To the extent possible under law, the Text Creation Partnership has waived all copyright and related or neighboring rights to this keyboarded and encoded edition of the work described above, according to the terms of the CC0 1.0 Public Domain Dedication (http://creativecommons.org/publicdomain/zero/1.0/). This waiver does not extend to any page images or other supplementary files associated with this work, which may be protected by copyright or other license restrictions. Please go to http://www.textcreationpartnership.org/ for more information.
REcte facit Pater, laudem{que} meretur proculdubio, si Filiam Virginem, dolis lenonum, ad ga∣neas forte abreptam, rituque jam meritricis ornatam, protinus il∣linc eximat, incolumi adhuc pudicitia illius, in∣que suas rursum ipsius aedes reducat: Sed idem
satis non esse putat, ad tuendam suam, filiaeque illius, & totius adeo familiae suae honestatern, exe∣misse e ganeis filiam, inque suas aedes reduxisse; nisi illi id totum plane detrahat, quod in ganeis illis pro ornatu meretricio haberi videt. Neque disquirit, undenam ornatus ille originem suam habeat: sed indecorum sibi, adeoque & castitate filiae suae, & familiae etiam totius indignum esse judicat, ut aliquid omnino ejusmodi domisuae conspiciatur, undecunque tandem deductum esset, quod in ganeis ipsis pro ornatu meretricio haberi non ignoret. Neque hic audit eorum per∣suasiones, qui omnia ex Patris arbitrio domi suae, aestimanda esse dicunt; & proinde ornatum quo∣que meretricium illum in ganeis, honestissimum jam fore putant domi paternae, cum filiae illi, tum etiam reliquae toti familiae, si quidem pater∣na authoritate comprobaretur; eò quod in Pa∣tris id potestate positum esse videatur, ut quae illi probantur, ea jam honesta etiam domisuae om∣nia esse censeantur. Intelligit enim, etiamsi do∣mi suae, pro honestis haberentur omnia quae ip∣se sua authoritate comprobasset; honestatem ta∣men filiae illius, & familiae suae totius, non intra domesticos sibi duntaxat parietes suos, sed per
totam etiam civitatem reliquam, tuendam esse; ut omnem malam suspicionem, apud omnes omnino cives, a domo sua depellat: & cavet ne ullis rursus lenonibus, ullam deinceps etiam re∣poscendae denuò ad ganeas filiae suae occasionem quoquo modo relinquat, pro jure ipsorum; si quae apud illam notae adhuc tales, ganeis familia∣res, conspicerentur.
Ita vero, etiam Parentum loco sunt in Dei Ec∣clesia, veluti in civitate quadam, & Verbi, & Gla∣dij Ministri omnes; habentque sibi concreditum ab ipsomet Domino Deo, veluti filiae loco, pu∣rum ac legitimū ministerium Sacramentorum. Hic igitur istorum Ecclesiae Parentum (ut ita jam loquamur) fidem ac studium nemo non merito laudaverit, si concreditum sibi ab ipsomet Deo (veluti filiam quandam) purum ac legitimum Sacramentorum ministerium, ab Antichristi Ro∣mani, & lenonum suorum ganeis, in quas vi ac tyrannide ipsorum abductum fuerat, in suas ip∣sorum domos rursus, in curam (inquam) ac cu∣stodiam suam reduxerunt. Sed hic cogitare de∣bent utrique, potissimum autem ij, qui non fru∣stra Praecellentes Dei Ministri, Altoresque Eccle∣siae Dei a Spiritu Sancto vocantur, Reges (in∣quam)
ac Monarchae Christiani, satis non esse, si filiam illam e ganeis Papisticis, in aedes rursus suas ipsorum, hoc est, in curam custodiamque suam recipiant, nisi eam etiam omni illo orna∣tu plane exuant, quem in ganeis ipsis, meretri∣cium ornatum & esse, & haberi sciunt; nequid ejusmodi domi ipsorum conspiciatur, quod pro meretricio haberi posset: in ea potissimum ci∣vitate, in qua varia sunt adhuc judicia hominum; neque ab uno homine gubernari possunt; & in qua adhuc multam, infinitamque lenonum tur∣bā superesle constat. Ne{que} hic audient persuasio∣nes illorum, qui ornatum ejusmodi (undecun∣que tandē desumptus esset) honestum nihilomi∣nus domi paternae fore existimant, si Patris ipsius authoritate comprobetur. Intelligunt enim, non toti se Civitati omnino, non toti (inquam) Dei Ecclesiae, sed parti duntaxat illius alicui, veluti domui ac familiae cuidam praeesse: et proinde, etiamsi domi suae, pro honestis jam haberi vi∣deant, quae ipsi sua authoritate comprobassent; sui interim officij esse agnoscunt (quatenus equi∣dem castitatis am••ntes, publicae{que} honestatis stu∣diosi haberi volunt) ut filiae illius, totiusque adeo familiae suae honestatem, non inter domesticos
tantum parietes suos, sed per totam illam civita∣tem etiam, omni studio, ac cura tueantur, nihil∣que domi suae conspici patiantur, quod in ejus∣dem civitatis ganeis, ac lupanaribus, maximo lenonúomnium conatu, ac tyrannide, pro mere∣tricio haberi interim, urgerique, ac propugnari vident. Postremo, cavendum sibi modis omni∣bus esse putant, ne eisdem lenonibus rursum, aut eorum similibus, ullam omnino occasionem (pro jure ipsorum) relinquant, quoquomodo reposcendae fi••••ae illius suae; si quae notae adhuc (ganeis illis familiares) apud illam conspiceren∣tur.
Iam vero tu quoque unus es ex hisce Ecclesiae Dei Altoribus (Rex Serenissime) quo quidem nomine, summas Deo Patri nostro coelesti gra∣tias agimus. Et concreditum tibi, in praecellen∣ti vocatione hac tua, a Domino Deo, Sacramen∣torum Ministerium, veluti filiam quandam, ga∣neis jam Papisticis, in tuas rursum aedes (Divino beneficio) hoc est, in curam ac custodiam tuam domesticam reductum habes. Hic tu igitur ti∣bi quoque sequendum esse cogitabis, in his quae adhuc restant, propositum jam boni Parentis exemplum, in tuenda reductae filiae, totiusque a∣deo
familiae tuae, publica honestate, non tantum in Regno tuo florentissimo, sed in Chatholica etiam Christi Ecclesia, cujus alioqui & ipse civis es, ejus{que} partem pulcherrimam, veluti insignem illius familiam tibi concreditam habes. Hoc ve∣ro abs te pij omnes, toto orbe Christiano, exspe∣ctant. Etquidem tanto majore desiderio, quanto majoribus atque excellentioribus donis te a Do∣mino Deo nostro ornatum, ac sublimiore etiam, supra alios fere omnes, loco, positum esse non ignorant: nempe ut Sacramentorum Ministe∣rium, illecebris meretricijs, in Papae ganeis, ne∣fandissimè profanatum, omni illarum ornatu meretricio exuas; suoque illud ornatu virgineo rursus induas; quo videlicet a summo illo Re∣gum omnium Rege ac Nomothete, Christo Domino, in suis institutionibus ornatum esse constat. Sic enim nota demum erit toti Ecclesiae Christi, fides tua, in tuenda filiae tibi concredi∣tae, non domi modo tuae, sed toto etiam orbe ter∣rarum, publica honestate.