i. ¶Of ye fynall intencyō y• a kynge ought to haue.
FOr the begynnynge of largesse that a kynge ought to haue / is to haue good fame / wher∣by the grete realmes & grete lordysshyppes be gotē. And yf thou desyrest to get realmes or lordysshyppes / yf it be not by good fame / thou shalt gete none other thynge but enuy. And enuy bredeth lesynges / whiche is mater and rote of all vyces. En∣uy bredeth yll speche / yll speche bredeth hate: hate bre¦deth vniustyce / vniustyce bredeth batayle / batayle breketh all lawe / dystroyeth cytees / and is cōtrary to nature. Than thynke dere sone & set thy desyre to get good fame / and thou shalt haue in the crouth and all thynges laudable / for it is cause of al welth. For it is cōtrary to lesynges / whiche is mater of all vyces / as it is sayd. And trouth engendreth the desyre of Iusty¦ce. Iustyce engendreth good saythe. Good faythe en∣gēdreth famylyaryte. Famylyaryte engēdreth frend¦shyp. Frendshyp engendreth councel and helpe. And for this cause all the worlde was ordeyned / & the la∣wes made which be conenable to reason and nature. It appereth than that the desyre to haue good fame is honourable and perdurable lyfe.