harde, the other that intendeth to receyue hym, is than constrayned to vse semblable vyolence, if he wyll retourne the bal from whens it came to hym. If it trille faste on the grounde, and he intendeth to stoppe, or if it rebounde a greatte dystaunce from hym, and he wolde eftesones returne it, he can not than kepe any measure in swyftnes of mocion.
¶ Some men wolde say, that in mediocri∣tie, whiche I haue soo moche praysed in shootynge, why shuld not bouling, claishe, pynnes, and koytynge, be as moche com∣mended? Ueryly as for two the laste, be to be vtterly abiected of all noble men, in lyke wyse foote balle, wherin is nothynge but beastely fury, and extreme violence, wher∣of procedeth hurte, and consequently ran∣cour and malice do remayn with them that be wounded. Wherfore it is to be put in per petuall sylence.
¶ In claysse is employed to littel strength, in boulynge often tymes to moche, wherby the sinewes be to moche strayned, and the veynes to moche chafed: wherof often ty∣mes is sene to ensue ache, or the decreas of strength or agilitie in the armes, where, in shoting, if the shoter vse the strength of his bowe within his owne tiller, he shall neuer be therwith grieued or made more feble.