Anno xi henrici vij Statuta bonu[m] publicum concerne[n]tia edita in parliamento tento apud westmonesterium xiiij die Octobris anno regni illustrissimi Domini nostri regis Henrici septimi.

That straungers made deynezens shall paye custume & sub¦sidiees as straungers Capitulo xiiii

WHere the kynge our souerayne lorde is greatly dysceued in his custumes and subsidies bi marchauntes straungers suche as the kynge our soue∣rayne lorde hath grauntyd by his letters patentes to be deynezyns and to paye none other custumes ne subsidies for theyre marchaundyse Inwarde & outward but as a deinezinge vnder colour where of thei custume not all oōli their owne marchaundyse vnder the fourme aforesayd but also they colorably entre in to the Custumers bokes the marchaundyse of other

straungers callynge & sayenge the sayd godes of other marchauntes to be the godes of theym so made denesins / to the grete losse & defraude to y^e kyng our so¦uerayne lorde / wherfore be it enacted by y^e kynge our souerayne lorde the lordes spūall & temporall & the comyns of this presente parlyamente assēbled & by auc∣torite of the same that all marchauntes straungers & other y^t be made deynezins the kyngys letters patentes or otherwise / peye from hensforth suche custumes & subsidees for theyr godes & marchaundyse Inwarde and outwarde as they sholde haue payed yf suche letters patētes & graūtes had neuer to theim be made.