Thesaurus linguæ Romanæ & Britannicæ tam accurate congestus, vt nihil penè in eo desyderari possit, quod vel Latinè complectatur amplissimus Stephani Thesaurus, vel Anglicè, toties aucta Eliotæ Bibliotheca: opera & industria Thomæ Cooperi Magdalenensis. ... Accessit dictionarium historicum et poëticum propria vocabula virorum, mulierum, sectarum, populorum, vrbium, montium, & cæterorum locorum complectens, & in his iucundissimas & omnium cognitione dignissimas historias.

ANNOTATIONES QVIBVS STVDIOSI LECTORES ADMO∣NENTVR DE RATIONE & ordine istius libri, ne fortè in quaeren∣dis dictionibus vel errent vel haesitent.

ORDINEM alphabeticum diligenter in omnibus ser∣uaui, praeter{quam} in illis vocabulis quae ab alijs deducuntur. Nam, quae Grammatici vocant deriuatiua, reieci ad suos fontes, vnde proma∣nant & profluunt. Vt istae dictiones Esurio, Esuriens, Esuries, Esuri∣tio, &c. non habentur in alphabetica serie, sed post verbum Edo, à quo deriuantur. Quam rationem ideo putaui vtiliorem fore, quod facile iuuenis cognoscat, vtrum dictio, de qua dubitatur, primoge∣nia sit, an deductitia: & si deductitia, à quo tandem trahatur, & quos habeat generis consortes. Suis tamen locis in alphabetico ordi∣ne reperies, vbi ista, post suas origines, quaerenda sint.

Vernaculas phrasium & locutionum interpretationes de indu∣stria plurimis in locis inuenies mancas & imperfectas. Vt in ver∣bo Colligo, istae locutioni, Colligare impetum furentis, adieci interpretationis causa tantummodo, to re∣presse, &c. reliquam partem sententiae reliqui industriae lectoris. Item, in Circulus, ista sententia, Circu∣los suos orbes{que} conficiunt celeritate mirabili stellae, hanc imperfectam habet adiunctam expositionem: Go their courses wyth marueylous. &c. Vbi vides eius duntaxat partis expositionem, quae difficillima sit, & quae pertineat ad vocabulum, cuius vsus eo loco describitur: caetera consulto praetermisi. Hanc ratio∣nem licet multis fortasse minus probatam, me tamen vel inuitum persequi coegit studium breuitatis: quam licet & hac in re, & alijs quibuscunque potui modis secutus sum, vides tamen plus iusto volumi∣nis magnitudinem creuisse.

Non defuturos scio, qui vernaculam interpretationem reprehendant, tanquam multis in locis parum commodè latinis respondentem. Sed ab aequis lectoribus vehementer contendo, vt iudicium su∣um differant, donec in eum locum inciderint, vnde phrases ipsi•• desumpte sunt. In maternum enim sermonem transfudi, non eo quidem sensu, quem prima fronte p••aese ferre videntur Latina: sed iuxta mentem & sententiam authoris, quem citaui. Exempli causa, in Viuus sic legent, Viui peruenimus illuc. Virg. Statim expectabunt hanc interpretationem, We came thyther alyue. Sed ego sensum authoris fe∣cutus, sic verti: We haue lyued to sée that. Item in Tarditas, Cursu corrigere tarditatem, hunc in modum in∣terpretatus sum: With more spéede to make amendes for his slownesse before time. At multi credent ma∣gis appositè me vertisse, si dixissem, To amende his slownesse with running. Quae interpretatio longè dis∣crepasset ab authoris sententia. Haec pauca satis fuerit exempli causa demonstrasse: cum tamen alia plurima sint eiusdem generis.

Omnis dictio, quae ex classicis & probatis authoribus depromitur, habet authoris nomen ascrip∣tum. Quod si qua non habuerit, eam scito vel Graecam esse, nec dum in satis probatum vsum Latini sermonis pertractam: vel eiusmodi Latinam, quae in laudatis scriptoribus non reperiatur.

Locutionum formulae post vnumquodque vocabulum non temerè & confusè, sed alphabetica serie commodissimè congestae sunt, vt minori negotio se quaerentibus offerant.

Vbicunque repereris hanc notam ascriptam. ¶. ibi scito vel significationem, vel vsum dictio∣nis nonnihil discrepare ab eo, quod proximè superius praecesserat.

NON inutile mihi videtur, vt, propositis quibusdam exemplis, quasi digito ty∣ronibus demonstrem, quem fructum possint ex hoc Thesauro decerpere. Quae res si fortè á me tractabitur magis crassa Minerua, quàm vt prouectioribus & excer∣citatis gratum esse possit: cogitent me eorum maximè causa facere, qui destituti magistris viuae vocis institutionem non sunt consecuti. Hanc item rationem si illi Literarum magistri, qui per se meliorem excogitare non possunt, in suis praelectio∣nibus obseruare voluerint, non inutilem meo iudicio nauabunt operam.