L'execution de iustice faicte en Angleterre pour maintenir la paix publique & chrestienne, contre les autheurs de sedition, adherens aux tristres & ennemis du royaume: sans aucune persecution contre eux esmeuë, pour matiere de religio[n], commeil a esté faucement aduancé & publie,́ par les fauteurs & nourriciers de leurs traisons. Descrite premierement en Anglois, puis traduite en langue Franc̜oise, en faueur de autres nations & personnes, qui ont l'vsage d'icelle.

AV LECTEVR.

AMY Lecteur, encores que le gou∣uernement tres-doux & gracieux de sa Maiesté, soit suffisant pour la defence de soy-mesme, contre le diffame de la tyrānie paganesque & barbare, & des cruelles tortures qu'on pretend auoir esté dō∣nées à certains Traistres, qui n'agueres ont pati pour leur traison, & autres: & lesquelles ont esté aussi bien diuulguées, par les Apostats Iesuites & Seminaires en leur seditieux liures, lettres & libelles, par les pays estranges & cours des Princes, comme insinuées és coeurs d'aucuns de nos compatriots & subiects de sa Maiesté: Neāt∣moins pour mieux te satisfaire, i'ay conferé auec vn fort honneste Gentil-homme, lequel ie cognoy auoir bon & suffisant moyen contre tels forgeurs de mensonges & impudens calumniateurs en ce faict de declarer la verité, laquelle & luy & au∣tres qui cognoissent & afferment le mesme, se∣ront tousiours prests de iustifier. Or pour te rēdre plus certain & asseuré touchant cela, il à expose a la veuë de tous hommes, les aduertissemens qui ensuyuent.