had a dou¦ghter that was called Maude that was Quene afterward of En∣glond thurgh kyng Henry that was the first sone of the cōquerour that hir wedded And he begate on hir a doughter that was called Mande that after was Em{per}esse of Almayne / And of this Maude come the kyng of Englond that vn to this day is called Henry the Em{per}esse sone / And yit had this Edward an othir doughter by his wife that was called Cristian / and she was a nonne /

¶How kyng knoght that was a proude man conquered Norwey & how he become afterward meke and mylde ¶Ca.C.xx.

NOwe haue ye herde of Edmondes sones with Irenside that kyng Knoght wende that they had bene dede as he had commaunded walgar before / And this knoght had in his hond all Englond and Denmarke / and after that he wente to Norwey that land to conquere / But the kyng of the lande that was called Elaf come with his peple and wende his land wele haue kept and defended and so 〈◊〉〈◊〉 he faught with hym / till at the

last he was slayne in that bataille And tho this knoght nōme all that land in his honde And when he had conquered Norewey and taken feautes & homages ther he come after ayene in to England & helde hym selfe so grete a lord that hym thought in all the world his pere no mā was & become so proude & hauteyn that it was gre¦te wonder And so it befell vpon a day as he had herd masse at west mynster & wold haue gone in to his palais the wawes of the tha¦myse so•• wif••ely ayens him comen that all most they touched his 〈◊〉〈◊〉 ¶Tho said the kyng with a proude hert I cōmaunde the water to turne ayene or elles I shall the mak•• ¶The wawes for his cō¦maundement wold not spare but flowed ouer in hie more & more The kyng was so proude of hert that he wold not flee the water but abode stille in the water And bete the water with a smale yerde that he helde in his honde and cōmaunded the water that it sholde wende no ferther but for all his cōmaundement the water wolde not cese but euer wax more & more an high so that the kyng was all wete and stode depe in the water And when he saw that he had abyde ther to long & the water wolde no thyng done his commaun¦dement tho sone he withdrowe hym and tho stode he vpon a stone and helde his hondes an high and said this worde in hering all pe¦ple ¶This god that maketh the see thus arise an high he is kyng of all kynges and of myghtes most and I am a caytyf and a man dedely and he may neuer die and all thyng doth his cōmaun¦dement and to hym is obedient To that god I pray that he be my warrant For I knowlech me cayt yf feble and of no power and therfor I wull go to rome with out•• any lettynge my wykkednes¦se to punysshe and me to amend ¶For of that god I clayme my land for to hold & of none othir And anon̄ made redy his heir & hym selfe to Rome withoute any lettynge and by the weye did ma¦ny almesse dedes And when he come to Rome also And when he had ben ther and for his synnes done penaunce he come ayene in to Englond and become a good man and an holy and lefte al ma¦ner pride and stoutenesse and lyved an holy lyfe all his lyfe after and made ij Abbeis of seint Benet one in Englond & that othir in Norewey For as moche as he loued specialy seint Benet before all othir seintes And moche he loued also seint Edmond the kyng and ofte he yaf grete yiftes to the hows Wherfor it was made ri¦che and when he had regned xx. yere he died and lieth at wynche¦stre

¶Of kyng Harold that leuer had gone in fote than rite an hors. Capitulo Centesimo vicesimo primo

THis knoght of whom we haue spoken before had ij. sones by his wife Emme that one was called hardyknoght & that othir harold / & he was so light of fote that men called hym comenlich harolde harefoot / And this harold had no thyng y^• cond••cions & maner of kyng knoght that was his fadre / for he set but litell pris of chiualrie ne of no curtosie nothir of wurshipp / but only by his owne wyll ¶And he become so wykk••d that he exiled his moder Emme / & she went oute of the land in to flaundres / and there duelled with the erle werfor after ther was neuer good loue bitwene hym and his brother / for his brother him hated dedly / and when he had regned ij. yere & a litell more he died & lieth at westmyn¦stre

¶Of kyng hardeknoght that was haroldes brother Capitulo Centesimo xxij.

AFter this harold harefoot regned his brother hardeknoght a noble knyght & a worthy & moche loued chiualrie & all maner goodnesse / And when this hardeknoght had reg∣ned a litell while he let vncouer his brother harold & smyte of his hede that was his brother at westmynstre & let cast the hede in to a gonge & the body in to thamyse / & after com̄ fisshers & toke the body with hir nettes be nyght & bere hym to seint clementes church / and ther hym beried / And in this maner auenged hym hardeknoght of his brother / for in none othir maner he myght be auenged ¶This kyng hardeknoght was so large yeuer of mete and drinke that his tables were sette euery day iij. tymes / full with riall metes & drin∣kes for his owne meyne & for all that comen vn to his court to be richely serued of riall metes ¶And this kyng hardeknoght sent af¦ter Emme his moder & made hir come ayene in to Englond / for she was driue oute of Englond / whiles that harold hare foot regned thurgh counceill of the erle godewyne that tho was the grettest lord of Englond next the kyng / & most myght do what he wold thurgh all englond thurgh his cōmaundemēt / for as moche as he had spou¦sed the dought of the good kyng knoght that was a danois which doughter he had by his fyrst wife And when this quene was driue ou••e of Englond & come to the erle of flaundres that was called Balde wyne his cosin he fonde hir there all thyng that hir n••d••d vn to the tyme that she went ayene in to englond / that the kyng har¦deknoght

had sent for hir that was hir sone / and made hir come a∣yene with mochel honour This kyng hardeknoght when he had regned v. yere he died & lieth at wrstmynstre

¶Of the vilonie that the danois did to the Englisshmen wherfore from that tyme after was no danois made kyng of Englond Capitulo Centesimo xxiij.

AFter the deth of this kyng hardeknoght for as moch as he nad no thing of his body begote / the erles and barons as∣sembled and made a counceill & neuer more after no man that was a danois / though he were neuer so grete a man amonges hem he shold neuer be kyng of englond for the despite that the danoiz had done to engli••shm••n ¶For euer more beforne hand if it were so that englisshmen & dan••is hapeten to mete vpon a brigge the english¦men shold not be so hardy to meue ne ster•• a foot / but stand stille till he danois were appa••sed forth ¶And more ouer if the englissh¦men had not abowed doune hir hedes to done reuerence vn to the da∣nois / they shold haue bene bet & defouled / and soch maner despites & vilanie diden the danois to our englisshmen wherfor they were dri∣uen oute of the land after tyme that kyng hardeknoght was dede / for they had no lord that hem myght maynten In this maner voi∣ded the danois englond that neuer they come ayene ¶The erles & barons by hir commnne assent & counseill senten vn to Normandie for to seche tho ij. kretheren Alured and Edward that were duel∣lyng with the duke Richard / that was hir Eme in entent for to croune Alured the elder brother and hym make kyng of englond and of this thyng to make an ende / the Erles and Barons made hir othe / But the erle Godewyne of westsex falsely and traitours¦ly thought to slee the ij. bretheren / anone as they shold come in to englond in entent to make his sone harold kyng the which sone he had begote vpon his wife that was kyng knoghtes doughter that was a danois / And this Godewyne preuely went hym in to sout hampton / for to mete there the ij. bretheren when that they shold co∣me to lond / And thus it befell that the messagiers that went in to Normandie fou••de not b••t only Alured that was the elder bro∣ther / for Edward his brother gone was to hungerie / for to speke with his cosin Edward the outelawe that was edmōdes sone with the Irenside / The messagiers told and said to Alured how that the erles and barons of englond sent after hym and that he boldelich

shold come in to Englond and vnderfonge the reame For kyng hardeknoght was dede and all the danois driuen were oute of the land

¶How Godewyne the fals traitour toke Alured vpon Gildes∣doune whenne he come fro normandie to bene kyng of Englond and did hym bene martred in the Ile of Ely Capitulo. C.xxiiij.

WHen Alured herd this tydyng he thanked god and in to shipp went with all the hast that he myʒt & passed the see & arri••ed at southampton ther that godewyn̄ the traitour was And tho this traitour saw that he was come he welcomed hym & vnder••eng hym with mochel ••oie & said that he wolde lede hym to london ther that all the barons of Englond hym abode for to make hym kyng & so they wēt in hir wey toward london And when they come vpon Gildesdone tho said the traitour Godewyne to Alured take kepe aboute yowe both on the lyfte side and on the right side And of all ye shull be kyng and of such an hunderd mo¦re Nowe forsoth qd Alured I behote yowe and yf I be kyng I shall ordeyne and make such lawes wher of god and all folk shul¦len hem hold wel paied Nowe had the traitour cōmaunded all his men that were with hym that when they were come vpon Gildes∣don̄ that they shold slee all that were in Alureds cōpanie that com̄ with hym from normandie and after that taken Alured and lede hym in to the Ile of Ely and ther put onte both his yien of his he¦de and afterward bring hym vn to deth And they diden so for they quelled all y^• companie that xij. were in nōbre of gentilmen that were comen with Alured from normandie. ¶And after nōmen Alured & lad hym in to the Ile of Ely and put out his yien oute of his hede and rent his wombe and nōmē the chief of his boels & put a stake in to the grounde & an ende of the boels ther to fastned And with nedles of ••ren prikked the good child & so made hym go aboute the stake till that all his bowelles were drawen all oute And so died ther Alured thurgh treson of the erle Godewyne

¶When the lordes of Englond had herd & wyst how Alured that shold haue bene hir kyng was put vn to the deth thurgh the fals traitour Godewyne they were all wonder wroth & swore bitwene hem god & by his holy names that he shold die in more werse deth than did Edrith of stratton̄ that had betraied his lord Edmond

Irenside / & they wold haue put hym to dethe / but the thefe traitour f••ey thennes in to denmarke and there helde him iiij. yere & m••re and lost all his land in Englond

¶Of seint Edward the confessour that was Aluredes brother how he was kyng of Englond ¶Ca.C.xxv.

ANd when this was done all the barons of Englond senten an othir tyme in to normandie / for that Edward shold co¦me in to Englond with mochel honour / And this Ed∣ward in his childehode loued almyghty god & hym drad And in ho¦neste & clennesse lad his lyfe and hated sinne as deth And whē he was crouned and annoynted with a riall power he foryate nat his good maners & condicions that he first vsed / and foryate nat all good customs for no maner honour ne for no ricchesse ne for no maner higness / b••t euer more & more yaf hym to goodnesse & wel loued god and all mekenesse / and loued god and holy churche pas∣sing all maner thyng and poure men also a••d hem loued and helde as they had hene his owne bretheren and to hem ofte yafe grete ••l∣messe with good wyll

¶Of the first specialte that god shewed for seint Edwardes loue by his lyfe Ca.C.xxvj

IT befell on a day as he went from the churche of westmyn¦stre and had herde masse of seint ••ohan Euangelist / for as moche as he loued seint Iohan E••angelist more specially after god and our lady than he did any othir seint And so ther co∣me to hym a pilgryme and praied hym for the loue of god and of seint Iohan Enangeliste some good hym for to yeue And the kyng preuely toke his ringe of his fynger that no man {per}ceyued it / and yafe it to the pilgryme and he hit vnderfenge and went thennes This kyng Edward made all the good lawes of Englond that yit bene most holden / And was so merciable / and so full of pite that no man myght be more /

¶How the Erle Godewyne come ayene in to Englond and had ayene all his land and afterward seint Edward wedded his dou¦ghter Ca.C.xxvij

WHen the Erle Godewyne that was duellyng in denmark had mochel herde of the goodnesse of kyng Edward and that he was full of mercy and of pite And thought that he wold gone ayene in to Englond for to seche and to haue g••ac•• of hym and that he myght haue his land a••ene in pees / and arra¦ied hym as moch as he myght & put hym toward the see & come in

to England to london ther that the kyng was that tyme and all the lordes of Englong and helde a parlement ¶Godewyne sent to hem that were his frendes and were the most grettest lordes of the land and praied hem to beseche the kynges grace for hym and that he wold his pees and his land graunt hym his enemies lad¦den hym before the kyng to seche grace And anone as the kyng hym saw he appeled hym of treson and of the deth of Alured his brother and these wordes vn to hym said. Traitour Godewyne quod the kyng I the appele that thou hast betraied and slayne my brother Alured ¶Certes sir qd Godewyne saue your grace and your pees and your lordshipp I neuer hym betraied ne slew him & ther for I put me in reward of the court Nowe fair lordes qd the kyng ye that bien my lieges Erles and barons of the lād that here ben all assembled Full well ye haue herd myne Appele and the ansuere also of Godwyne And therfor I wyll that ye award and doth right The Erles & barons tho drowen hem all to gedre for to done this award by hem selfe & so they speken diuer¦sely amonges hem For somme said ther was neu alliaunce by ho∣mage serment seruice ne by lordshipp bitwene Godewyne & Alu∣red for which thyng they myʒt hym drawe ¶And at the last they devised & demed that he shold put hym in the kynges mercy all to gedres Tho spake the erle ••euerich of Couētre a good mā to god & to all the world & told his reson in this maner & said The Erle Godewyne is the best freuded man of Englond after the kyng and well myʒt it not bene gayn said that withoute conseill of godewyn̄ Alured was neu put to the deth wherfor I award as touchyng my part that hym self & his sone & euery of vs xij. erles that bene his fredes wend before the kyng charged with as moche gold & sil•• as we mowe bere bitwen our hondes & prayeng the kyng for yeue his euell wyll to the erle godewyn̄ & receyue his homage & his land yeld ayene ¶And all they accorded vn to that award & co∣men in this maner as is aboue said euery of hem with gold & sil•• as moche as they myʒt bere bitwene hir hondes before the kyng & they saiden the forme and the maner of hir accord & of hir award

¶The kyng wolde not hem gayn say but as moche as they ordeyned he graunted and confermed And so was the Erle Godewyne accorded with the kyng and had ayene all his lande And afterward he bere hym so well and so wysely that the kyng ••oned hym wonder moche and with hym was full priuee And withyn a litell tyme the kyng loued hym so moche that he

spoused Godewynes doughter & made hir quen•• And notheles for all that tho the kyng had a wife he lyued euer more in chastite / and in clennesse of body withoute any flesshly dede doyng with his wi•• and the quene also in hir halfe lad holy lyfe ij. yere & deide ¶And afterward the kyng lyued all his lyfe withoute any wif•• ¶The kyng yafe the erledome of Oxenford to Harold that was Godewy¦nes sone & made him erle And so well they were beloued bothe the fadre & he & so priue with the kyng both the fadre & the sone y^• they myʒt done what thyng they wold by right For ayens right wold he no thyn•• done for no maner man / so good & trewe he was of consci¦ence / & therfor our lord ••hesu crist grete specially loue to him shewed

¶How kyng Edward saw Sweyne kyng of denmarke drenched in the se•• in the sacramēt as he stode & herd his m••sse Ca.C.xxv.ij

IT befe••l v••on whitsonday as kyng edward herde his mas¦se in ••he grete church of westmestre right at y^• leuacion of 〈◊〉〈◊〉 cristes body / & as all men were gadred in to the church & comen nere the Auter sacringe for to see the kyng his hondes lyft vpon high / & a grete laughter toke vp wherfor all that aboute him stode gretly gonne wond•••• / and after masse they axed why the kyn¦ges laughter wa•• ¶Fair lordes qd the kyng Swryne the yōger that was kyng of deumarke come in to the see with all his pow••r for to haue comen in to Englond vpon vs to haue werred and I sawe hym and all his folke drenched in the high see And all this sawe I in the eleuacion of ••hū cristes body bitwene the prestes hon¦des / and I had ther of so moch ••oie / that I myght not my langh¦ter withholde ¶And the Erle leuerich besides him stode atte leua¦cion / and openlich he saw the fo••me of brede turne in to a likenesse of a childe yonge / and toke vp his right honde & fyrst blisshed y^• kyng and afterward the erle / and the erle anone turned him toward the kyng to make him see that holy sight / And tho said the kyng / Sir Erle qd he I see well that ye see thanked be god tha•• I haue ho∣noured my god my sauiour visibely ••hesu crist in fourme of man whos name be blisshed in all worldes Amen

¶How the ringe that seint Edward had yeue to a poure pilgry¦me for the loue of god and seint ••ohan Euangelist come ayene vn to kyng Edward Capitulo C••nt••simo vic••simonon••

THis noble man seint Edward regned xiij. yere and thus it befell vpon a tyme beforne er he died that ij. men of En¦lond were went in to the holy land and hadden done hir pilgremage and were goyng ayene to hir owne contre

And as they went in the wey they mette a pilgryme that cour∣tosely hem salued and axed of hem in what land and in what cō¦tre they were borne And they said in Englond ¶Tho axed he who was kyng of Englond and they ansuerd and said the good kyng Edward Fair frendes tho said the pilgrime when that ye come in to your contre ayen I pray yowe that ye wold gone vn to kyng Edward and ofte tymes hym grete in myn name And ofte tymes thonk hym of his grete courtesye that he to me hath don̄ and namely for the ring that he yaf me when he had herde messe at westmynster For seint Iohannes loue Euangelist and nomme tho the ring and toke it to the pilgrymes And said I pray yowe for to gone and bere this ring and take it to kyng Edward and telle hym that I sent it hym and a full richer yifte I wull hym yeve For vpon the xij. day he shall come to me and euermore duelle in blisse withouten ende ¶Sir said the pilgrymes what māben ye and in what place is your duellyng Fair frendes quod he I am Iohan the euangelist and am duellyng with almyghty god and your kyng Edward is my frende and I loue hym spe∣cialy for encheson that he hath euer lyued in clennesse and is cle∣ne maid And I pray yowe my message all for to done as I ha∣ue to yowe y said ¶When seint Iohan Euangelist had thus hem charged sodenly he voided oute of hir sight.

¶The pilgrimes tho thanked Almyghty god and went forth in hir way ¶And when they had gone ij. er iij. myle they be∣gonne to we•• wery And sate adoune hem for to rest And so they fill a sleep ¶And when they had slept well one of hem awoke & lyfte vp his hede and loked aboute and said vn to his felawe A¦ryse vp and wende we yn our way ¶What said that one felawe to that othir wher be we nowe ¶Certes said that othir it semeth me that this is nat the same contre that we laid vs in for to rest & ••e••e For we were from Ih••lm̄ but iij. myles.

¶They nōmen vp hir hondes and blissed hem and went forth in hir way And as they went in hir way they saw shepeherdes goyng with hir shep that speken none othir langage but Englissh Le∣ue frēdes qd one of the pilgrymes what cōtre is this & who is lord ther of And one of the shepeherdes ansuered this is the contre of

kent in Englond of the which the good kyng Edward was lond The pylgrymes thanked to almyghty god and seint Johan Euan∣gelist and went forth in hir way & come to Caunterbnry and fro thennes in to london / & ther they fonde the kyng / & told him all fro the beginnyng vn to the ende / as moch as seint ••ohan had hem char¦ged aud of all thynges how they spedde by the wey / and toke the ring to kyng Edward / and he vnderfeng it & thanked Almyghty god & se••••t Johan Euangelist And tho made him a redy euery day from day to day for to wende oute of this lyfe / when god wold for hym sende.

¶How seint Edward died on the xij. day Ca.C.xxx.

ANd after it befell thus in cristesmasse eue as the holy man Edward was at goddes seruice matines for to here of y^• high f••ste he become full sike / and in the morw•• endured with moch ••ayne the masse for to here & after let hym be lad in to his chambre ther for to resten him but in to his halle amōges his ba¦rons & his knyghtes myʒt he not come hem for to comfort & solace / as he was woned for to done at that worthy fest / wherfor alle hir myrth & comfort amonges all that were in the halle was turned in to care & sorwe / for encheson that they dred for to lese hir good lord the kyng ¶And vpon seint ••ohanes day Euangelist tho that come next the kyng vnderfenge his rightes of holy church as fal¦leth to euery cristen man / and abode the mercy & the wyll of god / & tho ij. pylgrymes he let before hem come & yaf hem rich yiftes & beto¦ke hem vn to god ¶And also the Abbot of westmynstre he let be∣fore him come & toke hym that ring in honour of god & seint Mari•• & of seint Johan Euangelist / And the Abbot toke & put it among othir reliques / so that it is at westmynstre & euer more shall be & so lay the kyng sike till the xij. euen & tho died the good kyng edward at westmynster & ther he heth / for whos loue god had shewed many fair miracles And this was in the yere of incarnacion of our lord ••hū crist .M.lxv. yere / And after he was translated & put in to the shrine thurgh the noble martir seint Thomas of Caunterbury /

¶How Harolde that was Godewynes sone was made kyng and how he scaped fro the duke of Britayne Ca.C.xxxi

WHen seint Edward was gone oute of this world & was gone to god and worthely entered as it a{per}teyned to such a lord for to be / the barōs of the lād wold haue had edward

Helyngus sone to Edward the Outelawe that was Edmonde Irensides sone to be kyng for as moche as he was most kyndest kynges blode of the reame But haroldus sone thurgh the erle go dewyne aud the strength of his fadre gode wyne and thurgh othir grete lordes of the royame that were of his kyn and vn to hym sib¦be seised all Engl••nd to his hande and anon•• let croune hym kyng aft the ēteremēt of seint Edward ¶This Harolde that was gode wynes sone the secōde yere after that seint Edward was dede wel¦de haue gone in to Flaundres but he was driue thurgh tempest in to the contre of Pountyfe and there he was take and broght to the duke william And this harold went tho that Duke william wolde haue bene a venged vpon hym for encheson that the erle Go¦de wyne that was haroldus fadre had let quelle alured that was seint Edwardes brother and principaly for encheson that Alured was quene Emmes sone that was Richardus moder duke of nor¦mandie that was Aiell to the duke william ¶And nothelees whenne the duke williā had harolde in prison and vnder his poer for as moche as this harolde was a noble knyght wyse and wor∣thy of body and that his fadre and he were accorded with good kyng Edward & therfor wolde not mysdone hym but all maner thynges that bitwene hem were spoken & ordeyned harolde by his good wylle swore vpon a boke & vpon holy saintes that he sholde spouse & wedde duke williams doughter after the deth of seint Ed¦ward & that he shold besily done his deuer for to kepe & saue the ro¦yame of englond to the {pro}fite & a vauntage of duke williā ¶And when harold had thus made his othe vn to duke williā he let hym go & yaf hym many riche yiftes And he tho went thennes & come in to England and anone ded in this maner when seint Edward was dede and as a man falsely forswore he let croune hym kyng of England and falsely brak the couenantz that he had made befo¦re with duke williā Wherfor he was with hym wonder wroth and swore that he wolde vpon hym bene a venged what euer so hym be fell ¶And anone duke williā let assemble a grete host & come in to England to a venge hym vpon harold & to conquere the land yf that he myght ¶And in the same yere that harold was cronned harolde harestrenge kyng of denmark arrined in scotlād & thouʒt to haue bene kyng of Englond & he come in to englond & queld & robbed and destroied all that he myʒt till that he com•• to yorke & ther he quelled meny men of Armes a thousand and an C. prestes When this tydynge come to the kyng he assembled a strong poer &

went for to fight with harold of Denmark and with his owne honde hym queld & the danois were discomfited & tho that left aly¦ue with moche sorwe fley to hir shippes And thus kyng harold of Englond queld kyng harold of denmark

¶How william bastard duke of Normandie come in to Englōd and quelled kyng harold Ca.C.xxx••j

ANd when this bataill was done harold bicome so proud & wold no thyng part with his peple of thyng that he had goten but held it all to ward hym self wherfor the most {per}tie of his peple were wroth and from hym de{per}ted so that only with hym left no mo but his saudiour•• And v••on a day as he sate at mete a messagier come to hym and said that william ba∣stard duke of Normandie was arrined in Englond with a grete host and had taken all the lande aboute hastynge and also myned the castell Whenne the kyng had herd this tydynge he went thid¦der / with a litell peple with all the hast that he myght for a litell pe¦ple was with hym left ¶And when he was come thidder he or∣deyned for to ye ve bataill to the duke william But the duke ax••d hym of these iij. thynges yf that he wolde haue his doughter to wy¦fe as he had made and swore his othe & behight or that he wolde hold the lād of hym in truage or that he wolde detmyn̄ this thyng thurgh bataill•• ¶This harold was a proude man and a stoute and trusted wonder moche vpon his strength and faught with the duke and with his peple but harold and his men in this bataille were discomfited and hym self was ther slayne and this bataille was ended at Tonbrigge in the secōde yere of his regne vpon seint kalixtes day and he lith at waltham

¶Of kyng william bastard and how he gouened hym well & wysely and of the werre bitweue hym and the kyng of f••aunce Capitulo C.xxxiij.

WHen william bastard duke of Normandie hod conquered all the land vpon Cristesmasse day tho next Sueng he let ••roune hym kyng at westmynster & was a worthy kyng and yaf to Englisshmen largely londes and to his knyghtes.

¶And afterward he went ouer the see and come in to Nor∣mandie & ther duelled a whyl and in the seconde yere of his regne he come ayene in to Englond and broght with hym Mou••e his wyfe and let cron̄e hir quene of England on withsonday ¶And tho anone after the kyng of Scotland that was called Mancolyn

began to striue and werre with the duke william And he ordeyned hym tho to ward Scotland with his men bothe by land and by see for to destroie the kyng Mancolyn / but they were accorded And the kyng of Scotland become his man and helde all his land of him And kyng william ress••yued of hym his homage and come ayene in to Englond / And whan kyng william had be kyng xvij. yere ••aude the Quene died on whom kyng william had begoten ma∣ny fair children / that is for to seyne Robert curthose williā ••e Rous Richard also that deide Henry beauclerc / and Maude also y^• was the erles wife of Bleynes & othir iiij. doughtres & after his wifes deth grete debate began bitwene hym & the kyng of f••aunce Ph••lip but at the last they were accorded And tho duelled the kyng of En¦glond in Normandie / and no man hym werred and he no mālon∣ge tyme And the kyng of fraūce said vpon a day in scorne of kyng william / that kyng william had longe tym leyne in child bed and longe tyme had rested hym ¶And this worde come to the kyng of englond ther that he lay in normandie at Roen / and for this word was tho ille paid and ek•• wonder wroth toward the kyng of fraun¦ce aud swore by god that when he were arise of his gysin he wold light a thousand candels to the kyng of fraunce ¶And anone let assemble a grete host of Normandie and of englisshmen And in the beginnyng of heruest he come in to fraūce / and brend all the tounes that he come by thurgh all the contre and robbed and did alle the en••ll that he myght thurgh oute all fraunce and at the laste he b••en de the Cite of Mandos and commaunded his ••eple for to ••ere wode and as moche as myght brenne and hym selfe helpe ther to all that be myght with a good wyll ¶And there was grete hete what of fire that was so grete and of the sonne that t••o was wonder hoot that all stuffed hym selfe become and felle in to a grete sikenesse / and whan he sawe that he was so stronge like / he ordeyned and as signed all Normandie vn to Robert Cur••hoos his sone / and all en¦glond to william the Rous and bi••uath to henry beaucler•• all his cresour / And tho he thus had done / he vnderfenge all the sacramēts of holy churche and deide the xxij. yere of his regne & lieth at Caan in Normandie

¶Of kyng william Roos that was william Bastardus sone that destroied tounes and houses of Religion for to make the newe forest Capitulo Centesimo trice••imoquarto

ANd after this william bastard regned his sone williā the Rous and this william was a wonder contrarions mā to god and to holy chyrche and lete amende and make the toune of Cardeis that the paynyms had destroied ¶This kyng william destroied holy chyrche and all hir possessions in what part he myght hem fynde And therfor ther was so moch de∣bate bitwene hym and the erchebisshopp of Canterbury Ancelme for encheson that he vndernāme hym of his wikkednesse that he de stroied holy chyrche And for encheson ther of the kyng to hym bare grete wrath and for that ca••se he exiled hym oute of the lande And the erchebisshopp tho went to the court of Rome & ther duel∣led with the pope ¶And this kyng made the newe forest & cast and destroied xxvj. toune•• and lxxx. houses of Religion all for to make his forest lenger and bredder And become wonder glad and proude of his wode and of his forest and of the wilde bestes that were ther yn that it was mervaill for to wyt so that mē called hym keper of wodes and of pastures and the lenger that he leued the more wykked he become both to god and to holy chyrche and to all his men. ¶And this kyng let make the grete hall at west mynster so vpon a day of witsonday he helde theryn his fyrst feste and he loked aboute & said that the hall was to litell by the haluē dele ¶And at last he become so contrarions that all thyng that plesed god displesed hym and all thyng that god loued he ha∣ted dedely ¶And so it befell that he dremed and met vpon a nyʒt a litell or that he deied that he was let blode and bled a grete quā¦ti••e of blode and a streme of blode lept an high to ward heuen more than an C. ••ethem and the clernesse of the day was turned all in to derkenesse And the firmament also ¶And when he awoke he had grete drede so that he nyst what to done and tolde his dreme to meny of his conceill and said that he had grete drede and suppo¦sed that hym was some myschaunce to come ¶And the seconde nyght before a mōke dremed of the houhsold that the kyng went in to a chyrch with moche peple and he was proude that he despi∣sed all the peple thas was with hym and that he nōme the ymage of the crucifixe aud shamfully lote it with his teth.

¶And the crucifixe mekely suffred all that he ded but the kyng as a wode man rent of the Armes of the crucifixe and cast it vn∣der his fete and defouled it and threwe it all abrode and a grete flamme of fire came oute of the crucifixes mouth of which dreme meny men had grete wonder ¶The goodman that had dremed

this dreme had told it to a knyght that tho was most priue with the kxng of all men / and the knyght was called Hamundes sone and the monke a••d he tolde the dreme to the kyng and said that it shold betoken othir thyng than good / and notheles the kyng lau•• ghed ther at ij. or iij. and litell set ther of And thought that he wold gone hunte and pley in the forest / and his men hym coūceilled that he shold not that day for no maner thyng come in the wode / so that he abode at home before mete But anone as he had eten no mā myʒt him lette that he nolde gone to the wod•• for to haue his disport

¶And so it be fell that one of his knyghtes that hight walter Ti¦rell wolde haue shot to an hert and his arwe glā••ed vpon a braun¦che and thurgh mysauenture smote the kyng to the hert / and so he fell doune dede to the grounde withoute any worde spekyng and so ended his lyfe / And it was no grete wonder for the day that he deide he had let to ferme the erchebisshopprich of Caunterbury and xij. abbeis also / & euer more did grete destruction to holy church thurgh wrongfull takyng and axinges for no man durst withsay that he wolde haue done and of his lithernesse he wolde neuer withdra we nothir to amende his lyfe and therfor god wold suffre hym no len∣ger regne in his wikkednesse and he had bene kyng xiij. yere and vj. wekes and lieth at westmynstre

¶Of kyng Henry ••eauclerke that was william Rous brother & of the debate bitwene hym and Robert Curthose his brother Capitulo Centesimo xxxv.

ANd when this william rous was dede Henry beauclerke his brother was made kyng for encheson that william Ro¦u•• had no child begoten of his body and this henry beau∣clerke was crouned kyng at london the iiij. day after that his bro∣ther was dede that is to say the v. day of August ¶And a none as An••••lme that was Erch••bisshoppe of Caunterbury that was at the court of Rome herd that william Rous was dede he co∣me ayene in to englond / and the kyng beauc••••rk welcomed hym with mochel honour / ¶And the first yere that kyng henry was crouned he spoused Maude that was Margaretes dought••r the que¦ne of Scotland and the Erch••bisshopp Ancelme of Caunterbury wedded hem And this kyng begate vpon his wife ij sones and a daughter / that is to say william Richard and Maude / And this Maude was after the Em{per}esse of Almayne

¶And in the seconde yere of his regne his brother Robert Curtho¦se that was duke of Normandie come with an huge maynye in to Englond for to chalenge the lande but thurgh conceille of the wy¦se men of the lande they were accorded in this maner that the kyng sholde yeue the duke his brother a thousand pounde euery yere and whiche of hem lengest leued sholde bene others heir and so bitwene hem shold be no debate ne strife ¶And when they were thus accor¦ded the duke went home ayene in to Normandie And when the kyng had regned iiij. yere ther Aroos a grete debate bitwene hym and the Erchebisshopp of Canterbury Auncelme For cause that the Erchebisshopp wolde nat graunte hym for to take talliage of chyrches at his wylle And therfor eftsone the Erchebisshopp wēt ouer the see to the court of rome and ther duelled with the Pope ¶And in the same yere duke of Normandie come in to Englond for to speke with his brother And amonge othir thynges the du∣ke of Normandie for yaf to the kyng his brother the forsaid thou¦sand pounde by yere that he sholde pay hym And with good loue the duke went tho ayene in to Normandie

¶And when the ij. yere were a gone thurgh enticement of the de∣uell and of lither men a grete debate arose bitwene the kyng and the duke so that the kyng thnrgh conceill went ouer the see in to Normandie ¶And when the kyng of England was co∣men in to Normandie 〈◊〉〈◊〉 the grete lordes of Normandie turned to the kyng of Englond and helde ayens the duke hir owne lord and hym forsoke and to the kyng hem yelden and all the good c••¦stelles and tounes of Normandie And sone after was the duke taken and lad with the kyng in to Englond & the kyng let put the duke in to prison And this was the vengeaunce of god For when the duke was in the holy land God yafe hym suche myght and honour ther wherfor he was chosen to bene of Iherusalem kyng And he wold nat be it but forsoke it and therfor send hym that shame and despite for to be put in to his brothers prison ¶Tho seised kyng Henry all Normandie in to his hande and helde hit all his lyves tyme and in the same yere come the bisshopp Auncelme from the court of Rome in to Englond ayene and the kyng and he were accorded.

¶And in the yere next comyng after ther began a grete deba∣te bitwene kyng Phillipp of Fraunce And kyng Henry of En¦glond ¶Wherfor kyng Henry went in to Norma••die and the werre was strong bitwene hem two And tho died the kyng

of fraunce / & lowys his sone was made kyng anone after his dethe And tho went kyng henry ayene in to englond / and maried Maude his doughter to Henry the Em{per}our of Almayne

¶Of the debate that was bitwene kyng lowys of fraunce & kyng Henry of englond and how kyng henries ij. sones were loste in the high see Capitulo Centesimo .xxxvj.

WHenne kyng Henry had bene kyng xvij. yere a grete deba∣te aroos bitwene kyng lowys of fraunce and kyng henry of englond / for encheson that the kyng had sent in to Nor∣mandie to his men that they shold bene helping to the erle of b••oyes as mochel as they myght in werre ayens the kyng of fraunce / and that they were as redy vn to hym as they wold ben vn to hir owne lord / for encheson that the erle had spoused his sustre dame Maude for which encheson the kyng of fraunce did moche sorwe to norman¦die / wherfor the kyng of englond was wonder wrothe and in haste went ouer the see with a grete power and come in to normandie for to defende that lande / and the werre bitwene hem lasted ij. yere till at the last they ij. foughten to gedre and the kyng of fraunce was di¦scomfited and vneth scaped a way with moch ••eyne and the moste part of his men were take / and the kyng did with hem what hym liked And somme of hem let he go frelich and somme let he put to the deth / But afterward tho ij. kynges were accorded / And when kyng Henry had holich all the land of Normandie / and scomfited his enemies of fraunce / he turned ayene in to englond with mochel honour / And his ij. sones william and Richard wolde come after hir fadre and went to the see with a grete companie of peple / but ••r that they myght come to londe the shipp come ayens a roche & brake all in to peces and all were drenched that were therin sauf o man y^t was in the sauie ship that ascaped / and this was on seint katerines day / and thees were the names of hem that were drenched that is to say william the kynges sone Richard his brother / the erle of Che∣stre Qttonell his brother / Gieffrey ridell / walter emurcy / Godfrey er••hedeken / the kynges doughter / the Countesse of Perches / the kyn¦ges nece / the Countesse of Chestre / and many othir / When kyng hen¦ry and othir lordes arriued were in englond and herde these tydyn∣ges / they made sorwe y nowe / and all hir myrthe & ••oye was tur∣ned in to mornyng and sorwe

¶How Maude the Em{per}esse come ayene in to Englond and how she was afterward wedded to Gieffroy the Erle of Angoy Capitulo C.xxxvij.

ANd when that ij. yere were agone that the Erle had duel∣led with the kyng the Erle went tho from the kyng and began to werre vpon hym and did moche harme in the land of Normandie and toke ther a strong Castell and ther he duelled all that yere and tho come to hym tydyng that Henry the Em{per}our of Almaigne that had spoused Maude his doughter was dede and that she duelled no lenger in Almaigne And that she wolde come ayene in to Normandie to hir fadre ¶And when she was come to hym he nōme hir tho to hym and come ayene in to Englond and made the englisshmen done othe and feaute vn to the Em{per}esse And the fyrst man that made the othe was william the Erchebisshopp of Caunterbury And that othir kyng Dauid of Scotland and after hym all the Erles and barons of englōd Also after the noble man the Erle of Angoy a worthy knyght sent to the kyng of englond y^• he wolde graūte hym for to haue his daughter to spouse Maude the Em{per}esse And for encheson that hir fadre wyst that he was a noble man the kyng graunted hym and consented ther to And tho nōme he his doughter and lad hir in to Normandie and come to the noble knyght Erle Gaufride and he spoused the forsaid Maude with mochel honour And the Erle be∣gate vpon hir a sone that was called Henry the Em{per}esse sone

¶And after when all this was done kyng Henry duelled all that yere in Normandie And after that longe tyme a grevous sike¦nesse toke hym wherthurgh he died And this kyng Henry regned xxxv. yere and iiij. monthes and after he died as before is said in Normandie and his hert was entered in the grete chyrche of our la¦dy in Rouen And his body was brought with mochel honour in to England and entered at Redyng in the Abbey of the which ab¦bey he was begynner and foundour

¶Howe Stephene kynge Henry sustres sone was made kyng of Englond ¶Ca.C.xxxviij

AFter this kyng Henry y^• was the fyrst was made kyng his nepheu his sustres sone Stephen Erle of Bo••••igne For anone as he herde the tydynge of his vncles deth he passed 〈◊〉〈◊〉 see and come in to Englond thurgh counceill & strength

and helpe of many 〈◊〉〈◊〉 lordes in englond ayens hir othe that they had made to Maude the Em{per}esse toke the reame and let croune Ste¦phen kyng of the land ¶And the Erchebisshopp william of Caū¦t••rbury that first made the othe of feaute vn to maude the Em{per}esse set the croune vpon kyng Stephenes hede & hym annointed / & bis∣shoppe Rogier of Salisbury maynteyned the kynges partie in as moth as he myght ¶The first yere that kyng Stephen began to reg¦ne he assembled a grete host & went hym toward Scotland / for to haue werred vpon the kyng of Scotland / but he come ayens hym in pees & in good man••r & to hym trusted / but he made to him none homage / for as moche as he had made homage vn to the Em{per}esse Maude ¶And the iiij. yere of his regne Maude the Em{per}esse come in to englond / & tho began debate bitwene kyng Stephen & Maude the Em{per}esse ¶This Maude went vn to the Cite of Nichol and the kyng hyr beseged longe tyme and myght not spede so well the Cite was kepte and defended / and tho that were within the Cite queyn∣tely ascaped away withoute any maner harme / & tho toke the kyng the Cite and duelled therin till condelmesse / And tho come the Ba¦rons that helde with the Em{per}esse that is for to say the erle Randul¦phe of Chestre / the Erle Robert of Ebucestre hugh / bygot / Robert of Morley / and brought with hem a stronge power & faught with the kyng & yafe hym a grete bataille / in which bataill kyng stephen was taken & sette in prison in the Castell of Bristowe

¶How Maude the Em{per}esse went fro wynchestre vn to Oxenford and after she ascaped to wallynford and what sorwe and disese that she had Capitulo Centesimo .xxxix.

WHenne the kyng was take & brought in to worde in the ca¦stell of Bristowe / this Maude the Em{per}isse anone was made lady of England & all men helde hir for lady of the lande / But tho of kente helde with the kyng Stephenes wife / and also william of Pree and his reteune helpe hem and helde werre a∣yens Maude the Em{per}esse & anone aft y^• kyng of Scotlād come to him with an huge nombre of peple / and tho went they yfere vn to wynchestre ther that the Em{per}esse was & wolde haue take hir / but the Erle of Gloucestre come with his power & faught with hem / & the Em{per}esse in the mene while that the bataille dured scaped fro thens and wente vn to Oxenford / & there hir helde / And in that bataille was the Erle of Gloucestre discomfited and taken / and with hym many othir lordes ¶And for his deliueraunce

was kyng Stephen deliuered oute of prison / And when he was deliuered oute of prison he went thens to Oxenford and beseged the Em{per}esse that was tho at Oxenford / and the sege endured fro Mihelmasse vn to seint Andrewes tyde / And the Em{per}esse let tho cloth hir all in whit lynnen cloth / for encheson that she nat wolde be ne knowe / for in the same tyme wa•• moch snowe / & so she ascaped by the thamyse from hem away / that were hir ennemies / And fro thens she went to wallyngford / and ther hir helde ¶And the kyng wold haue beseged hir / but he had so moch to done with the erle Rā¦dulfe of Chestre / and with hugh bygot that stronglich werred vp on hym in euery place that he ne wist widder for to turne / And the Erle of Gloucestre halpe hem with his power

¶How Gaufride the Erle of Angron yafe vp vn to Henry the Em{per}esse sone all Normandie Capitulo Centesimo quadragesime.

ANd after this the kyng went vn to wilton / and wolde ha¦ue made a Castell there / but tho come to hym the Erle of Gloucestre with a stronge power / and almost had take the kyng / but yit the kyng ascaped with moch peyne / and williā mar¦tell ther was take / And for whos deliueraunce the yafe vn to the Erle of Gloucestre the good Castell of shirborne / that he had take ¶And whan this was done the Erle Robert / and all the kyn¦ges enemies wente to Faringdone and begonne ther for to make a stronge Castell / but the kyng come thidder with a stronge power and drofe hem thens in that same yere The Erle Randulfse of Che∣stre was accorded with the kyng / and come to his cour•• at his com∣maundement / And the Erle wende saufelich to come and the kyng anone set take hym and put hym in to p••••son and must neuer for no thyng come oute till that he had yelde vp vn to the kyng the Ca¦stell of Nicholl the whiche he had take from the kyng with strength in the xv. yere of his regne ¶And Gaufride the Erle of Angeon yafe vp vn to Henry his sone all Normandie / And in the yere that next su••d deide the Erle Gaufride And Henry his sone the anone turned arene to Angeon / and there was made Erle with mochel honour of his men of the land / and to hym diden feaute and ho∣mage the most rartie of his land ¶And tho was this henry the Em{per}esse sone Erle of Angewe and duke of Normādie

In the same yere was made diuorce bitwene the kyng of Fraunce and the quene his wyfe that was right heir of Gascoyne For en∣cheson that it was knowe and proued that they were sible and nygh of blode And the spoused her Henry the Em{per}esse sone Erle of ••ngoy and duke of Normandie and duke of Gascoyne

¶The xviij. yere of this kyng Stephen this Henry come in to en∣glond with a strong power and began for to werre vpon kyng s••e¦phen and toke y^• Castell of Malmesbury And did moche harme & the kyng Stephen had so moche werre that he nyst whidder for to wende but at the last they were accorded thurgh the Erchebisshopp Theobald and thurgh othir worthy lordes of Englond vpon this condicion that they shold depart the Reame of Englond bitwene hem so that Henry the Em{per}esse sone sholde holich halfe haue all the land of Englond And thus they were accorded And pees cried thurgh oute all Englond ¶And when the accorde was made bi∣twene the ij. lordes Kyng Stephen become so sory for cause he had lost halfe Euglond and fell in to suche amaladie and died in the xix. yere viij. wekes and v. day of his regne all in werre and in contak and he ••eth in the Abbey of Feueresham the whiche he let make in the vj. yere of his regne

¶Of kyng Henry the secōde that was the Em{per}esse sone in whos tyme seint Thomas of Caunterbury was Chaunceler Capitulo Centesimo quadrages••mopr••mo.

ANd after this kyng S••••phen regned Henry the Em{per}es∣se sone and was crouned of the Erchebisshopp Theobald the xvii. day before Cristemasse And in the same yere Tho¦mas Beket of 〈◊〉〈◊〉 Erchebisshopp of Caunterbury was made the kynges chaunceler of Englond ¶The seconde yere that he was crouned he let 〈◊〉〈◊〉 adoune all the newe Castelles that were lon∣gyug to the cr••••ne the whiche kyng Stephen had yeue vn to di∣uerse men and hem had made Erles and baron•• for to holde with hym 〈◊〉〈◊〉 to helpe hym ayenst Henry the Em{per}esse sone

¶And the iiij. yere of his regne he put vnder his owne lord∣shipp the kyng of wales And in the same yere when the kyng of Scotland had in his owne honde that is to seyn the Cite of karlil¦le the Castell of Banburgh the newe Castell vpon Tyne and the Erldome of laucastre.

¶The same yere the kyng with a grete powrr went in to waly•• &

let cast a doune woles and make weyes and made stronge the Ca¦stell of Rutland basyng werke / and amōge the Castells he made an hous of the temple ¶And in the same yere was Richard his sone borne / that afterward was erle of Oxenford and the fourthe yere of his regne he made Gaufride erle of Britaigne / and in that yere he chaunged his money / and the vj. yere of his regne he lad an huge hoste vn to Tolouse and conquere by it / And the vij. yere of his regne deide Thebault the Erchebisshopp of Caunterbury / And tho all the Cite of caunterbury all most thurgh meschief was brēd The ix. yere of his regne Thomas Beket his Chaunceler / was cho∣sen to bene Erchebisshopp of Caunterbury ¶And vpon seint bar nardis day he was sacred / and in that yere was borne Alienore the kyuges doughter ¶And the x. yere of his regne seint Edward the kyng was translated with mochel honour And the xj. yere of his regne he helde his parlement of Northampton And from thens fled seint Thomas Erchebisshopp of Caunterbury / for the grete debate that was bitwene the kyng and hym / for yf he had bene founden in the morne he had be slayye / and therfor he fledde thens with iij. felawes on fote only that no man wist wher he was / and wente ouer the see to the pope of Rome / And this was the principall en∣cheson for as moch as the kyng wolde haue put clerkes to dethe / that were atteint of felonie withoute any priuelege of holy church And the xij. yere of his regne was Iohan his sone borne / And the xi••j. yere of his regne deide Maude the Em{per}esse that was his mod•••• ¶And in that same yere was Iohan his doughter borne ¶The xiiij. yere of his regne the duke henry of Saxone spoused Maude his doughter / And he begate on hir iij. sones / Henry Othus and william / And in the xv. yere of his regne deide the good Erle Ro¦bert of Gloucestre that founded the Abbey of nonnes of Eton

¶And in the same yere Marike kyng of Iherusalem conquered Babiloigne The xvj. yere of his regne he let croune his sone Henry at westmynstre / and hym crouned Rogier Erchebisshopp of yorke in harmyng of Thomas Erchebisshopp of Caunterbury / wherfore the same Rogier was acursed of the Pope

¶Of kyng Henry that was sone of kyng Henry the Em{per}esse so∣n•• and of the debate that was bitwene hym and his fad•••• while that he was in normandie Capitulo Centesimo xlij.

AFter the coronacion of kyng Henry the sone of kyng hen¦ry the Em{per}esse sone ¶Tat same Henry the Em{per}esse son̄ went ouer in to Normandie and ther he let mar••e Elieno¦re the doughter of the Dolfyne that was kyng of Almaigne And in the vij. yere that the Erchebisshopp seint Thomas had bene outelawed the kyng of frannce made the kyng and seint thomas accorded And tho come Thomas the Erchebisshopp to Canterbury ayene to his owne chyrche And this accord was made in the be∣gynnyng of aduent And afterward he was quelled and mar∣tred the v••day of Cristemasse that tho next come ¶For kyng Henry thought vpon seint Thomas Erchebisshope vpon Cristemas¦se day as he sate at mete and thees wordes said That yf he had any good knyght with hym he had be many day passed avenged vpon the Erchebisshopp Thomas ¶And anone Sir william breton ¶Sir hugh morvile Sir william Tracy And Sir Reignold fitz vese beres sone in Englissh priuely went vn to the see and comen in to Englond to the chyrch of Canterbury and hym ther they martred at seint Benettes Autre in the modre chyrche And that was in the yere of Incarnacion of Ihesu crist M.C.lxxij. yere.

¶And anone after Henry the newe kyng began for to make were vpon Henry his fadre and eke vpon his brethren also

¶And so vpon a day the kyng of fraunce and a••l the kynges so∣nes and the kyng of Scotland and the grettest lordes of englond were arisen ayens the kyng Henry the fadre and at the last as god wolde he conquered all his enemies ¶And the kyng of fraun¦ce and he were accorded And tho sent kyng Henry the fadre specia¦ly vn to the kyng of Fraunce and praied hym hertely for his lo¦ue that he wolde send to hym by letter the names of hem that be∣gonnen the werre vpon hym ¶And the kyng of fraunce sent ayene to hym by a letter the names of hem that bygonnen the wer¦re ¶The fyrst was Iohan his sone and Richard his brother and Henry his sone the newe kyng Tho was Henry the kyng wonder wrothe and cursed the tyme that euer he hem bigate

¶And whyle the werre dured Henry his sone the newe kyng died sore repentyng his mysdede and most sorwe made of onymā for cause of seint Thomas deth of Caunterbury

¶And praied his fadre with moche sorwe of hert mercy for his trespas and his fadre for yaf it hym And had of hym grete pite and after he died the xxxvj. yere of his regne and lieth at Re∣dyng

¶How the cristen lost the holy land in the forsaid kynges tyme thurgh a fals cristen man that become a sarazene Ca.C.xliij

ANd while that kyng henry the Em{per}esse sone lyued & reg∣ned the grete bataille was in the holy land bitwene the cri¦sten men & the sarazenes / but the cristē men were ther quel¦led thurgh grete treson of the erle Tirpe that wolde haue had to wi¦fe / the q••ene of ••hrlm̄ that some tyme was Baldewynes wife but she forsoke hym / & toke to hir lord a knyght a worthy man that waz called sir Gny {per}ches wherfor the erle Tirpe was wroth & wente a∣none right to Soladyne that was soudan of Babiloigne & become sarazene & his man / & forsoke his cristendome & all cristen lawe and the cristen men wist not of this dedes / b••t went for to haue had gre¦te helpe of hym as they were woned to haue before / And when they comen to the bataille / this fals cristen man turned vn to the saraze∣nes / & forsoke his owne nacions & so were the cristen men ther quel¦led with the sarazenes / & thus were the cristen men slayne & put to horrible deth / & the cite of ••h••lm̄ destroied / and the holy crosse borne away The kyng of fraunce & all the grete lordes of the land let hem crosse for to go in to the holy land / And amonges hem wente Ri∣chard kyng henries sone first after the kyng of fraunce that toke the crosse to the Erchebisshopp of tours / but he toke nat the viage at that tyme for encheson that he was let by othir maner weyes and nedes to be done ¶And whan kyng henry his fadre had regned xxxv. yere & v. monthes & iiij. daies he died & lieth at foundenerard

¶Of kyng Richard that conquerd all the holy lande that cristen men had 〈◊〉〈◊〉 Ca.C.xliiij

ANd after this kyng henry regned Richard his sone a stron¦ge man & a worthy and also bolde and he was crouned at westmynster of the Erchebisshopp Baldewyne of Caū∣terbury the iij. day of Septembre / & the ij. yere of his regne kyng Richard hym selfe and Baldewyne the Erchebisshopp of Caunter¦bury and Hubert bisshopp of Salisbury and Raudulphe Erle of Gloucestre / and othir many lordes of englond went in to the hooly land / and in that viage deide the Erchebisshopp of Caunterbury ¶And kyng Richard went before in to the holy land and rest not till that he come forth in his way vn to Cipres / and toke Cipres with grete force / and sithen kyng Richard wente forth toward the holy land and gete there as moche as the Cristen men hadden

lost before & conquered the land ayene thurgh grete myght sauf on¦ly the holy crosse ¶And when kyng Rihard come to the toune of Acres for to gete the cite Agrete debate a rose bitwene hym & the kyng of fraunce so that kyng of fraūce went ayene in to fraunce & was wroth toward the kyng Richard but er kyng Richard went ayene he toke the cite of Acres ¶And whenne he had taken it he duelled in the cite a whyl but to hym come tydynge that the erle ••o¦han of Oxūford his brother wolde haue seised all Englond in to his hand And Normandie also and wold croune hym kyng of the land ¶And whenne kyng Richard herde this tydynge he went a ye••e toward Englond with all the spede that he myʒt but the duke of Ostriche met with hym and toke hym and brought hym to the Em{per}o••r of Almaigne And the Em{per}our brought hym in to his prison And afterward he was deliuered for an huge raunsone that is for to say an hounderd thousand pounde And for whiche raunsone to be paied eche othir chalice of Englond was molte & made in to money & all the mōkes of the ordre of cisteanx yeuen all hir ••okes thurgh englond to don̄ hē to selle & the raūsone for to pay

¶How kyng Richard come ayene from the holy land & avenged hym of his enemies Ca.C.xlvj.

WHiles this kyng Richard was in prison the kyng of fraū¦ce werred vpon hym strongely in Normandie and Iohan his brother werred v••on hym in Englond but the bishop¦pes & barons of Englond withstode hym with all the power that they myght gete & geten the castell of wyndesore & all othir castel∣les ¶And the forsaid Iohan saw that he had no myght ne poer ayens the barons of Englond for to fight but anone went hym ouer see vn to the kyng of fraunce And when kyng Richard com̄ out of prison and was deliuered and come in to Englond Anone after Cādelmasse in grete hast he went vn to Notyngham and the castell of Notyngham to hym was yolden And tho discomfited he Iohan his brother and that with hym helde And after he went vn to the Cite of wynchestre and ther he let hym croune kyng of Englond and after he went in to Normandie for to werre vpon the kyng of fraunce ¶And the kyng of fraunce come with vj.C. knyght••s toward Gisors and the kyng Richard met hym and tho wolde haue yeue hym bataille but the kyng of fraunce fledde and an hundred knyghtes of his were take and ij. hundred ste∣des were trapped with yren And anon̄ after went kyng Richard for to besege the Castell of Gaillard And as he rode vpon a day

by the Castell to take auisement of the Castell / an arbalastier smo¦te hym with a quarell that was enuenyned / & the kyng drofe oute the shafte of the quarell / but the quarellys hede aboode still in his he¦de / & it began for to rancle that ••e myght not helpe hym selfe ne me∣ue his arme•• ¶And tho he wist that he had dethes wounde that he myʒt not be hole for no maner thyng / he commaunded anone sharpe¦ly all his men fo to assaill the Castell / So that the castell was taken o•• that he died / & so manlich his men diden that all the peple that we¦re in the castell were all tak••n / & the kyng did with hē what he wold & cōmaunded his men that they shold bringe before him the mā that him so hurt & so woūded And when he come before the kyng y^• kyng axed what was his name And he said / my name is Bartram gur¦done / wherfor said the kyng hast thou me slayne / sith that I did the neuer none harme ¶Sir said he though ye did me neuer none har∣me / ye your selfe with your honde quelled my fodre & my brother And therfor I haue qnytte nowe your trauaill ¶Tho said kyng Richard he that died vpon the crosse to bringe mānes soule from py¦ne of helle foryeue the my deth / & I also foryeue it the ¶Tho cōmaū¦ded the kyng that no man shold hym mysdo / But for all the kynges defending some of his men him folowed & preuely hym quelled / & the vj. day af•• the kyng did shriuen him & sore repeutaūce hauyng of his mysdedes & was houseled & annoynted / & this kyng ne reg∣ned but ix. rere & xxxix. wekes & deide & lieth besides his fadre at founte••erard

¶Of kyng Iohan that in the first yere of his regne loste alle Nor∣mandie Ca.C.lxvj

WHen kyng Richard was dede for e••chesan that he had none heire nothir sone ne doughter his brother ••ohan was made kyng & crouned at westmynstre of Huberd that was tho Erchebisshopp of Caunterbury ¶And whan he began to regne he become so meruaillous man & went ouer in to Normādie / & werred vpon the kyng of fraunce / & so longe they werred to gedre till at the last kyng Iohan lost Normandie and Angeon / wherfor ••e was sore annoied it was no meruaille ¶Tho let he assemble be fore him at london erchebisshoppes bisshoppes abbotes & ••ours erles & barons & helde there a grete ••lemēt & axed ther of the clergie the tenthe of eue¦ry church of englond for to con••uere & gete ayene normādie & Au∣geon that he had lost And thy wold not graunte y^• thyng wherfor

he was wonder wrothe And in the same tyme died bisshopp Hu∣bert & the ••our & the cou••t of Canterbury chosen ayens the kyngs wyll to to bene erchebisshop mastir stephā of langeton a good clere that woned at the court of rome & send to the pope hir Election & the pope cōfermed it & sacred him at viterbe when y^• kyngwyst this tydyng he was wonder wroth & drofe the priour & the couēt fro Cā¦terbury & exiled hem out of englond & cōmaunded that no maner letter that come frō rome ne no manudemēt shold be vnderfonge ne pleted in Englond when this tydyng come to the pope He sent vn to kyng Iohan by his lr̄e & praied hym with good wyll & good hert that he wolde vnderfong stephan erchebisshopp of Canterburi vn to his chyrche & suffre the prior & his monkes to come ayene vn to hir own̄ duellynge but the kyng wold nat graūt it for no thyng

¶How kyng Iohan wolde no thyng done for the popes cōmaun demēt wherfor all Englond was ēterdited & suspēded Ca.C.lxvij

ANd at the last the Pope sent by his Auctorite & enioyned to the bisshoppes of Englond that yf the kyng wold noʒt vnderfong the priour of Canterbury & his monkes that they sholde done g••all interdityug thurgh out all Englond & graū¦ted full power to iiij. bisshoppes to pronounce the interdityng yf it were nede The fyrst was bisshopp williā of london & that othir bis∣shopp Eustace of Ely & the iij. was bisshopp walter of wynchestre & the iiij. was bisshopp Giles of Herford And thees iiij. bisshoppes praied the kyng knelyng on hir knees & sore wepynge y^• he wold done the Popes cōmanudement and shewed hym the bulles of the Enterditing but for no praier that they myght pray he wold not consent ther to And when the bisshoppes sawe this they went from the kyng And in the morne after the Anunciacion of out lady they pronounced the generall enterditing thurgh out all englond so that the chyrche dores were shit with keies and with othir fa∣stenyng and with walles ¶And when the enterditing was pronounced than the kyng began for to wex all out of mesure & nomme in to his honde all the possessions of the iiij. bisshoppes and of all y^• clergye thurgh oute all the lāde and ordeyned men for to kepe it that the clerkys myght not haue hir lyuyng Wherfor the bisshopes cursed all hem that put or sholde medle with holy chyrch goodes ayens the wyll of hem that hem owed. And when the kyng wolde nat cese of his malice for no maner thyng the iiij. bis∣shoppes afore said went ouer the see and went to the bisshopp of Canterbury and told hym all the thyng ¶And the

Erchebisshopp to hem said that they shold gone ayene to Canterbu¦ry & he wolde come thidder to hem or elles he wold send thidder cer∣teyn {per}sones in his stede that shold done as moch as him selfe were there And when the bisshoppes herde this they turned ayen in to en¦glond & comen vn to Canterbury The tydynge come to the kyng y^• the bisshoppes were comen ayene to Canterbury & hym self myght not come thidder that tyme he send thidder bisshoppes Erles & Ab¦botes for to trete with hem that the kyng shold vnderfonge the erche bisshopp Stephen & the priour & all the monkes of Canterbury & that he shold neuer after that tyme no thyng take of holy chyrhe a¦yens the wyll of hem that owed the goodes & that the kyng sholde make full amendes to hem of whom he had any goodes taken & that holy chyrch shold haue all fraunchises as ferforth as they had in seint Edwards tyme the confessour

¶How stephen of langeton•• come in to englond thurgh the popes cōmaundement & he went agayn Ca.C.xlviij.

WHen the fourme of accord thus was ordeyned hit was in a pair of Endentures & they put her seales vn to that one part & they that comen in the kynges name put her seal•••• to that othir part of endentures & the iiij. bisshoppes aboue said toke that o part of the endentures to hem & that othir part of the endentu¦res they bare with hem to shewe the kyng when the kyng sawe the fourme and vnderstode he held hym full wel paid of all maner thyng as they had ordeyned sauyng as touchyng restitucion of the goodes for to make ayene to that thyng he nold nat accord and so he send word ayene to the iiij. bisshoppes that they shold done oute & put a way that o ••oint of restitucion and they ansuerd that they nold not done o worde out Tho sent the kyng to the erchebisshopp by tho iiij. bisshoppes that he shold come to Caunterbury for to speke with hym ther and sent vn to hym saufcondit vuder plegges that is to seyne his Iustices Gilbert Peyte vyn̄ william de la Brener and Iohan be fitz hugh that in hir conduit saufely he shold come & gone ayene at his wyll •• in this maner the Erchebisshopp Stephen come to Canterbury And whenne the Erchebisshopp was com̄ the kyng come to Chilham for he wolde come no ner to Cannterbury at that tyme but he sent by his tresorer bisshopp of wynchestre that he shold done oute of the endentures the clause of restitucion for to make of the goodes ¶And the Erchebisshopp made his oth

that he wold neuer done oute •• worde ther of ne change of that the bisshoppes had spoken & ordeyned And tho the Erchebisshopp wente ayene to Rome withonte any more doyng Kyng ••ohan was tho wrother than euer he was before / & let make a comune crie thurgh oute all englond that all tho that had holy church rentes & went o•• the see that they shold come ayene in to englond at a certayn day or elles they shold lese hir rentes for euer more & that he cōmaūded to euery shereue thurgh out all englond that they shold enquere if any Bisshopp / Abbot / Priour / or any othir prelat of holy church fro y^• day afterward resceyued any maūdemēt that come fro the pope that they shold take the body & bring it before him / & that they shold t••∣ke in to the kynges honde all hir landes of holy church that were yeuen to any man by the Erchebisshopp stephen or by the ••our of caū¦terbury from the tyme of election of the erchebisshopp / & cōmaunded that all the wodes that were the erchebisshoppes shold be cast a dou•• vn to the grounde & all solde

¶How kyng Iohan destroied the ordre of Cisteaux Ca.C.x••••••

ANd in the same tyme the Irisshmen begonne to werre vpon kyng ••ohan / and kyng ••ohan ordeyned hym for to wende in to Irland & ••et arere an huge taxe thurgh oute all en∣glond that is to say xxxv.M. marc / and sent thurgh all Englond to the monkes of the ordre of Cisteaux that they shold helpe hym of vj.M. marc of siluer ¶And they ansuerd & said that they durst no thyng done withoute hir chief Abbot of Cisteaux / wherfor kyng ••ohan when he come ayene from Irland he did hem so moch sorwe & care that they nist where to a bide for he toke so moch raunsone of enery house of hem that the somme āmounted to ix.M.cc••. marc So that they were clene lost & destroied & voided hir hous & hir landes thurgh oute all englond / And the abbot of wauersey drad so moche his manace that he forsoke all the abbey & went thens & preuely or¦deyned hym ouer see to the hous of Cisteaux when the tydynge co∣me to the pope that the kyng had done so moche malice / tho was he to the kyngward full wroth / & sent ij. ••••gatz vn to the kyng that one was called Pandolfe & that othir durant that they shold warne the kyng in the popes name / that he shold cese of hie {per}secucion that he did vn to holy church and amende the wronge and the trespase that he had done to the Erchebisshoppe of Caunterbury and to the Priour and vn to the monkes of Caunterbury and to alle the

clergie of Englond and that he shold restore the goodes aye•• that he had taken of hem ayens hir wylle and elles they sholde curse the kyng by name and to do this thyng and to conferme the Pope to¦ke hem his lr̄es in bulles patentz ¶These ij. legatz come in to En¦glond and comen to the kyng to Northampton ther that he helde his parlement and full courteisely they hym salued and sayden Sir we ben come fro the pope of rome the pees of holy chyrche and of the land to amend And we amonest yowe fyrst in the Popi•• halfe that ye make full restitucion of the goodes that ye haue rauy¦shed of holy chyrche and of the lande and that ye vnderfonge ste¦phen Erchebisshopp of Caunterbury in to his dignite and the pri¦our of Caunterbury and his monkes & that ye yelde ayene vn to the Erchebisshopp all his landes and rents withoute any with holdyng ¶And Sir yit more ouer that ye such restitucion hem make as holy chyrche shall holde hir paied Tho ansuerd the kyng as touchyng the Priour and his monkes of Caunterbu∣ry all that ye haue said I wull gladly do and all thyng that ye wyll ordeyne ¶But as touchyng the Erchebisshopp I shall telle yow in myne hert as hit lithe that the Erchebisshopp let his bishop riche and that the Pope than for hym wold pray and than vpon a venture me sholde like some othir bisshoppriche for to yeue hym in Engloud and vpon this condicion I wold hym resceyue and vnderfong ¶And nothlees in Englond as Erchebisshopp yif he abyde he shall neuer haue so good saufconduit but he shall be take. ¶Tho said Pandolfe vn to the kyng Holy chyrche was woned neuer to discharge an Erchebisshoppe withoute cause resonably but euer the hath ••e woned to chastyze princes that to god and ho¦ly chyche were inobedient ¶What how nowe quod the kyng manace ye me Nay said Pandolfe but ye nowe openly haue tolde as it standeth in your hert ¶And to yowe we wull telle what is the Popes wylle and thus it stant that he hath yowe ho∣ly enterdited and acursed for the wronges that ye haue done to holy chyrche and to the clergie And for as moche as ye duells and beth in wylle to a byde in ma•••• and wylle not come to no•••• ammendement ye shall vnderstonde that fro this tyme afterward the scentence / is vpon yowe ye ben and holdeth stede and strength and vpon all tho that wyth yowe haue communed before this tyme wethir they bene Erles Barons or Knyghtes or any o¦thir what so euer they bene we hem o••••oyle saufely vn to this day and fro this tyme afterward of what condicion euer that they

be we hem accurse that with yowe comen / & so do we scentence vpon hem openly & specially ¶And we assoille quytely Erles Barons knyghtes & all othir maner men of hir homages seruices & feautes that they shold / vn to yowe done / and this tydynge to conferme / we yeue pleyne power to the bisshopp of wynchestre to the bisshop of nor the wych•• ¶And the same power we yeue in scotland to the bisshop¦pes of Rouchestre & of Salisbury ¶And in walys we yeue the sa¦me power to the bisshoppes of seint dauid & of landaf and of seint asse / And more ouer we sende thurgh all cristendome that all the bis¦shoppes / be yonde the see that they done accurse a••le tho that helpeth yowe or any counceill yeueth yowe in any maner nede that ye haue to done in any {per}tie of the world / And we assoille hem also all by the auctorite of the pope & cōmaunde hem also with yowe for to werre as with him that is en••mie to all holy church ¶Tho ansuerd the kyng what mowe ye done me more ¶Tho ansuerd Pandolf we sey ne to yowe in verbo dei that ye ne none heir that ye haue neuer after this day may be crouued Tho said the kyng by him that is almyʒty god & I had wist of this thing er y^• ye come in to my land that ye had me brought such tydynge I shold haue made yowe ryde all an hole yere / Tho ansuerd Pandolfe full well wende we at our first co¦myng that ye wold haue bene obedient to god & to holy churche / & haue fullfylled the popes cōmaundement / & nowe we haue shewed to yowe & {pro}nounced the popes wylle as we were charged ther with And as nowe ye haue said that if ye had wist the cause of our co∣myng that ye wold haue made vs 〈◊〉〈◊〉 all an hole yere / and as well ye myght haue said that ye wold haue take an hole yere of respite by the popes ••eue / But for to suffre what deth ye coude crdyne / we shull not spare for to telle yowe hollich all the popes message & his wylle that we were charged with

¶How Pandolfe deliuered a cler•• that had falsed & counterfated the kynges money before the kyng hym selfe Ca.C.l.

ANd anone tho cōmaunded the kyng the shereues & 〈◊〉〈◊〉 of northampton that were in the kynges presence that they shold bring forth all the ••soners that they myght bene done vn to the deth before Pandolfe for encheson the kyng wende that they wold haue gayne said hir dedes for cause of deth all thinge that he had spoken afore / Whenne the ••soners were come before the kyng the kyng cōmaunded some to be honged & some to bene drawe & some to

drawe oute hir yien oute of hir hede and amōge all othir ther was a clerc had falsed the kynges money & the kyng cōmaunde that he shold be honged & drawe And when Pandolf herde this cōmaū¦dement of the kyng he stert hym by smertely & anone axed a boke & candell & wold haue cursed all 〈◊〉〈◊〉 that set vpon the clerc any hōde And Pandolf hym selfe went for to seche a crosse & the kyng fole¦wed hym & deliuered hym the clerc by the honde that he shold done with hym what that euer he wold And thus was the clerc deliue¦red aud went thens and Pandolfe & durant his felaw went fro the kyng Iohan & come ayene to the Pope of Rome and told hym that kyng Iohan wolde not amended bene but euer abide so occur 〈◊〉〈◊〉 ¶And nothelees the pope graunted that yere thurgh oute en¦glond that men myght sing masses in couenable chyrches & make goddes body and yeve it to sike m••n that passe shold oute of this world And also that men myght cristen children oueralle

¶And when the pope wyst and saw that the kyng wold not ben vnder the rule of holy chyrche for no maner thyng the pope tho sent to the kyng of Fraunce in remission of his synnes that he sholde take with hym all the power that he myght and wende in to En∣glond for to destroie kyng Iohan ¶When this tydynge come to kyng Iohan tho was he sore annoied and sore drad left that he sholde lese his Reame and hym selfe be done to deth

¶Tho sent he to the pope messagiers and said that he wolde bene Iustified and come to ammendement in all thynges and wolde make satisfaction to all maner men after the popes ordeynaunce Tho sent the pope ayene in to Englond Pandolfe and othir messa¦giers comen to Canterbury ther the kyng abode And the xiij. day of May the kyng made an oth for to stand to the popes ordinaunce before Pandolfe the legate in all maner thynges in whiche he was accursed and that he shold make full restitucion to all men of holy chyrche and of religion and of the goodes that he had take of hem ayens hir wylle and all the grete lordes of Englond swore vpon the boke and by the holy dome that yf the kyng wolde nat holde his othe•• they said that they wolde make hym holde it by strength.

¶Tho put the kyng hym to the court of Rome and to the Po∣pe and tho yafe vp the royame of Englond and of Irland for hym and for his heires for euermore that sholde come after hym So that kyng Iohan and his heires sholde take tho ij. royams of the popes hand and sholde holde tho ij. Royamrs of the Pope as to ferme payng euery yere vn to the court of Rome a thousand marc

of 〈◊〉〈◊〉 / and tho toke the kyng the croune of his ••••rd and set hym on his knees and thee•• wordes he said in ••ering of all the grete lor∣des of englond / here I resigne vp the crount and the reame of En∣glond in to the popes ••and Innocent the iij. & put me hollich in his m••rcy and in his ordinaun•••• ¶Tho vnderfeng Pandolfe the crou¦ne of kyng Iohan & kept it v. daies as for seisyn takyng of ij. rea∣mes of ••nglond and of Irland & confermed all maner thynges by his chartre that foleweth after

¶Of the letter obligatorie that kyng Iohan made vn to the court of Rome wherfor the petre•• pen•• bene gadred thurgh oute alle En¦glond Ca.C.••••.

TO all cristen peple thurgh oute the world duelling Iohan by the grace of god kyng of ••nglond greting to yo••r vni∣uersite / and knowe thyng it be that for as moche ••s we ha¦ue greued & offended god and our modre church of Rome / and for as moche as we haue nede to the mercy of our lord Ihesu crist & we may no thyng so worthy offre as competent satisfaction to make to god & to holy church but if it were our owne body as with our ••e∣ames of englond and of Irland ¶Than by the grace of god we desire to meke vs for the loue of hym that meked hym to the deth of the crosse / thurgh coūseill of the noble Erles and baro••s we off••••n and frely grannten to god & to the apposteles seint petre and seint Paule and to our modre church of Rome and to our holy fadre the pope Innocent the thridde and to all the ropes that cometh after hym all the reame and patronages of churches o•• englond & of Irland with hir appertenaunces for remission of our sinnes and helpe and helthe of our kyn soules and of all cristen sou••••s / so that fro this ty¦me afterward we wull resceyue and holde of our modr•• churche of Rome as fee ferme doyng feaute to our holy fadre the pope Innocēt the thridde / and to all the popes that comen after hym in the maner aboue said / And in presence of the wise man Pandolfe the popes sub¦dekene we maken liege homage as it were in the popes presence and before hym were and we shull done alle maner thynges aboue said and ther to we bynden vs and alle that cometh after vs / and our ••eires for euer more withoute any gayne seyeng to the Pope and eke the ward of churche vacauntz and in token of this thyn∣ge euer for to laste we wulle conferme and ordeyne that our spe∣cialle rentes of the forsaid Royame sauyng S••int Petres pen••

in all thyng to the moder chyrch of rome payeng by yere a M. marc of siluer at ij. termes of the yere for all maner customes that we sholde done for the forsaid Royames that is to seyne at mihelmasse and at Estren that is to seyne vij.C. marc for englond and ccc. marc for Irland sauyng to vs and to our heires our Iustices & our othir fraunchises & othir realtes that ap{per}teyneth to the croune And all these thynges that before bene said we wull that it be fer¦me & stable withouten ende & to that obligacion we & our succes∣sours & our heires in this maner ben bound that yf we or any of our heires thurgh any presumpcion falle in any point ayenst any of these thyngis aboue said and he be warned & he wull nat right amend hym he shall than lese the forsaid Reame for euermore and that this chartre of obligacion & our warrant for euermore be fer¦me and stable withoute gayne sayeng we shull fro this day after∣ward be trewe to god & to the moder chirche of Rome & to the pope Innocent the thridde & to all that cometh after hym & the Reames of Englond & of Irland we shull maynten trewly in all maner pointz ayens all maner men by our power thurgh goddes helpe

¶How the clerkes that were outelawed oute of Englond come ayene & how kyng Iohan was assoiled Ca.C.••ij.

WHenne this chartre was made and enseled the kyng vn¦derfenge ayene his croune of pandolfes hande & sent anon̄ vn to Erchebisshopp Stephen & to all his othir clerkys & lewd men that he had exiled oute of his land that they shold co••e ayene in to Englond and haue ayene hir landes & hir ren••••s and that he wold make restitucion of the goodes that he had taken of hirs ayenst hir wyll ¶The kyng hym selfe tho aud Pandolfe & Erles and barons went tho vn to wynchestre ayens the Erchebis¦shopp Stephen and when he was come the kyng went ayens hym and fel a doune to his fete and said to hym fair sir ye be wellcome and I cri•• yowe mercy for ••••cheson that I haue trespased ayen•• yow•• ¶The Erchebisshopp toke hym vp tho in his armes and cus¦sed hym courtoisely ofte tymes and after lad hym to the do••e of seint Swythynes chyrche by the honde and assoiled hym of the sen¦tence and hym recōsiled to god and to holy chyrche and that waz on seint Margaretes day and the Erchebisshopp anone went for to syng masse and the kyng offred at the masse a marc of gold And when the masse was done all they went to vnderfonge all hir lan∣des withoute any maner gayne sayeng And that day they made

all myrthe and ••oye y nowe / but yit was nat the enterditing rele∣ced / for encheson the Pope had set that the enterditing shold nat ben vndone / till the kyng had made full restitucion of the goodes that he had take of holy churche and also that hym sel••e shold done homage to the Pope by a certayne legat that he shold sende in to Englond

¶Tho toke Pandolfe his leue of the kyng and of the Erchebisshop and went ayene vn to Rome / And the Erchebisshopp anone let co∣me before him prelates of holy church at reding for to trete and coū¦seill how moch & what they shold axe of the kyng for to make re∣stitucion of the goodes that he had taken of hem / And they ordeyned and said that the kyng shold yeue to the Erchebisshopp iij.M. marc for the wronge that the kyng had done vn to him And also to othir clerkes by porcions xv. thousand marc. And in the same tyme Ni¦cholas bisshopp of Tuscan Cardmall penitauncer of Rome come in to engloud thurgh the Popes commaundement the v. ••al. of Octo•• & come to london the v. nonas of Octobre for encheson that kyng ••o¦han and all the kynges that comen after him shold euermore hold the reames of englond & of Irland of god & of the Pope payeng to the pope by yere as it is aboue said

¶How the ••nterditinge was vndone in englond and of the debate that was bitwene kyng Iohan and the barons of the Reame Capitulo Centesimo quinquagesimo••ercio

WHen kyng Iohan had done his homage to the begat that shewed hym the popes lr̄e that he shold pay to ••uliane and yelde ayene that was kyng Richardes wife the iij. part of the land of Englond and of Irland that he had withholde sith that kyng Richard deide ¶When kyng Iohan herde this he was wonder wrothe / for utterlich the enterditing myght nat bene vndo∣ne till that he had made gree and restitucion to the forsaid Iulia∣ne of that she axed The legat went tho ayene to he Pope after Cri¦stemasse / and the kyng sent tho messagiers ouer see to Iuliane that was kyng Richardes wife for to haue a relese of that she axed of hym ¶And so it befell that Iuliane deide anone after Estre / And in so moch the kyng was quyte of thyng that she axed ¶But tho at the fest of Seint Iohan that come next after thurgh the Popes commaudement the enterditing was first relesed thurgh all englond the vij. day of Inyll / And vij. yere was the land enterdited / and in the morwe men ronge and said massis thurgh oute london and

so after thurgh oute all englond ¶And the next yere after ther ••egā a grete debate bitwene kyng Iohan & the lordes of englond / for en¦cheson that he wolde not graunte the lawes & hold the which seint Edward had ordeyned / & had bene vsed & hold vn to that tyme that he had hem broken / for he wold no lawe holde / but did all thing that him liked / & disherited many men withoute consent of lordes & perys of the land / and he wold disherite the good Erle Randulfe of Che¦stre for encheson that he vndertoke hym of his wikkednesse / and for cause that he did so moche shame & vilany to god & to holy churche / and also for he helde & haunted his owne brothers wife / & lay also by many othir women grete lordes doughtres / for he spared no wo∣man that him liked for to haue / wherfor all the lordes of the land were with him wonder wroth and went to london and toke the cite ¶And for to cese this debate & sorwe the kyng & the Erchebisshopp and othir grete lordes of the land of englond assembled hem before the fest of seint Iohā baptist in a medewe besides the toun of Stanes that is called Romnemede / And the kyng made hem ther a chartre of fraūchises soche as they wold axē & in soche maner they were ac¦corded and that accordement last nat f••ll longe / for the kyng him sel¦fe sone after did ayens the poyntes of the same chartre that he had made wherfor the most partie of the land of lordes assembled hem & begon to we••re vpon kyng Iohan / and brend his tounes & robbed his folke and did all the sorwe that they myght / and made hem as stronge as they myght with all hir power & thought to driue hym oute of englond / and make lowys the kynges sone of frauuce kyng of englond ¶And kyng Iohan sent tho ouer see & ordeyned so mo¦che peple of Normans and of Picardes and of Flemmynges So that the land myght not hem susteyne but with moche sorwe / And amonge all these peple ther was a man of No••mādie that was cal¦led Faukes of brent and this Normand & his companie 〈1 line〉〈1 line〉 thir church ne house of religion that they ne brend and 〈◊〉〈◊〉 it 〈◊〉〈◊〉 bare a way all that they myght take / so that the land 〈◊〉〈◊〉 all de∣stroied what in o side aud that othir ¶The barons & lordes of En¦glond ordeyned amonge hem the best spekers and wisest men / & sent hem ouer see to kyng Philipp of fraūce and praied hym that be wol¦de sende lowys his sone in to englond to bene kyng of englond and to vnderfenge the croune

¶How ••owys the kynges sone of fraunce come in to englond with a stronge power of peple to be kyng of englond Capitulo C••ntesimo quinquagesimoquarto

WHen kyng Philipp of fraunce herde this tydyng he made certeyn aliaunce bitwene hem by her cōmune election that lowys kyng Philippes sone of fraunce shold go with hem in to Englond and driue oute kyng Iohan of the lande & all that were in presence of Lowys made vn to hym homage & bicome his men And the barons of Englond helde hem still at london & abidē Lowys the kynges sone of fraunce & this was the next saturday before the Ascencion of our lord that Lowys come in to Englond with a strong poer & that tyme kyng ••ohan had taken all the castel¦les of Englond in to Aliens hondes And lowys come tho & bese∣ged at rouchestre the castell & toke it with strength & the thursday in whitsonweke let honge all the Aliens that were theryn & the thurs¦day tho next sueng he come to london & ther he was vnderfonge with mochel honour of the lordes that abyden hym ther & all to hym ma∣de homage And afterward in the tewysday next after the trinite sonday he toke the castell of Reigate & in the morwe after the castell of Gilford & the friday next after the castell of Farneham and the monday next after the cite of wynchestre to hym was yolde & in the morwe after seint ••ohanes day the Maner of woluesey & the tewis¦day aft the Vt••s of seint petre & seint paule they toke y^• castell of Odiham And the monday next after seint Magarete day he ordey∣ned hym toward beaumer for to besege the castell & ther he duelled xv. daies & myght not gete the castell & then went he thens & come to london & the Tour to hym was yolde

¶And in the same tyme the Pope sent in to englond a legat that was called Swalo & of kyng ••ohanes deth. Ca.C.lv.

ANd in the same tyme the Pope sent in to Englond a legat that was called Swalo & he was 〈◊〉〈◊〉 Cardinal of Ro∣••ne for to maynten kyng ••ohanes cause ayens the barōs of Englond but the barons had so huge part & helpe thurgh Lowys the kynges sone of fraunce that kyng Iohan wyst not whidder for to turne ne gone And so it fell that he wold haue gone to Ni∣chol & as he went thidderward he come by the Abbey of swyneshe∣de & ther he abode ij. daies And as he sate at the mete he axed amōk of the house how moche a lofe was worth that was sette before hym vpon the table And the monke said that the lofe was worth but an halfpeny. O quod the kyng tho here is grete chepe of brede Nowe quoth the kyng And I may leue such a lofe shall be

worth xx. shilling or halfe a yere begon / and when he had seid this worde moch he thought & ofte he sighed & toke & ete of the brede and said by god the worde that I haue spoken it shall bene soth / The mō¦ke that stode before the kyng was for this worde full sory in hert / & thought rather he wolde him selfe suffre pitouse deth / and thought if he myght ordeyne ther for some maner remedie / And anone the mon¦ke went to his abbot and was shriuen of hym / & tolde the abbot alle that the kyng said / and praied his abbot for to assoille hym / for he wolde yeue the kyng such a wassaille that all englond shold be glad ther of and ••oyfull / Tho went the monke in to a gardeyne & fonde a grete tode therin and toke hir vp & put hir in a cuppe and prikked the tode thurgh with a broche many tymes till that the venyme com̄ oute in euery side in to the cuppe / and tho toke he the cuppe and fylled it with good ale & brought it before 〈◊〉〈◊〉 kyng and kne••yng said / sir qd he wassaille / for neuer daies of your lyfe ne dronke ye of such a cuppe / Begynne monke qd the kyng / and the monke drank a gre¦te draught and toke the kyng the cuppe / and the kyng also dranke a grete draught & sette doune the cupp•• ¶The monke anone right wēt in to the fermorie & ther died anone on whos soule god haue mercy Amen / and v. monkes s••ng for his soule specially & shullen whi∣les the abbey stant ¶The kyng aroos vp anone full euell at ese / & commaunded to remeue the table and axed after the monke / & men told hym that he was dede for his wombe was 〈◊〉〈◊〉 in sunder

When the kyng herd this he commaunded to 〈◊〉〈◊〉 but alle it was for nought / for his bely began so to swelle for the drinke that he drā¦ke that he died withynne ij. daies the morw•• after seint lukrs day And this kyng ••ohan had fair children of his body begoten / that is to say Henry his sone that was kyng after his fadre / & Richard that was Erle of Cornewaille and Isabell that was Em{per}esse of Rome and E••••eno 〈◊〉〈◊〉 was Quene of scotland ¶And this kyng Iohan whan he had regned xvij. yere ••. mōthes and v. daies he deide in the Castell of Newerke & his body was buried at wyn∣chestre

¶Of ky••g Henry the thridde that was crouned at Gloucestre / Capitulo C••ntesimo quinquag••simosexto

ANd after this kyng Iohan regned Henry his soue and was crouned at Gloucest•••• whan he was ix. yere olde on Seint Symondes day and Iude of Swalo the legat of Rome thurgh counceille of alle the g••ete lordes that helde with

kyng Iohan his fadre that is to seyne the Erle Raudolfe of Che∣stre william Erle Marchall william Erle of Penbroke william the Brener Erle of Feriers Serle the Maule baron and all othir grete lordes of Englond helde with lowys the kynges sone of fraū∣ce And anone after when kyng Henry was c••ouned Swalo the legat helde his counceill eat Bristo we at seint Martynes fest and ther were xj. bisshoppes of Englond and of walys and of othir prelates of holy chyrche a grete nombre and Erles and Barons and many knyghtes of Englond and all tho that were at that cō¦ceill swore feaut•• vn to Henry the kyng that was kyng ••ohanes so ne And anone after the legate enterdited walys for encheson that they helde with the barons of englond also all tho that holpen or yafe coūceill to meve werre ayene the newe kyng Henry he acur¦sed hem and in the begynnyng he put in the sentence the kynges so¦ne of fraunce lowys. And nothelees the same lowys wolde nat spare for to werre for all that but went anone and toke the castell of Berkamsted and eke the castell of Herford ¶And from that day afterward the barons did so moche harme thurgh oute all Englond and principally the frnshmen that were come wyth kyng lowys wherfore the grete lordes and all the cōmune peple of Englond let hem croice for to driue lowys and his companye oute of Englond But somme of the barons and eke of the frensh men were gone to the Cite of Nichole & token the Cite and helde it to kyng lowys profit But thidder come kyng Henries men with a grete power that is to seyn the Erle Raudolfe of Chestre and william Erle Marchall and william the Brener Erle of Fe∣riers and many othir lordes with hem and yeuen bat••ille vn to Lowys men And ther was slayne the Erle of Perches and Lo∣wys men were there foule discomfited And ther was take Serle Erle of wynchestre and Humfrey de Bowne Erle of Herford and Robert the sone of walter and many othir that begonne werre ayens the kyng they were taken and lad vn to kyng Hen¦ry kyng Iohanes sone ¶Whenne the tydyng of this scom¦fiture come vn to Lowys the kynges sone of fraunce he remeued thennes and went vn to london & let shit the yates fast of the Cite And anone after the kyng sent to the burgeis of london that they shold yeld hem vn to hym and the Cite also And he wolde hem graunte all the fraunchises that euer they were woned for to ha∣ue and wolde conferme hem by his grete newe chartre vnder his grete seal And in the same tyme a grete lord that was called

Eustace the monke come oute of fraunce with a grete companie of lordes & wolde haue come in to englond for to haue holpe lowys the kynges sone of fraūce / but hubert of borugh and the v. portes with v ij. shippes tho mette with hem in the high see & assailled hē egre¦ly & ouer come hem with strength / & smyten of Eustace the monkes ••eed & token also x. grete lordes of fraunce / & put hem in to prison / & queld almost all the men that come with hem & anone drenched the shippes in the see

¶How lowys turned ayene in to fraunce & of the confirmacion of kyng Iohanes chartre Ca.C.lvij

WHen lowys herde this tydynge he drad sore to be dede & loste and let ordeyne & speke bitwene the kyng & lowys by the ••egat Swalo / & thurgh the Erchebisshopp of Caunterbu••ty & thurgh othir grete lordes that all the prisoners on that one hal¦fe & on that othir shuld be deliuered & gone quyte / & lowys him sel¦fe shold haue for his costages a M. pounde of siluer / and shold gone oute of englond & come neuer therin ayene / & in this maner was the accord made bitwene kyng henry & lowys / and tho was lowys asso¦illed of the popes ••egat thas was called Swalo of scente••••e that he was in & the barons of englond also / And after this kyng Henry and Swalo the legat and lowys went vn to Merton / & ther was the pees confermed and bitwene hem ordeyned And afterward Lo¦wys went fro thens vn to london & toke his leue / and was brouʒt with mo••hel honour at the see with the Erchebisshopp of Caunter••bury / and with othir bisshoppes / and also with Erles and baronz and so went lowys in to fraunc•• ¶And afterward the kyng and the Erchebisshopp and erles & Barons assembled hem at london at mihelmasse that next come tho sewyng and helde ther a parlement & ther were tho renewed all the frannchises that kyng Iohan graun¦ted had at Romnemede and kyng Henry tho cōfermed by his ch••r¦tre the which yit bene hold thurgh oute all englond And in that ty¦me the kyng toke of euery plough lande ij. shilling And hubert of burgh was made tho chief Iustice of englond And this was y^• iiij yere of kyng henries regne / And in the same yere was seint Tho∣mas of Caunterbury translated the .l. yere after his martirdome ¶And after it was ordeyned by all the lordes of englond that all aliens sholde gone oute of englond and come no more therin and kyng Henry toke tho alle the Castelles in to his honde that kyng

Iohan his fadre had yeue and taken vn to aliens for to kepe that helde with hym But the proude faukes of Brent richely let aray his Castell of Bedford whiche he had of the kynges yift Iohan and he helde that castell ayens kyng henries wylle with myght & strength ¶And the kyng come thidder with a stronge poer & bese¦ged the castell And the Erchebisshopp mastir stephen of langeton with a faire companie of knyghtes come to the kyng him for to hel¦pe & from the ascencion vn to the assumpcion of our lady last the sege And tho was the castell wonne & take & the kyng let honge all tho that were went in to the castell with hir good wylle for to hold the castell that is for to seyne lxxx. men ¶And tho afterward ••au¦kes hym selfe was founde in a chyrche of Couentre And ther he forswore all Englond with moche shame and went tho ayene in to his own̄ contre ¶And whiles that kynge Henry regned Edmōd of Abyngdon that was tresorere of Salusbury was consacred Erchebisshopp of Canterbury And this kyng Henry sent ouer the see vn to the Erle of Prouynce that he sholde send hym his dought in to englond that was called Elienore & he wolde wedde her and so she came in to Englond after Cristemasse & in the morwe after seint Hillarie the Erchebisshopp Edmond spoused hem to gedre at Caunterbury And at the viij. of seint Hillarie she was crouned at westmynster with moche solēpnite And ther was a swete sight bitwene hem that is to seyne Edward that was next kyng after his fadre flour of•• courtesy & of largesse & Margarete that was after quene of Scotlād & beatrice that was afterward Countesse of Britaigne and katerine that died maid in religion.

¶Of the quinzeme of godes that were graunted for the new char¦tres and of the purveaunce of Oxūford ¶Ca.C.lviij

ANd thus it befell that the lordes of Englond wolde haue somme addicions mo in the chartre of fraunchises y^• they had of the kyng & speken thus bitwene hem & the kyng graunted hem all her axyng & made to hem ij. chartres that one ys called the grete chartre of fraunchises & that othir is called the char¦tre of forest & for the graunte of these ij. chartres Prelates Erles & barons & all the cōmunes of ēglond yaf to the kyng a M. marc of siluer when kyng Henry had bene kyng xliij. yere the same yere he and his lordes Erles and barons of the Rayme went to Oxū∣ford and ordeyned a lawe in amendement of the Royame And fyrst swore the kyng hym selfe and after alle the lordes of the

Reame that they wolde hold that statute for euer more And who that hem brake shold be dede But the seconde yere after that ordinaū¦ce / the kyng thurgh counceill of Sir Edward his sone and of Ri¦chard his brother that was Erle of Cornewaille and also of othir repented hym of that othe that he had made for to hold that lawe & ordinaunce / and sent to the court of Rome to ••ene assoilled of that othe / And in that yere next comyng after was the grete derth of ••or¦ne in englond / for a quartier of whete was worth xxiiij. shillinges and the poure peple ete neteles and othir wedes for hunger / & deide many a thousand for defaute of mete ¶And in the xlviij. yere of kyng Henries regne began werre and debate bitwene hym and hi•• lordes for encheson that he had broke the couenanutz that were made bitwene hem at Oxenford / ¶And in the same yere was the toune of Northampton take and the folke slayne that were with ynne for ēcheson that they had ordeyned wyldefire for to haue brēd the Cite of london ¶And in the moneth of May that come next after vpon seint Pancras day was the bataille of ••ewes that is to seyne the wedenesday before seint Dunstones day and ther was take kyng Henry hym selfe and Sir Edward his sone and Ri∣chard his brother Erle of Cornewaille and many othir lordes /

And in the same yere next sewyng / Sir Edward the kynges sone brake oute of the warde of Sir Symond of Mountfort erle of ••ey c••stre at he reford and went to the barons of the marche and they vn¦derfenge hym with moc••el honour ¶And in the same tyme Gille¦bert of Clarence Erle of Gloucestre that was in the ward also of the forsaid Symond thurgh the commaundement of kyng Henry that wente from hym with grete hert / for encheson that he said that the forsaid Gillebert was a foole iij his counceill / wherfor he ordey¦ned hym afterd so and ••••lde hym with kyng Henry

¶And the Satirday next after the myddes of August / Sir Edward the kynges sone discomfited Sir Symond de Mount¦fort at kemlworth But the grete lordes that were ther with hym were taken that is to seyne Baldewyne wake / william of Moun∣chensie and many othir grete lordes / And the tewysday next after was the bataille done at Euesham / And ther was quelled Sir Symond de Mountfort / Hugh the Spencer / and Mountforth that was Rafe Bassettz fadre of Draiton and othir many grete lor∣des And whan this bataille was done all the gentilles that had bene with the Erle Symond were disherited / and they ordeyned to geder and did moche harme to alle the lande for they destroied

hir ennemies in all that they myght.

¶Of the siege of kēlworth & how the gentilmen were disherited thurgh counceill of the lordes of the Reame of englond & how they come ayene and had hir landes Ca.C.lix.

ANd in the yere next comyng in May the forth day beforne the fest of seint dunstan was y^• bataille and scōfiture at Chesterfelde of hem that were disherited and ther many of hem were quelled And Robert Erle of Feriers ther was takē and also Bawdewyne wake and Iohan da la hay with mochel sorwe ascaped thens And in seint ••ohanes eue the baptist tho next sewyng began the siege of the castell of kemlworth & the siege last till seint Thomas eue the appostell in which day Sir hugh hasting had the castell for to kepe that yeldid vp the castell vn to the kyng in this maner that him self & all the othirthat were withyn the ca¦stell shold haue hir lyfe & lymme & as moche thyng as they had theryn both hors & harneis & iiij. daies of respite for to deliuer clen¦ly the castell of hem self & of all othir maner thyng that they had withyn the castell & so they went from de castell And sir Simond the mountefort the yonger & the Countesse his moder were fledde ouer see in to Fraunce & ther helde hem as peple that were exiled oute of Englond for euermore And sone after it was ordeyned by the legat Octobone & by othir grete lordes the wysest of En∣glond that all tho that had bene ayenst the kyng & were disherited sholde haue ayene hir landes by grevous Raunsone after that it was ordeyned & thus they were accorded with the kyng Tho was pees cried thurgh oute all Englond & thus the werre was ended And when this was done the ••egat toke his leue of the kyng and of the quene & of all the grete lordes of Engl••nd & went tho to ro∣me the lv. yere of kyng Henries regne And Edward kyng Io∣hanes sone of Britaigne Iohan vessy Thomas of Clare Ro••ier of Clifford Othes of Grauntson Robert be Brus Iohan of ver∣don and many othir lordes of Englond aud of byyonde the see to∣ken hir way toward the holy land and the kyng Henry died in the mene tyme at westmynster when he had bene kyng lv. yere and xix wokes in seint Edmondes day the Erchebisshopp of Canterbury & he was entered atte westmynster on seint Edmondes day the kyng In the yere of ••ncarnacion of our lord ••hū crist M.CC.lxxij

¶Profecie of Merlyn of the kyng henry y^• fyrst ••••pouned y^• was

kyng ••ohanes sone ¶Ca.C.lx.

ANd of this Henry profecied Merlyn & said that a lo••be shold come oute of wynchestre in the yere of Incarnacion of our lord M.CC. and xvj. with trewe lippes & holynes se writen in his hert and he said soth for the good Henry the kyng was bore in wynchestre in the yere aboue said & he spake good wor¦des and swete and was an holy man and of good consciēce And Merlyn said that this Henry shold make the fairest place of all the world that in his tyme shold not be full ended and he said fothe for he made the newe werke of the abbey of seint Petres chyrch at westmynster that is fairer of s••ght than any othir chyrche y^• men k••owe thurgh all cristendome but kyng Henry died er y^• werke were fully made and that was grete harme ¶And yit said Mer¦lyn that this lambe shold haue pees the most tyme of his regne & he said full soth for he was neuer annoied thurgh werre ne disesed in no maner wise till a titell before his deth And yit said Merlin in his {pro}phecie more and in the regne and ende of the forsaid lam¦be a wolf of a strange lond shold done him grete harm̄ thurgh his werre And that he shold at the last bene mastir thurgh helpe of a reed fox that shold come oute of the northwest and shold hym ouercome And that he shold driue hym vn to the water and that profecie full well was knowe for withynne a litell tyme or the kyng died Simond of Mounteford Erle of Leicestre that was borne in fraunce began ayens hym strong werre thurgh whiche do¦yng many a good bachilere was shent and dede and disheated

¶And when kyng Henry had the victorie at Euesham and Si¦mond the Erle was slayne thurgh helpe and myght of Gillebert of Clare Erle of Glouchestre that was in kepyng and ward of the forsaid Simoude thurgh ordinaunce of kyng Henry that wēt ayene to the kyng with mochel power. ¶Wherfore the forsaid Simond was shent and that was grete harme to the communes of Englond that so good a man was shent for trouth and died in charite and for the commune profite of the same folk and ther for Almyghty god for hym hath Sithenes shewed many a faire miracle to diuerse men and women of the sikenesse and dissese that they haue had for the loue of hym

¶And Merlyn also told and said in his profecie that after that tyme the lambe shold loue no whylle 〈◊〉〈◊〉 than his seed shold bene in strange lande withoute Pasture ¶And he said sothe for kyng Henry leued no while after when Simond mountfort

was dede that kyng Henry ne deide anone after hym / And in the mene tyme Sir Edward his sone that was the best knyght of the world of honour was tho in the holy lande & gete there Acres / And in that contre he begate on dame Alienore his wife ••ohan of Acres his donghter that afterward was Countesse of Gloucestre / And he made in the holy land such a viage that alle the world spake of his knyghthode / and euery man dead hym high & lowe thurghoute all cristendome / as the storie of him telleth as afterward ye shull he∣re more openly / And from the tyme that kyng Henry deide / till that sir Edward was crouned kyng / all the grete lordes of englond were as fadr••les children withoute any socour that him myght maynten and gouerne and defende ayens hir dedely enemies

¶Of kyng Edward that was kyng henries sone Ca.C.lxj

ANd after this kyng Henry regned his sone Edward the worthiest knyght of all the world of honour / for goddes grace was in him / for he had the victorie of his enemies

¶And assone as kyng henry deide he come to london with a faire companie of prelatz and of Erles and barons & all maner men did hym moche honour / For in euery place that Sir Edward rode in london the stretes were couered ouer his hede with riche clothes of sil¦ke of tapites & with riche coueringe ¶And for ••oye of his comyng the noble burgeis of the Cite cast oute at hir wyndowes golde and siluer hondes full in tokenyng of loue and of wurshipp sernyses & reuerence ¶And oute of the conduit of chepe ran white wyne and re••e as stremes doth of the water and euery man ther of myght drin¦ke at hir owne wille ¶And this kyng Edward was crouned & annoynted as right heire of Englond with moc••el honour And af¦ter masse the kyng wente in to his paleis for to holde a rialle feste a¦monges hem that hym did honour / And when he was fette vn to his m••te / the kyng Alisaundre of Scotland come for to done hym honour and reuerence with a queyntize and an houndred knygh¦tes with hym well horsed and draied / And whan they were light a doune of hir stedes they 〈◊〉〈◊〉 hem gone whidder that they wolde and who that myght take hem toke at hir owne wylle withoute a¦ny chalenge ¶And afterward come Sir Edmond kyng Ed¦wardes brother a curteis knyght and a gentill of renonne / and the Erle of Cornewaille and the Erle of Gloucestre And after hem come the Erle of Penbroke / and the Erle of Garenne / And

eche of hem by hem self lad in hir honde an hundred knyghtes gay¦ly disgised in hir armes ¶And when they were light of hir hors they let hem goū whidder that hem liked and who that myght hem take to haue hem stille withoute any lette And when all this waz don•• ¶Kyng Edward did his diligence & his myght for to amēd the reame & redresse the wronges in the best maner that he myght to the honour of god & holy chyrche & to maynten his honour and to amende the noyaunce of the cōmune peple

¶How ydeyne y^• was lewelynes dought of walys ••nce & aymer y^t was y^• erles brother of moūtfort were takē in the see Ca.C.lxij

THe fyrst yere afterward that kyng Edward was crou∣ned Lewelyne prince of walys sent in to fraunce to the Erle Mountfort that thurgh counceill of his frendes the Erle shold wedde his doughter and the Erle tho avised hym vpon this thyng & sent ayene to Lewelyne & said that he wold sende af¦ter his doughter And so he sent Aymer his brother after the dami¦sell and Lewelyne arraied shippes for his doughter and for Sir Aymer and for hir faire companie that shold goo with hir

¶And this Lewelyn did grete wronge for it was couenāt that he shold yeue his doughter to no maner man withoute counceill & consent of kyng Edward ¶And so it fell that a burgeis of Bri¦stowe come in the see with wyne lade and met hem and hem toke with myght and power & anone the burgeis sent hem to the kyng ¶And when lewelyn herde this tydynge he was wonder wroth and eke sorwefull and gan for to werre vpon kyng Edward & did moche harme vn to the Englishmen & bete a doune the kynges castelles & began fast to destroie kyng Edwardes londes ¶And when tydyng come vn to kyng Edward of this thyng he went in to walys And so moche he did thurgh goddes grace and his grete poer that he drofe lewelyn vn to moche meschief that he fled all ma¦ner strength and come and yelde hym to kyng Edward and yaf hym .l.M. marc of siluer far to haue pees and toke the damisell and all his heritage and made an obligacion to kyng Edward to come to his parlement ij. tymes of the yere ¶And in the seconde yere af¦ter that kyng Edward was crouned he helde a generall parle∣ment at westmynster and ther he made the statutes for defaute of lawe by commue assent of all his baronage And at Estren next sewynge the kyng sent by his lr̄ez to Lewelyn Prince of wales that he shold come to parlement for his lande and for his holding in wales as the strength of the letter obligatorie witnessed

¶Tho Lowelyne had scorne & despite of the kynges cōmaundemēt and for pure wrath began ayene for to werre vpon king Edward and destroie his landes ¶And tho kyug Edward herde this tydin¦ge he wax wonder wroth vn to lewelyn & in hast assembled his pe¦ple and went hym toward walys & werred so vpon Lewelyn the prince till that he brought him in moche sorwe & disese ¶And Le∣welyn saw that his defence myʒt not auaille and come ayene & yel∣de hym to the kynges grace / and cried hym mercy and longe tyme kneled before the kynges fete ¶The kyng had of hym pite & com∣maunded hym for to arise / and for his mekenesse foryafe hym his wrath and to hym said / that it he trespaced ayene him an othir ty∣me that he wolde destroie him for euermore / Dauid that was lewe∣lynes brother that same tyme duelled with the kyng Edward & was a fell man and a sotill and enuious & ferre castyng and moche treson thought / and euermore helde hym stille for to wyt and aspie the kynges wylle / and euermore made good semblant / and semed so trewe that no man myght {per}ceyue his falsenesse

¶How Lewelyne thurgh eggynge of dauid his brother werred ayene vpon kyng Edward Ca.C.lx ij.

HIt was not longe after that tyme that kyug Edward ne yafe to Dauid lewelynes brother the lordshipp of frodeshā and made hym a knyght / & so mochel honour did he neuer after to no man of walys for encheson of hym / Kyng Edw••rd hel¦de his parlement at london when he had done in walys alle that he wolde & chaunged his money that tho was full cutte and rounded wherfor the cōmune peple pleyned hem wonder sore / so that y^• kyng let enquere of hem that suche trespaces diden and ccc. were at••••int of such maner falsenesse wherfor somme were honged and somme dra∣we and afterward honged ¶Aud afterward the kyng ordeyned that the sterling halpeny & ferthing shold gone thurgh out his lād and cōmaunded that no man fro that day afterward yaf ne ••effed hous of religion with lande ••••••ement with oute speciall leue of the kyng / and he that did sholde be punysshed at the kynges wylle / & the yift shold be for nought / And it was not longe after that lewelyn Prince of walis thurgh ticement of Dauid his brother a••d by bo∣the hir consence they thought to disherite kyng Edward in as mo∣che as they myʒt so that thurgh hem bothe the kynges pees was bro¦ken / And whan kyng Edward herde this / anone he sente his barōs

in to northumberland and the sur••eis also that they shold gone & take hir viage vpon the traitours Lewelyn and Dauid And wō¦der hard was for to werre tho for it is wynter in walis when in othir cōtrees is somer ¶And Lewelyne let ordeyne & well arrai•• & vitaille his good castell of Swandon & was theryn an huge nō¦bre of peple & plente of vitailles so that kyng Edward wyst not wher for to entre ¶And when the kynges me it {per}ceyued & also the strength of wales they let come in the see barges & botes and grete plankes as many as they myʒt ordeyne & haue for to gone to the forsaid castell of Swandone with men on fote and eke on hors ¶But the walshmen had so moche peple & were so stronge that they driuen he englishmen ayene so that ther was so moche prese of peple at the turnyng ayene that the charge & the berthen of hē ma∣de the barges and botes sinke And ther was drenched full many a good knyght that is to seyne Sir Rogier of Clifford Sir williā of lyndesey that was sir Iohanes sone fitz Robert & sir Richard Tanny and an huge nombre of othir & all was thurgh hir owne folie for yf they had had good espies they had not bene harmed

¶When kyng Edward herd t••lle that his peple was so drenched he made sorwey nowe But tho come sir Iohan of vessye from the kyng of aragon & brougth with hym moch folk of bachilers and of Gascoynes & were sowdiours and duellyng with the forsaid sir Iohan of vessye & vnderfonge of hym wages & with hym we¦re witholde & noble men it were for to fight & brent many tounes & queld moche peple of walshmen all that they myght take.

¶And all tho with strength and myght made assaute to the Ca¦stell of Swandon and gete the castell And when Dauid the prin¦ces brother herd this tydyng he ordeyned hym to fligh•• ¶And Le¦welyn the prince saw that his brother was flowen and sore was abasshed For he had no power to his werre for to maynten ¶And so Lewelyn gan for to flee and wend well for to haue ascaped.

But an o morwe sir Rogier Mortiemer met with hym only with x. knyghtes and set hym rounde aboute and to hym went & smote of his hede and presented hym vn to the kyng Edward And in this maner the prince of walys was taken and his hede smyten of and all his heires disherited for euermore thurgh rightfull dome of all the landes of the reame

¶How Dauid that was Lewelynes brother prince of walys was put to the deth Ca.C lxiiij.

DAuid that was the Princes brother of walys thurgh pri¦de wente for to haue bene Prince of walys / after his bro∣thers deth And vpon that sent he after walsshmen to his {per}¦lement at dinbigh and follilich made walys arise ••yens the kyng and began to meue werre ayens the kyng / and did all the sorwe & disese that he myght by his power When kyng Edward herd of this thynge he ordeyned men to pursue vpon hym / And Dauid fer¦selich him defēded till that he come to the toun of seint morice / & ther was Dauid take as he fledde and led to the kyng And the kyng commaunded that he shold be honged and drawe and smyte of his hede and quarter hym and sende his hede to london and the iiij. quartiers sende to the iiij. tounes chief of walys / for they sholde ta∣ke example aud ther of bene ware ¶And afterward kyng Edward let crie his pees thurghoute all walys and seised all the land in to his hande / and all the grete lordes that were left a lyue come to done feaute and homage to the kyng Edward / as to hir kynde lord ¶And tho let kyng Edward amende the lawez of walys that were defectife ¶And after he sent to alle the lordes of walys by his lr̄e patent / that they shold come all to his parlement And whan they were come the kyng said to hem full curteisely / Lordynges ye be well come / and me behoueth your coun¦ceill and your helpe for to wende in to Gascoyne for to amende the trespaces that me was done whan I was ther And for to entrete of ••ees bitwene the kyng of Aragon and the Prince of Morrey

¶And alle the kynges liege men Erles and Barons consen¦ted and gr••unted ther to

¶And tho made hym kyng Edward redy and went in to Ga∣scoyne and let amende alle the trespaces that hym was done in Ga¦scoyne And of the debate that was bitwene the kyng of Aragon and the prince of Morrey he cesed and made hem accorded

¶And while the good kyng Edward and the Quene Elieno∣re his wife were in Gascoyne / the good Erle of Cornewaille was made wardeyne of Englond till that kyng Edward come ayene

¶And tho enquered he of his traitours that congetted falfe∣nesse ayens hym / and eche of hem alle vnderfenge her dome after that they had deserued ¶But in the mene tyme while that the good kyng Edward was beyonde the see to done hem for to make amendes that ayens hym had trespaced ther was a fals the••e a traitour that was called Rys ap Meriedoke beg••n for to make werre ayens kyng kyng Edward and that was for

encheson of Sir Payne Tiptot wrongfully greved & disesed y^• for said Ris ap Meriedo•• ¶And when kyng Edward herd all this he sent by his lr̄ez to Ris ap Meriedok that he shold begynne for to make no werre but that he shold be in pees for his loue And when that he come ayene in to Englond he wold vndertake the quarell & done amend all that was mysdone ¶The forsaid Ris ap meriedok despised the kynges cōmaūdemēt & spared not for to do all the sorw that he myʒt to the kynges men of englond but anone after he was taken & lad to york & ther he was drawe & honged for his felonye.

¶Of the redressynge that kyng Edward made of his Iustices & of his clerkes that they had done for hir falsenesse & how he drofe the Iewes oute of Englond for her vsery & mysbeleue Capitulo Centesimo lxv.

WHen kyng Edward had duelled iij. yere in gascoyne wyl¦le come to hym for to wende ayene in to Englond and tho he was come ayen he fonde so many plaintes made to him of his Iustices & of his clerkes that had don•• so many wronges & falsenesse that wonder it was to here ¶And for which falsenes¦se Sir Thomas weylond the kynges Iustice forswore Englond at the Toure of london for falsenesse that men put vpon hym wher¦of he was atteint & proued fals ¶And anone after when the kyng had done his wylle of the Iustices ¶Tho let he enquere and aspie how the Iewes desceyued & begiled his peple thurgh her sin¦ne of falsenesse & of vserie & let ordeyne a priue parlement amonge his lordes & they ordeyned among hem that all the Iewes shold voide Englond for hir mysbeleue And also for hir fals vserie that they did vn to cristen men And for to spede and to make an ende of this thyng all the cōmunite of Englond yafe vn to the kyng the xv peny of all hir goodes meuable & so were the Iewes driuen oute of Englond ¶And tho went Iewes in to fraunce and ther duelled thurgh leue of kyng philipp that tho was kyng of fraunce

¶How kyng Edward was seised in all the londe of Scotland thurgh consent & graunt of all the lordes of scotlād Ca.C.lxvj

HIt was not longe after that Alisaunder kyng of Scot∣land nas dede And Dauid Erle of Huntyngdone that was the kynges brother of Scotland axed and clay∣med the kyngdome of Scotland for encheson that he was right full heir But many grete lordes of Scotland saiden nay wher¦for grete debate arose bitwene hem and hir frendes for as moche

that they wolde not consent to his coronacion & in the mene tyme the forsaid dauid deide And so it befell that the sa••••e dauid had iij dough t••es that worthelich were maried / the first doughter was maried to Bailloll / the seconde to Brus / the thridde to Hastinges And the for said Bailloll & Brus chalenged the land of scotland & grete deba¦te & strife aroos bitwene hem iij. for encheson that eche of hem wold haue be kyng / And when the lordes of Scotland saw the debate bi∣twene hem iij. they come to kyng Edward of englond & seised hym in all the land of Scotland as hir chief lord / And when the kyng was seised of the lordes of Scotland / the forsaid Bailloll Bru•••• Hastinges come to the kynges court & axed of the kyng whiche of hem shold be kyng of scotland And kyng Edward that was full gentill aud tre••e let enquere by the cronicles of Scotland & of the grete lordes of Scotland which of hem was of the eldest blode 〈◊〉〈◊〉 it was founde that Bailloll was eldest And that the kyng of 〈◊〉〈◊〉 land shold holde of the kyng of englond & done hym feaute & 〈1 line〉〈1 line〉 ¶And after this was done Bailloll went in to Scotland and ther was crouned kyng of scotland / And the same tyme was vpon the see stronge werre bitwene the englisshmen and the normans / but vpon a tyme the normans arriued all at douer & there they martred an holy man that was called Thomas of douer / And afterward were the normans 〈◊〉〈◊〉 that ther scaped of hem not one ¶And so ne after kyng Edward shold lese the duchie of Gascoyne thurgh kyng Phelip of fraunce thurgh fals casting of the dossepiers of the land wherfor sir Edmond that was kyng Edwardes brother ya∣fe vp his homage vn to the kyng of fraunce ¶And in that tyme the clerkes of englond graunted to kyng Edward halfendele of ho¦ly churh goodes in helping for to recouer his land ayene in Gasco∣igne And the kyng sent thidder a noble companie of his bachillers and hym selfe wolde haue wente to Portesmouth / But he was let thurgh one Maddoke of walys that had seised the Castell of Swā¦done in to his hand / and for that encheson the kyng turned ayen vn to walys at crist••mass•• ¶And for encheson that the noble lordes of englond that were sent in to Gascoyne had no comfort of hir lord the kyng they were take of sir Charles of fraunce that is to say 〈◊〉〈◊〉 Iohan of Britaigne / sir Robert Tiptot / sir Rauf Tanny ••ir 〈◊〉〈◊〉 Bardolf / & sir Adam of Cretinges / & yit at the ascencion was 〈◊〉〈◊〉 doke take in walys & an othir that was called morgan / & they we∣re sent to the tour of london & there they were beheded

¶How sir Iohan bailloll kyng of scotland withsaid his homage

& of sir Thomas Turbeluille Ca.C.lxvij.

ANd when sir ••ohan bailloll kyng of scotland vnderstode y^• that kyng Edward was werred in gascoyne to whom the ••eame of scotlād was deliuered / falsely tho ayeus his othe withsaid his homage thurgh {pro}curing of his folke / and sent to the court of Rome thurgh a fals suggestion to be assoilled of that othe that he swore vn to the kyng of englond / & so he was by lr̄ez enbul∣led / Tho chosen they of scotland doussepers for to benymme edward his right And in that tyme come ij. card••••alls frō the court of rome frō the pope Celestine for to trete of acord bitwene the kyng of frall¦ce & the kyng of englond ¶And as tho ij. Cardinals speken of a cord Thomas Turbel••••lle was take at ••••ouns & made feaute and ho¦mage to the wardeyne of Paris & to him put his ij. sones in hosta∣ge / for that he thought gone in to englond for to aspie the contre & telle hem when he come in to englond that he had broken the kynges prison of fraunce by nyʒt & said that he wold done that all englissh men & walshmen shold abowe to the kyng of fraunce / & this thynge for to bringe to the ende he swore / and vpon this couenant dedes we¦re made bitwene hem / and that he shold haue by yere a M. ponndes worth of land to bring this thyng to an ende ¶This fals traitou•• toke his leue & went thennes & come in to englond vn to the kyng & said y^• he was broken oute of prison & that he had put him in suche {per}ill for his loue / wherfor the kyng coude him moch thanke and full glad was of his comyng / And the fals thefe traitour fro that day aspied all the doyng of the kyng & also his counseill for the kyng lo¦ued hym well & was with hym full priue But a clere of englond that was in the kynges house of fraunce herd of this treson & of the falsenesse & wrote to an othir clerke that was duellyng with the kyng of englond all how Thomas Turbeluille had done his false coniectyng & all the counceill of englond was write for to haue sent vn to the kyng of fraunce / & thurgh the forsaid lr̄e that the clerke had sent fro fraunce hit was founde vpon him wherfor he was lad to london & draw••n & honged ther for his treson / And his ij. sones that he had put in fraunce for hostages were tho beheded

¶Of the conquest of Berewyke Ca.C.lxviij

WHen tho two Cardinals were wente anene in to Fraunce for to trete of the pees at Cambrey the kyng sent thidder of his erles & barons / that is to say sir edmōd his brother

Erle of laucastre & of leycestre sir henry lacy Erle of Nichol & ••••¦liain vessy a baron & of othir baronettz aboute xiiij. of the best and wysest of Englond And in the same tyme the kyng Edward toke his viage to Scotland for to werre vpon Iohan Bailloll kyng of Scotland ¶And sir Robert Roos of Berewyk fled fro the en¦glishmen & went to the scottes Aud kyng Edward went hym to∣ward Berewyk & beseged the toune And tho that were withyn manlich hem defended & sette a fire & brende ij. of kyng Edward is shippes and said in despite and reproue of hym ¶Wende kyng ed¦ward with his longe shankes To haue gete Berewyk all our vnt hankes Gas pikes hym And when he has don Gas dikes hym

〈◊〉〈◊〉 When kyng Edward herde this scorne anone thurgh his mygh tynesse he passed ouer the dikes assailled the toune and come to the yatys and gate and conquered the toune and thurgh his graci∣ous power queld xxv. thousand and vij.C. Scottes And kyng Edward lost no man of renonne saue sir Richard of Cornewaille and hym quelled a flemmyng oute of the rede hall with a qua∣rell as the forsaid Richard did of his helme and commaunded hem for to yelde hem and put hem to the kynges grace and the scottes ••olde not wherfor that halle was brent and cast a doune and all tho that were withyn were brent And kyng Edward lost no mo men at that viage of simple estate but xxviij. Englishmen

And the wardeyne of the Castell yafe vp the keyes withoute any assaute And ther was taken william douglas and Sir Si¦mond feisell and the Erle Patrike yeld hem to the pe••s but Ing¦ham of Huuisremlle and Robert the Brus that were with the kyng Edward forsoke kyng Edward and helde with the Scot¦tes and afterward they were take and put in to prison and af∣terward the kyng foryaf hem hir trespace and deliuered hem out of prison ¶And tho let kyng Edward close in Berewyk with wallys and with dyches. And afterward Robert Rous went to Tyndale and sette wuyebrugge a fire and Exham and Lamerstoke and queld and robbed the folk of the contre And afterward he went fro thennes vn to Dumbarre And the fyrst wedenesday of Marche the kyng sent the Erle of Garenne Sir hugh Percy and Sir hugh Spencer with a faire companye for to besege the Castell But one that was called Sir Richard Sy∣ward a traitour a fals man ymagyned for to begile the En∣g••••sshmen and sent to the Englisshmen hem for to desceyu•• And said that he wolde yelde to hem the Castell yf they wolde

graunte hem viij. daies of respite / that he myʒt send & tell to sir Io∣han bailloll kyng of scotland / how his men ferde that were with in the Castell & send him word if that he nold rem••••e the stege of the englisshmen that they wold yelde the Castell to englisshmen ¶The messagier tho come to sir ••ohan bailloll kyng of scotland ther that he was with his host & his message told hym ¶And sir ••ohan to¦ke tho his host & come in the morwe erly toward the castell / ¶And sir Richard siward saw hym come that was mastir of the counseil & keper of the castell & said vn to the englisshmen O god qd he now I see of folke a fair companie & well appailled I wull go ayen•• hem & with hem to mete & hem assaill•• ¶And sir hugh the Spencer saw the falsenesse of him & the treson & said to hym O traitour take & proued your falsenesse shall nat auaile yow / And hugh the spen¦cer cōmaunded anone for to bynde him & in all hast went ayens hir enemies & qneld of the scottes xxij.M. For the scottes had that ty∣me no man with hem of honour sauf sir Patrik graham that man∣lich faught & longe & at the last he was queld / And tho said the en¦glisshmen in reproue of the Scottes These scaterand scottes hold I for sottes of wrenches vnwarre / Erly in a mornyng in an euel timyng went ye fro diinbarre

WHen tho that were in the Castell saw the scōfitur•• they yol∣den the castell vn to englisshmen & ••ounden hir bodies lon∣des & Castelles to the kyng Edward / & so they were take ther in the castell iij. Erles and vij. barons & xxviij. knyghtes and xj. clerkes & vij. Picardes & all were presented to kyng Edward and he sent hem to the tour of london to bene kepte there

¶How kyng Edward of his grete grace deliuered ayene the Scot¦tes out of prison that were chiuetayns of the land and they drowe hem to the frensshmen thurgh coūceill of williā waleys Ca.c.lxix

WHen kyng Edward had made tho an ende of the werre & taken the chiuetayns of Scotland / tho come sir Iohan ba¦illoll & yelde hym to kyng Edward & put hym in his 〈◊〉〈◊〉 / & he was lad to london / and whan kyng edward was come 〈◊〉〈◊〉 / they were brought before him / & the kyng axed of hē how they wolde make amendes of that trespas & losse that they had done him & they put hē in his mercy / Lordingis qd the kyng I wull not yo∣ur landes ne none of your goodes but I wull that ye make to me an othe vpon goddes body to ben trew•• to me & neu after this tyme ayens me bere armes / & all they cōsented to the kynges wyll & swo••e

vpon goddes body ¶That is to seyne sir Iohan of Comyn•• / & the Erle of the strathorne the erle of Carryk and also iiij. bisshoppes vndertoke for all the clergie and so the ky••g deliuered hem & ya••e hem saufconduit to wende in to hir owne lande And it was not longe afterward that they ne arisen ayene kyng Edward For en¦cheson that they wyst well that kyng Edwardys folk was take in Gascoyne as before is said but sir Iohan Bailloll kyng of scot¦land wyst well that his land sholde haue forwe & shame for hir falsenesse & in hast went hym ouer the see to his owne landes and ther helde hym & come neuer more ayene wherfor the scottes chosen to hir kyng william walei••••a ••••baud & an harlot comen vp of noʒt & moche harme did to the englishmen ¶And kyng edward thouʒt how he myght haue deliueraunce of his peple that were taken in ga¦scoyne & in hast went ouer the see in to flaundres for to werre vp on the kyng of fraunce And the erle of flaundres vnderfeng hym with moc••el honour & graunted hym all his landes at his owne wyll ¶And when the kyng of fraunce herd telle that the kyng of englond was arrined in flaundres & come with an huge poer him for to destroie he praied him to trews for ij. yere so that english mar¦chantz & also frensh myʒt saufely gone & ••om̄ in bothe sydes ¶The kyng Edward graunted it so that he must haue his men oute of •• son that were in Gascoyne & the kyng of fraunce graunted an••••e & so they were deliuered ¶And in the same tyme the scottes sent by the bisshopp of seint Andrewes in to frannce to the kyng & to sir Charlys his brother that sir Charlys shold come with his power & they of scotland wold come with hir poer And so they shold gone in to englond that land for to destroie from scotland till that they come to kent And the scottes trust moche vpon the frenshmen but of that thyng they had no maner graūte ¶And nothelees the scottes begōne to robbe & quelle in northūberlād & did moch harme

¶How william walleis let s••ee sir Hugh of Cressyngham & of the bataille of Fonkirke Ca.C.lxx.

WHen this tydyng was come to kyng Edward that williā walleis had ordeyned such a strong poer and that all scot¦land to hym was attendant aud redy to quelle English¦men and to destroie the lande he was sore annoied and sent anon̄ ••y letters to the Erle of Garren and to Sir Henry Percy and to Sir William latomer and to Sir hugh of Cressyngham his treso¦rer that they shold take poer and wende in to Northumberland & so forth in to Scotland for to kepe the contreis And when

william waleys herde of hir coming he gan for to flee and the En¦glisshmen him folewed and drofe him till he come to Striue••yn / and ther he helde him in the Castell ¶And the walsshmen eue••y day hē escried and manaced / and did all the despite that they my••t ¶So that the englisshmen vpon a tyme in a mornyug wente oute from the Castell the mountaunce of x. myle and passed ouer a brugge And william waleis come with a stronge power & drofe hem a bake / for the englisshmen had ayens him tho no myʒt but fled & they y^• myʒt take the brugge ascaped / but sir hugh the kynges tresorer ther was slayne and many othir also / wherfor was made moche sorwe / Tho had kyng Edward sped all his nedes in Flaundres and was a yene come in to englond / and in haste toke his wey toward Scot∣land and come thidder at asc••ncion tyde / And all that 〈◊〉〈◊〉 founde be sette a fire and brend / But the poure peple of Scotland come to him wonder thikke and praied him for goddes loue that ••e wol¦de haue on them mercy and pite / wherfor the kyng tho commaun∣ded that no man sholde done harme to hem that were yolden to him ne to no man of ordre ne to no ••ous of religion ne no maner chirch But let aspie all that he myʒt wher that he myght finde any of his enemies / Tho come a spie to the kyng and tolde him 〈◊〉〈◊〉 the Scot¦tes were assembled for to abyde bataille / and on seint marie Mag∣dalen•• day the kyng come to fonkirke and yafe bataille to the scot¦tes And at that bataille were quelled xxviij. thousand and of Englisshmen but xxviij. and no mo of the whiche was a worthy knyght slayne that was a knyght an hospiteler that was called Frere Brian ••ay ¶For when william waleys fled from the bataille / that same Frere Brian him pursued forselich and as his hors ran it st••rt in to amere of mareys vp to the bely ¶And william waleis turned tho ayene and there quelled the forsaid Brian / and that was moche harm•• ¶And that while kyng Ed¦ward wente thurgh Scotland for to enquere if he myght finde a∣n•• of his ennemies And in that land he duelled as longe as him liked / and ther was none enemie that durst him abide ¶And sone afterward kyng Edward went to southampton for he wol∣de not abide in Scotland in winter seson for esement of his peple / And whan he come to london he let amende many mysdedes that we¦re done ayens his pees and his lawe while that he was in Flaun¦dres

Of the last mariage of kyng edward & how he wēt y^• iij. tyme in 〈◊〉〈◊〉 Ca.C.lxxj

ANd aftward it was ordeyned thurgh the court of Rome that kyng Edward sholde wedde dame margarete kyng Philippes ••uster of fraunce and the ••rhebisshopp Robert of wynchelsee spoused hem to gedre thurgh which mariage there waz made pees bitwene kyng Edward of Englond & kyng philipp of fraūce ¶Kyng Edward went tho the iij tyme in to Scotland and tho withyn the fyrst yere he had enfamined the londe so that ther left not on that ne come to his mercy sauf tho that were in the castell of Estreuelyne that was well vitailled & astored for vij. yere

¶How the castell of Estreuelyne was beseged ¶Ca.C.lxxij

HYng Edward come with an huge power to the Castell of Estreuelyn & beseged the castell but it litell a vailled for he myʒt do the scottes none harme For the castell was so stronge & wel y kept ¶And kyng Edward saw that & thought hym vpon a queyntize & let make anone there ij. pe••re of high gale wes before the tour of the castell & made his othe that as many as were in y^e castell were he erle or baron & he were take with strēgth but yf he wold the rather hym yelde he sholde bene honged vpon the gale we•••• ¶And when tho that were in the castell herd this they come and yelde hem all to the kynges grace and mercy And the kyng foryafe hem all his maletalent And ther were all the grete lordes of Scotland swore to kyng Edward that they shold come to london to euery parlement & shold stonde to his ordinaunce

¶How troylebastonne was fyrst ordeyned Ca.C.lxxiij

THe kyng Edward went thens to london and went haue had reste & pees of his werre with which werre he was acupied xx. yere that is to seyne in wa••ys in gascoyne & in Scotland And thought how he myght recouer his tresour that he had spended aboute his werre & let enquere thurgh the reame of all mystakynges and wronges done thurgh mysdoers in englond of all the tyme that he had bene oute of his reame that men called Troillebaston And ordeyned ther to Iustices & in this maner he recouered tresour withoute nombre. And his encheson was for he had thought for to haue gon in to holy land for to werre vpon goddes enemies For encheson that he was croised longe tyme be∣fore And nothelees that lawe that he had ordeyned ded moche good thurgh all Englond to hem that were mysbode For tho that trespaced were well chastized and afterward the meker

and the better / & the poure cōmunes were in rest & in pees / And the same tyme kyng Edward enprisoned his owne sone Edward for encheson that walter of langeton bisshopp of Chestre that was the kynges tresorer had made vpon hym complaint / & said that the for said Edward thurgh coūceill & {pro}curement of one piers of Gana∣stone a squyer of Gascoyne had broke the parkes of the forsaid bis∣shopp / & the forsaid piers coūceilled & lad the same edward And for this cause kyng edward exiled his sone out of englond for 〈◊〉〈◊〉 more

¶Of the deth of william waleis the fals traitour Ca.C.lxxiiij

ANd when this kyng Edward had his enemies ouer come in walys Gascoyne & in Scotland and destroied his trai∣tours but on••••ch that ribaude william waleys that neuer to the kyng wold hym yelde and at the last in the toune of seint do meni•• in the yere of kyug Edwardes regne xxxiij. that fals trai∣tour was take & presented to the kyng / sauf the kyng wolde not see hym but sent hym to londōn to vnderfonge his ••ugement & on seint Bartholom•• wes eue he was honged and drawe / & his hede s••••yten of and his boweles take oute of his body and brende / and his body quartred and sent to iiij. ••he best tounes of Scotland / and his hede sette vpon a spere & sette vpon london brugge in example that the Scottes sholde haue in mynde for to ••ere hem amys ayens hir liege ••••rd eftsones

¶How the Scottes comē to kyng Edward for to amende hir tre∣space that•• they had done ayens hym Ca.C.lxxv.

ANd at Mihelmasse tho next comyng kyng Edward held his parlement at westmynstre & thidder come the Scottes that is to seyne the bisshoppe of seint Andrewe Robert 〈◊〉〈◊〉 Brus Erle of Carryk / Symond the frisell Iohan the Erle of ••∣thell / and they were accorded with the kyng and bounde and by othe sworne / that afterward yf any of h••m ••isbere hem ayens kyng Edward that they shold bene disherited for euer more / And whan hir pees was thus y made / they toke hir ••eue priuelich and wente home to hir coutre.

¶How Robert the Brus chalanged Scotland Ca.C.lxxvj

ANd after this Robert the Brus Erle of Carryk sente by his lr̄e to the Erles and Barons of Scotland that they shold come to hym to Scone in the morwe after the 〈◊〉〈◊〉 〈◊〉〈◊〉 of our lady / for high nedes of the land and the lordes come 〈◊〉〈◊〉

the day assigned And at the same day Sir Robert the Brus said fair lordes full well ye knowe that in my {per}sone duell••d the right of the Reame of Scotland & as ye wyte well am right full ••eir Sith that sir ••ohan Bailloll that was our kyng vs hath forsake & lef••e his lande ¶And though it so be that kyng Edward of en¦glond with wrongfull power hath made me to hym assente ayens my wyll yf that ye wyll graunte that I be kyng of Scotland I shall kepe yowe ayens kyng Edward & ayens all maner men & with that worde the abbot of scone arose & before hem all said that it was reson for to helpe hym & the lande to k••pe & defende And tho said in presence of hem all that he wold yeue hym a M. pounde for to maynten that land & all the othir graunted the land to hym & with hir poer hym for to helpe & defied kyng Edward of englond & said that Robert the Brus shold be kyng of Scotland

¶How sir Iohan of Comyn gainesaid the crounyng of Sir Ro¦bert the Brus Ca.C.lxxvij

LOrdynges said sir Iohan of Comyn thenketh vpon the truthe & the othe that ye made vn to kyng Edward of ēglond & touchyng my self I wyll nat breke myne othe for no man & so he went fro that companie at that tyme wherfore Robert the Brus & all that to hym consented were wonder wroth and tho manaced sir Iohan of Comyn▪ ¶Tho ordeined they an othir conceill at donfris to the which come t••e forsaid Sir Iohan Comyn he duelled but ij. myle from donfris ther that he was wo¦ned for to soiourne and abyde

¶How sir Iohan was treitoursely queld Ca C.lxxviij.

WHen Robert the Brus wyst that all the grete lordes of Scotland were come to scone 〈◊〉〈◊〉 sir Iohan Comyn y^• soiourned tho nygh scone he sent after hym specially that sir Iohan Comyn shold come & speke with hym & vpon that he sent after hym Iohan Comyns his brother & praied hym for to come & speke with hym at the gray freris at donfris & that was the thursday after Candelmasse & sir Iohan graunted hym for to wend with hym ¶And when he had herde masse he toke a so••••e & drank and afterward he bestrode his palfray and rode his way & so come to donfris And Robert the brus saw hym come at a wyn¦dowe as he was in his chambre and tho made Ioie y nowe 〈◊〉〈◊〉 ••ome ayens hym and colled hym aboute the nek and made 〈◊〉〈◊〉 hym good semblant. ¶And when all the Erle•• and ba•• 〈◊〉〈◊〉

of Scotland were present ••Robert the Brus spake and said Sires qd he ye wit well the encheson of this comyng and wherfor it is yf ye wull graunte that I mote be kyng of Scotland as right he••r of the lande and all the lordes that were there said with one vois that he shold be crouned kyng of Scotland a•••• that they wolde hym helpe and maynten ayens all maner men on lyfe and for hym yef it were nede die ••The gentill knyght tho Iohan of Comyne ansuerd and said Certes neuer for me ner for to haue of me as moche helpe as the value of a botonne For that othe that I haue made to kyng Edward of Englond I shall hold while my lyfe last and with that worde he went fro the com∣panie and wold haue went vpon his Palfray And Robert the Brus pursued hym with a drawe swerd and bare hym thurgh the body and Sir Iohan Comyn felle doune to the erthe But when Rogier that was Sir Iohan Comyns brother saw the fa••¦senesse and stert to Sir Robert the Brus and smote hym with a knyfe but the fals traitour was armed vnder So that the stroke myght do hym none harme And so moche helpe come aboute Sir Robert the Brus So that Rogier Comyn was there quelled and all to hewe in to smale peces.

And Robert the Brus turned ayene ther that Sir Iohan Comyn the noble baron lay wounded and pyned toward his deth besides the high auter in the chyrche at the gray freris & said vn to Sir Iohan Comyn O traitour thou shalt be dede and ne∣uer after let myne a vauncement and shoke his swerd at the high au••er and smote hym on the hede that the brayne fyll adoune vp on the grounde and the blode stert an high vpon the walles And yit vn to this day that blode is sene ther that no water may wassh it away & so died that noble knyght in holy chyrche

ANd when the traitour Robert the Brus saw that no man tho wold let his coronacion he commaunded all hem that were of power shold come to his crounyng to seint Ioha∣nes toune in Scotland And so it befell that on our lady day of Annunciacion the bisshopp of Glastone and the bisshopp of seint Andrewe crouned for hir kyng Robert the Brus in seint Ioha∣nes toune and made hym kyng And anone after he drofe oute all ••he Englishmen oute of Scotland and they fled and come and ••••layned vn to kyng Edward how Robert the Brus had driue ••••m oute of the land and disherited hem.

¶How kyng Edward dub••ed at w••stmynster xxiiij. score kny∣ghtes Ca.C.lxxx

ANd whan kyng edward ••erde of this meschief ••e swore y^• he wolde ther of ••ene auenged / and said that alle the trai∣tours of Scotland sholde bene honged & drawe & that they shold neuer ••e raunsomed ¶And kyng edward thouʒt vpon this falsenesse that the Scottes had done / & send after all the bachillerie of ēglond that they shold come to london at witsontyde / •• he dub••ed at westmynstre xxiiij. score knyʒtes ¶Tho ordeyned hym the noble kyng Edward for to wende in to scotland to werre vpon Robert y^• Brus / & sent before hym in to scotland sir Aymer the valaunce er∣le of Penbroke & sir henry Percy baronn with a fair cōpanie that pursued the scottes & brend tounes & Castelles / and afterward co¦me the kyng hym selfe with erles & barons a fair companie /

¶How Robert the Brus was scomfited in bataille & how Sy∣mond Frisell was slayne Ca.C.lxxxj.

THe friday next before the assumpcion of our lady kyng ed¦ward mette Robert the Brus beside seint Iohanes toune in scotland & with his companie / of which companie kyng Edward queld vij.M. ¶Wh••n Robert the Brus saw this meschi¦••f / he gan to flee & hid him that no man myʒt him finde But sir sy¦mond Frisell pursued him sore / so that he turned ayene & abode ba∣taille / for he was a worthy knyght and a bolde of body / and the en∣glisshmen pursued euer sore in euery side and queld the stede that sir Symond Frisell rode vpon / aud they toke him and lad him vn to the hoste ¶And sir Symond began for to flat••r & speke faire / and said / lordes I shall yeue yow iijj.M. marc of siluer and myn horse myne harneis & all myue armure / and become a begger ¶Tho an∣suerd Theobaude of Peuenes that was the kynges archier / Nowe god me so helpe it is for nought that thou spekest / for all th•• 〈◊〉〈◊〉 in englond I wolde the nat let gone withoute commaundement of kyng Edward ¶And tho was he lad to kyng Edward and the kyng wold not see hym but commaunded to ••ede hym a way to haue his dome at london / and on our ladies euen natiuit•• he was honged and drawen and his heed smyten of and honged ayene with cheynes of yren vpon the galewes And his hede was sette vpon london h••ugge vpon a spere / and ayenst Cristemasse the body was brend / for encheson that the men that k••••te the body by nyght they sawe so many deueles raumpand with grete Iren

crokes rennyng vpon the Gale wes and horribe••••ch turmented the body and many that hem saw anone after they died for dr••de and some woxen madde or sore sikenesse they had And in that bataille was take the bisshopp of Baston the bisshopp of seint Andr••w••s and the Abbot of scone all armed with yren as men of armes as fals traitours and fals prelatz ayens hir othe & they were brouʒt to the kyng and the kyng sent hem to the Pope of Rome that he shold done with hem what his wyll were

¶How ••ohan erle of atheles wat take & put to the deth Capitul•• Centesimo lxxxij.

ANd at that bataille fled Sir Iohan Erle of Atheles & went in to a chyrche & ther hyd hym for drede but he myʒt haue there no refute for encheson that the chyrch was en∣dited thurgh a generall sentence & in the same chyrche he was take ¶And this sir Iohan went well haue had scaped from the deth / for encheson that he claymed kynered of kyng Edward And the kyng nold no lenger be taried of his traitours but sent hym to lon¦don in hast & there he was honged & his hede smy••en of & his body brent all to ass••his But at the praier of the Quene Margarete for encheson that he claymed of kyng Edward kynred his drawyng was foryeue hym

¶How Iohan that was william walleys brother was put to the deth Ca.C.lxxxiij.

WHen the grettest mastirs of Scotland were thus done to euel deth & shended for hir falsenesse Iohan that was wi¦liam walleis brother was take and done to deth as Sir Iohan erle of atheles was

¶How Robert the brus fled from scotland to Norwey Capitulo Centesimo lxxxiiij.

ANd at that same tyme was Robert the brus moche hated amonge the peple of Scotlād So he wyst not what was for to done & for to hide hym he went in to Norwey to the kyng that had spoused his suster & ther helde hym socour for to ha¦ue ¶And Robert the brus myght not befounde in Scotlād kyng Edward tho let crie his pese thurgh oute all the land & his lawes were vsed and his ministres serued thurgh oute all the land

¶How kyng Edward died Ca.C.lxxxv.

WHen kyng Edward had abated his enemies he turned a yene southward & a maladie toke hym at burgh vp sand in the marche of Scotlād & he wyst well that his deth waz

full nygh & called to him sir henry the lacy erle of Nichol / sir Guy¦erle of warrewyke sir Aymer va••ence erle of penbroke / and sir Ro¦bert of Clifford baronn & praied hem vpon the faith that they hym owed that they shold make Edward of Carnariuan kyng of En∣glond his sone as rathe as they myʒt / and that they shold nat suffre piers of Ganeston come ayene in to englond for to make his sone to vse riotte / and they graunted him with good wyll / And the kyng toke the sacrament of holy church as a good cristen mā shold & deide in verray repētaunce / & when he had be kyng xxxv. yere he deid and was buried at westmestre with mochel solempnite vpon whos sou¦le god haue mercy Amen

¶Of Merlyns {pro}phecies that were declared of kyng edward that was kyng ••enries sone Ca▪ C.lxxxvj.

ANd of this kyng Edward {pro}phecied Merlyn & called him a dragon the second kyng of the vi. last kynges that shold be for to regne in englond / and said that he shold be medled with mercy & also with strength & sternesse that shold kepe englōd fro colde & hete / & that he shold open his mouth toward walis / & that he sholde set his o foot in wyke / & that he shold closen with walles y^• shold do moch harme to his seed / And he said soth for the good kyng Edward was medled with mercy & with fersenesse with mercy a yens his enemies of walys and after of Scotland / with fersenesse whan he put hem to deth for hir falsenesse & traitrie as they had de∣serued it ¶And well kept he englond from colde & hete sith he kepte it from all maner enemies that ronne vpon hym to done hym any wronge ¶And well he opened his mouth toward walys & made it quake thurgh the hidour of his mouth when he cōquerd it thurgh dynt of swerd / for the prince ••ewelyne and Dauid his brother Ri•• and morgan were put vn to the deth for hir falsenesse and hir foly ¶And he sette his o foot in to wyke / and conquered Berewyke at the which conquest were slayne xxv. thousand and vii. houndred outetake hem that were brend in the reed halle ¶And the walles that he let make shall be noyous vn to his ••eed as men shull here af¦ter see in the lyfe of Sir Edward of Carnariuan his sone

¶And yit Merlyn saide that he shold make riuers renne in blode & with brayne / and that semed well in his werres ther that he had the mastrie ¶And yit Merlyn said that ther shold come a peple oute of the north west during the regne of the forsaid dragon that shuld be lad by an ylle grehounde that shold the dragon Croune kyng that afterward shold flee ouer the see for drede of the drag••n

withoute comyng ayene and that was proued by Sir Iohan ba¦illoll that kyng Edward made for to bene kyng of scotland that falsely arose ayens hym and after he fledde vn to his owne landes of fraunce & neuer come ayene in to scotla••d for drede of kyng Ed¦ward ¶And yit said Merlyn that peple that shold bede the forsaid Grehond shold be faderles vn till a certeyne tyme & he said soth for the peple of scotlād gretely were disesed sith that sir Iohan bailloll hir kyng fled from scotland ¶And yit said Merlyn that the son̄e shold become in his tyme as reede as any blode in tokenyng of gret mortalite of peple & that was well knowen when the scottes were slayne ¶And sith said Merlyn that ylke dragon shold norissh a fox that shold meue grete werre ayenst hym that shold not in his tyme bene ended And that semed well by Robert the Brus that kyng Edward norisshed in his chambre that sithenes stale away and meued grete werre ayens hym which werre was nat ended in his tyme ¶And afterward Merlyn told that this dragon shold bene hold the best body of all the world & be said sothe for the good kyng Edward was the worthiest knyght of all the world in his tyme ¶And yit said Merlyn that the dragon shold die in the marche of an othir lād & y^• his lād shold be longe withoute any good keper & that men shold we••e for his dethe from the Ile of she pey vn to the Ile of marcyll ¶Wherfor allas sholde be hir cōmu¦ne songe amonge peple fadreles in the land wasted & that {pro}fecie was knowe ouerall full well For the good kyng Edward died at Burgh vp sandes that is vpon the marche of Scotland wher¦for the Englishmen were discomforted & sorowed in northumber land ¶For encheson that kyng Edwardes sone sette by the Scot¦tes no force for the Riott of piers of Ganaston wherfor allas waz the songe thurgh oute all englond For defaute of a good wardeyn from the Ile of shepey vn to the Ile of marcyll the peple made mo∣che sorwe for good kyng Edwardes deth ¶For they wende that good kyng Edward sholde haue gone in to the holy lande for that was hollyche his purposse vpon whos soule god for his high grace haue mercy

¶Of kyng Edward y^• was kyng edwardes sone Ca.C.lxxxvij

ANd after this kyng Edward regned Edward his sone that was bore in Carnariuan and this Edward went in to fraunce & spoused Isabell the kynges dought of fraūce

the xxv. day of Ianiuer at the churche of our lady at Boloigne In the yere of our lord Ihesu crist a.M.CCC.vij. and the xx. day of Feuerer the next yere that come after he was crouned solemplich at westmynstre of the Erchebisshoppe Robert of wynchelsee and of the Erchebisshopp of Caunterbury / and ther was so grete prece of peple / that Sir Iohan Bacwell was dede and murdred

¶And anone as the good kyng Edward was dede / Sir Ed∣ward his sone kyng of Englond sente after Piers of Ganastone in to Gascoyne and so moche loued hym that he called him his bro¦ther / and anone after he yafe hym the lordshipp of wallyngford / and it was not longe after that he ne yafe hym the Erledome of Cornewaille ayens alle the lordes wyll of the Roya••••e

¶And tho brought he Sir walter of langeton bisshopp of Chestre in to prison in to the tour of london with two knaues allone hym to serue For the kyng was wroth with hym / for cause that Sir walter made compleint vpon hym to his fadre / wherfore he was put in to prison in the tyme of Troilebastone / And the forsaid Piers of Ganastone made so grete mastries that he wente in to the kynges tresorie in the Abbey of westmynstre and toke the table of gold with the trestelles of the same / and many othir riche ••ewe∣les that some tyme were the noble and good kyng Arthures and toke hem to a marchant that was called Aymery of Friscomban∣de / For he shold bere hem ouer the see in to Gascoigne & so he wente thens / and they come neuer ayene after / wherfor it was a grete los∣se vn to this land ¶And whan this Piers was so richely auaunced he become so proude and so stoute / wher of alle the grete lordes of the Reame had hym in despite for his grete beryng / wher for Sir Henry the lacy Erle of Nichol / and Sir Gny Erle of warrewyke the whiche good lordes the good kyng Edward Sir Edwardis kyng of Englond his fadre charged that Piers of ga¦nastone shold not come in to Englond for to bringe his sone Ed∣ward in to Riott ¶And alle the lordes of Englond assem∣bled hem at a certayn day at the freres prechours at london and spe¦ken of the dishonour that kyng Edward did vn to his Royame and to his croune and so they assented all bothe Erles and cōmu¦nes that the forsaid Piers of Ganastone sholde bene exiled oute of Englond for euer more and so it was done for he forswore En¦glond and wente in to Irland and ther the kyng made hym 〈◊〉〈◊〉 uetayne and gouernour of the land by his commission and 〈◊〉〈◊〉 this Piers was chiuetayne of all the land / and did ther a••le 〈◊〉〈◊〉

hym lyked and had power what ••e wolde and that tyme were the templers exiled thurgh all cristiente for encheson that men put vp on hem that they sholde don̄ thyng ayens the feyth and good be leue ¶Kyng Edward loued Piers of Ganesto•• so moche that he myght nat forlete his companie & so moche the kyng yafe & be∣hight to the peple of Englond that the exilyng of the forsaid piers sholde bene reuoked at stamford thurgh hem that hym had exiled wherfor piers of Ganastone come ayene in to Englond And whē he was come ayene in to this land he despised the grettest lordis of this land and called sir Robert of Clare Erle of Gloucestre hore∣sone And the Erle of Nicholl sir henry the lacy brostebely and sir Gny Erle of warrewik the blake hounde of Arderne and also he called the noble erle and gentill Thomas of Lancastre Cherle and many othir scornes and shame hem said and by many othir grete lordis of englond Wherfor they were to wardys hym full angry & sore annoied And in the same tyme died the Erle of Nichol but he charged or he was dede Thomas of Lancastre Erle that was his sone in lawe that he shold maynten his quarell ayens the same Pi¦ers of Ganastone vpon his beneson ¶And so it was ordeyned thurgh helpe of the Erle of Lancastre and of the Erle of warre∣wyke that forsaid sir Piers was beheded at gauersich besides war¦rewyke the xix. day of Iun̄ in the yere of grace a M.ccc. and xij. wherfor the kyng was sore annoied and praied god that he myʒt see that day to bene a venged vpon the deth of the forsaid Piers

¶And so it befell afterward as ye sh••ll here allas the tyme For the forsaid Erle of Lancastre and many othir grete barons were put to Pitons deth and martred for encheson of the forsaid querell

¶The kyng was tho at london and helde a parlement and ordey∣ned the lawes of sir Symond Mo••nfort wherfor the Erle of lan¦castre and the Erlys and all the clergie of Englond maden an othe thurgh counceill of Robert of wynchelsee for to maynten tho ordinaunces for euermore

¶How Robert the Brus come ayene in to Scotland & gadred a grete power of men for to werre vpon kyng Edward Capitulo Centesimo lxxxviij.

ANd when sir Robert the Brus that made hym kyng of Scotland that was fled in to Norwey for drede of dethe of the good kyng Edward and herde of therdebate

that was in englond bitwene the kyng & his lordes he ordeyned an host & come in to englond in to northumberland & cleenly destroied the contre ¶And when kyng Edward herde this tydynge he let as¦semble his host & mette the scottes at Estreuelyne in the day of nati¦uite of seint Iohan baptist in the vij. yere of his regne / and in the ye¦re of our lord ••hesu crist a M.CCC. & xiiij. Allas the sorwe & losse that ther was done ¶For ther was slayne the noble erle Gillebert of Clare sir Robert of Clifford baronn / & many othir / & of othir pe¦ple that no man coude nombre / and ther kyng Edward was scom∣fited / and sir Edmond of maule the kynges stiward for drede wēt and drenched hym selfe in a fressh riuer that is called Bannokes∣borne / wherfor the Scottes said in reproue & despite of kyng Ed∣ward for as moche as he loued to gone by water / & also for he was discomfited at Bannokesborne / therfor maydens maden a song ther of in that contre of kyng Edward of Englond and in this maner they songe ¶Māydens of englond sare may ye morne / for tiʒt ha¦ue ye lost your lemmans at Bannokesborne / with heualogh / what wende the kyng of englond / to haue gete scotland with rombilough

WHen kyng Edward was discomfited he was wonder sory and fast fledde with his folke that was left on lyue and went to B••rrewyke and ther helde hym / And after he to∣ke hostages that is to witen vij. children of the richest of the toune and the kyng wente to london & toke counceill of thynges that we∣re nedefull vn to the reame nf englond ¶And in the same tyme i•• befell that tho was in englond a ribaude that was called ••ohan tan¦ner / and he went and said that he was the good kyng Edwardes so¦ne and let hym calle Edward of Carnariuan and therfor he was take at Oxenford / and ther he chalenged the frere carmes church y^• kyng Edward had yeue hem the which church some tyme was the kynges halle ¶Aud afterward was this Iohan lad to northam¦pton and drawe and ther honged for his falsenesse / and er that he was dede he confessed and said before all the peple that ther was That the deuell behight hym that he shold be kyng of englond and that he had serued the deuell iij. yere /

¶How the toune of Berewyke was take thurgh treson & how ij Cardinalles were robbed in englond Ca.C.lxxxix.

ANd in mydlenten Sonday in the yere of our lord ••hū crist M.CCC.xvj. Berewyke was lost thurgh fals t••••son of one piers of spalding the which piers the kyng had put

ther for to kepe that same toune with many burg••is of the toune / Wherfor the children that were put in hostage thurgh the burgeis of Berewyke fol••wed the kynges marchalsie many daies fe••ered in stronge yrens ¶And after that tyme ther come ij. Cardinals in to englond as the pope had hem sent / for to make pees bitwene Scot¦land & englond / And as they wente toward duresme for to haue sa¦cred mastir lowys of Beaumont bisshopp of dureham and as they went they were taken & robbed vpon the more of wynglesdoune of which robbery sir guillebert of Middelton was atteint & take and honged & drawe at london / & his heed smyten of & sette vpon a spere and sette vpon Newegate / & the iiij. quarters sent to iiij. cites of en¦glond ¶And that same tyme befell many mischefes in englond for the poure peple deide in englond for hunger & so moche & so fast deid that vuneth men myght hem bury for a quart of whete was worth xl. shillyng and ij. yere & an half a quarter of whete was worth x mar•• / and ofte tymes the poure peple stale children & ete hem / & et•• also all the houndes that they myght take and eke hor•• and catte•• And after ther fell a grete moreyne amonge bestes in diuerse con∣tres of englond during kyng Edwardes lyfe

¶How the scottes robbed northumberland. Capitulo Centesimo. lxxxx.

ANd in the same tyme come the Scottes ayene in to englond and destroied Northumberland and brend that land & robbed it / and queld men women and children that leyne in cradells / and brend also holy church and destroied cristendome & toke & bare englisshmennys goodes as they had bene sarazenes or paynyms & of the wykked••esse that they diden / all the world spake ther of thurgh all cristendome

¶How the Scottes wolde not amende hir trespace / & therfor Scot¦land was enterdited Ca.C.lxxxxj.

ANd whan 〈◊〉〈◊〉 Iohan the xxij. after seint Petre herde of the grete sorwe & meschief that the scottes wrought he waz wōder sory that cristēdome was so destroied thurgh the scot¦tes / & namely they destroied so holy church wherfor the pope sent a generall sentence vnder his bu••••e•• of lede vn to the erchebissho••••e of Caunterbury and to the erchebisshopp of yorke / that yf Robert the

Brus of Scotland wolde not be Iustified and make amende•• vn to the kyng of Englond Edward hir lord & make amendes of his losse and of his harmes that they had done in Englond & also to restore the goodes that they had taken of holy chyrch that the sen¦tence sholde be pronunced thurgh all Englond ¶And when the scottes herd this they wolde not lete hir malice for the popes com∣maundement wherfor Robert Brus Iames douglas & Thomas Raudulph Erle of Mo••ref and all tho that with hem cōmuned or hem halpe in worde or in dede were acursed in euery chyrch thurgh englond euery day at masse iij. tymes and no masse sholde he songe in holy chyrch thurgh oute all Scotland but yf the scottes wolde make restitucion of the harmes y^• they had made vn to holy chyrch wherfor many a good prest and holy men therfor were slayne thurgh the reame of Scotland for encheson that wold sing no mas¦se ayens the popes cōmaundement and ayens his wylle & to done and fullfyll the tirauntz wylle

¶How sir hugh the spencers sone was made the kynges Cham∣berlayne and of the bataille of Mitone Ca.C.lxxxxij.

ANd it was not longe afterward that the kyng ne ordey∣ned a parlement at yorke and ther was sir hugh the spen¦cers sone made chamburlayne and in the mene tyme whi¦le the werre last the kyng went ayene in to Scotland that it was wonder for to wit and beseged the toune of Berewyke but scottes went ouer the water of sole wath that was iij. myle from the kyn∣ges hoste and priuely they stele awey by nyght and comen in to Englond and robbed and destroied all that they myght and spared no maner thyng till that they comen vn to yorke ¶And when the Englishmen that were lefte at home herde this thyng all tho that myght trauaille as wel monkes and prestes and freris and cha¦nons and seculers come and mette with the scottes at Mitone vp swale the xij. day of October ¶Allas what sorwe for the English husbondmen that coude no thyng of the werre that ther were quelled and drenched in an arme of the se•• And hir chi••i∣teyns sir williā of melton Erchebishopp of york & the abbot of sel by with hir stedes fledde & comen vn to york & that was hir owne folie that they had that myschannce for they passed the wa•• of swa∣le & the scottes sette a fire the stakkes of hey & the smoke ther of was huge that the englishmen myght not see the scottes ¶And when the englishmen were gone ouer the water tho comen the

Scottes with hir wynge in maner of ashelde & come toward the en∣glisshmē in aray & the englisshmen fl••d for vuneth they had any mē of armes / for the kyng had hem almost loste at the siege of Bere∣wyke / & the scottissh hobi••••rs went bitwene the bruge & the englissh men / And whan the grete host hem mette the englisshmen fledde bi∣twene the hobilers & the grete host / and the englisshmen almost were there quelled / & he that myght wende ouer the water was saued / but many were draint / Allas for ther was slayne many men of re∣ligion & seculers & eke prestes & clerkys & with moch sorwe the Er¦chebisshopp ascaped / & therfor the scottes called the bataille the white bataille

¶How kyng Edward did all maner thyng that sir hugh the spē¦cer wolde Ca.C.lxxxxiij.

ANd whan kyng Edward herde this tydynge he remeu••d his sege from Berewyke & come ayene in to englond / but sir hugh the spencer the sone that was the kynges Cham∣burleyne kept so the kynges chambre that no man must speke with the kyng / but he had made with hym a frette / for to done his nede / & that ouer mesure / & this hugh ••are hym so stoute that all men had of hym scorne & despite / & the kyng hym selfe wold not bene gouer∣ned ne ruled by no maner man / but only by his fadre & by hym / & if any knyʒt of englond had wodes maners or lordes that they wol¦de coueit / anone the kyng must yeue it hem••or elles the man y^• ought it shold be falsely endited of forest or of fel••nie / And thurgh suche doyng they disherited many a good bachiller & so moch land geten that it was wonder ¶And when the lordes of englond saw the gre¦te couetise & the falsenesse of sir hugh the spencer the fadre & of Sir hugh the sone they come to the gentill Erle of lancastre / and axed hym of counceill of the disese that was in the Royame thurgh Sir hugh the spencer & his sone / and in hast by one ass••nte they made a ••ue assemble at shirborne in Elmede / & all they made ther an othe / for to breke & destourble the doyng bitwene the kyng & sir hugh the spencer & his sone vpon hir power ¶And they wente in to the mar¦c•••• of walys & destroied the land of the forsaid sir hughes

¶How sir h••gh the spencer & his fadre were exiled on••e of En∣glo••d Ca.C.lxxxxiiij

WH••n kyng Edward sawe the grete harme and destructi∣on that the Barons of Englond diden to Sir Hugh the spencers lande and to his sones in euery place that they

comen vpon And the kyng tho thurgh his counseil exiled sir Io∣han monbray Sir Rogier of clifford and sir Gosselyne dauill and many other lordes that were to hem consent wherfor the Barons did tho more harme than they diden before ¶And when the kynge saw that the barōs wold not cese of hir cruelte the kyng was sore ad••ad left they wolde destroie hym and his reame for his meynte naunce but yf that he assented to hem And so he sent for hem by let tres that they shold come to london to his {per}lement at a certeyn day as in his letters was conteyned And they comen with iij batail∣les wel armed at all pointz and euery bataille had cote arumres of grene cloth and ther of the right quarter was yelwe with whit bendes wherfor that plement was called the {per}lement of the whit bende And in that companie was sir ••mfrey de Bohen̄ Erle of herford and sir Rogier of clifford sir Iohan Mombray sir Gecelin dauill sir Rogier Mortuner vncle of sir Rogier Mortimer of wig¦more sir Henry of Trais sir Iohan Giffard & sir Bartholomewe of Badelesmore that was the kynges stiward that the kyng had sent to Shirborne in elmede to the Erle of Lancastre & to all that with hym were for to trete of accord that hym allied to the harons and come with that companie And sir Rogier dammorie and sir hugh Dandale that had spoused the kynges neces suster & sir Gil¦lebert of Clare erle of Gloucestre that was queld in scotland as before is said And tho ij. lordes had tho ij. parties of the Erledome of Gloucestre & sir hugh the spencer the sone had the thridde part in his wyfes halfe the iij. suster & tho ij. lordes went to the barōs with all hir power ayens sir hugh hir brother in lawe and so ther come with hem Sir Rogier of Clifford sir Iohan Mombray Sir Gos¦selme dauill sir Rogier Mortimer of werk sir Rogier mortimer of wigmore his nepheu sir Henry trays sir Iohan Giffard sir Bar∣tholomewe of badelesmore with all hir companie and many othir that to hem were cōsent All these grete lordes comen to westmynster to the kynges parlement and so they spoken and did that bothe sir hugh spencer the fadre & sir hugh the sone were outelawed of En∣glond for euermore And sir hugh the fadre went to Douer & ma∣de moche sorwe and felle doune vpon the grounde by the see banke acros with his armes and sore wepyng said Nowe faire En∣glonde and good Englond to Almyghty god I the betake and thries cust the grounde and wende neuer to haue comen ayene and wepyng full sore cursed the tyme that euer he begate Sir Hugh his ••••one And said for hym he had lost all Englande and

in presence of hem that were aboute hym he yafe hym his curse and went ouer the see to his landes / but sir hugh the sone wold not gon̄ oute of englond but helde hym in the see / & he & his companie robbed ij. dromondes beside sandewich and toke and ••ere away all the good that was on hem the value of xl.M. pounde.

¶How the kyng exiled Erle Thomas of lancastre & all that helde with hym & how the Mortimer come & yelde hym to the kyng & of the lordes Ca.C.lxxxxv.

HIt was not longe after that the kyng ne made sir Hugh spencer the fadre & sir hugh the sone come ayene in to En∣glond ayens the lordes wyll of the reame / And sone after the kyng with a stronge power come & beseged the Castell of bedes / & in the Castell was the lady of Badelesmere for encheson that she wold not graunte that Castell to quene Isabell kyng Edwardes wife / But the principall cause was for encheson that sir Bartholo∣mewe badelesmere was ayens the kyng & helde with the lordes of en¦glond / and notheles the kyng by helpe & socour of men of london & also of helpe of southerne men / the kyng gate the Castell mangre hē all that were therin & toke with hym all that he myght finde / And whan the barons of englond herd of this thyng sir Rogier Morti∣mer and othir many lordes toke the toune of Brugge worth with strength wherfor the kyng was wonder wroth & let outelawe Tho¦mas of lancastre & vmfrey de Bohoune erle of hertford & all tho that were assentant to the same quarell And the kyng assembled an huge host & come ayenst the lordes of englond wherfor the mortimerz put hem to the kynges mercy & his grace & anone they were sent to the tour of london & ther kept in prison And when the barons herd of this thyng they comen to Pounfret ther that erle Thomas soiour¦ned & told hym how that Mortimers both had yelde hem to the kyng and put hem in his grace

¶Of the siege of Tykhille Ca.C.lxxxxvj

WHen Thomas erle of lancastre herde this / they were wōder wroth / & all that were of his companie / & gretly they were discōfited & ordeyned hir power to gedre & beseged the Ca∣stell of Tykhill / but tho that were withynne so manlich defended hem that the barons myght not gete the Castell / & when the kyng herd that his Castell was beseged he swore by god & by his names

that the siege sholde be remeued and assembled a huge power of peple and went thidderward to ••eskewe the Castell and his poer encresed from day to day ¶Whenne the Erle of lancastre and the Erle of Herford and the barons of hir companie herd of this thyng they assembled all hir power and went hem to Burton vp Trent and kepte the brigge that the kyng shold nat passe ouer But it befell so on the x. day of March In the yere of grace M.ccc. and xxj. The kyng and the spencer Sir Aymer ••alaunce Erle of Penbroke and Iohan Erle of Arundell and hir power went on•••• the water and discomfited the Erle Thomas and his com∣panye and they fledde to the Castell of Tutbery and fro thennes they went to Pounfret And in that viage died Sir Rogier Dā¦morie in the Abbey of Tutbery And in that same tyme the Erle Thomas had a traitour with hym that was called Robert of Ho¦land a knyght that the Erle had brought vp of nought and had norrisshed hym in his botelerie & had yeuen hym a thousand mar•• of land by yere and so moche the Erle loued hym that he myght done in the Erles court all thyng that hym lyked bothe amonge hie and lowe and so queyntelich the thefe bare hym ayens his lord that he trusted more vpon hym than vpon any man a lyve. And the Erle had ordeyned by his lettres for to wende in to the Erledome of lancastre for to make men arise to helpe hym in that viage that is to seyne v.C. men of Armes But the fals traitour come not ther no maner men for to warne ne to make arise for to helpe his lorde And when the traitour herde telle that his lorde was discomfited at Burtone as a fals thefe traitour he stale a way and robbed in Rauenesdale his lordes men that come fro the scomfiture and toke of hem hors and harneis and all that they had and queld of hem all that he myght take and tho come and yelde hym vn to the kyng When the good Erle Thomas wyst that he was so betraied he was sore abasshed and said to hym selfe O almyghty god quod he how myght Robert holand fynde in his hert me to betraie sithenes that I haue loued hym so moch O god wele may nowe a man see by hym that no man may desceyue an othir rather than he that he trust most vpon he hath full euel yeld my goodnesse and the wurshipp that I to hym haue done and thurgh my kendenesse haue hym a vaunced and made hie from lowe and ••e maketh me go from high vn to lowe but yit shall he die in euill deth

Of the scomfiture of Burbrugge Ca.C.lxxxxvij

THe good Erle Thomas of lancastre Humfrey de Bohonn̄ Erle of herford and the barons that with hem were token counceill bitwene hem at frere prechours at pounfrete Tho thought Thomas vpon the traitrie of Robert Holand and said in reproue / Allas holand had me hetraied / Ay is in the reed of some euell shrede / and by cōmune assent they shold all wende to the castell of Dunstanburgh the which {per}teyned to the Erledome of lancastre and that they shold abide there till that the kyng had foryeue hem hir male talent ¶But when the good Erle Thomas this herde he ansu••rd in this maner and said / lordes qd he yf we go toward the north the northren men wyll seyne that we go toward the scottes & so we shull be hold traitours / for cause of distaunce that is bitwene kyng Edward and Robert the Brus that made hym kyng of scot¦land and therfor I sey as touchyng my selfe that I wull goo no fer••her in to the north than to myne owne Castell of Pounfrete

¶And whan sir Rogier Clifford herde this he aroos vp anone in wrath and drowe his swerd and swore by almyghty god and by his holy names but if that he wolde gone with hem he sholde ••e dede and that he wold slee hym there ¶The noble and gentill Erle Tho¦mas of lancastre was sore adrad / and said fair sires I wyll gone with yowe whidder so euer ye me lede ¶Tho went th••y to gedre•••• in to the north and with hem they had vij.C. men of armes and co¦me to Burbrugge ¶And whan Sir Andrewe of herkela that was in the northcontre thurgh ordinaunce of the kyng for to kepe the contre of scotland herde telle how that Thomas of lancastre was discomfited and his companie at Burton vpon Trent he ordeyned hym a stronge power / and sir Symond ward also / that was tho shereue of yorke and come and mette the barons at burbrugge and anone they breke the brugge that was made of tree ••And whan Sir Thomas of Lancastre ••erde that Sir An••••ewe of herkela had brought with hym suche power / he was sore ad••ad / and sent for sir Andr••we of Herkela and with hym spake / and said to hym in this maner Sir Andrewe quod ••e ye mowe well vnderstonde how that onr lorde the kyng ys lad and mysgouerned by moche fals counceille thur••••h Sir Hugh the S••••ncer the fadre and Sir hugh his sone / and Sir Iohan Erle of Arundell and thurgh Mastir Robert 〈◊〉〈◊〉 a fals ••iled clerke that now is in the kynges court duellyng / wherfor I pray yowe that ye wolde come with vs

with all the power that ye haue ordeyned and helpe to destroie the venym of Englond and the traitours that ben therynne and we wull yeue vn to yow the best part of v. Erldomes that we haue & holde and we wull make vn to yow•• an othe that we wull neue•• done thyng withoute your counceill & so ye shull bene ef••••as wel•• with vs as euer was Robert of holand ¶Tho an••uerd sir An¦drewe of herkela and said Sir Thomas that wold I not done ne consent ther to for no maner thyng ye myght me yeue withoute the wyll and commaundement of 〈◊〉〈◊〉 the kyng for than shold I bene hold a traitour for euermore ¶And when the noble Erle Thomas of laucastre saw that he nold not consent to hym for no maner thyng Sir Andrewe he said wyll ye nat consent to destroie the venym of the reame as we be consent At one word Sir andrew y telle the that or this yere be gone that ye shull bene take and holde for a traitour and more than ye hold vs nowe and in wers dethe ye shull die than euer died any knyght of Englond And vnder∣stondeth well that ye ded neuer thyng that sorrer shall yowe repent and nowe goth and dothe that yowe good liketh And I wull pnt me vn to the mercy and the grace of god And so went the fals traitour Sir Andrewe of herkela in his way as a fals traitour tirant and as a fals forsworne man For thurgh the noble Erle Thomas of laucastre he vnderfenge the armes of chiualrie and thurgh hym he was made knyght

¶Tho myght men seen archiers drawe hem in that one side and in that othir and knyghtes also and foughten to gedre wonder sore and also among othir sir humfrey de Boughon Erle of her∣ford a worthy knyght of renoune thurgh all cristendome stode and faught with his enemies vpon the brugge and as the noble lorde stode and faught vpon the brugge a thief a ribande skulked vnder the brugge and fersely with a spere smote the noble knyght in to the foundement so that his boweles comen oute there Allas the sorwe for ther was slayne the flour of solace and of comfort and also of curtesie ¶And sir Rogier of clifford a noble knyʒt stode euer and faught and well and nobely hym defended as a worthy Baron But at the last he was sore wonuded in his hede and Sir william of Sullayand Sir Rogier of Bernefeld we¦re slayne at that bataille ¶When Sir Andrewe of herkela saw that Sir Thomas men lancastre lassed and slaked anone he and his companie comen to the gentill knyght Sir Thomas of Laucastre and said yeld the traitour yeld the ¶The gen∣till

Erle an••uerd tho and said Nay lordes Traitours ••e we none and to yowe wyll we neuer vs yelde while that our lyfes laste•• but leuer we haue to be slayne in our treuthe than yelde vs to yow ¶And sir Andrewe ayene grad vpon sir Thomas companie yol¦lyng as a wode wolfe and said yelde yowe traitours taken yeld yowe & with an high ••••is said ••ethe ware sires that none of yowe be hardy vpon lyfe and lymme to mysdone Thomas body of Lan∣castre ¶And with that worde the good Erle Thomas went in to the chapell & said knelyng vpon his knees and turned his visage towardes the crosse and said Almyghty god to the I me yelde and hollich put me in to thy mercy And with that the vileyns ribau∣des lept aboute hym on euery side as tirauntz and wode turmen∣tours and difpoilled hym of his armure and clothed hym in a robe of ray that was of his squyers liuere and forth lad hym vn to yorke by water ¶Tho myght men see moche sorwe and care for the gentill knyghtes fledden in euery side and the ribaudes and the vileyns egrely hem discried and grad an high yeld y••we traitours yelde yowe And when they were y yolde they were robbed & boun¦de as the ves allas the shame and despite that the gentill ordre of knyghthode ther had at that bataille and the lande tho was with oute lawe For holy chyrche tho had no more reuerence than it had bene a bordelhows and in that bataille was the fadre ayens the so¦ne and the vncle ayens his nepheu For so moche vnkēdenesse was neuer seyn before in Englond as was that tyme amonge folk of one nacion For o kynrede had no more pite of that othir than an hungrie wolfe hath of a shepe and it was no wonder For the gre¦te lordes of Englond were not all of o nacion but were medled with othir nacions that is for to seyne somme britons somme Sax¦ons somme Danois somme Pehites somme frenshmen somme nor∣mans somme Spaynardes somme Romayns somme Henaudes somme Flemmynges and of othir diuerse nacions the which na∣cions accorded not to the kynde blode of Englond And yf so gre∣te lordes had bene onlich wedded to English peple than sholde peez haue bene and reste amonges hem withoute any envie.

¶And at that bataille was Sir Rogier Clifford take Sir Iohan Mombray Sir william Tuchet Sir william fitz william and many othir worthy knyghtes ther were take at that bataille And sir hugh dandell the next day after was taken and put in to prison and shold haue bene done to deth yf he had not spoused the kynges nece that was Erle Gilbertes suster of Gloucester

And anone afterwas sir Bartholomew of Badelesmere taken at stowe parke a maner of the bisshoppes of lincolne that was his ne∣pheu / and many othir barons & banerettz wherfor was made mo∣che sorwe

¶H••w Thomas of lancastre was beheded at Pountfrete & v. ba∣rons honged & deawen there / Capitulo Centesimo. lxxxxviij.

ANd nowe I shall telle yow of the noble Erle Thomas of lancastre / when he was taken & brought to yorke many of the Cite were full glad / & vpon him cried with high vois / A sir traitour ye arne welcome blessed be god / for nowe shull ye ha¦ue the reward that longe tyme ye haue deserued / and cast vpon him many snowe balles and many othir reproues did hym / but the gē∣till erle all suffred & said nothir one ne othir / And in the same tyme the kyng herd of this same scomfiture and was full glad & in hast come to Pountfrete & sir hugh the spēcer & sir hugh his sone & sir ••o¦han erle of arundell / & sir Edmond of wodestoke the kynges bro∣ther erle of kent / and sir Aymer of valaunce erle of Penbroke and mastir robert baldoke a fals piled clerc that was ••ue and duelled in the kynges court and all come thidder with the kyng / and the kyng entred in to the castell And sir Andrewe of herkela a fals ti∣rant thurgh the kynges commaundement toke with hym the gentill erle Thomas to Pountfrete / & ther he was prisoned in his owne ca¦stell that he had newe made that stode ayens the Abbey of kyng Ed¦ward And sir hugh the spencer the fadre & his sone cast & thought how & in what maner the good erle Thomas of lancastre sholde be dede withoute any ••ugement of his Perys / wherfor it was ordey∣ned thurgh the kynges ••ustices that the kyng shold put vpon hym pointes of treson / And so it befell that he was ledde to barre before the kynges Iustices barehede as a thief in a faire hall withyn his owne castell that he had made therin many a fair fest both to riche & eke to poure And these were his ••ustices Sir hugh 〈◊〉〈◊〉 the fa∣dr•• / Aymer of valaunce Erle of Penbroke / Sir Edmond of wo∣destoke Erle of kent / Sir Iohan of Britaigne Erle of Riche∣mond and Sir Robert of Malemethorppe Iustice / and Sir Ro∣bert hym acoulped in this maner / Thomas at the firste / our lord the kyng and this court excludeth yowe of all maner ansuere Thomas our lord the kyng put vpon yowe that ye haue

in his lande riden with baner displaied ayene his pees as a trai∣tour And with that worde the gentill erle Thomas with an high vois said nay lordes forsoth and by seint Thomas I was neuer traitour ¶The Iustice said ayene tho ¶Thomas our lord the kyng put vpon yowe that ye haue robbed his folk and mordred his peple as a thefe ¶Thomas the kyng also put vpon yowe that he discomfited yowe and your peple with his folk in his owne re¦ame wherfor ye went and fled to the wode as an outelawe And also ye were taken as an outelawe ¶And Thomas as a trai∣tour ye shull he honged by reson but the kyng hath foryeue yowe that Iewes for loue of quene Isabell And Thomas reson wolde also that ye sholde be honged but the kyng hath foryeue yowe that Iewes for cause and loue of your lynage But Thomas For as moche as ye were take fleyng and as an outelawe the kyng wyll that your hede shall be smyten of as ye haue well deserued Anone doth hym oute of prece and anone bryng hym to his Iugement. ¶The gentill knyght Thomas he had herde all these wordes with an high vois he cried sore wepyng And said Allas Seint Tho∣mas ••aire fadre Allas shall I be deed thus ¶Graunte me nowe blissefull god ansuere but all availled hym no thyng For the cursed Gascoynes put hym hidder and thidder and on hym cried with an high vois O kyng Arthur most dredfull well knowen is nowe thyn open traytrie an euell deth shalt thou die as thou hast well deserued ¶Tho sette they vpon his hede in scorne an olde Chapelet all to rent and to torne that was nat worth an halpenye And after they sette hym vpon a leue white Palfrey full vn semelich and eke all bare and with an olde bridell and with an horrible noise they drove hym oute of the Castell toward his deth and cast vpon hym many balles of snowe

¶And as the turmentours lad hym oute of the Castell tho said he this pitonse wordes and his hondes helde vpon high towar∣des heven Nowe the kyng of heven yeue vs mercy For the Erthe¦ly kyng hath vs forsake And a frere prechour went with hym oute of the Castell till that he come to the place that he ended his lyfe vn to whom he shrofe hym all his lyfe ¶And the gentill Erle helde the frere wonder fast by the clothes and said faire fa∣dre abide with vs till that I be ded for my flessh quaketh for drede of deth And soth for to say the gentill Erle sette hym vpon his knees & turned hym toward the Est but a ribaude that was cal¦led Higone of Mostone set hande vpon the gentill Erle and said

in despite of hym Sir traitour turne the toward the Scottes thy ••ou••e dede to vnderfong / and turned hym toward the north

¶The noble Erle Thomas ansuerd tho with a mylde vois & said now fair lordes I shall done all your wylle / and with that worde the frere went fro hym sore wepyng and anone a r••baude wente to hym and smote of his hede the xj. ••al. of Auerill in the yere of gra¦ce M.CCC.xxj. Allas that euer such a gentill blode shal•• bene done to deth withoute cause and reson And traitoursly was the kyng counseiled when he thurgh the fals counceill of the spencers / suffred Sir Thomas his vncles•• sone bene put to such a deth and so ben be∣heded ayen•• all man of reson / and grete pite it was also that such a noble kyng shold bene desceyued and mysgouerned thurgh coū∣ceill of the false spencers / the which he mayntened thurgh loselrie ayens his honour and eke {pro}fite For afterward ther fill grete ven¦geaunce in englond for encheson of the forsaid Thomas deth

¶When the gentill erle of his lyfe was passed / The priour and the monkes of Pountfrete geten the body of sir Thomas of the kyng and they buried it before the high Auter on the right side

¶〈◊〉〈◊〉 same day that this gentill lord was dede / ther were honged and drawe for the same••quarell at Pountfrete / Sir william tuchet Sir william Fitz william / sir watreyne of ysille / Sir Henry of Bradborne / and sir william / cheynie barons alle and ••ohan page squyer ¶And sone after at yorke were drawe and hong••d Sir Rogier Clifford / Sir Iohan of Momb••••y barons / And Sir Gosselm dauill knyght / ¶And at Bristowe were drawe and honged Sir henry of wymyngton / and sir henry Moūtfort barons And at Gloucestre were drawe and honged Sir Iohan Giffard aud Sir william of Elmebrugge barons / ¶And at london were honged and drawe Sir Henry Tyes baron And at wynchelsee sir Thomas Colepepir knyght / And at wyndesore Sir Fraunceis ••f waldenham baron / And at Caunterbury was drawe and honged Sir Bartholomewe of Badelesmere / and sir Barth••lomewe of as¦shebourneham barons / And at kerdyfe in walys Sir william flē¦myng baron

¶How kyng Edward went in to scotland with an hondr••d thou¦sand men of armes & myght not spede Ca.C.lxxxxix

ANd when kyng Edward of Englond had brought the floure of Chiualrie v•• to hir dethe thurgh couuceille of

Sir hugh the spencer the fadre and Sir hugh the sone he become as wode as any lyonne And what so euer the spencers wolde haue it was done and so well the kyng loued hem that they myght done with hym all thynge that they wolde Wherfor the kyng 〈◊〉〈◊〉 vn to Sir hugh spencer the fadre the Erledome of wynchestre and to sir Andrewe of harkela the Erledome of Cardoil•• in preiudice and in harmyng of his croune ¶And ••yng Edward tho thurgh con¦seille of the spencers disherited all hem that had bene ayens hym in any quarell with Thomas of Lancastre & many othir were disheri¦ted also for encheson that the spencers coueited for to haue hir lan∣des & so they had all that they wolde desire with wronge and ayens all reson ¶Tho made the kyng Robert of Baldok a fals pi••ed clerke chaunceler of England thurgh counceill of the forsaid spen¦cers & he was a fals ribaud and a coueitons & so they counceilled the kyng moche that the kyng let take to his owne ward all the goodes of the lordes that wrongfully were put to the deth in to his owne hande and as well they token the goodes that were in holy chyrche as the goodes that were withoute and let hem be put in to his tresorie in london and let hem calle his forfaittz and by hir coū¦ceill the kyng wrought for euermore he disherited hem that the goo¦des owghten ¶And thurgh hir counceill lete arere a tall••••ge of all the goodes of Englond Wherfor he was the ricchest kyng that euer was in Englond after william Bastard of Normandie that conquered Englond ¶And yit thurgh counceill of hem hym semed that he had not ynowe but made yit euery toune of englond fynde a man of armes vpon hir owne costages for to gone & wer¦re vpon the scottes that were his enemies wherfor the kyng went in to Scotland with an hounderd thousend men of armes at wit∣sontide in the yere of our lord Ihesu crist M.CCC. and xxij. But the Scottes went and hid hem in montains and in w••des and ta¦••••ed the Englisshmen fro day to day that the kyng myght for no maner thyng hem fynde in playne felde wherfor many Englissh men that fewe vitailles hadden for hunger ther deiden wonder fast and sodenly for hunger in goynge and in comynge and namelich tho that had bene ayens Thomas of Lancastre and had robbed his men vpon his landes

¶Whenne kyng Edward sawe that vitailles failled hym he was tho wonder sore discomforted for encheson also that his m••n died and for he myght nouzt spe••e of his enemies So at the last he come ayene in to Englond ¶And anone after come

Iames douglas & also Thomas Randulph with an hugh host in to Englond in to northumberland & with hem the englisshmen that ••••ere driuen oute of englond & come & robbed the contre and quelled the 〈◊〉〈◊〉 / and also brend the toune that was called No••tallertone & many othir to••nes vn to yorke ¶And when the kyng herde this ty••ynge he let 〈◊〉〈◊〉 all maner men that myghten tranaille / and so the englisshmen 〈1 line〉〈1 line〉 the abbey of Beigheland the xv. day after Mihelmasse in the same yere about said / and the english¦men were there discomfited / and at that scomfiture was take sir ••o¦han of Britaigne Erle of Richemond that helde the contre and Er¦ledome of lancastre And after he paied an huge raunsone and was let gone / and af••er that he went in to fraunce and come neuer after¦ward ayene

¶How Sir Andrewe of herkela was take & put vn to the dethe that was erle of Cardoille. Capitulo ducentesimo /

ANd at that tyme sir Andrewe of herkela that newe was made Erle of Cardoille for cause that he had taken the good Erle Thomas of lancastre / he had ordeyned thurgh the kynges commaundement of englond for to bring hym alle the ••ower that he myght for to helpe hym ayens the Scottes at the Ab¦bey of beigheland / And whan the fals traitour had gadred alle the peple that he myght & shold haue come to the kyng vn to the Abbey of Brigheland the fals traitour lad hem by an othir cōtre thurgh Copeland and thurgh the erledome of lancastre / and wit thurgh the contre and robbed and queld folke all that he myght And fer¦thermore the fals traitour had taken a grete some of gold and siluer of sir Iames douglas for to be ayens the kyng of englond & to ben helpyng & holdyng with the Scottes thurgh whos treson the kyng of englond was scomfited at Beigheland er that he come thidder wherfor the kyng was toward hym wonder wroth / and let ••uely enquere by the contre aboute / how that it was / and so men enquered & aspied / so at the last trewth was foūde & ••ought & he atteint & ta∣ken as a fals traitour / As the noble erle Thomas of lancastre him tolde / er that he were done vn to the deth at his takyng at bnrbruge and to hym said or that yere were done he sholde be take and holde a traitour And so it was as the holy man said wherfor the kyng sent priu••lich to Sir Anthoyne of lucy a knyght of the contrey

of Cardoille that he sholde take sir Andrewe of harkela and put hym vn to the deth & to bringe this thyng vn to the ende the kyng sent his cōmissione So that the same Andrewe was take at Car∣doill & led vn to the barre in the maner of an Erle worthely arra¦ied & with a swerd gurt aboute hm & hosed & spored ¶Tho spake sir Anthoyne in this maner Sir Andrewe qd he the kyng put vp on the for as moche as thou hast bene orped in thy dedes he ded vn to the mochel honour & made the erle of Cardoill & thou as a trai∣tour vn to thy lord the kyng & laddest his peple of this contre that sholde haue holpe hym at the bataill of Beigheland & thou laddest them away by the contre of Copeland & thurgh the erledome of lā¦castre Wherfor our lord the kyng was stomfited ther of the scottes thurgh thy treson & falsenesse And yf thou haddest come be tymes he had had the mastrie & all treson thou didest for the grete somme of gold & siluer that thou vnderfeng of Iames douglas a scotte the kynges enemie ¶And our lord the kynges wyll is that the ordre of knyghthode by the whiche thou vnderfeng all thyn honour and wurshupp vpon thy body be all brought to nouzt & thy estate vn∣done that othir knyghtes of lower degre mowe after the beware y^• which lorde hath the avaunced hugely in diuerse contrees in En∣glond & that all mowe take example by the Hir lord afterward trewely for to serue ¶Tho cōmaūded he a knave anon̄ to h••we of his spores on his heles And after he let breke the swerde ouer his hede the which the kyng hym yaf to kepe & defende his lande therwith when he made hym Erle of Cardoille ¶And after he let hym vnclothe of his furred Tabard & of his hode & of his fur¦red cotes and of his gurdell & when this was done sir Anthoyne said vn to hym Andrewe quod he nowe art thou no knyʒt but a knave and for thy treson the kyng wylle that thou shalt be honged & drawe and thyn hede smyten of & thy bowelles taken oute of thy body & brent before the & thy body quartred & thyn hede smyten of and sent vn to london and ther it shall stonde vpon london brugge and the iiij. quarters shull be sent to iiij. tounes of Englond that all othir mowe beware & chastized by the And as Anthoyne said so it was done all maner thynge in the last day of October In the yere of grace M.CCC. & xxij. yere And the sonne tho turned in to blode as the peple it saw & that dured fro the morne till it was xj. of the clokke of the day

¶of the miracles that god wrought for seint Thomas l••ue of lā¦castre wherfor the kyng let close the chyrche dores of the Priorie of

Pountfret for no man shold come therin to the body for to off••en Capitulo du••••••tesimo primo

ANd sone after that the good erle Thomas of lancastre was martred a preste that longe tyme had bene blynde dremed in ••is slepyng that he shold gone vn to the hille ther that the good erle Thomas of lancastre was done vn to the deth and he shold haue his sight ayene / & so he dremed iij. nyghtes sewyng / & the prest let tho lede hym to the same hylle / & when he come to that place that he was martred on••deuoutely he made ther his praiers & praid god & seint Thomas that he must haue his sight ayen / & was in his praiers he laid his right honde vpon the same place y^• the good man was matred on / & a drope of drye blode & smale sand cleued on his honde & ther with striked his yien / & anone thurgh the myʒt of god & of seint Thomas of lancastre he had his sight ayen / & thanked tho almyghty god & seint Thomas / And when this miracle was kno∣wen amonge men the peple come thidder on euery side & kneled and made hir praiers at his tombe that is in the priorie of Pounfret / & praied that holy martir of socour & of helpe & god herd hir praier

¶Also ther was a yonge child drenched in a welle in the toune of Pountfrete & was dede iij. daies & iij. nyghtes & men comen and laid the dede child vpon seint Thomas tombe the holy martir / & the child arose ther from deth to lyfe / as many a man it saw / and also moch peple were oute of hir mynde & god hath sent hem hir mynde ayene thurgh vertue of that holy martir / And also god hath yeuen ther to / to creples hir goyug & to croked hir hondes & hir feet and to blynde also hir sight / & to many sike folke hir hele of diuerse ma∣ladies for the loue of his good martir ¶Also ther was a rich man in Coundom in gascoyne / & such a maladie he had that all his right side roted & fell awey from hym / that men myʒt see his lyuer & also his hert / & so he stanke that vuneth men myʒt come nye hym wherfor his frendes were for hym wondre sory But at the last as god wol¦de they praied to seint Thomas of lancastre that he wollde pray to almyghty god for that prisoner & behight to gone to pountfrete for to done hir pilgrymage that the martir seint Thomas come vn to hym & annoynted ouer all his sike body / And ther with the good man awoke & was all hole / & his flessh was restored ayen that befo¦re was roted & falle away / For which miracle the good man & his frendes loued god and seint Thomas euer more after / And this good man come in to Englond and toke with hym iiij. felawes & come to Pounfreete vn to that holy martir and did hir pilgrymage

but the good man that was sike come thidder all naked sauf his 〈◊〉〈◊〉 / & when they had don•• they turned home ayene in to hir contre & tolde of the miracle wher so euer they come ¶And also ij. men haue ••••heled ther of the mormal thurgh helpe of that holy martir though that euell behold incurable ¶When the spencers herd that god did such miracles for this ho••y martir / & they wold be leue it in no ma¦ner wyse-but said openlich that it was grete heresie such vertue of hym to beleue ¶And when Sir hugh the spencer the sone saw alle this doynge anone he sente his missagier from Pountfrete ther that he duelled to the kyng Edward that tho was at Grau••••e at Skip¦ton for cause that the kyng shold vn do that pilgrymage ¶And as the Ribaude the messagier wente to ward the kyng for to done his message he come by the hulle on the which the good martir waz done to dethe and in the same place he made his ordure / and whan he had done he went toward the kyng / And a stronge flix hym co∣me vpon er he come to yorke / and shedde all his boweles at his fun¦dement / And whan Sir hugh the spencer herde this tydyng some∣d••ell he was ad••ad / and thought for to vndone the pilgrymage yf he myght by any maner way / a••d to the kyng wente and said that they shold be in grete sklaundre thurgh oute all cristendome for the deth of Thomas of lancastre yf that he suffred the peple done hir pil¦grymage at Pountfrete / and so he counceilled the kyng that he cō∣maūded to closse the church dores of pountfrete in the which chirch the holy martir seint Thomas was entered / and thus they diden ayene all fraunchises of holy church / so that iiij. yere after myʒt no pilgryme come vn to that holy body ¶And for encheson that the monkes suffred men come and honour that holy body of seint Tho∣mas the martir / thurgh counceill of Sir hugh the spencer the sone and thurgh counceill also of mastir Robert of Baldoke the false piled clerke that was the kynges chaunceler the kyng consented that they shold be sette to hir wages and let make wardeins ouer hir owne good longe tyme / and thurgh commaundement of the for¦said Sir hugh the spencer xiiij. Gascoynes well armed kept the hulle ther that the good mā seint Thomas was done vn to his deth so that no pilgrime myʒt come by that way ¶Full well wente be to haue be take cristes myght & his power and the grete loo•• of mi∣racles that he shewed for his martir seint Thomas thurgh all cri∣stendome And that same tyme the kyng made Robert of Baldok the piled clerke and fals thurgh praier of Sir hugh the spencer the sone Chauncelere of Englond / And in the same tyme was

the Castell of walynford holden ayens the kyng thurgh the priso¦ners that were withynne the castell for seint Thomas quarell of Lancastre wherfor the peple of the contre come & toke the castell vp on the forsaid prisoners wherfor sir Iohan of Goldington knyght & sir Edmond of the beche prisoner & a squyer that was called Ro¦gier of walton were take & sent to the kyng to Punfrete and ther they were done in to prison And the forsaid Rogier was sent vn to yorke & ther he was drawe & honged And anone after sir Rogi¦er mortimer of wygmore krake oute of the toure of london in this maner the forsaid sir Rogier herd that he sholde be drawe & honged at london in the morne after seint laurence day and on the day befo¦re he helde a faire fest in the toure of london & ther was sir Stephen segraue constable of y^• tour & many grete men with hem And whē they shold sope the forsaid Stephen sent for alle the officers of the tour and they come and souped with hym And when they shold take hir leue of hym a squyer that was called Stephen that was f••ll priuee with the forsaid Rogier thurgh his connceill yafe hem all suche drinke that the beste of hem all slept ij. daies and ij. nygh∣tes & in the mene tyme be scaped away by water y^• is to say by the thamyse & wēt ouer the see & helde hym in fraūce. Wherfor the kyng was sore ānoied & tho put the same Stephen out of his cōstablery

¶How the quene Isabell went in to fraunce for to treten of pees bitwene hir lord the kyng of Englond & the kyng of fraunce hir brother. Ca.CC.ij.

THe kyng went tho vn to london & ther thurgh coūceill of sir hugh the spencer the fadre & of his sone & of mastir ro¦bert Baldok a fals piled clerc his chaunceler let seise tho all the quenes londes in to his owne hande & also all the landes y^t were sir Edwardis his sone & were so put to hir wages ayenst all maner reson and that was thurgh the falsenesse of the spencers

¶And when the kyng of fraūce that was quene Isabelles bro∣ther herd of this falnesse he was sore ānoied ayens the kyng of en¦glond and his fals councelers wherfor he sent a letter vn to kyng Edward vnder his seal that he sholde come in to feaūce at a certeyn day for to done his homage & ther to he somened hym and elles he sholde lese all gascoyne ¶And so it was ordeyned in Englond thurgh the kyng & his ••••••nceill that quene Isabell shold wende in to fraunce for to trete of ••ees bitwene hir lord & hir brother And that Oliuer of yngham sholde wende in to Gascoyne & haue with hym vij. thousend men and moo of armes to bene seueshall and

wardeyne of gascoine & so it was ordeyned that quene Isabell wēt tho ouer see & come in to fraunce / & with hir went sir Aymer of ••••∣launce erle of Penkroke that was ther mordred sodenly in ••ue va∣ge but that was thurgh goddes vengeaunce / for he was one of the ••ustices that consented to seint Thomas deth of lancastre & wold ne¦uer after repente hym of that wykked dede / and at that tyme sir Oli¦uer of yngham went ouer in to Gascoyne & did moch harme to the kyng of fraunce and tho gete ayene that kyng Edward had loste & moch more ther to

¶How kyng Edward sent sir Edward his sone the eldeste in to fraunce Ca.cc.iij.

THe quene Isabell nad but a quarter of a yere in fraunce duelled that sir Edward hir eldest sone ne axed leue for to wende in to fraunce for to speke with his modre ••sabell the quene / & the kyng his fadre graunted hym with a good wyll / & said to hym / Go my faire sone in goddis blissyng & myne / & thenke for to come ayen•• as hastely as thou myght And he went ouer see & come in to fraunce And the kyng of fraunce his vncle vnderfenge hym with mochel honour & said vn to hym faire sone ye be welcom•• and for cause that your fadre come not for to do his homage for the duchie of Gnyhenne as his Auncestres were wont for to do ••yeue yow that lordshipp to holde it of me in heritage as all maner Aunce¦stres diden to for yow wherfor he was called duke of Gnyhenne

¶How the kyng exiled his quene Isabell & Edward his eldeste sone Ca.cc.iiij

WHenne kyng Edward of englond herde telle how the kyng of fraunce had yeue the duchie of Gnyhenn•• vn to sir Ed∣ward his sone withoute consent & wyll of hym & that his sone had vnderfonge the duchie he become wonder wroth & sente to his sone by his lr̄e & to his wife also that they shold come ayene in to englond in all the hast that they myght ¶The Quene Isabell and sir Edward hir sone were wonder sore adrad of the kynges manace / and of his wrathe & principally the falsenesse of the spen∣cers both of the fadre & of the sone / and at his cōmaundement they wold not come / wherfor kyng Edward was full sore annoied & let make a crie at london that yf Quene Isabell and Edward hir eldest sone come not in to Englond that they sholde bene hold as our enemies bothe to the Royame and to the croune of englond And for that they wold come in to Englond but bothe were exi∣led

the modre and hir sone ¶When the quene Isabell herd thees ty∣dynges she was sore adrad to ben̄ shent thurgh the fals congettyng of the spencers And went with the kuyghtes that were exiled out of Englond for seint Thomas cause of lancastre that is to seyne sir Rogier of wigmore sir william Trussell sir Iohan of Cromwell & many othir good knyghtes wherfor they toke hir counseill & or∣deyned amonges hem for to make a mariage bitwene the duke of Gnyhenne the kynges sone of Englond & the Erles doughter of he naud that was a noble knyght of name & a doughty in his tyme And yf that thyng myght be brought aboute than stode they tro∣wyng with the helpe of god & with his helpe to recouer hir heritage in Englond wher of they were put oute thurgh the fals congettyn¦ges of spencers

¶How kyng Edward thurgh counceill of the spencers sent to the douzepers of fraunce that they shold helpe that the quene Isabell & hir sone sir Edward weren exiled oute of fraunce Ca.CC.v.

WHen kyng Edward & the spencers herde how Quene Isa¦bell and sir Edward hir sone had alied hem to the Erle of benaud and to them that were exiled oute of England for encheson of Thomas of Lancastre they were so sory that they nist what to done ¶Wherfor Sir hugh spencer the sone said vn to Sir hugh his fadre in this maner wyse. ¶Fadre acursed be the tyme and the counceill that euer ye consented that Quene Isabell sholde gone vn to fraunce for to treten of accord bitwene the kyng of En¦glond and hir brother the kyng of fraunce for that was your coū¦ceill For at that tyme forsoth your wit failled ¶For I drede ••••e sore lest thurgh hir and hir sone we shull be shent but yf we take the better counceill Nowe faire sires vnderstondeth how mervail∣lous felonie and falshede the spencers ymagined and cast for pri∣uely they let fylle v. bar••ll ferrors with siluer the some amounted v. thousend pounde and they sent tho barelles ouer see priuely by an alien that was called Arnold of spaigne that was a brocour of london that he sholde gone to the douzepers of fraunce that they sholde procuren and speke to the kyng of fraunce that Quene Isa¦bell and hir sone Edward were driue and exiled oute of fraunce ¶And amonge all othir thynges that they were brought to the deth as priuely as they myʒt But almyghty god wolde not so for when this Arnold was in the hie see he was take with selandres

that met hym in the see and toke hym and lad hym to hir lord Erle of henauld & moch ••oye was made for that takyng / & at the laste this Arnold ••uely stake away fro thens & come to london And of this takyng & of othir thynges the erle of henaude said to the Que¦ne Isabell Dame maketh yow mery & bene of good chere for ye be more richer than ye went haue bene / & take ye these v. barelles full of siluer that were sent to the douzepiers of Fraunce for to quelle yow and your sone Edward / & thenketh hastely for to wende in to englond and taketh ye with yow sir Iohan of henaude my brother and v.C. men of armes for many of hem of fraunce in whom ye ha∣ue had grete trust had grete deinte yow for to scorne And Almy¦ghty god graunte yow grace your enemies to ouercome The Que∣ne Isabell sent tho thurgh ••enaud & fla••••dres for hir soudiours / & ordeyned hir euery day for to wend in to englond ayene & so she had in hir companie sir Edmond of wodestoke that was Erle of kent that was sir Edwardes brother of englond

¶Whenne kyng Edward let kepe the costes by the see & let trie all the pri••e men of armes & footmen thurgh englond Capitulo ducentesimo .vj

WHenne kyng Edward herd telle that Quene Isabell & Edward hir sone wolde come in to englond with mauy aliens and with hem that were outelawed oute of Eng∣lond for hir rebelnesse he was sore adrad to be put a doune and lese his kyngdome wherfor he ordeyned to kepe his castells in walys as well as in englond with vitailles and hir ap••••ille and let kepe his Riuers and also the see costes wher of the v. portes tok•••• to ke¦pe hem and also the se•• ¶And at the fest of decollacion of se••••t ••o¦han baptist / the Citezems of london sent to the kyng to Porchestre an C.men of armes ¶And also he commaunded ferthermore by his lr̄ez ordeyned that euery hondred and wapentake of englond to triours as well of men of armes as of men a foote / & that they shold bene put in xx. some & in an C. some & cōmaunded that all tho men were a red•• when any oute••••se or crie were made for to pursue and take the al••ens that comen to englond for to benymme hym the londe and for to put hym out of his kyngdome / ¶And more ouer he let crie thurgh his ••atent in euery faire and in euery mar∣kete of Englond that the Quene Isabell and Sir Edward his eldest sone and the Erle of kent that they were take & saufely kept

witho••te any maner harme vn to hem doyng and all othir maner peple that come with hem anone smyte of hir hedes withoute any maner raunsome ¶And what man that myght bring sir rogiers ••eed mortimer of wygmore shold haue an C. pounde of money for his trauaille And furthermore he ordeyned by his patent and cō¦maunded to make a fire vpon euery hie hyll besides the riuers and in lowe contres for to make hie Bekenes of tymbre that yf it so were that the Aliens come vn to the land by nyght that men shol¦de tende the bekenes that the contre myght be warned and come & mete hir enemies and in the same tyme died sir Rogier Mortimer his vncle in the tour of london

¶How the quene Isabell and sir Edward duke of Gnyhenne his sone come to londe at herewiche and how they diden Capitulo CC.vij.

THe quene Isabell & sir Erward hir sone duke of Gnyhē¦ne sir Edward of wodestoke Erle of kent & sir Iohan the erlys brother of henaud & hir companie drad not the manace of the kyng ne of his traitours for they trust all in goddiz grace & come vn to herewich in southfolk the xxiiij. day of Sptem¦bre & in the yere of grace M.CCC.xxvj And the quene & sir Ed∣ward hir sone sent lr̄ez to the maire & cominalte of london requy∣ryng hem that they shold bene helpyng in the quarell & cause y^• they had begonne that is to seyne to destroie the traitours of the reame But none ansuere was sent agayne wherfor the quene & Sir Ed¦ward hir sone senten an othir patent lr̄e vnder hir seales the te∣nour of which letter here foleweth in this maner ¶Isabell by the grace of god quene of englond lady of Irland & Countesse of 〈◊〉〈◊〉 & we Edward the eldest sone of the kyng of Englond duke of Gnyhenne Erle of Chestre of Pountyf & of Moustroille to the maire & to all the cominalte of the cite of london sendeth gre∣tyng ¶For as moche as we haue before the tyme sent to yowe by our lr̄ez how we be come in to this land with good aray and in good maner for the honour and profite of holy chyrche and of our right dere lord the kyng and all the reame with all our myʒt and power to kepe and maynten as we and all the good folke of the forsaid Reame are holden to done And vpon that we pray yowe that ye wolde bene helpyng to vs in as moche as ye may in this quarell that is for the 〈◊〉〈◊〉 profite of all the Reame and we haue had vn to this tyme n••ne ansuere of the forsaid lettres ne knowe not your wyll in that partie. Wherfor we

send to yowe agayne and pray and charge yow that ye bere yowe so ayens vs that we haue no cause to greue yow but that ye bene to vs help••••g by all the wayes that ye may or may knowen For we∣tith well in certeyne that we and all tho that bene comen with vs in to this reame ne thenke not to done yf it lyke god any thyng but that shal be for the cōmune {pro}fite of all the reame but only to destro¦yen hugh spencer our enemye and enemie to all the reame as ye well knowe / wherfor we pray yow and charge yow in the faith that ye owe to our lord the kyng and to vs / and vpon all that ye shull•• mowe forfet agayne vs that yf the said Hugh spencer our enemie come withynne your power that ye done hym hastely to bene taken and saufely kept vn till we haue ordeyned of hym our wille / and that ye leue it not in no maner wise as ye desire honour and profite of vs alle and of all the reame ¶Vnderstondyng well that yf ye done our praier and maundemēt we shull the more be beholde vn to yowe / And also ye shull gete yowe wurshippe and profite yf ye sende vs hastely ansuere of alle your wylle / yenen at Baldok the vj. day of October ¶Whiche ••ettre erly in the dawe∣nyng of the day of Seint Denis was takked vpon the newe cros¦se in chepe / and many Copies of the same ••etter were takked vpon wyndowes and dores and vpon othir places in the Cite that alle men passyng by the wey myght seen and rede And in the same ty∣me kyng Edward was at london in the toure at his mete / and a messagier come in to the halle and said that the Quene Isabell was come to londe at herewyche / and hath brought in hir companie Sir Iohan of henaude and with hym men of armes withoute nombre ¶And with that word Sir Hugh the 〈◊〉〈◊〉 the fadre spake and thus to the kyng said / my moste wurshipfull lord and kyng of Englond nowe mowe ye make good chere for certeinly they bene alle oures

¶The kyng sawe this word comfortable yit he was f••ll sorewe∣full and pensyfe in hert ¶And the kyng had not yit fullich ••••en that ther come in to the halle an othir messagier and said that the Quene Isabell was arriued at herewych beside yepswyche in Southfolk Sir Hugh the spencer the fadre spake to the messagier and said telle soth in good faith to the messagier my fair frende is she come with a strength Certys Sir soth for to say / she ne hath in hir companie but vij. houndred 〈◊〉〈◊〉 of armes / and with that wor¦de Sir hugh the spencer the fadre cried with an high vois and said Allas allas we bene all betraied / for certys with so litell power she

had neuer come to londe but folke of this londe were to hir consent ¶And therfor after the mete they toke hir coūceill & went toward walys for to arere the walshmen ayene quene Isabell and edward hir sone all for to fight & so they were in purpose euerichon

¶How mastir waltier Stapilton bisshopp of excestre that was the kynges tresorer was beheded at london Ca.CC.viij.

ANd in the same tyme kyng Edward was sore adrad best men of london wold yelde hem vn to the quene Isabell & to hir sone edward wherfor he sent mastir walter stapiltō his tresorer for to be wardeyne and keper of the cite of london with the maire And so he come to the Gildehall of london and axed the keies of the yates of the cite thurgh vertue & strength of his cōmis¦sion and wolde haue had the kepyng of the cite And the cōmuners ansuerd & said that they wolde kepe the cite to the honour of kyng Edward and of Isabell the Quene and of the duke the kynges sone withouten any mo The bisshopp was so sore annoied & swore othe that they all shold abie it anone as kyng Edward were come oute of walys ¶And the cōmuners all anone of the cite token the bisshopp & lad hym amyddes chepe and there they smyten of his hede and set his heed in his right hond ¶And after they beheded ij. of his squyers that helde with the bisshopp and one of hem was called williā of walle that was the bisshoppes nepheu That othir was called Iohan of Padyngton And also they toke a burgeis of lon¦don that was called Iohan marchall that was sir hugh the spen∣cers aspie the fadre & smyten of his hede also And in that same ty∣me that same bisshopp had in london a fa••r tour in makyng in his close vpon the riuer of the thamyse that was withoute templebarre and hym failled stone to make ther of an ende wherfor he cōmaun¦ded his men to gone to the chyrche of frere carmes and ther they to∣ken stone to make ther with the towre and moche sand and mortier and olde robous that was left ¶And for the despite that the bishop had done vn to holy chyrch he and his ij. squyers were buried in that sand as though they had bene houndes And they ther leyen xj. wekes till that the quene Isabell sent hir lr̄es to the cōmuners & praied hem that they wuld suffre & graunte that the bisshopp must betaken oute of that place and bene buried at excestre at his owne chyrche and so he was and his ij. squyers were buried at seint clemētz chyrch withoute tēple barre & it was no wōder though y^•

bisshopp died an euell deth For he was a coueitous man and had with hym no mercy & euell counceilled the kyng ¶And sone af•• was arnold of spayne taken he that was assentaut to haue lad the v.M pounde of siluer in v. barelles ferriers vn to the douzepers of fraunce for to helpe & hast the quene Isabell to hir deth & Edward hir sone also And this arnold was put vn to deth withoute the Cite of london

¶How kyng Edward & sir hugh spencer and the Erle of arun¦dell were taken Ca.CC.ix.

WHen kyng Edward had sent mastir walt Stapilton his tresorer in to london for to kepe the cite vn to hym ayene y^• quene Isabell his wife & ayene Edward hir sone anone hym selfe toke with hym sir hugh spencer the sone and sir Iohan erle of arundell & mastir robert baldoke his chaunceler a fals pil¦led prest & token hir way toward bristowe And ther the kyng abo¦de a litell terme & made sir hugh the spencer the fadre as conestable & keper of the castell And the kyng & that othir spencer went in to the shipp & sailled toward walys & toke no ••eue of the stiward ne of none in the kynges housold And ouer in to walys for to arere the walshmen ayene dame Isabell the quene & the duke hir sone & the Erle of kent and sir Iohan of henaude and they w••nt & pur¦sued after hem and hir power encresed euery day So at the last the kyng was taken vpon an hylle in walys and sir hugh the spencer the sone in that othir side of the same hylle and the fals piled clerc mastir Robert baldok there fast besides hem and were brouʒt ayene in to Englond as almyghty god wold & the kyng hym selfe was in sauf kepyng in the castell of kenilworth and hym kept sir henry that was seint Thomas brother of lancastre ¶And sir hugh spencer the fadre came and put hym in the quenes grace and Sir Edward hir sone duke of gnyhenne But sir hugh the spencer aft the tyme that he was take nolde ete no maner mete nothir drinke no maner drinke for he wyst to haue no mercy sauf only to be dede And the Quene and hir counceille tho had ordeyned that he sholde haue bene do to deth at london but he was so feble for his moche fa∣styng that he was dede almost And therfor it was ordeyned that he sholde haue his Iugement at herford And at a place of the toure his hood was take from his heed and also from Robert of baldok that was a pilled clerk and a fals and the kynges Chauncelere

and men set vpon hir hedes chapp clettz of sharpe netteles and two squyers blewe in hir eres with ij. grete bugles hornes vpon tho ij. prisoners that men myght here ther blowyng oute with hornes mo than a Myle And one Symond of Reding the kynges marchall before hem bare hir armes vpon a spere reuersed in token that they sholde be vndone for euer more ¶And vpon the morwe was Sir hugh spencer the sone dampned to the deth and was drawe and hon¦ged ••e••••ded and his boweles taken oute of his body and brend and after he was quartred / and his iiij. qnartiers were sent to iiij. tou¦nes of Englond and his hede sent to london brugge / ¶And this Symond for encheson that he despised Quene Isabell he was dra∣we and honged in a stage made amydde the forsaid sir hughes ga∣lewes ¶And the same day a litell fro thens was sir Iohan of Aruudell beheded for he was of sir hugh spencers councelers

¶And anone after was sir hugh spencer the fadre drawe honged and beheded at Bristowe / and after honged ayene by the armes with ij. stronge ropes / and the iiij. day after he was hewen all to pe∣ces and houndes eten hym / and for that encheson that the kyng had yeuen hym the Erledome of wynchestre his hede was lad thidder & put vpon a spere And the•• fals Baldoke was sent to london and ther he deide in prison amonges thefes / for men did hym no more re∣uerence than they wold done vn to an hounde / and so deiden the trai¦tours of englond blissed be almyghty god And it was no wōder for her thurgh counceill the good erle Thomas of lancastre was do¦ne vn to deth And all that helden with Thomas of lācastre thurgh the traitours were vndone and all hir heires disherited

¶How kyug Edward was put a doune and his dignite ••enō∣me Capitulo d••centesimo decimo

ANd anone after as this was done the Quene Isabell and Edward hir sone and alle the grete lordes of englond at one assent sent to kyng edward to the castell of kenilworth the•• that he was in kepyng vnder the ward of sir ••ohan Hachim that was the bisshopp of Ely / & of sir ••ohan of Percy a baron for encheson that he shold ordeyne his plement at a certeyn place in En¦glond for to redresse & amend the state of the reame ¶And kyng Edward hem ansuerd and said lordes quod he / re see full well ••ow it is / ••o haueth here my seal / I yeue yowe alle myne powe••

to ordeyne a parlement wher that ye wyll ¶And they toke hir 〈◊〉〈◊〉 of hym and come ayene to the barons of Englond. ¶And when they had the kynges patent of this thyng they shewed it to the lordes ¶And tho was ordeyned that the parlement sholde bene at westmynster at the vtas of seint Hillarie ¶And all the grete lordes of Englond let ordeyne for hem ther ayens that tyme that the parlement shold bene ¶And at which day that parlement was the kyng wold not come ther for no maner thyng as he had sett•• hym selfe and assigned And notheles the barons sent to hym o tyme & othir And he swore by goddes soule that ••e nolde come ther o foot Wherfor it was ordeyned by all the grete lordes of Englond that he shold no lenger bene kyng but bene deposed and said that they wold croune kyng Edward his sone the elder that was duke of Gnyhenne and sent so tydyng vn to the kyng ther that he was in∣ward vnder sir Iohan Erle of Garenne and sir Iohan of Bo∣thun that was bisshopp of Ely and sir Henry Percy a baron & sir william Trussell a knyght that wat with the Erle sir Thomas of Lancastre for to yelde vp hir homages vn to hym for all th•••• of Englond ¶And sir william Trussell said thees wordes

¶Sir Edward for encheson that ye haue traied your peple of en¦glond and haue vndone many grete lordis of Englond withou¦te any cause but nowe ye ben withstond thanked be god ¶And also for enc••eson that ye wolde not come to the parlement as ye or∣deyned at westmynster as in your owne lettre patent is conteyned for to trete with your ••••ege men as a kyng sholde ¶And ther for thurgh all the commune assent of all the lordes of Englond I telle vn to yowe these wordes ye shull vnderstond sir that the Barons of Englond at one assent wyll that ye be no more kyng of Englond but vtterlich haue put yowe oute of your Realte for euermore ¶And the bisshopp of Ely said tho to the kyng ¶Sir Edward here I yelde vp feaute and homage for all the Erche bis¦shoppes and bisshoppes of Englond and for all the clergie ¶Tho said Sir Iohan Erle of Garenne Sir Edward I yelde vp here vn to yowe f••aute and homage for me and for all the Erles of Englond ¶And Sir Henry Percy yafe vp also ther his ho∣mage for hym and for all the Barons of Englond

¶And tho said Sir william Trussell I yelde vp nowe vn to yowe Sir myne homage for me and also for all the knyghtes of Englond and for all them that holden by seriauntrie er by any othir maner thyng of yowe. So that fro this day afterward

ye shull not be claymed kyng nothir for kyng be hold / But from this tyme afterward / ye shull be holde for a singuler man of all the peple / & so they wente thennes vn to london ther that the lordes of en¦glond hem abode / And sir Edward abode in prison in good keping and that was the day of Conuersion of seint Panle in the xx. yere of his regne

¶Prophecie of Merlyn declared of kyng Edward the sone of kyng Edward Ca.cc.xj

OF this kyng Edward {pro}phecied Merlyn & said that ther shold come a Goot out of Carre that shold haue hornes of sil•• & a berde as white as snowe / & a doppe shold come out of his nosethirles that sholde betoken moch harme hunger & deth of the peple / & grete losse of his land / and that in the beginnyng of his regne shold be haunted moche lecheri•• ¶He said soth allas the tyme for kyng Edward that was kyng Edwardes sone was borne at Carnariuan in walys / forsoth he had hornes of siluer & a berde as snowe / whan he was made prince of walys / to moch he yafe hym 〈◊〉〈◊〉 riotte & to folie / And soth said Merlyn in his {pro}phecie that ther shold come oute of his nose a doppe / for in his tyme was grete hun∣ger amonge the poure peple / & stronge dethe amonge the riche that deide in straunge land with mochel sorwe & in werre in Scotland a••d afterward he lost Scotland & Gascoyne / & whiles that hym selfe was kyng ther was moche lecherie haunted ¶And also Mer¦lyn told & said that this goot shold seche the flour of lyfe & of deth And he said sothe / for he spoused ••sabell the kynges doughter of fraū¦ce ¶And in his tyme Merlyn said that ther shold be made brug∣ges of folke vpon diches of the see and that was well seyne at ban¦nokkesborne in Scotland whan he was discomfited ther of the Scottes And Merlyn told also that stones shold fall from castel¦les and many tounes shold be made pleyn ¶And he said sothe for whan kyng Edward was discomfited in Scotland and co∣me th•••• southward the Scottes beseged tho Castelles and did hem moche harme and brend tounes vn to the hard ••rthe /

¶And afterward Merlyn tolde that an Egle shold come out of Cornewaille that shold haue fetheres of gold that of pride sholde haue no piere / And he sholde despise lordes of blood / and after he sholde die thurgh a bere at Gauersiche and that prophecie was full well knowe and founde sothe ¶For by the Egle is vn¦derstonde Sir Piers of Ganastone that tho was Erle of Corne∣waille that was a wonder proude man that despised the baronage

of Englond but afterward he was beheded at Gauersiche thurgh the Erle of Lancastre and thurgh the Erle of warre wyke

¶And Merlyn tolde that in his tyme it sholde seme that the bere sholde brenne and that bataille sholde be vpon an arme of the see in a felde araied like a shelde were sholde die many white heedes.

¶And he said sothe for by the brennyng of the here is betokened grete drede thurgh cuttyng of swerd at that bataille ordeyned in a felde as a shelde vpon an arme of the see is betokened the bataill of Mitone for ther comen the Scottes in maner of a shelde in ma∣ner of a winge & slew vpon swale men of religion prestes and secu¦lers wherfor the Scottes called that bataill in despite of Englissh¦men the white bataille ¶And after Merlyn said that the forsaid bere sholde done the goot moch harme & that shold be vpon the south west and also vpon his blode and said also that the goot sholde ••ese moch dele of his lande till the tyme that shame sholde hym o••come and than he sholde clothe hym with a lyons skynne & sholde wynne ayene that he had lost and moch more thurgh peple that shold come oute of the north west that sholde make hym bene drad and hym a vienge of his enemies thurgh counceill of ij. owles that fyrst shol¦de bene in {per}ill to be vndone ¶And that tho ij. owle•• sholde wende ouer the see in to a strange land and ther they shold duelle till a cer¦teyne tyme and after they sholde come in to Englond ayene.

¶And tho ••j. owles sholde do moche harme vn to many one & that they sholde counceille the gote for to meve werre ayens the forsaid bere ¶Aud that the goot and the owles sholde come vn to an arm̄ of the see at Barton vp trent and sholde wende ouer and that for drede the bere sholde flee with a swan in his companie vn to bury toward the north thurgh an vnkynde outpulter and that the swan than sholde be slayne with sorwe and the bere shold be slayn̄¦full nigh his owne nest that sholde stonde vpon Pounfrete vpon whom the sonne shall shede his bemes and many folk hym shall se∣che for the mochel virtue and he said full sothe for the good Erle Thomas of Lancastre was borne in the northwest and cosin to the kyng and sone of his vncle ¶And by lawe he made the kyng ••ese moche land the which he had purchased wylfully till at the last the kyng ther of toke shame and hym selfe fylled with cruelte And after he gate ayene that he had lost and moche more thurgh folke that he let assemble oute of the northwest that made hym to bene adrad and avenged hym of his Barons thurgh counceille of Sir Hugh the spencere the fadr•• and of Sir Hugh the sone

••hat beforne were outelawed of Englond for hir wykkednesse

¶But afterward come ayene in to Englond Sir hugh spencer the fadre oute of fraunce / and so moche counceilled the kyng that he shold werre vpon Thomas of lancastre / So that the kyng and the spencers and the Erle of Arundell and hir power met with Tho∣mas of la••castre at Burton vp trente and hym there discomfited and Sir humfrey Erle of Hereford was in his companie And af¦ter fledden the forsaid Thomas and Humfrey with hir companie at Burbrugge with Sir Andrewe of herkela that is called the vn¦kynde outeputter ¶And also Sir Symond warde Erle of yorke they come and met with Thomas of lancastre with an huge com∣panie / and hem ther discomfited / and in that scomfiture the erle of Hereford was slayne vpon the brugge cowardely with a spere in the fundement And the Erle Thomas was take and lad vn to Pounfrete / and tho he was beheded beside his owne Castell / But aftward many men hym souʒt for miracles that god did for hym ¶And in that tyme Merlyn said for ••orwe & harme shold die a pe¦ple of his land wherfor many landes shold be vpon hym the bol∣dr•• / And he said sothe for by encheson of his barons that were do∣ne to dethe / for seint Thomas quarell of lancastre peple of many lon¦des become the bolder for to meue werre vpon the kyng / for hir blo∣de was turned to many nacions ¶And afterward Merlyn tolde and said that the forsaid owles sholde done moche harme vn to the flour of lyfe and of dethe / and they shold bring hir vn to mo¦che disese / So that she shold wende ou••r the see in to Fraunce for to make pe••s to the flour delise / and there shold abyde till on a tyme that hir seed sholde come and seche hir And tho they shold abide bo∣the till a tyme that they shold clothen hem with grace / and tho two owles she sholde seke and put hem vn to spitu••se dethe / And that prophecie was well knowen and was full sothe / ¶For Sir hugh spencer the fader and Sir hugh the sone did moche sorwe and persecucion vn to Quene Isabell thurgh hir procuremēt to hir lord the kyng ¶So they ordeyned amonges hem that she was put vn to hir wages that is to say xx. shillyng in the day / wherfor the kyng of Fraunce hir brother was wonder sore annoied and sente in to Englond by his lettres vn to kyng Edward that he sholde come to his parlement to Parys in Fraunce / but kyng Edward was sore adrad to come there / for he wende to haue bene arested till that he had made amendes for the trespace that Sir hugh spen∣cer the fadre & the sone had done / & for the harme that they had don̄ to

Quene Isabell his suster ¶Wherfor thurgh hir ordeynaunce & cō¦sent of the spencers the quene Isabell went ouer see in to fraunce for to make accord bitwene kyng Edward & the kyng of fraunce hir brother And there duelled she in fraunce till Edward hir eldest sone come hir to seche & so they duelled ther bothe till that aliaunce was made bitwene hem And the gētill erle of henaude that yf they with her helpe myght destroie & ouer come the venym & the falsenes¦se of the spencers that sir Edward shold spouse Dame Philipp the wurshipfull lady & the Erles doughter of henaude ¶Wherfor the Quene Isabell & sir Edward hir sone & sir Edmond of wodestok the kynges brother of Englond & sir Iohan of henaude & sir Ro∣gier mortimer of wigmore and sir Thomas Rocelyn & sir Iohan of Cromwell & sir william Trussell and many othir of the aliaun¦ce of the gentill Erle Thomas of lancastre that were exiled oute of Englond for his quarell & were disherited of hir landes ordeyned hem a grete power and arrined at Herewych in southfolk And sone after they pursueden the spencers till that they were taken & put vn to spitouse deth as before is said and hir companie and also for the grete falsenesse that they did to kyng Edward and to his peple ¶And Merlyn said also more that the gote sholde be put in to grete disese and in grete anguyssh & in grete for we he sholde lede in his lyfe and he said sothe For after the tyme that kyng Ed∣ward was take he was put in to warde till that the spencers were put vn to the dethe ¶And also for encheson that he nold not come vn to his owne {per}lement at london as he had ordeyned and assigned hym selfe & to his baronage & also wolde not gouerne & rule his peple ne his realme as a kyng sholde done ¶Some of the barons of Englond comen and yelde vp hir homages vn to hym for hem for all the othir of the Reame in the day of Cōuersion of seint pau¦le & in the yere of his regne xx. and they put him oute of his realte for euermore and euer he lyved his lyfe afterward in moch sorwe and anguysshe

¶Of kyng Edward the thridde after the conquest Capitulo CC.xij.

ANd after this kyng Edward of Carnariuan regned sir Edward of wyndesore his sone the whiche was crou∣ned kyng and annoynted at westmynster thurgh con∣sent and wyll of all the grete lordes of the Reame the Sonday in

Cādelmasse eue in the yere of grace M.CCC.xxvj. that was of age at that tyme but xv. yere / and for encheson that his fadre was in ward in the castell of kemlworth and eke was put doune of his ro¦yalte / the reame of englond was as withoute kyng fro the feste of seint katherine in the yere aboue said vn to the feste of Candelmasse and tho were all maner pl••es of the kynges benche astent / ¶And tho was commaunded to all the shereues of englond thurgh write to warne the parties to defendauntz thurgh somnyng ayene ¶And al¦so ferthermore that all prisoners that were in the kynges 〈◊〉〈◊〉 y^• were attached thurgh shereues shold be lete gone quyte ¶The kyng Edward after his coronacion at the praier & beseching of his liege of the reame graunted hem a chartre of stedfast pees to all hem that wolde it axe / And sir Iohan of henaude & his companie toke hir leue of the kyng & of the lordes of the reame / & turned home to hir owne contre ayene / & eche of hem had full riche yiftes euerich mā as he was of value & of estate ¶And tho was englond in pees and in reste & grete loue bitwene the kyng and his lordes / and communely englisshmen said amonges hem that the deuell was dede / but the tre∣sour of the kyng his fadre & the tresour of the spencers bothe of the fadre and of the sone / & the tresour of the erle of Arundell & of ma¦stir Robert Baldoke that was the kynges chaunceler was depar∣ted after the quene Isabellys ordinaunce & sir Rogier Mortimers of wygmore / so that the kyng had no thyng ther of but at hir wyll & hir deliueraūce noght of hir londes / as afterward ye shall here

¶How kyng Edward went to stanthope for to mete the Scottes; Capitulo ducentesimo xiij.

ANd yit in the same tyme was kyng Edward in the castell of kemlworth vnder the kepyng of sir henry that was er∣le Thomas brother of lancastre that tho was erle of leyce∣stre & the kyng graunted hym the erledome of lancastre that y^• kyng his fadre had seised in to his hande & put oute Thom••s of lancastre his brother / And so was he erle of lancastre & of leycestre & 〈1 line〉〈1 line〉 of englond as his brother was in his tyme / but sir Edward that was kyng edwardes fadre made sorwe withoute ende / for cau¦se that he myght not speke with his wife ne with his sone wherfor he was in moche meschief For though it were so that he was lad •• ruled by fals counceill / yit he was kyng Edwardes sone 〈◊〉〈◊〉 ed¦ward with long schākes & come of the worthiest blode of the worlde

¶And thilke to whom he was woned to yeue grete yi••••es & large were most ••ue with the kyng his owne sone / & they were his ene∣mies bothe by nyght & by day & {pro}aired for to make debate & contele bitwene hym & his sone & Isabell his wife / but the frere p••••chours to hym were good frendes euer more & cast & ordeyned bothe 〈◊〉〈◊〉 ny•••• & day how they myght bring hym oute of prison / And amonge hir companie that the freres had priuely brought / ther was a frere that was called Dun••••ned & he had ordeyned & gadred a grete company of folke to helpe at that nede / but the frere was take & put in the Ca¦stell of Pountfrete / & there he deide in prison ¶And sir Henry erle of lācastre y^t had the kynges fadre in kepyng thurgh cōmaūdemēt of the kyng deliuered Edward the kynges fadre by endenture vn to sir Thomas of Berkeley / And so sir Iohan Mautreuers / and they lad hym from the Castell of kemlworth vn to the Castell of Berkely and kept hym ther saufely / ¶And at Estren next after his coronacion the kyng ordeyned an huge ••oste for to fight ayens the Scottes / ¶And sir Iohan the erles brother of henaud fro beyō¦d•• the see come for to helpe kyng Edward and brought with hym vij. houndred men of armes and arriued at Douer and they had leue for to gone forth till that they come to yorke ther that the kyng abode hem ¶And the scottes come thidder to the kyng for to make pees & acord / but the acordement bitwene hem last but a litell tyme And at that tyme the Englisshmen were clothed all in cotes and hodes peinted with l••ez and with floures full semely with longe ber¦des And therfor the Scottes made a bille that was fastened vpon the church dores of seint Petre toward stangate and thus said the scripture in despite of Englisshmen

¶Longe berde hertelees / Peynted hood witlees / Gay cote grace∣lees / makes englond thriftlees /

ANd the trinite day next after began the contake in the Ci∣te of yorke bitwene the Englisshm••n and th henaudiers / And in that debate were quelled of the Er••••dome of Ni∣choll and mordred lxxx. and after they were buried vnder a sto∣ne in seint Clementz churchhawe in fossegate / And for encheson that the henauders come to helpe the kyng / her rees was cried on ••yne of lyfe and lymme / And in that othir halfe it was founde by an Enquest of the Cite that the Englisshmen begonnne the de∣bate

¶How the Englissmen stopped the Scottes in the parke of stan∣hope and how they turned ayene in to Scotland Ca.CC.xiiij

ANd at that tyme the Scottes had assembled all hir poer and comen in to Englond and quelled robbed all that they myght take and also brenten & destroied all the north contre thurgh oute till that they comen to the parke of stanhope in wyredale and ther the Scottes helde hem in a buschement ¶But when the kyng had herde thurgh certeyne aspies where the scottes were anone right with his hoste beseged hem withyn the forsaid parke so that the Scottes wyst neuer wher to gone oute but only vn to hir harmes and they abiden in the parke xv. daies and vita illes hem failled in euery a side so that they were gretly empeired of her bodies. ¶And sith that brute come fyrst in to Britaigne vn to this tyme was neuer seyne so faire an host what of English men and of aliens and of men of foot the which ordeyned hem for to fight with the Scottes thurgh eggyng of sir Henry Erle of Lā¦castre and of sir Iohan henaude that wold haue gone ouer the wa¦ter of withe for to haue fought with the Scottes. But sir Rogier mortimer consented nat ther to For he had priuely taken mede of the Scottes hem for to helpe that they myght wende ayene in to hir owne contre ¶And the same Mortimer conceilled so moch thomas of Brothertone the Erle marchall that was kyng Edwardes vn∣cle that the forsaid Thomas shold nat assemble at that tyme vn to the Scottes and he assented but he wyst not the doyng bitwene the Scottes and the forsaid Mortimer. And for encheson that he was marchall of Englond and to hym {per}teyned euer the vaunt∣warde he sent hastely to the Erle of Lancastre and to Sir Iohan of henaude that they shold not fight vpon the Scottes in preiudice and harmyng of hym and his fee and yf they did that they shold stonde to hir owne {per}ill And the forsaid Erle marchall was all arai••d with his bataille at the reredoos of the Erle of Lancastre for to haue fought with hym and with his folke yf he had meved for to fight with the Sco••tes and in this maner he was deceyued and wyst no thyng of this treson And thus was the kyng prin¦cipally desceyued. ¶And when it was nyght Mortimere that had the wach for to kepe of the hoste that nyght destourbled the wach that no thyng must be done And in the mene while the Scottes stele be nyght toward hir owne contre as faste as they myght And so was the kyng falsely betraied that wend that

that all the t••••itours of his land had be brouʒt to an ende as it was•• said before / Now here ye lordes how traitoursly kyng Edward was desceyued & how meruousely & boldely the scottes did of werre / for Iames douglas with cc. men of armes riden thurgh oute the hoste of kyng Edward the same nyght the scottes were scaped toward hir owne contre as is aboue said till that they come to the kynges p••¦uilon & quelled there many men in hir beddes & cried some Naward Naward & an othir tyme a douglas a douglas / wherfor the kyng that was in his pauilon & moche othir folke were wonder sore af∣fea••ed / but blissed be almyghty god and the kyng was not taken & in grete {per}ill was tho the reame of Englond ¶And that nyght the mo¦ne shone full clere & bright / & for all the kynges men the scottes a∣scaped harmelees / And in the morwe whan the kyng wist that the scottes were ascaped in to hir contre he was wonder sory & full herte¦ly wept with his yonge yien / and yit wist he not who hym had do•••• that treson / but that fals treson was full well y knowe a good whi¦le after as the storie telleth ¶The kyng Edward come ayene tho to yorke full sorwefull & his hoste departed & euery man went in to his owne contre with full ••eny chere & mornyng semblant & the be∣naudes toke hir leue & went in to hir owne contre / & the kyng for hir trauaille hugely hem rewarded And for encheson of that viage the kyng had dispendid moche of his tresour & wasted ¶And in that tyme were seyne ij. mones in the firmament that one was clere & that othir was derke as men myʒt tho see thurgh oute the worlde & a grete debate was that same tyme ayens pope Iohan the xxij. aft seint petre / and the Empour of Almayne tho made him Em{per}our ayens the popes wylle / that tho helde his see at Auinion / wherfor y^• Em{per}our made his crie at rome & ordeyned an othir pope that hight Nicholas that was a frere menour / & that was ayens the right of holy churche / wherfor he was cursed & the power of that othir pope sone was leid / And for encheson that suche meruailles were seyue men said that the world was nygh at an ende

¶Of the deth of kyng Edward of Carnariuan Ca.cc.xv

ANd now go we ayene to Sir Edward of Carnariuan that was kyng somme tyme of England and was put a doune of his diguite / Allas for his tribulacion and sor∣we that hym befell thurgh fals counceill that he leued and truste vpon to moche that afterward were destroied thurgh hir falseness•• as god wolde ¶And this Edward of Carnariuan was in the castell of Berkeley vnder the keping of sir morys of berkeley & sir

Iohan of Mautre vers and to hem he made his compleint of his ••orwe and of his disese and ofte tymes he axed of his wardeyns what he had trespaced ayens dame Isabell his wyfe and Sir Ed∣ward his sone that was made newe kynge that they wolde nouzt visite him. ¶Tho ansuerd one of his wardeyns My worthy lord di¦splese yow nat that I shall telle yowe the encheson is for it is done hem to vnderstonde that yf my lady your wyfe come any thyng nye yowe that ye wolde hir strangle and quelle And also that ye wolde do to my lord your sone that same ¶Tho ansuerd he with simple chere Allas allas am I nat in prison & all at your owne wyll nowe god it wote I thought it neuer and nowe I wolde y^• I were dede so wolde god that I were for than were all my sorwe passed ¶Hi•• was not long after that the kyng thurgh counceill of mortimer graunted the warde & kepyng of sir Edward his fadre to sir Thomas Toiourney & to the forsaid sir Iohan Mautre vers thurgh the kynges lr̄e & put oute holy the forsaid sir Morice of the warde of the kyng & they toke & lad the kyng vn to the Castell of Corffe the whiche Castell the kyng hated as any deth & they kepte hym there saufely till it come vn to seint Mathewes day in septem∣bre in the yere of grace M.ccc.xxvij. that the forsaid sir Rogier mor¦timer sent the maner of the deth how & in what wyse he sholde be do ne to dethe ¶And anoue as the forsaid Thomas & ••ohan had seyn̄ the letter & cōmaundement they made kyng Edward of Caruaiuā good chere & good solas as they myght at that soper & no thyng the kyng wyst of y^t trecherie And when tym̄ was for to goo to bedde the kyng went vn to his bed & lay & slept fast and as the kyng lay & slept the traitours fals forsworne ayens hir homage & hir feaute comen prinely in to the kynges chambre and hir companie with hem and leyden an huge table vpon his wombe & with men presse den & helden fast a doune the iiij. corniers of the table vpon his bo∣dy wherwith the goodman awoke & was wonder sore ••dr••d to be dede there and slayne & turned his body tho vpsedoune ¶Tho toke the fals traitours and as wode tirauntz an horne & put it in to his fundement as depe as they myght & toke a spite of coper bren∣nyng & put it thurgh the horne in to his body & ofte tymes ••olled therwith his boweles and so they queld hir lord that no thynge was {per}ce••ued & after he was entered at Gloucestre

¶How kyng Edward spoused Philipp the Erles doughter of henaude at yorke Ca.CC.xvj

¶No after Cristemasse tho next sueng sir Iohan of henaude

brought with hym P••elipp his brothers doughter that was erle of henaude his nece in to englond / & kyng edward spoused hir at yorke with moch honour ¶And sir ••ohan of Bothum bisshopp of Ely & sir william of Melton Erchebisshopp of yorke songen the masse y^• sonday in the eue of conuersion of seint Paule In the yere of grace a M.ccc.xxvij. but for encheso•• that the kyng was but yong & ten¦dre of age / whan he was crosied full many wronges were done whi¦le that his fadre lyued / for encheson that he trowed the Councelers that were fals aboute hym that counceilled hym to done othir wyfe than reson wolde wherfor grete harme was do vn to the Reame & to the kyng & all men directed it the kynges dede / & it was not so Al¦myʒty god wote / wherfor it was ordeyned at the kynges crounyng that the kyng for his tendre age shold be gouerned by xij. grete lordes of īglond withoute which no thyng shold be done / that is for to say The Erchebisshopp of Caunterbury / the erchebisshop o fyorke The bisshopp of wynchestre / & the bisshopp of hereford / the Erle of lā¦castre / the erle marchall / & the Er••e of kent that were the kynges vncles / & the erle of Garenne / Sir Thomas wake / Sir Henry of Percy / Sir Oliuer of yngham / and Iohan of Roos barons▪

¶All these were sworne trewly for to counceill the kyng ¶And they shold ansuere euery yere in the parlement of that that sholde be done in the tyme of that gouernaille but that ordinaunce was sone vndone / & that was moch losse & harme to all englond For y^t kyng and all the lordes that shold gone••ne hym were gouerned & ruled after the kynges moder Dame Isabell / & by Sir Rogier Mortimer And as they wolde all thyng was done both amonge high & lowe And they token vn to hem Castelles tounes landes & rentes in gre¦te harme & losse to the cronne & of the kynges state oute of mesure

¶How the pees was made bitwene the Englisshmen and the scot¦tes / and also of ••ustifieng of Troylebastone Capitulo ducentesimo xvij.

THe kyng Edward at witsontyde the second yere of his re¦gne thurgh counceill of his moder & of sir Rogier Morti∣mer ordeyned a {per}lement at northampto•• / at the which {per}le∣ment the kyng thurgh hir counceill & none othir of the land within age graunted to bene acorded with the scottes in this maner / that all the feautes & homages that the stottes shold do vn to the croune of englond foryafe hem vn to the scottes for 〈◊〉〈◊〉 more by his chartre

ens••bed ¶And ferthermore an endenture was made of the scottes vn to kyng Edward that was kyng Henries sone whiche enden∣ture they called it rageman in the which were conteyned all the ho¦mages and feautes Fyrst of the kyng of Scotland and of all the prelatz Erles and Barons of the Reame of Scotland with hir seales set ther on and othir chartres and remembraunces that kyng Edward and his Barons had of her right in the 〈◊〉〈◊〉 of Scotland y•• was foryeue hem ayene holy chyrch And also with the blake crosse of Scotland the which the good kyng Edward cōquered in Scotland and brought it oute of the A••••ey of S••o••e that is a full precious reli••ue ¶And also forthermore he relesed and foryafe all the landes that the barons of Englond had in scot∣land by olde conquest And this pees for to holde and lost the scot¦tes were bounde vn to the kyng in xxx. thousend pounde of siluer to be paid withyn in yere that is to feyn euery yere x. thousend poūd by evyn porcions ¶And ferthermore aboue all this they speke bitwene the parties aboue said that Dauid driton••ntier that was Robert the Brus is sone the fals tiraunt and traitour and fals forswore a••ens his othe that arose ayens his liege ••••d the noble kyng Edward and falsely made hym kyng of Scotland that was of age of v. yere ¶And so thurgh this cursed counceill Dauid spoused at Berewyke Dame Iohan of the tour that was kyng Edwardes suster as the geest tr••eth vpon mary Magdale∣ne day In the yere of grace a M.CCC. and xxviij. to grete harme and empeiring to all the kynges blod wher of that gentill lady come Allas the tyme For wonder moche was that faire dan••ifell disraged fith that she was maried ayens all the ••ommune ••••ente of Englond And fro the tyme that Brute had conquered albion and nempned the l••nde after his owne name Britaigne that now is called Englond after the name of Engist

¶And so was the the Reame of Scotland holden of the Recone of Englond and of the croune by 〈◊〉〈◊〉 and by homage

¶For Brute conquered that land and yafe it to Albana•• his second sone and be called the lande Albayne after his owne na∣me So that the beires that com••n after hym helden of Brute and of his beires the kynges of Britaigne by feaute and homoge and from that tyme vn to this kyng Edward the Reame of scotland was bolden of the Reame of Englond by feautes and services a¦boue said as the cronicbes of England and of Scotland beren wit¦nesse more plenarly ¶And 〈◊〉〈◊〉 be the tyme that this {per}lement

was ordeyned at Northampton / For ther thurgh fals counceill the kyng was there falsely dishericed / and yit he was withyn age ¶And yit whan kyng Edward was put a doune of his Roy∣alte of Englond / yit men put hym not oute of the feautes and ser¦uices of the Reame of Scotland ne of the fraunch••ses disherited hym for euer more ¶And notheles the grete lordes of En∣glond were ayens to conferme the pees and the trewes aboue said s••uf only Quene Isabell that was the kynges moder Edward / & the bisshopp of Ely and lord Mortimer / but reson and lawe wol∣de not that a finall pees sholde be made bitwene hem withoute the cō¦mune assent of Englond

¶Of the debate that was bitwene Quene Isabell and Sir Hen∣ry Erle of Lancastre and of Leycestre and of the ridyng of Be∣deford Capitulo ducentesimo xvij.

WHen the forsaid Dauid had spoused Dame Iohane of the tour in the toune of Berewyke as before is said the Scot∣tes in despite of the Englisshmen called Dame Iohan the Countesse make pees / For the cowardyse pees that was ordeyned but the kynges persone bare the wyte and the blame with wronge of the makyng of the accorde / and all was done thurgh the Que∣ne and Rogier Mortimere ¶And it was not longe after that the Quene Isabell ne toke in to hir owne hande alle the lord∣shipp of Pountfrete / almost all the landes that were of value that ap{per}teyned to the croune of Englond / So that the kyng had not for to disp••ude but of his vses and of his Escheker / For the Que¦ne Isabell and Mortimere had a grete meyn•• of hir retenaunce that folowed euer more the kynges courte / and wente and toke the kynges prises for hir peny worthes at good chere / wherfor the contre that they comen ynne were full sore adrad and almoste de∣stroied ¶Tho begon the comminalte of Englond for to ha∣te Isabell the Quene that so moche loued hir / whan she come ayen•• for to pursue the fals traitours the Spencers fro Fraunce

¶And that same tyme the fols traitour Robert of Holand that betraied his lorde Sir Thomas of Lancastre was tho deliuered oute of prison / and was wonder priue with the Quene Isabell and also with Rogier the Mortimere / But that auailled hym but litell / for he was take at Mi••elmasse that tho come next ••ewyng

after as he rode towarde the quene Isabell to london & sir Thomas wither smote of his hede besides the toune of seint Albones And this Sir Thomas duelled tho with sir Henry Erle of Lancastre & he put hym in hidyng for drede of the Quene For she loued hym wonder nioche and praied vn to the kyng for hym that the same Thomas must bene exiled onte of Englond ¶And the noble Erle Sir Henry lancastre had ofte tymes herd the commune cla¦mour of the Englisshmen of the diseses that were done in Englond and also for diuerse wronges that were done amonge the cōmune peple of the whiche the kyng bare the blame with wronge For he nas but full yonge and tendre of age and thought as a good man for to done away and slake the sclaundre of the kynges per∣sone yf that he myght in any maner wyse So as the kyng was ther of no thyng gylty wherfor he was in {per}ill of lyth and lymme ¶And so he assembled all his retenaunces and went and spake vn to them of the kynges honour and also for to amend his astate And Sir Thomas brotherton Erle marchall and Sir Edmond of wodestoke that were the kynges vncles and also men of lon∣don made hir othe hym for to maynten in that same quarill

¶And hir cause was this that the kyng shold holde his housold and his meyny as a kyng ought for to done and haue also his ri¦alte and that the queene Isabell shold deliuer oute of hir honde in to the kynges honde all maner lordshippes rentes tounes and Ca∣stelles that apparteyned to the croune of Englond as othir Ques∣nes had done before hir and medle with none othir thynge

¶And also that Sir Rogier Mortimer shold duelle vpon his owne landes for the which londes he had holpe disherite moche pe∣ple So that commune peple were not destroied thur••h hir wronge full takyng ¶And also to enquere how and by whom the kyng was betraied and falsely disceyued at Stanhope and thurgh whos counceill that the Scottes went away by nyght from the kyng ¶And also how and thurgh whos counceill the ordi∣naunce that was made at the kynges coronacione was put a doun̄ that is to seyne that the kyng for amendement and helpynge of the Reame and in honour of hym sholde be gouerned and ru∣led by xij. the grettest and wysest lorde•• of all the Reame and withoute hem sholde no thyng be graunted 〈◊〉〈◊〉 done as fore is said the whiche couenauntz malicyusly were put a doune fro the kynge wherfor many harmes shames and reproues haue f••lle vn to the kyng and his Reame And that is vnderstond for as moche as

Edward sum tyme kyng of Englond was ordeyned by assent of the commalte in pleyne parlement for to be vnder the ward & gouernaunce of Henry Erle of Lancastre his cosin for sauacione of his body he was take oute of the Castell of kenilworth ther that he was in warde and thurgh colour of Quene Isabell and of the Mortimer withoute consente of any parlemēt they toke & lad hym there that neuer after none of his kynred myght wyth hym speke ne see and after traitouresly toke and hym mordred For whos deth a foul sclaundr•• arose thurgh oute all Cristendome when it was done ¶And also the tresour that Sir Edward of Carna∣riuan had left in many places in Englond and in walys were wasted and bare away withoute the wylle of kyng Edward his sone in destructione of hym and of all his folke Also thurgh whos counceill that the kyng yafe vp the kyngdome of Scotland For the which Reame the kynges auncestres had full sore y tr••••uailled and so did many a noble man for her right and was 〈1 line〉〈1 line〉 vn to Dauid that was Robert the Brus sone all the 〈◊〉〈◊〉 that no right had to the Reame as all the world it wyst ¶〈◊〉〈◊〉 also by whom the chartres and remembraunces that they had of the right of Scotland were take oute of the tresorie and taken vn to the Scottes the kynges enemies to disherityng of hym and of his successours and to grete harme vn to his lieges and grete re∣proue vn to all Englisshmen for euermore Also wherfor dame ••o¦han of the tour the kynges suster Edward was dis{per}aged and maried vn to Dauid that was Robert the Brus sone that was a traitour and enemie vn to Englond And thurgh whos coun∣ceill she was take in to our enemies hondes oute of Englond

¶And in the mene tyme while the good Erle Henry of Lanca∣stre and his companie token counceill how these poyntes aboue said myght bene amended vn to the wurshipp of the kyng and to his profite and to the profite also of his lieges ¶The Quene Isabell thurgh coniectyng and sotilte and also of the Mortimer•• let ordeyne a parlement at Salisbury And at that same parlemēt the Mortimer was made Erle of the Marche ayens all the barons wyll of Englond in preiudice of the kyng and of his Coroun•• And Sir Iohan of Eltham the kynges brother was gurt with a swerd of Cornewaille and tho was called Erle of Cornewaille And euermore Quene Isabell so moche procured ayens hir sone the kyng that she had the warde of the forsaid Sir Edward and of his landes ¶And at that {per}lement the Erle of Lancastre wold

not come but ordeyned all his power ayen•• the Quene Isabell and the Mortimer and men of london ordeyned hem with v.C. men of armes ¶When Quene Isabell wyst of the doyng she swore by god and by his names full angrely that in euell tyme he thought vpon tho poyntes ¶Tho sent the quene Isabell and the Mortimer after hir retenue / and after the kynges retenue / so that they had ordeyned amonge hem an huge hoste and they counceilled the kyng so that vpon a nyght they ridden xxiiij. myle toward Bedford ther that the Erle of lancastre was with his companie / and thought to ha∣ue hym destroied And that nyght she rode besides the kyng hir sone as a knyght armed for drede of dethe / And it was done the kyng to vnderstonde that the erle henry of lancastre & his companie wol∣de haue destroied the kyng and his counceill for euer more / wherfore the kyng was somdele towardes hym ••eny and annoied / ¶Whan the Erle marchall and the Erle of kente the kynges brother herde of this tydyng they ridden so in message bitwene hem that the kyng 〈◊〉〈◊〉 hym his pe••s to Erle Henry of Lancastre fo a certayne 〈◊〉〈◊〉 of xj.M. pounde / but that was neuer paid afterward

¶And these were the lordes that helde with sir Henry of Lanca∣stre / Sir Henry Beaumont Sir fouke fitzwaren / Sir Thomas ro¦celyn / Sir william Trussell / Sir Thomas wyther / and aboute an houndred knyghtes moo that were to hym consenting / and all tho were exiled thurgh counceill of Quene Isabell and of the Morti∣mer / for the Mortimer weited for to haue hir landes yf that he myʒt thurgh any maner coniecting for he was to couetous and had to moche his wylle and that was grete pite

¶How kyng Edward went ouer the see for to do his homage vn to the kyng of fraūce for the duchie of Enyhenne Ca.cc.xix

HE was nat longe after that the kyng of feaūce thurgh coū¦ceill of his douzepiers sent to kyng Edward of Englond that he sholde come to Parys and done his homage as re∣son it wolde for the duchie of Gnyhenne And so thurgh counceill of the lordes of englond kyng Edward went o•• the see & at ascenci¦on tyde he come vn to Parys the iij. yere of his regne for to do his ho¦mage vn to the kyng of fraunce & the kyng vnderfong his homage and made of hym moche ••oye & wurship But whā kyng Edward had made his homage / hastely he was asente in to Englond thurgh the Quene Isabell his modre / and anone h••stely he come ayen••

in to Englond vpon withsonday withoute any takyng leue of the kyng of fraunce wherfor he was wonder wrothe

¶How sir rogier mortimer bare him proudely & so hie ¶Ca.cc.xx

ANd now shull ye here of sir Rogier mortimer of wigmore that desired and coueyted to be at an hie astate so that the kyng grauuted hym to be called erle of the marche thurgh oute all his lordshipp ¶And he become so proude & so hauteyne y^• he wolde lese & forsake the name that his auncestres had euer befor And for that encheson he let hym calle Erle of the marche & none of the cōmunes of englond durst calle hym by none othir name for he was called so thurgh the kynges crie that men shold call hym er¦le of the marche ¶And the mortimer bare hym tho so hauteyn̄ & so proude that wonder it was for to wit & also disgysed him with w••̄¦dre riche clothes oute of all maner reson both of shapyng & of we∣ring Wher of the englishmen had grete wonder how & in what ma∣ner he myght contreue or fynde suche maner pride & they said amon¦ges hem all cōmunely that his pride shold not longe endure And the same tyme sir Gieffrey mortimer the yong that was the morti∣mers sone let him call kyng of folie & so it befell afterward in dede for he was so full of pride & of wrecchednesse that he helde a roūde table in walys to all men that thidder wold come & countrefete the maner & the doyng of kyng Arthures table but openly he failled For the noble kyng Arthure was the most worthy lord of renon̄e that was in all the world in his tyme & yit come neuer none suche after For all the noble knyghtes in cristendome of dede of armes a losed duelled with kyng Arthure & helde him for hir lord And that was well sene for he conquered in bataille a romayne that was cal¦led Frolle & gete of hym the reame of fraunce & quelled hym with his hondes And also he faught with a g••aunt that was called di¦nabus & quelled hym that had rauysshed faire Eleyne that was kyng hoeles nece kyng of litell Britaigne ¶And afterward he queld in bataill the Em{per}our of rome that was called Lucie that had assembled ayens kyng Arthure for to fight with hym so moch peple of romayns & phehis & of sarazyns that no man coude hē nō¦bre & he discomfited hem all as the stroy of hym telleth And in y^• same tyme cōmune loos sprong in englond thurgh cōiectyng & or∣dinaunce of the freris prechours that sir Edward of Canariuan that was kyng edwardes fadre of whom the geest telleth faiden y^• he was a lyve in the castell of Corfe wherfor all the communes all most of englond were in sorwe & in drede wether that it were so er

not / For they wyst not how traitouresly the mortimer had him done mordred

¶How Edmond of wodestoke that was Erle of kent & the kyn∣ges brother Edward of Carnariuan was beheded at wynchestre / Capitulo ducentesimo xxj.

ANd vpon a tyme it befell so that sir Edmond of wodestoke Erle of kent spake vn to the pope Iohan the xxij. at Aui¦nion & said that almyʒty god had ofte tymes done for Tho¦mas loue of lancastre many grete miracles to many men & women that were thurgh diuerse maladies vndone as vn to the world & thurgh his praier they were brought vn to hir hele ¶And so Sir Edmond praied the pope hertely that he wolde graūte him grace y^• the forsaid Thomas myght be translated / but the pope said nay that he shold not be translated vn to the tyme that he were better certifi∣ed of the clergie of englond & seyne by hir obedi••ce what thyng god had done for the loue of Thomas of lancastre aft the suggestion that the forsaid Edmond Erle of kent had vn to hym y made ¶And whan this Edmond saw that he myght not spede of his purpose a•• touching the translacion he praied hym of his coūceill as touching sir edward of Carnariuan his brother & said that not longe agone he was kyng of englond what thing myʒt best be done as touching his deliueraunce sith that a cōmune fame is thurgh englond that he is in lyfe & hole & sauf / whan the pope herde hym telle that Sir Ed¦ward was a lyue he cōmaunded the erle vpon his benyson that he shold helpe with all the power that he myght that he were deliuered oute of prison & saue his body in all maner that he myght / & for to bring this thing to an ende he assoilled hym & his companie a p••na & culpa & all tho that halpe to his deliueraunce ¶Tho toke Edmōd of wodestoke his leue of the pope & come ayene in to englond / And whan sir Edmond was come somme of the frere prechours come & said that Sir Edward his brother yit was a lyue in the Castell of Corff vnder the kepyng of Sir Thomas Gurnay ¶Tho sped hym the forsaid Edmond as fast as he myght till that he come vn to the Castell of Corff and acqueynted and spake so faire with Iohan Dauerill that was Conestable of the same Castell and yafe hym riche yiftes for to haue acqueyntaunce of hym and to knowe of hi•• counceill / And thus it befell that the forsaid Sir Edmond praied specially to telle hym preuely of his lord his brother Sir Edward yf that he lyued or were dede / and yf he were a lyue he praied of hym ones to haue a sight / ¶And this Sir Iohan Dauerill was

an high herted man & full of Corage & ansuerd shortely vn to sir Edmond & said that sir edward his brother was in hele & vnder his kepyng & durst shewe hym vn to no man sith it was defended hym in the kynges half Edward that was edwardes sone of Car¦nariuan & also thurgh cōmaundement of quene Isabell the kynges moder & of sir Rogier the mortimer that he shold shewe his body vn to no maner man of the world sauf only vn to hem vpon losse of ly¦fe & lymme & to ••isheriteson of his heires for euermore ¶But the fals traitour falsely lied for he was not in his warde but he was take thens & lad vn to the Castell of Berkelee thurgh sir thomas gurnay thurgh cōmaundemēt of the mortimer till that he was dede as before is said but sir edmond of wodestoke wyst no thyng that Edward his brother was dede wher vpon he toke a letter vn to the forsaid sir Iohan & praied hym hertely that he wolde take it vn to kyng edward his brother as to his worthy lord ¶And he vnder∣feng the lr̄e of hym & behight hym for to do his message withoute any maner faill & with that sir edmond toke of hym his leue then of the forsaid Iohan & went tho in to his owne contre & lordeshipp in kent that he had there And anone as this same Iohan wyst y^• sir edmond was gone in to kent his owne lordshipp anone he went in all the haste that he myʒt fro the Castel of Corfe & come vn to sir Rogier the mortimer & toke hym the lr̄e that sir Edmond of wode∣stoke Erle of kent had take hym closed & enseled with his owne se al And when sir Rogier had vnderfong the letter he vnclosed the letter & saw what was cōteyned theryn & began it for to rede wher¦of the begynnyng was this ¶Wurshippes & reuerences wyth bro¦thers legeaunce & subiectione ¶Sir knyght wurshipfull & dere brother yf it yowe plese I pray yow hertely that ye be of good cō¦fort for I shall so ordeyne for yow that sone ye shull come oute of prison & be deliuered of that disese that ye ben in And vnderstondeth of your grete lordshipp that I haue to me assentaut all most all the grete lordes of Englond with all hir apparaille that is to say with armure with tresour withoute nombre for to mayntene and helpe your quarell so ferforth that ye shull be kyng ayene as ye were be∣fore and that they all haue swore to me vpon a boke and as well prelates as Erles and Barons ¶When Sir Rogier the Mortimore sawe and vnderstode the myght and the strength of the letter anone for wrath his hert gan bolle and euel hert bare toward Sir Edmond of wodestoke that was Erle of kent And so with all the haste that he myght he went vn to Dame Isa∣bell

the Quene that was the kynges modre and shewd hir Sir ed∣wardes lr̄e and his wyll and his purpose / and how he had coniec¦ted and ordeyned to put a doune kyng Edward of wyndesore hir sone of rialte and of his kyngdome / ¶Now Crte•• sir Rogier qd the quene / hath sir Edmond done so / By my fadre soule quod she •• wull be ther of ••uenged yf that god graunte me lyfe and that in a short tyme ¶And anon•• with that the Quene Isabell wente vn to kyng Edward hir sone ther that he was at the parlemēt at wyn¦chestre for to haue amended the wronges and trespaces that were done amonge the peple in his reame / And tho toke she and shewed hym the letter that Sir Edmond of wodestoke Erle of kent had made and enscaled with his owne seal / and bad vpon hir benison that he s••••ld auenged be vpon hym / as vpon his dedely enemie ¶Tho was the Quene so wrothe toward Sir Edmond Erle of kente / and cesyd neuer to pray vn to hir sone till that he had sent in all hast after hym ¶And vpon that the kyng sent by his lr̄es after Sir Edmond of wodestoke that he shold come and speke with hym at wynchestre all maner thyng left ¶And whan Sir Ed¦mond saw that the kyng sent after hym with his lr̄ez enseled he hasted hym in all that he myght till that he come to wynchestre / but tho the Quene wyst that Sir Edmond was come vn to wynche∣stre / anone she praied and so fast wente vn to kyng Edward hir sone that the good erle was arested anone and led vn to the barre before Robert of Hamonde that was coroner of the kynges hous∣hold and he associed vn to hym Sir Rogier the mortimere and tho spake the forsaid Robert and said ¶Sir Edmond Erle of kente ye shull vnderstond that it is done vs to wite and principally vn to our liege lord Sir Edward kyng of Englond that almyʒty god saue and kepe / that ye be his dedely enemie and traitour / and also a commune enemie vn to the reame / and that ye haue ben aboute ma¦ny a day for to make preuy deliueraunce of Sir Edward somtyme kyng of englond your brother the which was put a doune of his ri¦alte by cōmune assent of all the lordes of englond in pesing of our lord the kynges astate and also of his reame ¶Tho ansuerd the good man & said / forsoth sir vnderstondeth well that I was neuer traitour to my kyng ne to the reame / & that I do me on god and on all the world / & ferther more by my kynges leue I shall it preue & defende as a man ought to do ¶Tho said Mortimer Sir Edmond it is so ferforth y kuowe / that it may nat well be gaynesaid and that in presence of alle that here bene it shall be well proued / Nowe

had this fals mortimer the same letter that sir Edmond had take to sir Iohan daucrell in the Castell of Corff for to take vn to kyng Edward his brother that sir Edmond wyst not of ne supposed no thyng that sir Iohan dauerell had be so fals to deliuer his lr̄e in suche wyse to the mortimer & thought no maner thyng of that 〈◊〉〈◊〉 & said to sir Edmond and shewed a letter selyd & axed hym yf he knewe that letter and the seal ¶This sir Edm••nd loked ther on & avised hym longe on the print of the seel for he myght nat see the bet¦ter withynforth what was theryn and wyst well that it was his seal and thought that it had be some letter that had bore no grete charge and thought no thyng of that othir letter and said openly in heryng of hem all ye forsoth this is my seal •• wyll it not forsake ¶Lo quod the mortimer sires ye heren all what he hath said & that he knowelecheth that this is his letter and his seal and nowe ye shull here all what is conteyned theryn And than this mortimere opened the letter that he had folden afore to gedre and red it open∣ly word by word in heryng of hem all And when the letter was red he said lo sires ye haue herde all what is here writen and that he hath knowelecheth that this is his letter and his seal and may not go ther from ¶And than they all cried and yafe dome that he shold be honged and drawe and his heed smyt of in maner of a traitour and he and his heires disherited for euermore And so he was lad forth and put in to prison ¶And when this was done and the quene wyst that he was dampned by wey of lawe both of lyfe and lymme and his heires disherited for euermore thurgh open knowelechyng in pleine court ¶Wherfor hem thought that were good that the forsaid sir Edmond were hastely y quelled withoute wityng of the kyng or elles the kyng lightely wolde for yeue hym his dethe and than that shold turne hem to moche sorwe so as he was empeched ¶And anone the Quene thurgh coūceill of the Mortimer and withoute any othir counceill sent in hast to the Baillifs of wynchestre that they shold smyte of sir Edmondes hede of wodestoke Erle of kent withoute any maner abydyng or respite vp payne of lyfe and lymme and that he shold haue none othir execucion be cause of tarieng nat withstandyng the Iugemēt Tho token the baillifs sir Edmond oute of prison and lad hym best des the Castell of wynchestre and there they made a gongfermer smyte of his hede for none othir man durst it done & so died he ther Allas the tyme that is to seyne the x. day of October the iij. yere of kyng edwardes regne & when the kyng wyst ther of he was won••

••ory & let entier hym at the frere menors at wynchestre

¶Of the deth of sir Rogier mortimer erle of the marche / Capitulo ducentesimo xxij.

ANd so it be fell at that tyme that sir Rogier mortimer Erle of the marche was so proude & so hauteyne that he helde no lord of the reame his pere / & tho become he so couetous that be folowed Dame Isabell the Quenes court that was kyng Ed∣wardes moder & besette his peny worthes with the officers of y^• que¦nes houshold in the same maner that the kynges officers did & so he made his takyng as touching vitailles & also of cariages / & ••lle he did for cause of spences & for to gadre tresour & so he did withoute nombre in all that he myght / Tho made he him wondre priue with the quene Isab••ll & so moch lordship & reteune had / so that all the gre¦te lordes of englond of him were adrad / wherfor the kyng & his coū∣ceill towardes hym were agreued & ordeyned amonge hem to vndo hym thurgh pure reson & lawe for cause that kyng Edward that was the kynges fadre traitouresly thurgh hym was mordred in the castell of Berkelee as before is said more plenarly in the CC.xvij chapitre of this boke ¶And some that were of the kynges counceill loued the mortimer / & tolde hym in ••uete how that the kyng and his counceill were aboute from day to day him for to shend and vndone wherfor the mortimer was sore ānoied & angry as the deuell ayens hem that were of the kynges counceill & said that he wold on hem bene auenged how so euer he toke on ¶Hit was not longe after¦ward that kyng Edward & Dame Phelipp his wife & Dame Isa¦bell the kynges modre & sir Rogier the mortimer ne went vn to No tyngham ther for to soiourne / & so it befell that the Quene Isabell thurgh counceill of the Mortimer toke to hir the keyes of the yates of the Castell of Notyngham so that no man myght come nethir in ne oute by nyght but thurgh commaundement of the Mortimer ne the kyng ne none of his counceill ¶And that tyme it fell so that the Mortimer as a deuell for wrath bolled / and also for wrath that ••e had ayens the kynges men edward & principally ayens ••em that had hym accused to the kyng of the deth of Sir Edward his fadre / And preuely a counceill was take bitwene Quene Isabell & the Mortimer and the bisshopp of Lincolne & sir Symond of Bereford and sir hugh of Trumpyngton & othir priue of hir counceill for to vndone hem all that had accused the Mortimer vn to the kyng of his

fadres dethe of treson and of felonie / Wherfor alle tho that were of the kynges counceill whan they wist of the Mortimers casting pre¦uely come to kyng Edward & seide that the Mortimer wold hem de¦stroie / for cause that they had accused hym of kyng Edwardes deth his fadre / & praied hym that he wold maynten hem in hir right

¶And these were the lordes to pursue this quarell Sir william mountagu Sir humfrey de ••oghun Sir william his brother Sir Rauf of stafford Sir Robert of herfford Sir william of Clynton / Sir Iohan Neuille of horneby and many othir of hir consent / and all these sworne vpon the boke to maynten the quarell in as moche as they myght ¶And it befell so after / that sir william mountagu ne none of the kynges frendes must not bene herburghed in the Ca¦stell for the Mortimer / but went and toke hir herbu••ghe in diuerse places in the toune of Notyngham ¶And tho were they sore adrad left that the mortimer shold hem destroie And in hast ther come vn to kyng Edward Sir william mountagu ther that he was in 〈◊〉〈◊〉 Castell and preuely told him that he ne none of his companie shold not take the Mortimer withoute coūceill & helpe of willam of eland Constable of the same Castell Now certes qd the kyng •• loue yow well / and therfor I counceill yow that ye goo to the forsaid Consta¦ble & commaunde hym in my name that he be your frend & your helpe for to take the Mortimer all thing y left vpon {per}ill of lyfe and lymme ¶Tho said Mountagu Sir my lord graunte mercy ¶Tho went forth the forsaid Mountagu & come to the Conestable of the Castell and tolde hym the kynges wylle / And he ansuerd & said that the kynges wyll shold ••e done in as moch as he myght / & that he wolde not spare for no mauer dethe and so he swore & made his oth•• ¶Tho said Sir william Mountagu to the Conestable in ••e∣ryng of all hem that were helpyng vn to the quarell ¶Now certes dere frende vs behoueth for to wurch & do by your queyntise for to take the Mortimer sith that ye be keper of the Castell and haue the keyes in your ward sir qd the Conestable wull ye vnderstōd that the gates of the Castell hen lokked with the lokkes that Dame Isa¦bell send hidder and be nyght she hath the keyes ther of & leith him vnder the leuesell of the bedde vn to the morwe and so ye may nat come in to the Castell by the yates in no maner wyse / But I kno∣we an Aley that streccheth oute of the warde vnder the erthe in to the forsaid Castell that goth in to the weste whiche Aley Dame Isabell the Quen•• ne none of hir men / ne the Mortimer ne none of his companine knoweth it not / And so I shall

lede yowe thurgh that Aley and so ye shull come in to the Castell withoute aspies of any man that ben your enemies ¶And the same nyght sir william Mountagu and all the lordes of his qua∣rell and the same Conestable also went hem to hors and maden sembland as it were for to wende oute of the Mortimers sight.

¶But an••ne as the mortimer herde this tydyng he wēt that they wold haue gone ouer the see for drede of hym and anone he and his companie token counceill amonges hem for to let hir passage & sent lr̄ez anone to the portes so that none of the grete lordes sholde wende home to hir owne contre but yf they were arested and take ¶And among othir thynges william Eland Conestable of the forsaid Castell priuely lad Sir william Mountagu and his cō¦panie by the forsaid wey vnder erthe so till they comen in to the Ca¦stell and went vp in to the toure there that the mortimer was in

¶But sir hugh of Trumpyngton hem ascried hidously and said A traitours it is all for nought that ye ben comen in to this Ca¦stell Ye shull die yit an euell dethe euerychone And anone one of hem that was in Mountagu is companie vp with a mace & smote the same hugh vpon the hede that the brayne brest oute and fell on the grounde and so was he dede an euell deth ¶Tho toke they the Mortimer as he armed hym at the toures dore when he herde the noyse of hym for drede And when the Quene Isabell saw that the Mortimer was take she made moche sorwe in hert and the wordes vn to hem said ¶Nowe faire sires I pray yowe that ye done none harme to his body a worthy knyght our welbeloued frende and our dere cosin Tho went they thennes and comen and brought the Mortimer and presented hym vn to the kyng Edward and he commaunded to bring hym in sauf ward But anone as they that were consent vn to the Mortimers doyng herd telle that he was ta∣ke they went and hid hem and priuely by nyght went oute of the toune eche in his side with heuy hert and mornyng and lyued vp on hir landes as well as they myght ¶And so that same yere that the Mortimer was take he had at his retenue ix. score kny¦ghtes withoute squyers and seriauntes of armes and footmen And tho was the Mortimer lad to london And Sir Symond of Bereford was lad with hym and was take to the Conesta∣ble of the toure to kepe.

¶But afterward was the mortimers lyf examined at westmyn∣ster b••fore the kyng & before all the grete lordes of englond for {per}ill that myght fall to the Reame and to enquere also whiche were

assenting to sir Edwardes deth the kynges fadre / and also thurgh whom the scottes ascaped from stanhope in to scotland withoute the wyll of kyng Edward ¶And also how the chartre of Rageman was deli••ed vn to the scottes wherin the homages & feautes of scot¦land were conteyned / that the scottes shold done euer more vn to the kynges of englond for the reame of scotland wherfor in his absence he was dampned to be drawe & honged for this treson And this me∣schief come vn to hym on seint Andrewes euen in the yere of ••ncar∣nacion of our lord Ihesu crist a M.CCC. and xxx.

¶How kyng Edward gete ayene vn to hym graciousely the ho∣mages & feautes of scotland wher of he was put oute thurgh fals counceill of Isabell his modre aud sir Rogier Mortimer that was newe made Erle of the marche Ca.cc.xxiij

NOwe ye haue herd lordes how sir Iohan of Bailloll in ty¦••e of ••ees was chosen to be kyng of scotland for encheson that he come of the eldest doughter of the erle Dauid of hon¦tyngton that was kyng alisaundres brother of scotland that deide withoute heire of his body begoten / & how this Iohan made feaute & homage to kyng Edward Henries sone the iij. for his landes of scotland And how he afterward withsaid his homage thurgh coun¦ceill of the scottes in the yere of our lorde M.ccc.lxxij. & sent vn to y^• pope thurgh a fals suggesciō that he made his othe vn to the forsaid kyng edward ouer his ••state & his wyll of which othe the pope him assoilled thurgh his bulles to hym y sent ¶And anone as kyng Edward wyst ther of he ordeyned anone his barons & come vn to B••re wyke & conquered the toune ••t which conqu••st ther were slay¦ne xxv.M. & vij.C. And the Baill all that was kyng of scotland come & yelde hym vn to kyng Edward / And the kyng afterward deliuered hym oute of the toure of london / and all the grete lordes of scotland with hym that were take at Berewyke & yafe hem saufcō¦duyt to go in to scotland ¶And the scottes sith thurgh hir falsenes¦se werred vpon kyng Edward ¶And whan sir Iohan Bailloll kyng of scotland saw all this 〈◊〉〈◊〉 went & put hym ouer the see vn to Dunpier and lyued ther vpon his owne londes as welle as he myght till that the Scottes wolde amende hem of hir mysdedes and trespace / and lad with hym Sir Edward his sone wherfor the Scottes in despite of hym called hym Sir Iohan Turnelabard for cause that be wolde not offende ne trespace ayens kyng Edward of Englond And so he forsoke his Reame of Scotland and 〈◊〉〈◊〉 ther of but litell pris / ¶And this Sir Iohan 〈1 line〉〈1 line〉

duelled in fraunce till that he died there And sir edward his sone vnderfeng his heritage & did homage vn to the kyng of fraunce for his landes of Dunpier & so it fell afterward that edward y^t was Iohan baillols sone had with hym a squyer of englond that was bore in yorkeshire that was called Iohan of barnaby & this Ed∣ward bailloll loued hym moche & was nye hym & full priue

¶And so this Iohan of barnaby was in debate with a frēshman in the toune of Dunpicr & so he quelled hym & went in his way in all that he myght in to the Castell for to haue socour & helpe of his lorde And anone come the officers of the toun̄ to take ••ohan of bar¦naby as a•• felon & sir edward his lord halpe hym & rescued hym & by nyʒt made hym wende oute of the Castell & so he went his way & come in to Englond with outen any harme ¶And when the kyng of fraunce sawe that sir edward had resened his felon he beco¦me wonder wroth ayens sir edward and anone let hym be areste •• toke in to his hande all his londes ¶Tho duelled sir Edward in prison vn to the tyme that sir Henry of Beaumout come in to fraū¦ce the which Henry somtyme was erle of angos in scotlād thurgh his wyfe & was put oute of the forsaid erledome when the accord was bitwene Englond and Scotland thurgh the Quene Isabell and sir Rogier the mortimer and hir companie for the mariage y^• she made bitwene Dauid that was Robert the Brus sone & Dame Iohan atte Tour kyng edwardes suster of englond and well vn¦derstode this that at the ende he shold come to his right but yf it we¦re thurgh sir edward bailloll that was right heir of the Reame of Scotland ¶And the kyng of fraunce lowys loued moche this sir Henry and he was with hym full prive and thought for to make a deliueraunce of Sir edward baillols body yf he myght in any maner wyse ¶Tho praied he the kyng that he wold graū∣te hym of his grace Sir Edward baillols body vn to the next par¦lement that he myght lyue with his owne rentes in the mene tyme and that he must stand to be Iugged by his perys at the parle∣ment ¶The kyng graunted hym his praier and made the forsaid Edward be deliuered oute of prison in the maner aboue said And anone as he was oute of prison sir henry toke him forth with hym and lad hym in to Englond and made hym duelle pri∣uely at the maner of sandehall vp onse in yorkeshire with the lady vesey and so he ordeyned hym there an houge retenaunce of peple of Englishmen and also of aliens for to conquere ayene his heri∣tage ¶And so he yafe moche siluer vn to Sowdiours

and to aliens for to helpe hym ¶And they behight for to helpe him in all that they myght / but they failled hym at his most nede /

¶And at that tyme Donald erle of morrif herde telle how that sir Edward was preuely come in to englond and come to hym and made with hym grece ••oye of his comyng ayene and said to hym & behight hym that all the grete lordes of englond shold be to hym en∣tendaunt and sholde hym holde for kyng as right heire of Scotlād and so moche they wold done that he sholde be crouned kyng of that land and diden to hym homage and feaute ¶Tho come sir Henry of Beaumont to kyng Edward of englond / and praied hym in wey of charite that he wold graunte of his grace vn to sir edward Bailloll that he must saufely gone by land from sandhall vn to Scotland for to conquere his right heritage in Scotland ¶The kyng ansuerd and said vn to hym / Yf that I suffre the Bailloll wende thurgh my land in to Scotland than the peple wold say that I sholde be assenting vn to the companie ¶Now Sir I pray yow that ye wolde grauute hym leue to take 〈◊〉〈◊〉 t•• hym soudiours of englisshmen that they myght saufely lede him thurgh your land vn to Scotland ¶And Sir vpon this couenaunt that if it so befall that god it forbede that he be discomfited in bataille thurgh the Scottes / that I and also all the lordes that holden with Ba∣illoll bene for euermore put oute of our rentes that we haue in en∣glond ¶And the kyng vpon this couenaunt graūted hir bone as touchyng hym and tho that were of the same quarell / the which claymed for to haue londes or rentes in the reame of Scotland

¶And these were the names of the lordes that pursueden this ma¦ter / that is to say Sir Edward the Bailloll that challenged the Reame of Scotland Sir Henry Beaumont Erle of Angos Sir Dauid of stroboly Erle of Atheles Sir Gieffrey ap Mombray / Waltier Comyne and many othir that were put oute of hir heri∣tage in Scotland whan the pees was made bitwene Englond & Scotland as before is said ¶And ye shull vnderstond that these lordes toke with hem v. honndred men of armes and ij. thou∣sand archiers and of footmen and tho wente in to shippe at ra∣uenespore and sailled by the see till that they com••n vn to Scotlād and comen tot londe at kynkehorne xij. myle from Seint Iohanes toune / and anone sent oute hir shippes a••ene / for they shold nat be hurt ne empeyred nethir that no man sholde gone in to the shippe ayene / though that they had nede but abyde at alle perilles and nat flee but stonde / and rather suffre dethe than flee for to mayn∣t••n

hir trewe quarell ¶When the Erle of Fi••••e a fers man and a sterne herd that the Bailloll was comen for to take the lande of Scotland he come in haste to kynghorne with x. thousend Scottes for to destourble hym that he shold nat come to lande

¶But Sir Edward Bailloll and his companie there hym di∣scomfited at the which discomfiture Sir Alizaundre of Seton was ther y quelled & many othir ¶The Erle of Fyffe was tho sory and full ylle a shamed that so litell a companie had hym di∣scomfited and shamelich put hym and all his companie that was a lyve for to flee

¶Tho come Sir Edward Bailloll and toke the contre all abou¦te hym till he come vn to the Abley of Dunfermelyne and there ••e founde vitailles for hym and for his folke and amonge all o∣thir thinges he fonde in a chambre a boute v. honderd of grete sta∣ves of fyne oke with longe pykes of yren and of stele he toke hem aud deliuered hem to the most strengest men of his companie

¶And anone after he went fro thens and logged hym in a felde ij. myle from seint Iohanes toune and when the Burgeis of the toune herd how the Erle of Fiffe was discomfited thurgh the Bailloll they were sore adrad and breken theyr brigges that they had made ouer the water of Erue so that the Bailloll myght not gone ouer wherfor he logged hym there all that nyght but litell hede he toke of reste and said vn to his peple ¶Nowe dere lordes ye knowe full well that we be nowe y logged bytwene our enemies and yf they mowe vs hampre ther is no ••ote but dethe wherfor yf we abyde here all this nyght stille I leve that it shall torne vs to moche sorwe and harme For the power of Scot∣land may euery day wex and encrese and we may not so done

And we bene but litell peple as ayens hem Wherfor I pray yowe for the loue of Almyghty god make we vs to bolde and hardy and that we may myghtely take the Scottes this nyght and boldely werre vpon hem and let vs pursue hem this nyght and yf they he trauailled thurgh vs and they see our hardynesse so that othir Scottes that comen and mete hem and see hem so trauailled and wery the sorrer wull they be adrad with vs for to fight and ferse∣ly than we shull fight with hem and vpon hem pursue so that thurgh the grace of god Almyghty all the world shall speke of the d••ughtynesse of our hCiualrie

¶And sires vnstondeth wele that all the companie y^• comē with sir Edward Bailloll graunted well vn to that counceill and were

ther of glad / and anone pursued vpon the Scottes that they ••••••••∣men wonder wery ¶And the Bailloll and his companie sore folewed hem and did hem moche sorwe / thurgh hir assaute / so that they myght not for feble hem helpe and for litell peple / But tho said the Scottes amonges hem what is nowe befall that so li∣tell a peple as the Bailloll hath in wynge done vs so moche traua¦ille and sorwe ¶Now cerces it semeth vs that he wercheth by grace / for he is wonder gracious in his quarell / and alle we certes shull bene dede or that we may come to hym vs for to yelde sith that his fadre set of vs no pris ¶And amonge all othir thinges the Bailloll and his peple passed the water of Erne / so that Sir Rogier of Swynertone the sone was fers and angry and wente forth / and they saw peple of armes full well araied and forth they wente vn to hem and with hem foughten and quelled as many as wold abyde or toke ¶And nothelees at that assaute they wende it had bene the grete host of Scotland ¶And whan it co∣me to the morne they gadred hem to gedre and rested hem a while But the while that the Englisshmen rested hem the noble Baron Thomas of ves••y and the noble baron of Stafford priked hir hors vp and doune by the hilles for to kepe the Estres of the contre

And as they priked vp and doune they saw a grete host of good aray ordeyned in thre wynges with helmes & sheleds shynynge co∣myng vpon hem Aud tho come tho ij. lordes ayene vn to Bailloll is folke / ond said Now for the loue of almyghty god / bene of good cō¦fort / for ye shall haue bataille anone right ¶And tho spake Sir fouke the sone of Gareyne a baron of grete renoune & of dede of ar¦mes ¶Sires lordinges vnderstondeth that I wull seyne I haue seyne many diuerse wynges as well amonge sarazens & Iewes as amonge the scottes / And yit saw I neuer the ferthe part of the wyn¦ge fight / And therfor yf we wull abyde our enemies we be y now for to fight ayens hem / But yf we be not of good hert and of good wyll for to fight with hem for certes we bene full fewe ayens this companie ¶And therfor for the loue of god take vn to vs a good hert and let vs bene bold and thenke we nethir on our wy∣fes ne on our children / but onlich to conquere hem in bataille / And thurgh the helpe of our lord god our enemies we shull ouercome / And with that come the hoste of the Scottes towardes hem full se∣rely and ayens Sir Edward the Bailloll in iij. batailles well araied in armure ¶And wonder fersely they come toward the Baillolls men But whan Sir Donald Erle of Maraille

sawe all this he said to Robert Brus the sone of Robert the Brus thees wordes ¶Sir rohert qnod he full sore me forthynketh at my ne hert that thees folke that the bailloll had brouʒt with hym shold did with dynt scottesh swerd sith that they ben cristen men as well as we ben And therfor me thynketh that it were grete charite to send vn to hem for to yelde hem vn to our mercy and grace and raunsome hem thurgh grevous raunsome for as moch a•• they haue taken our land and done ill ¶Now certes quod Sir Robert the Brus I haue well {per}ceyued that thou art an enemie and a trai∣tour vn to Scotland Sith that thou wylt consent to saue our dede¦ly enemies that haue done vs moch sorwe and shame and nowe it semeth well that ye ben of hir assent ¶Certes Robert quod Sir Donald falsely ye lye I am not of hir companie ne of hir consent and that hastely ye shull see ¶For I wull fight with hem rather than any of this companie ¶And certes sir Robert said he I shall maugre thyn he••d assaille hem er thou ¶And with that they prike¦den hir stedes fersely vpon Caskemore and hir wenges hem fole∣wed on a renge And tho come they & met the bailloll & his compa∣nie at an hongyng bought of the more in a streit passage & so fast they hasted hem vn to the englishmen so that thousandes fell to the grounde ehe vp othir in to a hepe bothe hors & man ¶The bailloll tho & his men myghtely stode ayens hem & fast quelled the Scottes vn to the grounde & many sore they woūded so longe till that they stoden vpon hem & foyned hem with hir swerdes & speres thurgh her bodies & so sore trauailled vpon hem till that they becomen full wery &wist nat what for to done & the Scottes that were lefte aly¦ve fledden away for to saue hem self in the best maner as they myʒt ¶And tho pursued hem sir edward bailloll & his men & quelled of hem till that it was nyʒt And fro thens they went vn to seint Io¦hanes toune & toke it & helde hem there & vitailled hem self at hir owne wyll for they founden y nowe wherwith to make hem mery. ¶Tho made the bailloll his men that were wounded gone to ship for to wende in to Englond for to hele hir woundes ¶And in y^• tyme ther was a flemmyng in the see a stronge thefe and a robber that was called Crabbe And this flemmyng was driuen oute of Flaundres for his wykkednesse And therfor he come in to Scot∣land to holde with the Scottes and drd as moche harme vn to Englisshmen as he myght. ¶And this Crabbe met in the see the Baillols men that were wounded in bataille that were sent ayene in to Englond for to hele hir woundes And this Crabbe

yafe vn to hem a grete assante and wold haue queld hem euericho¦ne but the Englishmen defended hem well and manly and discō∣fited Crabbe and his companie ¶And tho gone he flee in to Scot¦land And as he come toward seint Iohanes toune he fonde a gret¦te companie of Scottes that were come ayene to gedre after the di∣scomfiture of Gaskemore the whiche beseged bailloll and his men in the same toune of seint Iohan and anone tolde the scottes how that he was discomfited of the Englishmen that were wounded at Gaskemore that went toward Englond for to hele her woundes and said to the Scottes that they shold haue no myght ne grace a¦yens Edward bailloll for encheson that scomfited and empeired all the chiualrie of Scotland with an handefull of men as to ac∣compt as ayens the Scottes that were slayne Wherfor he coūceilled for to rem••ue the siege from seint Iohanes toune and kepe hem in the best maner that they coude and mygh•• ¶The Scottes vndersto¦de tho that Crable said hem soth and forsoke the siege and went thēs by nyght and halpe hem selfe in the best maner that they myʒt ¶Whan this thynge was knowe thurgh Scotland howe that the lordes and knyghttes were scomfited at Gaskemore of Scotland thurgh sir Edward the bailloll•• ¶Ye shull vnderstonde that the lor¦des and ladies and the gentils of Scotland comen wonder faste to seint Iohanes toune and yelde hem vn to the bailloll and to hym diden homage and feaute for hir landes and yelden hem to his pe∣es And he hem resceyued frely ¶And fro thens he went to the Ab¦bey of Scone and ther he was crouned kyng of Scotland And after he let crie his pees thurgh oute all the land ¶And at that same tyme it befell that kyng Edward helde his {per}lement amonge his lieges at the newe caastell vp Tyne for to amende the trespaces and the wronges that had he done in his land and Sir Edward the bailloll kyng of Scotland come to hym thidder and did to hym feaute and homage for the reame of Scotland ¶And in this ma¦ner kyng Edward of englond ••adred ayene the homages and fe∣autes of Scotland wher of he was put oute thurgh counceill and assente of Dame Isabell his modre and of sir Rogier the mortimer Erle of the marhe Tho toke bailloll kyng of Scotland his leue of kyng Edward of englond & went thens in to his owne lande of Scotland and sette but litell by hem that had counceilled hym & holpen hym in his quarell wherfor they went fro hym and went and lyued by hir londes and rentes in Scotland ¶And so it fell afterward nat longe that the kyng of Scotland ne remeued

and come to the toune of Anande / and there toke his duellyng and thidder come to hym a companie of knyghtes stronge men and wor¦thy and yelde hem vn to the kyng / and bere hem so faire in dede and in continaunce / So that he trust moche vpon hem / And anone as the traitours saw that he trust moche vpon hem / they ordeyned amō¦ges hem fifty in a companie and wold haue queld hir kyng But thurgh the grace of almyghty god he brake thurgh a walle an ho∣le in his chambre / and as god wold ascaped her trecherie and alle his men were quelled / and he ascaped with moch drede vn to y^t tou¦ne of Cardoill and there helde hym sore annoied and this befell in our ladies the concepcion ¶Tho sent kyng Edward the Ba∣illoll to kyng Edward of Englond how falsely and traitouresly he was in litell tyme put to shame and sorwe thurgh his liegmen / vpon whom he trusted wonder moche and praied hym for the loue of god that he wolde maynten hym and helpe hym ayens his ene∣mies ¶The kyng of Englond had of hym tho grete pite / and behight hym helpe and socour and sente hym worde that he sholde holde hym in pees stille in the forsaid Cite of Cardoille till that he had ga••red his power ¶Tho ordeyned kyng Edward of Englond a counce••ll at london and let gadre his men in diuerse shi¦res of En••lond and whan he all was redy he wente toward the toune of B••rewyke vp Twede and thidder come to him kyng Ed¦ward Bailloll of Scotland with his power and beseged the tou¦ne / aud made withoute the toune a faire toune of Panilous / and diked hem all aboute so that they had no drede of the Scottes / and made many assaute with gonnes and with othir engynes to the toune / wherwith they destroied many faire houses and churches also were be••e doune vn to the erthe with grete stones that spitouse¦ly come oute of gonnes and of othir engynes / And notheles the Scottes kepte well the toune / that tho two kynges myght not com̄ therin longe tyme ¶And notheles the kynges abyde ther so longe till tho that were in the toune failled vitailles / and also they were so wery of wakyng that they wiste nat what for to done ¶And ye shull vnderstonde that tho Scottes that were in the toune of Berewyke thurgh commune counceille and hir assente let crie vpon the wallys of the toune that they myʒt haue pees of the Englisshmen / and ther of they praiden the kyng of his grace and mercy and praied hym of trews for viij. daies vpon this couenaunt that yf they were not rescued in that side of the toune toward Scotland of the Scottes withyn viij. daies

that they wolde yelde hem vn to the kyng and the toune also And to holde this couenant they proferd to the kyng xij. hostages out of the toune of Berewyke ¶When the hostages were deliuered vn to the kyng anone tho of the toune senden vn to the scottes and told hem of hir sorwe and meschief ¶And the scottes come tho priuely ouer the water of Twede to the bought of the Abbey And Sir wi∣liam dyket that was tho stiward of Scotland and many othir y^• comen with hym put hem there in grete {per}ill of hem selfe at that tym̄ of hir lyfe for th••y comen ouer a brugge that was to broken and the stones awey and many of hir companie were there drenched but the forsaid william went ouer and othir of his companie and co∣me by the shippes of Englond & queld in a barge of hull xvj. m•• And after they went in to the toune of Berewyke by the water side ¶Wherfor the Scottes helde tho toune rescued and asked hir ho••tages ayene of the kyng of Englond. ¶And the kyng sen•• hem worde ayene that they axed the hostages with wronge sith that they comen in to the toune of Englondes side for couenant was by∣twene hem that the toune sholde be rescued by the halfe of scotland ¶And anone kyng Edward tho cōmaunded•• to yelde the toune or he wull haue the hostages ¶And the Scottes said that the toune was rescued wele y now and ther to they wold holde hem ¶When kyng Edward saw the Scottes breke hir couenant that they made he was wonder wrothe and anone let take sir Thomas fitz williā and sir Alexander of seton wardeyne of Berewyke the which tho¦mas was person of Dunbarre and let hem be take fyrst a fore y^• othir hostages For encheson that sir Alisaundres fadre was keper of the toune ¶And tho cōmaunded euery day ij. hostages of the toune till that they were all done vn to the dethe but yf they yeld the toune ¶And so he shold teche hem to breke hir couenauntes

¶And when tho of the toune herde thees tynges they becomen wō¦der sory and senten to the kyng of Englond that he wold graun¦te hem othir viij. daies of respite So that bitwene two hounderd men of armes and xx. men of armes myght he strength gone by∣twene hem to the toune of Berewyke hem for to vitaille that the toune must be holde for rescued ¶And yf so were that xx••. or xxij. or more were slayne of tho two honderd before said tha•• the toune sholde nat be holde for rescued and this couenant to be holden they sent to hym othir xij. of the toune in hostage The kyng of Englond graunted hem her praier and toke the hostages in Seint Margaretes eue In the yere of grace a M.CCC. & xxxij

the Scottes come fersely in iiij. wenges well araied in armes for to mete kyng Edward of Englond and Edward the kyng of Scot¦land and with hir power and come faste and sharpely ayens euensonge tyme and the same tyme was flode at Berewyke in the water of Twede that no man myght wende ouer on his ho••s nor on foot / and the water was bitwene the ij. kynges and the reame of Englond / and that tyme abiden the Scottes in that othir side for encheson that the englisshmen shold haue bene dreynt or slayne

¶This was the aray of the Scottes how that they comen in batail¦les ayens the ij kynges of Englond and scotland ¶In the vaunt∣ward of Scotland were these lordes Capitulo ducen••••••imo xxiiij.

THe Erle of morrif / Iames Frisell / Symond Frisell / wal¦tier Stiward / Reygnold Cheyne / Patrik of Graham / ••o¦han le graunt / Iames of Cardoill / Patrike Parkers Ro¦bert Caldecottes / Phelipp of Melledrum / Thomas Gilbert / Raufe wyseman / Adam Gurdone Iames Gramat / Robert Boyde Hugh Parke with xl. knyghtes newe dubbed / and vj.C. men of armes and iij.M. of communes ¶In the first partie of the halfe bataille weren these lordes / ¶The Stiward of Scotland The Erle of Mouref Iames his vncle / William douglas Dauid of ••yndesey Mancolyn flemmyng / William of kethe Dunkan kamboke with xxx. bache••ers newe y dubbed ¶In the second parte of the bataille were these lordes ¶Iames Stiward of Colden Aleyn sti¦ward William Abbrehyn / William Morice Iohan fitz william / Adam ••e mose / Walter fitz Gilbert Iohan of Cerlton Robert wal¦ham with vij.C. men of armes and xvij.M. of communes

¶In the iij. parte of the bataille of Scotland were these lordes The Erle of Marrethe Erle of Roffe The Erle of Strahern•• / The Erle of sotherland / William of kyrke••••y Iohan Cambron Gilbert of Hay William of Ramsey / William Prendegest ••irstyn harde / William Gurdon Arnold Garde Thomas Dolphyn with xl. kny¦ghtes newe dubbed ix.C. men of armes and xv.M. of communes ¶In the iiij warde of the bataille of Scotland were these lordes / Archebald douglas The Erle of leneuax A••••saundre le brus The Erle of Fyf Iohan Cambell Erle of Athles / Robert Lawether William of Vipount / William of lonstone Iohan de labels Groos de Sherenlawe Iohan de lyndesey Alisaundre de Gray / Ingram

de vmfreville Patryke de Pollesworth Dauid de wymes Michell Scott William landy Thomas de ••oys Rogier the Mortimer with xx. Bachelers newe dubbed ix. honderd men of armes xviij.M. and iiij.C. of communes ¶The Erle of Dunbarre keper of the Castell of Berewyke halpe the Scottes with .l. men of Armes

And Sir alisaundre of Seton keper of the forsaid toune of Be∣rewyke with an honderd men of armes And the commnners of the toune with iiij. hounderd men of armes and with hem viij honderd of footmen ¶The somme of the Erles and lordes aboue said āmounteth lxvj. The somme of bachelers newe du••••ed am¦mounteth to an honderd and xl. ¶The somme of men of armes ammounteth M.M.M.C. ¶The somme of the comuners āmoun••teth liij.M.CC ¶The somme totall of the peple aboue said āmoun¦teth lvj.M.vij.C.xlv. ¶And these lxv. grete lordes ladden all the othir grete lordes aboue said in iiij. batailles as it is told before all on fote ¶And kyng Edward of Englond & Edward kyng of Scotland had well apparailled her folke in iiij. batailles for to fight on foot ayens hir enemies ¶And the English mynstrel∣les blewe her trumpes and her pipes and hidously ascried the Scot¦tes ¶And tho had euery english bataill ij. wynges of pris Archi¦ers the which at that bataille shoten arewe•• so fast and so sore that the Scottes myght nat helpe hem selfe And they smyten the scotte•• thousandes to grounde And they gun for to flee fro the Englissh¦men for to saue her lyfe ¶And whenne the ••nglish knaves sawe the scomfiture and the Scottes fall fast to the grounde they priked hir mastres hors with the spores for to kepe hem fro {per}ill and set her mastres 〈1 line〉〈1 line〉 force ¶And when the Englisshmen sawe that they lepten on hir hors and fast pursued the Scottes and all that aby¦den they queld doune right There mē myght see the doughtynesse of the noble kyng Edward and of his men how manly they pur∣sued the Scottes that flowen for drede ¶And ther man myght see many a Scottysshman cast doune vn to the grounde dede and hir b••ners displaied hakked in to pecys and many a good habe rione of stele in hir blode bathe ¶And many a tyme the scot¦tes were gadred in to companyes but euermore they were discom∣fited ¶And so it befell as god almyghty wold that the Scot∣tes had that day no more foyson ne myght ayens the Englisshmen than xx. Shepe sholde haue ayens v. wolfes and so were the Scot¦tes discomfited And yit the Scottes had webe v. men ayens one Englisshman. And that bataille was done on halydounehylle

besides the toune of Berewyke at the whiche bataille were flayne of the Scottes xxxv.M.vij.C. and xij. of Englisshmen but only xiiij. and tho were fotemen And this victorie befell to the Englissh∣men on seint Margaretes ••ue In the yere of the ••ncarnacion of our lord Ihesu crist M.CCC.xxxij. ¶And while this doyng laste the Englissh pages toke the pilfre of the Scottes that were quelled euery man that he myght take withoute any chalengyng of any man ¶And so after this gracious victorie the kyng turned hym ayene vn to the same siege of Berewyke / & whan they beseged saw and herd how kyng Edward had ••ped / They yolden to hym the tou¦ne with the Castell on the morwe after that the bataille was done / that is for to say on Seint Margaretes day / And than the kyng ordeyned Sir Edward Bailloll with othir noble and worthy men to be kepers and gouernors of Scotland in his absence / and hym selfe turned ayene and come in to Englond after this victo∣rie with moche ••oye and wurshipp ¶And in the next yere sewyng that is for to say the yere of ••ncarnacion of our lord Ihesu crist a M.CCC.xxxiij. and of kyng Edward vij. he wente ayene in to Scotland in the wynter tyme / at which viage the Castell of Kylbrigge in Scotland for hym and his me•• that with hym co∣men he recouered and had ayens the Scottes all at his owne luste ¶And in that same yere Sir Edward Bailloll kyng of Scot∣land helde his parlement in Scotland with many noble lo••des of Englond that were at that same parlement for encheson of hir lon∣des and lordshippes that they had in the Royame of Scotland and helden all of the same Bailloll ¶And in the viij. yere of his regne aboute the feste of Seint Iohan Baptist Sir Edward Bailloll the verray and trewe kyng of Scotland as by beritage and right lyne made his homage and feaute vn to kyng edward of Englond for the Royame of Scotland at the newe Castell vp tyne in the presence of many worthy lordes and also of communes bothe of the reames of Englond and also of Scotland / and anone after in the same yere kyng Edward of Englond resseyued of the duke of Britaigne his homage for the Erledome and lordship of Richemond ¶And so folowyng in the ix. yere of his reg∣ne after Mihelmasse / Kyng Edward rood in to Scotland and ther was fast by Seint Iohanes toune all most alle the wynter tyme and he helde his Cristemasse at the Castell of Rokesburgh

¶And in the same yere thurgh oute alle Englond aboute Seint Clementis tyde in wynter ther aroos such a spiyngyng

aud wellyng vp of waters and flodes bothe of the see and also of fressh riuers & springes that y^• see brinkes walles & costes breken vp y^• men bestes & houses in many places & namely in lowe cōtres violently & sodenly were dreynt ¶And driuen away & fruytes of the Erthe thurgh cōtinuaunce & habundaunce of waters of the see euermore afterward were turned in to more saltnesse & sowrenesse of sauour The x. yere of kyng Edwardes regne kyng Edward en¦tred the Scottish see after mydsomer & to many of the scottes he yaf bataille and ouercome hem and many he treted & bowed vn to his pees thurgh his doughtynesse And after mihelmasse than next fol¦ueng was the Erle of Mo••••••f y take at Edenburgh & brought in to Englond & put in to prison ¶And in the monethes of Iuyn̄ & Iuyll than next folewy••g in the xj. yere of his regne was seyne & ap{per}ed in the firmamēt a bemed sterre the which clerkes calle stella Comata & that sterre was seyne in diuerse {per}ties of the firmament. ¶Where after anone there folewed in Englond good chepe & won¦dre grete plentee of all chaffare bitaille & marchandize & ther ayēs honger scarcite meschief and nede of money ¶In so moche that a quarter of whete at london was sold for two shyllyng and a good fat ox at a noble & v. good doue briddes for a peny in whiche yere died sir Iohan of Eltham Erle of Cornewaille kyng Edwardes brother and lieth at westmynster

¶How kyng Edward made a duchie of the Erledome of Corne¦waille and also of vj. othir Erles that were newe made and of the fyrst chalengyng of the kyngdome of fraunce ¶Ca.CCxxv

IN the yere of our lord M.CCC. & xxxvij. & of kyng Ed∣ward xij. in the moneth of marche during the {per}lemen•• at westmynster in lent tyme kyng Edward made of the Er¦le dome of Cornewaille a duchie and let it call the duchie of Corne¦wallie the which duchie he ••afe vn to Edward his fyrst sone with the Erledome of Chestre ¶And also kyng Edward made at that same tyme vj. othir Erles that is for to say Sir Henry Erle of lā¦castres sone Erle of leycestre William of Boghun̄ Erle of North¦ampton William of Mountagu Erle of Salysbury Hugh of awdele Erle of Gloucestre ¶Robert of Vfford Erle of Southfol¦ke And william of Clytone Erle of Huntyngdone.

¶And in that same yere it was ordeyned in the same parlement that no man shold were no cloth that was wrought oute of En∣glond as clothe of gold Of Sylk Veluet or Damaske Satyn Baudekyn ne none suche othir ne none wylde ware ne furrure of

beyonde the see but such as myght spend an C. pounde of rent a yere but this ordinaunce and statute was of litell effect / for it was no thyng holde ¶In the xiij. yere of his regne kyng Edward wente ouer see in to braban with Quene Philipp his wife there beryng child at Andewerpe there he duelled more than a yere to trete with the duke of Braban and othir allied vn to him of the chalanging of the kyngdome of fraunce to kyng Edward of Englond by right and by heritage after the deth of Karoll the grete kyng of Fraunce brother germayne of Quene Isabell kyng Edwardes mod•••• / the which was holden and occupied vnrightfully by Phelipp of valo∣ys the Emes sone of kyng Karoll the which duke and all his in the forsaid thynges and in all othir ther to longyng with all his men & goodes kyng Edward fonde redy vn to hym and maden and behei¦ghten hym seurte by good feith and trust / and after that the kyng hasted hym in to Englond ayene and left there the Quene stille be∣hynde hym in braban ¶Than in the xiiij. yere of his regne wha•••• all the lordes of his reame and othir that fallen to be at his parle∣ment weren called and assembled to gedre in the same parlemēt hol¦den at london after the fest of seint Hillarie ¶The kynges nedes we¦re put forth and promoted as touchyng the kyngdome of Fraunce For which nedes to be sped / the kyng axed the fifthe part of all the m••ble goodes of Englond and the wulles and the ix. shefe of eue¦ry corne And the lordes of euery toune wher suche thyng shold be taxed and gadred / shold ans••ere to the kyug ther of / and he had it and helde it at his owne lust and wyll / wherfor yf I shall know lech the verray trewth / the ynner loue of the peple was turned in to ha••e and the commune praiers in to cursing / for cause that 〈◊〉〈◊〉 ••om¦mune peple were so strongely greued ¶Also the forsaid 〈◊〉〈◊〉 va¦loys of fraunce had gadred vn to hym a grete hoste & destroied there in his parties and kyngdome many of the kynges frendes of En∣glond with tounes and Castels and many othir of hir lordshippes and many harmes shames and despites deden vn to the Quene wherfor kyng Edward whan he herde this tydynges was strong∣ly meued and therwith an angred / and sente diu••rse lettres ouer see to the Quene and to othir that were his frendes gladyng hem and certifieng hem that he wold be there hym selfe in alle the haste that he myght ¶And anone after Est••e whan he had sped of alle thyng that hym neded and come / he went ouer the see ayene ¶Of whos comyng the Quene and alle his frendes were wondre glad and made moche ••oye / And all that were his enemies and ayens

hym helden / maden as moche sorwe ¶In the same tyme the kyng thurgh counceill of his trew lieges and counceill of his lordes that ther were present with hym token the kyng of fraunces name / and toke and medled the kynges armes of fraūce quartled with the ar∣mes of Englond and commaunded forth with his coigne of gold vnder descripcion and writeng of the name of Englond & of fraun¦ce to be made best that myght he / that is for to seyne the floreyne that was called the noble pris of vj. shillyngs viij. pens of sterlinges & the halfe noble of the value of iij. shillyngs iiij. pens & the ferthyng of value xx pens.

¶How kyng Edward come to the s••luys and discomfited all the power of fraunce in the hauen Capitulo ducentesimo xxvj.

ANd in the next yere after / that is for to say the xv. yere of his regne / he commaunded and let write in his chartres writtes and othir lettres the date of the regne of Fraunce ferst / And while that he was thus doyng & trauayllyng in fraun¦ce thurgh his counceill he wrote to all the Prelates Dukes Erles and Barons / and the noble lordes of the contre / And also to di∣uerse of the commune peple diuerse lr̄ez and maundementz beryng da••e at Gandaune the viij. day of Februarie And anone af•• with in a litell tyme he come ayene in to Englond with the Quene and her children ¶And in the same yere on Midsomer eue he began to saill toward fraunce ayene / and manly and styfly fyll vpon Phe¦lipp of valoys the which longe tyme lay and had gadred to hym a full houge and boystous meyne of dinerse nacions in the hauen of s••luys / And ther they foughten to gedre the kyng of fraunce and he with her hostes fro midday vn to the iij. hour in the morne in whi¦che bataill were slayne xxx.M. mē of the kynges companie of fraū¦ce & many shippes and cogges were taken / Aud so thurgh goddes helpe he had there the victorie / & ••ere thens a glorious chiualrie /

¶And in the same yere aboute seint Iames tyde without the yate•• of seint Omers Robert of artheis with men of englond & flaundre•• bitterly faught ayens the duke of burgoyne and the frensshmen at which bataill ther were slayne & take of the frensshmen xv. barons lxxx. knyghtes / & shippes and barges were take vn to the nombre of CC. and xxx. ¶The same yere the kyng makyng and abydyng vpon the siege of Turney the Erle of Henaude with

Englissh archers maden assaute to the toune of Seint Amand wher they slowe. l. knyghtes and many othir and also destroied the toune ¶And in the xvj. yere of his regne folewyng in the wynter tyme the same kyng duelled still vpon the forsaid siege and sent ofte in to Englond to his tresorier and othir purueiour•• for gold and money that shold be sent to hym ther in his nede but his procuratours and messagiers cursedly and full slowly serued hym at his nede and hym deceyued on whos defaute and laches y^• kyng toke trews bitwene hym and the kyng of fraunce ¶And the kyng full of wo sorwe and shame in his bert withdrowe hym fro the siege and come in to Britaigne and ther was so grete strife for vitaille that he lost many of his peple ¶And when he had done there that he come for he dressed hym ouer see in to Englond ward ¶Aud as he sailled toward Englond in the high see the moste myshappes stormes and tempestes thūdred and lyghtnynges fyll to hym in the see the whiche was said that it was done and areised thurgh euell spirites made by sorcery and nygromancie of hem of fraunce wherfor the kynges hert was full of sorwe and anguyssh weylyng and sighyng and said vn to our lady in this wyse O¦blissed lady seint Marie what is the cause that euermore goyng in to Fraunce all thynges and wethers fallen to me Ioyfull and lykyng and gladsum and as I wold haue hem but alwey tur∣nyng in to Englond ward all thynges fallen vnprofitable and harmefull Ne••latter he scapyng all {per}illes of the see as god wold come by nyght to the tour of london ¶And the same yere the kyng held his Cristemasse at Meries and sent word to the Scottes by his messagiers that he was redy & wold fight with hem But the Scottes wold nat abyde that but fledden ouer the Scottyssh see & hid hem as well as they myght ¶And in the xvij. yere of his regne aboute the feste of Conuersion of seint Paul kyng edward when he had be in Scotland and sawe that the Scottes were fled¦de he come ayene in to Englond ¶And a litell bifor lent was the turnement at Dunstaple to the whiche turnement come all the yonge Bachelery and Chiualrie of Englond with many othir Erles and lordes At the which turnement kyng Edward hym selfe was ther present ¶And the next yere folewyng in the xviij. yere of his regne at his parlement holden at westmynstere the auynzeme of Paske the kyng Edward the thridde made Edward his fyrst begoten son prince of walys And in the .xix. yere of his regne anone after in Ianiuer by fore lent the same

kyng Edward let make full noble Iustes and grete festes in the place of his birthe at wyndesore / that ther were neuer none such seen ther a fore / At which feste and rial•••• were ij. kynges ij. que••es the Prince of walys / The duke of Cornewaille x. Erles ix. Co••••tesses barons and many burgeis 〈◊〉〈◊〉 which myghten not lightely he nom¦bred / And of diuerse landes beyonde the see weren many strangiers ¶And at the same tyme whan the ••ustes were done / ••yng Ed∣ward made a grete soper in the which he ordeyned first & began his rounde table and ordeyned and stedfasted the day of the forsaid roū¦de de table to be holden there at wyndesore in the wytson we••e euermore yerly ¶And in this tyme englisshmen so moche haunted & cleued to the wodnesse & foly of the strangiers / that fro the tyme of coming of the henaudres xviij. yere passed they ordeyned & chaunged hem euery yere diuerse shappes & disguysing of clothyng of longe large and wyde / clothes destitut and desert / from all olde honeste & good vsage ¶And an othir tyme short clothes and streyte wastyd dag∣ged and kyt & on euery side slatered & botened with sleues & tapi∣tes of surcotes & hodes ouer long and ouer moche hangyng / that yf that I the sothe shall say they were more ••••ch to tormentours and de¦ueles in hir clothyng & shoyng & othir aray than to men And the women more nysely yet passed the mē in aray & coriousloker for they were so streyt clothed that they let hange fox tailles sowed byneth within hir clothes for to hele & hide hir a••se•• the which disgnysinges and pride {per}auenture afterward brouʒt forth & encaused many mys¦happes & meschief in the reame of Englond ¶The xx. yere of kyng Edward he went ouer in to Britaigne & Gascoyne in whos com∣panie went the Erle of warrewyke / the erle of suffolke / the erle of huntyngton & the Erle of Arundell & many othir lordes and com∣mune peple in a grete multitude with a grete nauye of CC.xl. ship¦pes / anone after Mydsomer for to auenge hym of many wronges and harmes to hym done by Phelipp of valoys kyng of Fraunce ayens the trews before hand graunted / The which trews he falsely and vntrewly by cauellacious losed & disquatte

¶How kyng Edward sailed in to Normandie and arriued at hog¦ges with a grete host Ca.cc.xxvij.

IN the xxj. yere of his regne kyng Edward thurgh coun∣ceille of alle the grete lordes of the Royame of Englond called and gadred to gedre in his parlement at westmestre

before Estren ordeyned hym for to passe ouer the see ayene for to dis¦sese & desto••••••ble the rebelles of fraūce ¶And when his nauye wa•• come to gedre & made redy he went with an huge host the xij. day of Iuyll and failled in to Normandie and arriued at hogges

¶And when he had rested hym there vj. dayes for by cause of tra¦uaylyng of the see and for to haue oute all his men with all hir ne¦cessaries oute of hir shippes he went toward Cadomū brennyng wastyng and destroyeng all the tounes that he fonde in his way And the xxvj. day of Iuyll at the brugge of C••dony manly and orpedly ystrēgthed and defended with normans he had there a strō¦ge bataill and a longe duryng thurgh which a grete multitude of peple were slayne ¶And ther were take prisoners The Erle of ewe The lord of Tankerville and an C. othir knyghtes and men of armes & vj.C. footmen y nombred & the toune & the subarbes vn to the bare walles of all thyng that myʒt be bore & caried out was robbed and dispollied ¶Afterward the kyng passyng forth by the contre a boute the brede of xx. myle he wasted all maner thyng that he fonde ¶When Philipp of valoys {per}ceyued all this al though he were fast by with a stronge host he wold not come no nerre but bre¦ke all the brugges by yonde the water of seyne fro Rone vn to Pa¦ris And hym selfe fledde vn to the same cite of Paris with all the hast that he myght ¶For sothe the noble kyng Edward when he come to Paris brugge and fonde it broken withyn ij. daies he let make it ayene And in the morwe after the assumpcione of our la¦dy kyng Edward passed ouer the water of seyne goyng toward Cres••y and destroied by the way tounes with the peple duellyng ther ynne And in the fest of seint Bartholomewe he passed ouer the water of somme vnhurt with all his host there as neuer before hand was any maner way ne passage wher ij.M. were slayne of hem that letted hir passage ouer Therfor the xxvj. day of August kyng Edward in a feld fast by Crescy hauyng iij batailles of en¦glishmen countred and met with Philipp of valoys hauyng with hym iiij. batailles of which the le••st passed gretely the nombre of the English peple And when thees ij. hostes metten to gedre

There fyll vpon hym the kyng of beme the duke of loreyne And Erles also of flaundres Dalaunson Bloys Harecourt Aumar∣le and Nevers and many othir Erles Barons Lordes knyghtes and men of Armes the nombre of a M.V.C.xlij. withoute foot men and othir men y armed that were no thyng rekened

¶And for all this the vnglorious Philippe wythdro we

hym with the residue of his peple / wherfor it was said in commu∣ne amonge his owne peple N••e beal soy retreyt That is for to say our fair withdra with hym ¶Than kyng Edward and our Englisshmen thanked god almyghty for such a victorie after hir grete labour taken to hem all thyng nedefull to hir sustinaunce a••••d sauyng of hir lyfe / for drede of hir enemies / rested hem the there / And full erly in the mornyng after the frensshmen with an huge pas∣sing hoost come ayene for to yeue bataille and fight with 〈◊〉〈◊〉 En∣glisshmen with whom metten and countreden the Erles of 〈◊〉〈◊〉 ••••e∣wyke Northampton and Northfolke with hir compauie 〈◊〉〈◊〉 slo∣wen two thousand and token many prisoners of the gentils of hem And the remenaunt of the same hoost ••l••dde iij. my••e thens

And the thridde day after the bataill the kyng wente to Caleys warde destroyeng all the contre as he rode whidder whan that he was come that is for to say the thridde day of Septembre he began to besege the toune with the Castell and continued his sege fro the forsaid thridde day of Septembre vn to the thridde day of Auguste the next yere after ¶And in the same yere duryng the siege of Caleys the kyng of Scotland with a full grete multitude of S••ottes come in to Englond to Neuiles crosse aboute Seint lukes day the euangelist hopyng and trustyng to haue founde all the lond destitute / and voide of peple / For as moche as the kyng of englond was beyonde the see / saufe only prestes and men of holy churche and wymmen and children and plowmen and such othir laboreres and th••re they robbeden and diden moch priue sorwe / But yit foū¦de they y nowe that hem withstode by the grace of almyghty god.

¶And so a day of bataill was assigned bitwene hem and cer∣tayne lordes and men of holy churche that were of that contre with othir commune peple faste by the Cite of Duresme / At whiche day thurgh the grace and helpe of almyghty god the Scottes went 〈◊〉〈◊〉 comen And yit were they iij. fold so many of hem as of Englissh∣men And ther was slayne all the Chiualrie and knyghthoode of the Royame of Scotland ¶And there were take as they wolde haue fledde theris Dauid the kyng of Scotland hym selfe The Erle of Mentife Sir william douglas and many othir grete men ¶And after that our Englisshmen whan they had rested hem a fewe daies and had ordeyned ther kepers of the Northcontre they comen vn to london / and broghten with hem dauid kyng of Scotland and alle these othir lordes that were taken prisoners vn to the tour of london with alle the haste that they myght / And

ther they lefte hem in sauf kepyng vn to the kynges comyng and wenten home ayene in to hir owne contre And afterward was the kynges raunsone of Scotland taxed vn to an C.M. marc of siluer to be paied in x. yere that is for to seyne euery yere x M. marc

¶How kyng Edward beseged Caleys and how it was y won∣ne and yolde to hym Ca.CC.xxviij.

IN the xxij. yere of kyng Edwardes regne he went ouer y^• see in the wynter tyme & lay all the wynter at the sege of Caleys the which yere the while the siege lasted Philipp the kyng of fraunce cast and purposed trechouresly & with fraude to put a way the siege & come the xxvij. day of ••uyll in the same ye¦re with a grete host & a stronge poer & neighed vn to the siege of Ca¦leys ¶The which Philipp the last day of ••uyll sent to kyng Ed∣ward word that he wold yeue hym pleyne bataille the iij. day next after that about euesong tyme yf he durst come fro the siege & abide it And when kyng Edward herd that withoute any long tarieng ex longe avisement he accepted gladly the day & hour of bataille y^• Philipp had assigned ¶And when the kyng of fraunce herde that the next nyʒt after ••e sette his tentes a fire & remeuyd & went away thens cowardely ¶Than they that were in the toune & in the Ca∣stell beseged seyng all this how that they had none othir helpe ne so cour of the kyng of fraunce ne of his men ¶And also that hir vi∣tailles withynne hem were spended and wasted and for defaute of vitailles and of refresshyng they eten hors houndes cattes and mys for to kepe hir trougth as longe they as myght ¶And when they sawe and was founde amonge hem at the last that they had no thyng amonge hem for to ete ne lyve by ne no socour ne rescu∣enge of the frensshmen of that othir side they wyst well that they most nedes dey for defaute or elles yelde the toune and anone they wenten and token doune the baners and the armes of Fraunce on euery side that were honged oute and wenten on the walles of the toune on diuerse places as naked as they were borne saue only hir shirtes and her breches and helden hir swerdes na∣ked and the point donward in hir hondes and putten ropes and halters aboute hir nekkes and yelden vp the keyes of the toune and of the Castell to kyng Edward of Englond with grete fere and drede of hert ¶And when kyng Edward sawe this as a merciable kyng and lord receyued all to grace and a

fewe of the gretest persones of state and of gouernaunce of the tou¦ne he sente in to Englond ther to abide hir raunsome and the kyn∣ges grace / And all the comminalte of the toune the kyng let gone whidder they wolde in pees / and withoute any harme / and let hem here with hem all hir thynges that they myght here and carie away kepyng the toune aud the Castell to hym selfe ¶Than thurgh mediacion of Cardinales that were sente fro the Pope trews was take ther bitwene Fraunce and Englond for ix. monthes than next fole wyng / and aboute Mihelmasse kyng Edward come a∣yene in to Englond with a glorious victorie.

¶And in the xxiij. yere of his regne in the e••st parties of the world ther arose and began a pestilence and deth of sarazens and paynyms that so grete a deth was neuer herde of a fore / And that wasted a way so the peple that vnnethes the tenth persone was left a lyue ¶And in the same yere aboute the southcontrees and also in the west contrees ther fyll so moche rayne and so grete wa∣tres / that from Cristemasse vn to Midsomer ther was vunethes day ne nyght but that it rayned somwhat thurgh whiche watres the pestilence was so enfected / and so habundannt in alle contrees and namely aboute the court of Rome and othir places aud see costes / that vunethes ther were lefte lyuyng folke to bery hem that were dede honestely / But maden grete diches and pittes that were wonder brode and depe / and ther in buried hem / and maden a ren¦ge of dede bodies / and caste a vitell erthe to h••l•• hem aboue / and than caste in an othir renge of dede bodies / and an othir renge of erthe aboue hem And thus weren they burried / and none othir wyse / But yf it were the fewer that weren grete men of estate that were buried as honestely as they myght

¶And after all this in the xxiiij. yere of kyng Edwardes regne hit was hym done to wite and vnderstonde of a treson that was be¦gonne at Caleys / and ordeyned for to sell that toune for a grete somme of floreyns vn to kyng Philipp of Fraunce thurgh the fal∣senesse and ordinaunce of a knyght that was called Sir G••effrey of Charney / that was wonder priue with kyng Philipp of Fraun¦ce ¶And whan kyng Edward herde this he toke with him the nobles and gentils lordes / and many othir worthy and orped men of armes that were there present with hym for the solempnite of that high feste ¶And well and wysely in alle the haste that he myght and as priuely as he myght ••e wente ouer see

¶And that same yere the good kyng Edward helde his

Cristemasse at haueryng ¶And the morwe after neweyeres day the kyng was in the Castell of Caleys with his men of ar∣mes that none of the aliens wyst ther of And that fals conspira¦tour and traitour Gieffrey of charney seth that he myght not open¦ly haue his purpose of the Castell priuely and stelyngly he come in and helde the tonne with a grete hoste And when he with his men was comen in he paied the forsaid somme of floreyns as co∣uenant was bitwene hem to a Genewey in the toune that was ke¦per of the Castell and consentyng to the same Gieffrey in all this falsenesse and trecherie and ••ounden the Englissh ministres and s••ruauntz that were in the Castell that they myght not helpe hem selfe ne let hem of hir purpose And than wenynge that they had be siker y nowe they speken all hir wykkednesse and falsenesse o∣penly an high that all men myght here

¶And nowe shull ye here howe they were disceyued for they co∣men yn by a priue posterne ouer a litell brigge of tree and when they were comen yn sotilly and priuely the brigge was drawen vp and kept that none of hem that comen in myght gone oute ne no mo come in to hem And anone our Englisshmen wenten oute at priue holes and wyndowes and ouer the walles of the toune and of the Castell and wenten and faughten manly wyth the frensshmē that were withoute and had the better of hem the which when they weren occupied by hem selfe on hir side The kyng that was withyn the toune hauyng with hym scarcely but xxx. men of armes drewe oute his swerd and with a loude vois cried an high A seint Edward A seint George

¶And when folke herde that they comen rennyng to hym and ••aven ther to hir enemies so grete assaute that ther were mo than two hounderd men of armes and many othir slayne and many fledden a way and so by the grace of god Almyghty the victorie fyll to the Englisshmen Than the kyng toke with hym this Gief¦frey that was fynder of this trecherie And also many othir frensh prisoners And withyn a while after come ayene in to Englond

¶And in this same yere & in the yere afore & also in the yere next after was so grete pestilence of men fro the cest in to the west and namely thurgh bocches that tho that siked on this day died on the iij. day to the which men that so dieden in this pestilence haddē but litell respite of liggyng ¶The pope clement of his goodnesse & grace yafe hem full remission and foryeuenesse of all hir synnes y^• they were shriven of and this pestilence lasted in london fro mihel

masse in to Angust next folewyng almost an hole yere And in the se daies was dethe withoute sorwe weddynges without frēdship wyllfull penaunce & derth withonte scarcite & fleyng withoute re¦fute or socour for many fledden fro place to place because of the pe¦stilence but they were enfecte & myʒt not ascape the deth after that the {pro}phete Isaie seith who that fleeth fro the face of drede he shall fall in to the diche And he that wendeth hym oute of the diche he shall he hold & teide with a grenne but when this pestilence was cesed as god wold vnnethes the x. part of the peple was left alyfe ¶And in the same yere began a wonder thyng that all that euer were borne after that pestilence hadden ij. chektethe in hir hede lesse than they had afore

¶Howe kyng Edward had a grete bataille with spaynard••s in the see fast by wynchelsee Ca.CC.xxix.

ANnd in the xxv. yere of his regne aboute seint Iohanes day in heruest in the see fast by wynchelsee kyng edward had a grete bataille with men of Spayne where that hir shippes and nauye lay chayned to ged••••r that ether they must fiʒt or drenche ¶And so when all our worthy men of armes & the See costes fast by wynchelsee & Romeny were gadred to gedre & our nauye & shippes all redy to the werre the Englishmen metten man∣ly & stifly with hir enemies comyng fersely ayens hem ¶And when the spanyssh vesselles & nauye were closed yn all aboute ther men myght see a stronge bataille on bothe sides & lond duryng iij y^• which bataille ther nere but fewe that foughten that they nere spi∣tously hurt & foule And after the bataille there were xxiij. ship∣pes of hers y take And so the Englishmen had the better And in the next yere folewyng of his regne that is to say the xxvj. yere y^t kyng thurgh his counceill let ordeyne & make his newe money that is to say the peny the grote of value of iiij. pens And the halfe grote of value of ij. pens but it was of lesse weight than the olde sterlyng was by v. shillyng in the pounde ¶And in the xxvij. yere of his regne was the grete derthe of vitailles the whiche was called the dere somer And in the xxxviij. yere of his regne in the {per}lement hol¦den at westmynster after estren Sir henry Erle of Lancastre was made duke of lancastre & in this same yere was so grete a drought that fro the moneth of marche vn to the moneth of Iuyll ther fyll no Rayne on the erthe Wherfor all fruytes sedes and herbes

for the moste partie were loste in defaute ¶Wherof ther come so gr••¦••e disese of men and bestes and derthe of vitailles in Englond so that this land that euer afore had be plen••••uous had nede that ty∣me to seke his vitailles and refresshyng of othir oute yles & con∣trees ¶And in the xxix. yere of kyng Edward it was accorded graunted and sworne bitwene the kyng of fraunce and kyng Ed¦ward of Englond that he shold haue ayene all his landes and lord shippes that longeden to the duchie of Gnyhenne of olde tyme the whiche had bene wi••h drawe / and wrongfuly occupied by diuerse kynges of fraunce before hande to haue and to hold to kyng Ed∣ward and to his heires and successours for euermore frely pesibely and in good quiete vpon this couenaunt that the kyng of englond shold be••e of and relese all his right and clayme that he had & clay¦med of the kyngdome of fraunce / and of the title that be toke ther of vpon which speche and couenauntz it was sent to the court of rome on bothe sides of the kynges / that the forsaid couenauntz shold be en¦bulled / but god ordeyned better for the kynges wurshipp of englōd for what thurgh fraude and disceit of the frensshmē & what ••urgh letting of the pope and of the court of rome the forsaid coue••aun••z ware disquat and left of ¶And in the same yere the kyng re••••ked by his wyse and discrete counceill the staple of wulles 〈◊〉〈◊〉 of flaū¦dres in to Englond with all the libertees fraunch••̄es and fre c••s••o¦mes that longen ther to and ordeyned it in englond in diuerse pla¦ces that is for to say at westmester Caūterbury Chic••••stre / bristow Lyncolne Hull with all the forsaid thynges tha•• longen ther to

¶And that this thyng that shold thus be done the kyng swo∣re hym selfe ther to And prince edward his sone with othir many grete witnessed that ther were present ¶And in the xxv. yere of his regne anone after witsonday in the parlement ord••yned at west¦mynstre it was tolde and certified to the kyng that Phelipp that tho held the kyngdome of Fraunce was dede / And that Iohan his sone was crouned kyng And that this Iohan had yeue karoll his sone the Duchie of Guyhenne / of the which thyng kyng Ed∣ward whan he wyste ther of had grete indignacion vn to hym and was wondre wrothe and stronglich y m••••ed ¶And ther for afore alle the wrothy lordes that there were assembled at that parlement he called Edward his sone vn to hym to whome the du¦chie of Guyhenne by right heritage shold longe to and yafe it hym there / byddyng and strengthyng hym that he shold ordeyne hym to defende hym and vengy•• hym vpon his enemies and saue

maynten his right ¶And afterward kyng edward hym self & his eldest sone Edward wenten to diuerse places & seintes in englond on pilgremage for to haue the more helpe & grace of god and of his seintes And the ij. Kal. of Iuyll when all thyng was redy to that viage & bataill & all his retenue & power assembled & his nauye also redy he toke with him the erle of warre wyke the erle of suffolk the erle of salysbury & the erle of Oxūford & a M. men of armes & as many archiers & in the natiuite of our lady toke hir shippes at Plymmouth & begonne to sayle ¶And when he come & was arri¦ned in Gnyhenne he was ther wurshipfully take & resceyued of the most noble men & lordes of that contre ¶And anon̄ after kyng ed¦ward toke with hym his ij. sones that is for to say Sir Leonell er¦le of vlton & sir Iohan his brother Erle of richemond & sir henry duke of lancastre with many erles & lordes & men of armes and ij M. archers & sailed toward fraunce & rested hym a while at caleys And afterward the kyng went with his folke aforsaid and with othir soudiours of be yonde the see that ther aboden the kynges co∣myng the second day of Nouembre and toke his ••ournay toward kyng ••ohan of fraunce ther as he trowed to haue founden hym fast by Odoma•• as his lr̄es & couenant made mencion that he wold a byde hym there with his host. ¶And when kyng ••ohan of fraunce herd of the kynges comyng of englond he went away with his mē & cariage cowardely & shamfully fleyng & wastyng all vitailles ouer that the Englisshmen shold nat haue ther of ¶And when kyng Edward herd telle that he fledde he pursued hym with all hiz oost till Hedene & than he beholdyng the wantyng & the scarcite of vitailles & also the cowardise of the kyng of frannce he turned a∣yene wastyng all the contrey ¶And while all thees thynges were a doyng the scottes priuely & be nyght tokē the toune of Berewyk sleyng hem that withstode hem & no man elles but blessed be god the castel ne••̄latter was saued & kept by englishmen that were ther¦yn Than the kyng {per}ceyued all this turned ayene in to englond as wrothe as he myʒt be wherfor in {per}lemēt at westmynster was graū¦ted to the kyng of euery sak of wolle .l. shillyng during the terme of vj. yere that he myght the myghtloker fight & defende the Reame arens the scottes and othir mysdoers ¶And so when all thynges were redy the kyng hasted hym to the siege ward

¶How kyng Edward was crouned kyng of Scotland & howe Prince Edward toke the kyng of fraunce & sir Philipp his yonger sone at the bataille of Peyters Ca.CC.xxx

ANd in the xxxj. yere of his regne the xiij. day of Ianiuer the kyng in the Castell of Berewyk with a fewe men but hauyng ther faste by a grete hoost / the toune was yolde to hym withoute any maner defence or difficulte / than the kyng of scot¦land that is for to say sir Iohan Bailloll cōsidering how that god did many meruailles & gracious thynges for kyng edward at his owne wyll fro day to day / he toke and yafe vp the reame of Scot∣land & the croune of scotland at rokesburgh in to the kynges hondez of englond vnder his patent lr̄ez ther y made ¶And anone after kyng Edward in presence of all the prelates & othir worthy men & lordes that there were let croune hym kyng ther of the reame of Scot¦land And whan all thynges were done & ordeyned in thilke con∣trees at his lust he turned ayene in to Englond with an huge wur¦shipp / And while this viage was a doyng in Scotland Sir Ed∣ward Prince of walys as a man enspired in god was in Guyhen¦ne in the Cite of Burdeux treting & spekyng of the chalengyng / & of the kynges right of Englond that he had of the Reame of fraun¦ce and that he wold auenged be with stronge honde & the prelates peres and myghty men of that contre consented well to him ¶Than Sir Edward the prince with a grete hoste y gadred to hym the sixte day of Iuyll wente from Burdeux goyng and trauaylling by me¦ny diuerse contrees & he toke many prisoners moo than vj.M. men of armes by the contre as he ••ourneied and toke the toune of remo∣rantyn in saloigne and beseged the Castell vj. daies And at the vj. daies ende they yolden the Castell vn to hym And there were take the lord of Croune and sir Bursigaud and many othir knyghtes and men of armes moo than lxxx. ¶And fro thens by Toren•• / & peten fast by chineney his noble men that were with hym hadden a stronge bataille with frensshmen and an C. of hir men of armes we¦re slayne And the Erle of Daunce & the stiward of fraunce were take with an C. men of armes / ¶In the which yere the xix. day of Septembre faste by Peighters the same Prince with a M. and ix. houndred men of armes and archers ordeyned a bataille to kyng Iohan of fraunce comyng to the Prince ward with vij. M chosen men of armes and othir moch peple in an huge passing nom¦bre / of the which ther was y slayne the duke of Burbon and the duke of Athenes and many othir noble men / and of the prince men of armes a M. and of othir after the trewe accompte and rekening viij. houndred And the kyng of fraūce was ther take & sir Phelipp his yonger sone and many dukes and noble men & worthy knygh∣tes

& men of armes aboute ij.M. And so the victorie fyll there to the prince & to the peple of Englond by the grace of god And many y^• were take prisoners were set at hir raunsone & vpon hir trougth & knyghthode were charged & had leue to go But the ••nce toke with hym tho the kyng of fraūce & philipp his sone with all the reuerence that he myʒt & went ayene to burdeux with a glorious victorie The somme of the men that were take prisoners and of the men that we¦re slayne the day of bataille was iiij.M.iiij.C.xl. ¶And in the xxxij. yere of kyng Edward the v. day of May Pri••ce Edward with kyng Iohan of fraunce & philipp his sone and many othir worthy prisoners arriued graciousely in the hauen of plymmouth and the xxiiij. day of the same moneth aboute iij. after none they co∣men to london by londou brigge and so wenten forth to the kynges Paleys of westmynster and ther fyll so grete a multitude & prees of peple aboute hem to behold and se that wondir & y^• riall sight y^• vnnethes fro mydday till nyʒt they myght come to westmynster & the kynges raunsone of fraunce was taxed and set to iij. myllionz of scutes of whom ij. shold be worth a noble and ye shull vnderstō∣de that a myllion is a M.M. and after somme men his ramnsome was sette at iij.M.M floreyns & all is one in effect And this same yere were made solempne Iustes in smethfeld bey••g ther presente the kyng of Englond the kyng of fraunce and the kyng of Scot∣land and many othir worthy and noble lordes ¶The xxxiij. yere of his regne the same kyng Edward at wyndesore as well for loue of knyghthode as for his owne wurshipp and at the reuerence of y^• kyng of fraunce and of othir lordes that were there at that tyme he held a wondre riall and costlewe fest of seint George passyng any that euer was holden afore Wherfor the kyng of Fraunce in scor∣nyng said that he sawe neuer ne herd such solempne festes ne rial∣tes holden ne done with taylles withoute payeng of gold or siluer And in the xxxiiij. yere of his regne the xiiij. Kal. of Iuyll sir ••o¦han erle of richemond kyng Edwardes sones wedded dame blaun¦che duke Henries doughter of lancastre cosin to the same ••ohan by dispensacione of the pope and in the mene tyme were ordeyned Iu¦stes at london iij. daies of the rogacious that is for to say the Meire of london with his xxiiij. aldermen ayens all that wold come in whos name and stede the kyng priuely with his iiij. sones edward Leonell Iohan and Edmond and othir xix. grete lordes helden y^• feld with wurshipp And this same yere as it was told and said of hem that saw it ther come oute blode of the tombe of Thomas

some tyme Erle of lancastre as fressh as that day that he was do to dethe / And in the same yere kyng Edward chese his sepulture and his liggyng at westmynstre fast by the shrine of seint Edward /

¶And anone after the xxvij. day of Octobre he wente ouer see to Caleys makyng protestacion that he wold neuer come ayene in to Englond till he had full ended the werre bitwene Fraunce & hym ¶And so in the xxxvj. yere of his regne in the wynter tyme kyng Edward was and trauailled in the Ryne costes and aboute seint Hillarie tyde he departed his hoste and wente to Burgoyne ward with whom than met pesibely the duke of Burgoyne behoting hym lxx. thousand floreyns that he shold spare his men and his peple / and the kyng graunted at his requeste / and duelled there vn to the xvij. day of Marche / the which tyme come to kyng Edwardes ere that strange theues on the see vnder the Erle of seint Poule the xv. day of Marche liggyng a wayte vpon the tounes of hastyng Rie and othir places and villages on the see coste haddyn entred as enemies in to the toune of wynchesee / and slowen all that euer withstoden hem and withsaid her comyng / wherfor the kyng was gretly meued and wratthed / and he turnyng ayene to Parysward and commaunded his hoste to destroie & slee with dynt & strength of swerd hem that he had before hand y spared / ¶And the xij. day of Aprill the kyng come to Parys and there be de••arted his hoost in diuerse batailles with iiij.C. of kynghtes newe dubbed on that one side of hym ¶And Sir Henry duke of lancastre vn∣der pees and trewes wente to the yates of the Cite / profryng to hem that wold abyde a bataille in the felde vnder such condicion / that if the kyng of Englond were ouercome there as god for••ede it / that than he sholde neuer chalenge the kyngdome of Fraunce

¶And whan he had of hem but a short and a scornefull ansue¦re he tolde it to the kyng and his lordes what he had herde and what they said / And than forth the newe knyghtes with many othir makyng assaute to the Cite to they destroieden hougely the subar∣bes of the Cite ¶And while alle thees thynges were a doyng the Englisshmen made hem a redy to be auenged vpon the shame and despite that was done that yere at wynchelsee and or∣deyned a nauye of lxxx. shippes of men of london and of othir marchauntz and xiiij. thousand of men of armes and archiers and wente and serched and skymmed the see and manly token and helden the Ile of Caux / wherfor the frensshmen that is for to say the Abbot of Cluyne the Erle of Tankeruille and bursygand

that than was S••••ward of fraunce with many othir men of the sa¦me cōtre by cōmune assente of the lord Charlis that tho was reg••̄t of fraunce they hasted hem & went to the kyng of englond asky••g & besechyng hym stedfast pese & e••lastyng vpon certeyn cōdicions that there w••re shewed writen ¶The which when the kyng & his counceill had seen it plesed hym neu a de••e but sethe it wolde be non̄ othir in tyme of better accord & deliberacion the frenshmen besily & with grete instaunce asked trews for her see costes & the kyng graū¦ted hem ¶And in the morwe after the Vtas of Pasche the kyng turned hym with his hoste toward Orliaunce destroieng & wasting all the contre by the wey ¶And as they wenten thidderward ther fyll vpon hem suche a storme & tempest that non̄ of our nacion herd¦ne sawe neuer none suche thurgh the which thousands of our mē & of hir horses in her iourneyeng as it were thurgh vengeaunce sodē¦ly were slayne & perisshed the whiche tempestes full moche yit fered not the kyng ne moche of his peple that they ne wenten forth in hir viage that they had begōn wherfor abonte the feest of holy rood day in may fast by incarnocū the forsaid lordes of fraunce metyng there with the kyng of englond a pesible accord & a finall vpon certeyne condicions & grauntes articulerly gadred & writen to geder euer∣more for to last full discretly made & to bothe kynges {pro}fitable & to her reames bothe with one assent of Charlis the regēt & gouernour of fraunce & of Perys of the same reame y writen and made vnder date of Carnocū the xv. day of may they offred & {pro}ferd to the kyng of englond requyring his grace in alle thynges written y^• he wold benyngly admitte hem & holde hem ferme & stable to hem & to hir hei¦res for euermore thens forth the which thynges & articles whan kyng Edward had seyne hem he graunted hem so that bothe {per}ties sholde be sworne on goddes body & on the holy euangelies that the forsaid couenant shold be stablisshed & so they accorded graciously

¶Therfor there were ordeyned & dressed on euery side ij. barons ij. banerettz & ij. knyghtes to admitte & receyue the othes of the lord Charlis regēt of fraunce & of si•• Edward the fyrst sone & heire of kyng Edward of englond ¶And the x. day of may ther was songen a solempne masse at Paris & after the iij. Agnus dei y seid with dona nobis pacem in presence of the forsaid men that were or∣deyned to admitte & receyue the othes & of all othir that ther myght be ¶The same Caharlis leide his right hond on the Paten with god¦des body & his lift hond on the missale & seid we .N. sweren on god¦des body & the holy gosp••lles that we shull trewly & stedfastly hold

toward vs the pees & the accord made bitwene the ij kynges & 〈◊〉〈◊〉 no maner to do the contrarie And ther among all his lordes for the mo¦re loue & strength of witnesse he deled & departed the reliques of the croune of criste to the knyghtes of englond / & they courteisely token hir leue / And in the friday neyt the same maner othe in presence of the forsaid knyghtes & of othir worthymen Prince Edward made at louers ¶Afterward bothe kyngis & hir sones & the most noble men of bothe reames within the same yere made the same othe / & for to strength all thees thynges forsaid / the kyng of englond axed the gretest men of fraūce & he had his axing that is for to say vj. dukes viij. Erles & xij. lordes that is to say barons & worthy knyghtes ¶And whan the place & the tyme was assigned in which bothe kynges with hir counceill shold come to gedre all the forsaid thyn∣ges bitwene hem y spoke for to ratifie & make ferme and stable / the kyng of englond anon went toward the see & at hountflete began to saille beuyng to his hoostes that were left behinde hym by cause of his absence moch heuynesse ¶And after the xix. day of May he co∣me in to englond & went to his paleys at westmynstre on seint dun¦stones day & the iij. day after he visited ••ohan kyng of fraunce that was in the tour of london / & deliuered hym frely from all maner pri¦son sauf first they were accorded of iij. myllions of floreyns for his raunsone / & the kyng comforted him & chered him in all places with all solas & myrthes that longen to a kyng in his goyng hom ward And the ix. day of Iuyll in the same yere the same ••ohan kyng of fraunce that afore hand lay here in hostage / went home ayene in to his owne land to trete of tho thynges & of othir that longeden & fil¦••en to the gouernaunce of his reame / And afterward met••••n & co∣men to gedre at Caleys bothe ij. kynges with bothe hir coūceill abou¦te all halewen tyde / & ther were shewed the condicions & the pointz of the pees & of the accord of bothe sides y writen / & ther withoute a¦ny withseyeng of bothe sides graciously they there accorded / & ther was done & songen a solempne masse & after the iij. Agnus dei vp¦on goddes body & also vpon the masse boke both kynges & hir sonez & the grettest lordes of bothe reames & of hir counceill that ther were than present / & had not I swore before the forsaid othe that they had made & was titled bitwene hem they behighten ther to k••pe & olle o¦thir couenautz that were bitwene hem y ordeyned / And in this sa∣me yere mēnes best••s trees & housing with sodeyn tēpest & stronge li¦ghtenyng were {per}isshed & the deuell ap{per}ed bodely in mānys likenesse to moch peple as they wēt in di••se places in the cōtre & spake to hem

¶How the grete companie aroos in fraunce & the white companie ••n lumbardie & of many othir meruaille Ca.cc.xxxj

KYng Edward in the xxxvj. yere of his regne anone after cristemasse in the fest of Con••cion of seint Poul held his {per}lement at westmynstre in the which was put forth and shewed the accord & the tretis that was stabilisshed & y made bitwe¦ne tho ij. kynges the which accorded plesed to moch peple / & therfor by the kynges cōmaundement ther were gadred & come to gedre in westmynstre church the first sonday of lent that is to say the ij. kal of Feuerer the forsaid englisshm••n & frensshmen where was songe a solempne masse of the Trinite of the Erchebisshopp of Caunterbury mastir simond ••••lepe / And whan Agnus dei was done the kyng beyng ther with his sones & also with the kynges sones of fraūce / & othir noble & grete lordes with candeles y light & crosses y brought forth / all that were called ther to y^• were not swore afore swore that same othe that was writen vpon goddes body & on the masse boke in this wise / We .N. & .N. sweren vpon holy goddes body & on the go∣speles stedfastly to hold & kepe toward vs the pees & the acord y ma¦de bitwene the ij. kynges / & neu for to do the contrarie / & whan they had thus y sworne they token hir scrowes that hir othes were cōpre••hended in to the notaries / And this same yere in the ascencion eue a∣boute mydday was seyne the Eclips of the sonne / & ther folewed su¦che a drought that for defaute of reyne ther was grete barinesse of corne fruyt & hey And in the same moneth the vj. kal. of Iuyne ther fill a sangweyne rayne almost lik•• blode at Burgoyne And a sangweyne crosse fro morne vn to ••me was y seyne & appered at bo∣loigne in the eire the which many a man saw & after it meued & fill in the midde see ¶And in the same tyme in fraunce & in Englond & in othir many landes as they y^• were in pleyne contrees & desert baren witnesse sodenly ther ap{per}ed ij Castels of the whiche wente oute ij. ostes of armes men / And that one oost was clothed and heled in white and that othir in blake / And whan bataill bitwe¦ne hem was begonne the white ouercome he blake / And anone after the blake toke hert vn to hem and ouercome the white / And after that they wente ayene in to hir Castelles / And than the Ca∣stelles and alle the hoostes vanysshed away / ¶And in this same yere was a grete and an houge pesti••ence of peple and namely of men / whos wyfes as wymmen oute of gouernaunce token hous∣bondes as well strangiers as othir lewde and simple peple / the which foryetyng hir owne honour and wurshippe and berth••

coupled and maried hem with hem that were of lowe degre & litell reputacion in this same yere died Henry duke of lancastre And al¦so in this yere Edward Prince of wales wedded the countesse of kent that was sir thomas wyfe holand the which was de{per}ted some tyme and deuorced fro the Erle of salysbury for cause of the same knyght ¶And aboute this tyme began and arose a grete compa∣nie of diuerse nacions gadred to gedre of whom hir leders and go¦uernours were englissh peple And they were clepid a peple withou¦te an hede the which did moche harme in the {per}tie of fraunce And not longe after ther aroos an othir companie of diuerse nacions y^• was called the white companie the which in the parties and cōtres of lūbardie did moch sorwe This same yere Sir ••ohan of Gaunte the sone of kyng Edward the iij. was made duke of lancastre by reson & cause of his wyfe that was the doughter and heire of Hen¦ry some tyme duke of lancastre

¶Of the grete wynde and how prince Edward toke the lordshipp of Gnyhenne of his fadre and went thidder Ca.CC.xxxij.

ANd in the xxxvij. yere of kyng edward the xv. day of Ia¦niuer that is to say on seint Maures day aboute euensong tyme ther aroos and come such a wynde oute of the south with such a fersenesse and strength that he brast and blewe doune to grounde high houses and stronge bildynges toures churches & steples and othir stronges and all othir stronge werkes that sto¦den stille weren shake ther with that they bene yit and shull be 〈◊〉〈◊〉 more the febeler & weyker while they stonde And this wynde lasted witho••te any cessyng vij. daies continuell ¶And anone after ther folewed suche waters in hey tyme & in heruest tyme that alle felde werkes were strongly lette & left vndone And in the same yere ••n¦ce Edward toke the lordshipp of Guyhenne and did to kyng Ed∣ward his fadre feaute and homage therfor & went ouer see in to Gascoyne with his wife & his children And anone after kyng Ed¦ward made sir Leonell his sone duke of Clarence and Edmond his othir sone Erle of Cambrigge And in the xxxviij. yere of his regne it was ordeyned in the parlement that men of lawe bothe of the tem••erall and of holy churche lawe fro that tyme forth sholde plete in hir modir tunge ¶And in the same yere comen in to Englond thre kynges that is for to seyne The ky••g of Fraunce the kyng of Cipres and the kyng of Scotland by cause to visi∣te and speke with the kyng of Englond Of whom they were

wonder welcome & moch y wurshipped ¶And after that they had be bere longe tyme ij. of hem went ayene home in to hir owne contres & kyngdomes / but the kyng of fraunce thurgh grete sikenesse & ma∣ladie that he had let still in englond ¶And in the xxxix. yere of his regne was a stronge & an huge frost & that lasted longe that is for to say fro seint Andrewes tyde vn to the xiiij. Kal. of Aprill that the tilthe & sowing of the erthe & othir such felde wurkes and hand werkes were moche y let & left vn do for cold & hardnesse of the er¦the ¶And at Orrey in britaigne that tyme was ordeyned a grete dedely bataill bitwene sir Iohan of Mountfort duke of britaigne & sir Charles of bloys / but the victorie fill to the forsaid sir Iohan thurgh helpe & socour of the englisshmen / And there were take ma∣ny knyʒtes & squyers / & othir mē that were vnnōbred / in the which bataill was slayne charles him selfe with all that stode aboute him & of the englisshmen were slayne but vij. And in this yere deide at sauoy ••ohan the kyng of fraunce / whos ser•••••• & exequies kyng Ed¦ward let ordeyne & did in di••se places wurshipfully to be done / & to douer of wurshipfull m•••• ordeyne him wurthely to be ledde with his owne costes & expens / & from thens he was fette in to fraunce / & beried at seint denys ¶In the xl. yere of kyng Edward the vij. kal of F••••••rer was borne Edward ••nce Edwardes sone the whiche whan he was vij. yere olde he deide ¶And in the same yere it was or deyned that seint Petres pens fro that tyme forth shold not be paid the which kyng Yuo / some tyme kyng of ēglond of the cōtre of west saxons that began to regne in the yere of our lord DC.lxxix. firste graunted to rome for the scole of englond ther to be cōtinued ¶And in this same yere ther fill so moch rayne in hey ••yme that hit wasted & destroied bothe corne & hey / And ther was such a debate & fighting of sparewes by diuerse places in these daies that men founden innu¦merable inultitude of hem dede in feldes as they wenten / & ther fille also such a pestilence that neuer such was sene in no mannys tyme that tyme a lyue for many men anone as they were go to bedde hole & in good point sodenly they deide / Also that tyme a sikenesse that men called the pokkes slow bothe men & women thurgh hir enfec∣ting / And in the xlj. yere of kyng Edward was bore at Burdeux Richard the second sone of Prince Edward of Englond the whi¦che Richard kyng Richard of Amorican heued at the fontstone after whom he was called Richard / And this same Richard whā his fadre was dede and kyng Edward was dede also was crou∣ned kyng of Englond the xj. yere of his age thurgh right lyne

and heritage and also by commune assent and desire of the comi¦nalte of the reame ¶Aboute this tyme at kyng Edwardes cōmaū¦dement of englond when all the Castelles and tounes were yold to hym that longe weren hold in frannce by a grete companie assem∣bled to gedre Sir Bartram Cleykyn knyght an orped man and a good werriour went and purposed hym to put oute Piers kyng of spayne oute of his kyngdome with helpe of the moste {per}tie of the forsaid grete companie trustyng also vpon helpe and fauour of the Pope for as moche as it came to his eres that the same Piers shold bede and vse the most werst and sinfullest lyfe oute the which Pi¦ers y smyten with drede of this tydyng fled in to Gascoigne to ••n¦ce Edward to haue helpe and socour of hym ¶And when he was fledde oute of spayne Henry his brother that was a bastard by assent of the most {per}tie of spayne and thurgh helpe of that fere∣full companie that I spake of erste was made and crouned kyng of spayne And the nombre of that same companie was rekened & sette at the nombre of lx.M. fightyng men ¶This same yere in the moneth of Iuyne ther come a grete companie & nauye of the danes and gadred hem to gedre in the north see purposing hem to come in to Englond to rēne and to robbe and also to slee with whom they conntred and met in the see Marmers and othir orped figh∣tyng men of the contre and disparbled hem And they asshamed went home ayene in to hir owne contre ¶But amonge all othir ther was a boystous and a stronge vessell of hir nauye that was ouersailed by the Englisshmen & was {per}isshed and drey••te In the whiche the Stiward and othir worthy and grete men of Denmarke were take prisoners and by the kyng of englond and his counceill y prisoned the whiche lordes the danes afterward comē & soughten all aboute for to haue had with her goodes that they had lost and they not wele a paied ne plesed of the ansuere that they had here turned homewardes ayene leuyng be hynd hem in her ynnes priuely y writen in scrowes and on walles Yet shull danes wast thee wanes Than happed ther an Englissh writer & wrote ayens the dane in this maner wyse Here shull danes fet her banes ¶And in this tyme Piers kyng of spayne with othir kyn¦ges that is to say the kyng of Nauerne and the kyng of Malogre beyn•• menes wenten bitwene and praied counceill and helpe of sir Edward the prince thurgh whos counceill when he had vnderstōd hir Articles and desire that he was required of tho kynges lothe he was and ashamed to say nay and contrarie hem but notheles

he was agast lest it shold be any preiudice ayens the Pope and lon¦ge tyme taried hem or that he wold graunce or consent ther to till he had better counceill and auisement with good deliberacion of kyng Edward his geter and his fadre ¶But whan he was with eue¦ry daies and continuell besechynges of many noble men y required and spoken to / and with many praiers y sent and made bitwene hem Than Prince Edward sent to his fadre bothe by pleynynge letters and also confortable conteynyng all hir suggestions and causes with all that othir kynges Epesteles and ••etters for to ha∣ue comfort and helpe of the wronges not only to the kyng of Spa¦yne y doo / but also for such thynges as myght fall to othir kynges Also yf it were not the somner holpen and amended thurgh the do¦me and helpe of knyghthode to hem that it asked and desired ¶The whiche lettre whan the kyng and his wyse counceille had seyne and vnderstonden / he hadde grete compassion and heuynesse of such a kynges spoylyng and robbyng with moche meruaille /

And sente ayene comfortable betters to Prince Edward his sone / and to that othir forsaid kynges / and warned hem for to arme hem and ordeyne hem ayens that mysdoer / and to withstond hem by the helpe of god that weren such enemies to kynges / whan this noble Prince had receyued these lettres hym selfe with that othir kynges before said alle hir counceill called to gedre or that he wolde vnderta¦ke the quarell / he bounde and kuett sore the kyng that was deposed with a grete othe that is for to say that he shold euer after mayntay ne the right beleue and feith of holy church and holy churche also with all hir ministres rightes and libertees to defende from all hir ••••emies and all euelles ¶And all that were ther ayen•• bitterly to punyssh & destourble / And all the rightes libertees priueleges of holy church encrese and maignten and amende / and alle thyn∣ges that were wrongfully betaken / withdrawe and bore away by hym or by any othir by cause of hym / hastely to restore ayene / and to driue and put oute sarazens / and alle othir mysbeleued peple oute of his kyngdome / with alle his strength and power / and suf∣fre ne admitte none suche for no maner thyng ne cause to duelle ther¦in ¶And that whan he had take a cristen woman / he sholde ne∣uer come in none othir womannys bedde / ne none othir mānys wy¦fe to defoule ¶Alle these forsaid thynges trewlich for to kepe con∣tinewe and fullfyll as alle his lyfe tyme he was bounde by othe afore notaries in presence and wytnesse of tho kynges with othir Princes ¶And than that gracious prince Prince Edward

vndertoke the cause & the quarell of the kyng that was deposed & behight hym with the grace of god to restore hym ayene to his kyng¦dome and let ordeyne & gadre to gedre forth with yn all hast his na¦uye with men of armes for to werre & fight in this forsaid cause

¶And in this same tyme vpon the sonde of the scottyssh see that many a man it sye iij. daies to gedre ther were seyne ij. Egles of y^• which that one come oute of the south & that othir out of the north & cruelly & strongely they foughten to gedre & wrastled to geder & the south Egle fyrst ouer come the north egle and all to rente and tare hym with his byll & his clawys that he shold nat rest ne take no brethe ¶And after the south egle fligh home to his owne Co¦stes And anone after ther folewed & was seyne in the morne afo¦re the sone rising and after in the last day of October saue one day many sterces gadred to gedre on an hepe fyll doune to the erthe le∣uyng behynde hem fery bemes in maner of lightenyng whos flam¦mes brent and consumed mēnes clothes & men nes here walkyng on the erthe as it was seen and knowen of many a man ¶And yit that northren wynd•• that is euer redy and destinat to all euell fro seint katerines euen till iij. daies after lost good withoute nom∣bre vnrecouerable And in the same daies ther fyll and comen also such lightnynges thundre snowe and haille that it wasted and de¦stroied men bestes houses and trees.

¶Of the bataille of spayne besides the water of Nazers that waz bitwene the prince Edward & sir Henry bastard of spayne Capitulo CC.xxxiij.

IN the yere of our lord M.CCC.lxvij. and of kyng Ed∣ward xlij. the iij. day of Aprill ther was a strong battaill and a grete in a large felde y called Priazers fast by the water of Nazers in spayne bitwene sir Edward the prince & Hen¦ry the bastard of spaigne but the victorie fell to prince edward by the grace of god ¶And this same prince Edward had with him sir ••ohan duke of lancastre his brother & othir worthy men of ar∣mes aboute the nombre of xxx.M. And the kyng of spayne had on his side men of diuerse nacions to tho nombre of an C.M. and passyng wherfor the sharpnesse & fersenesse of his aduersarie with his full boystous & grete strength maden & driuen the rightfull {per}∣tie a bak a grete way but thrugh the grace of almyghty god pas∣sing any mannys strenght that huge hoste was disparbled myʒt fully by the noble duke of lancastre and his host or that the prince

Edward come nygh hym ¶And whan Henry the bastard saw that he turned with his men in so grete haste and strength t•• fle•• / that an houge companie of hē in the forsaid flode / & of the brug¦ge ther of fyllen doune and perisshed ¶And also ther were take the Erle of Dene and Sir Bartram Cleykyn that was che∣fe maker and cause of the werre and also ch••••etayne of the va••ūt ward of the bataille with many othir grete lordes and knyghtes to the nombre of two thousand of whom two houndred were of F••••••nce / and many also of Scotland And there were felled in the felde on our enemies side of lordes and knyghtes with othir me ne peple to the nombre of vj. thousand and moo / and of Englissh men but a fewe ¶And after this The noble Prince Edward restored the same Piers in to his kyngdome ayene / the which pier•• afterward thurgh trecherie and falsenesse of the forsaid bastard of Spaynt as he sete at his mete was strangled and deide But af∣ter this v••ctorie many noble and hardy men and noble of englond in Spayne thurgh the 〈◊〉〈◊〉 and othir diuerse sikenesse token hir dethe ¶And in the same yere in the Marche was seyne Stel∣la Comata bitwene the Northcostes and the weste whos bemes stre••ched toward fraunce ¶And in the yere next suyng of kyng Edwardes regne xliij. in Aprill Sir Leonell kyng Edwar¦des sone that was duke of Clarence wente toward Mileyn•• with a chose meyne of the gentils of Englond for to wedde Galoys dou¦ghter and haue hir to wyfe by whome he sholde haue halfe the lord∣shippe of Mileyne / But after that they were solempnely wedded and aboute the Natiuite of our lady the same duke of Mileyne deide / and in the same yere the frensshmen breken the pees / and the trews ridynge on the kynges grounde and lordshippe of Englond in the shire and contre of Pountife / and token and helde Cast••l∣••s and tounes / and bere the Englisshmen on honde falfely and sotelly / that they were canse of brekyng•• of the trews /

¶And in this same yere deide the duchesse of lancastre / And is bu∣ried wurshipfully in seint Paules churche ¶The xliiij. yere of kyng Edwardes regne was the gretest Pestilen•••• of me•• and of grete bestes and by the grete fallyng of watres that fylle at that tyme / there fyll grete hyndryng and destroieng of Corne in s•• moche that the next yere after a buss••••lle of whete was solde for xl. 〈◊〉〈◊〉 ¶And in the same yere aboute the loste ende of May k••ng Edward helde tho his parlement at westmynstre in the whi∣che parlement was treted and spoke of the othe and the t••••ws that

was broke bitwene hym and the kyng of fraunce & how he myʒt best vpon his wronge be a••••nged In this same yere in the assum∣pcione of our lady died quene Philipp of Englond a full noble & good woman & at westmynster full wurshipfully is buried & en¦tered & aboute midsomer the duke of lancastre & the Erle of herford with a grete companie of knyghtes wenten in to fraunce wher they gete hem but a litell wurshipp & name For ther was a huge oost of frensshmen vpon chalkhull brigge & an othir hoste of Englissh men fast by the same brygge that longe tyme had leyne there And many worthy men & grete of the englishmen ordeyned & yafe coūceill for to fight & yeue bataille to the frenshmen But the forsaid lordes wold no thyng consent ther to ne assent for no maner thynge

¶There anone after it happed y^• the erle of warrewyke come thid¦derward for to werre & when the frenshmen herd of his comyng or that he come fullych to londe they left hir tentes & pauylous with all hir vitailles & fledden & went awey priuely And when the Er¦le was comen to land with his men he went in all hast toward nor¦mandie & destroied the Ile of Caws thurgh dynt of swerd and thurgh fire But Allas in his retournyng to englond ward home ayene at Caleys he was take with sykenesse of pestilēce & died not leuyng behynde hym after his daies so noble a knyʒt & orped of ar¦mes ¶In which tyme regned & werred thilke orped knyght Sir Iohan hawkewode that was an Englisshmā lorne hauyng with hym at his gouernaunce thilke white companie that is afore y nē∣pned the which o tyme ayens holy chyrche & an othir tyme ayens lordes werred and ordeyned grete batailles and ther in that cōtre he did many merueilous thynges And aboute the Conuersion of seint Paul y^• kyng when he had ended & done the enteryng & the exe quies with grete costes and rialt••es aboute the sepulture & berieng of quene philipp his wyfe he helde ••is parlement at westmynster in whiche parlement was axed of the clergie a thre yeres disme y^• is for to seyne a grete dyme to be paied iij. yere during And the cler¦gie put it of a••d wold not graunted vn to Estre next comyng and than they graunted wele that in iij. yere by certeyne termes that disme shold be paide And also of the lay fee was a iij. yeres xv. y graunted to the kyng

¶How Sir Robert knolles with othir certeyne lordes of the Rea¦me went ouer the see in to fraunce And of hir gouernaunce Capitulo CC.xxxiiij.

ANd in the xlv. yere of kyng Edward in the beginnyng kyng Edward with vnwyse counceill and vndiscrete bo¦rewed a grete somme of gold of the prelatz lordes mar∣chantz and othir riche men of his reame seyeng that it shold be di∣spended in defendyng of holy chyrche and of his reame Neuerthe latter it profited nouzt wherfor aboute midsomer after he made a grete host of the worthiest men of his reame Amonges whom were some lordes that is for to say the lord fitzwater and the lord graun¦son and othir worthy knyghtes of whiche knyghtes the kyng or∣deyned Sir Robert knolles a proued knyght and a well assaied in dede of armes for to be gouernour a••d that thurgh his coūceill and gouernaunce all thyng shold be gouerned and dressed And when they comen in to fraunce as longe as they duelled and helde hem hole to gedre the frenshmen durst not fall vpon hem And at the last aboute the beginnyng of wynter for enuie and couetize that was among••s hem And also discorde they sondred and parted hem in to diuerse companies vnwysely and folily But sir Robert knol¦les and his men wenten and kepten hem sauf withyn a Castell in Britaigne And when the frenshmen sawe that our men were deui¦ded in to diuerse companies and places nat holdyng ne strēgthing hem to gedres as they ought for to do they fyllen fersely on our men And for the moste partie toke hem or slowen hem and tho that they toke led with hem prisoners And in the same yere Pope vrban co∣me fro Rome to Auinione for ēcheson and cause that he shold acord and make pees bitwene the kyng of Fraunce and the kyng of Englond for euermore but Allas or he began his tretes he died with sikenes the xxj. day of decembre and was y buried as for the tyme in the Cathedral churche of Auinione fast by the high autar And the next yere after when he had leyne so his bones were taken oute of the erthe and beried newe in the abbey of Seint V••ctour fast by marale of the which Abbey he was some tyme Abbot hym self And in bothe places that he was buried in ther be many gre∣te miracles done and wrought thurgh the grace of god almyghty to many a mannes helpe and to the wurshipp of Almyghty god.

¶And after whom folewed next and was made Pope Grego∣rie Cardinall Deken that before was called Piers••Rogier

In the same yere the Cite of Lymoge rebelled and faught ayens the Prince as othir Citees in Gnyhenne did for grete taxes costa∣ges and raunsomes that they were put and set to by Pri••ce Ed∣ward which charges weren ••nportable and to charg••able wher

for they turned fro him & fillen to the kyng of fraunce ¶And whan Prince Edward saw this he was sore a chafed & greued / & in tur∣nyng homward ayene in to englond with sore skarmysshes & figh∣t••ng & grete assautes fought with hem & toke the forsaid Cite & de∣stroied it almost to the grounde & slowe all that were founde in the Cite And than for to say the sothe for diuerse sikenesse & maladies that he had & also for defaute of money that he not myght withstōde ne tarie on his enemies he hied him ayene in to englond with his wi¦fe & his meyne leuyng behynde hym in Gascoyne the duke of lanca¦stre & sir Edmond erle of Cambrigge with othir worthy & orped m••n of armes ¶In the xlvj. yere of kyng Edward at the ordinaū∣ce & sendyng of kyng Edward the kyng of Nauerne come to hym to Claringdon to trete with him of certayne thinges touchinge his werre in Normandie where kyng Edward had left certeyne seges in his stede till he come ayene / but kyng Edward myght not spede of that / that he asked of hym / And so the kyng of Nau••rne with grete wurshipp & grete yiftes toke his leue & went home ayene And abou¦te the begynnyng of marche / whan the {per}lement at westmynstre was begōne the kyng asked of the clergie a subsidie of .l.M. pounde the which by a good auisement & by a generall cōuocacion of the cler∣gie it was graunted and ordeyned that it shold be paid & reysed of the lay fee ¶And in this {per}lement at the request & askyng of the lordes in haterede of men of holy church / the Chaunceler & the treso∣rer that were bisshoppes & the clerke of the priue seal were remeued and put out of office & in hir stede were seculer men put in / ¶And while this {per}lement lasted there come solempne embassatours y sent fro the pope to trete with the kyng of pees / & saiden that the pope desi¦red to fullfyll his predecessours wyll / but for all hir comyng they sped not of hir p••rpose

¶Of the besegyng of Rochell & how the erle of Penbroke & his cō¦panie was ther y take in the hauen with spaynardes & all his vessel¦les y brent Ca.cc.xxxv

THe ix. day of ••uyne kyng edward in the xlvij. yere of his regne helde his {per}lement at wynchestre & it lasted but viij. daies to the {per}lement were sompned by write of mē of holy church iiij. bisshoppes & iiij. abbotes without any mo / This {per}lement was holden for marchauntz of london of Norwych And of othir diuerse places in diuerse thynges and pointes of treson that they were diffamed of / that is for to say that they were rebelle and wolde rise ayens the kyng ¶This same yere the duke

of lancastre and the Erle of Cambrigge his brother comen oute of Gascoigne in to Englond and token and wedded to her wifes Pe¦tres doughtres some tyme kyng of spayne Of which ij. doughtres the duke had the Elder and the Erle the yonger And that same ty¦me ther were sent ij. Cardinals fro the Pope that is to say an En∣glish Cardinall & a Cardinall of Parys to trete of pees bitwene the ij. reames the which when they had bene both longe eche in his {pro}¦uinces & in places & contres fast by tretyng of the forsaid pees at y^• last they toke with hem her lr̄ez of {pro}curacie & wēt ayene to y^• court of Rome ward withoute any effect of hir purpose In this yere al¦so ther was a stronge bataille on the see bitwene englishmen & flem mynges & the englishmen had the victorie and token xxv. shippes y charged with salt sleyeng and drēchyng all the men that were ther¦yn vnwityng hem that they were of that contre And redely moche harme had fall by cause ther of ne had pees & accord the sōner bitwe¦ne hem And in this same yere the frenshmen beseged the toune of the Rochell wherfor he erle of penbroke was sent in to gascoyne with a grete companie of men of armes for to destroie the siege he which passed he see & comen sauf to the hauen of rochell & whan they were there at the hauen mouth or that they myʒt entre sodenly come vpon hem a stronge nauye of spayne the which o••come tho the englishmē in moche blemyshyng hurtyng and sleyng of many {per}sones for as moch as the englishmen were nat than redy for to fight ne ware of hem And in the comyng vpon of the spaynardes all the englishmen othir they were take or slayne & x of hem were wounded to the deth & all hir shippes y brent & there they toke the erle with an huge tre∣sour of the reame of englond & many othir noble me also on mid¦somer euen the which is seint Edeldredes day & ledden hem with hē in to spaigne ¶And of this meschief was no grete wōder for this erle was a full euell lyuer as on open lechour And also in a cer∣teyne {per}lement he stode & was ayenst the rightes & fraunchises of ho¦ly chyrch And also he coūceilled the kyng & his coūceill that he shold ax more of men of holy chyrche than of othir {per}sones of the lay fee. And for the kyng & othir of his counceill accepted & token rather euell opinions & causes ayens men of holy chirch than he did for to defēde & maynten the right of holy chyrch it was sene many tymes after for lak of fortune & grace they had not ne bere awey so grete victorie ne power ayens hir enemies as they did afore ¶This san•• yere the kyng with a grete hoste entred the see to remeue the sege of Rochell But the wynde was euen cōtrarie vn t•• him & suffred him

not longe tyme to go ferre fro the land wherfor he a••ode a certeyn yt me vpon the see costes abydyng after a good wynde for hem & yit co¦me it not / So at the last he come thens with his men to lond ward ayene / & anone as he was a londe the wynde began to turne & was in an othir coste than he was in afore

¶How the duke of lancastre with a grete hoste wente in to flaun¦dres & passed by Paris thurgh Burgoyne & thurgh all fraūce till he come to Burdeux Ca.cc.xxxvj

SOne after in the xlviij. yere of the regne of kyng Edward the duke of lancastre with a grete host went in to flaun∣dres & passed by paris thurgh Burgoyne & thurgh alle fraunce till he come to Burdeux withoute any maner withstōding of the frensshmen & he did hem but litell harme saue he toke & raunso¦ned many places & tounes & many men & bet hem after gone frely ¶The same yere the kyng sent certeyn embassatours to the pope pra¦yeng hym that he shold leue of & medle not in his court of the kepin¦ges & reseruacions of benefices in englond / & that tho that were cho¦se to bisshoppes sees & dignitees frely & with full right myʒt Ioy & haue & be cōfermed to the same of hir metropolitanes & erchebisshop¦pes as they were wont to be of olde tyme ¶Of thees pointes & of othir touching the kyng & his reame whan they had hir ansuere of the pope / the pope euioyned hem that they shold certifie hym ayene by hir lr̄ez of the kynges wyll & of his reame or they determined ought of the forsaid articles / In the same yere deide Iohan the Erchebis∣shopp of yorke Iohan bisshopp of Ely / william bisshopp of wurce∣stre In whos stedes folowed & were made bisshoppes by auctorite of the pope Mastir Alisaundre neuyll to the Erchebisshopprich of yor¦ke Thomas of Arundell to the bisshopprich of Ely / & sir henry wa∣kefeld to the bisshopprich of wurcestre ¶In the which tyme it waz ordeyned in the {per}lement that all Cathedrall churches shold Ioy aud haue hir elections hool and that the kyng fro that tyme afterward shold not write ayens hem that were y chosen but rather helpe hē by his lr̄ez to hir confirmacion ¶And this statute was kept & did mo¦che profit & good ¶And in this {per}lement was graunted to the kyng a dysme of the clergie & a xv. of lay fee ¶The next yere after of kyng Edward xlix. the xv. day of Iuyne deide mastir william wit¦lesey Erchebisshopp of Caunterbury wherfor the monkes of the sa∣me church asked & desired a Cardinall of englond to be Erchebis∣shopp And therfor the kyng was agreued & had ment & purposed

to haue exiled the monkes of the same hous And so they spended moche good or they myght haue the kynges grace ayene & his loue but yit wold the kyng nat consent ne graunte to hir election of the Cardinall ne the Pope also ne his Cardinals And aboute the ••e gynnyng of August it was treted & spoken at bruges of certeyn̄ pointz & articles hangyng bitwene the pope & the kyng of ēglond and this tretys last all most ij. yere At the last it was accorded bi¦twene hem that the Pope fro that tyme forth shold not vse ne dele with the reseruacions of benefices in englond & that the kyng shold nat graunte ne let no benefices by his write that is called Quare impedit But as touchyng the Elections aboue said ther was no thyng touchid ne do And that was y wyted & put vpon certeyne clerkes the which rather supposed & hoped to be avaunced & {pro}moted to bisshopriches which they desired & coueited by the court of Rome rather than by any elections ¶This same yere aboute candelmass•• ther mette to gedres at Bruges many noble & worthy men of both reames to trece of pees bitwene tho ij. kyngdoms And this tretys lasted ij. yere with grete costes & houge expense of bothe {per}ties And at the last they went & departed thens withoute any aocord or effect The next yere after the .l. yere of kyng Edward iiij. Non̄ of May be¦yng yit voide and vacant the Erchebisshopriche of caunterbury ma¦stir Symond sudbery bisshopp of london was made Erchebisshoppe And maister william Courteney that was bisshopp of he••eford was than made bisshopp of london and the bisshopp of Bangore was made bisshopp of hereford ¶And this same tyme in a cer¦teyne tretis and spekyng of pees trews was take bitwene fraun∣ce and Englond fro midsomer to midsomer come ayene all an hole yere And aboute the beginnyng of Aprill the duke of Britaigne with many Erles barons and othir worthy men of Englond wēt ouer see in to Britaigne where he hath had all his lust desire & pur¦pose ne had the forsaid trews be so sone y take the whiche letted hem moche This same tyme the Ile of Constantine where that the Castell of Seint Sauour is in that longe tyme was fought at & beseged of the frenshmen was than yolden to the frenshmen with ••ll the Apportenaunces in to grete harme and hyndryng of the Reame of Englond ¶And this same yere there were so gre¦te and so passyng hetes and ther with all a grete pestilence in En¦glond and in othir diuerse parties of the world that it destroied and slowe violently and strongly bothe men and women with¦oute nombre ¶This same yere died Sir Edward

the lorde spencer a worthy knyght & a bolde And in the mynster of Tarkesbury wurshipfully is buried And lasting this pestilence y^• pope at the instaunce & praier of an englissh Cardinall graunted to all peple that deide in englond that were sory & repentant for hir sin¦nes & also shriuen full remission by ij. bull••s vnder leed vj. mōthes than next to last ¶In this same yere the Erle of Penbroke was take & raunsoned by bartram Cleykin bitwene paris & Caleis as he come toward englond vpon seint Etheldredes day the which seint as it was said the same Erle ofte tymes had offended / & within a while after he deide / And in nouembre next after there mette at bru¦ges the duke of lancastre and the duke of Angoy with many othir lordes & prelatz of bothe reames for to tret•• of pe••s

¶Of the deth of prince Edward & of the lord latime•• & dame Ali¦ce peres thurgh whom and hir mayntenou••s the reame meny a day was mysgouerned Ca.CCxxxvij.

NOt longe after the lj. yere of kyng Edward is r••gne be let ordeyne & holde at westmynstre the gretest {per}lement y^• was sene many ayere afore In the which {per}lement be ax••d of the comminal••e of the reame as he had done before a grete sub••d•• to be graunted to him for defending of him & of his reame but the cōmu¦nes ansuerd that they were so ofte day by day greued and cha••ged with so many talliages & subsidies that they myght no benger suf¦fre no such burthous & charges / And that they knewen & wistē we¦le that the kyng had y now for sauyng of hym & of his reame if the reame were well & truly gouerned / but that it had be so longe euell y gouerned by euell officers / that the reame myʒt nethir be plente∣uous of chaffare & marchandize ne also with ri••••hesse / And these thinges they profred hem self / it the kyng wold certeinly to 〈◊〉〈◊〉 and stond by ¶And if it were founde & preued after that / that the kyng had nede / they wold than gladly euery man after his pow••r and state him helpe and bene ¶And after this ther were publis∣shed and shewed in the {per}lement many pleintes and defautes of di∣uerse officers of the reame and namely of the lord latimer the kyn∣ges Chamburleyne bothe to the kyng and eke to the reame ¶And also at the last ther was spoken and treted of dame Alice Peres for the grete wronges and euell gouernounce that was done by her and by hir counceill in the reame / the which dame Alice Peres the kyng had hold longe tyme to his lemman / wherfor it was the lesse wonder though thurgh the freelte of the womannys 〈◊〉〈◊〉 and hir stering he consented to hir lewdnesse and euelle counceille the

which dame Alice & also the lord latimere & othir such that stered y^• kyng to euell gouernaūce ayens his {pro}fite & the reames also all the commalte axed & desired that they shold be meued & put away & yn hir stedes wyse men & worthy that weren trewe & wele assaied & {pro}¦ued & of good go••naunce shold be put in hir stedes ¶So amonge all othir there was one amonge the cōmunes y^• was a wyse knyʒt & a trewe & an eloquent man whos name was Piers de la mare And this same piers was chosen to be speker for the cōmunes in the {per}lement And for this same piers told & publisshed the trouʒthe & rehersed the wronges ayens the forsaid dame Alice & othir certeyn {per}sones & the kynges counceill as he was bode by the cōes And also trust••g moch for to be supported & mayntened in this mater by hel¦pe & fauour of the prince Anone as the Prince was dede at the in¦stāce & request of the forsaid dame Alice this Piers de la mare waz Iugged to {per}petuall prison in the castell of Noting•••• in the which he was ij. yere & in the vj. Kal. of Iuyll lasting that same {per}lement died prince Edward kyng edwardes fyrst sone that is to say in tri¦nite sonday in the wurshipp of which feste he was wont euery yere wher that euer he were in the world to make & hold the most solem∣pnite that he myʒt ¶whos name & fortune of knyghthode but yf it had be of an othir Ectour all men bothe cristen & he••hen while he ly¦ued & was in good pointe wondred moch & drad hym wonder sore whos body is wurshippfully y buried in Crichyrch at Caūterbury And in this same yere the men & the erles tenauntes of warrewyk arisen maliciously ayens the Abbot & couent of Euesham & hir te∣nauntz & destroied fersely the abbot & the toune & woūded & bet hir men & slowen of hem many one And wenten to hir maners & pla∣ces & did moche harme & breken doune her parkes & hir closes and brenten & slowen hir wild bestes & cha••ed hem brekyng hir fisshpon de hedes & lete the water of hir pondes stewes & riuers renne out & token the fissh & bere it with hem And did hem all the harme that they myght In so ferforth that forsoth they had destroied {per}petuelly that Abbey with all hir membres & apportenaūces but yf the kyng the sōner had holpen it and take hede there to ¶And therfor the kyng sent his lr̄ez to the Erle of war••ewyke chargyng hym & cō∣maundyng that he shold stynt redresse & amend tho euell doers and brekers of his pees And so by menys of lordes and othir frendes of bothe sides pees and good accord and loue was made bitwene hem And for this hurlyng as it was said the kyng wolde nat be gouerned at that tyme by his lordes that ther were in the parlemēt

but he toke & made his sone the duke of lancastre his gouernour of the reame the which stode so still as gouernour till the tyme that he deide ¶The same yere anone after Candelmasse or the parlemēt was do the kyng asked a subsidie of the clergie & of the lay fee / & it was graunted hym that is for to say that he shold haue of enery persone of the lay fee bothe of man & woman that passed xiiij. yere age iiij. pens outake poure beggers that were knowe openly for nedy poure beggers / And that he shold haue of euery man of holy church that was beneficed or {pro}moted xij. pens / and of all othir that were not {pro}moted iiij. pens oute take the un ordres of the freris beggers

¶This same yere after mihelmasse Richard Prince Edwardes so∣ne was made prince of walys to whom the kyng yaf also y^• duchie of Cornewaille with the Erledome of C••estre And aboute this tym̄ the Cardinall of englond the iiij. day before marie magdaleyne day after mete sodenly was smyten & take with a palasie & lost his spe∣che and on marie magdaleyne day he deide

¶Of the deth of kyng Edward & sir Iohan monster worth knyght was drawe & honged for his falsenes Ca.cc.xxxv.ij.

RIght anone after in the lij. yere of kyng Edward in the be¦ginnyng of Octobre Pope Gregorie the xj. brought and re¦meued his court with him from auinion to rome / And the xij. day of Aprill Iohan Monsterworth knyght at london was dra¦we honged & than beheded & aft his body quartred & sent to iiij chief tounes of englond and his hede sette vpon london ••••••gge / for this same Iohan was full vntrewe to the kyng & to the reame & full coue¦tous & vnstable / for he toke ofte tymes grete sommes of money of the kyng & his counceill for mē of armes wages that he shold haue paied hem / and toke it to his owne vse & he dreding that at the last he shold be shent & accused for the same cause fledde preuely to the kyng of frauuce & was swore to him & become his man & behight hym a grete nauye oute of Spayne in to confusion & destroieng of englond / b••t rightfull god to whom no priuite is vnknowe suffred him ferst to be shend & spilt or that he so traitouresly & falsely his 〈◊〉〈◊〉 lord the kyng of englond & his peple & his reame in the whiche grounde the same Iohan was bore wykkedly thurgh bataille de∣stroie or bring his cursed purpose aboute ¶In the fest of seint Gre∣gorie tho next after kyng Edward yafe to Richard of Bur••eux his he••re that was Prince Edwardes sone / at wyndesore the ordre of knyghthode & made hym knyght the which kyng Edward whan he had regned lj. yere & more the xj. kal. of Iuyne he deide at Shene

aud is buried wurshipfully at westmynstre on who•• soule god ha¦ue mercy Amen•• ¶This kyng Edward was for sothe of a passing goodnesse & full gracious amonge all the worthy men of the world for he passed & shone by vertue of grace y youe to him fro god aboue all his predecessours that were noble mē & worthy / & he was a well & a hardy herted mā / for he drede neuer of no myshappes ne harme•• ne euell fortune that myʒt fall a noble werriour & a fortunat / for bothe on lond & on see & in all batailles & assembles with a passing glorie & Ioye he had 〈◊〉〈◊〉 the victorie he was meke & benyngne homely sobre & softe to all maner of men as well to strāgiers as to his ow•• subg••ttes & to othir that were vnder his gouernaunce / he was deuo¦te & holy bothe to god & to holy church / for he wurshipped halpe and mayntened holy church & hir ministres with all maner reuer•••••• he was tretable & well auised in tem{per}all & wordly nedes wyse in coun¦ceill & discrete softe & meke & good to speke with In his dedes and maners full gentill & well y taught hauyng pite of hem that were in disese / plenteuous in yeuyng benefaites & almesse / besy & curiouse in bildyng / & full ligh•••••••• he here & suffred wronges & harmes And whan he was yeue to any occupacion he left all othir thing for the mene tyme & tent ther to / s••mely of body & a mene stature hauyng all wey to high & to lowe a good chere And ther sprange & shone so moch grace of hym / that what maner man had behold his face or had dremed of hym he hoped that day that all thyng shold happe to hym Ioyefull & likyng And he gouerned gloriousely his kyngdo∣me vn to his age he was large in yeuyng and wyse in spences he was fullfylled with all honeste of good maners & vertues / vnder whom to lyue it was as for to regne wherfor his fame and his loo¦se sprange so ferre that it come in to hethnesse and barbarie shewing and telling his worthinesse and manhood in all landes and that no land vnder heuen had brought forth so noble kyng so gentille and so blessed / or myght reise such an othir whan he were dede

¶Neuer the latter lecherie and meuyng of his flessh haunted hym in his age wherfor the rather as it is to suppose for vn mesu∣rable fulfyllyng of his lust his lyfe shorted the sonner ¶And here of take good hede like as his dedes before ••ere witnesse / for as in his begynnyng all thynges were Ioifull and likyng to him and to alle peple ¶And in his mydde age ••e passed alle peple in high Io••e wurshippe and blessednesse / right so whan he drewe in to ag•• drawyng dounward thurgh lecherie and othir sinnes litell and litell alle tho Ioyefull and blessed thynges and prosperite decreced

and myshapped & infortunat thynges & vnprofitable harmes with many euelles began for to springe & the more harme is hit continu¦ed longe tyme after

¶And after kyng Edward the iiij. that was borne in wynde sore regned Richard of burdeux that was prince Edwardes sone of walys which prince Edward was the sone of kyng Edward Capitulo ducentesimo quadragesimo

ANd after the good kyng Edward the iij. that was bore at wyndesore regned Richard the ij. that was the good sir ed¦wardes sone prince of walys which kyng Richard was borne in the Cite of Burdeux in Gascoyne & was crouned at west mynster in the xj. yere of his age And in the second yere of his reg∣ne for debate that was bitwene the lord latimer & sir rauf feriers knyght that weren ayens hawell & shakell squyers for the prisoner that was take in the bataille of spayne by these ij. squyers And y^• which the lord latimer & sir rauf ferriers wold haue had the which prisoner was the erle of dene that they toke in the bataille of spayn̄ wherfor these ij. lordes comen in to the chyrche at westmynster & fon¦de this one squyer heryng his masse beside seint Edwardes shryne and ther they slow hym the which was called hawell ¶And Sha¦kell was arested & put in the tour of london And there he was lon¦ge tyme for he wold nat deliuer the Erle of Dene his prisoner vn to thees ij. lordes by sir Aleyn Buxhill constable of the tour And by sir rauf ferriers one of his aduersaries till the kyng graunted hym grace In the iij. yere of kyng Richard come the galeys of fraū¦ce in to englond vn to diuerse portes & brent and robbed and slowe moche peple of Englond that is to say at wynchelsee Rie & hasting Portesmouthe hampton stormore and g••auesende and deden moch harme and went home ayene And in this same yere was a parle¦ment hold at westmynster And at that parlement was ordeyned that euery man woman and child that weren at the age of xiiij. yere and aboue thurgh oute all the reame pore folk and othir shold paie to the tallage iiij. pens Wherfor come and befell afterward gre¦te meschief and moche disese to all the cominalte of the reame

¶And in the iiij. yere of kyng Richardes regne y^t cōmunes arisen vp in di••se {per}ties of the reame & didden moche harme the which they called the hurlyng time Aud they of kent & of estsex made hē ij chy¦ueteyns to rule & go••ne the cōpanie of kent & of estsexe That one was called Iakke strawe & that othir wat tiler And they comen &

••ssembled hem vpon the blake heth in kent / And on the corpus xp•• day & after they comen doune in suthwerk and breken vp the prison hous / that is to say the kynges benche & the marchalfie & deliuered oute all the prisoners ¶And so the same day they come in to londo•• and ther they robbeden the peple and slowe all ali••ntz that they myʒt finde in the Cite & aboute the cite & de••poiled all hir goodes & made ••auoke / And on the friday next after that was on the morne And they come than to the tour of london and the kyng being therin they ••et oute of the tour the Erchebisshopp of Caunterbury Sir edmond sudbery and sir Robert halys hospitaler priour and masti•• of seint Iohanes house And a white fe••re that was confessour to kyng Ri¦chard and brought hem vn to the toure and ther they smyt••n of hir hedes and come ayene to london and slow m•••• peple of men of lawe and othir worthy men in diuerse parties of the Cite ¶And than they wente vn to the dukes place of lancastre beyond seint Mary seconde that was called the sauoy And ther they deuoured and de∣stroied all the goodes that they myʒt finde there and bare hem away and brent vp the place ¶And than after they went to seint Ioha¦nes withoute smythfeld & destroied the goodes ther and brent vp that hous / & wente to westmynstre and seint Martins graunt and made hem gone oute of the seintewarie all that were within for any maner of Grith ¶And then come vn to the Temple & to all othir ynnes of men of lawe and despoiled hem and robbed hem of hir go••¦des and also tare hir bokes of lawe / and than 〈◊〉〈◊〉 come to london & brake vp the prison of newgate and drofe oute all the prisoners 〈◊〉〈◊〉 〈◊〉〈◊〉 and othir / and of bothe countours and all the peple tha•• 〈◊〉〈◊〉 within hem and destroied all the bokes of bothe councers ¶And thus they continued bothe satirday & sonday vn to the monday next after in all hir malice and wikked ••esse ¶And than on the mōday kyn•• Richard with his lordes that were with him that tyme / and with the maire of london william walworth that was that tyme come with the alderma•• and the communes of the Cite and come in to south w••rke to here & to knowe the entencion of these rebelles & mysgouerned peple / And this Iake stawe than made an oye in the ••••ld that all the peple of accord shold come nere & here his cla∣mours and his cri•• and his wyll ¶And the lordes and the 〈◊〉〈◊〉 and the ald••••men with the cominalte hauyng indignacion of his 〈◊〉〈◊〉 and falsenesse and his fou••e presumpcion And anone william walworth that tyme being Maire 〈◊〉〈◊〉 oute his knyfe and slow Ia•• 〈◊〉〈◊〉 / and anone right ther did smyte of his hede

and sette hit vpon a sp••re shaft & so it was lōre thurgh london & set an high vpon london brigge ¶Anone as thees risers & misgouer∣ned mē were voide & clene vanysshed as it hadde nouzt be they And than the kyng of his grete goodnesse & by p••••aier of his lordes ma¦de there vj. knyghtes of good & worthy men of the Cite of london. that is to say williā walworth that that tyme was maire & slowe Iak strawe And the second was Nicholas brembre & the iij. Iohan philipot & the iiij. Nicholas Twiford & the v. Robert laundes The vj. Robert gayton ¶And than the kyng with his lordes & his kny¦ghtes retourned ayene vn to the tour of london & ther he rested hym till this peple were better seced & sette in reste & pees And than by {pro}cesse of tyme as they myʒt gete & take thees rebelles & risers they henge hem vpon the next gale wes in euery lordshipp thurgh oute the reame of englond by xl. & by xxx. be x & by xij. e•• as they myʒt be geten & taken in any {per}ties And in the v. yere of kyng Richardes regne was the grete ••rthe quake & was generally thurgh oute the world the w••denesday after whitsonday in the yere of our lord M.CCC.lxxxxi. wherof all maner peple w••re sore agast & dredfull longe tyme for drede of vengeaunce that our lord shewed and did And in the vi. yere of the regne of kyng Richard Sir Henry spen¦cer bisshopp of Norwiche went with a Croiserie ouer the see in to the contre of Flaundres And there they gate the toune of Gra••ening and the toune of Broburgh Dunkerk and Newport and ther they laded and fraught lj. shippes with pelage for to haue comen in to Englond with these shippes and goodes ¶And the bisshopp of Norwyche and his counceill lete brenne thes shippes with all the pelage in the same hauē all in to hard asshes And at Dūkerke was done a grete bataille bitwene the flemmynges and the En∣glisshmen And at that bataille was slayne a grete multitude of these flemmynges and an houge nombre ¶And than went the bisshopp with his retenewe vn to Ypres and beseged it a longe ty¦me but it myght not be goten And so he lefte that siege and come ayene in to Englond For our Englisshmen were foull destroied and many died on the flix ¶And in this same yere come Quene Anne in to Englond for to be spoused vn to kyng Ri∣chard And hir fadre was Em{per}our of Almaigne And kyng of beme And with hir come the duke of Tassy her vncle and ma∣ny othir worthy lordes and knyghtes of hir contre of beme and of othir duche tonges ••o do hir reuerence & wurshipp And sir simond beuerle a worthy knyght of the garter & othir knyghtes & squyers

that weren the kynges embassatours brought in to englond and so forthe to london And the peple of the Cite that is say the mayre and the aldermen and all the cōmunes ridden ayens hir to welcome hir and euery man in good aray and euery crafte with his mynstral∣sie in the best maner mette with hir on the blake heth in kent and so brought hir vn to london thurgh the Cite and so forth vn to west∣mynstre vn to the kynges paleys / And ther she was spoused vn to kyng Richard well and worthely in the abbey of westmynstre and ther she was crouned Quene of englond / And alle hir frendes that come with hir hadde grete yiftes and weren well chered and refres∣shed as longe tyme as they abbiden here ¶And in this same yere was a bataill done in the kynges paleys at westmynstre for certeyn pointes of treson bitwene sir Iohan Ansley knyght defen∣dant / and Carton squyer the appellaunt / But this Sir Iohan of Ansley ouercome this Carton / and made hym to yelde hym within the lystes ¶And anone was this Carton despoiled of his harneis and drawe oute of the listes and so forth to Tiborne and ther he was honged for his falsenesse ¶And in the viij. yere of the regne of kyng Richard Sir Edmond of langeley Erle of Cambrigge the kynges vncle wente in to portingale with a faire meyne of mē of armes and archiers in strengthyng and helpyug of the kyng of Portingale ayens the kyng of Spayne and his power / And ther the kyng of portingale had the victorie of his enemies thurgh helpe and comfort of our Englisshmen•• And whan that Iourney was done the Erle of Cambrigge come home ayene with his people in to Englond in haste blessed be god and his gracious yift Amen

¶And this same yere kyng Richard helde his cristemasse in the maner of Eltham A••d the same tyme the kyng of Ermoyne fledde oute of his owne land and come in to Englond for to haue socour and helpe of our kyng ayens his enemies that had driuen hym oute of his Royame And so he was brought vn to the kyng to Eltham ther as the kyng helde his riall feste of Castemasse /

¶And there our kyng welcomed hym and did hym moche reue¦rence and wurshipp and commaunded all his lordes to make him alle the chere that they coude / And than he besought the kyng of grace and of helpe and of his comfort in his nede / And that he myght be brought ayene to his kyngdome and londe / For the Tu••∣kes had deuoured and destroied moche part of his londe / and for d••••de how he fledde and come hidder for socour and helpe /

¶And the kyng thenne hauyng pite and compassion of his

grete meschief and grevous disese anone he toke his counceill and asked what was best to done ¶And they ansuerd and said yif it lyked hym to yeue hym any good hit were well y do And as tou∣chyng his peple to trauaill so ferre in to oute landes it were a grete iu{per}die And so the kyng yafe hym gold and siluer and many ri∣che yiftes and Iewelles and betaught hym to god And so he passed ayene oute of Englond And in this same yere kyng Richard with a riall power went in to Scotland for to werre vpon the Scottes for the falsenesse and destruction that the Scottes had done vn to en¦glishmen in the marches And than the scottes come doune vn to the kyng for to entrete with hym & with his lordes for trews as for cer¦teyne yeres ¶And so our kyng & his coūceill graunted hem trews certeyne yeres vn to her askyng And our kyng turned hym home ayene in to englond And when he was come vn to yorke ther he a¦bode & rested hym there ¶And there sir Iohan holand the Erle of kentes brother slow the erles sone of stafford & his heir with a dag¦gar in the Cite of yorke wherfor the kyng was sore ameued & gre¦ued & remeued thens & come to london ¶And the maire with the aldermen & the cōmunes with all the solempnite that myght be don̄¦riden ayens the kyng and brought hym rially thurgh the Cite and so forth vn to westmynster vn to his owne Paleys ¶And in the ix. yere of kyng Richardis regne he helde a parlement at westmyn∣ster and ther he made ij. dukes and a marqueyes and v. Erles.

¶The fyrst that was made duke was the kynges vncle Sir Ed¦mond of langlec Erle of Cambrigge & hym he made duke of yo••k ¶And his othir vncle Sir Thomas of wodestoke that was erle of Bukkyngham hym he made duke of Gloucestre And sir Lyone veer that was erle of Oxūford hym he made markeys of dyuelyn̄ ¶And Henry of Bolyngbroke the dukes sone of lancastre hym he made Erle of Derby ¶And Sir Edward the dukes sone of yorke hym he made Erle of Ruttelond Sir Iohan holand that was the Erle of kentes brother hym he made Erle of huntyngdon ¶Sir Thomas Mombray Erle of Notyngham and Erle Mar∣chall of Englond And Sir Michell de la pole knyght hym he ma¦de Erle of south folke and Chaunceler of Englond

¶And the Erle of the marche at that same parlement holden at westmynster in playne parlement amonges all the lordes and communes was proclamed Erle of the marche and heire Ap••ant to the croune of Englond after kyng Richard the which Erle of the marche went ouer see in to Irland vn to his lordshippes and

and londes / for the erle of the marche is erle of vlster in Irland & be right lyne & heritage / And ther at the castell of his he lay that tyme And ther come vpon hym a grete multitude in busshemetis of wild Iashmen hym for to take & destroie And he come oute fetsely of his costell with his peple & manly faught with hem / & ther he was ta∣ke & hewe all to peces & ther he deide on whos soule god haue mercy Amen ¶And in the x. yere of kyug Richardes regne / the Erle of Arundell went vn to the see with a grete nauye of shippes enarmed with men of armes / & good archiers And whan they come in to the brode see they mette with the hole flete that comen with wyne y lade from Rochell the whiche wyne were enemies goodes / And ther our nauye set vpon hem & toke hem all & brought hem vn to diuerse por¦tes & hauenes of englond / & some to london & ther ye myʒt haue had a tonne of Rochell wyne of the best for xx. shillyng sterlinges & so we had grete chepe of wyne thurgh oute the Reame at that tyme thanked be god almyghty

¶How the v. lordes arisen at Rattecotte brigge Ca.cc.xlj.

ANd in the regne of kyng Richard the xj. yere the v. lordes a risen at Rattecot brigge in the destruction of rebelles that weren that tyme in all the reame ¶The first of the v. lordes was sir Thomas of wodestoke the kynges vncle / & duke of Glouce¦stre / & the second was sir Richard erle of Arundell / & the iij. was sir Richard erle of warrewyke / the iiij. was sir Henry bolingbrok erle of derby / the v. was sir Thomas Mombray erle of Notingham And these v. lordes saw the meschief & mysgouernaunce & the fal∣senesse of the kynges counceill / wherfor they that weren that tyme chief of the kynges counceill fledden oute of this land ouer the see that is to say Sir Alisaundre neuill the Erchebisshop of yorke and Sir Robert le veer markeys of deuelyn & erle of Oxenford / & Sir Michell de la Pole Erle of southfolke and Chaunceler of englond And these iij. lordes wenten ouer the see / and come neuer ayene for ther they deide ¶And than these v. lordes aboue said maden a parlement at westmynstre / And ther they toke Sir Robert Tre∣silian the Iustice and Sir Nichall Brembre knyght and Cite∣zeyne of london and Sir Iohan Salisbury knyght of the kyn∣ges hou••hold and vske sergeant of armes and many moo of othir peple weren take and Iugged vn to the dethe by the counceille of these v. lordes in hir parlement at westmynstre for treson that they put vpon hem to be drawen from the toure of london thurgh oute the Cite and so forth vn to Tyburne and ther they shold be

hanged and ther her throtes to be cut and thus they were serued & died ¶And after that in this same {per}lement at westmynster was sir Symond Beuerlee that was a knyght of the garter and Sir Iohan Beaucham•• knyʒt that was stiward of the kynges hou¦sold and sir Iames Berners were foriugged vn to the dethe and than they were lad on foot to the toure hill and there weren hir he∣des smyten of and many othir mo by these v. lordes In this same parlement and in the xij yere of kyng Richardes regne he let crie & ordeyne a generall Iustes that is called a turnemēt of lordes kny¦ghtes and squyers And this Iustes and turnement was holde at london in smythfeld of all maner of strangiers of what londe or contre that euer they were and thidder they were right welcome and to hem and to all othir was holden open housold And grete festes and also grete yiftes weren yeuen to all maner of strangiers.

¶And of the kynges side weren all of sute her cotes hir armure sheldes hors trappure And all was white hertes with crounes abou¦te hir nekkes and chaynes of gold hangyng ther vpon and the croune hangyng lowe before the hertes body the which hert was the kynges liuery that he yafe to lordes and ladies knyghtes & squy∣ers for to knowe his housold frō othir peple ¶And in this fest co¦myng to her Iustes xxiiij. ladies lad these xxiiij. lordes of the gar¦ther with cheynes of gold And all the same sute of hertes as is a fore said from the tour an horsebak thurgh the cite of london in to smythfeld there that the Iustes shold be holde ¶And this feste & Iustes was hold generall and to all tho that wold come of what lond and nacion that euer they were ¶And this was hold during xxiiij. daies of the kyngis cost ¶And thees xxiiij. lordes to āsuere all maner peple that wold come thidder ¶And thidder come the Erle of seint Poul of fraunce & many othir worthy knyghtes with him of diuerse parties full well araied and oute of holand and henaud come the lord Ostreuaunt that was the dukes sone of holand and many othir worthy knyghtes with hym of holand & full well arai¦ed ¶And when this feste & Iustes was ended he kyng thanked these straungiers and yafe hem many grete yiftes And than they to¦ken hir leue of the kyng & of othir lordes and ladies and wenten home ayene in to hir owne contre with grete loue and moche thank ¶And in the xiij. yere of kyng Richardes regne ther was a ba. taille done in the kynges Paleys at westmynster bitwene a sauy¦er of Nuaerue that was with the kyng Richard And an othir Squyer that was called Iohan walshe for pointes of treson that

this na••ne put vpon this walshmā / but this na••ne was o••com̄ & yelde hym creaunt to his ad••sarie ¶And anon̄ he was despoiled of his armure & drawe oute of the Paleys to tibourne & there was hanged for his falsenesse ¶And the xiiij. yere of kyng Richardes regne sir Iohan of Gaunte duke of lancastre went ouer the see in to spayne for to chalēge his rihgt that he had by his wyfes title vn to the croune of spayne with a grete host of peple of men of armes & archrers And he had with hym the duchesse his wyfe and his iij. doughters ouer the see in to spayne And there they were a grete whi∣le And at the last the kyng of spayne began to trete with the duk of lancastre & they were accorded to gedre thurgh hir bothe counceill in this maner that the kyng of spayne shold wedde the dukes dou¦ghter of lancastre that was the right heire of spayne and he shold yeue vn to the duke of lancastre gold & siluer that weren cast in to grete wegges & many othir Iewelles as many as viij. chariettes myʒt carie ¶And euery yere after during the lyfe of the duke of lancastre & of the duchesse his wife x.M. marc of gold Of whiche gold the auenture & charges they of spayne shold auēture & bring yerely vn to Bayone to the dukes assignes by surete made ¶Al¦so the duke of lancastre maried an othir of his doughtres vn to the kyng of Portingale the same tyme And whan he had done thus he come home ayene in to englond & the good lady his wyfe also / but many a worthy man vpon the flix in that viage died ¶And in y^• xv. yere of kyng Richardes regne he helde his Cristemasse in the ma¦ner of wodestoke And there the erle of penbroke a yong lord & ten∣dre of age wold lerne to Iuste with a knyght that was called sir Iohan seint Iohan & riden to gedre in the parke of wodestoke And there this worthy erle of penbroke was slayn̄ with that othir kny¦ghtes spere as he kest it from hym when they had coupled and thuz this good erle made there his ende And therfor the kyng & the que∣ne made moche sorwe for his deth ¶And in the xvj. yere of kyng Richardes regne Iohan hende beyng that tyme maire of london & Io¦han walworth & henry vanner beyng shreues of london that same ty¦me a bakers man bare a basket of horsbrede in to fleetstrete toward an hostre & ther come a yoman of the bisshoppes of salisbury that was called romayn & he toke an horselofe oute of the basket of the baker & he asked hym why he did so & this romayn turned ayene & brake the bakers hede And neigbours come oute & wold haue a re¦sted this romayn and he brake frō hem & fledde vn to the lordes pla¦ce & the Constable wold haue hym out but the bisshoppes men she••

fast the yates & kepte the place that no man myght entre And than moche more peple gadred thidder and said that they wold haue him oute or elles they wold brenne vp the place and all that were with in ¶And than come the maire and shereues with othir moche peple and cesed the malice of the communes & made euery man to go home to hir houses & kepe the pees ¶And this Romayns lord the bisshop of Salisbury maistir Iohan waltham that that tyme was tresorer of englond went to sir Thomas Arundell Erchebisshopp of yorke & also chaunceler of englond And ther the bisshopp made his cōpleint vn to the Chaunceler vpon the peple of the cite of london ¶And than these ij. bisshoppes of grete malice & veng••aunce come vn to the kyng to wyndesore & made a grete compleint vpon the maire & shere¦ues And anone all the Cite afterward were before the kyng & his counceill And they cast vn to the Cite a greuous hert and wonder grete malice And anone sodenly the kyng sent after the maire of lon¦don and for the ij. shereues and come vn to him vn to the Castell of wyndesore And the kyng rebuked the maire & shereues full foule / for the offence that they had done ayens him and his officers in his chambre at london / wherfor the deposed and put oute the maire and bothe shereues and this was done a xiiij. daies afore the feste of seint Iohan baptist ¶And than the kyng called to him a knyght that was called sir Edward dalingrigge & made him wardeyne & go••∣nour of the Cite & chambre of london & ouer all his peple therin

And so he kept that office but iiij. wekes be cause that he was so gē¦till and tendre to the citezeins of london / wherfor the kyng deposed hym and made sir Baudewyne radyngton knyght that was count roller of the kynges houshold wardeyne & gouernour of his cham∣bre and of his peple therin / and chese vn to him ij. worthy men of the Cite to be shereues with hym for to gouerne and kepe the kynges lawes in the cite one was called Gilbert mawefeld / and that othir Thomas Newenton shereues And than the Maire & the ij. shereues and all the aldremen with all the worthy craftes of london wente on foot vn to the toure / and there come oute the Constable of the toure and yafe the Maire and the sherenes hir othe and charge as they shold haue take in the Escheker of westmynstre in the kyn∣ges court of his Iustices and Barons of the Escheker And than wente they home ayene ¶And than the kyng and his counceille for the grete malice and despite that they had to the Cite of london remeued alle his courtes from westmynstre vn to the Cite of yorke / that is for to say the Chaūcelerie the Esche∣ker

the kynges benche & the cōmune place And ther they held all the se courtes of law•• fro midsomer that is to say the fest of seint Iohā the Baptist vn to the fest of Cristmasse next suyng And than the kyng & his couceill saw it nat so {pro}fitable there as it was at lon∣don / than anone he remeued it ayene vn to london & so to westmyn∣ster for grete ese of his officers & a vaūtage to the kyng & all the cō¦munes of the reame ¶And when y^• peple of london saw & knewe that thees courtes were come ayene ¶And the kyng & his peple al¦so / thanne the maire & the aldermen with the chief cōmuners of the Cite let gadre a grete somme of gold of all the cōmunes of the Cite And ordeyned & made grete rialte ayens his comyng to london and for to haue his grace & good lordshipp and also hir libertees & fraū¦chises graunted vn to hem ayene as they afore tymes hadde ¶And than by grete instaunce & praier of the Quene Anne of hir lordes & ladies the kyng graunted hem grace & this was done at shene in sutheceie And than the kyng withyn ij. daies after come to london And the maire of london shrefs aldermen & all the worthy mē of the Cite afterward ridden ayens the kyng in good array vn to the heth on this side the maner of shene submittyng hem hūbely & mekely with all maner obeissaunce vn to hym as they ought to done.

¶And thus they brought the kyng & the Quene to london And when the kyng come to the gate of the brugge of london there they presented hym with a mylke white stede sadled & bridled & trapped with clothe of gold & rede parted to gedre And the Quene a palfrey all white & in the same arraie trapped with white & reed And alle the condites of london ronnen with wyne bothe white & rede for all maner peple to drynke of ¶And bitwene seint powles and the crosse in cheep there was made a stage a riall standyng vpon high and there ynne were many Augles with diuerse melodies & song ¶And than an Augle come a doune from the stage an high by a vise and sette a croune of gold pight with riche perle and preci∣ous stones vpon the kynges hede and an othir vpon the Quenes hede And so the Citezeynes brought the kyng and the Quene vn to westmynster in to hir Paleys And than on the morne after the maier and the shreues and the aldermen of london comen vn to the kyng in to his Paleys at westmynster And presented hym with two basyns of siluer and ouer gylt full of Coyued gold the som¦me of xx. honderd ••ounde prayeng hym of his high mercy and lordshippe and special grace that they myght haue his good loue with the libertees and fraunchises like as they haue hadde before

tymes and by his lr̄ez pa••ntz and his chartre confermed / And 〈◊〉〈◊〉 quene and othir worthy lordes and ladies fell on knees & besought the kyng of grace to conferme this ¶Than the kyng toke vp the quene and graunted hir all hir askyng / and than they thanked the kyng and the quene and wenten home ayene ¶And in the xvj. ye∣of kyng Richardes regne certeyne lordes of Scotland / come in to en¦glond to gete wurshipp as be feet of armes These were the persones the erle of marre and he chalanged the erle marchall of englond to Iuste with hym certeyne pointes an horsbake with sharpe 〈◊〉〈◊〉 / and they ridden to gedres as ij. worthy knyʒtes and lordes certeyne courses / but not the full chalenge that the scottyssh erle made / for he was cast bothe hors & man / and ij. of his ribbes broke with that fall And so he was borne home oute of smythfeld home in to his yn

And within a litell tyme after he was caried homward in a litter and at yorke ther he deide And Sir william Darell knyght and tho the Ba••er of Scotland was made an othir chalenge with Sir Piers cour••eyne knyght and the kynges banerer of englond of cer¦teyne courses yit on horsbak: in the same felde And whan he had rid¦den certeyn courses hit and assaied / he myght not haue the better / he ••afe hit ouer & wold no more of his chalenge & turned his hors & rode home to his owne yn And one cokkeborne a squyer of scotland chalēgid sir Nicholl hawbarke knyght of certeyn courses yit with sharp sp••res on horsbake / and ridden v. courses to gedres / And at euery course the scotte was cast a doune bothe hors and man / And thus our englissh lordes thanked be god hadden the felde ¶And in the xvij. yere of kyng Richardes regne deide the good gracious que¦en Anne that was wyfe to kyng Richard in the maner of shene in the shire of surre vpon witsonday / and than was she krought to lon∣don & so to westmynstre and there was she beried and worthely ente¦red beside seint Edwardes shrine On whos sould almyghty god ha¦ue pite and mercy. Amen

¶How kyng Richard spoused dame Isabell the kynges doughter of fraunce in the toune of Caleys & brought hir in to englond & let hir le crouned quene in the abbey of seint Petres of westmynstre. Capitulo ducentesimo xlij.

IN the xx. yere of kyng Richardes regne he wente hym ouer the see vn to Caleys with Dukes Erles Lordes and Barons / and many othir worthy squ••ers with grete ar¦••aye and commune peple of the Royame in good a••aye as than

longed to soche a worthy kyng and prince of his no••••ey and of his owne {per}sone to done hym reuerence and obseruaunce as ought to be done vn to hir liege lord And so myght a 〈◊〉〈◊〉 & Em{per}our in his owne to abyde & resseyue there that worthy and gracious lady that shold beue his wyfe a yonge creature of xix. yere of age Dame Isa¦bell the kynges doughter of fraunce and many othir worthy lordes of grete name both barons and knyghtes with moche othir ••eple that comen vn to the toune of Grauenyng and ij. dukes of fraunce that one was the duke of Burgoyne and that othir the duke of Barre that wold no ferther lasse than they had plegges for hem

¶And than the kyng Richard deliuered ij. plegges for hem to go sauf and come sauf his ij. worthy vncles the duke of Gloucestre & the duke of yorke And they ij. wenten ouer the water of Graue∣nyng and abidden there as for plegges vn to the tyme that the ma¦riage and the feste was done and that thees ij. dukes of fraūce we¦re come ayene vn to Grauenyng water ¶And thēn thees ij. wor∣thy dukes come ouer the water at Grauenyng and so to Caleys with this wurshipfull lady Dame Isabell that was the kynges donghter of fraunce and with hir come many a worthy lord and eke lady and knyghtes and squyers in the best araie that myʒt be And there they metten with our meyny of Caleys the which wel comed hir and hir meyne with the best honour and reuerence that myght be And so brought her in the toune of Caleys ¶And ther she was resseyued with all the solempnite and wurshipp that myʒt be done vn to such a lady And than they brouʒt hir vn to the kyng And the kyng toke hir and welcomed hir and all hir faire meyne and made there all the solempnite that myght be done ¶And than the kyng and his counceill asked of the frensh lordes whethir all the couenauntes and forwardes with the composicion that we¦re ordeyned and made on bothe parties shold be trewely kepte and hold bitwene hem ¶And they said ye And ther they sworne and toke hir charge vpon a boke and made hir othe well and trewely it to hold in all maner of pointes and couenauntz withoute contra∣diction or delaye in any maner wyse ¶And than was she brought vn to seint Nicholas chyrche in Caleys and there she was worthely y wedded with the moste solempnite that any kyng or Quene myght be with Erchebisshoppes and bisshoppes and alle ministres of holy chyrche And than weren brought home vn to the Castell and set to mete ¶And there were serued with all maner of delicasie of alle riall metes and drynkes

plenteuously to all maner of strangiers and all othir and no creature warned that feste / but all were welcome / for ther we∣ren grete hales and tentes sette vpon the grene withoute the castelle to resceyue all maner of peple and euery office redy to serue hem alle and thus this worthy mariage was solempnely y done / and ended with all rialte ¶Than these ij. dukes of fraunce with hir peple to∣ken hir leue of the kyng and the Quene and wenten ayene to Gra¦uenyng water / And there the frenssh lordes that is to say the ij. du∣kes and all hir meyne were comen ouer the water to Grauenyng and there they metten / And euery toke leue of othir and so they de¦parted / and our lordes come ayene to Caleys and the frenssh lordes wente ouer the water and so home in to fraūce ayene ¶And anone after the kyng made hym redy with the Quene and alle his lordes and ladies and all hir peple with hem and comen ouer the see in to Englond and so to london / and the Maire and the shereues with all the Aldremen and worthy communes ridden ayens hem vn to the blake heth in kent / And thee they metten with the kyng and the Quene and welcomed hem and that in good aray and euery man in the clothyng of his crafte and her mynstrelles to fore hem

¶And so they brought hem vn to seint Georges barre in south werke and there they toke hir leue And the kyng and the Quene ridden to kenyngton and than the peple of london turned home a∣yene / And in turnyng ayene to londen brigge there was so moche prese of reple bothe an hors and a foot / that ther were dede on the brigge xj. persones of men of women and of children on whos sou¦••es Almyghty god haue pite and mercy Amen /

¶And than afterward the Quene was brought vn to the toure of london and there she was all nyght / And on the morwe she was brought thurgh the Cite of london all ouer and so forth vn to west mynstre & there she was crouned Quene of Englond / And than she was brought ayene to the kynges paleys and there was ••olden an open and riall feste a•• hir coronacion of all maner of peple that thidder come / And this was done the Sonday next after the feste of Seint Clement in the xx. yere of kyng Richardes regne /

¶And than the xxv. day of August next after by euell excita∣cion and fals counceill and for grete wrath and malice that the kyng had of olde tyme vn to his vncle the good duke of Glouce∣stre and to the Erle of Arundell and to the Erle of warrewyke

¶And anone the kyng by his euell excitacion and his euell counceill and malice late in the euenyng on the s••me day aboue said

made hym redy with his strength & rode in to Essex vn to the toun̄ of Chelmesford & so come to plasshe sodeynly there sir thomas of wo¦destoke the good duke of gloucestre lay And the good duke come to welcome the kyng anone ¶And the kyng arested the good du∣ke hym self his owne body And so he was lad doune to the water and anone put to a shipp And anone had vn to Caleys & brought in to the Capitayns warde to be kept in holde by the kynges cōmaū¦dement of englond ¶And that tyme the erle marchall was Capi∣tayne of Caleys ¶And anone after by the cōmaundement of the kyng & by his fals counceill cōmaunded the Capitayn to put hym to the dethe ¶And anone certeyne yomen that had the good duke in kepyng toke hir counceill how that they wold put hym vn to the dethe And this was hir appoyntement that they s••old come vpon hym when he were in his bedde and a slepe on a fethir bedde And anone they bonnde hym foot & honde & charged him to lye still And when they had done thus they token ij. smale towailles & made on hem ij. rid knottes & cast the towailles aboute the dukes nekke and than they toke the fethir bedde that lay vnder hym & cast it aboue hym and than they drowen hir towailles eche wries & some lay vp¦on the fetherbed vpon hym vn to the tyme that he were dede by cau∣se that he shold make no noyse & thus they strangled this worthy duke vn to the dethe on whos soule god for his high pite haue mer¦cy Amen And whan the kyng had arested this worthy duke and his vncle & sent hym to Caleys he come ayene to london in all haste with a wonder grete peple And as sone as he was come he sent for the Erle of Arundell and for the good Erle of warrrewyke.

¶And anone as they come he arested hem hym self sir Iohan cob¦ham & sir Iohan cheyne knyghtes he arested hem in the same ma∣ner till he made his parlement And anone they were put in to hold but the Erle of Arundell went at large vn to the parlement tyme For he fonde susfisaunt suerte to abide the lawe and to ansuere to all maner pointes that the kyng and his counceill wold put vpon hym ¶And in the xxj. yere of kyng Richardes regne he ordeyned hym a parlement at westmynster the which was called the grete parlement And this parlement was made for to Iugge this .iij. worthy lordes and othir mo as hem list at this tyme ¶And for y^• ••ugement the kyng let make in all hast a longe & a large hous of tymbre the which was called an hale & couered with tyles ouer & it was open all aboute on bohe sides & at the endes that all maner of men myʒt see thurgh out & there the dome was holden vpon these

forsaid lordes & ••ugement yefe at this forsaid {per}lement / And for to come vn to this {per}lement the kyng sente his wattes vn to en••ry lord baron knyght aud squyer in euery shire thurghout all englād that euery lord gadre and bring his retenue with hym in as short tyme & in the best aray that they myght gete in mayntenyng & in strengh thyng of the kyng ayens hem that were his enemies / & that this we¦re done in all hast & they to come to him in payne of deche ¶And the kyng hym self sent in to chestre shire vn to the chiuet••yns of that contre / & they gadred & brought a grete & an huge multitude of pe∣ple bothe of knyghtes & of squyers & principally of yomen of Che∣stre shire the which yomen & archiers y^• kyng toke to his own̄ court & yafe hem bowge of court & good wages to be kepers of his owne body bothe be nyght & by day aboue all othir {per}sones & most loued & best trust The which sone afterward turned the kyng to grete losse shame hyndering & his v▪ terly vndoyng & destruction as ye shall he¦re sone after And that tyme come sir henry Erle of Derby with a grete meyne of men of armes & archiers / & the erle of Rutteland co¦me with a stronge power of peple bothe of men of armes & archiers And the erle of kent brought a grete power of men of armes & ar¦chiers / the erle marchall come in the same maner / the lord spencer in the same maner the erle of northuuberland & sir henry Percy his sone / & sir Thomas Percy the erles brother / And alle these worthy lordes broughten a faire meyne & a strong power & eche man in his best aray / and the duke of lancastre & the duke of yorke comen in the same maner with m••n of armes & archiers folewyng the kyng / & Sir williā strope tresorer of englond come in the same maner And thus in this aray come all the worthy men of this land vn to oure kyng / and all this peple come to london in one day / in so moche that euery strete & lane in london and in the subarbes weren full of hem logged / and x. or xij. myle aboute london euery way / And thes pe∣ple brought the kyng at westmynstre & wenten home ayene to hir logging bothe hors & man / and than on the monday the xvij. day of Septembre the {per}lement began at westmynstre the which was called the grete parlement / And on the friday next after the Erle of Arū¦dell was brought in to the parlement amonge alle the lordes and that was on seint Mathewes day the appostell and euangelist ther he was foriugged vn to the dethe in this hale that was made in the paleys at westmynstre / And this was his Iuggement / ••e shold gone on foot with his hondes y bounde behinde hym from the pla∣ce that he was for ••ugged in and so forth thurgh the cite of lond••n

vn to the toure hyll and there his hede to 〈◊〉〈◊〉 smyten of & so it was do in dede in the same place / And vj. of the grete lordes that sate on his Iuggement ridden with hym vn to the place there he was done vn to the dethe / & so to see that the execucion were done after hir dome /

And by the kynges commaundement with hem wenten on foot of men of armes and archiers a grete multitude of Chestre shire men in strengthyng of the lordes that brought this erle vn to his dethe / for they dradde lest the Erle shold haue be rescued & take from hem whan they come in to london / Thus he passed forth thurgh the Cite vn to his dethe / and ther he toke it full paciently on whos soule god haue mercy Amen And than come the freres Austyns and toke vp the body and the hede of this good Erle aud bare it home vn to hir hous and bnried hym in hir quere / And in the morwe after was sir Richard Erle of warrewyke brought in to the parlement there as the Erle of Arundell was for iugged / and they yafe the Erle of warrewyke the same Iuggement that the forsaid Erle had put the lordes had compassion of him be cause he was of more age and relesed him to perpetuell prison and put him in the Ile of man

¶And than the monday next after the lord Cobham of kent & sir Iohan Cheyne knyght weren brought in to the parlement in to the same halle and there they were Iugged to be honged and drawe but thurgh the praier and grete instaunce of alle the lordes that Iuggement was foryeue hem and relesed to perpetuell prison /

¶And this same tyme was Richard whittyngdone Maire of london / & Iohan wodecoke and william Askam shereues of london ¶And they ordeyned at euery yate of london during this same {per}∣lement stronge wacche of men of armes and archiers and thurgh oute euery ward also ¶And the kyng made v. dukes a duches¦se and a markeys and foure Erles and the first of hem was the Erle of Derby / and he was made duke of Hereford / and the se∣cond was the Erle of Rutteland and he was made duke of Awe¦marle / and the iij / was the Erle of kent and he was made duke of Surre / and the iiij. was the Erle of Huntyngdone and he was made duke of Excestre / and the v. was the Erle of Notyngham & he was made duke of Northfolk / & the Erle of Somersete he was made the markeys of Dorset / and the lord Spencer was made Er¦le of Gloucestre / and the lord Neuill of Raby was made Erle of westmerland / and Sir Thomas Percy was made Erle of wurce¦stre ¶And Sir william Scrope that was tresorer of Englond

he was made Erle of wylteshire And sir Iohan Moun••••gu 〈◊〉〈◊〉 of salisbury ¶And whan the kyng had thus y done he helde the {per}∣lement and riall feste vn to all his lordes and to all maner of peple that thidder wold come ¶And this same yere died Sir Iohan of gaunte the kynges vncle and duke of lancastr•• in the bisshoppes ynne in holborne and was brought from thens to seint poules and ther the kyng made and helde his enterement well & worthely with all his lordes in the churche of seint poules in london and there he was beried beside dame blaunche his wife that was doughter and heire to the good Henry that was duke of lancastre And in the sa¦me yere there fyll a discencion & debate bitwene the duke of hereford and the duke of Norfolke in so moche that they waged bataille & cast doune hir gloues and than they were take vp and enseled And the bataille ••oyned and the day y set and the place assigned where and whan And this shold be at couentre And thidder come the kyng with all his lordes at that day and was sette in the feld and than thees two worthy lordes comen in to the feld clene armed & well araied with all hir wepen and redy to done hir bataille and weren redy in the place for to fight at vtteraunce ¶But the kyng bad hem cese and toke the quarell in to his hand

And forth with right there present exiled the duke of Hereford for the terme of x. yere and the duke of Norfolke for euermore

And Sir Thomas Arondell Erchebisshopp of Caunterbury was exiled the same tyme for euer and deposed oute of his see for mali∣ce of the kyng And anone th••se iij. worthy lordes weren commaun¦ded and defended the kynges Reame And anone they gate hem shippes at diuerse hauenes and wenten ouer the see in to diuerse londes eche his wey ¶And the duke of Norfolk went to venice and there he died on whos soule god haue mercy Aman

¶And than kyng Richard made a clerke of his Sir Rogier walden Erchebisshopp of Caunterbury ¶And in the xxij. yere of kyng Richardes regne by fals counceill and ymaginacion of Co¦uetous men that weren aboute hym were made and ordeyned blank chartres and made hem to be en••••••••d of all maner riche men thurgh oute the Reame In so moche that they compelled diuerse peple to sette her seal therto And this was done for grete couetise wherfor all good hertes of the Reame weren clene turned a way from hym that was kyng euer after

¶And that was vtterly destruction and ende to hym that was so high and excellent Prince and kyng and thurgh couetise and

fals counceill falsely betraied Allas for pite that such a kyng myʒt not see ¶And than kyng Richard sette his kyngdome & his riall londe englond to ferme vn to iiij. persones the which were these / Sir williā strope Erle of wylteshire & tresorer of englond / & sir Iohan Bussh and Henry Grene and sir Iohan bagot knyghtes whiche that turned hem to meschief & dethe within litell tyme / as ye shull finde here after writen / and than kyng Richard made grete ordi∣naunce & wente him ouer the see in to Irland and many grete lor∣des with hym with grete hostes for to strength hir kyng with mē of armes archiers & moch grete stuffe and right good ordinaunce as longeth to werre / And or ••e passed the see he ordeyned & made sir Ed¦mond of langeley his vncle the dnke of yorke his lieutenaunt of englond in his absence with the gouernaunce & counceille of these iiij. knyghtes that hadded take englond to ferme of the kyng / And than he passed the see & come in to Irland and there he was well & worthely resceyued / And these rebelles that bene called wylde ••••ssh men anone hir chiuetayns & hir gouernourus and hir leders co¦men doune vn to the kyng and yelden hem vn to hym bothe body and goodes all at his owne wyll and swore to be his liege men / and ther to hym diden homage and feaute and good se••••uce / And thus he conquered the moste partie of ••rland in a litell tyme

¶And while that kyng Richard was thus in Irland sir hen∣ry of Bolynbroke Erle of Derby that the kyng had made before duke of Hereford the which duke the kyng had exiled oute of this land was come ayene in to Englond for to chalenge the duke dome of lancastre as for his right and trewe heritage ¶And he come doune oute of Fraunce by londe vn to Caleys And ther mette hym Sir Thomas of Arundell thas was Erchebisshop of Caunterbury that was exiled oute of Englond / and with him come the Erle of Arundell his sone and heire the whiche was in warde and kepyng of sir Iohan shelley knyght somme tyme with the Erle of Huntyngdone & with the duke of Excestre the whiche was in the Castell of Reigate in southsexe / And there he stale hym away and come to Caleys and ther he was kept well and worthe¦ly till these othir two lordes weren come to Caleys ¶And than this worthy duke and the Erchebisshoppe of Caunterbury Arundell shipped in the hauen of Caleys and drowe hir course northward and ariued in yorke shire at Rauen spore faste by wy¦delyngton and there ••e come and entred the londe and these ij. lor∣des with hym and hir meyne ¶And than moch peple

of the Reame that herd of his comyng and knowe were he was a∣none they drewevn to hym and welcomed these lordes & so coraged hem in all maner thyng and passed forth in to the land and gadrrd moche peple ¶And whan kyng Richard herd and wyst that these ij. lordes were come ayene in to englond and weren londed ¶Than the kyng left his ordinaunce in Irland and come in to Englond ward in all the hast that he myght & come vn to the castell of Flyut and there he abode for to take his counceill and myght beste be done but to hym come none ¶And than Sir Thomas Percy Erle of wurcestre that was the kynges Stiward wyst and knewe this A¦none he come in to the hall amonge all the peple And there he brake the yerde of the riall kynges housold And anone they were disper∣bled And euery man went his wey and forsoke hir mastir and so¦ueraigne lord & left hym alloue ¶And thus was kyng Richard brought a doune and destroied and stode allone withoute comfo••t or socour or any good counceill of any man Allas for pite of this riall kyng ¶And anone come tydynges that sir Henry of ••olyng broke was vp with a wonder stronge power of peple and that all the shreues of Englond reysed vp the shires in strengthyng of him ayens the kyng Richard And thus sone he was come once of the northcontre to Bristowe And there he mette with sir wiliam scro∣pe Erle of wylteshire Tresorer of Englond and with Sir ••oh••n Bussh and sir Henry Grene and Iohan Bagot but he 〈◊〉〈◊〉 from hem and went ouer the see in to Irland and these iij. knyg••¦tes were taken and hir hedes smytten of And thus they died for hir fals couetise ¶And than was kyng Richard y take and brought vn to the duke and anone the duke put hym in fast ward and stronge hold vn to his comyng to london And was ther a ro∣mer in london and a strong noyse that kyng Richard come to west¦mynster And the peple of london ranne thidder and wolde haue done moche harme and skathe in hir wodenesse Nad the Maire and the Aldermen and othir worthy men seced hem with faire wordes and turned hem home ayene to london

¶And ther was Sir Iohan slake deen of the kynges charell of westmynster take and brought to london and put in prison in lud¦gate ¶And Bagot was take in Irland and brought to lon¦don and put in prison in newegate ther to be kepte and to abyde his ansuere ¶And sone after the duke brought kyng Ri¦chard prinely vn to london and put hym in the tonre vnder suer ke¦pyng as a prisoner And than come the lordes of the reame with all

〈1 line〉〈1 line〉 vn to the toure to kyng Richard and ••••••den to h••m of his mysgonernaūce & ••xtorcion that he had done made & ordeyned to oppresse all the commune peple and also to all the reame ¶Wherfor all the commuue peple of his reame wold haue hym deposed of his kyngdome / And so he was deposed at that tyme in the toure of lon∣don by all his lordes counceill / and cōmune assent of all the Reame ¶And ther he was pnt from the toure vn to the Castell of ledes in kent and ther he was kept a while And than was he had from thēs vn to the castell of pounfrete in the northcontre to be kept in prison & sone afterward right there he made his ende ¶And than whan / kyng Richard was deposed and had resyned his croune & his kyng¦dome and was kept fast in hold / than all the lordes of the Royame with the communes assent and by accord chosen this worthy lord Sir Henry of Bolyngbroke Erle of Derby duke of Hereford & duke of lancastre by right lyne and heritage and for his rightfull manhode that the peple founde in hym before all othir they chose hym and made hym kyng of englond amonges hem

¶Of Sir Henry of Bolynbroke Erle of Derby that regned af∣ter kyng Richard whiche was the iiij. henry after the conquest Capitulo ducentesimo xliij.

ANd after kyng Richard the ij. was deposed and put out of his kyngdome The lordes and the communes all with one ossent and all othir worthy of the reame chosen Sir Henry of Bolynbroke Erle of Derby sone and heire of Iohan the duke of lancastre for his worthy manhode that ofte tyme had be founde in hym and in dede preued vpon seint Edwardes day the confessour he was crouned kyng of englond at westmynstre by all the Reames assent next after the deposing of kyng Richard ¶Than he made hen¦ry his eldelst sone and heire Prince of walys and dnke of Corne∣waille and Erle of Chestre And he made Sir Thomas of Arun∣dell Erchebisshopp of Caunterbury ayene as he was before / And Sir Rogier walden that kyng Richard had made Erchebisshoppe of Caunterbury he made hym bisshopp of london / for that tyme it stode voide And he made Erles sone of / Arundell that come with hym ouer the see from Caleys in to Englond / He made hym Erle of Arundell as his fadre had bene & put hym in possession of alle his lond••••. ¶And there he made homage and feaute vn to his

liege lord the kyng as all othir 〈◊〉〈◊〉 had done ¶And than anone died kyng Richard•• in the Castell of Pountfrete in the Northcontre For there he was enfamened vn to the dethe by his keper For he was kepte there four. or v. daies from mete and drynke And so he made his ende in this world yit moche peple in Englond and in othir landes said that he was a lyue many yere after his deth But whethir he ware a lyue or dede forth they helde hir fals opynyons and beleue that men hadden in moche peple / whiche come to grete myschief and foule dethe as ye shall here af∣terward ¶And whan kyng Henry wyst and knewe verrailly that he was dede he let sere hym in the best maner and clo∣sed it in a faire chest with diuerse speceries and baumes and closed hem in a lynnen clothe all saufe his visage and that was lefte o∣pen that men myght see his persone from all othir men And so he was brought to london with torche light brennyng vn to seint pou¦les And there he had his masse and his dirige with moche reue∣rence and solempnite of seruice

¶And when all this was done he was brought from seint Pou∣les in to the Abbey of westmynster and there he had all his hole seruice ayene And from westmynster he was brought to langeley and there he was beried on whos soule god haue mercy Amen

¶And in the fyrst yere of kyng Henries regne he helde his criste∣masse in the Castell of wyndesore And on the xij. euen come the duke of awemarle vn to the kyng and told hym that he and the duke of Surre and the duke of Excestre and the Erle of Salis∣burie and the Erle of Gloncestre and othir mo of hir Affinite we¦re accorded to make a mommyng vn to the kyng on the xij. day at nyght and there they casten to slee the kynge in here reuelyng and thus the duke of awemarle warned the kyng ¶And than the kyng come the same nyght to london priuely in all the hast that he myght to gete hym helpe socour and comfort and counceill And anone these othir that wolde haue done the kynge to dethe fledden in all the hast that they myght for they knewen well that hir coun¦ceill was be wreyed ¶And than fledde the duke of Surre and the Erle of Salysbury with all hir meyne vn to the toune of Cissestre ¶And there the peple of the toune wold haue arested hem and nold not stonde to hir areste but stode at defence and faught manly But at they last they were ouercome and ta¦ke And there they smyte of the dukes heed of Surre and the Er¦les he••d of Salisbury and many othir mo and there they put the

quarters in to sakkes and hir hedes on poles borne on high / and so they were brought thurgh the Cite of london vn to london brigge / and there hir hedes were sette vpon high and hir quartres weren sente to othir good tounes and Citees and sette vp there

¶At Oxenford were take Blounte knyght / and Benet Cely knyght / and Thomas wyntersell squyer And these were beheded and quartred and the knyghtes hedes were sette on polles and brought to london & sette on the brugge / and the quartres sent forth to othir good tounes ¶And in the same yere at Prittelwell in a Mille in Estsexe there Sir Iohan Holand the duke of Exce¦stre was take with the commune of the contre / and they brought hym frō the Mille vn to Plasshe / ¶And to the same place y^• kyng Richard had arested Sir Thomas of wodeste the duke of Glouce¦stre And right there in the same place they smyten of the duke of Excestre his hede and brought it to london vpon a pole / and it was sette on london brigge ¶And in the same yere at Bri∣stowe was take the lorde spencer / that kyng Richard had made er∣le of Gloucestre and the communes of the toune of Bristowe toke hym and brought hym in to the market place of the toune / and there they smyten of his hede and sente it vn to london / and ther it was sette on london brigge

¶And in this same yere was Sir Barnard Brokeys knyght take and arested and put in to the toure of london and Sir Io∣han Shelley knyght / and Sir Iohan Maudelyn / and Sir williā Fereby persones of kyng Richardes and they weren arested and put in to the toure of london ¶And thidder come the kynges Iustices and sate vpon hem in the toure of london / and there they were dampned all foure vn to the dethe / and the dome was yeue vn to Sir Bernard Brokeys that he shold gone on foot from the toure thurgh london vn to Tiborne and ther to be hanged and af∣ter his hede smyten of / and Sir Iohan shelley knyght / and Sir Iohan maudelyn and Sir william Fereby persones were drawe thurgh oute london to Tiburne and there hanged and hir hedes smyten of and sette on london brigge

¶And in this same rere kyng Henry sente Quene Isabell home ayene in to Fraunce the which was kyng Richardes wedded wife and yafe hir gold and siluer and many othir ••eweles and so she was discharged of all hir dower and sente oute of Englond ¶And in the second yere of the regne of kyng Henry the four the was Sir Rogier of Claryngdone knyght and two of his

men & the priour of launde & vi••••. frere menours & somme mastres of diuinite & othir for treson that they wrought ayene the kyng we¦re drawe & houged at Tyborne all xij. {per}so••es And ther began a gre¦te distencion & debate in the contre of walys bitwene the lord Grey rithen & Owen of glendere squyer of walys And this owen arered a grete nōbre of walshmen & kept all that contre aboute right stron¦ge & did moche harme & destroied the kynges tounes & lordshippes thurgh oute walys & robbed & slow the kynges peple both englissh & walsh And thus he endured a xij. yere large ¶And he toke the lord Grey rithen prisoner & kept hym fast in hold till he was raun∣sond of prisoners of the marche And kept hym longe tyme in hold And at the last he made hym wedde one of his donghtres & kepte hym ther styll with his wife And sone after he died ¶And than the kyng Henry knowyng this meschief destruction & treson that this owen hadde wrought thanne anone he ordeyned a stronge poer of men of armes & of archers and moche othir stuffe that longed to werre for to abate & destroie the malice of this fals walshmen

¶And than the kyng come in to walys with his power for to de¦stroie this owen and othir rebellis false walshmen And anon̄ they fledden in to the mountayns And ther myght the kyng done hem no harme in no maner wyse for the moūtaignes And so the kyng come in to Englond ayene for lesyng of mo of his peple And thus he sped nouzt there ••n this same yere was grete scarate of whete in Englond for a quarter of whete was at xvj. shilling And there was marchandize of englond sente in Pruys for whete And anon̄ they had lade and fregʒt shippes y nowe and come home in saufete blessed be god of all his yiftes And in the iiij. yere of kyng henries regne ther was a sterre seyne in the firmament that shewed him sel¦fe thurgh all the world for diuerse tokenes that shold befalle sone after the which sterre was named and called by clergie Stella Comata And on seint Marie magdaleyne day next folewyng in the same yere was the bataille of shrowesbury. ¶And thidder come Sir Henry Percy the Erles sone of Northumberland with a grete multitude of men of armes and archiers and yafe a ba∣taille to kyng Henry the iiij. thurgh the fals counceill and wyk∣ked rede of Sir Thomas Percy his vncle Erle of wurcestre and there was Sir Henry Percy slayne and the moste partie of his meyne in the feld And Sir Thomas Percy take and kept fast in holde two daies till the kyng had sette reste amonge his peple on bothe sides And than Sir Thomas Percy anone was ••ugged

to be dede drawe honged & his hede smyten of for his fals treson a•• shrowesb••ry & his hede brought to london & sette on london brugge ¶And the othir peple that there were slayne on bothe parties the kyng let herie And there was slayne on the kynges side in that ba¦taille the erle of stafford & sir waltier blounte in the kynges cote ar¦mure vnder the kynges baner & many mo worthy men on whos soules god haue mercy Amen ¶And in the iiij. yere of kyng Hen¦ries regne come the Em{per}our of Costantine noble with many grete lordes & knyghtes & moche othir peple of his coutre in to Englond to kyng henry with hym to speke & to disporte & to see the good go¦uernaunce & condicions of our peple & to knowe the cōmoditees of englond And our kyng with all his lordes goodly & wurshipfuly hym resseyued & w••lcomed hym & all his meyne that comen with hym and did hym all the reuerence & wurshipp that they coude and myght ¶And anone the kyng cōmaunded all maner officers that he shold be serued as worthily & rially as it lōged vn to such a wor¦thy lord & Em{per}our on his owne coste as longe as the em{per}our waz in englond and all his men that comen with hym And in this sa∣me yere com•• dam•• Iane the duchesse of Britaigne in to Englond and lōded at fallemouthe in Cornewaille And from thens she was bronght to the Cite of wynchestre And ther she was wedded vn to kyng Henry the iiij. in the Abbey of seint swythynes of wynchestre with all the solempnite that myght be done and mad•• ¶And sone after she was brought from thens to london ¶And the maire and the aldermen and the cōmunes of the cite of london ridden ayens hir and hir welcomed and brought hir thurgh the Cite of london to westmynster and there she was crouned Quene of englond And there the kyng made a riall and a solempne feste for her and for all maner of men that thidder wold come And in this same yere dame Blaunche the eldest doughter of kyng Henry the iiij. was y sent ouer the see with the erle of somersete hir vncle and with masti•• Richard Clifford than bisshopp of wurcestre and with many othir worthy lordes knyghtes and ladies aud worthy squyers as longed to such a worthy kynges dou••hter and comen vn to Coleyn

And thidder come the dukes sone of Barre with a faire meyne and resseyued this worthy lady And there the bisshopp of wurce¦stre wedded and sacred hem to gedre as holy chyrche wold

¶And ther was made a riall feste and a grete Iustes in the re∣uerence and wurshippe of hem and of all peple that thidder come ¶And whan this mariage and fest was done the Erle and

the bisshopp and all hir meyne token hir leue of lord and lady & co∣me home ayene in to englond in saufte thanked be god And in the v. yere of kyng Henries regne the lord Thomas his sone wente ouer see and the Erle of kent / and many othir lordes and knygh∣tes with men of armes and archiers a grete nōbre to chastize the re¦belles that aforne had done moche harme to oure Englisshmen and marchauntz / and to many tounes and portes in Englond on the see coste•••• ¶And the lord Thomas the kynges sone come in to Flaun¦dres to fore a toune that is called the skluse amonges all the shippes of diu••rse nacions that weren there And after ther they ridden with hir shippes amonge hem / and wenten a londe and sported hem there ij. daies and comen ayene to hir shippes and token the brode see •• and ther they metten with iij. Carrykkes of ••ene that weren lade with diuerse marchandize and well y manned and ther they foughten to gedres longe tyme but the Englisshmen had the victorie and brou¦ghten the Carrykkes in to the Cambre before wynchelsee and there they canted thees goodes / and one of this Carrykkes was sodenly there bren•• ¶And the lordes and hir peple turned hem home ayene and went no forther at that tyme / And in the same tyme Serle yo•• man of kyng Richard Robes come in to Englond oute of scotlan•• and told to diuerse peple that kyng Richard was a lyue in Scot∣land / and so moche peple beleued in his wordes wherfor grete parte of the peple of the Reame weren in grete errour and grucchyng ayens the kyng thurgh ••nformacion of lies and fals lesyng that this Serle had made / For moche peple trusted and beleued in his seyeng / But at the last he was taken in the Northcontre and by lawe Iugged to bene drawe thurgh euery Cite and good burgh tounes in Englond And so he was serued / and at the laste he was brought to london vn to the Gyld halle before the Iustice / and there he was Iugged for to be brought to the toure of london / and ther to be ••eid on an hurdell / and than to be drawe thurgh the Ci∣te of london to Tiborne and there hanged and then quartred and his hede smyten of and sette on london brigge and his quartres to be sente to foure good tounes of Englond and there sette vp / and thus ended he for his fals treson and disceit

¶And in the vj. yere of kyng henries regne the iiij. the Erle of Marre of Scotland by saufconduyt come in to Englond to cha∣lenge Sir Edmond the Erle of kente of certayne courses of wer∣re on horsebake / And so this chalenge was accepted and graun∣ted and the place taken in smythfeld at london And this Erle

of marre the scotte come proudely in to the feld as his challenge as∣ked ¶And anone come in the Erle of kent and rode vn to the scot∣te & manfully rode to gedre with sharpp speres diuerse courses but the Erle of kent had the feld & gate hym moche wurshipp & thank of all maner of men for his manf••ll dedes ¶And in the vij. yere of kyng Henries regne the iiij. Sir Richard scrope Erchebisshoppe of yorke & the lord erle marchall of englond gadred vn to hem a stron¦ge power ayens kyng Henry ¶And the kyng hering ther of in all the hast that he myght come with his power northward and mette with hem at yorke And there were thees ij. lordes y take & brought to the kyng ¶And anone the Iugges were sette and thees ij. lor∣des brought forth and there they were dampned vn to the deth and bothe hir hedes smyten of and ther they made hir ende on whos sou∣les god for his pi••e haue mercy Amen ¶And whan this was do∣ne the kyng come to london ayene and there rested hym Anone god of his grete goodnesse wrought and shewed many grete miracles for this worthy clerc Erchebisshopp of yorke that thus was done vn to the dethe Aud in the vij. yere of kyng Henries regne Dame Luce the dukes suster of Milane come in to Englond and so at london and ther was wedded to Sir Edmond Holand Erle of kent in the priorie of seint Marie ouereies in suthwerk with moche solempnite and grete wurshipp The kyng was there hym selfe & yafe hir at the churche dore And whan they were y wedded and masse was done the kyng his owne persone brought and lad this worthy lady in to the bisshoppes place of wynchestre and there was a wonder grete fest y holden to all maner of peple that comen

¶In the same yere Sir Robert knolles knyght a worthy weryo∣ur died at his maner in Northfolk and from thens he was brouʒt to london vpon a hors bere with moche torche light And so was he brought vn to the white freres in fleetstrete and there was done and made for hym a solempne feste and a riall enterement for tho that thidder wolde come bothe ••ore and riche and there he lieth beri¦ed by Dame Constance his wyfe in the mydde of the body of the churche on whos soule god for his pite hane ••ercy Amen

¶And thus in this same yere Sir Thomas Rampston knyght Constable of the toure of london was dreynte at london brugge as he come from westmynster to wardes the toure in a barge and all thurgh lewdenesse

¶And in the same yere dame philipp the yonger doughter of kyng Henry was lad ouer the see with sir richard the dukes brother of

yorke and Sir Edmond Courteney bisshopp of Norwich and ma∣ny othir lordes knyghtes and squyers ladies and gent••l women that appe••teyned to such a worthy kynges doughter and come in to Denmarke with his lordes and resceyued this worthy lady for his wife / & welcomed thees worthy lordes & did hem moch reuerence & grete wurship / And they were brought vn to a toune that was cal¦led london in denmarke & there was this lady wedded & sacred to the kyng of Denmarke with moche solempnite / and there she was crouned quene of Denmarke Norway and Swythen / and ther was made a riall feste ¶And whan this feste and mariage was done and ended these lordes and ladies toke hir leue of kyng & of quene and comen home ayene in to Englond in hast thanked be ••hesu

¶And in the viij. yere of kyng henries regne there was a man that was called the walssh clerke / & he appelled a knyʒt that was called sir Perceuall sowdone of treson / and there they were ••oyned to fight vn to vtteraunce withynne listes / and the day & place & tyme assig¦ned and lymitted to be done and ended in smyth felde / At the whiche day the ij. {per}sones comen in to the felde and foughten sore and mygh∣tely to gedres / but at the last the knyght ouercome the clerke / & ma¦de hym yelde hym creaunt of his fals enpechemēt that he said on him And than was he despoilled of his armure & drawe oute of the fel¦de to Tiborne and there was he hanged and the knyght take to gra¦ce / and was a good man ¶And in this same yere Sir Henry Er¦le of Northumberland and the lord Bardolfe come oute of Scot∣land in preiudice and destruction of kyng Henry / wherfor they of the northcontre arisen vpon hem and fought with hem and scomfi∣ted hem and toke hem / and smyten of hir hedes and quartred hir bodies / and sente the heed of the Erle and quarter of the lord bar∣dolfe to london and there they were sette vpon the brigge for fals treson that they had purposed ayene the kyng ¶And in the ix. yere of kyng Henries regne was sir Edmond Holand Erle of kente made Admirall of englond for to kepe the see & he wente to the see with many riall shippes that weren full well araied and enparel∣led and enarmed with many agood man of armes and archiers & of good defence of werre in the kynges name of Englond / and so he londed at the last in the cost of Britaigne in the Ile of Briak with all his peple / and he beseged the Castell and sauted it and they withstode hym with grete defence and strengthe / And anone he leid his ord••naunce / and in the lexeng of a gonne come a qua∣rell and smo••e the good Erle Edmond in the hede and there ••e

caught deths wounde but yit they left nouzt till that they had ge∣te the Castell and all that were there ynne And there this good lord died on whos soule god haue mercy Amen ¶And than his meyne come home ayene in to Englond with the Erles body and was beried amonges his Auncestres right worthely ¶And in the same yere was a grete frost in Englond that dured xv. wekes. ¶And in the x. yere of kyng Henries regne the iiij. come the Se∣neschall of henaude with othir meyne to seke Auntres and to gete hym wurshippe in dedes of armes bothe on hors bak and on foot at all maner of pointes of werre ¶And the Seneschall chalen¦ged the Erle of Somersete And the Erle deliuered hym manfully of all his chalenges and put his aduersarie to the wers in all poin¦tes and wanne hym there grete wurshipp and the gre of the felde And the next day after come in to the felde an othir man of armes of the Seneschallis partie ¶And ayens hym come Sir Richard of Arundell knyght And the henaude had the better of hym on foo¦te in one pointe for he brought hym on•• his knee ¶And the thrid¦de day come in an othir man of armes in to the feld and ayens him come Sir Iohan Cornewaill knyght and manly and knyghtly quytte hym in all maner pointes ayens his aduersarie and had the better in the felde ¶And on the iiij. day come an othir man of ar∣mes of henaude in to the felde and ayens hym come Sir ••ohan chey¦nyes sone and manly quitte hym ayens his aduersarie for he caste hors and man in to the felde And the kyng for his manhode at that tyme dubbed hym knyght ¶And the v. day there come an othir man of armes of the henaudes partie in to the feld And to hym co∣me in Sir Iohan stiward knyght aud manfully quitte hym there in all maner of pointes and had the better ¶And the vj. day come an othir henaude and to hym come william Porter squyer & man¦fully he quitte hym & had the better in the felde And the kyng dub∣bed hym knyght the same tyme ¶And the vij. day come an othir henaude in to the felde and to hym come Iohan standissh squyer & manfully he quitte hym on his aduersarie and had the better in the felde and there the kyng dubbed hym knyght the same day ¶And on the same day come an othir henaude and to hym come a squyer of Gascoigne and proudely & manly he quitte hym on his aduersa∣rie and had the better And anone the kyng dubbed hym knyght. ¶And on the viij. day come in to the felde ij. men of armes of he∣naude and to hem come ij. soudiours of Caleys that were brethe∣ren that were called Burghes and well and manly quitte hem

on hir aduersaries and the better in the felde / And thus ended the chalenges with moche wurshippes ¶And the kyng at the reueren¦ce of the strangiers made a grete feste and yafe hem riche yiftes and they token hir leue and went home to hir owne contre ¶And in the xj. yere of kyng henries regne the iiij. there was a grete bataille done in smythfelde bitwene two squyers that one was called Gloucestre that was appellaunt. Arthur was the defendaunt / and well and manfully foughten to gedre longe tyme / and the kyng for hir man fnllnesse and of his grace toke hir quarell in to his hand / and made hem to go oute of the felde at ones and so they were deuided of hir batailles and the kyng yafe hem grace ¶And the xij. yere of kyng Henries regne the fourthe Ris die a squyer of walys that was a rebell a riser and supportier to Owen of Glendore that did moche de¦struction to the peple of walys was taken and brought to london / and there he come afore the Iustices and was dampned for his tre¦son / and than he was leid on an hurdell and so drawe forth vn to Tiborne thurgh the Cite / and there he was hanged and let doune a yene and his hede smyten of and his body quartred and sente to iiij tounes / and his hede sette on london brugge ¶And in the xiij. yere of kyng He••ries regne tho deide Sir Iohan Beauford the er¦le of somersete that was Capitayne of Caleys and was beried at the Abbey of the tourehyll / on whos soule god haue mercy Amen /

¶And in the same yere the lord Thomas kyng Henries sone wed∣ded the Countesse of Somersete ¶And in this same yere come the enbassatours of Fraunce in to Englond from the duk of Burgoy¦ne vn to the Prince of Englond kyng Henries sone and heire for helpe and socour of men of armes and archiers ayens the duke of Orliaunce / And tho wente ouer the see the Erle of Arundell / Sir Guillebert vmfreuille Erle of keme and the lord Cobham Sir ••o¦han Oldecastell / and many othir good knyghtes and worthy squy¦ers and men of armes and good archiers in to Fraunce and come to Paris to the duke of Burgoyne / And there he resseyued & wel∣comed thees Englisshmen the lordes and all othir meyne / And than it was done hym to wyt that the duke of Orliaunce was come to semtclowe fast by Paris with a grete nombre of men of armes and arbalastiers / and thidder wente onre Englisshmen and foughten with hem / and gate the brigge of Semtclowe and there they slowe moche peple of Frensshmen / and Arminakes and the remenaunt fledde and wold no lenger abide ¶And than oure En∣glisshmen comen ayene to Paris / and there they token hir leue of

the duke & comen home ayene in to englond in saufete & the duke ya¦fe hem grete yiftes Anon̄ fo••ewyng the duke of Orliaunce sent em¦bassatours in to englond to kyng Henry the iiij. be seching hym of his helpe & socour ayens his dedely enemie the duke of Burgoigne ¶And than the kyng made Thomas his sone duke of Clarence and his othir sone Iohan duke of Bedford And his othir sone Humfrey duke of Gloucestre and sir Thomas Beauford Erle of dorset and the duke of awmarle he made duke of yorke And than the kyng ordeyned his sone sir Thomas duke of Clarence sir Tho∣mas Brauford erle of dorset and sir ••ohan Cornewaile with ma¦ny othir lordes knyghtes & squyers men of armes & archers to go¦ne ouer the see in to fraunce in helpyng & strengthyng of the duke of Orliaunce ¶And these worthy lordes with hir retenue shipped at hampton and sailled ouer in to normandie and londed at hogges And there mette with hem the lord hambe at hir londing with vij.M. men of armes of frenshmen & iij. sergeauntz of armes with hem And all were put to flight And taken of hem vij.C. men of armes & CCCC. hors withoute tho that were slayne in the feld ¶And so they ridden forth thurgh oute fraunce & token castelles and tounes & slowe moche peple of frenshmen that withstode hem & token many ••soners as they ridden And so they passed forth till they come to Burdeux and there they rested hem a while and sette the contre in pees and rested till the vyntage were redy to saill•• ¶And than the duke with his meyne come home in to englond in saufete thanked be god ¶And in the same yere was the kynges coyne changed thurgh oute Englond by the kyng & his counceill that is to say the noble halfe noble & f••rthyng of gold ¶And the xiiij. yere of kyng Henries regne the iiij. he let make galeys of werre for he had hoped to haue passed the grete see and so forth to Iherusalem and therto haue ended his lyfe but god visited hym so sone after with infir∣mites and grete sikenesse that he myght nat well endure no while so feruently he was take and brought in bet at w••stmynster in a faire chambre And as he lay in his bed he asked his chamberlayn̄ what they called that chamber that he lay ynne and he ansuerd & said Ih••lm̄ And than he said that the prophecie said that he shold make an ende and die in Iherusalem And than he made hym re∣dy vn to god and disposed all his wylle And sone after he died and was caried by water from westmy••ster in a barge vn to Fe¦uersham And from thens vn to Caunterbury by land with moch torche light brennyng in to the Abbey of Crichurche & ther he was

entered and ••eried beside seint Thomas of Caunterbury shrine / and thus ended the worthy kyng henry aboute midlenten sonday in the yere of our lord a .M.cccc.xiij. on whos soule god haue mercy Amen

¶Of kyng Henry the v. that was kyng henries sone Capitulo ducentesimo xliiij.

ANd after the dethe of kyng Henry the iiij. regned kyng Henry his sone that was borne at Monmouth in walys that was a worthy kyng and a gracious man & a grete conquerour / And in the first yere of his regne for grete loue & good¦nesse he sente to the freres of langely / there as his fadre had done be¦ry kyng Richard the second / and let take his body oute of the erth a yene & did bring it to westmynstre in a riall chare couered with bla¦ke veluet & baners of diuse armes aboute & all the hors drawyng th chare were trapped in blake and beten with diuerse armes / & ma¦ny a torche brennyng by all the wey till he come to westmynstre / & there he let make for hym a riall & a solempne enterement / & ••eried hym by Quene Anne his wyfe as his owne desire was on the fer∣ther side of seint Edwardes shrine in the Abbey of seint Petres of westmynstre on whos soule god haue mercy Amen ¶And in this same yere were a certayne of lollardes taken and fals heretikes that had purposed thurgh fals treson to haue slayne our kyng & for to haue destroied all the clergie of the reame / & they myʒt haue had hir fals purpose / but our lord wold not suffre it / for in hast oure kyng had warnyng ther of & of all hir fals ordinaunce & wurchynge / & come sodenly with his power to seint ••ohanes withoute smythfeld And anone they token a certayne of the lollardes & fals heretikes & brought hem vn to the kynges presence / & there tolde all hir fals pur¦pose & ordinaunce how they wold haue done & wrought & they myʒt haue regned & had hir wyll••And there they told which were hir ca¦pitayns & hir gouernours And than the kyng commaunded hem to the toure of london & than toke moo of hem bothe within the Cite & withoute & sent hem to Newgate & to bothe coūtres / And than they were brought in examinacion before the clergie & the kynges Iusti¦ces / & there they were conuicted before the clergie for hir fals heresie and dampned before the ••ustice for hir fals treson / And this was hir ••ugement that they shold be drawe from the toure of london vn to seint Giles f••ld & there to be honged & brent on the galewes / And

also ther was taken sir Rogier Acron knyght for heresie & eke for treson ayens the kyng & the reame / and he come afore the clergie and was conuicted for his heresie to be brent / and dampned before the ••u¦stices to be drawe from the toure of london thurgh the cite to seint Gi¦les felde and to be hanged and brend ¶And in the second yere of kyng hen••••es regne the v. he helde a cou••ceill of all the lordes of the reame at westmynstre & there he put hym this demaunde / & praied aud besought hem of hir goodnesse & of hir good counceill and good wyll to shewe hym as touching the title & the right that he had to Normandie Gascoyne and Guyhenne / the which the kyng of fraun¦ce withhelde wrongfully and vnrightfully / the which his Aunce∣stres before hym had be trewe title of conqueste & right heritage th•• which Normandie Gascoyne & Guyhenne the good kyng Edward of wyndesore and his auncestres before him hadden hold all hir ly∣ues tyme / And his lordes yafe him counceill to send enbassatours vn to the kyng of fraunce & his counceill and that he shold yeue vp to him his right heritage that is to say Normandye Gascoyne & guy henne the whiche his predecessours hadden hold afore hym / or elles he wold it wynne with dynt of swerd in short tyme with the helpe of Almyghty god ¶And than the Dolphine of fraunce an¦suered to our embassatours and said in this maner that the kyng was ouer yong and to tendre of age to make any werre as ayens hym and was not like yit to be no good werriour to do aud to make such a conquest ther vpon hym / And somwhat in scorne and despite he sen••e to hym a tonne full of tenys balles / be cause he wolde haue somwhat for to play with all for hym and for his lordes and that become hym better than to maynten any werre / And than anone our lordes that were embassatours token hir leue and comen in to Englond ayene and tolde kyng and his counceill of the vngood∣ly ansuere that they had of the dolp••yne / and of the presente the whi¦che he had sente vn to the kyng ¶And whan the kyng had her¦de hir wordes and the ansuere of the Dolphine he was wonder sore agreued and right 〈◊〉〈◊〉 p••ied toward the fr••••sshmen and toward the kyng & the dolphyn / & thought to auenge him vpon ••em as so∣ne as god wold send him grace & myʒt / and anone let make tenys balles for the dolphyn in all the hast that they myght be made / and they were grete gonne stones for the dolphine to play with all

¶And▪ than anone the kyng sent for all his lordes and held a gre¦te counceille at westmynstre and tolde vn to hem the ansuere that they had of the dolphine and of his worthy presente that he sente

to hym and to his lordes to pleye with all ¶And there the kyng & his lordes weren accorded that they shold be redy in armes with hir power in the best araie that myght be done And gete men of armes and archers that myght be goten and alle othir stuffe that longed to werre & to be redy with all hir retenue to mete at southā∣pton be lammasse next sewyng withoute any delay wherfor the kyng ordeyned his nauye of shippes with all maner of stuffe and vitaille that longed to such a w••rrour of all maner ordinaunce in the hauen of Southampton in to the nombre of CCC.xx. sailles

¶And than fell there a grete disese and a fonle meschief for th••r were iij. lordes which that the kyng trust moche on And thurgh fals couetise they had purposed and Imagined the kynges deth And thought to haue slayne hym and all his bretheren or he had take the see The whiche were named thus Sir Richard Erle of Cambrygge brothir to the duke of yorke the second was the lord Scrope Tresorier of Englond the thridde was Sir Thomas gray knyght of the Northcontre And these lordes afore said for lucre of money had made promysse to the frenshmen for haue slayne kyng Henry and all his worthy bretheren by a fals trayne sodenliche or they had he ware But Almyghty god of his grete grace helde his holy honde ouer hem and saued hem from this {per}illous meyne And for to haue done this they resceyued of the frensshmen a mil∣lion of gold And that was there openly preued And for hir fals treson they were all there Iugged vn to the dethe And this was the I••ggement that they shold be ladde thurgh Hampton and withoute Northgate there to be heded And thus they ended hir lyfe for hir fals couetise and treson

¶Anone as this was done the kyng and all his meyne ma∣de hem redy & wenten to shippe & token and sailled forth with xv C shippes and arriued withyn seyne at kydecause vpon our ladies eue the assupcion in Normandie with all his ordinaunce. And so went hym forth to hareflete And he beseged the toune all aboute by lond and eke by water And sent to the Capitayne of the toune and charged hym for to deliuer the toune And the Capitayne said that he none deliuered hym ne none he wolde to hym yelde but bad hym done his best ¶And than our kyng laid his ordinaun¦ce vn to the toune that is for to say Gonnes Eug••ues and Trip¦••ettes and shetten and cast to the walles and eke vn to the Toune And cast doune bothe toures and toune and leid hem vn to the grounde And there he plaied at the tenys with his harde gonne

stones ¶And they that were within the toune whan they sholde plaie / ther songe was well away / and Allas that ••uer any suche tenys balles were made / and cursed all tho that werre began / and the tyme that euer they were borne ¶And on the morwe the kyng did crie at euery gate of the toune that euery man shold be redy on the morwe erly to make assaute vn to the toune ¶And william Bouchier and Iohan Graunt with xij. othir worthy Burg•••• comen to the kyug and besought hym of his riall Princehoode and power to withdrawe his malice and destruction that he did vn to hem / and besought hym of viij. daies of respit•• and trewes yf any rescue myght comen vn to hem / and elles to yelde vp the toune vn to hym with all hir goodes / And than the kyng sente forth the Ca¦pitayne and kepte the remenaunt still with hym. ¶And the lord Gaucorte that was Capitayne of the toune wente forth to Rone in all haste vn to the dolphyne for helpe and socour / But there was none ne no man of rescue / for the Dolphyne wold not abyde ¶And thus this Capitayne come ayene vn to the kyng and yelde vp the toune and deliuered hym the keies / And than he called his vncle the Erle of Dorset and made hym Capi∣tayne of the toune of harflete and deliuered hym the keies / and ••ad hym gone to put oute all the frenssh peple bothe men women and children and stuffed this toune of Hareflete with Englissh∣men ¶And than the kyng sente in to Englond and did crie in euery good toune of Englond that what crafty man wolde co∣me thidder & inhabite hym there in y^• toune he sholde haue hous & housholde to hym and to his heires for euer more ¶And so thid¦der wente many diuerse marchauntz and crafty men and enhabi∣ted hem there to strength the toune And weren welcome / And whan the kyng sawe that this toune was wele stuffed bothe of vi¦taille and of men this worthy Prince toke his leue / and wente to Caleys ward by londe / and the Frensshmen herde of his comyng they thought to stoppe hym his way that he sholde not passe that way and in all the haste that they myght breken all the brigge there any passage was for hors and man in so moche that there myght no man passe ouer the Riuers nothir on hors ne on foot / but yf he sholde be drowned ¶And therfor our kyng with all his pe∣ple wente and sought his waye ferre vp to Paris ward / And there was all the riall power of Fraunce assembled and redy to yeue him bataille and for to destroie all his peple / But Almyghty god was his gyde and saued hym and alle his meyne & defended hym of his

enemies power & purpose thanked be god that saued so his owne knyght and kyng in his rightfull titell ¶And than our kyng be¦holdyng & seyng the multitude & nombre of his enemies to withstō¦de his wey & yeue hym bataille Than the kyng with a meke hert & a good spirit left vp his handes to Almyghty god and besought hym of his helpe and socour & that day to saue his trewe seruauntz And than our kyng gadred all his lordes and othir peple aboute and bad hem all be a good chere For they shold haue a faire day & a gracious victorie and the better of all hir enemies and praied hem all to make hem redy vn to the bataille for he wold rather ••e dede that day in the feld than to be take of his enemies for he wolde ne•• put the Reame of Englond to raunsone for his {per}sone ¶And the duke of york fell on knees & besought the kyng of a bone y^• he wold graunte hym that day the avaunteward in his bataille And the kyng graunted hym his askyng And said graunte mercy cosyn of yorke and praied hym to make hym redy ¶And than he bad euery man to ordeyne a stake of tree & sharp both endes that the sta¦ke myght be pight in the erthe a slope that hir enemies shold not o•• come hem on horse bak For that was hir fals purpose and araied hem all ther for to ouer ride our meyne sodenly at the fyrst comyng on of hem at the fyrst brount And all nyght before the bataille the frenshmen made many grete fires and moche reuell with howting and showting and pleide oure kynge and his lordes at the dise and au archer allwey for a blank of hir money For they wenden alle had bene heres the morne arose the day gan spring ¶And the kyng by good auise let araie his bataille and his wenges and charged euery man to kepe hem hole to gedres and praied hem all to be of good chere ¶And whan they were redy he asked what tyme of y^• day it was And they said Prime Than said said our kyng now is good tyme ¶For all Englond praieth for vs and therfor be of good chere and let vs go to oure ••ourney And than he said with an high vois in the name of Almyghty god and of se••••t Ge¦orge a vaunt Baner and seint George this day thyne helpe

¶And than these frensshmen come prikyng doune as they wolde haue ouer ridden alle oure meyne But god & oure Archiers made hem sone to stomble For our Archiers shet neuer arowe amys but it {per}isshed and brought to gronnde man or hors

¶For they shoten that day for a wager ¶And oure stakes made hem toppe ouer ••erue eche on othir that they lay on hepes two spere lengthe of heyhte ¶And our kyng with his meyne & with

his men of armes and archiers that thakked on hem so thikke with arewes and leyde on thith stakes and our kyng with his owne hon¦des faught manly ¶And thus Almyghty god and seint George brought our enemies to grounde / and yase vs that day the victorie and there were slayne of frensshmen that day in the felde of Agin∣courte moo thanne xj.M. with prisoners that were taken / And ther were nombred that day of frensshmen in the felde moo than six score thousand and of Englisshmen nat vij. thousand / but god that day faught for vs / ¶And after come there tydynges to our kyng that ther was a newe bataille of frensshmen ordeyned redy to stele on hym & comen towardes hym / Anone oure kyng ••et crie that euery ••an shold slee his prisoners that he had take / and anone ara¦ied his bataille dyene redy to fight with the frensshmen ¶And whan they sawe that our men kylled doune hir prisoners / thanne they with drowe hem and brake hir bataille and all hir aray.

¶And thus oure kyng as a worthy conquerour / had that day the victorie in the felde of Agencourt in picardie ¶And than our kyng retorned ayene ther that the bataille was / to see what peple were dede of Englisshmen / and yf any were hurt that myʒt be holpe / And ther were dede in the felde the duke of Barrye The duk of Alaunsome / the duke of Braban / the Erle of Nauer∣ne the chief Conestable of Fraunce and viij. othir Erles / and the Erchebisshoppe of Saunce / and of good Barons an hond••••d and moo / and of worthy knyghtes of grete aliaunce of cote ar••••ures a thousand and fiue hound••ed ¶And of Englissh men was dede that day the good duke of yorke and the Erle of southfolke / and of all othir of Englisshmen there were nat dede passyng xxvj. bodi∣es thanked be god ¶And this bataille was on a friday whiche was Crispyue & Crispinianes day in the moneth of Octobre And anone the kyng commaunded to bery hem and the duke of yorke to be caried forth with hym and the Erle of southfolke

¶And there were prisoners the duke of Orliaunce / the duke of Burbone / the Erle of ••endome / the Erle of Ewe / the Erle of Ri¦chemond and Sir Bursigaunt Marchall of Fraunce / and ma∣ny othir worthy lordes weren there taken in this bataille of Agen∣court and were brought vn to the toune of Caleys / and so ouer the see with the kyng in to Englond and londed at Douer in kente with all his prisoners in saufe••e thanked be god almyghty And so come to Caunterbury and offred at Seint Thomas shrine ¶And so forth he rode thurgh kente the next way to Eltham and there

he rested till that he wold come to london ¶And than the Maire of london and the Aldermen Shreues with all the worthy cōmu∣ners and craftes comen to Blakhethe well and worthely ar••••i∣ed to welcome our kyng with diuerse melodies ¶And thanked to Almyghty god of his gracious victorie that he had shewed for hym ¶And so the kyng and his prisoners passed forth by hem till he come to seint Thomas wateryng And there mette with him all religious with process••on and welcomed hym And so the kyng come ridyng with his pasoners thurgh the Cite of london where y^• there was shewed many a faire sight at all the conduytes and at the crosse in chepe as in heuenly array of Angeles Archangeles Patriarches Prophetes and virgines with diuerse melodies sen∣sing and syngyng to welcome our kyng And all the conduytes rennyng with wyne And the kyng passed forth vn to seint pou∣les and there mette with hym xiiij. bisshoppes reuessed and mitered with sens••ers to welcome the kyng And songen for his gracious victorie Te deum laudamu•• ¶And there the kyng offred and to¦ke and rode to westmynster ¶And than the maire toke his leue of the kyng and rode home ayene ¶And in the iij. yere of kyng Henries regne the v. come the Em{per}our of Almaigne kyng of Ro∣me and of Hungarie in to Englond and so to the Cite of london

¶And the Maire and the Aldermen with the shreues and wor∣thy craftis of london by the kynges commaundement mette with hym on the blak hethe in the best aray that they coude on horse bake ¶And there they welcomed hym and brought hym to london with moche honour and grete reuerence ¶And at seint Tho¦mas wateryng there mette with hym the kyng with all his lordes in good aray ¶And there was a worthy metyng bitwene the Em{per}our and the kyng and there they kyssed to gedres and en∣brached eche othir And than the kyng toke the Empour by the honde and so they come ridyng thurgh the cite of london vn to seint Poules and there they alight and offred and alle the Bisshoppes stoden reuessed with sensers in her hondes sensyng

¶And than they token hir hors and riden vn to westmynstere And there the kyng logged the Em{per}our in his owne Paleys And there he rested hym a grete while and all at the kynges cost•• And sone after come the duke of Holand in to Englond to come and see there the Em{per}our And to speke with hym and with kyng Henry of Englond And he was worthely resseyued and logged in the bisshoppes ynne of Ely And all at the kynges coste

And whan the Em{per}our had well rested hym and sey the lond in di¦uerse {per}ties & knowe the cōmodites than by {pro}cesse of tyme he toke his leue of the kyng / but or he yede he was made knyght of the Gar¦tier & resseyued & wered the liuery / And than he thanked the kyng and all his worthy lordes / And than the kyng & he went ouer the see vn to Caleys / & abiden ther longe tyme to haue an ansuere of the frenssh kyng / and at the last it come & plesed him right noght And th•• Em{per}our toke his leue of the kyng & passed forth in goddes na∣me / and onre kyng come ouer ayene in to Englond in all the haste that he myʒt & that was on seint lukes eue that he come to lambithe And on the monday next after he come in to the {per}lement at west∣mynstre ¶And in this same yere was a grete derthe of corne in en∣glond / but thanked be god it lasted not longe ¶And in the iiij. ye∣re of kyng henries regne the v. he helde his {per}lement at westmynstre in the beginnyng of the moneth of Octobre and lasted vn to the pu¦rificacion of our lady than next after / And there was graunted vn to the kyng to maynten his werres bothe of spirituelte and of tem∣{per}alte an hole taxe and a d••s••••e / And than anone the kyng praied all his lordes to make hem redy to strength hym in his right / And anone he let make a newe retenue / and charged all men to be redy at hampton in witson weke than next after withoute any delay

¶And there the kyng made the duke of Bedeford protectour and defen••our of his Reame of Englond in his absence / and charged hym to kepe his lawes / & maynten bothe spirituelte and tem{per}elte

¶And whan the kyng had thus done and sette all thing in his kynde On seint markes day that was that tyme hokketewysday he toke his hors at westmynstre and come ridyng to Poules and ther he offred and toke his leue And so rode forth thurgh the Cite taking his leue of all maner of peple as well of poure as of riche prayeng hem all in generall to pray for hym / And so he rode forth to Seint Georges and there he offred and toke his leue of the Maire char∣gyng hym to kepe well his chambre / And so rode forth to hampton and there abode till his retenue were redy and comen / for there was all his nauye of shippes with his ordinaunce gadred and well stuf¦fed / as longed to such a riall kyng with alle maner of vitailles for suche a riall peple as well for hors as for man / as longed for such a werriour / that is for to say Armure / Gonnes / Tripgetes / eu¦g••nes / sowes / Bastiles / Brigges of lether / Scalyng laddres / Malles / S••••des / Shoueles / Pykeys / Paueys / Bowes / and ar••wes / Bowe strynges / Tonnes / Chestes and pipes fulle of

arewes as neded for such a worthy werrour that no thyng was to seche whan tyme come thidder come to hym shippes lade with gon¦nes and gonnepoudre And whan this was redy and his reten∣ue come the kyng and his lordes with all his riall hoste went to shipp and token the see and sailden in to Normandie and londed at Touke vpon the lamasse •• day than next And there he made xlviij. knyghtes at his londing ¶And than the kyng hering of many enemies vpon the see that is to say ix. grete carikkes hulkes galei∣es and shippes that weren come to destroie his nauye And anone he commaunded the Erle of the marche to be chief chyuetayne and many othir worthy lordes with hym with men of armes and ar∣chiers to go to the see that none enemies defouled his nauye ne en¦tred his lond in no partie for to destoruble his viage ne his Iour¦ney ¶And anone the Erle toke his meyny and went to shipp and s••ymmed the see and kepte the see costes that no maner of enemie durst route vpon the see And anone the kyng sent his he∣raudes vn to the Capitayne of Touke and charged hym to deli•• hym his Castell and his toune and elles he shold neithir leue mā¦ne child a lyue ¶And anone the Capitayne and iiij. othir burgeis of the toune brought the keies to the kyng and besought hym of grace And the kyng deliuered the keies to sir Iohan ky∣keley and made hym Capitayne and cōmaunded hym to put oute all frenshmen both of the toune & of the Castell ¶And ther beside was the Castell of louers and thidder the kyng sent the Erle mar¦chall with a faire meyne and sauted the toune Anone it was yol¦de to the Erle and brought hym the keies And he brought the kei¦es to the kyng And the kyng toke hym the keies and made hym Capitayne of the Castell of louers and of all that longed ther to and charged hym to deliuer oute all the frenshmen ¶And than the kyng held forth his wey to Cane that was a stronge toune a faire and a riall Castell theryn And anone he sent his heraudes to the Capitayne and charged hym to deliuer the toune and his Castell or elles he wolde hem gete with strength of honde ¶And they ansuerd and said that he toke hem none ne none they wold de¦liuer vn to hym ¶And than anone he laide his siege vn to the toune and laid gonnes on euery side and bete a doune bothe walles and toures and slow moche peple in hir houses and eke in stretes And the good duke of Clarence laid a doune the wal∣les on his side vn to the grounde And so withyn a while the kyng by his counceill sawted the toune alle aboute ¶And anone

the duke of Clarence had ••ntred in to the toune and slowe doune right till he come to the kyng and spared nothir man ne child & euer they cried A Clarence A Clarence and seint George And ther was dede on the walles on the kynges sides a worthy man that was called springes the whiche the kyng cōmaunded to be beried in the Abbey of Cane fast by william conquerour on whos soule god haue mercy Amen ¶And than the kyng come in to the toune with his brother the duke of Clarence and many othir worthy lor∣des with moche solempnite and myrthe ¶And than the kyng commaunded the Capitayn to deliuer hym his Castell and he be∣sought the kyng to yeue hym xiiij. daies of respite yf any rescue wold come and yf none come to deliuer hym the keies and the Ca∣stell at his commaundement ¶And vnder this compos••cione was the toune and the Castell of Baious with othir tonnes fortresses and villages in to the nombre of xiiij. vpon the hill before the Ca∣stell of Cane our kyng pight all his tentes that semed a toune as moche as Cane and by that come tydynges that no rescue wolde come there ¶And so at the xiiij. day at ende the Capitayne come oute of the Castell and deliuered the keies and the Castell to our kyng and Baious and the othir xiiij. tounes weren deliuered vn to hym also And anone the kyng deliuered the keies to the du¦ke of Clarence and made hym Capitayne bothe of the toune and of the Castell and made hym Capitayne of Baious and of alle the othir tounes also And so entred the Castell and the toune also and there he helde seint Georges feste And there he made xv. kny∣ghtes of the bath ther was Sir Lowys Robersart Salyn Chay∣nye Mougomery and many othir worthy men And the kyng cō¦maunded hem for to put oute all the frenshmen and women and no man so hardy to defoule no woman ne take no maner good away from hem but lete passe in pees in payne of dethe.

¶And there passed oute of the toune in one day mo than xv. hon∣derd wymmen And than our kyng let stuffe the toune and Ca∣stell with Englisshmen and ordeyned there two Capitaynes one for the toune and an othir for the Castell And charged hem vp on hir lyfe for to kepe well the toune and the Castell

And or our kyng went thens he gate Valeys Newelyne and leid a siege to Chirburgh And that siege leid the duke of Glou∣cestre with a stronge power and myghty and by processe of tyme gate it and made ther a Capitayne of the same toune And the sa∣me tyme the Erle of warrewyke leid a siege to Dounfra••nce

and gate it and put therin a Capitayne ¶And for to spe∣ke more of the Erle of the marche that the kyng ordeyned to skym the see and to kepe the costes of Englond for all maner enemies / the wynde arose vpon hem / that they wende alle to haue be loste / but thurgh the grace of god Almyghty and good gouernaunce they ridden afore wyhte all that storme / ¶And there were lost ij. Carrik¦kes and two balingers with marchaundises and othir goodes and alle the peple that were withynne / And an othir Carrik dro∣ue before hampton and threwe his mast ouer the toune walles and this was on seint Bartholmewes day ¶And whan all this storme was sesed / this worthy Erle of march toke his shippes with his me••ne and wente to the see and londed in Normandie at hog∣ges / and so ridden forth toward the kyng / And euer as he come the frensshmen fledde ¶And there come to hem an Antho¦ny pigge and folowed the hoost alle that way till they come to a grete water and there they drad to haue bene dede the water closed hem so that they myght no where gete oute / But at the last god Al¦myghty and this pigge brought hem oute alle saufe / And there they caught a gyde that knewe all the contre aboute and he brought hem thurgh a quyke sand and so in to an Ile / and ther they toke many prisoners in hir way toward the kyng in hir ••ourney / and so they comen vn to Cane / And there the kyng welcomed hym and toke his ••ourney at Argentone / And anone it was yold vn to the kyng and they had hir lyues and went hir way

¶And than our kyng remeued to a stronge toune that was cal¦led Cese / and there was a faire mynster and they yelde it anone vn to the kyng / And than the kyng wente from thens to Alaun∣some and wan the toune and the brigge / And the kyng sente the Erle of warrewyke to a toune that was called Belesme with a huge and a stronge power and anone they yelde and put hem in the kynges grace and in his mercy / And so did many moo stronge tounes and Castelles that were in tho parties ¶And from thens they wente to Vernill in Perche and anone it was yolde vn to the kyng bothe toune and Castell bodies and goodes at the kynges grace / And so the kyng gate and conquered all the tounes and Ca¦stelles Pyles strengthes and Abbeys vn to Pountlarge / And from thens vn to the Cite of Rone ¶And in the v. yere of kyng henries regne the v. Sir Iohan Oldecastell that was the lord Cob∣ham was arested for heresie and brought vn to the tour of london And anone after he brake oute of the toure and went in to walys

and there kepte hym longe tyme ¶And at the last the lord Powy•• mette with hym and toke hym / but he stode at grete defence longe ty¦me and was sore wounded or he wold be take. And so the lord Po¦wys men brought hym oute of walys to london in a wherlecole & so he was brought to westmynster and there was examined of cer∣teyne pointes that were put vpon him / & he said not nay and so he was conuicte of the clergie for his heresie and dampned before the Iustices vnto the dethe for treson. And so he was lad vn to the toure ayene / and there he was leid on an hurdell and drawe thurgh the Cite to seint Giles feld / and there was made a newe paire of ga¦lewes and a stronge cheyne and a coler of yren for hym and ther he was honged and brent on the Galewes and all for his lewde∣nesse and his fals opinions.

ANd in the vj. yere of kyng Henries regne the v. he sent his vncle sir Thomas Beaufort duke of excestre with a faire meyne of men of armes and archers to for the Cite of Ro∣ne and there displaied his baner and sent heraudes vn to the toune and bad hem yelde that Cite vn to our kyng hir liege lord / And they said he toke hem none to kepe ne none he shold haue there / but if it were right dere y bought and meued with hir hondes / for othir an¦suere wold they none yeue but gonnes ¶And there the duke toke good auisement of the grounde all aboute / And anone there issued oute of the Cite a grete meyne of men of armes bothe on horse bake and on foot and anone our meyne met with hem / and ouer threwe an hepe of hem and there were slayne and take xxx. {per}sones of right good mennys bodies and the remenaunt fledde ayene in to the toun̄ And the duke went vn to Pountlarge vn to the kyng and tol∣de hym all how he had spedde and how hym liked the grounde

¶And anone as he was go they cast a doune all hir subbarbes a∣boute the Cite vn to the hard grounde / for the kyng there no refres∣shyng shold haue at his comyng And the friday before lāmasse day than next folewyng our kyng with his hoste come before rone and anone he sette his siege rounde aboute that Cite / and anone let ley his ordinaunce vn to the toune / And the kyng and his lordes werē logged in the charterhous and grete strengthe aboute hem / and that was in the Este partie of the Cite ¶And the duke of Claren¦ce logged hym at the west ende in a wast Abbey before the Porte Chaux And the duke of Excestre in the Northside before the Por¦te Bea••uesyn And bitwene the duke of Clarence and the duke of Excestre was the Erle Marchall logged with a stronge power

before the Castell gate ¶And than was the Erle of Ormond the lord harington and the lord Calbot with hir retenue next hym / And than sir Iohan Corne waille and many othir noble knyʒtes of na¦me with hir retenue lay with the duke of Clarence / And from the duke of Excestre toward the kyng were logged the lord Roos the lord of will••by the lorde Phehewe and sir william Porter knyght with hir retenue before the port of seint hillare / And than was the Erle of Mortayne with his retenue logged in the Abbey of Seint katerines / And the Erle of Salisbury with his retenue lay on that othir side of seint katerines / And sir Iohan Grey knyght was log¦ged at the Abbey that is called mount seint Michell / And Sir Phe¦lipp leche knyght the kynges tresorer was logged bitwene the wa∣ter of Seyne and the abbey and kepte the warde vnder the hyll And the Baron of Carowe was logged vnder the water side to kepe the passage / And Ienico the squyer lay next to him on the water side / And they ij. squyers kepte manly the water of seyne & fought with hir enemies ofte tymes And on that othir side of seyne lay the erle of huntyngdone / And Mastir Neuill the Erles sone of westmer land / And Sir Gilbert vmfreuille Erle of keme / and Sir Ri∣chard of Arundell and the lord feriers with hir retenue before Por¦te du pounte and eche of thees lordes had stronge ordinaunce / And the kyng did make at Pountlarge ouer the water of seyne a stcon¦ge and amyghty cheyue of Iren and put it thurgh grete Pyles fast pight in the grounde and that wente ouer the Riuer of Seyne that no vessell myght passe that in no kynde / And aboue that chey∣ne the kyng let make a brigge ouer the water of seyne that man and ho••s and alle othir cariage myght go to and fro at all tymes whan nede were / And than come the Erle of warrewyke and had gote Dounfront vn to the kyng Henry of Englond /

¶And anone the kyng sente the Erle of warre wyke to Cawde∣beke to besege it / And whan he come before the toune he sente his he∣raudes vn to the Capitayne and bad hym yelde the toune vpon pey¦ne of dethe And anone he leid his siege / And the Capitayne be∣sought the Erle that he myght come to his presence and speke with hym / And so the good Erle graunted hym / And than he come oute and foure othir Burgeis with hym / and entreted so with this ••rle that this same toune was vnder composicion to done as the Cite of Rone did and the Erle graunted and consented ther to vpon this condicion that the kynges nauye with his ordinaun∣ce myght passe vp by hem in saufte withoute any maner bette or des¦turbaunce

and to his composicion they sette to thir 〈◊〉〈◊〉 ¶And the shippes passed vp by hem in saufete and come before the Cite of Ro¦ne in to an honderd shippes aud there they cast hir ankers and than this Cite was beseged both by lond and by water And whanne all this was done and shippes comen vp / than come the Erle of warre wyke ayene to the kyng / and logged hym bitwene the Abbey of seint katerines and the kyng / till that the Abbey entreted and was yold vn to the kyng / And than he remeued hym thens and logged hym before Porte marcenuylle And tho was the Erle of Salisbu∣ry commaunded by the kyng to make hym redy to ride but ther com̄ hasty tydyng and made hym to abide / And so he retourned ayene & logged hym beside the Erle of Huntyngdon till the siege was en∣ded ¶And than come the duke of Gloucestre the kynges brother from the siege of Chirbourgh the which he had wonnen and geten and stuffed ayene vn to the kynges behoue and profit vn to the croune of Englond And whan he was come to the kyng before Rone anone he logged with grete ordinaunce before port seint Hil¦lare more nere the toune and his ennemies than any othir lay by xl. roddes of ••••ugthe withyn shot of quarell / And with hym lay the Erle of Southfolke and the lord of Bergeuen••y with alle hir retenue and stronge ordinaunce / and manly & proudely fouʒt euery day with hir enemies / euer whan they issued oute of the cite. ¶And than come the priour of kylmayne of Irland ouer the see vn to the kyng with a faire meyne of men of armes of hir owne cō¦tre gyse the somme of xv.C. good mennys bodies and the kyng wel¦comed hem and made hem right good chire And than come tydyn∣ges vn to the kyng that the kyng of Fraunce and the dolphyne & the duke of Burgoyne wolde come a doune to res••ue the Cite of Rone with a stronge power of all maner of nacion•• and breke the siege and he casted hym to entre on the Northside of the hoste / becau¦se that there was the beste entre and moost pleyne grounde / And therfor the kyng assigned the Priour of kylmayne with his po∣er and logged hym on the Northside of the hoste to stoppe her pas∣sage / and was by the forest of lyous / And of this ordinaunce they were full glad And so they went forth in hast / and kepte grounde and the place that the kyng and his counceill had assigned hem.

¶And they quitte hem as good werriours vn to hir kynge.

¶Nowe wull I tell yowe whiche were the chief Capitayns and ••ouernours of the Cite of Rone ¶Mon Sir Gny Bo••••••ere was chief Capitayne bothe of the Cite and of the Castell And

sir Termegan he was Capitayne of Porte de Canx •• mon Sir de la Roche he was Capitayn of the disners / Mon sir Anthoyne he was lieutenaunt to mon sir Gny botiller Henry chantfien he was Capitayne of the porte de la pounte ••ohan Mantreuas he was Capi¦tayne of the porte de la Chastell / Mon Sir de Preanx he was Ca∣pitayne of the porte of seint Hillarie the Bastard of Tyne he was Capitayne of the porte martenuille / And graunte ••akes a worthy werriour he was Capitayne of all men of werre / And he was go∣uernour outeward bothe on horsebake & a foot of all men of armes whan they issued oute of the Cite of all the portes he hem araied as they shold countre with our meyne / And e••he of these Capitayn•• lad ••.M. men of armes and somme moo / And at the first comyng of oure kyng there were nombred by heraudes in to ••cc.M. of men & women and children what yonge and olde / and amonge alle thees was many a manfull man of his hondes & so they preued hem whā they issued oute of the Cite bothe on horsebake and on foot / for they come neuer at one gate oute allone / but at iij. or iiij gates & at euery gate ij. or .iij.M. of good mennes bodies y armed and manfully coū¦tred with our Englisshmen and moch peple slayne diuerse tymes with gonnes quarelles and othir ordinaunce ¶And this siege dur••d xx. wekes / And euer they of the toune hoped to haue be rescu¦ed / but ther come none / so at the last they kepte so longe y^• ••oun that ••he•• deide many thousandes within the toune for defaute of me••e of mē of wymmen & of children / for they had eten hir hors dogges and cattes that w••••e in the toune ¶And ofte tymes the men of armes drofe oute the poure peple oute at the gates of the toune for spendyng of vitaille / And anone our Englisshmen drofe hem in to the toune agayne ¶So at the last the Capit••yne of the tou¦ne saw the meschief that they were nat rescued / And also the sca••a¦te of vitaille / and that the peple so deide for defaute of mete euery day many thonsandes And also saw yong children lie and so••ke hir modres pappes and were•••• dede ¶Than anone they sente vn to the kyng besechyng hym of grace and mercy and brought the keies of the toune vn to the kyng and deliuered the toune to hym and all the ••oudiours voided the toun with hir hors and harneis & the communes of the toune for to abyde and duelle styll in the tou∣ne yerly to pay to hym and to his successours for a••••e maner custo∣mes and fee fermes and kateremes ¶And than the kyng entred in to the toune and rested hym in the Castell till the toune was sette in 〈◊〉〈◊〉 and in gouernaunce

¶How the kyng of Englond was made heritier & regent of fraun¦ce and how he wedded quene katherine Ca.CC.xlv.

ANd anone after that rone was goten Depe & many othir tounes in baas normandie yaf them ouer withoute strok or siege whan they vnderstode that the kyng had goten ro∣ne / Also this same yere had bene a pees made and sworne bitwene the duke of Burgoyne and the dolphyne whiche were sworne vp¦on o••r lordes body that they shold loue and assiste eche othir ayenst theyr enemies / And after this contrary to this oth / the duke Io∣han of Burgoyne was slayne and pitously murthred in the pre∣sence of the dolphyne wherfore the frenshmen were gretly deuided / & of verray necessite labouryd to haue a trayttye with the kyng of en¦glond / For the kyng of Englond wan daily of them tounes Cast••l¦les and fortresses / Also this same yere was quene Iane arestid & brought to the castell of ledis in kente / And one frere randolf a do∣ctor of diuinite her confessour / whiche afterward was slayn by the person of the tour fallyng at wordes and debate / And after Quene Iane was deliuered ¶In the vij. yere bothe kynges of fraunce & of Englond were acorded & kyng henry was made heir and regent of fraūce And wedded dame katerine the kynges doughter of fraū¦ce atte Troyes in Champaine on trinite sonday And this was ma∣de by the m••ne of Phelip newly made duke of Bourgoyne / which was sworne to kyng henry / For tauenge his fadres deth & was he come Englissh ¶And thenne the kyng with his newe wyfe went to Parys where he was rially receyued / And from thens he with his lordes and the duk•• of Bourgoyne and many othir lordes of fraunce leid s••ege to diuerse tounes and Castelles that helde of the dolphynes partie / and wan hem / but the toun•• of Melun held longe for theryn were good defendours ¶In the viij. yere the kyng and quene came ouer see and londed on Candelmasse day in the morwe at douer And the xiiij. day of fenerer the kyng came to london Aud the xxj. day of the same moneth the quene come And the xxiiij. day of the same she was crouned at westmynster / Also the same yere a∣none after ester the kyng helde a {per}lement at westmynster / at which {per}lement it was ordeyned that the gold in englissh coyne shold be weyed / and none resseyued but by weight / And anone after whit sontyd the kyng sailled to Calens and passed so forth in to fraunce And in marche the xxij. day / before the kyng came ouer / the duk of claren••e was slayne in fraunce and diuerse othir lordes taken priso¦ners as the erle of hūtyngdon / the erle of somersete with diu••se othir

And all was be cause they wold not take with hem archiers / but thought to haue doo with the frensshmen them selfe withoute hem / And yit whan he was slayne the archers come & rescued the body of the duke which they wold haue caried with hem / god ha•••• mer¦cy on his soule / he was a valiaunt man / And the same yere bitwe∣ne Cristemas & Candelmas the toune of Melun was yol••en to the kyng ¶In the ix. yere on seint Nicholas day in decembre was born Henry the kynges first begoten sone at wyndesore / whos godfadre•• at fontstone was Henry bisshopp of wynchestre & Iohan duke of Bedford & the duchesse of holand was godmoder / & Henry chiche ley Erchebisshopp of Caunterbury was godfadre atte conferming And in the x. yere the Cite of M••ws in brie was goten / which had bene longe beseged / And this same yere the quene shipped at hamp∣ton & sailled ou••r to the kyng in fraunce / where she was wurshipp∣fully receyued of the kyng / & also of the kyng of fraunce hir fa∣dre & of hir modre / And thus kyng Henry wan fast in fraunce & helde grete astate / & sate at dyner at a grete fest in Paris crouned & the quene also / which had not bene seen to fore & alle peple resorted vn to his court / but as to the kyng of fraūce he helde none astate¦ue rule but was left almost allone / Also this yere the wethercoke was sette vpon poulus steple at london / And this yere in the mo∣neth of August the kyng wexe sike at boys de vyncent / & whan he saw he shold deye he made his testament / & ordeyned many thyng••s nobly for his soule / & deuoutly resseyued all the rightes of holy chir¦che / in so ferforth that whan he was enoynted he said the seruise with the preste / and at the vers of the psalme Miserere mei deus / that was Benigne fac dn̄e in bona voluntate tua syon vt edificentur muri Ihrlm̄ / he bad tarie there & said thus / O good lord thou know∣est that myne entent hath bene & yit is if I myght lyue to reedyfie the wallis of Ihrlm̄ / and thenne the preest proceded forth & made an ende / And anone after this moste noble prince and victorious kyng flour in his tyme of cristen chiualrie whom all y^• world doub¦ted gaf his soule in to y^• handes of god & deide & made an ende of his naturell lyf at the said Boys de vyncent beside parys the xxxvj. ye¦re of his age / on whos soule god haue mercy Amen Thenne was y^• body enbamed & cered & lerde in a riall chare and an ymage like vn to hym was leyde vpon the corps open with diu••rse baners & horse couered richely with tharmes of Englond & fraunce / & also tholde armes of seint Edwardis / seint Edmond & othir & with grete mul¦titude of torchis / with whom wente the kyng of Scotland & many

othir lordes which accompanyd the body till it come vn to westmyn¦stre by london in Englond And in euery toune by the way he had solempnely his dirige on theuen & masse on the morne / & moche al∣messe was gyuen to poure peple by the way / And the vij. day of no¦uembre after the ••orps was brought thurgh london with grete re∣uerence & solempnite to westmynstre where he now lieth / it was wur¦ship fully buried / & after was leid on his tombe a riall ymage like to hym selfe of siluer and gylt which was made atte cost of quene katerine / And thus ended & is entered & buried the noble kyng hen¦ry the fyfte on whos soule & all cristen soules god haue mercy amen

¶Of the lawde of kyng Henry the fifthe / & what he ordeyned for kyng Richard & for him selfe after his dethe Capitulo du••ent••simo xlvj.

HEre is to be noted that this kyng henry the v. was a noble prince after he was kyng & crouned / how be it to fore in his yougthe he had bene wilde recheles & spared no thyng of his lustes ne desires / but accomplisshed them after his likynge / but as sone as he was crouned enoynted & sacred anone sodenly he was chaunged in to a new man & sette all his entent to lyue vertuously in mayntenyng of holy church / destroyng of of heretikis / Kepyng Iustice & defending of his Reame & subgettis And for as moch•• as his fadre had deposid by his labour the good kyng R••chard / & pytously made him to die / & for thoffence done to him aye••••st his lige¦aunce / he had sente to Rome to be assoilled therof / For which offence the pope our holy fadre enioyned him to make hym be p••••••••ed fore {per}¦petuelly / & like as he had done to be taken from hym his ••aturell lyf therfor he shold do founde iiij. tapers to brenne {per}petuelly aboute his body / that for the extinction of his bodely lyfe his soule may euer be remembred & lyue in heuen in spirituell lyfe And also that he shold ••uery weke on the day as it cometh aboute of his dethe haue a so∣lemp••e masse of Requiem on the euen to fore a dirige with ix les∣sons and a dole to poure peple alwaye on that day of xj. shillinges viij. pens to be delid peny mele / And ones in the yere at his anny∣uersarie his terment to be holden in the moste honeste wise / aud to be deled that day xx. pounde in pens to poure peple / And to euery mo••ke to haue xx. shillings which all these thinges {per}formed this noble kyng for his ••adre / for kyng henry the iiij. his fadre {per}formed it not ducing his lyfe / whom as it is said god touchid and was a

lepre er he diede / Also thenne this noble prince lete do calle all the abbottys and priours of seint benets ordre in englond And had thē in the chapitre hous of westmynstre for the reformacion of the ordre wherin he had comynicacion / And also with bisshops and men of y^• spūalte / in so fer forth / that they doubted sore he wold haue had the ••emporaltees oute of their handes / wherfore by thauys / labour and procuryng of the spūalte encoraged the kyng to chalenge Norman die & his right in fraunce / to thende to sette him a werke there that he shold not seke occasions to entre in to suche maters / And alle his ly¦ue after he labourid in the werris in conquering grete parte of the Royame of fraunce / that by the agrement of the kyng Charlis had all the gouernaunce of the royame of fraunce / and was proclamed regent & heir of fraunce / And so not withstandyng alle this grete werre that he had / yit he remēbred his soule & also that he was mor¦tall and must die For which he ordeyned by lys lyf the place of his sepulture where he is now buried & euery day iij. masses {per}petuelly to be songen in a faire chapell ouer his sepulture / of whiche the myd∣dil masse & the fyrste & lasse masse shal be as is assigned by him as it apperith by thise versis folowyng

¶Henrici misse quinti sunt hic tabulate ¶Que successiue sunt {per} monachos celebrate ¶Die dm̄ca ¶Prima sit assumpte. de festo virgiuis alme. ¶Poscit postremam xpūs de morte resurgens. ¶Feria ij. ¶Prima salutate. festo virginis extat ¶Nunciat angelicis. laudem postrema choris ¶Feria iij ¶Esse deū natū••e virgme prima fatetur ¶Cōmemorat na••am. sic vltima missa mariam ¶Feria iiij▪ ¶Prima celebretur. ad honorem neupmatis almi ¶••ltima conceptam. denūciat esse mariam. ¶Feria v. ¶Sem{per} prima coli. debet de cor{per}e xpristi ¶••ltima sit facta. de virgine purificata ¶Feria vj ¶Condecet vt prima. celebretur de cruce sancta. ¶At•••• salutate. fiet postrema marie ¶Sabbato ¶Omnes alij scōs. est prima colenda su••nos ¶••ltima de requie. pro defunctis petit esse ¶Sem{per} erit media. de {pro}prietate dei

¶And yit the noble kyug henry the v fouuded ij. houses of religi¦on one callid S••on beside braynford of the ordre of seint B••igitte bothe of men & women And on that othir side of the rin••r of t••mi¦se an hous of monkes of chartrehous in whiche two places he is

continuelly pray for nyght & day / for euer whan they of sion reste / they of the chartrehous done their seruise / and in like wise whan they of the chartrehous reste the othir goon to / & by the ringyng of y^• bellis of eyther place / eche knoweth whā they haue ••ded their seruise which be nobly endowed / & doon dayly ther grete almesse dedes / as in the chartrehous certayne children ••en foūde to scole & at sion cer∣tayne almesse gyuen dayly / And yit beside all this he had foūded a recluse which shall be alway a preest to pray for him by y^• said char¦trehous / which preest is well & sufficiently endowed for him & a ser¦uaunt / ••o here may all princes take ensample by this noble prince that regnyng so litell tyme not fully x. yere did so many noble actes as well for his soule to be {per}petuelly remēbred & praied for as in hi•• worldly conquestis & he being in his most lusty age despised & esche wid sinne & was vertuous & a grete Iustiser in so moche that all y^• princes of Cristendome dradde hym & also of hethenes / & had de••my¦ned iij him selfe if god wold haue spared him y^• he wold haue wer¦red agayn the sarasyns / & for to knowe the ayde of othir ••nces & all the passages in that Iourney he sente a knyʒt of henaude named sir hugh de lanoye vn to Ihrlm̄ / but e•• he retorned he deide at boys du vincēt in the xxxvj. yere of his age on whos soule god haue mercy

¶How kyng Henry the vj. regned beyng a childe not one yere of age / & of the bataille of vernoill in perche Ca.cc.xlvij

AFter kyng henry the v. regned henry his sone but a child & not fully a yere olde whos regne begā the first day of sep¦tēbre the yere of oure lord M.cccc.xxij. This kyng beyng in his cradell was moch doubted & drad by cause of the grete conquest of his fadre & also the wisedom & guyding of his vncles the duk of bedford & the duk of gloucestre / This yere the xxj. day of Octobre dei¦de Charles kyng of fraunce / & lieth buried at seint denys / And then was the duke of bedford made regent of fraūce / & the duke of glou∣cestre was made {pro}tectour & defendour of englond / And the first day of march after / was sir william Taillour preest degrated of his preesthode & on the morne aft••r he was brent in smythfeld for here∣sie. This yere sir Iames stiward kyng of scottes maried dame Iane the duches doughter of Claren•••• of hir first housbonde therle of So∣mersete / at seint mary ouerays / Also this yere the xvij. day of Au∣gust was the bataill of vernaill in perche bi••wene the duke of B••dt¦ford regent of fraunce and the duke of alaunsone / whiche was a grete bataille The duke of Bedford had on his side with hym the Erle of Salysbury Mountagu and the lord Talhote and alle

the poer that they coude make in Normandie the garnyso••s kep••e And also many Capitayns with moche peple of the duke of bur¦goyns And on that othir side was the duke of Alaunson / the du¦•••• of Curon that was therle douglas / the erle of Boughan with many lordes of fraunce and grete companie of Scottes and army naks And thenne the Erle douglas callid the duke of Bedford Iohan with the beden swerd / and he sente hym worde agayne that he shold fynde that day that his swerd was of steell / And so the bataille Ioyned on bothe sides and fought longe / that ther wyste noman who shold haue the better a grete while / but at the laste as god wold the victorie fyll vn to the Englissh partie / For ther we¦re slayne / the Erle douglas which a litell before was made duke of Turone / the Erle of bowhayne / the Erle of almarre / the erle of Tounar / the Erle of vauntedore and the viscounte of Nerhonne whiche was one of them that slowe duke Iohan of Bourgoyne knelyng tofore the dolphyne and many moo vn to the nombre of ten thousand and moo And ther was taken prisoner the duke of Alaunson and many othir lordes and gentils of fraunce / but scot¦tes that day were slayne doune right the substannce of them alle.

¶In the thridde yere of kyng Henry the vj. the duke of gloucestre maried the duchesse of holand and wente ouer ser with hir in to hena••de for to take possession of his wyfes enheritaunce where he was honourably receyued and taken for lord of the londe But sone after he was fayn to retourne home agayne and lefte his wy¦fe and his tresour that he brought with hym in a toune is called Mounse in henaude / whiche promysed for to be trewe to hym / Not∣withstandyng they deliuered the lady to the duke of Bourgoyne whiche sent hir to gaunt And from thens she escaped in a mannes araye / and come in to zeland to a toun̄ of hir owne called zierix••e And fro thens she wente to a tonne in holand called the ghowde and there she was stronge ynough and withstode the said duke of bourgoyne / And sone after the duke of Gloucestre sente ouer in to Zeland the lord fitzwater with certeyne men of werre and Ar∣chers for to helpe and socour the forsaid duchesse of holand / which londed at a place in Zeland called brewer•• hauen / where the lor∣des of the contre come doune and fought with hym / and in conclu¦sion he was fayn to withdrawe hym and his meyne to the see aga¦ne / But yit he slewe and hurte diuerse lordes and moche peple of that same contreye / And so retourned home agayne with his meyne and preuayled no thyng ¶Also this same ye••••

Erle of Salisbury / the Erle of suffolke / the lord wylby and the lord Scalis with their retenue leid siege to the Cite of Manus / the which Cite was yolden to them in short tyme with many othir stron¦ge tounes and Castels to the nombre of xxxvj. ¶This tyme alle Normandie and a grete part of fraunce vn to Orl••aunce was vn∣der thobeyssaunce of the kyng of Englond / And alle the remenaūt of fraunce was in grete trib••lacion and meschief

¶How ther was a grete affraye like to haue bene bitwene the Car¦dinall aud the duke of Gloucestre / And of the coronacion of kyng Henry the sixthe bothe in englond aud in fraunce Capitulo ducentesimo xlv.ij.

IN the iiij. yere the same nyght that the Maire of london Io∣han Couentre had taken his charge / was a grete wacche in london / for affray that was bitwene the bisshopp of wyn¦chestre and the duke of Gloucestre protectour &•• For the maire with the peple of the Cite wold abide by the duke of Gloucestre as prote∣ctour of the Reame / but by labour of lordes that wente bitwene & in especiall by the labour of the Prince of Portingale / ther was a poyntement taken that ther was no harme done / And after the ba∣taille of verneyll in perche the duke of Bedford come ••uer in to en∣glond / And on whitsonday this same yere at leycestre he dubbed kyng Henry knyght / And forthwith the said kyng Henry dubbed alle these knyghtes / whos names folowe / that is to wete Richard duke of yorke / also the sone aud heire of the duke of Norffolke / the Erle of Oxenford / the Erle of westmerland / the sone and heire of the Erle of Northumberland / the sone and heire of the Erle of ••r∣mond / the lord Roos / Sir Iames butele•• •• the lord matrauas / Sir Henry Gray of Tankeruile / Sir william Neuill lord Fawconbrig¦ge / sir George Neuill lord latymer / The lord wellis / the lord berkley The sone and heire of the lord Talbot / Sir Rauf gray of werk / Sir Robert veer / Sir Richard gray / Sir Edmond hongerford / Sir Ro¦bert wynkfeld / Sir Iohan boteller / Sir Raynold cobham / Sir Io¦han passheley / Sir Ihomas Tunstall / Sir Iohan Chidioke / Sir Rauf langford / Sir william drury / Sir william ap Thomas / sir Richard Carbonell / Sir Richard wydeuile / Sir Iohan Sh••rde∣lowe / Sir ••icholl blonket / Sir Rauf Ratteclife•• sir Edmond traf∣ford / Sir william Cheyne / sir williā babyngton / sir Iohan Iune / sir

Gilbert Beauchamp ¶Item in the v. yere the duke of Bedford with the duchesse his wyfe went ouer see to Caleys And a litell to fore went ouer Harry bisshopp of wynchestre And on our lady day Annunciacion in our lady ch••rche at Caleys the bisshoppe of wynchestre whan he had songe masse was made Cardinall / And he knelyng to fore the hye auter the duke of Bedford sette the hat on his hede / and there were his bulles red as well of his charge as the reioyssyng of his benefices spirituel and temporel

¶And this same yere was grete habundaunce of Rayne / that the substaunce of heye and of corne was destroied / For it rayned almost euery othir daye ¶This same yere the good Erle of Sa¦lisbury sir Thomas Montagu leid siege vn to Orliaunce at which siege he was slayne with a gonne / which come oute of the toune / on whos soule god haue mercy For sith that he was slayne english men neuer gate ne preuayled in Fraunce / but euer after began to lese litel and litell till all was lost ¶Also this same yere a breton murthred a good wedowe in her bedde withonte algate / whiche we¦dowe fonde hym for almesse / And he bare away all that she had.

And after this he toke the grith of holy chyrche at se••••t Georges in south werk / and there toke the crosse and forswore this lond

And as he went it happend that he came by the place where he did this cursed dede in the subarbis of london / And the women of the same parissh come oute with stones and canel dunge and slowe and made an ende of hym / Notwithstanding the Constables and many other men beyng present to kepe hym / For there were many women / and had no pite ¶Also this same yere the duke of Nor∣folke with many gētilmen and yomen toke his barge the viij. day of Nouembre at seint mary ouereyes for to haue goo thurgh lon∣don brigge / and thurgh mysguydyng of the barge / it ouerthrewe on the piles and many men drowned / but the duke hym selfe with ij. or iij. lepe vpon the piles and so were saued with helpe of m••n that were aboue the brigge wiche casted donne Roopes / by whiche they saued hem selfe ¶This same yere on seint Lenardes day kyng Henry beyng vij. yere of age was crouned at westmestre / at whos Coronacion were made xxxvj. knyghtes This yere on seint Geor∣ges day he passed ouer the see to Caleys toward fraunce ¶Aboute this tyme and afore the Royame beyng in grete miserie and tribu¦lacion / the dolphyne with his partie began to make werre and ge¦te certeyn places and make destrusses vpon englisshmen / by the me¦ne of his Capitayns that is to wete la heer & po••••n de seyntraylles

and especiall a mayde whiche they named la pucelle de dien / This ••••aid ro••d like a man & was a valyant Capitayne amonge them and toke vpon hir many grete enterprises in so moche that they had a beleue to ha••e recouered alle theyr losses by hir / Not with∣standyng at the laste after many grete feates / by the helpe and prowesse of Sir Iohan Luxemb••rgh whiche was a noble Capi∣tayne of the dukes of Burgoyne and many Euglisshmen Picar∣des and Burgoygnous whiche were of oure partie before the tou∣ne of Compyne the xxiij. day of May the forsaid pucelle was ta∣ken in the felde armed like a man and many othir Capitayns with her / And were all brought to Roan and ther she was put in pri∣son / And ther she was Iugged by the lawe to be brent / and then ne she said that she was with childe / wherby she was respi••ed a while / But in conclusion it was foūde that she was not with chil¦de / and thenne she was brent in Roan / And the othir Capitayns were put to raunsone and entreated as men of werre bene a••••sto∣med &••. ¶This same yere aboute Candelmasse Richard hū¦der a wollepacker was dampned for an heretike and brente at tour hylle / And aboute midlente Sir Thomas Baggely preest and vi¦carie of Mauen in Ests••xe beside walden was disgrated and damp¦ned for an heritik•• and brente in smythfelde / ¶And also in this same yere whiles the kyng was in Frannce ther were many here∣tiks and lollars that had purposed to haue made a risyng & caste billi•• in many places / But blessed be god almyghty the Capitayn of hem was taken whos name was william Maundeuile a we••ar of abendone and bayly of the same toune whiche named hym selfe Iack sharp of wigmoresland in walys / And afterward he was heheded at abendone in the whitsonweke on the tewysday This same yere the vj. day of decembre kyng henry the vj. was cr••uned kyng of Fraunce at Paris in the church of our lady with grete so lempnite / There beyng present the Cardinall of englond the duk of Bedford and many othir lordes of fraunce & of englond / And aft this coronacion & grete feste holden at parys the kyng retorned from thens to Roan & so toward Caleys / And the ix. day of F••uerer lon¦ded at douer / whom all the comyns of kente mette at beramdoun bi¦twene Caunterbury and Douer alle in rede hoodes / And so came forth till he come to the black bethe / where he was mette with the Mayre Iohan wellys with all the craftis of london clad alle in white / And so they brought hym to london the xxj. day of the same moneth ¶This same yere was a restraynt of the wollis

of Caleys made by the soudyours by cause they were not paid of their wages wherfor the duke of Bedford Regent of Fraunce beyng thenne Capitayn came to Caleys the tewisday in the ester∣w••ke And on the morne after many soudiours of the toune were arested and put in warde And in the same w••ke he rod to tere∣wyne And by the mene of the bisshopp of terewyne he wedded the Erles doughter of seint Poul and came agyne to Caleys

And the xj. day of Iuyne on seint Bernabes day there were four soudiours of Caleys that were chief causers of the restreynt byhe¦ded that is to wete Iohan Maddeley Iohan lundaye Thomas palmer and Thomas Talbot And an C.x. banysshed the toune that same tyme And before were banysshed honderd and xx. sou¦diours And on mydsomer euen after came the lord regent and his wyfe to london Ca.CC.xlix.

ABoute this tyme Pope Martyn deyde And after hym Eugenye the fourthe was Pope This was pes••bly chosen in Rome by the Cardinals and was very and indubita∣te Pope But shortly after he was put and expulsed oute of rome in suche wyse that he was fayne to flee naked In this same tyme was the Counseill of basyle to whiche Counseyll he was cited to come And because he came not they deposed hym but he rought not ne sette not ther by but gate the Cite of Rome and abode still Pope xvij. yere This yere aboute whitsontyde the heretiks of praghe were destroied For at two Iourneys were destroied of them mo than xxij thousend with hir Capitayns that is to wete Procapius Saplico & lupus presbiter Also there was taken a lyue Maister piers clerke an Englisshman and heretike Also this same yere was a grete frost and a stronge duryng xj. wekes For it began on seint kateryns euen and lasted vn to seint Scolasticais day in feuerer in whiche ty¦me the vyntage that came from Burdeux come ouer shoters hylle This yere was the Counseill of Aras and a grete trayttye bitwe∣ne the kyng of Englond and the kyng of Fraunce where was as¦sembled many grete lordes of bothe {per}ties at which Counceill was offrid to the kyng of Englond many grete thingis by the mo••en of a legate that come fro Rome which was Cardinall of seint Crosse whiche offres were reffused by the Cardinall of Englond & othir lordes that were there for the kyng wherfore the duke of Bourgoi¦ne whiche had bene long Englissh sworne forsoke our partie and re¦tor••ed frensshe by mene of the said legate and made a pees with the frensh kyng receyuyng of the kyng for recompensing of his fadres

deth the counte pon••••eu / the lordshipp of Macon which moche othir as is specified in the said trayttye / And so our embassadours came home agayne in werse caas than they wente / For they lost there the duke of bourgoyne whiche had bene with his bourgoynous and picardes a singuler helpe in alle the conquest of normandy and of fraunce ¶This same yere was a grete bataill on the see bitwene y^• Ieneweys and the kyng of Aragon / of whiche bataill the Iene∣weys had the victorie / for they toke the kynge of Aragon / the kyng of Nauerne and the grete maister of seint Iames in galise with iij.C. kynghtes and squyers and moch othir peple / And this was on seint dominiks day ¶This same yere were seen iij. sonnes atto∣nes And anone folowed the threfold gouernaunce in the chyrche / that is to wete of Eugenye of the Counseill / & of the neutralite Al¦so this same yere M.CCCC.xxxiiij. was a passyng grete wynde / by whiche steples houses & trees were ouerthrowen Aboute this ty¦me was an holy mayde in holande called lyd with / whiche lyued only by miracle not etyng only mete This yere the duke of Bour¦goyne began his ordre at lyle of the golden Flyes / and ordeynid certeyne knyghtes of the ordre and made statutes and ordinaūces moche accordyng vn to the ordre of the Garter / Also this same yere the fren••shmen had enterprised to haue stolen Caleys in the fisshing tyme / For many ••ootis of fraunce had sauf••onduytis to come to ca¦leys for to take hering / And the soudiours of the toune had a cu∣stome to come to chyrche and leue their stauis standyng at chyrche dore / which stauis the frensshmen which were araied like fysshers had purposed to haue taken so their wepen and wynne the toune / but one of them lay with a comyn woman the nyght to fore and tolde to hir their coūseill / And she on the morne told the lieutenaūt which forthwith commaunded that euery man shold kepe his we∣pen in his honde sakryng tyme and othir / And whan they apper¦ceyued this / that they were myspoynted they sailled strayt to D••pe and stale and toke that toune And on Newyers euen after they toke harflete And thus Englisshmen began to lose a litell and a litell in Normandie.

¶How Caleys and ••uynes were beseged by the duke of Bour¦ctoyne and how they were rescued by the duke of Gloucestre Capitulo ducentesimo quinquagesimo.

THis yere was a gret noyse thurgh all Englond how the du¦ke of Bourgyne wold come and besege Caleys / wher∣for the Erle of Mortayne with his armye that he had

for to haue goon with in to fraūce / was countremaūded & charged that he shold go to Caleys / which was at that tyme well vitailled and manned / for sir Iohan Ratclife was lieutenaunt of the kyng in that toune / And the Baron of dnddeley lieutenaunt of the Ca∣stell / And the ix. day of Iuyll the duke of Bourgoyne with alle the power of Flaundres and moch othir peple come before Caleys and s••tce his siege aboute the toune / and euery toune of Flaun∣dres had their ten••es by hem selfe / And this siege endured ••hre we¦k••s / In the mene while the duke of Gloucestre beyng protectour of Englond toke the moste part of the lordes of Englond and wen¦te ouer the se•• to Caleys for to rescue the toune or to fight with the duke and his ••ost if they wold haue ••yden this tyme london and euery good toune of Englond sente ouer see to this rescouse certeyn peple well araied of the best and chosen men for the werre / And the ij. day of August the said duke of Gloucestre arriued at Caleys with alle his armye and v. houndred shippes and moo / And the duke and alle his ••ost that lay in the s••ege as sone as they espied the sailles in the see / before they approched Caleys hauen / sodenly in a mornyng departed fro the siege / b••uyng behynde them moche stuf∣fe and vitaille / and fledde in to Flaundres and Picardie / and in like wyse dide the siege that lay tofore Guynes / where as they of Guynes toke the grete gonne of brasse called digeon and many oth••r grete gonnes and serpentines / ¶And thenne whan the duke of Gloucestre was arriued with alle his oost / he wente in to Flaundres and was therinne xj. daies and did but litell har∣me except / he brente two faire villages Poperinge and Belle / and othir houses whiche were of no strengthe / and so he retorned home agayn•• ¶Also this same yere the kyng of scotland beseged Rokesburgh with moche peple / But Sir Rauf Gray departed fro the Castell and ordeyned for rescouse / But assone as the kyng vnderstode his departing he sodenly brake his siege and wente his way and leuyng moche ordenaunce behinde hym where he gate no wurshipp / ¶This same yere he ij. day of Ianiu••r Quene Ka∣therine which was the kynges modre and wyfe to kyng henry the fifthe deide and departed oute of this world and was brought ri∣ally thurgh london and so to westmynstre and there she l••eth wur∣shipfully buried in our lady chapell / ¶And also this same yere the xiij. day of Ianiuer fill doune the 〈◊〉〈◊〉 with the toure on hit on london bagge toward southwerke with two archis and alle that stode theron / ¶This same yere was a grete traittie holden bitwene

Grauenyng and Caleys bitwene the kyng and duke of Bourgo¦yne where for the kyng was the Cardinall of englond the duke of norfolk and many othir lordes and for the duke was the duchesse hauyng full power of hir lord as Regent and lady of his londes / where was taken by thauys of bothe parties an abstinence of wer¦re for a certayne tyme in the name of the duchesse and not of the duke because he had goon from his ooth & ligeaunce that he had ma¦de to kyng Henry therfor the kyng neuer wolde write ne appointe ne haue to do with him after / but all in the duchesse name Also thi•• same yere quene Iane died the ij. day of Iuyll whiche had ben kyng henry the fourth is wife & was caried fro bermondesey vn to Caun¦terbury where she lieth buried by kyng henry the iiij. her housbond ¶This same same yere died all the lyons in the tour of london the whiche had not be seen many yeres before oute of mynde.

¶How Owayn a squyer of wales that had wedded quene kate¦rine was arested / and of the scisme bitwene Eugenie and Felix Capitulo CC.li.

IN the xvj. yere of kyng henry deide Sigismonde Em{per}our of Almaigne & knyght of the garter / whos terment the kyng kepte at seint poules in lōdon rially where was ma¦de a riall herse / & the kyng in his astate clad in blew was at euē at dirige & on the morne at masse &••. And after hym was elect & cho¦sen Albert duke of Ostrich whiche had wedded Sigismūdus dou∣ghter for to be Em{per}o••r / This was taken & resseyued to be kyng of beme & vngarie because of his wife that was sigismūdis doughter whiche lefte after hym none othir heir This Albert was Em{per}our but one yere / for he was poysond & so deide / somme saye he deide of a flixe / but he was a r••tuouse man & pitefull so moche / that alle the peple that knewe hym said that the world was not worthy to haue his presence / This same yere one Owayn a squyer of walys a mā of lowe birth / whiche had many a day tofore secretely wedded que∣ne ketherine and had by her iij / sones & a doughter was taken & cō∣maunded to newgate to prison by my lord of gloucestre {pro}tectour of the reame / Aod this yere he brake prison by the mene of a prest that was his chapelayne / And after he was taken agayn by my lord ••e¦mond & brought agayn to newgate / whiche afterward was deliue¦red at large / And one of his sones afterward was made erle of ri¦chemōd & anothir erle of penbroke / & the iij a monk of westmynstre

whiche monke deide sone after ¶This same yere also on Newyeres day at baynardiscastell fill dou•• a stake of wode sodenly at af••••rno ne and slow iij. men meschi••uously and foule hurt othir Also at bed ford on a shrireday were xv••ij. men murtherd withoute stroke by fallyng doune of a steir as they come oute of their comyn halle / and many foule hurt ¶In the xviij. yere sir Richard Branchamp the good Erle of warre wyke deide at Roan he beyng that tyme lieute∣naunt of the kyng in Normandie / and from thens his body was brought to warrewyke / where he lieth wurshipfully in a new Cha∣pell on the southside of the quyre / Also this yere was a grete derthe of corne in all Englond / for a busshell of whe••e was worth xl. pens in many places of Englond and yit men myght not haue y nowgh wherfore Stephen Broun that tyme maire of london sent in to pru∣se and brought to london certayne shippis laden with Rye / whiche eased and did moche good to the peple / for corne was so skarce in Englond that in somme places of Englond poure peple made hem brede of fern rotes ¶This yere the generall counseill of basile deposed pope Eugenye / And they chese Felix which was duke of Sauoye / And than began the scisme which endured vn to the yere of our lord Ihesu crist .M.CCCC.xlviij. This Felix was a deuou¦te prince / and saw the sones of his sones / And after lyued a holy and denoute lyfe And was chosen pope by the counseill of Ba••ile Eugenye deposed / And so the scisme was longe tyme And this Fe¦lix had not moch obedience / be canse of the n••utralite / for the moste parte and well n••gh all cristendome obedied aud reputed Eugenye for very pope / god knoweth who was the very pope of them bothe / for bothe occupied during the lyfe of Eugenye. ¶This same yere Sir Richard wiche vicarie of hermettesworth was degrated of his presthode at Poulis and brente at tourhyll as for an heretike on seint Botulp••us day / how well at his deth he deide a good cristēmā / wherfor after his dethe moche peple come to the place were he had he brente and offred and made a heepe of stones and sette vp a crosse of tree & helde hym for a saynt till the maire and shereuis by commaundement of the kyng and of bisshoppes destroied it / and made there a dou••hylle ¶Also this same yere the shereuis of lon∣don fette oute of Seint Martins the graunt the sayntwarie fiue per¦sones / whiche afterward were restored agayne to the Sayntwarie by the kynges ••••stices / ¶After Alberte the iij. Frederike was chosen Em{per}our / This Frederike duke of Osterike was longe Em¦{per}our & differred for to be crouned at rome by cause of the scisme but

after that vuion was had he was crouned with Imperiall diademe with grete glorie and triumphe of pope Nicholas the iiij This was a man pesible. quiete and of singuler pacience not hating the chyrch he wedded the kyng of Portingales dougter &••.

¶How the duchesse of Gloucestre was arested for treson / and com¦mitted to perpetuall prison in the Ile of man / And of the deth of maister Rogier ••olyngbroke Ca.CC.lij.

IN this yere Elianore Cobham duchesse of Gloucestre was arested for certayn pointies of treson leid agayn hir / wher vpon she was examined in seint stephens chapell at west mestre before the Erchebisshopp of Caunterbury And there she was enioyned to open penaunce for to go thurgh chepe beryng a taper in her hond & after to perpetuall prison in the Ile of man̄ vnder the kepyng of sir Thomas stanley / Also that same tyme was arested Maister Thomas south well a chanon of westmynstre maister Io¦han hume a chapelayn of the said lady / maist••r Rogger bolynbrok a clerk vsing nigromancie And one margery Iurdemayn cal∣led the wich of Eye beside westmynstre / Thise were arested as for beyng of counseill with the said duchesse of gloucester And as for maister Thomas southwell he deide in the tour the nyght before he shold haue he reyned on the morne / For so he said hym selfe that he shold deye in his bedde and not by Iustise / And in the yere xx. mai¦ster Iohan hume and maister Rogger bolynbroke were broght to the guyldhalle in london and ther before the maire the lordes and chief Iustice of Englond were rayned and dampned both to be dra¦wen hanged & qnarterd / but maister Iohan hume had his chartre & was pardoned by the kynge / but maister rogier was drawen to ty∣burne where he confessid that he deide giltles and neuer had trespa∣ced in that he deid fore / Notwithstanding he was hanged / heded and quartred / on whos soule god haue mercy / And margery Iurde∣mayn was brent in smythfeld / Also this yere was a grete affraye in fletstrete by nyghtes tyme bitwene men of court & men of london and diuerse men slayne and somme hurte / And one herbotell was chief cause of the mysgouernaunce and affraye / Also this yere atte chesing of the maire of london the cōmunes named Robert clop¦ton & Rawlyn holand Taylourp And the Aldermen toke Robert clopton and brought hym atte right honde of the Maire as the cu∣stome is / And thenne certayn Tayllours and othir hond crafty

men cried nay nay not this man but ra••lyn holande / wherfore the Maire that was padysly sente tho that so cried to Newgate / where they abode a grete while and were punysshed ¶In this same yere were diuerse embassatours sente in to Guyan for a mariage for the kyng for the Erles doughter of Armynake / whiche was conclu∣ded / but by the mene of the Erle of suffolke / it was lette and put a parte / ¶And after this the said Erle of suffolke wente ouer the see in to Fraunce and there he treated the mariage bitwene the kyng of Englond and the kynges doughter of S••cyle and of Ihe¦rusalem / And the next yere it was concluded fully that mariage by whiche mariage the kyng shold deliuere to hir fadre the duchie of Angeo / and the Erledome of Mayne whiche was the keye of Nor∣mandie / Thenne departed the Erle of suffolke with his wyfe and di¦uerse lordes and knyghtes in the moste riall astate that myght be oute of Englond with newe chares and Palfrayes whiche wente thurgh chepe / and so wente ouer the see / and resseyued hir and sith brought her in the lente after to hampton where she landed / & was rially receyued / And on Candelmasse euen before by a grete tempest of thonder and lightnyng at afternone / Paulus steple was sette a fire on the middes of the shafte in the tymbre / which was quenched by force of labour / and specially by the labonr of the morow masse preest of the ••owe in chepe / which was thought Impossible / sauf on¦ly the grace of god ¶This yere was the Erle of Stafford made & create duke of ••okyngham / the erle of warrewyke / duke of war¦wyke therle of Dorset marquys of Dorset / & therle of suffolke wa•• made marquys of suffolke

¶How kyng Henry wedded Quene Margarete and of hir co∣ronacion Capitulo ducentesimo lij.

IN this yere kyng Henry maried at southwyke Qu••ne Margrete / And she come to london the xv••ij. day of Maye And by the way alle the lordes of Englond resseyued hir wurshipfully in diuerse places / and in especiall the duke of Glou¦cestre / and on the blake heth the maire aldremen & alle the craftes in blewe gounes browdred with the deuise of his craft that they myʒt be byknowen mette with hir with reed ho••des / and brought hir to london where were diuerse pagentis and countinaunce of diuerse histories shewde in diuerse places of the Cite Ryally and costlew

And the xxx. day of maye the forsaid Quene was Crouned at westmynstre And there was Iustes iij. daies during / within the sayntuarie to fore the abbeye / This yere the priour of kylmian appe∣led the erle of vrmond of treson / whiche had a▪ day assigned to them for to fight in smythfeld / And the lystis were made and feeld dres¦sid / but whan it came to point the kyng commaūded that they shold not fight / but toke the quarellis in to his owne hond / and this was doon at the Instaunce & labour of certayn prechours and doctours of london as maister Gilbert worthyngton parson of seint andrew•• in holborne and othir / Also this same yere came a grete enbassade in to Englond oute of fraunce / for to haue concluded a {per}petuel pe∣es / but in conclusion it torned vn to a triews of a yere / Aboute this tyme deide seint Bernardyne a gray frere whiche began the newe re¦formacion of that ordre in many places in so moche that they that were reformed bene called obseruauntes whiche obseruauntes be•••• encrecyd gretly in Italie & in Almaigne / This Bernardyn was Canonysed by Pope Nicholas the fyfthe In the yere M.CCCC.l. Iohanes de Capestrano was his disciple / whiche proufited moch to the reformacion of that ordre / for whom god shewd many a faire miracle also / here is to be noted that frō this tyme forward kyng Henry neuer proufited ne wente forward / but fortune began to tourne from hym on all sides as well in fraunce Normādie guyan as in Englond / Somme men holden opinione that kyng Henry gaf cōmyssion plenery to sir Edward hulle sir Robert roos Dene of seint seuerins and othir to conclude a mariage for hym with the erle of Armynaks suster / whiche was promysed as it was said & cocluded / but afterward it was broken / and he wedded quene mar¦gret as a fore is said / whiche was a dere mariage for the Reame of Englond / For it is knowen verily that for to haue her was deliue¦red the duchie of Angeo / and the erledome of mayne / whiche was the keie of Normandie for the frensshe men tentre And aboue this the said marquys of suffolke axyd in playn parlement a fyften••h and an half for to feche her oute of fraūce / lo what a mariage was this / as to the comparison of that othir mariage of armynak / For ther shold haue bene deliuered so many Castels and tounes in guy¦ane and so moche good shold haue ben yeuen with her / that alle En¦glond shold haue ben ther by enriched / but contrarie wise fyll wher fore euery grete prince ought to kepe his promyse / for because of bre¦ky••g of this promyse / and for mariage of Quene Margret what losse hath had the Reame of Engloud / by lo••yng of Normand••e

and Guyan / by diuision in the Reame / the rebelling of communes ayenst their prince & lordes / what diuision amonge the lordes / what murdre and sleyng of them / what feldes fough••en and made / in cō¦clusion so many that many a man hath lost his lyfe and in conclusi¦on the kyng deposed and the quene with hir sone fayne to flee in to Scotland and from thens in to fraunce and so to lorayne the pla¦ce that she come first froo / Many men deme that the brekyng of the kyn••es promise to the suster of therles of Armynake was cause of this grete losse and aduersite

¶How the good duke of Gloucestre humfrey the kynges vncle was arested at the parlement of bury / and his deth / And how An∣geo in mayne was deliuered Capitulo ducentesimo liij.

IN the yere xxv. of kyng Henry was a parlement at bury called seint Edmo••des burie / aboute which was commaū¦ded all the communes of the contre to be there in their moste defensable araye for to awayte vpon the kyng / To which ••arlement come the duke of Gloucestre humfrey the kynges vncle •• which had bene protectour of Englond alle the none age of the kyng / And a∣none after he was in his logginge he was arested by the viscounte ••emond the Conestable of Englond whom accompanied the duke of Bokyngham and many othir lordes And forthwith all his ser¦uauntes were commaunded for to departe from hym / and xx••ij. of the chief of them were also arested and sente to diuerse prisons / and anone after this said areste / the said duke was on the morn•• dede on whos soule god haue mercy Amen / but how he deide and in what maner the certeynte is not to me knowen / some saide / he deide for sor∣we / somme saide he was murthred bitwene two fetherbeddes othir said that on hot•• spite was put in his foundement / but how he deide god knoweth / to whom is no thyng hyd / And thenne whan he was so dede he was leid open that alle men myght see hym / And so bothe lordes and knyghtes of the shires with burgeises come & saw hym lye dede / but wounde ne token coude they perceyue how he deide / here may men marke what this world is / this duke was a noble man & a grete clerke / and had wurshipfully tuled this Reame to the kyn∣ges behoof / and neuer coude ••e founde faute to hym / But enuie of

them that were gouernours and had promised the duchie of An∣geo and the Erledome of Mayne caused the destruction of this no∣ble man / for they drad hym / that he wold haue enpesshed that de••••ue¦••aunce / And after they sente his body to seint Albons with certeyn lightes for to be buried / And so Sir Geruays of Clifton had than the charge to conueye the corps / And so it was buried at Seint Al¦bons in the Abbey / and v. persones of his haushold were sente to lon¦don / and there were Rayned and Iugged to be drawen hanged and quartred of whom the names were Sir Rogger Chambur∣layne knyght on Middelton a squyer / Herbard a squyer / Arthur a squyer / and Richard Nedham / whiche v. persones were drawen from the tour of london thurgh chepe vn to Tilorne and there han∣ged and late doune quyke / and thenne stript for to haue bene heded and quartred / And thenne the Marquys of suffolke shewd there for them the kynges pardon vnder his grete seal / and so they were pardonned of the remenaunt of the execucion and had their lyues And so they were brought agayne to london / and after frely deli∣uered ¶Thus began the troble in the Reame of Englond for the dethe of this noble duke of Gloucestre / Alle the communes of the Roya••e began for to murmure for it and were not content ¶Af∣ter that Pope Eugenye was dede Nicholas the fifthe was electe po∣pe / This Nicholas was chosen for Eugenye yit hangyng the scisme Notwithstondyng he gate the obedience of alle Cristen Royames / For after he was electe and sacred pope / certayne lordes of Fraun∣ce and of Englond were sente in to Sauoye to Pope Felix / for to entrete hym to cesse of the papacie / And by the speciall labour of the bisshoppe of Norwych and the lord of Seint Iohanes he cessed the the second yere after that pope Nicholas was sacred / And the said Felix was made legate of Fraunce and Cardinall of Sauoye

And resigned the hole papacie to Nicholas / And after lyued an holy lyfe and deide an holy man / and as it is said Almyghty god sheweth miracles for hym ¶This was the xxiij. scisme bitwene Eugenye and Felix / and dured xvj. yere / the cause was this / the gene ••all counseill of Basi••e deposed Eugenye whiche was only Pope & Indubitate for as moche as he obserued not & kepte the de∣crees and statutes of the counseill of Constaunce as it is afore¦said / N••thir he rought not to gyue obedience to that generall Coun¦seill in no maner wyse / wherof aroose a grete Altercacion among writars of this mat••r pro and contra / which can not accorde vn to this day ¶One partie saith that the Counseille is aboue

the Pope That othir {per}tie said nay / but the pope is aboue the coūseill God blessyd aboue alle thmges gyue & graūte his pees in hooly churche spouse of Crist amen / This Nicholas was of Iene comē of lowe burth / a doctour of diuinite / an actif man / he reedified many places that were broken and ruynous / and dide do make a grete walle aboute the palais / and made the walle newe aboute Roome for drede of the turkes / And the peple wondred of the ceesing and resignyng of Felix to hym considered that he was a man of so hum¦ble burth / And that othir was of affinite to all the most part of cristen princes / wherof ther was a verse publisshed in Rome in thi•• maner. Lux fulsit mundo cessit Felix Nicholao

¶How sir Franceys aragonoys toke fogiers in normandie And of the losse of Constantinoble by the turke Capitulo ducentesimo liiij.

IN the yere of kyng Henry xxvij / beyng triews bitwene fraunce and Englond a knyght of the Englissh partie named sir Franceys aragonoys toke a toune of Norman die named Fogiers / ayenst ••he triews / of which takyng began mo¦che sorow and losse For this was the occasion by whiche the frensh¦men gate all Normandie &••. ¶Aboute this tyme the cite of Con∣stantinople whiche was imperiall cite in all grece was taken by the turkes infidels / whiche was betrayed as somme holde oppinion & the Em{per}our taken and slayne / And that riall chyrche of sancta sophia robbed and despoilled and the reliques and ymages and the Rode drawē aboute the stretes whiche was done in despite of cri¦sten feith / And sone after alle cristen faith in grece perisshed & ••essid Ther were many cristen men slayne and innumerable sold & put in capti••ite / by the takyng of this toune the turke is gretly enhaū¦sed in pride / And it is a grete losse vn to all cristendome ¶In the yere xxviij. was a parlement holden at westmynstre / And frō thēs adiourned to the blak freris at london And after cristemas to west mynstre agayn / And this same yere Robert of Cane a man of the westcōtre with a fewe shippes toke a grete flote of shippes comyng oute of the baye laden with salt / which shippes were of pruys flaū¦ders holand & zeland & brought hem to hampton / wherfore the mar¦chandis of englond beyng in flaūdres were arestid in bruggis Ipre & othir places / & myʒt not be deli••ed ner their dettis deschargid / till they had made a pointemēt for to pay for thamendes & hurtes of tho

shippes whiche was paied by the marchauntes of the staple enery peny / And in like wise the marchantes and goodes beyng in dans¦••e were also arested and made grete amendes ¶This same yere the frensshmen in a mornyng toke by a trayne the toune of Pount al¦••rche and therin the lord Fa••conbrige was take prisoner / And after that in December Roa•• was taken and loste / beyng therinne the duke of Somersete Edmonde / the Erle of shrewsbury / whiche by a ••oyntement lefte plesges and loste alle Normandie and come home / And during the said parlement the duke of suffolke was arested and sente in to the toure / and ther he was a moneth / and after the kyng did do fe••che hym oute / for which cause all the com∣munes of Englond were in a grete rumour / what for the deliueraū¦ce of Ang••o and mayn and after losing of all Normandie / and in especiall for the dethe of the good duke of Gloucestre in so moch that in somme places men gadred to gedres and made hem Capitayns ••s blew herd and othir / which were resisted and taken and had Iu¦stice and deide / And thenne the said parlement was adiourned to leycestre / And thidder the kyng brought with hym the duke of suf¦folke / And whan the commune hous vnderstode that he was oute of the tour and comen thidder they desired to haue execucion on them that were cause of the deliueraunce of Normandie and had ben cau¦se of the dethe of the duke of Gloucestre / and had sold Gascoyne & guyan / of which they named to be gilty the duke of Suffolke as chief / the lord saye / the bisshopp of Salisbury / Danyell and many moo / Aud for to pease the comons / the duke of suffolke was exiled oute of Englond v. yere / And so during the parlement he wente in to Norffolk and there toke shipping for to goo oute of the reame of Englond in to Fraunce / And this yere as he sailled on the see / a shippe of werre called the Nicholas of tour met••e with his shippe and founde hym therinne / whom they toke oute and brought hym in to their shippe to fore the mastir and Capitayns & there he was examined and atte last Iugged to the deth / And so they put him in a Ca••on and his Chapelayne for to shriue hym / And that done they brought hym in to douer Rode / and there sette hym in to the 〈◊〉〈◊〉 / and there smote of his hede / and brought the body a londe vp∣on the sondes and sette the ••ede ther by / And this was done the first day of Maye / Lo what auaylled hym now all his deliueraunce of Normandie &•• / and here ye may here how he was rewarded for the deth of the duke of Gloucestre Thus began sorow vpon sorow / and deth for deth &••.

¶How this yere was thynsurrexion in kente of the cōmuues of whom Iak••••ade an yrisman was captayn Capitulo ducentesimo. lv.

THis yere of our lord M.cccc.l. was the grete grace of the Iubilee at Roome / where was grete pardon in so moche y^• from all places in cristendome grete multitude of peple re∣sorted theder / This yere was a grete asseble & gadring to geder of the comons of kente in grete nombre & made an insurrexion & rebel¦led agayn the kyng & his lawes / & ordeyned hym a captayn called Iohan cade an Irisshman / whiche named hym selfe Mortimer / cofin to the duke of yorke / And this Captayn helde these men to geder & made ordenaūces among them & brought hem to blakketh / where he made a bille of peticions to the kyng & his cō••rill / & shewd what In¦iuries & oppressions the ponre comyns suffrid / & all vnder colour for to come to his abone / And he had a grete multitude of peple / And the xvij. day of Iuyne the kyng many lordes / Capitayns & mē of werre wente to ward hym to the blakheth / And whan the captayn of kente vnderstode the comyng of the kyng with so grete puissaun¦ce withdrewe hym with his peple to seuenoke a litell village / And the xxviij. day of Iuyne he beyng withdrawen & goon the kyng co¦me with his armie sette in ordre & enbatailled to the blakheth And by aduys of his counseill sent sir vmfrey stafford knyght / and wil∣liam stafford sqnyer two valyant Captayns with certayn peple to fight with the captayn & to take hym & bring him & his accessaries to the kyng / whiche went to seuenoke & there the Captayn with his felawshipp mette with hem & fought ayenst hem and in conclusion slewe them both & as many as abode & wold not yelde hym ner flee Duryng this skarmussh fylle a grete variaunce amonge the lordes mē & comyn peple beyng on blak••eth ayenst their lordes & captayns sayyng playnly that they wold go to the captayn of kente to assiste & helpe hym / but yf they myght haue execucion on the traytours be∣yng aboute the kyng / wher to the kyng said nay / And they said playnly that the lord saie tresorer of Englond / the bisshopp of salis∣bury / the baron of duddely / the abbot of gloucetur Daniell & treui¦lian & many mo were traitours & worthy to be ded / herfore for to plese the lordes meyne & also somme of the kynges hous / the lord saye was arested & sente to the tour of london And thenne the kyng hering tydynges of the deth & ouerthrowyng of the staffordes with drewe hym to london & fro thens to kyllingworth / For y^• kyng ne y^•

lordes du••st not trust their owne houshold meyne &••. ¶Thenne af∣ter that the Capitayne had had this victorie vpon these staffordes / anone he toke Sir vmfryes salade and his brigātins smyten fulle of gilt nailles / and also hir gilt spores and araied him like a lord and a Capitayne and resorted with all his meyne and also moo than he had to fore to the blakeheth agayne / to whom come the Er∣chebisshoppe of Caunterbury / and the duke of Bokyngham to the blakeheth and spake with hym / and as it was said they founde hym witty in his talkyng and his requeste / And so they depar∣ted And the thridde day of Iuyll he come and entred in to london with alle his peple / and there dide make cries in the kynges name and in his name that no man shold Roble ne take no man∣nes good / but if he paid for it / and come ridyng thurgh the Cite in grete pride / and s••iote his swerd vpon london stone in Can wyke∣strete / And he beyng in the Cite sente to the toure for to haue the lord saye / and so they felte hym and brought hym to the Guyldhall before the Maire and the Alde••men / where he was examined and he said he wold and ought to bene Iuged by his peres / And the communes of kente toke hym by force from the Maire and offi∣cers that kepte hym / and toke hym to a p••••ste to shriue hym / And 〈◊〉〈◊〉 he myght bene halfe shriuen they brought hym to the standard in chepe / and there smote of his ••ede / on whos soul•• Almyghty god ha¦ue pite and mercy Amen / And thus deide the lorde saye tresorer of Englond / After this they sette his hede on a spere and bare it abou∣te in the Cite Aud the same day aboute the myle ende crowmer was beheded / And the day before at afternone the Capitayne with certey¦ne of his meyne wente to Phelipp Malpas hous and robbed hym and toke away moche good / And fro thens he wente to Seint mar¦gret Patyns to one gherstis hous & robbed hym & toke away moch good also / at whiche rob••yng diuerse men of london of their neigh¦bours were at it and toke part with them / For this robbyng the peples hertes fill from hym / and euery thri••ty man was aferd for to be seruid in like wyse / For ther was many a man in london that awayted and wolde fayne haue seen a commune robberie / whiche Almyghty god forbede / For it is to suppose yf he had not robbed he myght haue goon 〈◊〉〈◊〉 er he had be withstonde / For the kyng and alle the lordes of the Royame of Englond were departed except the lord Scales that kepte the toure of london / And the fifthe day of Iuyll he dide done smyte of a mannys hede in southwerke / And the nyght after the Maire of london the Aldremen and the communes

of the cite concluded to driue away the Captayn & his hoost / & sente to the lord scales to the tour & to mathew gogh a Captayn of Nor∣mandie / that they wold that nyght assaille the Captayn with them of kent / And so they did / & come to london brigge in to southwer••e er the Captayn had any knowlege ther of / & ther they fonght with them that kepte the brigge / And the kentisshmen wente to harnoys and come to the brigge and shot and fought with hem and gate the brigge / and made them of london to flee & slow many of hem / And this endured all the nyght to & fro till ix. of the cloke on the morne / And atte laste they brente the drawebrigge / where many of them of london were drowned / In whiche nyght Sutton an aldermā was slayne Rogger heysant and mathew go••e and many othir / And after this the Chaunceler of Engloud sent to the Captayn a Par∣done generall for hym & an othir for alle his meyne / And thenne they departed from south werk euery man home to his hous / And whan they were all departed & goon / ther were {pro}clamacions ma¦de in kent southsex and in othir places / that what man coude take the Captayn quyk or ded shall haue a M. mark And after this one Alisander Iden a squyer of kent toke him in a gardyn in southsex & in the takyng the Captayn Iohan Cade was slayne / and after beheded and his beed set on london brigge ¶And anone after thenne the kyng come in to kente / and did his Iustises sitte at caū¦terbury & enquere who were accessaries and chief cause of this In¦surrexion / And there were viij. men Iugged to deth in one day / and in othir places moo / and fro thens the kyng wēt in to sussex / & in to the westcontre / where a litell before was slayne the bisshopp of salisbury / And this same yere were so many Iugged to deth that xxiij. heedes stode on london brigge / attones

¶Of the felde y^• the duke of yorke toke at brentheth in kente And of the burthe of prince Edward / And of the fyrst bataill at seint Albons where the duke of somersetee was slayne. Capitulo ducentesimo. lvj.

IN the yere xxx. The duke of yorke came oute of the marche of walys with the erle of deuenshire & the lord Cobham & grete puissaūce for reformacion of certay Iniuries & wron¦ges / & also to haue Iustice on certayn lordes beyng aboute the kyng & toke a feld at brētheth beside de••tford in kēte whiche was a strōg felde / For which cause the kyng with alle the lordes of the lande went vn to the blakheth with a grete & stronge multitude of pep••e

armed and ordeyned for the werre in the beste wyse / And whanne they had musterid on the blake heth / Certayne lordes were sente to hym for to trete and make appoyntement with hym / which were the bisshopp of Ely and the bisshopp of wynchestre and the Erles of sa¦lisbury and of warre wyke / And they concluded that the duke of Somersete shold he had to warde and to ansuere to such articles as the duke of yorke shold put on hym / & than the duke of yorke shold breke his felde and come to the kyng / whiche was all promised by the kyng / And so the kyng commaunded that the duke of So∣mersete shold be had inward / And thenne the duke of yorke bra∣ke vp his felde and come to the kyng / and whan he was come con¦trary to the promise afore made / the duke of Somersete was present in the felde awayting and chief aboute the kyng / and made the du¦ke of yorke ride to fore as a prisoner thurgh loudon / and after they wold hane put hym in hold / But a noyse aroose that the Erle of marche his sone was comyng with ten .M. men to london ward wherof the kyng and his counceille fered / And thenne they cōclu∣ded that the duke of yorke shold departe at his wyll ¶Aboute this tyme began grete deuision in Spruysse bitwene the grete ma¦stir & the knyghtis of the duche ordre whiche were lordes of that contre / For the communes and tounes rebelled ayenst the lordes and made so grete werre that at the last they called the kyng of Pole to be their lord the whiche kyng come & was wurshipfully re¦ceyued and layde siege to the Castell of Marienburgh whiche was the chief Castell and strength of alle the lond / and wan it and drofe oute the mastir of dansk and alle othir places of that land And so they that had bene lordes many yeres / loste alle their seygno¦rie and possessions in tho landes ¶And the yere of the In••arna¦cion of our lord M.CCCC.liij. on Seint Edwardis day the que∣ne Margarete was deliuered of a faire Prince whiche was named Edward / That same day Iohan Norman was chosen for to bene Maire of london / And the day that he shold take his othe at west∣mynstre / be wente thidder by water with alle the craftes / where afo¦re tyme the Maire Aldremen and all the craftes / Roode a horsebak whiche was neuer vsed after / For syn that tyme they haue goon euer by water in barges ¶Ye haue well vnderston de tofore how that contrarie to the promise of the kyng and also the conclusions taken bitwene the kyng and the duke of yorke at brentheth / the duke of Somersete wente not to warde / But a bode aboute the kyng & had grete reule / and anone after ••e was

made Capitayne of Caleys / and rewled the kyng and his roya•••• as he wolde / wherfore the grete lordes of the reame and also the cō∣mons were not plesed / For whiche cause the duke of yorke the erles of warre wyke & of Salisbury with many knyghtes and squy∣ers and moch peple came for to remeue the said duke of somersete & othir fro the kyng / And the kyng heeryng of their comyng thouʒt by his counseill for to haue goon westward and not for to mete with hem & had with him the duke of somersete the duk of bokyng¦ham / the erle of stafford / the erle of Northum••erland / the lord Clif¦ford and many othir / And what tyme that the duke of yorke and his felawshipp vnderstode that the kyng was departed with these said lordes from london / Anone he changed his way and costed the contre and come to seint Albons the xxiij. day of may & there mette with the kyng / to whom the kyng sente certayn lordes and desired hem to kepe the pees and departe / but in conclusion whiles they tre¦ated on that one side / the erle of warrewyk•• with the marche men and othir entrid the toune on that othir: & fought ayenst the kyng and his partie / and so began the bataille and fightyng / whiche en∣dured agood while / but in conclusion the duke of yorke obteyned and had the victorie of that Iourney In whiche was slayne the du¦ke of somersete / the erle of northumberland / the lord Clifford and many knyghtes and sqnyers / And many moo hurt / And on the morne after they brought the kyng in grete astate to london / which was logged in the bisshoppes Palais of london / And anone after was a grete parlement / In which {per}lement the duke of yorke was made protector of Englond / and the erle of warrewyke Capitayn of Caleys / and the erle of Salisbury chaunceler of englond And alle suche {per}sones as had the rewle to fore aboute the kyng were set a parte and myght not rewle as they did to fore / In this same yere died pope Nicholas the fyfthe and after hym was Calixte the iij. This Calixte was a Catalane and an elde man whan he was cho¦sen / and continuelly seke wherfor he myght not performe his zele & desire that he had ayenst the turke / conceyued / and the cause of let∣tyng therof was his age and sekenes / This Calixte instituted & ordeyned the feste of the transfiguracion of our lord to be halowed on s••int sixtes day in August because of the grete victorie that they of hnngary had ayenst the turkes that same day / he was chosen po∣pe in the yere of our lord M.CCCC.lv. And died the yere M.cccc.lviij. that same day that ••e ordeyned the feste of the transfigura∣cion to be halowed / In this same yere fyll a grete affraye in london

ayenst the lumbardes / The cause began because a yongman toke a daggar from a lumbard and brake it / wherfor the yongman on the morne was sente fore to come to fore the Maire and aldermen and there for the offence / he was comytted to warde / ¶And thenne the maire departed from the guyldhall for to go home to his diner / but in the chepe the yongmen of the mercerye for the most {per}t prentises helde the maire & shereuis still in chepe and wold not suf∣fre hym to departe vn to the tyme that their felaw whiche was co∣mytted to warde were deli••yd & so by force they rescued their felaw from prison / & that done the maire & shereuis departed and the pri∣soner deliuered which yf he had he put to prison had be in Inpardye of his lyf / And began a Ruuour in the cite ayenst the lumbardes and the same euenyng the handcrafty peple of the toune arose and ran to the lumbardes houses and despoilled & robbed d••••erse of hem wherfore the maire and aldermen come with the honest peple of the toune and drofe them thens & sente somme of them that had stolen to newgate / And the yong man that was rescued by his felawes sawe this grete Rumour affraye & robbery ens••ewed of his first me uyng to the lumbard / departed and went to westmynstre to sayntu¦rie / or elles it had costed hym his lyfe For anone after come doune an Oeyr determyne for to do Instice on alle them that so rebellid in the cite ayenst the lumbardes / on whiche satte with the maire that tyme william Marowe / the duke of bokyngham and many othir lordes for to see execucion don / but the comyns of the cite secretly ma¦de them redy & dide arme them in their houses / and were in purpose for to haue rongen the comyn belle / whiche is named bowe belle / but they were lette by sad men / whiche come to the knoweleche of the duke of bokyngham and othir lordes / and incontinent they aroos for they durst no lenger abyde / For they doubted that the hole cyte shold haue arisen ayenst them / bnt yet neuertheles ij. or .iij. of the ci∣te were Iugged to deth for this robbery and were hanged at Ty¦burne / Anone after the kyng the quene and othir lordes rode to co¦uentre and withdrewe hem from london for thise causes / And a ly¦tell to fore the duke of yorke was sente fore to grenewych and the¦re was discharged of the protectoursipp / And my lord of Salis∣bury of his Chauncel••rshipp / And after this they were sent fore by priuy seal for come to couentre / where they were almost deceyued and the Erle of warrewyke also / and shold haue ben destroied yf they had not seen well to

¶How the lord Egremond was take by therle of salesteries sones And of the robbyng of sandwych Capitulo ducentesimo lvij.

THis yerewere taken iiij. grete fisshes bitwene Eerethe & lon¦don / that one was called mors marine / the second a swerd fisshe / aud the othir tweyne were wales ¶In this same yere for certeyne aff••ayes done in the northcontre bitwene the lord Egremond and the Erle of Salisburies sones / the said lord Egre¦mond whom they had taken was condempned in a grete somme of money to the said Erle of Salisbury / aud therfor comysed to pri¦son in Newgate in london / where whan he had be a certayne space he brake the prison and iij. prisoners with hym and escaped & wente his way / Also this yere the Erle of warrewyke and his wyfe wen¦te to Caleys with a faire felawshipp and toke possession of his offi¦ce / Aboute this tyme was a grete reformacion of many monasteri∣es of religion in duierse parties of the world / which were ••••formed after the first institucion and continued in many places / Also a∣boute this tyme the crafte of enprinting was first founde in Ma∣gunce in Almayne / whiche craft is mnltiplied thurgh the world in many places / and bookes bene had grete chepe and in grete nom¦bre by cause of the same craft / This same yere was a grete bataille in the marches bitwene hungerie and turkye at a place called sep¦tedrade / where innumerable turkes were slayne more by miracle than by mannes honde / For only the honde of god smote them / seint Iohan of capestrane was there present & prouoked the cristen reple ••eyng thenne aferd after to pursiewe the turkes / where an infinite multitude were slayne and destroied / The turkes said that a grete nombre of armed men folowed them / that they were aferd to turne agayne / they were holy angellys / ¶This same yere the prisoners of Newgate in london brake their prison / & wente vpon the leedes & fought ayenst them fo the Cite & kepte the gate a longe while / but at the last the toune gate the prison on them / and than they were put in feteris & yrons & were sore punysshed in ensample of othir In this yere also was a grete erthequaue in Naples in so much y^• ther perisshed xl.M. peple that sank•• there in to the erthe / Item in the yere xxxvj. seint Osmond somtyme bisshopp of Salisbury was canony¦sed at Rome by Pope Caliste / And the xvj. day of Iuyll he was translated at Salisbury by the Erchebisshoppe of Caunterbury and many othir bisshoppes ¶And in August after Sir Pi••••s

de brezei seneschall of normandie with the Captayn of D••pe and many othir Captayns & men of werre wente to the see with a grete nauye and come in to the downes by nyght / and on the morne erly before day they londed and come to sand wych both by land and wa¦ter and toke the toune and Ryfled and despoilled it / and toke ma∣ny p••••soners / And left the toune all bare / which was a riche pla∣ce and moche good therin / And lad with hem many riche prisonerz In this same yere in many places of fraunce Almayne flaundres holand and zeland Children godred them by grete companies for to go on pilgremage to seint Michels moūt in mormādie which come fro fer contrees / wherof the peple meruaylled and many suppo¦sed that some wiked spirite meued them to so doo / but it endured not longe because of the longe way & also for lak of vitaill as they wente / In this yere Raynold pecok bisshopp of Chichestre was foū∣den an heretik and the iij. day of decembre was abiured at lamb∣hythe in the presence of the erchebisshopp of Caunterbury and ma∣ny bisshopps and doctours and lordes tem{per}all / And his bookes brent at poulis crosse / ye haue herd to fore how certayn lordes were slayne at seint albons / wherfore was alway a gru••che and wrath had by theyres of them that were so slayne ayenst the duke of york the erles of warrewyk and of Salisbury / wherfore the kyng by thauys of his counseill sente for them to london / to whiche place the duke of yorke came the xxvj. day of Ian••uer with CCCC. men & logged at baynardes Castell in his owne place / And the xv. day of Ianiuer come the erle of salisbury with v.C. men and was log¦ged in therber his owne place / And thenue come the dukes of Ex¦cestre and of somersete with viij.C. men and lay withoute temple ••arre / And the erle of northumberland / the lord Egremond and the lord Clifford with xv.C. men and logged withoute toun And the maire that tyme Gefferey boleyne kepte grete wacche with the comons of the cite and rode aloute the Cite by holborne and flete∣strete with a v.M. men well armed and araied for to kepe the pees And the xiiij. day of Feuerer the erle of warrewyk come to london from Caleys well be seen and wurshipfully with vj.C. men in re∣de Jaquettes browdred with a ragged staf behynde and afore /

And he was logged atte gray freres / And the xvij. day of Mar∣che the kyng come to london and the Quene / And there was a con¦corde and pees made among these lordes / and they were sette in pees And on our lady day the xv. day of Marche M.CCCC.lviij. the kyng Quene and all these lordes wente on procession at powlus

in london / and anone after the kyng and lordes departed / In this yere was a grete affraye in fletestrete bitwene men of court & men of the same strete / in which affraye the Quenes attorney was slay∣ne.

¶How the kynges houshold made affraye ayenst the erle of warre¦wyke / and of the Iourney at bloreheth Capitulo ducentesimo lxviij

ALso this same yere as therle of warrewyke was at a coun¦seill at westmestre Alle y^• kynges houshold meyne gadred them to gedre for to haue slayne the said Erle / but by help of god and his frendis he recouered his barge & escaped their enell enterprise / how well the cooques come rennyng oute with spittes and pestels ayenst hym / And the same day he rode toward warre¦wyke / and sone after he gate hym a cōmyssion and wente ouer see to Caleys / Sone after this the Erle of Salisbury comyng to lon∣don was encountrid at bloreheth with the lord Awdeley and moch othir peple ordeyned for to haue distressid hym / but he hauyng kno¦weleche that he shold be mette with / was accompanied with his ij. sones Sir Thomas and Sir Iohan Neuill and a grete felawship of good men And so they mette / and fought to dedres / wher th••rle of Salisbury wan the feld / And the lord Awdeley was slayne & many gentillmen of Chesshire and moch peple hurt / and therles ij sones were hurt and goyng homward / afterward they were takē and had to Chestre by the quenes meyne After Calixte Pius was pope and was chosen this yere M.CCCC.lviij. And he was called to fore Eneas an eloquent man and a poete laureate / He was em∣bassatour of the Emperours a fore tyme / And he wrote in the coū¦seill of Basile a noble traittie for the auctorite of the same / Also he canonised seint katherine of senys / This pope ordeyned grete indul∣gencis and pardon to them that wold go werre ayenst the turke / & wrote an epistle to the grete turke / exorting hym to become cristen / & in the ende he ordeyned a passage ayenst the turke at Ankone / to whi∣che moch peple drewe oute of all parties of cristendome / of which pe¦ple he sente many home ayene be cause they suffised not / and anone after he deide at the said place of Ankoue the yere of our lord M.cccc lxiiij. the xiiij. day of August

¶How Andrew trollop & the soudiours of Cale••s forsoke the du¦ke of yorke & their mastir therl•• of warwyke in the westcontre / Capitulo ducentesimo lix.

THe duke of yorke the erles of warrewyk and of Salis∣bury saw the gouernaunce of the reame stode most by the Quene and hir counceill / and how the grete princes of the londe were not called to counseill but sette a parte / and not only so / but that hit was said thurgh the reame that tho said lordes shold be destroied vtterly as it openly was shewd atte bloreheth by them that wold haue slayne the erle of Salisbury / Thenne they for sauacion of their lyues / and also for the comyn wele of the reame thought for to remedie thise thynges / assembled them to gedir with moch pe¦ple / and toke a felde in the westcontre / to which the erle of warwik come from Caleys with many of tholde soudiours / as Andrewe trollop and othir / in whos wisedome as for the werre he moch tru¦sted / And whan they were thus assembled and made their felde / The kyng sent onte his cōmyssions and preuy sealis vn to alle the lordes of his reame to come and awayte on hym in their most de∣fensable wyse / and so euery man come in suche wyse that the kyng was stronger and had moche more peple than the duke of yorke & the erles of warrewyke and Salisbury / for it is here to be noted that euery lord in Englond at this tyme durst not disobeye the que¦ne For she rewlid peasibly all that was don aboute the kyng which was a good simple and Innocent man And thenne whan the kyng was comen to the place where as they were / the duke of yorke and his felawshipp had made their feld in the strengest wyse / and had purposed verily to abyden and haue foughten / but in the nyght an¦drewe trollop and alle tholde soudiours of Caleys with a grete fe∣lawship / sodenly departed oute of the dukes oost and went strayt vn to the kynges feeld where they were resseyued ioyously for they knewe thentent of the othir lordes and also the maner of their feld And thenne the duke of yorke with the othir lordes seyng them so deceyued toke a counseill shortly in that same nyght and departed from the feld beuyng behynd them the most part of their peple to ke¦pe the felde till on the morne ¶Thenne the duke of yorke with his second sone departed thurgh walis toward Irland / beuyng his ol¦dest sone the erle of the marche with the erles of warrewyke and Salisbury / which to gedir with iij. or iij. persones rood strayt in to deuenshire / and there by helpe and ayde of one denham a squyer / whiche gate for them a shipp which cost .cc.xx. noblis & with the sa¦me shippe sailled fro thens in to garneseye / And there refresshid them and from thens sailled to Caleys / where they were receyued in to the Castell by the postern / er they of the toune knewe of hit /

And the duke of yorke toke shipping in walys and sailled auer in to Irland where he was well receyued

¶How therles of marche warrewyke & salisbury entrid in to Ca∣leys / & how therle of warrewyke wente in to Irland Capitulo ducentesimo lx.

THenne kyng Henry beyng with his oost in the felde not knowyng of this soden departing on the morne fonde none in the felde of the said lordes / sente a••te in all hast men to fo¦lowe and pursue after to take hem / but they mette not with them as god wolde and thenne the kyng wente to ludlowe & dispoilled the Castell and the toune / and sente the duches of yorke with hir chil∣dren to my lady of bokyngham hir sustre / where she was kepte longe af••er / ¶And forthwith the kyng ordeyned the duke of Somerse¦te Captayn of Caleys / And these othir lordes so departed as a fore is said were {pro}clamed rebellis & grete traitours Thenne the duke of somersete toke to hym all the soudiours that departed from the felde and made him redy in all hast to goo to Caleys & take possession of his office / & whan he come he fonde therle of warrewyke therinne as Captayn / & therles of marche & salisbury also / & than he londed by scales & wente to guysnes / & there he was receyued And it fortuned that somme of tho shippes that come ouer with hym / come in to Ca¦leys hauen by their fre wyll / for the shipmen ought more fauour to the erle of warrewyke than to the duke of somersete / in which ship∣pes were take diuerse men as Ienyn finkhyll Iohan felaw / kail∣les & purser / whiche were beheded sone after in Caleys / And after this dayly come men ouer see to thise lordes to Caleys / and began to wexe strenger & strenger / And they borowed moch good of the sta∣ple / And on that othir side the duke of somersete beyng in guysnes gate peple to hym / which come oute & scarmusshed with them of ca∣leys & they of Caleys with them which endured many daies / Du∣ring thus this same scarmusshyng / moch peple daily come ouer vn to these lordes / Thenne on a tyme by thauys of counseill the lordes at Caleys sente oue•• mastir Denham with a grete felawship to sand¦wych / which toke y^• toune & therin the lord Riuers & the lord scales his sone & take many shippes in the hauen / & brought hem all to Ca¦leya / with which shippes many maroners of their fre wyll come to Caleys to serue the erle of warrewyke / And after this the erle of warrewyke by thauys of the lordes take all his shippes & manned

them well & sailled hym selfe in to Irland for to speke with the du¦ke of yorke / & to take his auys how they shold entre in to englond a¦gayne / And whan he had bene there & done his erandes he retorned agayne toward Caleys & brought with hym his modre the Coun∣tesse of Salisbury / And comyng in the westcontre vpon the see the duke of Excestre admirall of englond beyng in the grace of dien ac¦companied with many shippes of werre / mette with therle of war∣wyke & his flote / but they fought not / for the substaunce of the peple beyng with the duke of Excestre ought better wyll & more fauour to therle of warrewyke than to hym / and they departed & come to ca∣leys in saufte blessed be god / Then the kynges counseill seeyng that these lordes had goten these shippes from sandwych & taken the lord Ryuers & his sone / ordeyned a garnyson at sandwych to abide and kepe the to••ne & made one Mountfort Captayn of the toune / & that no man n•• v. taille ne marchaunt that shold goo in to Flaundres shold not goo in to Caleys / Thenne they of Caleys seyng this / made oute mastir Denha•••• & many othir to go to sandwych / & so they did & assailled the toune by water & by londe & gate it & brouʒt mount fort their Captayn ouer see to Rysebanke & there smote of his hede And yit daily men come ouer to them oute of all {per}ties of englond

¶How the erles of Marche of warrewyke & of salisbury entrid in to englond / And of the felde of Northampton where diuese lordes were slayne Capitulo ducentesimo lxj.

ANd after this the said Erles of marche warrewyke and of salisbury come ouer to douer with moch peple & there lon∣ded / to whom all the contrey drewe & come to london armed And for to late the lordes of the kynges coūseill knowe their trouth and also their entent / assembled them & tolde them that they entended no harme vn to the kynges {per}sone / sauf that they wold put fro hym such {per}sones as were aboute hym And so departed from london with a grete p••••ssaunce toward Northampton / where the kyng was ac∣companied with many lordes and had made a stronge felde withou¦te the toune / And there bothe parties mette and was foughten a gre¦te bataille / in which bataille were slayne the duke of bokyngham the Erle of Shrowesbury the viscounte beamond / the lord Egre∣mond and many kuyghtes & squyers & othir also / and the kyng him selfe taken in the feld and afterward brought to london / And

Anone afterward was a parlement at westmester during whiche parlement the duke of yorke come oute of Irland with the erle of Ru••land ridyng with a grete felawshipp in to the palais at west∣mynstre / and toke the kynges palais / And come in to the parlemēt chambre / and there toke the kynges place / and claymed the croune as his propre enheritaunce and right / and cast forth in writing his title and also how he was rightfull eyer / wherfore was moche to do but in conclusion it was appointed and concluded that kyng Hen¦ry shold regne and be kyug during his naturall lyf / For as moc••e as he had ben so long kyng and was possessyd / And after his dethe the duke of yorke shold be kyng and his eyres kynges after hym / And forth with shold be {pro}clamed heyer apparaunt / & shold also be protectour aud regent of Englond duriug the kynges lyfe / with many othir thinges ordeynd in the same parlement / And yf kyng henry during his lyfe wente from this appoyntement or ony article concluded in the said parlement / he shold be deposed / & the duke shold take the croune and be kyng / alle whiche thinges were enacted by the auctorite of the said parlement 〈◊〉〈◊〉 which parlement the com∣munes of the reame beyng assembled in the comō hous comonyng & treating vpon the title of the said duke of yorke sodenly fill doun the croune which henge thēne in the myddes of the said hous which is the frraytour of the abbey of westmestre / which was taken for a {pro}dige or tokē that the regne of kyng henry was ended And also the croune whiche stode on the hihest tour of the steple in the Castell of doner fyll doune this same yere

¶How the noble duke of yorke was slayne and of the felde of wakefeld and of the second Iourney at seint Albons by the Que¦ne and prince Ca.cc.lxij

THenne for as moche as the quene with the prince was in the north and absented her from the kyng / and wold not obeye suche thinges as was cōcluded in the parlement / hit was ordeyned that the duke of yorke as protectour shold go nor∣ward for to bring in the quene & subdue suche as wold not obeye with whom wente the erle of salisbury Sir Thomas neuyll his so∣ne / with moch peple and at wakefelde in Cristemas weke they we¦re all ouerthrowen and slayne by the lordes of the Quenes partie that is to wete the duke of yorke was slayne / the erle of Rutland Sir Thomas neuyll and m••ny mod / the Erle of Salisbury was

taken a lyue and othir as Iohan harow of london Capitayne of the footmen and hanson of hulle / whiche were brought to pountfrete and there after beheded & their hedes sente to yorke & sette vpon the ya¦tes And thus was that noble prince slayne the duke of yorke / on whos soule and all cristen soules god haue mercy Amen / And this tyme therle of marche beyng in shrewsbury heering the dethe of his fadre / desired assystence and ayde of the toun for tauenge his fadres deth / And from thens wente to walys / where at Candelmasse after he had a bataille at mortimers crosse ayenst therles of Penbroke & of wylshire / where therle of march had victorie Thenne the Quene with tho lordes of the north after they had distressed & slayn the du∣ke of york•• and his felawship come southward with a grete mul∣titude & puissaunce of peple for to come to the kyng and defete suche conclusions as had bene taken before by thr parlement / ayenst whos comyng the duke of Norffolke therle of warrewyke with moch pe∣ple and ordenaunce wente vn to Seint Albons / and lad kyng Henry with hem And there encountrid to gedr•• in suche wise and fought that the duke of Norffolke and the Erle of warrewyke with othir of their partie fledde and lost that Iourney / where kyng Henry was taken and wente with the Quene and Prince his so¦ne / whiche tho had goten that felde / Thenne the Quene and hir par¦tie beyng at their aboue sente anone to london whiche was on ass•• wednesday the firste day of lente for vitaille / whiche the Maire or∣deyned by thauys of the Aldremen that certayne Cartes laden with vitaille shold be sente to Seint Albons to them / And whan tho Cartes comen to Crepelgate / the communes of the Cite that kep¦te that gate toke the vitailles from the Cartes and wold not suf∣fre it to passe / Thenne were ther c••rteyne Aldremen and communers appoynted to gone to barnet for to speke with the Quenes coun∣seill for tentrete that the northern men shold be sente home in to their contrey agayne / For the Cite of london / dredde sore to be robbed and despoilled yf they had come ¶And thus during this trait¦••ye / tydynges come that the Erle of warrewyke had mette with the Erle of Marche on Cotteswold comyng oute of walys with a grete meyne of walsshmen / And that they bothe were comyng to london ward / Anone as these tydynges were knowen / the trait∣tye was broken / For the Kyng Quene Prince and alle the othir lordes that were with them departed from Seint Albons north∣ward with alle their peple. yit or they departed from thens they be∣heded the lord bonuyle & Sir Thomas kriell / whiche were taken in

the Iourney don•• on shroftewisday / Thenne the duchesse of yorke be¦yng at london and beriug of the losse of the feld at seint Albons sen¦te ouersee her ij. yong sones George and Richard whiche wente to ••trecht / And phelipp malpas a riche marchaunt of london / Tho∣mas vaghan squyer maistir william hatt••clif and many othir fe∣ring of the comyng of the Quene to london toke a ship of andwarp for to haue goon in to zeland And on that othir coost were taken of one colompn•• a frenshman a shipp of werre / & he toke hem priso∣ners & brouʒt hem in to fraunce where they paid grete good for their raunsone / & ther was moche good & richesse in that ship

¶Of the deposicion of kyng henry the vj. And how kyng Ed∣ward the iiij. toke possession / And of the bataille on palmesonday & how he was crouned Ca.CC / lxiij

THenne whan the erle of marche and the erle of warwyk had mette to gedir on Cottyswold / in continent they cōclu∣ded to goon to london / & sent word anone to the maire & to the cite that they shold come / anon the cite was glad of their com••••g hopyng to be relieuyd by them / And so they come to london / & whan they were comen & had spoken with the lordes & estates thenne being there concluded for as moche as kyng henry was goon with them northward that he had forfayted hts croune & ought for to be depo∣sed acordyug vn to the actes maad & passed in the last parlement /

And so by thauys of the lordes spirituell & temporell thenne be∣yng at london the erle of the marche Edward by the grace of god oldest sone of Richard duke of yorke as rightfull Eyer & next enhe¦riteur to his fadre y^• iiij. day of marche y^• yere of our lord M.cccc.lix toke possession of the Reame of ēglond at westmestre in the grete hal¦le / & after in the chyrche of the abbey & offrid as kyng bering the sep¦tre royall / to whom all the lordes bothe spirituell & temporell dide ho¦mage & obeyssance as to their souerayn liege & lawfull lord & kyng And forth with it was {pro}clamed thurgh the cite kyng Edward the fourth of that name / And anone after the kyng rode in his Ryall astate norward with all his lordes for to subdue his subgettes that tyme beyng in the north & tauenge his fadres deth / And on palme∣sonday after he had a grete bataille in the northcontre at a place cal¦led towton not fer fro yorke / where with the helpe of god he gate the felde and had the victorie where were slayne of his ad••saries xxx. thousand men and moo as it was said by men that were there▪

in whiche bataille was slayne the erle of northumberland / the lord Clifford / sir Iohan neuile the erle of westmerlādis brother / andrew trollop / & many othir knyghtes & squyers / Thenne kyng henry that had be kyng beyng with the quene & prince at yorke heering the losse of that felde & so moche peple slayn & ouerthrowen anon forthwith departed all thre with the duke of Somersete the lord roos & othir toward Scotland / And the next day kyng Edward with all his ar¦mye entred in to yorke / & was there {pro}clamed kyng & obeyed as he ought to be / A••d the maire Aldremen & comyns sworn to be his li∣ege men / And whan he had taried a while in the north / & that alle the contre there had turned to hym he retorned southward / leuyng the erle of warrewyke in tho parties for to kepe & gouerne that cō¦tre / And aboute midsomer after the yere of our lord .M.cccc.lx. and the first yere of his regne / he was crouned at westmynstre & enoyn∣ted kyng of englond hauyng the hold possession of all the hole reame whom I pray god saue & kepe & sende hym the accomplisshement of the remenaunt of his rightfull enheritaunce beyonde the see / & that he may regne in them to the playsir of almyghty god helthe of his sou¦le honour & wurship in this present lyfe / & well & prouffyt of alle hi•• subgettis / & that ther may be a verray finall pees in all cristen re¦ames that the infidelis & mysscreauntes may be withstāden & destroi¦ed & our faith enhannced which in thise dayes is sore mynusshed by the puissaunce of the turkes & hethen men / And that after this pre∣sent & short lyfe we may come to the ••uerlastuig lyfe in the blisse of heuen Amen

¶Thus endeth this present booke of the cronicles of englond / en••n¦ted by me william Caxton In thabbey of westmynstre by london Fynysshid and accomplisshid the x. day of Iuyn the yere of thin∣carnacion of our lord god M.CCCC.lxxx. And in the xx. yere of the regne of kyng Edward the fourth