Disertissimi viri Rogeri Aschami, Angli, Regiae maiestati non ita pridem a Latinis epistolis, familiarium epistolarum libri tres magna orationis elegantia conscripti. Quorum primo præfigitur elegantissima epistola de imitatione oratoria. Huc accesserunt eiusdem pauca quædam poëmata. Omnia in studiosorum gratiam collecta, & nunc primum ædita studio & labore Eduardi Grantæ, Schoolæ Westmon. moderatoris. Addita est in fine eiusdem Ed. Gr. oratio, de vita & obitu Rogeri Ashami, ac eius dictionis elegantia, cum adhortatione ad adolescentulos.
Ascham, Roger, 1515-1568., Grant, Edward, 1540?-1601.
Page [unnumbered]
Liber de se ad illustrissi∣mam Reginam Elizabetham.
NOn vaga mordacis metuo conuitia vulgi,
Non ego curo tuas improba turba minas.
Indoctos sperno, rabiosaque murmura Momi,
Reginae satis est posse placere meae.
Illa fuit Domini semper gratissima princeps.
Illi semper erit cura benigna mei:
Illa solet gratè doctos admittere libros,
Illa solet cupidè voluere saepè libros.
Consilio pollet prudens, probat omnia rectè,
Ingenio praestat, praestat & arte graui.
Iudicio insignis, rerum vsu, mente, loquela,
Ac praeceptoris grata memorq́ue sui.
Principis ast dubito penetralia visere gressu:
Quid? non est clemens Elisabetha suis?
Elisabetha suis decus & tutela Britannis
Clemens, clementi suscipit ore libros.
Te precor (Elisabeth) grato me suscipe vultu,
Protege, volue lubens, sum tuus ecce liber.
Turba maligna vale, fuge tu dignissima morte,
Turba benigna veni, perlege, disce, vale.
