Anno xi henrici vij Statuta bonu[m] publicum concerne[n]tia edita in parliamento tento apud westmonesterium xiiij die Octobris anno regni illustrissimi Domini nostri regis Henrici septimi.

Ayenst wymen couert makynge alienacōn of londes mo∣uyd bi the fyrst baron Capitulo: xx

FOr certayn resonable consideracōns. be it ordeyned enacted and establis¦shed by the kynge our souerayne lorde and by thassent of the lordes spiri¦tuall and temporall and the comens in this present parlyament assembled and by auctorite of the same / that yf ony woman whiche hath had or hereafter shall haue ony astate in dower or for terme of lyfe or in taylle Ioyntly with her husbō∣de or only to herself or to her vse / ony maneres londes tenementes or other he∣reditamentes of thenherytaunce or purchace of her husbonde or geuen to the sayd husbonde and wif in tayll or for terme of lyf by ony of the auncestres of y^e sayd husbonde or by ony other persone seased to thuse of the sayd husbonde or of his auncestres and haue or shall hereafter beinge sole or with ony other after ta∣ken husbonde / dyscontinued or dyscontinue alyened releassed or confermed ali¦ene releas or conferme with warantie or by couyne suffred or suffre ony recouer of the same agayn theym or ony of theym or ony other seased to their vse or to y^e vse of eyther of them after the fourme aforsayd / That all suche recouerees dis∣contynaunce alienacōns releasses confermacōns and warantees so had and ma¦de / and from henforth to be had and made / be vtterly voyd and of none effecte / And that it shall be lefull to euery persone & persones to whom the interest title or inherytaunce after y^e deceasse of the sayd wymen of the sayd maners londes & tenementes or other hereditamentes being discontinued alyened or suffred to be recouered after the fyrst daye of Decembre nexte comynge in y^e fourme afor∣sayd shold apperteyne to entre in to all & euery of the premysses / and peasible to possede & enioye the same in suche manere & fourme as he or they shold haue done / yf none suche discontinaūce warantie nor recouer had be had nor made / and ouer this be it ordeyned & enacted by the saide auctorite / y^t if ony of the sayd husbondes & wȳmen or ony other seased or y^t shall be seised to the vse of theim of the estate afore specified after the sayd fyrst day of Decembre do make or cause to be made or suffre oni suche discontynuaunce alienacōns warantes or re¦couers in fourme aforsaid y^t thenne it shall be lefull to y^e persone or persones to whom y^e sayd maners londes ten̄tes shold or ought to belonge after the deceas of the sayd woman / to entre in to the same and them to possede and enioye accor¦dȳnge to suche tytle & ēterest as they shold haue had ī y^e same if y^e same womā had be deed noo discōtinuaūce warātie nor recouerees had as ayēst y^e said husbōde du¦ryng

his lyf / yf the sayd discontinuaunce alienacōn waranties and recouerees be hereafter had by or ayenst the same husbondes & wymen durynge the couer∣ture & e••posell betwyx them / Prouided alway y^t the sayd wymen after the dece∣as of theyr sayd husbonde may reentre in to the maners londes & ten̄tes & them to enioye accordynge to theyr first estate in the same / ¶And ouer this it be orde∣ned & enacted by the sayd auctorite y^t yf the sayd woman at the time of suche dis¦contynuaunce alyenacōns recouerees waranties after the sayd day of Decem∣bre in fourme aforesayd to be had & made of ony of the premysses be solde that thenne she shall be berred & excluded of her tytle & interes in the same from hens∣forth / And that the persone & persones to whom the tytle interst & possessyon of the same sholde belonge after the deceas of the sayd woman shall ymmediatly after the sayd dyscontynuaunce alyenacōns waranties and recouerees. entre in to the same maners londes ten̄tes & other hereditamens and them to possede & enioye accordynge to his or ther tytle in the same / Prouyded also that this acte extende not to auoyde ony recouere dyscontinuaunce or warantie after the four¦me aforsayd afore this time had made or suffred but on̄ly where the sayd husbōd and woman or eyther of them now beynge alyue or ony other to theyr vse now haue entres & tytle to the sayd maneres londes ten̄tes or other hereditamentes alyened dyscontinued or suffred to be recouered after the fourme aforsayd and therof now takynge thissues & proffites or ony other persone or persones to the¦yr vse▪ Prouyded also y^t this acte extende not to ony suche recouere or disconti∣nuaunce to be had with the heyres nexte in heritable to the sayd woman or he or they y^e nexte after the dethe of the same woman shold haue of astate of inheri∣taūce in y^e same maners londes or ten̄tes be assentynge or agreable to the sayde recouerees where the same assent & aggrement be of recorde or in rolled / Proui∣ded also that it shall be lefull to euery suche woman beyng sole or maried after the deth of her fyrst husbonde / to geue sell or make dyscontinuance of ony suche londes terme of her lyf oonly after the course and vse of the comen lawe before the makyng of thys presente acte /