Page i
De sancto Adriano abbate & confessore.
SEynt adryan was abbot of the monaste¦ry of viridian / that is a lytle fro napuls And for his ••••••tue / and cunnynge vita¦lian / the pope wolde haue made him ar¦chebussope of Caunterbury / & he of me∣kenes refusyd it for his escuse desyred yt saynt Theodre myghte be elected ther∣to / & so he was vpon this cōdicion that he shulde accom∣pany seynt Theodre into Englōde and he assentyd and so refusynge the honoure he toke the laboure / And when he came into Englōde he had cōmyttyd to hym the rule of the monasterye of seynt Augustyne of Caunterbury and there he gadered a great multytude of dyscyples & taught them metyr astronomye arythmetryke / & also dy¦uynite / & many of his dyscyples coulde greke & latē tōge as well as theyr owne / & he with seynt Theodre taught ye tewnes of syngynge in ye churche of Englond which afo¦re theyr tyme was onely vsed in Kent / & he passed out of this worlde full of good werkes / & good exaumples the .v. I••••s of Ianuary / in the yere of our lorde God seuyn hundred ••••iii. & lyeth in his monastery at Caūterbury And after his deth shypmē of Englōde which were lyke to haue ben robbed by pyratis ī ye see by prayer to seynt Adryan were delyuered / he reysed a man fro deth / & he appered to one / & bad hym shewe seynt Dunstane yt he dwellyd ī houses yt were well & sufficiētly couered / but ye moder of almyghty god & he / & other her seruauntes lay open to ye heuyns wherfore anone seynt Dūstane repay¦red the Churche of our Lady / and vsed moche to be the∣re in contemplacyon / and on a nyght as he was there in prayers he sawe euydently our Lady & seynt Adryan in