Anno xi henrici vij Statuta bonu[m] publicum concerne[n]tia edita in parliamento tento apud westmonesterium xiiij die Octobris anno regni illustrissimi Domini nostri regis Henrici septimi.

For kepynge the watche in Caleys Capitulo xvi

WHere kyng Edwarde the thyrde vpon the wynnȳg of y^e towne of Caleys establysshed & made dyuers good statutes ordynaunces and lawes w^t in the same towne for the sure & saaf kepyng of y^e same. & ther vpon for the same entente gaue dyuers tenementis and fayr places buylded there / to dy∣uers lordes & noble men of his army frely to theym and theyr heyres without ony rentes or charges yeldyng for the same. saue only the fyndynge of certayne watches limytted to euery of the sayd places for the sure kepyng of the same tow¦ne to thentent specyally that the sayd watches the sayd lordes & honorable men shulde y^e better & more sure & fermly be kepte and mayntened / And soo it is now y^t the owners of the premysses cōsyder not theyr sayd charges ne doo not bere y^e sayd watche by theym due as is aforsayd by meane wherof the Burgeyses of the sayd towne for the suerty of the same haue ben many yeres and yet nyghtly ben fore charged to theyr greate importable losse whyche they canne nor may contyue & susteyne without the kynge our souerayn lorde prouyde for the releif of the same towne. For the remedy wherof the kyng or souerayne lord by thass∣ent thaduyse of the lordes spyrytual and temporall and the comens of this pre¦sent parlyament assembled & by auctoryte of the same ordeyneth and enactith that who that hath ony fre holde within the town of Calays out of the whyche ony yerly charge is goynge for the sure kepynge of the sayd town for watche or otherwyse / that hereafter ceasses in doynge of the sayde charge by the space of a yere and a day / that then the sayd fre hold be seysed in to the kynges hōdes he to haue it to hym and his heyres and duryng the tyme it be in the hondes of y^e kynges hyghnes The Tresorer of Calays take the proufytes therof to the kȳ¦ges vse and bere the charges yerely goynge out of the sayd free holde towar∣des the sayd kepynge of the sayd towne as be fore that tyme it was accustumed

to be are yf the sayde free holde wylle bere the sayde charge. ¶And in lyke wyse be charged the kynges Cōmyttes or hys patentis for the kepynge of the sayd town as afore is sayd / And for defaute of the doyng of the same by the spa¦ce of a yere & a day the sayd tenementis ettsones to be seassed as is aforsayd. & so from tyme as oft as the sayde charge is not content ne payed by the sayd ty¦me / and duryng the tyme the sayd tenementes be in the hondes of the kyngys highnes (And yf the sayd Tresorer of Calays paye not the sayd charge within a yere and a day / that then the sayd Tresorer forfeyt the dowble value of the sa∣me to the kyngys hyghnesse yf the reneues be able to fynde the sayd watche