¶Of them of the cyte of Boyaux of hanybal and of De¦nys the Tyraunt / ¶Capitulo / iij / (Book 3)
IN the tyme of the conquestes of rome it happed ones that the oost of the romayns sholde passe by the forest that is called Latyne for to goo vpon the cyte of Boyaux And whan the dwellers were aware of hit they went soo¦ne in to the sayd forest & dyde sawe al tho trees by the wa¦ye there as they shulde passe by / so that a lytel thinge wolde haue brought hem doune / and after they had thus doon they hided hem self within the thykke busshes of the forest / And whan the said oost was entred therynne / they that were hydde lepte fourth / ¶And dyde shoue the trees that thus were sawed vpon the oost of the Rommayns so that a Ryght grete parte of theym were ther by feld adoune