Page 58
Le ieu des dets. Chap. 8.
ALLons au berlan pour hasarder chacun son escu.
Ie n'ay qu'vn demy-escu à perdre.
Si ie pensoye perdre, ie ne iouroye pas vn Liard.
Apportez des dets icy.
Voyciles boeufs, les osselets!
Iouons à la chance à trois dets.
Ie veux iouer à la raffle, ou à la chance à deux dets.
Que iouez vous compagnon?
Ce quart d'escu seulement.
Ie l'ay gaigné.
Non, non, nous ne iouons pas de bon encores.
Ie l'ay gaigné, & le veux auoir.
Tu n'emporteras pas mon quart d'escu ainsi Pourquoy?
Pource que ie l'ay perdu seulement par vn point.
C'est assez pour perdre d'vn point.
Par vn point Saint Martin perdist son manteau.
Par dieu vous me payerez pourtant.
Il y a bien autre chose.