¶Howe that a good prynce ought to be ressemblyd to a good shepeherde▪ Capitulo. ix.
••Nwe we haue towched in y• firste poynte▪ where vpon the bounte of the prynce ought to be pryncypally foun ••ed. And here after we muste speke of the seconde poynte / that is to knowe that the good prynce ought to loue ▪ yngulery the comon wele / and the encreace therof more than of his owne▪ after the doctryne of Arystotyle▪whiche is declared in his bo ••e of polytykes / that sayth that tyrānye is when a prynce get∣teth more goodes for his owne profyte / then for the comon wele And that is also agaynst the lordshyp Royall for he ought to be more dylygent to encreace the wele of his comons than his owne wele▪ Nowe it muste be deuyled in what maner he may ••lande and shewe this loue▪ The good prynce that loueth his lande muste kepe his people dylygently after the ensample of a good Shepeherde / whiche kepyth well his shepe and ma∣keth good watche by great dilygence for to defende them from the wolfe and other euyll beestes / and that they be clenly kept and in helthe to that entent. that they may encerace and fru∣tyfye and yelde theyr wolle hoole and sounde▪ and made fatte by the e••the by y• whiche they be norysshed and kept / So that the shepeherde maye be well payde of the fleces gadred in sea∣son▪ But the great ryche shepeherde that gyueth great good to kepe his shepe / for bycause he maye nat kepe all his flokes hym selfe purueyeth hym of helpe good & couenable / & taketh with hym good dylygent. and wyse seruant / whiche he kno∣weth w••ll that they ben trewe and loue his profyte / Then he