Here begynneth the kalendre of the newe legende of Englande

¶De sancta Keyna virgine.

SEynt Keyne virgyne was doughter to the kynge of Breghenoke in the West parte of great Brytay¦ne and nygh of kyn to seynt Dauid / and awnte to seynt Cadoke / when her moder was with childe with her she sawe in vision her bosome full of myrre and balme / and her tetes shynynge of a heuenly lyght and she thought that in stede of a childe she was delyuered of a fayre wyght / and when she was first borne her face was somtyme whyte lyke snowe / somtyme bryght shynynge lyke the sonne at her ye∣res of maryage she forsoke all mariages aduowynge to ke¦pe virginite / & lyued in a desert beyonde seuerne / where by her prayers serpent{is} that byfore y^t tyme had made the coun¦tre Inhabitable tourned into stones seint Keyne made ma¦ny oratours & after she went to seynt Myhellis mount and there she met with seynt Cadoke / & by monicion of an Aun¦gell she went into her countre agayne and dwellyd at the fote of a Hylle / where by her prayers sprange a fayre welle wherby many haue ben helyd / she saw in her slepe a beame of fyre descende there wher as she lay on a bare pauimēt w^t grene bowes vnder her & two aungelles appered vnto her & one of them Reuerently dyd of a heer that she had vsed to weer & appareylled her with goodly apparell / & bad her be redye to go w^t them into y^e kyngdome of her fader / & when she gladly wold haue folowed theym she awoke felyng her

selfe seke of the Axes / and then she called seynt Cadoke to her and tolde hym she wolde be buryed in that same place / whiche she sayd she wolde in spiryte ofte vysyte / before her deth she sawe a great company of Aungelles redy to take her soule with great Ioy without feere or parell / and when she had tolde theym that stode aboute her therof she depar¦ted the .viii. Idus of Octobre / and anone her face was of a coloure lyke red roses and a swete sauour was aboute her that all that were there thought it lyke a Ioye of Parady∣se / and seynt Cadoke buryed her in her oratorye where she had lyued a harde and a blessyd lyfe many yeres.