The workes of Geffray Chaucer newlye printed, wyth dyuers workes whych were neuer in print before: as in the table more playnly doth appere. Cum priuilegio ad imprimendum solum.

¶To knowe sothly the longitude of the mone or any planette that hath no latitude fro the tyme of the eclip∣tyke lyne.

TAke the altitude of the mone, and reken thyne altitude vp amonge thyne Almycantras on whyche syde that the mone standeth, and sette there a pricke. Take than anone ryght vpon the mones syde the altitude of euerye sterre fixe that thou knowest, and set his cir∣cle vpon his altitude amonge thyne almycā∣tras, there the sterre is founden, wayte than of whiche degree the zodiake is, to whyche the prycke of the altitude of the moone, and there take the degree in whyche the moone standeth. Thys conclusion is verey sothe of the sterres in thyne astrolabye, and stan∣den after the trouthe. Some treatyse of the astrolabye maketh none exception whe∣ther y^e mone haue latitude or none, nor whe∣ther syde of the mone y^e altitude of the sterre be founde. And note yf the moone shewe her selfe by day, than maist thou wortch y^e same cōclusion by the sūne as wel as by the sterre fixe.