Page 61
La Chasse. Chap. 10.
LE deduit de la chasse me delecte sur tous autres ieux.
I'ay vn levrier nompareil.
Et moy vne lyce qui me tuera vn lieure en son giste.
Il n'y a point du plaisir en cela.
I'ayme veoir les braquets chasser & leuriers courir.
Vous auez vn beau mastin, que sçait il faire?
Lapper, iapper, vrler, & ab∣bayer du matin.
Le chien abbayant est le plus souuent couard, & ne mord pas.
On doibt toutefois croire I'abbay d'vn vieil chien.
Nous accouplerons mon leurier & vostre mastin ensemble.
Mon mastin ne va pas en lesse.
Il est difficil d'accoustu∣mer vn vieil chien à la lesse.
De couplons noz braquets, ils traceront la routte & suivront les erres.